CLOSE WINDOW

D2244
བོད་ཡིག

/ //rgya gar gyi mkhan po bla ma badzra pA Ni'i zhal snga nas dang / lo tsA ba mtshur ston gyis bsgyur ba'o//[ ]@##/ /rgya gar skad du/ saM k+Ship+ta She ka pra kri ya/ bod skad du/ dbang gi bya ba mdor bsdus pa/ dpal rdo rje sems dpa' la phyag 'tshal lo/ /thub pa'i sku ni bde chen po/ /thog ma med par rtag shar ba'i/ /lhan cig skyes dga' phyag 'tshal te/ /dbang gi chog gsal bar bshad/ /de la go rims ji lta pa bzhin du dbang bskur zhing gnang ba thob pa'i ting nge 'dzin gsum la mkhas shing /bzlas pa rig pa'i rnal 'byor pas/ /rang gi slob ma legs par brtags pa rjes su gzung bar 'dod pas rgyal po dang rkun ma la sogs pa'i nye bar 'tshe ba rnams dang bral ba'i dkyil 'khor gyi khang pa la sogs par cho ga ji lta ba bzhin du bris pa'i rdul tshon gyi dkyil 'khor ram/thang ka'i dkyil 'khor la sogs pa la lnga yis mchod de/ dgongs ka'i dus su bum pa lhag par gnas par bya'o/ /bcu dgu 'am/ dgu 'am/ lnga'am/ gcig la rdo rje sems dpa' dang /de bzhin gshegs pa dang / rin po che dang / pad+ma dang / las kyi rigs rnams dang / gti mug dang zhe sdang dang 'dod chags dang / rdo rje dga' ma rnams dang / gzugs dang / sgra dang / dri dang / ro dang / reg bya dang / chos kyi rdo rje rnams dang / gshin rje gshed dang / shes rab mthar byed dang / pad+ma mthar byed dang / bgegs mthar byed rnams kyi go rims ji lta bar thub pa'i mtshan ma bri bar bya'o/ /sna tshogs rdo rje dang rdo rje sngon po rtse lnga ga dengs pa dang / 'khor lo dkar po rtsibs brgyad pa dang / nor bu ma rka ta cha dgu pa dang / pad+ma dmar po dang / ral gri sngon po dang / mig 'bras sngon po'i spyan dkar po zung dang /rdo rje nag po rtse lnga pa dang / yal ga dang bcas pa'i pad+ma dang / ut+pal sngon po dang / me long dkar po dang / dri za'i pi wang sngon po dang / dung ser po dang / ro'i lhung bzed dmar po dang / gos sna tshogs pa dang / chos 'byung dkar po dang /rdo rje tho ba nag po dang / dbyung pa dkar po dang / pad+ma dmar po dang / rdo rje sngon po gdengs pa'o/ /rdo rje sems dpa' dang / rnam par snang mdzad dang / lha mo bcu ni sna tshogs pad+ma dang zla ba la'o/ /lhag ma rnams ni sna tshogs pad+ma dang / nyi ma'i gdan la gnas pa'o//las thams cad pa la ni rdo rje sems dpa' 'am/ bdud rtsi 'khyil pa bri bar bya'o/ /de la rnam par rgyal ba'i bum pa ni mchu yo ba med pa rtsa ba nag po med pa/ gsus pa che ba/ mgrin pa ring ba/ mtshan ma legs par bris pa/ gos gtsang mas mgrin pa dkris pa/ bu ta ta ba bal sogs pas kha brgyan pa/ gser dang dngul dang / rA dza brti dang / mu tig dang / byi ru dang / nas dang / gro dang / so ba dang / til dang / ma sha dang / br-i ha ti dang / kaN+Da ka ri dang / shwe ta a pa ra dzi ta dang / daN+Dot+pal dang / ha sa de ba dang / rin chen lnga dang /'bru lnga dang / sman lnga bum pa'i nang du blugs la/ dri'i chus yongs su bkang ste/ de la dkyil 'khor bsams te/ mchod yon dang zhabs bsil la sogs pa phul te/ ye shes kyi bdud rtsi zhu ba'i gzugs su gzhug go/ /de'i rjes la me tog gi phreng bas nye bar mdzes pa'i rdo rje steng du yang dag par bzhag ste/rang rig lhag pa'i lha'i sngags brgya rtsa brgyad dam/ bdud rtsi 'khyil pa'i sngags kyis mngon par bsngags so/ /bum pa gzhan rnams ni ji lta ba'i rnal 'byor dang / dkyil 'khor pa'i sngags kyis so/ /me tog dang sbos la sogs pas yang dag par mchod pa dang /gtor ma phul te/ mi bskyod pa ni rdo rje che/ /zhes bya ba la sogs pas bstod/ dri sngon du 'gro bas dril bu dkrol bar bya'o/ /bum pa lhag par gnas pa'i cho ga'o/ /de'i rjes la rdo rje slob mas maN+Dal byas la/ me tog gi phreng ba 'dzin pas pus mo'i lha ngas la bzhag ste/sngags kyi theg pa'i skal pa dang ldan pa la/ sngags kyi dngos grub gnyer ba gang / /dkyil 'khor 'dir ni gzhug par bya/ /bsod nams 'dod pas 'di las gzhan/ /gzhan du 'jig rten pha rol gnyer/ /'jig rten pha rol la dmigs te/ / slar yang dad pa ldan pa yis/ /blo ldan dkyil 'khor 'jug par bya/ /'di yis 'bras bu mi rnyed de/ /'jig rten pha rol 'grub mi 'gyur/ /de bzhin pha rol don du ni/ /'jig rten pha rol don gnyer na/ /'bad med par ni 'bras bu 'grub/ /de'i rjes su dad pa'i slob ma blos rang gi lus la bcug ste/rdo rje nas phyung nas rang gi gsang ba'i rig ma'i pad+ma'i nang du gnas pa la de bzhin gshegs pa zhu bas dbang bskur bar bltas te/ dkyil 'khor gyi shar gyi sgor nye bar gnas par gzhag par bya'o/ /dga' chen khyod bdag ston pa ni//mA ma kI dang lhan cig sbyor/ /mgon po chen po bdag 'tshal lo/ /byang chub chen po'i tshul bstan pa'i/ /dam tshig de nyid bdag la stsol/ /byang chub sems kyang bdag la stsol/ /sangs rgyas chos dang dge 'dun te/ skyabs gsum dag kyang bdag la