CLOSE WINDOW

D2228
བོད་ཡིག

/phyis bar ston gyis zhus nas bla ma rgya gar ba dang / mchur lo tsA bas dpe phyi mo la gtugs te gtan la phab pa'o//[ ]@##/ /rgya gar skad du/ a tsin+ta kra ma u pa de sha nA ma/ bod skad du/ bsam gyis mi khyab pa'i rim pa'i man ngan ces bya ba/ dpal rdo rje sems dpa' la phyag 'tshal lo/ /bcom ldan 'das 'jig rten dbang phyug la phyag 'tshal lo/ /shes rab mchog gi mngal nas byung / /gdod nas gnyis med gnas pa la/ /phyag 'tshal bzang po'i zhal snga yi/ / yang dag rim 'ong bri bar bya/ /thabs dang shes rab gsang ba che/ /snying rje bsam mi khyab mtshan nyid/ /ngag gi spyod yul bsam las 'das/ /ye shes rang las 'char bar 'gyur/ /rang bzhin bde ba'i 'byung gnas nyid/ /rang byung gnyis su med pa'i mchog /de ni dngos po'i rang bzhin du//bltas te bsgom pa dmigs su med/ /byang sems rdo rje can bcas pas/ /dngos po med pas gzigs mi 'gyur/ /rtag dang chad pa'i bye brag dag /don dam du ni gnyis med gzigs/ /dngos bo dang ni stong pa nyid/ /gnyis su med par mnyam par bsgom//gnyis po 'di dag yod min pas/ /rnam pa thams cad gnyis su med/ /gnyis po dag ni rnam dpyad na/ /gnyis med ye shes 'char bar 'gyur/ /mnyam pa ro mnyam rnam pa ste/ /bsam gyis mi khyab ye shes mchog /rtog dang brtag pa'i sbyor ba yis//gnyis med mchog ni bsgom pa min/ /bde ba'i rdo rje mi rtog pa/ /bsam gyis mi khyab kyis thob 'gyur/ /bskyed pa rnam par rtog pa'i rgyu/ /mi skye ba yang de bzhin no/ /gnyis kyi rnam pa dang bral bas/ /bag chags bag chags ldan par spangs/ /ye shes bag chags dang bral bas//bzang po'i zhabs kyi rim gyis 'ong / /rang byung khrem gnyer med pa ni/ /rtog pa thams cad yang dag spangs/ /dngos dang dngos med rang bzhin gyis/ /gnyis kyi bag chags 'ching ba nyid/ /mi rtog pa yi rang bzhin gyis/ /bsam mi khyab pa nyid kyis dpyod//rtog pa'i dri ma 'dra ba yis/ /rin chen sems ni dri can byas/ /gnyis su med pa'i ye shes nyid/ /dri ma bral phyir sangs rgyas brjod/ /thams cad rtog med bdag nyid du/ /rnal 'byor pa yis rtag tu blta/ /ting 'dzin bsgom pa 'di nyid ni/ /bzang po'i zhal snga nas kyis bstan//rang gi rang bzhin ma skyes la/ /'jig pa nyid ni yod ma yin/ /ye shes de ni gnyis med min/ /rtog pa thams cad rnam par spangs/ /dpal ldan bde chen rdo rje can/ /mi rtog don skyed byed pa po/ /phyi rol nang gi rnam rtog gis/ /'jig rten thams cad yang dag bstan//sangs rgyas rdo rje 'dzin sogs kyis/ /rtog pa phyi rol nyid du bstan/ /gnyis med gnyis las rnam grol ba/ /ye shes rang nyid skye bar 'gyur/ /dngos po med par bsgom pa min/ /dngos por yang ni bsgom pa min/ /'jig pa med pa'i bde bsams na/ / bsam gyis mi khyab gnyis med gnas/ /sems can kun gyi bsam pa gang / /shes rab mngal na rnam par gnas/ /snying rje sad pa'i mda' yis ni/ /bde ba chen po'i 'ben la 'bigs/ /dogs pa kun las rnam par grol/ /gnyis su med cing mchog tu zhi/ /mkha' mnyam rnam rtog las grol ba//de nyid gnyis su med par brjod/ /bsam gyis mi khyab rnal 'byor gyis/ /dngos po thams cad rnam par bsgom/ /chos kyi zhal snga'i rim 'ong ni/ /bzang po'i zhal snga nas kyis gsungs/ /rnam pa'i dbye ba gnyis med la/ /dpal ldan mgon po bde ba che/ / gcig tu gyur pa'i rang