CLOSE WINDOW

D2247
བོད་ཡིག

/ //rgya gar gyi mkhan po badzra pA Ni dang / bod kyi lo tsA ba mtshur dz+nyA na A ka ras bsgyur cing zhus te gtan la phab pa'o/[ ]@##/ /rgya gar skad du/ do ha ti nA ma ta t+t+wa u pa de sha/ bod skad du/ do ha ti zhes bya ba de kho na nyid kyi man ngag /dpal he ru ka la phyag 'tshal lo/ /theg pa gsum ni gnas pa zhes bshad de/ /bye brag smra ba gnyis su shes par bya/ /nyan thos dman dang 'bring po nub phyogs pa/ /mchog dang rang rgyal dag ni kha che ba'o/ /phung po lnga ni kun gyi grub mtha' yin//gang zag brjod med nub phyogs pa gnyis 'dod/ /thams cad ji srid 'tsho bar gsum skyabs 'gro/ /bdag nyid dul ba'i snying rje lhag par 'byung / /theg pa dman pa mi gtsang bam pa de/ /lus gtsang blo de dri mar shes par bya/ /'byung dang 'jug pa 'bring po'i sgom pa ste//de yi dri ma bum par mnyam sbyor yin/ /rab kyi sgom pa bden pa bzhi po ste/ /yan lag rgyas lam gang zag stong pa nyid/ /sdug bsngal 'khor ba kun 'byung chags pa ste/ /'gog pa mya ngan 'das pa zag med lam/ /rtag pa bzhi pa la dmigs dri ma med//rang gi bsam mi khyab sgom rang sangs rgyas/ /mnyam gzhag 'di ni dri ma gnyis shes te/ /myos dang sems med pa ru shes par bya/ /phra ba 'dus pa mdo sde pa yi lugs/ /bsam mi khyab sgom dri ma sngon dang 'dra/ /'di yi lta ba pha rol phyin drug nyid/ /snying rje'i stobs kyis yongs su bsngo ba'o//'gro ba sems tsam yin te rdul phran med/ /rnal 'byor spyod pa rmi lam lta bu ste/ /sngon po ser po la sogs sna tshogs snang / /gang zhig 'dod pa thams cad rang bzhin te/ /thams cad rang gis rig pa'i bsam gtan no/ /rtag par lta ba sgom pa'i dri mar shes//gzhan yang srid pa'i bag chags 'dod pa'o/ /rnam pa thams cad mi mthun phyogs su gnas/ /gnyis su med mnyam bsam yas rnam par dag /snying rje'i rang bzhin rnam med rdzogs sangs rgyas/ /gzugs kyi sa gnyis rtsa ba las 'phros te/ / bsam gtan lta ba'i dri ma sngon rang bzhin/ /mtha' bzhi spangs nas rang gi rig pa tsam/ /chu zla sgyu ma rmi lam lta bu nyid/ /lta ba 'di yi bsam gtan de gsungs pa'o/ /rang rig spangs pa'i chad pa dri ma yin/ /'gro ba gzhan nas gzhan du gzhan thob 'gyur/ /rnam pa thams cad rang bzhin dag pa ste//'di ni dpe med rab tu mi gnas pa'o/ /bsam gtan lta ba'i dri ma mtha' dag rig /rnam pa de phyir pha rol phyin theg pa'o/ /bde ba'i rang bzhin nyams myong gsang sngags che/ /rdo rje dang ni mtsho skyes sbyor ba'i sems/ /mchog tu chags pa'i nyi zla yang dag sbyor//snying rje'i thabs kyi stobs kyis 'gro ba kun/ /gdod ma'i bde ba der ni de bzhin nyid/ /gang du ro mnyam byang chub sems rang bzhin/ /de ni lhan cig skyes pa'i bde ba'o/ /de tshe gnyis ni sngon du der lhung ba/ /gzhan yang stong dang snying rje der mnyam gyur//'gro kun lhan cig skyes pa'i rnam pa ru/ /bla ma mchog gis bka' stsal ji ltar rtogs/ do ha ti zhes bya ba de kho na nyid kyi man ngag rdzogs so// //a ba d+hU tI pas mdzad pa/ /rje btsun d+hi ri shrI dz+nyA nas bsgyur ba'o// //