CLOSE WINDOW

D2245
བོད་ཡིག

/de yis gnyis med bsam mi khyab pa yi/ /bde ba chen po'i bdag nyid thob par shog /dbang gi cho ga mdor bsdus pa rdzogs so// //dpal gnyis med rdo rjes mdzad pa'o/[ ]@##/ /rgya gar skad du/ pany+tsa swa b+hA ba/ bod skad du/ rang bzhin lnga ma/ dpal rdo rje sems dpa' la phyag 'tshal lo/ /spros pa med cing bla na med/ /rdo rje sems dpa' la phyag 'tshal/ /mdor bsdus slob mas rtogs bya'i phyir/ /rnam pa lnga ni bdag gis bshad/ /oM AHhUM zhes pa 'dis bdag dang gnas dang rnal 'byor bsrung bar byas la/dri zhim po la sogs pas byugs pa'i sa'i cha gru bzhi pa la sogs pa'i dkyil 'khor gyi dbus su/ /de bzhin gshegs pa lnga dang / /rnal 'byor ma lnga rnams mchod de/ de la dbus su kha dog sna tshogs pa'i paM yongs su gyur pa las sna tshogs pad+ma 'dab ma brgyad pa kha bye ba'i lte ba'i steng du raM dmar po yongs su gyur pa las nyi ma'i dkyil 'khor la gnas pa'i hUM sngon po las mi bskyod pa zhal gcig phyag gnyis pas gnon gyi phyag rgya mdzad pa/rdo rje'i skyil krung bcas pa/ mtshan sum cu rtsa gnyis dang dpe byad bzang po brgyad cus brgyan pa'i sku stobs bcu dang mi 'jigs pa la sogs pa'i yon tan gyi tshogs kyi gnas bu ga dang sha dang rus pa spangs pa/rab tu snang ba tsam ste me long gi gzugs brnyan dang mtshungs pa/ bden pa ma yin brdzun pa ma yin pa/ byams pa chen po'i bdag nyid yin pa'i phyir kha dog nag po//rdo rje nag po'i phyag mtshan can chos kyi dbyings rnam par dag pa phung po lnga'i rang bzhin te/ skra dang kha spu bregs pa chos gos gyon pa'i sku/ /spyi bor rdo rje sems dpas mtshan pa/ /rdo rje sems dpa'i rang bzhin stong pa nyid dang snying rje dbyer med pa'o//de nyid rgyu dang 'bras bu'i bdag nyid rnam pa thams cad mchog dang ldan pa'i stong pa nyid kyi mtshan nyid 'dus ma byas shing / de bzhin nyid kyi bdag nyid yin pa'i phyir chos kyi sku'o/ /rab tu snang ba tsam yin pa'i phyir longs spyod rdzogs pa'i sku'o//brtags pa'i rnam par shes pa'i ngo bo yin pa'i phyir sprul pa'i sku'o/ /de skad du gsungs pa/ 'dus ma byas sems chos kyi sku/ /rtag pa longs spyod rdzogs mtshan nyid/ /sna tshogs de nyid sprul pa'o/ /gnyug ma kun gyi rang bzhin no/ /zhes pa'o//rnam par rtog pa la sogs pas mi rig pa'i phyir rdo rje'i rigs can dang / /rdo rje'i rigs de 'jig rten pa rnams kyis mi rig pa'i phyir ro/ /zhe sdang dang / rdo rje chu dang / drang ba dang / nyi ma phyed dang / ro tsha ba dang / thos pa dang / nam mkha' dang / sgra dang tsa'i sde tshan te/'di dag ni mi bskyod pa'i rnam par dag pa/ /phyi rol dang nang gi bdag nyid kyi rnam par gzhag pa'o/ /'dir yang sku bzhi'i rnam par gzhag pa ni snga ma bzhin no/ /oM AHbadzra d+h+r-ika hUM/ 'di ni bzlas pa'i sngags so/ /rdo rje sems dpa' yang hUM las skyes pa dkar po zhal gcig phyag gnyis pa rdo rje dril bu 'dzin pa yid kyi rang bzhin//stong pa'i rgyas btab pa/ ro bska ba'i lus/ ston ka'i dus rnam par dag pa/ ya ra la wa la sogs pa'i bdag