80a3 /[ ]@##/ /rgya gar skad du/ badzra tsaN+Da maN+Dal bid+hi bA sa dza ka b+ha dra nA ma/ bod skad du/ rdo rje gtum po'i dkyil 'khor gyi cho ga bzang po mdor bsdus pa zhes bya ba/ gsang ba'i bdag po rdo rje gtum po la phyag 'tshal lo/ /gsang ba
80a4 bstan pa'i rgyud dang ni//bla ma'i gdams pa'i lam zhugs nas/ /cho ga bzang po mdor bsdus 'di/ /rang dga' nyes pa dor te bri/ /slob dpon mtshan nyid kun ldan zhing / /rgyud kyi dbang thob dam tshig brtan/ /gzhan phan bsgrub la dga' ba la/ /gzhan dag gus
80a5 pas gsol 'debs sam//yang na rang bzhin bsgrub don du/ /nus pa dris la tshig gis sbyin/ /dur khrod la sogs dben pa'i gnas/ /bskyed pa'i rim pa gsal byas la/ /gtso bo 'bum la 'khor rnams khri/ /rab 'bring mtshan ma thob par bya/ /de nas bla gos
80a6 legs bgos nas//snyim pa me tog gis bkang ste/ /gus pas gsol ba gdab par bya/ /de nas dkyil 'khor bya ba'i phyir/ /dur khrod dben pa rdo leb dang / /sngon byas yid 'ong la sogs su/ /lto 'phye'i sbyor bas brko bar bya/ /brtag cing sbyang dang bsrung bar bya/ /
80a7 nyes pa med pa'i sa gzhi der/ /rdo rje 'dzin par gsal ba dang / /baM las skyes pa'i lha mo ser/ /mdzes pa rgyan ldan lus phyed snang / /bum pa 'dzin la mchod bstod de/ /skyob pa sangs rgyas thams cad kyi/ /spyod pa'i tshul dang rnam thar ni/ /sa dang pha rol phyin pa la/ /lha
80b1 mo khyod ni dbang du gyur//skyob pa shAkya seng ge yis/ /ji ltar bdud kyi sde bcom ltar/ /de bzhin bdag gis bdud sde las/ /rgyal bar byas te dkyil 'khor bri/ /lag pa sa la brdabs pa las/ /dga' ba'i mdangs ldan lha mo yang / /khyod ni slob dpon mchog yin gyi/ /
80b2 dkyil 'khor bri ba'i las kyis zhes/ /zer zhing sa la thim par 'gyur/ /ro bsal nyes pa spangs pa ste/ /'thas par bcag cing rnam lnga dang / /dbugs 'byung gis ni byung par bya/ /yang na me yi las kyis sbyang / /stong pa'i sngags kyis byin brlabs te/ /rim pas
80b3 lha yi khang par bsam//me tog steng du rdo rje bzhag /bla mas khrus byas rdo rje 'chang / /bskyed pa'i yan lag kun rdzogs pas/ /shar bltas dkyil 'khor steng 'dug la/ /tshad med bzhi yis gzhan don bsgrub/ /rnam rgyal la sogs bskyed pa yi/ /slob ma gus pas
80b4 spos thogs la//mchod la tshig 'di brjod par bya/ /hUM byams pa chen po rdo rje 'dzin/ /zhe sdang dag pas me long ye shes gsal/ /gtum po gdug pa 'dul mdzad pa/ /rdo rje bsnams la phyag 'tshal lo/ /de bzhin gshegs pa kun zhi ba/ /de bzhin gshegs pa
80b5 ma lus gnas//chos kun bdag dang bral ba'i mchog /dkyil 'khor dam pa bzhengs su gsol/ /de bzhin lho phyogs la sogs nas/ /hUM snying rje chen po rdo rje 'dzin/ /nga rgyal dag pa mnyam nyid ye shes mchog /gtum po gdug pa 'dul mdzad pa/ /rdo rje
80b6 bsnams la phyag 'tshal lo//mtshan rnams yongs su rdzogs pa yi/ /mtshan min thams cad spangs pa ste/ /kun du bzang po sku yi mchog /dkyil 'khor dam pa bzhengs su gsol/ /hUM dga' ba chen po rdo rje 'dzin/ /'dod chags dag pa so sor rtog /gtum po
80b7 gdug pa kun 'dul ba//rdo rje bsnams la phyag 'tshal lo/ /zhi ba mchog gi chos chen po/ /ye shes spyod pa rnam spyod pa/ /kun du bzang po gsung gi mchog /dkyil 'khor dam pa bzhengs su gsol/ /hUM btang snyoms chen po rdo rje 'dzin/ /gti mug rnam dag nan
