CLOSE WINDOW

D2207
བོད་ཡིག

/sngags kyis nyon mongs kun spangs nas/ /gos sngon dngos grub thob par shog /sngags kyi rgyan nA gArju nas mdzad pa rdzogs so//[ ]@##/ /rgya gar skad du/ pra tiSh+Tha a laM kA ra/ bod skad du/ rab tu gnas pa'i rgyan/ /rdo rje bsnams la phyag 'tshal lo//dus gsum sangs rgyas kun gyi dang / /zla ba lta bu'i mthu mnga' pa'i/ /sel cing snang bar byed pa yi/ /mnga' bdag rdo rje can la 'dud/ /chogs sogs nus pa tshogs byung bas/ /rab tu gnas pa bshad par bya/ /sngags pa yon tan kun ldan bas/ / bkra shis pa yi gnas dag tu/ /bsnyen pa rnam gsum rdzogs pa yis/ /lhag par gnas pa'i cho ga bya/ /mnga' dbul ba dang mchod pa brtsam/ /sngags kyis gnas pa'i don du ni/ /rgyas par rab gnas chen por blta/ /'di ru cung zhig bsdus nas bstan/ /dang po rdul tshon dkyil 'khor bri//'dom do pa 'am 'dom gang ba/ /gru bzhi 'thas par byas pa la/ /thig ni legs par yongs btab la/ /sa tshon byin gyis brlab bya la/ /tshon rnams dgye ba'i rim pa ni/ /dbus kyi pho brang mthing ga la/ /pad+ma 'dab brgyas mdzes par btang / /shar gyi cha ni dkar po la//lho yi cha ni ser po ste/ /nub kyi cha ni dmar por snang / /byang ni don yod grub pa ljang / /mthing ga dkar dang ser dang dmar/ /ljang gu rnams su gsungs ba ni/ /many+tsare khA'i rtsig pa'o/ /sgo gnyis mtshams dang twa ra Na/ /dra ba dra ba phyed pa dang / /rgyan rnams kyis ni rnam par spras//tha ma srung ba phreng bas brgyan/ /dkyil 'khor gyi ni shar ngos su/ /dbang stegs steng du mdzes pa'i gdan/ /sku gsung thugs kyi rtags mchog bzhag /chu gsum 'dus pas khrus rnams bya/ /mchod pa'i yo byad rdzogs pa la/ /bla re gdugs dang rgyal mtshan dang /me tog rnams kyis yongs su klu bas/ /de nas rang gi bsam pa rdzog so/ /lhag pa'i ting 'dzin gsal bar shes/ /dbang bskur ba la rab tu gnas/ /gsung ni hIH las byung ba'i rigs/ /thugs ni mi bskyod rdo rje sems/ /sku ni rtag pa'i rang bzhin no//tsha tsha mtsho rten la sogs pa/ /sangs de zhu nas lce las ni/ /yi zhes tsha tsha mchod rten gyi/ /'byung ba'i rgyu ru rnam par snang / /lha khang 'bru yi rten las su/ /gong gi stobs kyis gang 'gyur ba/ /rang gi snad ba 'byung ba yin/ /slob dpon rab tu 'gying bcas pas//rdo rje dril bu ldan pa yis/ /bde gshegs nam mkhar sbyang drangs la/ /phyag 'tshal mchod bstod rgyas par bya/ /de nas phyag rgya bzhi ldan pas/ /rtags gsum dag lag gzhag par bya/ /des ni mchod pa rgyas pa'o/ /dkyil 'khor gsang ba'i lha la dbul/ /rin chen sna bdun lha mo brgyad//ma lus bstod cing bzod par gsol/ /gsang sngags rgyal po'i mtha' la ni/ /'bru gsum yi ge btags pas ni/ /brgya rtsa brgyad nas stod rtsa brgyad/ /bzlas pa 'od zer gzhung bzhin bstim/ /zhu bas sku gsung thugs kyi rtags/ /rang rang rnams la gsal zhing rgyas//de la mchod pa sna tshogs kyang / /dkon mchog skyabs chen rnams dang yang / /ma lus lus pa med pa la/ /yang dag pa ru rab tu bsngags/ /gtor ma gnyis kyis gtsang rigs dang / /bgegs dang rigs drug ma lus pa/ /gtor ma chen po sbyin du mchod//bskor ba bya zhing smon lam gdab/ /rab gnas bsdus pa'i cho ga ni/ /nI lAM badzra mtha' bsgyur la/ /na mo bud+d+hA ya/ na mo d+harmA ya/ na mo s+saM g+hA ya/ adan+te/ d+ha ra ni/ ta d+yathA/ A kaR+Sha Ni/ swA b+ha sarba d+harmA/ nis sarba/ is ma thi/ pi pa sha na/ bi ma la su pa ri d+harmA karti ka na/ ba la niSh+ka/ ya tha ma le/ /tsa le tsa le/ hu lu hu lu/ bi shad de/ man+t+ra man+t+ra swA hA/ stong dang brgya yi bzlas pa yis/ /sku gsungs thugs kyi ngo bo ru/ /byin gyis brlabs pa tsam ni bya/ /yang na tre yang de/ zhes pa'i sngags kyis bya/ de ltar slob dpon de la ni/ /ci yod rang gi nor rnams dbul//de nas rab gnas brtan pa yis/ /mgron rnams dgye zhing smon lam gdab/ /shi ba phyi yi cho ga yang / /khrus byas rdul tshon gong bzhin bri/ /spyan drangs mdun gyi nam mkha' la/ /mchod cing ye shes me nas bsad/ /sbyang zing ro ni sreg rdzas su/ /me lha nyid la dbul bar bya//gtor ma cha gnyis cho ga yis/ /bsngo zhing smon lam gdab par bya/ /thig bsdus sa tshon tshul dbo/ /'di brtsams pa yang dge ba yis/ /bdag dang khams gsum sems can rnams/ /nad dang sdug bsngal rtsad nas chod/ /zhing khams gtsang mar skye bar shog /