nyid nam phyed nas nam langs pa'i bar te/ chos kyi dbyings zhes bya ba ming gzhan no//shar gyi 'dab ma la zla ba'i dkyil 'khor gyi steng du/ oM las skyes pa'i rnam par snang mdzad mdog dkar po 'khor lo dkar po'i phyag mtshan dang / byang chub mchog gi phyag rgya can/ gzugs kyi phung po rang bzhin dang / gti mug gi lus kyi rang bzhin dang /bshad pa'i rnam par dag pa dang / de bzhin gshegs pa'i rigs can dang / me long lta bu'i ye shes rab tu gnas pa dang / dgun gyi dus rnam par dag pa dang / ro mngar ba'i lus dang / ka'i sde tshan dang / snga dro'i thun gyi bdag nyid dang / lus kyi rang bzhin no/ /oM AHdzi na dzika hUM zhes bya ba 'di ni sngags so//lho'i 'dab ma'i nyi ma'i dkyil 'khor gyi steng du trAM las skyes pa'i rin chen 'byung ldan kha dog ser po rin po che'i phyag mtshan dang / mchog sbyin gyi phyag rgya 'dzin pa/ tshor ba'i phung po'i rang bzhin dang phra ma'i lus dang / khrag gi bdag nyid rin po che'i rigs/ mnyam pa nyid kyi ye shes kyi rang bzhin dang ldan pa/ dpyid kyi dus rnam par dag pa/ lan tshwa'i lus kyi rang bzhin/ Ta'i sde tshan gyis khyab pa thun tshod gsum pa'i bdag nyid do/ /'di'i sngags ni oM AHrat+na d+h+r-ika hUM zhes pa'o/ /de'i nub kyi 'dab ma la nyi ma'i dkyil 'khor gyi steng du hrIHd+mar po las yang dag par byung ba'i 'od dpag med kha dog dmar po pad+ma'i phyag mtshan dang /ting nge 'dzin gyi phyag rgya 'dzin pa/ /'du shes kyi phung po'i rang bzhin dang / 'dod chags kyi lus dang / khu ba'i bdag nyid dang / pad+ma'i rigs can dang / so sor rtog pa'i ye shes kyi mtshan nyid dang / sos ka'i dus kyi rang bzhin dang ro skyur ba'i lus/ ta'i sde tshan gyi bdag nyid do/ /nub mo'i thun dang po'o/ /'di'i bzlas pa'i sngags ni/ oM AHa ro li ka hUM zhes pa'o/ /de'i byang gi 'dab ma la nyi ma'i dkyil 'khor gyi steng du khaM ljang gu las skyes pa'i don yod grub pa ljang gu / sha'i rang bzhin ral gri'i phyag mtshan dang / mi 'jigs pa'i phyag rgya 'dzin pa/ 'du byed kyi phung po'i bdag nyid dang / las kyi rigs dang / phrag dog gi rang bzhin bya ba nan tan gyi ye shes dang / char gyi dus kyi rang bzhin dang / ro bska ba'i rang bzhin/ pa'i sde tshan gyi rnam par dag pa dang / nam phyed kyi dus bzhin no//'di'i bzlas pa'i sngags ni/ oM AHpradz+nyA d+h+r-ika hUM zhes pa'o/ /de dag ni rdo rje'i skyil krung can/ zhal gcig phyag gnyis pa gtsug tor can skra dang kha spu bregs pa/ chos gos gyon pa/ mtshan sum cu rtsa gnyis dang / dpe byad bzang po brgyad cus brgyan pa/stobs bcu dang mi 'jigs pa la sogs pa'i yon tan gyi gzhir gyur pa bu ga dang / sha dang / rus pa spangs pa/ me long gi gzugs brnyan lta bu ste/ bden pa dang brdzun pa la sogs pa mtha' dag dang bral ba dri ma med pa rab tu snang ba tsam ste longs spyod rdzogs pa'i sku'o//sku gsum ro gcig pa ngo bo nyid kyi sku'o/ /'dus byas pa'i de bzhin nyid kyi bdag nyid chos kyi sku'o/ /brtags pa'i rnam par shes pa'i sku tha mi dad pa'o/ /gzugs dang