bzhin las/ /'gro ba rnams ni rnam par sprul/ /stong pa dmigs pa smra ba yis/ /brdzun du smra bas bslus pa rnams/ /rnam rtog rmongs pa'i 'ching ba yis/ /bde ba dam pa gnyis mi rtogs/ /thabs dang shes rab rnam dag las/ /phyi rol rtog pa ngan pa'i rtags//gnyis med ye shes rnal 'byor che/ /bde ba chen po gcig nyid du/ /brtan dang g.yo ba'i dngos po kun/ /gnyis su med pa'i rnam par gnas/ /de rnams rang bzhin rnam dag cing / /mkha' ltar dri med gnyis med la/ /nga rgyal gyis ni tha snyad brtags/ / tha snyad de yang yod ma yin/ /tshor dang tshor po mtshon bya bral/ /gnyis med bde ba chen po nyid/ /gang yang bsam med rang bzhin phyir/ /sangs rgyas blo yi spyod yul min/ /thams cad de yi rang bzhin nyid/ /rang byung bsam pa rnams las 'das/ /sa steng srog chags thams cad ni//rtog pa'i dra bas nyams par 'gyur/ /ye shes gcig pu gnyis med pa/ /rnam par rtog pa rnam spangs pa/ /rtag dang chad pa ji snyed pa'i/ /phung po gnyis ni yod min pas/ dbu mar yang ni mi dmigs pa'i/ /gnyis su med pa'i ye shes mchog/ / gnyis dang gnyis med rnam rtog ste/ /thabs dang shes rab rnal 'byor che/ /ro gcig gnyis su med par brjod/ /'dod chags 'dod chags bral ba spangs/ /dbu mar dmigs par mi 'gyur ro/ /rang rig pa yi bde ba nyid/ /de nyid gnyis su med par brjod/ / mtshan bzhi mtshan nyid rnam par grol/ /rig pa po dang rig bya spangs/ /bdag med so sor rtog pa yis/ /rin chen sems ni rab rtogs byas/ /dngos po rang bzhin med pa'i phyir/ /dngos med nyid kyang mthong mi 'gyur/ /dbang po'i shes pas rtogs pa yis//gnyis med ye shes ngo mtshar che/ /spros pa thams cad rnam bral zhing / /nam mkha' lta bur dri ma med/ /rtog pa'i dra ba rnam gcod cing / /bsam gyis mi khyab gnyis med mchog /gnyis med bcud kyis phug pas na/ /rdo dang shing yang de yi dngos/ /lha yi rnam par 'gyur ba ni//bzang po'i zhal snga nas kyis gsungs/ /thabs dang shes rab snying rje che/ /gcig tu ro gcig rnam pa nyid/ /der ni ye shes skye bar 'gyur/ /gnyis med bde ba chen po nyid/ /gzugs dang sgra dang ro las 'das/ /dri dang reg bya la sogs spangs/ /chos dbyings rang bzhin rnam par dge//gnyis su med pa'i ye shes mchog /dogs pa kun las rnam par grol/ /gzung dang 'dzin pa rnam par spangs/ /rang bzhin rnam dag ma gos pa/ /gnyis med don ni dam pa'o/ /ma skyes pa dang mi 'jigs pa/ /mi 'gyur ba dang mi gnas pa//gnyis su med pa'i ye shes mchog /'di ni phyag rgya chen po nyid/ /yon tan rnams dang skyon rnams ni/ /sems kyi rnam par brjod pa ste/ /de la dmigs pa ye shes mchog /khrem gnyer med pa'i rang bzhin can/ /ye shes rang las skye bar 'gyur/ / cung zad kyang ni bsgom pa med/ /gang phyir bsam med chos 'di nyid/ /gnyis med sangs rgyas rnams kyi gnas/ /shin tu dri med ches dag cing / /sgom pa po dang bsgom bya spangs/ /dpal ldan bde ba'i 'byung gnas kun/ /rnam rtog med pas nges mthong 'gyur/ /lha yi gzugs ni du ma dang //rdo rje sems dpa' la sogs sku/ /sangs rgyas gzugs brnyan thams cad dang / /rnal 'byor pa yi dkyil 'khor tshogs/ /khro bo'i rgyal po thams cad dang / /de bzhin rig pa'i lha mo nyid/ /dkyil 'khor 'khor lo bzang po ru/ /snang pa'i rnam pa dri med nyid//de bzhin mdo sde'i sde snod dang / /gzhan