stsol//thar pa chen po'i grong mchog tu/ /mgon pos bdag ni gzhug tu gsol/ /zhes pa ni/ slob ma'i gtso bo gcig gis bya'o/ /bu tshur theg pa chen po la/ /gsang sngags spyod pa'i cho ga'i tshul/ /khyod la yang dag bstan par bya/ khyod ni tshul chen snod yin te/ / sku gsung thugs kyi rdo rje can/ /dus gsum 'byung ba'i sangs rgyas rnams/ /rdo rje dbang bskur mthu stobs kyis/ /ye shes mnyam pa nyid thob pa/ /gsang sngags sbyor ba mnyam med pas/ /shAkya seng ge mchog sogs kyis/ /drag po chen po bdud kyi sde/ /stobs chen dag kyang des bcom nas//'jig rten mthun par gshegs nas kyang / /'khor lo bskor nas mya ngan 'das/ /de bas kun mkhyen thob bya'i phyir/ /bu yis blo gros 'di gyis shig /ces brjod la/ dkon mchog gsum la bdag skyabs mchi/ /sdig pa thams cad so sor bshags//'gro ba'i dge la rjes yi rang / /sangs rgyas byang chub yid kyis gzung / /zhes pas gsum la skyabs su 'gro ba'i tshigs su bcad pa slob mas bklag par bya'o/ /oM a beg+h+nAn+ta kr-ita hUM zhes pas bdud rtsi 'khyil ba'i sngags kyis bsrung ngo / /de dag gis snying ga dang / mgrin pa dang / spyi bo la zla ba la gnas pa'i rdo rje dang / pad+ma dang / 'khor lo'i lte ba rnams la/ AHhUM oM bsam par bya'o/ /de la lag pa g.yas pa'i khu tshur gyis 'dzin pa lags te/ slob dpon gyis slob ma rnams kyi snying ga dang / mgrin pa dang / mgo po la reg ste/ hUM AH oM zhes brjod pa ste/ me tog ni mgo bo la'o/ /bdug spos ni mdun du'o/ /de bzhin du dri dang mar me ni snying gar sbyin no/ /de'i rjes su bdud rtsi 'khyil pa'i sngags mngon par bzlas pa'i ma gas pa dang / 'bus ma zos pa'i a shwad+h+wa'i shing la sogs pa sor bcu gnyis pa'i tshad la/rtse mor me tog gi phreng bas bcings pa'i so shing slob ma dag la sbyin par bya'o/ /de dag gis kyang rtse mo kha shar ram byang du bltas pas bca' bar bya'o/ /ba lang gi pags pa tsam byugs pa'i sa la dor bar bya'o/ /de la zhi ba la sogs pa'i las bstan te/ gang la mngon par phyogs lhung pa/ /de yi dngos grub mchog tu shes/ /de yang shar phyogs rtse mo ni/ /dngos grub 'bring du rab grags/ /byang du bltas dang de bzhin logs/ /'jig rten pa yi dngos grub bzhed/ /gal te lho ru mngon phyogs pas/ /shin tu drag po de nas 'gyur//nub tu mngon par kha bltas pa/ /phra mo'i dngos grub de la yod/ /de bzhin du ni so shing dor/ /gal te 'og tu kha bltas 'gyur/ /de yis sa 'og dngos grub 'gyur/ /nges par 'di la dpyad pa med/ /de'i rjes su thor 'thung dri'i chu khyor pa gsum gyi btung ba/oM hriH bi shud+d+ha sarba d+harma sarba pA pa ni rtsA s+ya saM sho d+ha ya pi kalpa a pa na ya hUM/ /zhes pa 'di'i sngags kyis kha bkru bar bya'o/ /de ltar nye bar gtad de ku sha la bdud rtsi 'khyil pa'i sngags kyis mngon par bsngags te/ de dag stan dang sngas su sbyin par bya'o/ /nges mngon par bsngags pa'i skud pa sum sgril mdud pa gsum byas la bsrung ba'i don du dbung pa g.yas par bcing bar bya'o chos ston pa brjod de/'jig rten du ni kun mkhyen dag /u dum+WA ra'i me tog bzhin/ /brgya lam na ni res 'ga' zhig /'byung 'gyur yang na mi 'byung srid//gsang sngags spyod pa'i tshul 'byung ba/ /de bas kyang ni dkon pa ste/ /gang gis mnyam med sems can don/ /mya ngan mi 'da' byed par nus/ /bskal pa bye ba du ma ru/ /sngon du sdig pa byas pa gang / /dkyil 'khor 'di ni mthong ma thag /de ma thag zad 'gyur ba yin//gang gis spyod pa mchog 'di la/ /blo gros shin tu dri med na/ /sdug bsngal thams cad 'byung ba yi/ /ngan 'gro de yis gcod par 'gyur/ /bdag nyid chen po khyed rnams kyis/ /rnyed pa bla med de ring rnyed/ /gang gis khyod rnams rgyal ba kun/ / sras bcas 'di yis bstan pa la/ /thams cad kyis ni yongs 'dzin pa'i/ /bdag nyid thams cad 'gro bar 'gyur/ /de phyir khyed rnams theg chen du/ /legs pa nyid du 'gro bar 'gyur/ /theg pa chen po cher 'byung ba'i/ /lam mchog 'di ni dpal dang ldan/ /khyed rnams der ni dong bas na//'jig rten thams cad mkhyen pa yi/ /de bzhin gshegs pa nyid du 'gyur/ /zhes pa'i chos ston pa rnams mnyan par bya'o/ /de ltar bdud rtsi 'khyil pa'i sngags kyis yang dag par bsrungs te/ sdom pa'i khyad par yongs su gzung bar bya'o/ /'khor lo mi ldog pa yi dbang //mgon po de dag bdag la stsol/ /'khor lo lha yi de nyid dang / /slob dpon gyi ni las dang yang / sangs rgyas kun gyi dam tshig rnams/ /gsang pa yi ni sdom pa mchog /slob dpon chen po rtag tu ni/ /sems can kun gyi don bya'o/ /de nas slob ma ku sha bkram pa la nyal bar bya'o//gang cung zad rmi lam du mthong ba nang pa rang la sgrogs shig ces brjod do/ /slob ma lhag par gnas pa'i cho ga'o/ /slar dkyil 'khor gyi khang par zhugs te/ slob dpon gyis bsrung ba'i don du bdud rtsi 'khyel pa'i sngags kyi bzlas par bya'o/ / gtor ma sbyin no/ /tho rangs