tshor ba dang / 'du shes dang / 'du byed kyi phung po'i bdag nyid rnam par snang mdzad dang rin chen 'byung ldan dang 'od dpag med dang don yod grub pa rnam par shes pa tsam du rtogs par bya ba'i phyir mi bskyod pas rgyas btab pa yin te/mi bskyod pas dbu la brgyan pa'o/ /rnam par shes pa'i rang bzhin med pa stong pa dang snying rje'i bdag nyid du rtogs par bya ba'i phyir mi bskyod pa las yang rdo rje sems dpas rgyas btab pa yin te/de dag gis rgyu dang 'bras bu'i bdag nyid srid pa dang mya ngan las 'das par ro gcig pa tsam du 'gro ba 'di dag rtogs par 'gyur ro/ /de ltar yang / stong nyid snying rje dbyer med pa/ /gang la sems ni rnam bsgoms pa/ /de ni sangs rgyas dang ni chos//dge 'dun du yang bstan pa'o/ /bu ram mngar zhing me tsha ba/ /ji bzhin pa yi rang bzhin te/ /chos rnams thams cad stong pa nyid/ /de bzhin rang bzhin 'dod pa yin/ /de ltar yang / srid pa dag ni yongs shes na/ /mya ngan 'das zhes de la brjod/ /me'i mtshams kyi 'dab ma la zla ba'i dkyil 'khor gyi steng du laM dkar po las skyes pa'i spyan ma kha dog dkar mo//mig gi mtshan ma can sa'i khams kyi rang bzhin/ /de bzhin gshegs pa'i rigs las byung ba/ gti mug dga' ma'o/ /'di'i sa bon dang sngags ni/ oM AHlaM hUM swA hA zhes pa'o//bden bral du zla ba'i dkyil 'khor gyi steng du maM nag po'i sa bon las yang dag par byung ba/ mA ma kI kha dog nag mo rdo rje nag po'i mtshan ma can chu'i khams kyi rang bzhin rdo rje'i rigs zhe sdang la dga' ma'o/ /'di'i sa bon dang sngags ni/ /oM AHmaM hUM swA hA zhes bya'o//rlung gi phyogs su zla ba'i dkyil 'khor gyi steng du paM gyi sa bon las yang dag par byung ba/ gos dkar mo can zhes bya ba'i ming can kha dog dmar po pad+ma'i mtshan ma can me'i khams kyi rang bzhin pad+ma'i rigs 'dod chags la dga' ma'o/ /'di'i sa bon dang sngags ni/i AHpaM hUM swA hA zhes pa'o/ /dbang ldan gyi phyogs su zla ba'i dkyil 'khor gyi steng du sngo bsangs tI yongs su gyur ba las sgrol ma kha dog sngo bsangs ut+pal sngon po'i mtshan ma can/ rlung gi khams kyi rang bzhin las kyi rigs phrag dog dga' ma'o/ / 'di'i sa bon dang sngags ni/ oM AHtAM hUM swA hA zhes pa'o/ /de la lha mo bzhi ni lo bcu drug lon pa thun mong ma yin par mdzes pa/ gzugs dang lang tsho dang ldan pa ji ltar mdzes par yang dag par gnas pa'o/ /sku bzhi'i bdag nyid sngon bzhin yid du 'ong ba rgyal ba'i yon tan thams cad kyi rang bzhin du gyur pa/de bzhin gshegs pa lnga'i rang bzhin can de dag gi dbus su A li'i rang bzhin rdo rje sems dpa'i gzugs 'di ni rdo rje dbyings dang po nas grub pa'o/ /gzhung 'di byas pa'i dge ba gang phyir 'bad pa cung zad mdor bsdus slob mas rtogs bya'i phyir//cho ga 'di ni bsdus pas sems can rnams la phan pa yun ring du/ /rgyal ba kun gyi lung dang rigs par ldan pa'i phyir/ /ma lus dge ba 'di ni bdag gis thob pas 'gro ba rnams ni rgyal gyur cig /'di ni rdo rje sems dpa'i rang bzhin lnga pa dpal gnyis med rdo rjes mdzad pa rdzogs so/