yang pha rol phyin rim dang / /sngags dang phyag rgya rig pa dang / /de bzhin snying nyid bskul ba dang / /sngags kyi smra ba ma lus pa/ /dkyil 'khor dang ni sbyin sreg dang / /bzlas dang mchod pa'i cho ga rnams/ / gnyis med las ni rang nyid skyes/ /zhi ba nyi ma lta ba dang / /de bzhin mchod 'os khyab 'jug pa/ /rig byed tshad mar smra ba dang / /gzhan yang rang bzhin skye bar 'gyur/ /kun mkhyen gnas kyi sbyor ba 'di/ /bsam gyis mi khyab mi rtog pa/ /kun du bzang po zhes bya'i lha//yid bzhin nor bu bzhin du 'byung / /sa 'og ral gri ril bu dang / /shing lha bum pa gnod sbyin mo/ /bcud dang mig sman bzang po yang / /rang nyid 'grub ste gzhan du min/ /sngags pas dngos po bsgom bya min/ /dngos med nyid kyang bsgom bya min/ /rnam par mi rtog mos pa yis//thams cad rang nyid skye bar 'gyur/ /sangs rgyas nyid kyang 'grub 'gyur na/ /zhi ba khyab 'jug sogs ci smos/ /de la tha snyad yod ma yin/ /gzugs dang kha dog mtshan nyid med/ /sgyu ma'i rnam 'dzin bzang mo nyid/ /dang po'i rang bzhin dri ma med//rang bzhin 'od gsal rnam dag ste/ /rtag tu dga' bde'i 'byung gnas nyid/ /sku dang gsung dang thugs dang bral/ /me long me lce 'bar ba 'dra/ /mchog dga'i bde ba rnam pa ste/ /rtag tu bde chen 'byung ba'o/ /yi ge dang ni ming brjod pa/ / sbyor ba'i tshig tu rab tu bstan/ /gzhan du ngag gi lam 'das phyir/ /smra ba nyid de mi nus so/ /bya ba'i tshul la zhugs pa yin/ /'dod pa'i don la rol ba yi/ /mchod pa mchog gi dus su ni/ /bzang po'i zhal snga nas kyis bstan/ /shes rab gnyis su med pas ni//gcig pu'i rnam pa'i rang bzhin las/ /bag chags zad par gyur pas na/ /sangs rgyas nyid ni nges par 'thob/ /sna tshogs rigs kyi mthu yis ni/ /lta ba sna tshogs sbyor ba las/ /bag chags dri ma bsags pas ni/ /gnyis med nyid ni rtogs pa min/ / thog mtha' dbus dang mtha' ma bral/ /bskyed pa dang ni rdzogs pa spangs/ /bsam dang sems pa dang bral ba/ /gnyis su med pa'i ye shes mchog /gnyis med ces bya sangs rgyas su/ /bzang po'i zhal snga nas kyis gsungs/ /de phyir sangs rgyas rtogs pa las//sgrub po dam pa sangs rgyas 'gyur/ /tshig gi sbyor ba bstan pas na/ /sangs rgyas dang ni gnyis med brtags/ /don dam tha dad med tshul gyis/ /gnyis med sangs rgyas gnyis su med/ /bstan pa'i ye shes 'char bas na/ /rtogs ba'i rtog pa ring spangs te/ / dngos po la sogs rtog pa kun/ /de nyid las ni lkog tu gyur/ /bzang po'i zhal snga'i bka' drin gyis/ /nyams pa gso ba'i sbyor ba las/ /gnyis med ming du gzung ba la/ /bdag ma 'byor ba bye bzod par mdzod/ /mkhas pas rab tu 'bad pas kyang / /bag chags rnams ni zad par byas//gzhan du bskal pa grangs med du/ /bye ba sangs rgyas nyid ma yin/ /ye shes gnyis med mgon pos ni/ /bag chags rnams ni zad par byed/ /bag chags zad par gyur pa na/ /gnyis su med pa'i sangs rgyas brjod/ /bag chags bral ba'i gnas skabs na//skyes bu tha ma 'bring po dag /gang gi phyogs ni yod min pas/ /de ni sangs rgyas brjod par bya/ /rang bzhin med pa'i rang bzhin gyis/ /shes rab cha ni yang dag gnas/ /thabs ni dngos po bskyed pa po/ /bzang po'i zhal snga nas kyis bstan/ /de dag 'dus pa'i bdag nyid can//ro gcig rnam par sbyor ba las/ /'di ni gnyis su med