CLOSE WINDOW

D2223
བོད་ཡིག

/[ ]@##/ /rgya gar skad du/ shrI sa ha dza sid+d+hi nA ma/ bod skad du/ dpal lhan cig skyes pa grub pa zhes bya ba/ dpal rdo rje mkha' 'gro la phyag 'tshal lo/ /sems can rnams la phan gdags phyir/ /lhan cig skyes grub rab bshad bya//sbyin sreg mchod sbyin dka' spyod 'das/ /dang po las can spangs pa rnams/ /lhan cig skyes pa'i dngos rang bzhin/ /de nyid grub pa rtag tu bshad/ /lhan cig skyes 'gyur de yi phyir/ /brjod bral lhan cig skyes par bshad/ / mkha' dbyings la yang b+ha ga bsam/ /'khor lo sngon 'gro go rims bzhin/ /lha nyid ji ltar 'byung ba dag /dbus su rnam par bsgom par bya/ /mkha' dbyings zhes bya pad+ma la/ /ye shes b+ha gar shes par bya/ /bsgom par zhes bya snyoms 'jug ste/ /de yi bde ba 'khor lor brjod//go rims rang gis rig pa ste/ lha nyid byang chub sems yin no/ /ji ltar 'byung 'gyur dag phyir ro/ /de phyir lhan cig skyes rnam gnyis/ /shes rab bud med dag tu 'gyur/ /skyes bu thabs su shes par bya/ /'di dag phyis ni don dam dang //kun rdzob dbye bas rnam gnyis so/ /de la skyes bu'i rnam gnyis te/ /khu ba dang ni yid bde ba'o/ /shes rab la yang skyes bu ltar/ /khu ba dang ni de'i bde ba'o/ /de lta bas na bdag nyid kyang / /rab tu dbye ba rnam bzhi yin/ gang phyir lhan cig skyes rnam bzhi//yang dag rdzogs sangs rgyas kyis gsungs/ /dga' ba cung zhig bde ba ste/ /rab dga' de las lhag pa yin/ /dga' bral dga' ba chags bral te/ /lhan cig skyes dga' lhag ma nyid/ /dang po rig par 'dod pa ste/ / gnyis pa bde bar 'dod pa yin/ /gsum pa chags pa mnyam nyid phyir/ /bzhi pa der ni bsgom bya yin/ /dang po shes rab dro ba ste/ /gnyis pa du bar ldan pa yin/ /gsum pa me stag 'phro ba ste/ /de bzhin bzhi pa 'bar ba yin/ /lte bar gtum mo sbyor nas ni//de bzhin gshegs pa lnga bsregs shing / /spyan la sogs pa bsregs nas ni/ /bsregs pa'i haM las ri bong 'dzag /snga ma bzhin du byang chub sems/ /rnam pa gnyis su rgyal bas gsungs/ /shes rab rdo rje mnyam sbyor ba/ /de bzhin de las blta bar bya//gzugs sgra de bzhin dri dag dang / /ro dang reg bya nyid de bzhin/ /chos kyi dbyings kyi rang bzhin la/ /ji ltar 'dod par spyod pas na/ /skye mched re re la dga' ba/ /bzhi bzhi dag tu blta bar bya/ /lhan cig skyes gzhan gyis brjod min/ /gang gis thob par 'gyur ba'ang min//bla ma'i bsod nams tshogs bsten las/ /bdag nyid kyis ni shes par 'gyur/ /dpal DoM bi he ru kas mdzad pa'i lhan cig skyes pa grub pa las lhan cig skyes pa bstan pa ste le'u dang po'o// //dman pa bar ma mchog nyid dang //gzhan gang yin pa de dag la/ /de rnams thams cad mnyam nyid ces/ /de nyid bsgom pas blta bar bya/ /dman pa'i dngos don phra ba ste/ /dngos po dag ni mchog ces bya/ /gnyis spangs bar ma dag yin te/ /gzhan zhes bya ba dbang po drug /brtan dang g.yo ba gang de zhes//de kun yod min bdag med min/ /mnyam dang mtshungs par g.yo ba rnams/ /de nyid bsgom par mtshungs pa yin/ /mnyam dang mtshungs pa dag tu gsungs/ /de yang ro gcig shes par bya/ /mnyam pa ro gcig bsgom pa ni/ /don 'di yis ni gsungs pa yin//'jig rten rigs rnams bsten pa yin/ /grangs lngar gyur pa byas pa dag /rigs rnams bsten pas 'grub 'gyur te/ /'dod pa thams cad rab stsol mdzad/ /sems can dngos grub rgyu dag gis/ /mi bskyod 'od dpag med dag dang //rin chen 'byung ldan rnam snang mdzad/ /de bzhin don yod grub par gsungs/ /mi bskyod rdo rje zhes brjod cing / /'od dpag med ni pad+mar bshad/ /rin chen 'byung ldan rin po che/ /rnam par snang mdzad de bzhin gshegs/ /don yod grub pa las zhes gsungs//rigs rnams de dag mdor bsdus pas/ /rigs bsten pa yis 'grub 