114a3 / //bla ma phyag na'i zhal snga nas dang / lo tsA ba rma ban gyis bsgyur ba'o//[ ]@##/ /rgya gar skad du/ nir b+he da pany+tsa ka /bod skad du/ mi phyed pa lnga pa/ sangs rgyas la phyag 'tshal lo/ /sangs rgyas
114a4 rtogs na 'gro ba dag /sangs rgyas rtogs pa can rtsa lag /e ma'o sangs rgyas gzod nas dag /sangs rgyas bstan pa ji ltar rtogs/ /'dis ni gnyen po dang de kho na nyid dang / 'bras bu la rnam par rtog pa bzlog pa ni/ /
114a5 rang bzhin gyis dbyer med pa can te/ ngo bo nyid bstan pa'o/ /ye shes rnyog med stong pa ste/ /lhun grub snying rje'i bdag nyid can/ /de yang rkyen las skyes pa ste/ /dngos dang dngos med rnam par spangs/ /'dir ni dbyer med rtogs pa'i rang bzhin bstan pa'o/ /chos
114a6 rnams stong pa ya mtshan che//snying rje shin tu ngo mtshar che/ /'khor lo sdom pa'i nus pa mtshar/ /kun rdzob dag pa shin tu mtshar/ 'dis ni shin tu dbyer med pa lhan cig skyes pa'i mthu bshad pa'o/ /ha ci brjod pa ji ltar bshad/ /bshad na skye bo
114a7 su yis go//rtogs par gyur na mi 'gyur nyid/ /lhun gyis grub pa nyid du snang / /'dis ni snying rjes rab tu mi gnas pa'i chos zab mo'i tshul la mos pa'i skyes bu rnyed pa dka' bar bstan pa nyid do/ /rang gi las kyi sa bon sku/ /gnad gcod pa yi 'bras bu gang / /
114b1 bdag gis gzhan la mi gtse ste/ /e ma'o de nyid kyis ni bzod/ /'dis ni rang gi las kyi skud pa'i mdud pas dkris pa'i blo dang ldan pa'i sems can thams cad byang chub sems dpa' yongs su 'dzin par byed cing thugs la dgongs pa'o/ /mi phyed pa lnga pa slob dpon mai tri
bas mdzad pa rdzogs so/