pa'i mchog /bzang po'i zhal snga nas kyis gsungs/ /bsam dang sgom pa por bstan med/ /mchog tu dga' ba'i gzugs can ma/ /sangs rgyas nyid ni thob bya'i phyir/ /bzang pos bzang po gsungs pa nyid//dpe ni chos rnams thams cad la/ /bzhag pa nyid du de mi nus/ /mig sogs yid kyi rnam shes kyi/ /dpe yi dngos po rnam par spangs/ /gcig nyid thog ma med pa dang / /mtha' med rnam par yang dag gnas/ /bla ma'i zhal snga'i bka' drin las/ mchog gcig gis ni shes par 'gyur/ /rnal 'byor skyes bur bshad pa ste/ /rjes su rnal 'byor rig pa'i mchog /gnyis 'das shin tu rnal 'byor te/ /gnyis med ye shes rnal 'byor che/ /rnal 'byor pa nyid sangs rgyas 'gyur/ /nyi zla gza' yis zin pa na/ /shes rab rdo rje'i sbyor ba las//zhu bas gnyis med ye shes kyis/ /skye ba 'dir ni sangs rgyas nyid/ /don dam dga' ba'i rang bzhin te/ /gzung dang 'dzin pa rnam par spangs/ /grub pa'i gzugs su the tshom med/ /snying rje gnyis su med pa'i mchog /gzugs kyi thog ma 'bring po ni//gang yang mig gis mthong gyur pa/ /don dam don gyi rang bzhin gyis/ /gnyis med dam par blta bar bya/ /gang yang rna bas thos 'gyur ba'i/ /sgra dang sgra ngan rnam phye ba/ /sgra las 'das pa ye shes gtso/ /thos pa gnyis su med pa'i mchog /gang yang lce yis myong 'gyur ba'i//ro mchog ro ni ngan pa yi/ /ro drug gcig tu gyur pa yi/ /gnyis med mchog ni rtogs par bya/ /sna yis dri ni snam shes pa'i/ /ri dwags lte ba la sogs dri/ /gcig tu gyur pa'i rang bzhin gyis/ /gnyis med mchog ni shes par bya/ /lus kyi reg bya'i rang bzhin rnams//rigs bzang rigs ngan rnam phye ba/ /thabs dang shes rab sbyor ba yis/ /snyoms 'jug gnyis su med pa'i mchog /mtha' med thams cad khyab pa po/ /ye shes snang ba'i 'od zer las/ /rang byung mchog tu dga' ba nyid/ / gnyis med sangs rgyas dam pa ste/ /'du byed tshor ba 'du shes dang / /gzugs dang rnam par shes pa nyid/ /ye shes lnga yi rang bzhin sku/ /lnga med gnyis su med pa'i bdag /rtag pa mi bskyod rin chen dang / /tshe dpag med dang don yod bdag /lnga bdag gyur pa'i ril po ni//drug pa bde ba chen po nyid/ /sa dang chu dang de bzhin me/ /rlung dang nam mkha'i nyid deng ni/ /'byung lnga lhan cig skyes pa ni/ /byang chub gnyis su med par 'gyur/ /me long mnyam nyid bya nan tan/ /so sor rtog pa chos dbyings rnams/ /rnam par rtog brkyen gyis brtags//rang byung gcig pu gnyis su med/ /sems can bsam pa'i dbang gis ni/ /lta ba la sogs rnam par phye/ /zhi sogs khyab 'jug tshangs pa dang / /kun mkhyen gcig pu gnyis su med/ /mig las byung sogs ma lus dang / /yid kyi spyod yul las 'das pa//don dam gnyis med ces bya ba/ /ngag gi spros pa kun rdzob kyi/ /gnyis su med la kun du brtags/ /don dam gnas skabs dbyer med pa/ /gnyis su med la sangs rgyas med/ /rtog pas nam mkhar sbyor ba ni/ /ngag gis spros pa bstan pa yin//bstan bcos rim pas tshig tu ni/ /rnam par phye ste bshad pa yin/ /gnyis med las gzhan sangs rgyas ni/ /smra ba nyid du mi nus so/ /stong pa bcu drug bshad pa dang / /shes rab bcur ni brtags pa dang / /sangs rgyas lngar yang bshad pa dang / /rnam rig dag ni gnyis su med//me long snang ba'i gzugs brnyan ni/ /ji ltar kun du snang 'gyur ba/ /de bzhin gnyis med ye shes 'dir/ /sangs rgyas byang chub bsam mi khyab/ /khams gsum dag ni thams cad du/ /skye dang gnas pa'i rgyu rnams kyi/ /de kun gnyis med ye shes las//skye bo thams cad 'byung bar 'gyur/ /rgya mtsho ri dang shing dang ni/ /rtswa lcug gel ba la sogs pa/ /gnyis med ye shes las byung ba/ /'di la the tshom yod ma yin/ /pha dang ma yang gcig pa ste/ /'di la gnyis yod ma yin no/ /gnyis med ye shes rang bzhin las//gzhan yang thams cad skye bar 'gyur/ /'di ltar thabs dang sbyor ba yis/ /shes rab gnyis med rang bzhin las/ /skye ba 'dir ni rnal 'byor pas/ /sangs rgyas nyid ni 'phral du rnyed/ /ye shes dag gi rang bzhin mchog /bla ma brgyud pa rim pa'i gzhung / / snyan nas snyan dang zhal nas zhal/ /bzang po'i zhal snga nas kyis gsungs/ /bzang po'i zhal snga'i bka' drin las/ /bsam med sgom pa'i rnal 'byor pa/ /rdzogs pa'i rnal 'byor 'di yis ni/ /sangs rgyas nyid ni nges par 'thob/ /rta mchog pa yi zhal snga nas/ / in+d+ra b+hU ti legs smrar bcas/ /sgeg pa'i rdo rje gun di ri/ /slob dpon pad+ma snying rje che/ /chos kyi zhal snga'i rim pa las/ /bzang po'i zhal sngar phrad pa nyid/ /gnyis su med pa'i ye shes mchog /thams cad kyi ni dgongs pa gcig /sngags kyi smra ba ma lus dang / /de bzhin pha rol phyin pa'i lugs//mdo sde sde snod la sogs pa/ /'dir gcig gnyis med bde chen pos/ /mchod 'os zhi ba nyi ma sogs/ /so so'i grub pa'i mtha' nyid dang / /khyab 'jug dang ni shes bu'i chos/ /gnyis su med par bstan pa'o/ /gnyis med phyi rol yod min pas//lha dang lha min tha ma ni/ /thams cad gnyis med ye shes las/ /so sor snang ba gsal bar 'gyur/ /stong pa'i bye brag tu phye ba/ /snying rje dang ni gnyis med 'dres/ /thabs dang shes rab mnyam par ldan/ /sangs rgyas rang bzhin kun bla ma/ /'di ni bzang po'i zhal snga'i gzhung //ye shes rgya mtsho dam pa nyid/ /'o ma'i rgya mtsho bsrubs pa las/ /dam pa thams cad skye 'gyur zhing / /tshangs pa khyab 'jug dbang phyug che/ /gang yang sangs rgyas sogs grags dang / /nyi zla gza' skar bcas ba yang / /ye shes rgya mtsho las byung zhing //legs smin dang ni dbyangs can nyid/ /ro yi mchog ni myang ba dang / /tshangs bcas lha min mi rnams ni/ /bdud rtsi las ni thams cad long / /rdo rje 'dzin pa'i sa dge ba/ /bcu gsum du yang rnam bshad pa/ /gru gsum rnam par 'byung ba ni/ /'di ni chos kyi 'byung gnas brjod//nyi zla chu yis gang ba yis/ /shes rab gzugs ni cher 'bar ba/ /bde las bde ba chen po kun/ /sangs rgyas nyid ni 'thob byed ma/ /bad chen 'dab ma bye ba nyid/ /de yi dbus na rnam par gnas/ /rtag tu ge sar bcas pa'i nang / /A li kA li yang dag ldan//zla ba nyi ma'i gos kyis bkab/ /shes rab dgu dang yang dag ldan/ /'dzag cing 'bar ba'i rnam pa nyid/ /thig le zla ba 'char ba'i mchog /dga' ba skyed byed bzang mo ste/ /ma lus don gyi 'bras ster ma/ /dang ba'i bdud rtsi shin tu gang / /nor bu rin chen mnyam par ldan//yon tan mtha' yas sa yi gzhi/ /bde dpal rdo rje can gyi gnas/ /thams cad tshim par byed pa mo/ /'byin byed skyed par byed pa mo/ /lha yi gzugs ni du ma dag /gnyis med rgya mtsho las ni 'byung / /chos dang longs spyod rdzogs gzugs dang / / sprul pa yi ni sku nyid kyis/ /sems can du ma kun gyi don/ /phyogs