kyi cho slob ma rnams bkug ste/ dge ba dang mi dge ba'i rmi lam blta'o/ /gal te slob mas mi dge ba'i rmi lam mthong na/ bdud rtsi 'khyil ba'i sngags kyis yang dag par bsrung bar bya'o/ /de'i rjes su bris pa'i dkyil 'khor rgya chen po 'di mchod bar byas la rang gi lha'i rnal 'byor sngon du 'gro bas//rang gi slob ma'i cho ga bzhin du rang 'jug go/ /'jug pa ni 'chad par 'gyur ba'i rjes su gnang ba dang / dbang la thug pa'i bar du bcom ldan 'das bdag po las blos thob par 'gyur ba'o/ /de nas slob ma rnams gzhug par bya ba'i phyir bden pa brjod par bya'o//chos rnams gzugs brnyan lta bu ste/ /dag cing gsal la rnyog pa med/ /gzung du med cing brjod du med/ /rgyu las de bzhin yang dag 'byung / /de bzhin de nyid nges par 'byung / /bden pa 'di yis dkyil 'khor ni/ /gzugs brnyan gsal bar slob ma rnams//dri med thams cad thob par shog /ces pa la sogs pa brjod pas/ /yol ba'i phyi rol du slob mas yon phul te/ slob ma dbang bskur ba'i skal ba dang ldan pa rnam par snang mdzad kyi gzugs su dmigs pa la/ A khaM bI ra hUM zhes pa'i sngags brjod cing me tog gi phreng ba dang /gdong g.yogs bcings te bum pa'i chus bsangs te/ dkyil 'khor du 'jug pa'i phyir dri bar bya'o/ /bu khyod ci la dga' zhes pa'o/ /des kyang brjod par bya ba ni/ /bde chen skal bzang bdag lags so zhes 'gyur ro/ /slob ma'i snying gar rdo rje yang dag par bzhag la/ oM badzra yo ga tsit+ta u pA da ya mi/ oM su ra te sa ma ya s+t+waM/ bo d+hi tsit+ta badzra ya thA su khaM zhes pas byang chub tu sems bskyed par bya'o/ /deng khyod de bzhin gshegs pa thams cad kyi phyin gyis rlob par 'gyur gyis/ de bzhin gshegs pa thams cad kyi gsang ba mchog 'di khyod kyis dkyil 'khor du ma zhugs pa rnams la smra bar mi bya zhing //ma dad pa rnams la yang ma yin no/ /oM A dzaH hUM zhes pa 'dis bkug ste/ yol ba'i nang du bcug la/ dkyil 'khor gyi shar gyi sgor yang dag par bzhag la/ 'di skad ces brjod par bya ste/ deng khyod de bzhin gshegs pa thams cad kyi rigs su zhugs kyis/ye shes gang gis de bzhin gshegs pa thams cad kyi dngos grub kyang thob par 'gyur na/ dngos grub gzhan lta smos kyang ci dgos/ 'di lta bu'i ye shes ngas khyod la bskyed par bya yis/ khyod kyis dkyil 'khor ma mthong ba rnams kyi mdun du smra bar mi bya'o//khyod dam tshig nyams par gyur ta re/ slar mgo bor rdo rje yang dag par bzhag ste/ 'di skad brjod par bya'o/ /dga' pa khyod kyis 'di smras nas/ /dam tshig rdo rje 'di yis ni/ /mgo bo rnam par 'gems 'gyur zhing / /de ma thag tu dral te gshegs//me tog dang bcas pa'i rdo rje yang dag par snying gar bzhag ste/ brjod par bya'o/ /oM rdo rje sems dpa' deng khyod kyi/ /snying la yang dag zhugs pa ni/ /gal te tshul 'di smras gyur na/ /de ma thag tu dral te gshegs/ /'dis ni mna' bsgag par bya ste//bdud rtsi lnga pad+ma'i snod du yang dag par bzhag ste/ yi ge gsum gyis yang dag par byin gyis brlabs la/ oM badzra A mr-i tod ka Tha zhes lan gsum gyi bar du 'di bzlas te/ 'di ni khyod kyi dmyal ba'i chu/ /dam tshig nyams na sreg par byed/ /dam tshig bsrungs na dngos grub thob//'thungs shig rdo rje bdud rtsi'i chu/ /zhes bklags pa ni dam tshig go/ /de nas 'di skad brjod par bya ste/ deng phan chad khyod kyis phyag na rdo rje yin gyis/ /ngas ci gyis shig ces bsgo ba de khyod kyis bya dgos la/ nga la brnyas par yang ma byed cig /byas na yang ba ma spangs par 'chi ba'i dus byas nas dmyal bar ltung bar gyur ta re zhes bya ba ni dam tshig gi chu sbyin pa'o//de nas slob mas 'di skad brjod do/ /de bzhin gshegs pa thams cad dang rdo rje sems dpa'i byin gyi rlabs kyis bdag la byang chub kyi sems phob cig ces bya'o/ /de nas slob ma'i snying gar la~M ser po las byung ba'i rdo rje rtse gsum pas mtshan pa/sa'i dkyil 'khor gru bzhi pa la gnas pa'i yi ge hUM do/ /spyi bor baM las byung ba'i bum pas mtshan pa'i chu'i dkyil 'khor zlum po la gnas pa'i yi ge ha'o/ /mgrin par ya~M las skyes pa'i g.yo ba'i ba dan gyis mtshan ba'i rlung gi dkyil 'khor gzhu'i dbyibs la gnas pa'i yi ge a'o//rkang pa'i 'og tu rlung gi dkyil 'khor la 'bar ba raM gyi yi ge las skyes pa'i kha dog dmar po rdo rjes mtshan pa/ 'od zer 'phro ba me'i dkyil 'khor gru gsum pa la gnas pa'i dz+haiM gi yi ge 'od zer dang bcas pa bsam la/bsnyems tshul dang bcas pa'i dril bu dkrol bar bya'o/ /A be sha ya s+t+waM b+ha ya ra ra tsa la ya tsa la ya hUM ha a dz+hai zhes brjod do/ /lce la yi ge a dmar po bsgom/ 'od dpag med kyi gzugs su bsgom par bya'o/ /phebs par gyur na smros shig bu yis dge me dge/ / zhes brjod par bya'o/ /tiSh+Tha badzra zhes brjod pas brtan par bya ste/ mig dag la ci snang zhes dri bar bya'o/ /de nas des dmar po dang / dkar po dang / ser po dang / nag po snang zhes pa'o/ /zhi ba dang / rgyas pa dang / dbang dang / mngon spyod rnams grub pa'i snod du 'gyur ro zhes brjod do//bden pa'i byin gyis brlab par bya'o/ /yang dag dkyil 'khor zhes bya 'dir/ /bdag gis slob ma gzhug par bya/ lha rnams kyi ni rigs ji bzhin/ /ji ltar bsod nams de bzhin shog /'di yis dngos grub 'grub par 'gyur/ /rigs ni gang gis grub pa dang / /gang 'dir bsod nams rjes 'byung ba//dkyil 'khor 'dir ni de bzhin shog /de nas me tog gi phreng ba dkyil 'khor du pra tI ts+tsha badzra ho zhes pa 'dis dor ro/ /de nas me tog ltung bas dman pa dang / 'bring dang mchog gi dngos grub mtshon par bya'o/ /de la gal te sangs rgyas rnams kyi dbu'am/mdzod spu'am/ gtsug tor la lhung na phyag rgya chen po'i dngos grub ster ro/ /mchog gi yan lag las ni mchog go/ /'bring gi yan lag las ni 'bring ngo / /mtha' ma'i yan lag las ni mtha'o/ /gzugs brnyan dang ring ba las ni shin tu yun ring ba na'o/ / nye ba las ni myur ba'i dngos grub po/ /lha rnams kyi rigs ni re'u mig las sogs pa rnam par bcad pa las shes par bya'o/ /gal te lha gnyis po'i bar dag tu lhung na/ de yang gang gi nye ba de'i rigs su 'gyur ro/ /dkyil 'khor gyi pha rol du lhung na dman pa'i dngos grub bo//gal te reg la lhung na slar 'phang ngo / /lan gsum bar du de nyid la lhung na dngos grub med do/ /rdo rje ra ba'i phyi rol du lhung na dngos grub med do/ /snying ga la lhung ba shin tu dka'o zhes pa ni me tog dor ba'i cho ga'o/ /de nas phreng ba bzung ba mgo la bcing ba ni/ /sems can stobs chen khyod kyis ni//'di ni rab tu gzung par gyis/ /zhes brjod do/ /mig gnyis la yang yi ge oM bltas te/ oM rdo rje sems dpa' deng khyod kyi/ /mig 'byed par ni brtson par mdzad/ /phye bas thams cad mthong bar 'gyur/ /rdo rje'i mig ni bla na med/ /ces brjod la mig ras bsal bar bya'o//de nas dkyil 'khor nye bar bstan par bya'o/ /dbus kyi rnam shes phung po ni mi bskyod pa'o/ /shar la sogs pa'i phyogs su ni gzugs rnam par snang mdzad do/ /tshor ba ni rin chen 'byung ldan no/ /'du shes ni 'od dpag tu med pa'o/ / 'du byed ni don yod grub pa'o me la sogs pa mtshams rnams su ni spyan ma'o/ /chu'i khams ni mA ma ka'i'o/ /me ni gos dkar mo'o/ /rlung ni sgrol ma'o/ /dkyil 'khor pha rol gyi me la sogs pa'i mtshams su shar gyi ngos gnyis su gzugs rdo rje dang / sgra rdo rje/ dri rdo rje/ ro rdo rje/reg rdo rje/ chos kyi dbyings kyi rdo rje rnams so/ /gshin rje mthar byed dang / shes rab mthar byed dang / pad+ma mthar byed dang / bgegs mthar byed rnams shar la sogs pa'i sgo rnams su gnas pa'o/ /dkyil 'khor du 'jug pa'i cho ga'o/ /yid ches pa'i dbang brjod par bya ste/byang chub rdo rje sangs rgyas rnams/ /mchod chen ji ltar stsal ba ltar/ /bdag la drang ba'i don gyi phyir/ /nam mkha'i rdo rje deng bdag stsol/ /zhes gsol ba 'debs pa dang ldan pa'i slob ma mi bskyod pa'i gzugs su dmigs la/ rig pa'i skyes bu dang bcas pa'i chu rnams thams cad kyi bum pa'i chu blugs bar bya'o//hUM las rdo rjer bltas te/ rdo rje sems dpa'i mthu stobs kyis rdo rje dang bcas khu tshur gyis bum pa'i chu blugs te/ dbang bskur ba ni rdo rje che/ /khams gsum pa yis phyag byas la/ /gsang ba gsum gyi gnas las byung //sangs rgyas kun gyis sbyin par bya/ /oM badzra a b+hi Shiny+tsA mi s+t+waM zhes brjod pas/ slob ma 'khor los sgyur ba lta bu la dbang bskur bar bya'o/ /chu'i dbang gi chog me long lta bu'i ye shes so/ /de nas bstan ma thag pa'i rim pas gser ram gos la sogs pa las byas pa'i cod pan slob ma la byin te/rin chen 'byung ldan gyi sbyor ba ste/ sangs rgyas kun gyis dkyil 'khor mchod/ /ma hA mu ku TaM pra tIts+tsha badzra ho/ /zhes brjod pas nam mkha'i dkyil 'khor du son pa'i de bzhin gshegs pa thams cad rang gi rigs can gyi cod pan du rnam par bsam mo zhes pa ni cod pan gyi dbang gi cho ga'o//mnyam pa nyid kyi ye shes so/ /de nas rdo rje rtse lnga pa chen po snying gar lag pas bzhag /slob ma 'jig rten dbang phyug tu byas pa la/ rdo rje lag pa g.yas su gtad par bya'o/ /sangs rgyas kun gyi rdo rje'i dbang / /de ring khyod la bskur bar bya//'di de sangs rgyas thams cad de/ /rab tu bsgrub phyir rdo rje zung / /zhes brjod pas rdo rje snying ga la sogs par reg pas/ rdo rje lag pa g.yas par sbyin par bya'o zhes pa ni rdo rje'i dbang bskur ba'i cho ga'o/ /de nas don yod grub pa'i gzugs su dmigs la/ lag pa g.yon par dril bu sbyin te/rdo rje dang dril bu dang ldan pa'i slob ma'i lag pa dag mngon par 'khyud pa'i tshul gyis lag par byin la/ oM badzra A d+hi pa ti s+t+waM a b+hi Shiny+tsa mI tiSh+Tha badzra sam ya s+t+waM zhes brjod de zhes pa ni dril bu'i dbang gi cho ga'o/ /bya ba nan tan gyi ye shes so/ /de nas rnam par snang