'gyur zhes/ /yang dag rdzogs sangs rgyas kyis gsungs/ /ha la sogs pa'i rigs dag la/ /'jig rten mi 'dod skrag par 'gyur/ /rmongs pa rnams la bstan na yang //rab tu 'khrugs 'gyur zhi mi 'gyur/ /dad pa'am thos pa yod gyur na/ /dgyes pa rdo rje des shes 'gyur/ /skal ngan kun la sbas pa ste/ /sems can skal ldan dag la bstan/ /bcu yi grangs su byas pa yis/ /dam tshig dag ni bsten par bya//lhan cig skyes pa'i phyir dbye gnyis/ /tha dad tha dad lnga lnga ste/ /dang po'i ga dang thog ma'i ha/ /mtha' yi shwa dang dang po'i shwa/ /dang po'i na ste 'jigs pas kyang / /'jig rten skur pas sba bar bya/ /phyi yi mdog nag dkar po dang / /dmar dang sngo dang ser po dang //kha dog dbye ba de lnga yin/ /de dag de bzhin gshegs par shes/ /gang zhig srid gsum 'gyur ba yin/ /'gro kun lhan cig skyes par ldan/ /'gro ba'i rang bzhin gzhan mi snang / /thams cad de nyid kyis khyab yin/ / de ltar shes nas rnal 'byor pas/ /nges par bdag nyid de 'dra zhes/ /lhan cig skyes pa'i bde ba yin/ /blo chen ldan pas rnam par dpyad/ /bza' dang btung ba de bzhin khrus/ /'gro ba'i rmi lam na yang sems/ /bde ldan mngon par 'dod pas ni/ /rtag pa nyid ni de las thob//dpal DoM bi he ru kas mdzad pa'i lhan cig skyes pa grub pa las dam tshig gi de kho na nyid bstan pa'i le'u ste gnyis pa'o// //gang du phyi rol gang gsungs pa/ /bde ba'i stobs dang ldan pa'i mchog /dgyes pa'i rdo rje ma rgyud las/ / dang po dpa' bos gsungs pa yin/ /slob sbyong slob sbyong spyod pa dang / /bram ze na yang gtsang sbra nyid/ /rtag tu gtsang sbra spyad par bya/ /sems la gnod par mi bya'o/ /bsod nams ye shes gtsang sbra yin/ /rang gi rig pa'i bde ba yis/ /rang gi bdag nyid dag par 'gyur//gzhan gyis dag par mos mi bya/ /sman pa sman la 'jug pa yi/ /spyod pa bsten par bya zhes gsungs/ /bsten pas sten pa'i spyod pa yis/ /spyad par bya zhes yang dag shes/ /slob ma gang zhig grub rnyed na'ang / /gus par mngon par phyag mi byed/ / bla ma'i bka' las 'das pa yis/ /skad cig gis ni yang sos 'gyur/ /gang phyir yid kyis ma bsgoms pa/ /'gro ba thams cad bsgoms par 'gyur/ /bsgom pa med pa'i bsgom nyid kyis/ /chos rnams thams cad yongs shes 'gyur/ /brtan dang g.yo ba'i dngos po gang //rtswa dang nags la lcug ma sogs/ /bdag gis rang gi ngo bo nyid/ /de nyid mchog ni des bsgom bya/ /de dag rnams las mchog ni med/ /so so rang rig bde chen po/ /gang zhig so so rang rig bsgom/ /rang gi dngos grub 'byung bar 'gyur/ / so so rang rig las 'di ni/ /gnod pa las 'di skye bar 'gyur/ /rang gi byed po rang rig sdud pa po'o/ /bdag nyid rgyal po bdag nyid gtso bo yin/ /'dod chags zhe sdang de bzhin nges par na/ /gti mug dang ni phrag dog nga rgyal rnams/ /rig pa'i rgyal po bde chen las//nyon mongs lnga po dag tu blta/ /bkres pa dang ni skom pa yis/ /gnod par ma gyur gang de tshe/ /bshang dang gci sogs 'jug pa med/ /de tshe grub pa dag tu bsgrags/ /de phyir bde ldan thob 'gyur zhing / /dpa' bo bde chen thub pa yis/ /don chen bde ba la brten nas//rnam pa kun du dngos grub dag /nye bar rab tu gnas 'gyur zhing / /mngon shes lnga yang 'byung bar 'gyur/ /lha'i mig dang / lha'i rna ba dang / lha'i sna dang / /lha yi ro dag dang / lha'i reg bya dang / yid kyi lus kyis gzhan du gnas pa rnams des longs spyod par 'gyur ro//dpal DoM bi he ru kas mdzad pa'i lhan cig skyes pa grub pa las/ spyod pa'i de kho na nyid bstan pa'i le'u ste gsum pa'o// //dpal dgyes pa'i rdo rje'i rgyud kyi lhan cig skyes pa grub pa las/ lhan cig skyes pa bstan pa slob dpon chen po dpal DoM bi he ru ka'i zhal snga nas mdzad pa rdzogs so/