bcu'i 'jig rten khams rnams kyi/ /mtha' yas mthar thug thams cad du/ /chos kyi 'khor lo bskor ba po/ /stobs bcu yi ni ye shes ldan/ /shes rab gtso bo dam pa nyid/ /mkha' 'gro pad+ma nges par rig / lam mchog bzang po'i rim las 'ongs/ /snying ga lte ba'i pad+ma dang / /de bzhin lkog ma'i pad+ma nyid/ /dril can skye gnas pad+ma yi/ /dngos su 'dzag pas rnam par gnas/ /bshang gci khu ba 'pho ba dang / /lta dang snom dang nyan pa dang / /ro mchog rnams ni rig par 'gyur/ /sgo dgu dag nas rgyu ba yi//sa bon pad bsnol rnam pa mtshungs/ /'og dang steng du rnam par gnas/ /'di ni shes rab ces bshad pa/ /sangs rgyas kun gyi yul nyid do/ /de yi dbus na gnas pa'i lha/ /mchog gi dbang phyug gnyis med pa/ /pad+ma gsum du rol bar 'gyur/ /thams cad mkhyen pa'i bde chen po//me dang chu dang dbang chen dang / /rlung gis rnam par brgyan pa nyid/ /dal bus 'khor ba'i sbyor ba yis/ /bye brag gsum du 'dren par byed/ /dril can bu ga'i lam gyis ni/ /sna yi rtse mor sbyor ba las/ /srol gong rdo rje'i bu ga ru/ /sangs rgyas phreng ba gnyis su med//'khor bas yongs su nyon mongs na/ /dril can rtse mor ngal so nas/ /rdo rje lce yis rab sbyor bas/ /bdud rtsi btung bar bya ba nyid/ /de nas lus ni rnam dag pa/ /rang bzhin dri ma med par 'gyur/ /shes rab bzang zhing yid gzhungs pa/ /rga dang 'chi ba nyams par byas//bzang po'i zhal snga'i rnal 'byor gyis/ /bdag la rnam par rol par gsungs/ /ting 'dzin bdud rtsi zhes bya ba/ /bde ba'i mchog de bzhin du min/ /sna nas rngub pa'i bye brag gis/ /haM gi rnam pa mi shigs pa/ /dril can bu ga'i lam du ni/ /rtsa rnams sum cu rtsa gnyis gnas//so ni sum cu rtsa gnyis brjod/ /cha dang cha min gnyis su med/ /sna yis rngub pa'i bye brag gis/ /haM gi rnam pa mi shigs pa/ /dril can bu ga'i lam gyis ni/ /nges par 'dren pa lam gyi mchog /de la sgo ru ngal so zhing / /dag pa'i rnam pa 'od gsal ba//thog ma med nyid ces bya ba/ /bde dpal rnam par yang dag gnas/ /de nas rlung gis phul ba dang / /dbang chen yang ni gsal bar 'gyur/ /nges pa'i lam yang gsal 'gyur ba/ /mchog gi dbang phyug mi shigs pa/ /sa ni bcu gsum dbang phyug mchog /thog ma med par grub pa'i gzugs/ /chos kyi 'khor lo bskor bas so/ /bzang po'i zhal lnga'i man ngag ste/ /snying po brgyud pa'i rim pa yi/ /gang yang thos pa kun bzung nas/ /de thos bsam pas bsgom pa yin/ /bzang po'i zhal snga'i bka' drin gyis/ /nyan pa goms pa'i sbyor ba las//dge can tog rtse zhes bya bas/ /gzhung 'di dag ni yang dag bsdus/ /bdag ni bzang po'i zhal snga dang / /slob dpon gzhan dang rnal 'byor pa/ /sems can rnams ni ma lus pa'i/ /bran du skye dang skye gyur cig /bsam pa 'di yi sgo nas ni//gal te bdag ni sangs rgyas 'gyur/ /'on te dmyal bar 'gro srid na/ /dmyal nyid bde ba can du shog /bsam med gnyis med rdzogs pa yi/ /rim pa'i man ngag mkhyen pa bla/ /lha yi rang bzhin ma lus sngags gzhung rnal 'byor mchog /rnal 'byor rgyas pa mtha' yas bla ma las byung dri med 'di//glen pa blo zhan bdag nyid dran pa tsam phyir bris pa yin/ /bsam gyis mi khyab pa zhes bya ba phyag rgya chen po thob pa'i slob dpon tog rtse zhabs kyis mdzad pa rdzogs so/ /bde ba'i myu gu dang 'gos kyis bsgyur ba'o// //