mdzad du bltas la ming gi dbang bskur bar bya'o//mgor rdo rje dang dril bu mnyam par gzhag ste/ oM badzra satwa hUM a b+hi Shiny+tsa mi badzra nA ma a b+hi She ka ta/ kye dpal gti mug rdo rje/ kye dpal 'dod chags rdo rje/ kye dpal phrag dog rdo rje/ kye dpal zhe sdang rdo rje zhes pa la sogs pa rigs kyi rjes su mthun pa'i ming bya'o zhes pa ni ming gi dbang gi cho ga'o//chos kyi dbyings rnam par dag pa'i ye shes so/ /dbang bskur ba 'di rnams kyis rgyud mnyan pa dang / bshad pa dang / sngags sgrub pa'i snod du 'gyur ro/ /dbang po lnga po 'di dag nyid rig pa'i dbang zhes brjod de/thams cad la spyan ma la sogs pa rnams kyi bya ba 'jug pa'i phyir ro/ /de'i rjes su/ rdo rje slob dpon dbang bskur ba/ /bdag dang gzhan gyi don gyi phyir/ /thugs rje can gyi bka' drin gyis/ /de ring bdag la stsal du gsol/ /de ltar gsol ba 'debs pa dang ldan pa'i slob ma rgyan thams cad kyis brgyan pa steng du gdugs dang bla res brgyan pa shar gyi sgor seng ge'i khri la gnas pa rnams/rnam pa sna tshogs pa'i pad+ma 'dab ma brgyad pa'i steng du rdo rje sems dpa'i gzugs la yi ge hUM las rdo rjer bltas te//thog mtha' med pa'i sems dpa' ni/ /rdo rje sems dpa' dga' ba che/ /kun du bzang po kun bdag nyid/ /rdo rje snyems tshul bdag po'i bdag /bcom ldan 'das dpal mchog dang po'i skyes bu'o zhes bya bas de nyid blang ngo / /de'i rjes su yi ge a las skyes pa'i dril bu'o//'di de sangs rgyas thams cad de/ /shes rab dbyangs kyi rjes 'gror bshad/ /khyod kyis kyang ni rtag tu bcad/ /byang chub mchog tu rgyal ba bzhed/ /srid pa ngo bo nyid kyis dag /ngo bo nyid kyis gnyis med byas/ /rang bzhin dag pa'i sems dpa' ni/ / srid pa dam pa byed par 'gyur/ /zhes brjod pas slob mas dkrol bar bya'o/ /de'i rjes su/ yid kyi lus ni brtan pa'i phyir/ /phyag rgya dam tshig ces brjod do/ /gang phyir/ yid kyis lus ni brtan pa gang / /de phyir phyag rgyar rab tu grags/ /zhes pa 'dis rang gi 'dod pa'i lhar dmigs la bdag nyid phyag rgya chen por byin gyis brlabs la khong du chud par bya'o//de'i rjes su slob dpon rang gi snying ga'i sa bon las yang dag par byung ba'i lha mo'i tshogs nam mkhar gnas pas dbang bskur bar yud tsam bsam mo/ /dbang bskur ba ni rdo rje che/ / khams gsum pa yis phyag byas pa/ /gsang ba gsum gyi gnas las byung / /sangs rgyas kun gyis sbyin par bya/ /zhes pas dbang bskur ro/ /'di skad du/ shes rab bcu drug lon pa la/ /lag pa gnyis kyis 'khyud nas ni/ /rdo rje dril bu rab sbyar ba/ /slob dpon gyi ni dbang du bzhed//ces pa'o /de'i rjes su mdor bsdus pa'i dkyil 'khor gyi de kho na nyid dang / dkyil 'khor gyi rnam par dag pa bshad par bya'o/ /pad+ma'i dkyil 'khor zhes su brtan/ /yid kyi dkyil 'khor gyi ni mchog /khang bu brtsegs pa ye shes so/ /sems ni gzhal yas khang gi dngos//phung po lnga la mnyam bsten nas/ /sangs rgyas lngar ni yongs su grags/ /zhes pa la sogs pa'o/ /de nas rnam par snang mdzad la sogs par dmigs pa'i slob ma la rjes su gnang ba sbyin te/ sems can kun la phan pa'i phyir/ /'jig rten khams ni thams cad du//ji ltar 'dul ba sna tshogs pa'i/ /chos kyi 'khor lo rab tu bskor/ /zhes pas chos kyi gnas su rdo rje dang / nor bu dang / pad+ma dang / las kyi sgra bcug ste/ tshigs su bcad pa'i rim pas rjes su gnang ba sbyin no/ /de'i rjes su mi bskyod pa'i gzugs su dmigs la/rdo rje brtul zhugs sbyin te/ 'di de sangs rgyas thams cad de/ /rdo rje sems dpa'i phyag na gnas/ /khyod kyis kyang ni rtag tu bcad/ /phyag na rdo rje brtul zhugs brtan/ /zhes pa 'dis yi ge hUM las byung ba'i rdo rje sbyin te/ oM sarba ta thA ga ta sid+d+hi badzra sa ma ya tiSh+Tha e Sha s+ho d+ha ra ya mi/hi hi hi hi hUM zhes brjod do/ /slob mas rdo rje bzung ngo / /rdo rje brtul zhugs sbyin pa'o/ /de'i rjes la bdag nyid sangs rgyas kyi gzugs su dmigs la snying gar lag pa g.yon pas chos gos snying gar bzung ba'i tshul du byas la/ g.yas pas mi 'jigs pa'i phyag rgyas btab la/slob ma gang gi rigs de'i gzugs su dmigs par byas la/ de la lung bstan par bya ba ni/ oM de ring khyod la ngas lung bstan/ /rdo rje sems dpa' de bzhin gshegs/ /srid pa shin tu dag pas na/ /srid dang ngan 'gro dag las bton//he ma hA mu ka na ma ta thA ga ta/ sid+d+hi sa ma ya s+t+waM/ b+hur b+hu ba swaH zhes pas lung bstan pa gong gi tshigs su bcad pa dang phyag rgya 'di dag gis lung bstan par bya ste/ de bzhin gshegs pa thams cad dang / byang chub sems dpa' 'khor dang bcas pa thams cad dang dkyil 'khor pa mgrin gcig tu bla na med pa yang dag par rdzogs pa'i byang chub tu lung ston to//'di nyid shin tu phyag rgya'i mthus/ /'dis sngags kyi stobs kyis dad par bya/ /zhes slob mar brjod do/ /lung bstan pa'o/ /de'i rjes su ma hA sa ma ya