182a3 /[ ]@##/ /rgya gar skad du/ A R+Ya nI lA m+ba ra d+had+ha ra badzra pA Ni sA d+ha na no pi ka /bod skad du/ 'phags pa lag na rdo rje gos sngon po can gyi sgrub thabs/ dpal ldan gos sngon can la phyag 'tshal lo/ /'gro ba sems
182a4 can mun 'thoms pa'i//kun nas dkris pa'i nyon mongs kun/ /sgron mes gsal phyir sgrub pa'i thabs/ /dpal ldan rdo rje 'dzin la gus btud de/ /bla ma brgyud pa'i man ngag ni/ /klu yi byang chub nyid kyis rim/ /bzhin bshad rigs rnams 'os su grub pa yi/ /sngags
182a5 pa yon tan kun ldan pa'i//yid 'ong bkra shis bde gnas su/ /bla med rgyu ru rag gnas la/ /snying gar nyi la hUM bzhag ste/ /byin brlabs bltas te bka' bsgo la/ /'od kyis bgegs la thog rnams dbab/ /b+h+rUM gyi tshig dang yang dag ldan/ /hUM las 'od zer ha 'phros
182a6 pas//rdo rje 'khor lo ral gri dang / /me yi khang pa yongs su /badzra tsakra ha na dang / /dz+wa la raM yang yongs su brjod/ /g.yas pa'i raM dang g.yon pa'i a/ /snying rjes bgegs gsos byer bar 'gyur/ /rgyud 'os gyur nas rang byung gi /de 'od las byung nyid [(]kyil [,]dkyil [)]du/ /
182a7 slob dpon sangs rgyas bcas spyan drang / /bla ma mi bskyod gzugs 'dzin la/ /phyag 'tshal phyi nang bzhi yis mchod/ /sdig pa bshags nas sdom pa gzung / /yi rang bskul dang gsol ba gdab/ /bsngo dang skyabs 'gro sems bskyed de/ /tshad med bzhi po yongs su
182b1 bskyed//rgyu dang mi rgyu'i rnam pa kun/ /thams cad yongs su dag pa las/ /rang byung sngags bskyed 'byung ba yi/ /gzhal yas lam ldan rab tu bcas/ /gru bzhi pa la sgo bzhi pa/ /ka ba brgyad dang rin chen mdzes/ /dra ba dra phyed pha gu dang / /dar dpyangs rta babs rnams dang
182b2 ldan//seng ge 'khor lo nyi zla'i gdan/ /de steng hUM las rdo rjer gyur/ /de las dpal ldan gnyis kyi bdag /nyon mongs kun sel gtum bo'i gzugs/ /rigs lnga'i sangs rgyas dbu la brgyan/ /mthing ga gos sngon sku la gsol/ /rdo rje dril bu lag na thogs/ /thun mong las
182b3 dang rjes mthun no//mchog kyang thogs pa med par ro/ /sbrul bzhis lus la rnam par brgyan/ /spyan dmar mche gtsigs sbrul nag za/ /rin chen dpa' bo'i chas kyis brgyan/ /brkyang bskum khro bo brjid pa'i zhal/ /gsus khyim che zhing 'jigs pa can/ /de gsal mdun du ye
182b4 shes dgug /bgegs bsal mchod dang gtor mas mnyes/ /e ma ho dpal ldan gos sngon can/ /lus kyi rtog pa bsal ba'i phyir/ /ye shes thugs rje chen po'i dang / /bdag lus ye shes skur byin rlobs/ /zhes gsol ba gdab bo/ /de nas sku gsung thugs gnas
182b5 su//yig 'bru gsum las 'od byung nas/ /mi sdug yig 'bru 'od kyi gzugs/ /bsdus shing bsregs te sbyangs pa las/ /ye shes gsum ni gnas su bzhag /ye shes rigs lngas byin gyis brlabs/ /dbang bskur mi bskyod rigs lngas brgyan/ /oM sarba ta thA ga ta gu h+ya
182b6 a b+hi Shiny+tsa/zhes bya ba'i sngags kyis/ ngag yongs su dag par byas te/ gsang sngags bzlas so/ /gsal ba rnam gnyis rags dang phra/ /bdag dang gzhan gyi rnam pa la/ /gsal bar byed pa de nyid do/ /rgyud rnams sbyangs pa'i bzlas pa ni/ /rags pa dang ni phra ba'o/ /rags
182b7 pa gnyis te ba thag dang //ba thag med de gnyis ka la/ /mgal me phreng ba nyi ma'i tshul/ /phra yang gsum du 'byung ba ni/ /hUM bskul bsreg pa raM yin te/ /lte bar bkru ba spyi bo a/ /mtshan ma 'dod pa'i bzlas pa la/ /rnam pa lngar 'dis ma byas pa/ /'od zer dkar dmar
183a1 'phro 'du dang //ba thag gzings dang dmigs pa med/ /snying gar bskor ro mtshan ma 'byung / /raM dang hUM las me byung bas/ /ye shes lus su gsal bar snang / /grub rtags thon pa'i rtags gsum las/ /'od sgra sku ston sgyu ma dang / /tshogs dang gtor mas bzlog
183a2 par bya//de rjes sangs rgyas lung ston 'byung / /grogs ni khrus dang sreg dang tshe/ /bdud rtsi klog 'don maN+Dal dang / /tshogs dang sbyin sreg gsad pa dang / /tsha tsha gtor ma la sogs pa/ /'di yang grogs su 'gro ba yin/ /de nas gser la sogs pa 'grub/ /mchog 'dod pa
183a3 yi sems can gyis//thabs dang shes rab 'khor lo bzhi/ /snying nas sbyor ba gsum gyi rtsa/ /yi ge thig les yang dag mtshan/ /dbus su thabs dang shes rab 'bar/ /dbu ma dbyings nas sprul pa ru/ /ye shes gsal bar dbyings la thug /de tshe mi gnas bsam dang bral/ /
183a4 'gro ba'i tshe dbang gang gi rtsa/ /kha phye ba yi nang nas thig le bsam/ /ba thag phug nas thig le la/ /thim mo de la blo gtad pas/ /mtha' 'das rang bzhin med pa'o/ /'jug pa ba thag bzhi po yang / /srid gsum 'joms pa'i rang bzhin te/ /stong pa ba thag bzhi por thim/ /dbang
183a5 po thig le med pa la//dbu ma chen po'i dbyings nyid du/ /ye shes phra mo las kyis spros/ /'byung 'jug phra ba'i ba thag ni/ /skor bdun 'ong dang 'gro ba 'grub/ /rtags lnga la bzla phyag rgya yi/ /ye shes chen po thob par 'gyur/ /'di ni gang zag snod can la/ /gang zag tshul 'chos
183a6 g.yo can rnams//gsang sngags phrag khyer ngan song rgyu/ /de la sbyin par mi bya'o/ /tshul bzhin bsgrub pa'i gang zag la/ /dngos grub klu mo mkha' 'gros ster/ /brgyud pa'i rim pa man ngag 'di bkod pas/ /tshig dang don la nyes pa yang yod srid/ /rigs lnga bde bar gshegs
183a7 pa dang //mkhas pa rnams la bzod par gsol/ /khengs pa rnyed pa bkur stir la sogs min/ /phyi rabs rtsod pa'i dus su sems can dngos grub 'byung / /'di brtsams pa yi bsod nams kyis/ /khams gsum sems can ma lus kun/ /rags dang phra ba'i rtog pa
kun spangs nas/