CLOSE WINDOW

D2220
བོད་ཡིག

@##/ /rgya gar skad du/ a dwa la sid+d+hi sA d+ha na nA ma/ /bod skad du/ /gnyis su med par grub pa'i sgrub thabs zhes bya ba/ 'jam dpal gzhon nur gyur pa la phyag 'tshal lo/ /mgon po'i rang bzhin gsal ba ni/ /khams gsum las byung thams cad mkhyen/ /rdo rje che la mgos phyag 'tshal//dgos pa'i don gyi 'bras bu 'byen/ /yul dus chos dang gza' skar dang / /dkyil 'khor brtag pa mi dgos pa'i/ /rdo rje sems dpa'i sgrub thabs bshad/ /bsdus te bsgrub pa sgrub pa'i mchog /dam bca' dka' thub smyung ba dang //snying po sgom pa smra ba la/ /'di nyid med par gyur na ni/ /bskal pa 'bum phrag brgyar mi 'gyur/ /che chung sa bon la sogs tshogs/ /sna yi nang nas 'byung ba dang / /sngags pa rtag tu mchod pa byed/ /bdag nyid de nyid bsgom ste mchod/ /ma dang sring mo bu mo dang //de bzhin tsha mo nyid dang ni/ /shes rab thabs su bya ba ste/ /rnal 'byor pas ni rtag tu mchod/ /yan lag gcig med rigs ngan dang / /bzo bo khyi sha can sogs kyi/ /bu mo rtag tu mchod par bya/ /ye shes rdo rje bsgom pa che/ /de kho na nyid kyi sngags kyi 'bras bu ni 'di yin no//oM AHhUM/ 'di ltar sems can 'ching ba ni/ /drag po'i las kyis sems can rnams/ /thabs kyis 'khor ba dag las grol/ /dam tshig nyin mtshan rtag tu ni/ /rigs lnga las byung bzang po dang / /gsal ba'i tshogs kyi mchod pa byed//'o ma 'bab pas sna tshogs 'byung / /sngags pa rab dga'i mig gis ni/ /rtag tu mig gi mdangs phyung ste/ /yang dag sems ni brtan po yis/ /ye shes rgya mtsho skam par byed/ /ji ltar g.yo dang mi g.yo ba/ /khams gsum thams cad ma lus pa/ / thams cad de nyid [(]rnam [,]rnal [)]'byor ni/ /rdo rje 'dzin pa nyid du mthong / /gzhan du kha cig smra ba dang / /mtshan ma'i bye brag 'dug pa la/ /de la brnyas par mi bya ste/ /rdo rje sems dpa'i rdzu 'phrul nyid/ /thams cad mnyam pa nyid gnas te/ /ma lus dngos po med pa ni/ / sngags pas rtag tu sgom par byed/ /phung po'i rang bzhin dag pa nyid/ /dri dang gos dang me tog sogs/ /spos dang lha bshos de bzhin du/ /glu dang rol mo gar sogs kyis/ /thabs kyi bdag po dga' bar 'gro/ /dka' thub ngan pas gzir mi bya/ /smyung ba yi ni las mi bya//khrus dang gtsang sbra mi bya ste/ /blo gros chung ngu'i spyod mi bya/ /lugs ma la sogs phyag mi bya/ /sa shing rdo sogs de bzhin no/ /bdag gi lus la rgyun du mchod/ /rtag tu sems gcig kho nas mchod/ /sbrang bu skyugs pa bsres pa yis/ / che chung tshogs kyis sbyang bar bya/ /gsal ba lnga dang ldan par byed/ /rdo rje 'dzin pa mchod par bya/ /bud med rang byung me tog ni/ /byang chub sems dang ldan par bya/ /rtag tu lha mo mchod par bya/ /phung po de nyid bsgom par bya/ /gzhan gyi nor dag 'phrog par bya//gzhan gyi bud med bsten par bya/ /brdzun gyi tshig kyang smra bar bya/ /sangs rgyas thams cad gsang bar bya/ /rdo sogs mchod rten mi bya ste/ /glegs bam dag kyang bklag mi bya/ /rmi lam tsam du dkyil 'khor ni/ /lus kyis bya bar mi bya'o/ / thams cad dag ni kun la yang / /rtog pa dag ni mi bya ste/ /rdo rje sems dpa'i bdag nyid du/ /dngos po ma lus gyur par bsam/ /sngags pa 'gro dang 'dug pa dang / /de bzhin za dang mi za dang / /'thung dang mi 'thung ba dag la/ /sems ni rtog par mi bya'o/ /rnam par snang mdzad byung ba la//sems can thams cad yan lag tu/ /mkhas pas sems can kun blangs te/ /dngos grub rgyur ni bza' bar bya/ /thams cad rigs nas byung ba yi/ /bud med dag la brtag mi bya/ /de nyid bcom ldan pha rol phyin/ /kun rdzob tsam gyi gzugs nyid do/ / tshes grangs skar ma mi dgos te/ /smyung bar yang ni gnas mi bya/ /gnyis med ye shes ldan pa yis/ /bde bar gshegs pa'i dngos grub 'gyur/ /mang po smras te ci zhig bya/ /ji lta ji ltar mthong ba dag /de dag thams cad rnal 'byor gyis/ /mthong zhing rig pas shes par bya//ba long rta bong rnga mo dang / /ba dang khyi las byung ba las/ /gsal bar che ba bsres byas te/ /rnal 'byor mkhyen pas rtag tu bza'/ /gcig la chags par mi bya ste/ /gang yang blang dor mi bya'o/ /rnal 'byor mnyam pa'i sems kyis ni/ /'khor ba'i rgya mtsho rgal bar byed//'byung dang 'dug dang 'gro ba dang / /kun gyis mang po spros pa dang / /de dag med na 'khor ba med/ /skye ba dang ni 'byung ba med/ /bcom ldan rdo rje nyi mas ni/ /shes rab mtshan mos bshad pa ste/ /de 'dra'i rnal 'byor sgom byed na//myur du dngos grub thob par byed/ /thams cad sems kyis chos nyid ni/ /dngos por ma grub brtag dka' ba/ /de nyid slob dpon zhal nas ni/ /thob par 'gyur bar the tshom med/ /mi gnas mya ngan 'das pa yin/ /mtshan ma med pa gnas ni med/ / de shes byang chub mchog tu 'gro/ /de ltar shes pa'i rnal 'byor ni/ /blo can rtag tu bslab par bya/ /de nyid 'grub par the tshom med/ /bsod nams med pa'ang 'grub par 'gyur/ /khams gsum na ni slob dpon las/ /che bar gyur pa gzhan med na/ /de nyid kyi ni bka' drin gyis//dngos grub mang po thob par 'gyur/ /de nyid rdo rje sems dpa' nyid/ /sangs rgyas thams cad phyag kyang 'tshal/ /slob dpon mchod pa bla na med/ /ci tsam nus par mchod par bya/ /de ni de bzhin gshegs pa nyid/ /sems can rnams kyi don gyi phyir//gzugs su snang ba kun rdzob ste/ /rnal 'byor bdag nyid gdan la 'dug /'chi bdag de ni rtag pa che/ /thams cad ma lus stong pa nyid/ /rang gi rtog pa mi snang la/ /gzhan dag de la dga' bar byed/ /gnyis su med par grub pa'i sgrub thabs zhes bya ba 'di ni u rgyan gyi che ba rnal 'byor gdan gyis sgrub pa'i lha'i gnas nas phyung ba/