hUM ha na ha na hUM hUM phaT phaT ces brjod pas dbugs dbyung bar bya ste/gsang chen mchog gi dkyil 'khor du/ /bcug pa dang ni mthong ba yis/ /sdig pa kun las rnam grol te/ /de ring khyod ni bde bar gnas/ /bde chen theg pa 'di la ni/ /phyin chad 'chi ba yod min bas/ /srid pas shin tu dag pas na/ /srid pa'i sdug bsngal bton pa'o//rdo rje zhes bya'i phyag rgya dang / /byang chub sems ni spang mi bya/ /gang zhig skyes pa tsam gyis ni/ /sangs rgyas nyid du the tshom med/ /dam pa'i chos ni mi spang zhing / /nam yang spang bar mi bya'o/ /mi shes pa'am rmongs pa la/ /de ni bstan par mi bya'o//rdo rje dril bu phyag rgya ni/ /nam yang spang bar mi bya'o/ /sangs rgyas kun dang mnyam pas na/ /slob dpon nam yang smad mi bya/ /rang gi bdag nyid yongs btang nas/ /dka' thub kyis ni gdung mi bya/ /ji ltar bde bas bde ba gzung / /'di ni ma 'ongs rdzogs sangs rgyas//de ring dkyil 'khor slob dpon gyur/ /sngags dang rgyud rnams 'dzin gyur par/ /sangs rgyas byang chub sems dpa' dang / /lha rnams kyang ni bzhed pa yin/ /sems can rnams ni rjes gzung phyir/ /dkyil 'khor cho ga bzhin du ni/ /khyod kyis nan tan bzhin du bris//sgrub pa po rnams rgyud la sbyor/ /dbugs dbyung ba sbyin pa'o/ /'di la rjes su gnang ba sbyin te/ /rig pa'i dbang lnga'i rjes dang slob dpon gyi dbang gi rjes su sbyin par bya'o/ /slob dpon gyi dbang ni phyir mi ldog pa'i dbang zhes bya'o/ /thams cad la bum pa'i bya ba 'jug pa'i phyir ro//dbang bskur ba 'di dag ni rgyun thams cad dang mi 'gal ba'o/ /'di dag ni slob dpon gyi dbang bskur ba'i sku rdo rje rnam par spyod pa'o/ /de'i rjes la sgrib g.yogs la sogs pas dben par byas pa'i phyogs su slob ma dang yid du 'ong ba'i gzugs dang long tsho dang ldan pa//dam tshig dang sdom pa dang ldan pa'i shes rab gsang ba'i dbang bskur ba'i phyir bla ma la phul te/ grol ba'i gnas skabs kyis gsol ba btab par bya'o/ /byang chub rdo rje sangs rgyas rnams/ /mchod chen ji ltar stsal ba ltar/ /bdag kyang drang ba'i don gyi phyir//nam mkha'i rdo rje deng bdag stsol/ /bla mas kyang ting nge 'dzin gsum mngon du byas/ rang rig par byas te nam mkha'i khams nas spros pa'i shes rab kyi pad+ma nas blangs nas/ shes rab gdong ni bcing ba dang / /thabs kyis gdong yang de bzhin no//rgan po dang ni ming med dag/ /gis ni slob ma'i khar lhung bya/ /a ho ma hA su kha zhes pas longs spyod kyi gnas su gzhag par bya'o/ /rnam par snang mdzad bdag nyid do/ /de nas langs nas 'di dag nyid du sbyin no/ /gsang ba'i dbang bskur ba ni ngag gis rdo rje ba'o/ / gsang ba'i dbang bskur ba'i cho ga'o/ /de'i rjes su phyag rgya gcig gam/ de las tha dad pa gzhan la so so rang gis rig pa'i chos kyi sku rtogs pa'i phyir gang sngar bstan pa'i tshigs su bcad pas gsol ba 'debs pa dang ldan pa'i slob ma la de'i lag par de'i lag pa rab tu gtad do//lan cig de bzhin gshegs pa'i sku'i rdo rje bzhag ste/ bla ma rdo rje 'dzin pas 'di skad brjod do/ /yid du 'ong ba'i gzungs ma 'di/ /bsten par sangs rgyas kun gyis bsngags/ /'khor lo'i rim pa'i sbyor ba yis/ /dam pa'i bde ba nyams su myong / /'gro gsum de yis dag pa ni//thabs gzhan las ni byang chub med/ /de bas khyod kyis nam yang ni/ /'di dang bral bar mi bya'o/ /'di ni sangs rgyas thams cad kyi/ /rig pa'i brtul zhugs bla na med/ /blun po 'ga' zhig 'di spong ba/ /de la mchog gi dngos grub med//ces brjod par sbyin no/ /des kyang gur gum dang tsan+dan dag byugs te dri zhim po dang me tog gi phreng bas mdzes par byas te/ gos dang bral ba'i legs pa'i pad+ma gsal bar bstan te/ 'di skad ces brjod do/ /bshang gci la sogs bza' ba dang / /khrag dang khu ba de bzhin sha//bu khyod ci dgar spro gyur tam/ /bud med mchog la 'di bzhin gus/ /b+ha ga pad+ma'o byed dam/ /bu yi ji ltar bde ba smros/ /zhes pa'o/ /des kyang / lha mo ci phyir bdag mi spro/ /khu ba khrag sogs bza' ba dang / /rtag tu bud med gus par byed/ / b+ha ga nyid la'o byed do/ /zhes brjod do/ /de nas dga' ba'i bsam pa dang brtse ba'i rnam par blta bas 'khyud bzhin du rnam par bltas te/ legs pa'i pad+ma bstan te/ 'di skad ces brjod do/ /kye ma bdag gi pad+ma 'di/ /bde ba thams cad yang dag ldan/ /gang gis chog bzhin du bsten//nga ni de yi mdun na gnas/ /ji ltar pad+ma'i bya ba gyis/ /rdzogs pa'i sangs rgyas bsnyen bkur lhag /rang nyid bde chen rgyal po ste/ /'di nyid du ni yang dag gnas/ /b+hany+dza hUM mok+Sha ho zhes pa'o/ /des kyang rang gi lha'i rnal 'byor gyi bdag nyid kyis/mgo bo dang / /snying ga dang / lte ba dang / gsang ba dang / rkang pa rnams su go rims ji lta bar oM hUM swA A ha zhes pas rigs lnga yang dgod par byas la/ de'i rjes su yi ge hUM las pad+ma dang rdo rje AHdang yi ge oM dag gis ze'u 'bru dag gi nang du yi ge phaT rnam par bsgom mo//rdo rje dbyings kyi dbang phyug ma'i rtsa g.yon gyi ngos na gnas pa sor mos bskyod de cung zad shes pas so/ /'di yang bla ma'i man ngag las so/ /de'i rjes su oM sarba ta thA ga ta a nu rA ga Na badzra swa b+hA ba At+ma kou0f85haM zhes pas dga' ba b rtsams par bya'o//rdo rje pad+mar rab bzhag nas/ /byang chub sems ni shor mi bya/ /dga' ba yis ni dkrugs pa yi/ /sems ni gang bas bsgom par bya/ /byang chub sems ni gshegs gsol bas/ /ji srid rnal 'byor pa mi byed/ /gang yang dga' ba las skyes 'di/ /de srid rgyun mi 'chad 'thob pa//byang chub sems ni lhung ba yis/ /phung po rnam shes brgyal gyur nas/ /ji srid dngos grub smad pa yin/ /mkha' dbyings rdo rje yang dag sbyor/ /reg pa las kyang rmad byung tshe/ /bde ba skye bar 'gyur ba gang / /de ni mchog dga' dam pa'o//dga' bral gyi ni nang dag tu/ /mtshon zhing ltos la brtan par gyis/ /pad+ma'i nam mkhar nor bu'i ze'u 'bru dag /rdo rje skyil mo krung gis mnan pa'i gnas dag tu/ /sems kyi nor bu'i nang du chud pa blta/ /ye shes gang skyes ye shes gzugs kyis brgyan/ /'dod chags ma yin chags bral min//dbu mar dmigs par mi 'gyur ro/ /rnal 'byor ye shes mthong ba gang / /bde bar gnas pa 'pho ba med/ /thun phyed dam ni yang na gcig /nyin dang zla ba zla phyed lo/ /bskal pa bskal pa stong phrag tu/ /ye shes kyis ni rnal 'byor gnas//slob mas snyoms par 'jug bltas la/ /bla ma'i snying gnas 'byung ba'i/ /gti mug dga' ma la sogs bzhi/ /de yis sems nyid la dgod do/ /slob ma'i mtshan nyid legs par gyis/ /pad+ma'i nang du 'byung bar bya/ /de nas bcud kyis len gyi sems/ /byang chub mngon du 'gro bas blang //zhes pa ni shes rab ye shes kyi dbang bskur ba'i cho ga'o/ /sems kyi rdo rje rnam par sbyong ba'o/ /shes rab ye shes kyi dbang bskur ba'i cho ga ji skad bshad pa'i cho gas shes rab kyi dbang yongs su 'dzin pa la de bzhin du mngon par brjod pa bzhi pa 'bras bur gyur pa'i dbang bskur ba rin po che brjod par bya ste/gzhan du dam tshig la sogs pas 'phags pa gsungs pa/ gzhan du dbang ni ma bskur bar/ /gang zhig rnal 'byor pa nyid 'dod/ nam mkha' khu tshur brdeg pa dang / /smig rgyu'i chu la 'thung ba mtshungs//de'i phyir de kho na nyid kyi dbang cho ga ji lta ba bzhin du byin pas slob ma'i mos pa la yid brtags te/ zab cing rgya che ba la lhags par mos na/ tshig gis dbang bskur pa rin po che sbyin no/ /gzhan du ni ma yin no/ /'o na ji ltar rang bzhin rgya che ba la mos par rigs she na/de skad du yang / du ba las ni mer shes te/ /chu skyar las ni chu yin no/ /byang chub sems dpa' blo ldan gyis/ /rigs ni mtshan ma rnams las shes/ /bzhin ni rab tu dang bas ston/ /lus kyis kyang ni pad+ma spro/ /khyod rgyas pa yis de nyid mthong /gong de slob dpon mkhas pa yis/ /slob ma de ni rjes su gzung / /zhes pa'o/ /ji skad du/ bcom ldan 'das kyis/ /dbang bskur ba ni rnam pa gsum/ /rgyud 'di ru ni rab tu grags/ /slob dpon gsang ba shes rab dang / /de ltar de bzhin bzhi pa yang / /zhes pa'o//dgod dang bltas dang lag bcangs dang / /de ltar slar yang gnyis sprod rgyud/ /dga' ba dang ni mchog dga' dang / /bral ba de bzhin lhan cig skyes/ /rnam pa sna tshogs rnam smin dang / rnam par nyid dang mtshan nyid bral/ /dbang bskur ba yi rim pa kun/ /thams cad shes rab lus las skyes//yang gsungs pa/ e yi cha byad bzang po la/ /dbus su baM gyis rnam par brgyan/ /bde ba thams cad kyi ni gnas/ /sangs rgyas rin chen za ma tog /de la/ dgod pa dag ni slob dpon te/ /lta ba de bzhin gsang ba'o/ / 'khyud pa dag la shes rab dang / /bzhi pa de bzhin gnyis sprod rgyud/ /dga' ba cung zad bde ba ste/ /mchog tu dga' ba de bas lhag /dga' bral dga' ba chags bral 'gyur/ /lhan cig skyes dga' lhag ma'o/ /dang po rig pa 'dod pa ste/ /gnyis pa bde bar 'dod pa yin/ / gsum pa 'dod chags 'jig par 'gyur/ /de bas bzhi pa bsgom par bya/ /dga' ba dang po rnam sna tshogs/ /mchog tu dga' ba rnam par smin/ /dga' bral dga' ba rnam nyid dang / /lhan cig skyes dga' mtshan nyid bral/ /rnam pa sna tshogs sna tshogs brjod/ / 'khyud dang 'o byed la sogs pa/ /rnam par smin pa de las bzlog /bde ba'i ye shes za ba'o/ /rnam par nyed pa spyod par brjod/ /bdag gi bde ba spyod do zhes/ /mtshan bral dga' ba gsum las gzhan/ /chags dang chags bral rnam spangs pa'o/ /de dag nyid gsungs pa/'dod chags ma yin chags bral min/ /dbu mar dmigs par mi 'gyur ro/ /dga' ba gsum po spong ba nyid/ /lhan cig skyes pa zhes brjod do/ /don 'di nyid bcom ldan 'das kyis dpal gsang ba 'dus pa las bstan te/ bsgrub bya sgrub pa'i yang dag sbyor//gang de bsnyen par zhes byar brjod/ /rdo rje pad+ma mnyam par sbyor/ /nye bar sgrub pa zhes bshad do/ /bskyod pa rjod ba ru ni bshad/ /yi ge hUM phaT mnyam par ldan/ /rang bzhin rang gi bde zhi ba/ /sgrub pa chen po zhes bshad do/ /bsgrub bya shes rab sgrub pa thabs//de dag sbyor ba bsnyen pa yin/ /pad+mar rdo rje 'jug pa nye bar sgrub/ /bskyod pa sgrub pa rang bzhin gyis/ /rang gi bde zhi sgrub pa chen por bshad/ /bsgrub bya sgrub par rdo rje gang / /rab 'jug mthar thug dga' ba'o/ /shin tu bskyod pa byang chub kyi/ /mthar thug mchog tu dga' ba'o//'phos pa yis ni dga' bral lo/ /'di dag nang du gnas pa yis/ /bde ba bzhi par gang gsungs pa/ /de ni lhan cig skyes pa'o/ /sgrub pa shes pa'i don to/ /de dag nyid gsungs pa/ /thog ma dbus dang tha ma med/ /srid med mya ngan 'das pa med//'di ni bde chen mchog yin no/ /bdag dang gzhan yang yod ma yin/ /mchog gi srid par bshad pa ste/ /mya ngan 'das pa'ang 'dod chags bral/ /dga' ba gsum po tsam nyid ni/ /lhan skyes dga' ba rnam par spangs/ /sna tshogs spangs pa'i skad cig gis mchog tu dga' ba yang dag rnyed//bla mas bka' stsal sems dpa' che/ /bde ba chen po yang dag gzung / /ji srid byang chub ma thob par/ /sems can don gyis rdo rje 'dzin/ /zhes pa la sogs pa'o/ /ji ltar zhe na/ gang phyir dbye bas gsum bstan pa/ /rgyu la 'bras bu gzhan med phyir//dbye ba gsum ni sngar rab grags/ /bral dang dga' ba nang dag tu/ /rab tu gsal bar byed pa bzhi/ /'o na ji ltar yid dag nang du rab gsal zhes pa ji ltar zhe na/ mchog gi mtha' la bral ba'i dbus/ /stong las stong min rdo rje 'dzin/ /zhes pa la sogs pa'i tshig go//stong las stong min ji ltar zhe na/ /thog ma tha ma med zhi ba/ /dngos dang dngos med khyab pa'i bdag /stong nyid snying rje dbyer med pa/ /byang chub sems dpa' zhes byar brjod/ /ces pa ni grub pa'i mtha'o/ /'di dag gang gis thabs kyis bskyed/ /dkyil 'khor la sogs thabs kyis dang //rang byin brlab pa'i rim pas kyang / /zhes pa rgyas par sbyar ro/ /de dag bdag gis ni ma bshad do/ /ci'i phyir zhe na/ gang rang rig pa'i ye shes 'di ni ngag gi spyod yul gyi lam las 'das pa'i phyir/ /byin rlabs goms pas gang de yi/ /thams cad shes pa de rang bzhin//gzhan yang gsungs pa/ /gzhan du lhan cig skyes bshad med/ /gang las kyang ni rnyed mi 'gyur/ /bla ma'i dus thabs bsten pa las/ /rang gi bsod nams kyis shes 'gyur/ /bla ma'i zhabs kyi bka' drin gyis/ /rang gi bsod nams chen por 'gyur/ / skad cig shes pa'i ye shes gang / /ngag gi spyod yul lam las 'das/ /'di skad ces gsungs pa/ bde chen rgyal po gcig pa shes/ /'gro ba'i rgyud la rtag shes par/ /gang gis kyang ni ston pa'i dus/ /thams cad mkhyen pa'ang tshig phongs 'gyur/ /sa ra ba yis gsungs pa/de'i tshig bla mas mi ston pas/ /slob mas go bar ma gyur te/ /grogs dag ma lus 'di dag lhan cig skyes pa yis/ /bdud rtsi'i ro 'gyur su zhig bstan/ /blo yi spyod yul ma yin dag gis rgyu ba med/ /bla ma'i brjod par dngos po las ring gtam las 'jug /de yang rim gyis snying rje la sogs rim gyis yon tan 'phel/ /dad ldan snying gi gnas su rang nyid ster bar 'gyur/ /'o na byang chub sems kyi mtshan nyid ci yin zer na/ des gsungs pa/ dbang po rnams ni gnyid log dang / /yid ni nang du rnam gnas pa/ /sems ni nyams pa lta bur snang //lus ni dam pa'i bde pas rgyas/ /dbang po'i tshogs rnams rnam par nub/ /rnam par rtog nyams 'khor ba'i sa bon med/ /dga' ba'i snang ba 'di ni nam mkha' dang / /mnyam pa'i ngo mtshar bsil ba'i nyams/ /dbang po rnams kyang nub 'gyur zhing //rang gi ngo bo yang nyams 'gyur/ /lhan cig skyes dga' mchog 'di ni/ /bla ma'i zhal la gsal bar dris/ /de nyid gsungs pa/ gang zhig nyams pa'i dus su shar bas 'dud/ /yul dang dbang po nyams par nub 'gyur ba/ /gang yang mngon dga' rgyal bas mdzes pa gcig pa'i lus//snying la myur du 'char ba mi ldog mkhas pa yin/ /rnam par rtog pa mtha' dag spangs pa'i blo/ /gang de bde ba dam pa'i stobs su 'gyur/ /de yang bya ba byas pa'i mkhas pa'o/ /gang gzhan phyugs ni rkang gnyis pa zhes pa'o//de'i phyir yang dag pa'i bla ma'i bsnyen bkur slob ma dam pas bya'o/ /sku gsum rjes su 'jug pa'i bde ba chen po'i ngo bo rang gis rig par bya'o/ /dbang bskur ba thob pa'i bya ba byas nas 'di skad brjod par bya ste/ /de ring bdag skyes 'bras bur bcas/ / bdag gi rtsol ba 'bras bur bcas/ /de ring sangs rgyas rigs su skyes/ /sangs rgyas sras su da gyur to/ /de nas bla ma dam pa dag la dbul/ /de bzhin gshegs pas gsungs mtshan nyid/ /sna tshogs rgyan ni gos la sogs/ /rang gi lus ni khyad par 'phags/ /zhes so//de'i rjes su sbyin sreg byas te/ gtor ma byin la skye bo 'du ba dang bcas pa'i dge 'dun la chos ston de nas bya'o/ /sdug bsngal ba mgon med pa rnams tshim par bya'o/ /dbang gi cho ga mdor bsdus byas pa las/ /gang yang bsod nams las byung gzhal med pa/