81a1 tan ye shes mchog /gtum po gdug pa kun 'dul ba/ /rdo rje bsnams la phyag 'tshal lo/ /sems can kun gyi srog chen po/ /rang bzhin rnam dag dri ma med/ /kun du bzang po thugs kyi mchog /dkyil 'khor dam pa bzhengs su gsol/ /
81a2 de nas rdo rje slob dpon gyis/ /khro zhing brjid pa'i skur byas te/ /rkang pa hUM las rdo rje bsam/ /mig gnyis nyi zla 'bar ba ste/ /rdo rje dril bu'i phyag rgya yis/ /'jigs spangs byang shar mtshams song la/ /rang gis bstod cing nga rgyal gyis/ /hUM dkyil 'khor sa gzhi la
81a3 gnas pa'i//lha tshogs bgegs tshogs kun nyon cig /nga ni dpal ldan rdo rje 'dzin/ /nga yi bka' las ma 'da' bar/ /bgegs kyi tshogs rnams 'gro bar gyis/ /gal te khyed rnams mi 'gro na/ /ye shes rdo rje 'bar ba yis/ /mgo bo tshal pa brgyar
81a4 'gas shing //lus rnams stong du gyur nas ni/ /rnam par 'joms par gdon mi za/ /de bas khyed rnams gzhan du dengs/ oM badzra tsaN+Da ma hA ro Sha Na sarba big+h+nAn uts+tsha ta ya phaT/ ces pas bgegs rnams bskrad par bya/ /gar stabs kyis ni bskor ba dang / dang por
81a5 phyin la 'di skad brjod//gang dag mi 'gro bgegs yod na/ /lus ngag yid kyi nus pa rnams/ /gzhom phyir khro bo'i phur bus gdab/ /kI la ya zhes btab nas kyang / /A ko Ta yas brdung bar bya/ /me ri la sogs sngags kyis bsrung / /gtso bo'i gdon ni gru bzhi ste/ /
81a6 'khor lo dri chus zlum por bya/ /kha dog mthun pa'i me tog dgram/ /sa yi cho ga rdzogs pa dang / /lha ni lhag par gnas par bya/ /rang sar lha rnams rdzogs pa dang / /mchod bstod me tog spos thogs la/ /hUM dus gsum bde gshegs thams cad kyi/ /thugs kyi sras
81a7 po rdo rje 'chang //dpa' bo rdo rje bde mas 'khyud/ /'khor gyi khro bo ma lus kun/ /kun nas bdag la dgongs nas kyang / /khyed rnams la yang mchod pa dang / /slob ma rnams la phan pa'i phyir/ /rdo rje can bdag che ge zhes/ /dkyil 'khor dam pa bzhengs su gsol/ /rjes su brtse
81b1 bas nyer dgongs te//song ni dgyes pas byon par mdzod/ /gzhan yang gsang sngags lha rnams dang / /'jig rten skyong ba ma lus dang / /rdzogs pa'i byang chub sems bskyed rnams/ /sangs rgyas bstan pa'i chos skyong rnams/ /gang dag rdo rje'i spyan ldan pa/ /rdo
81b2 rje 'chang gi dkyil 'khor mchog /deng bdag 'dri bar gyur pa la/ /bdag dang skal ldan slob ma rnams/ /byin gyis brlab phyir bsrung bar mdzod/ /bum pa lhag par gnas 'dod pas/ /rin chen 'byung khungs las byung ba/ /dri ma med cing lto ba che/ /mgrin phra mchu
81b3 'phyang dri zhim chus//dkar zhal byas nas mtshan ma dgod/ /rnam rgyal phyag mtshan rdzogs par bri/ /bskrad cing chu dang byang sems dang / /byA g+h+ra sing ha dbyig pa dang / /ut+pal gzhan gyis mi thub pa/ /ha sa de ba gser dngul dang / /mu tig mu men bye ru gzhug /nas
81b4 til gro sran mung+ga dang //ga pur dzA ti gur gum mchog /tsan+dan gnyis dang a ga ru/ /mar dang bu ram sbrang rtsi dang / /lan tshwa rnams kyis lto ba dgang / /gos kyis mgrin pa bkab pa dang / /tsu ta la sogs 'bras bu can/ /yang na me tog yod pas brgyan/ /me
81b5 tog ldan pa'i ra stegs sam//ku sha'i gdan la rang sar bzhugs/ /bum pa b+h+rUM las gzhal yas khang / /chu skyes nyi zla'i gdan bcas pa/ /rnam rgyal lha rnams tshogs par bskyed/ /gzhan du sa bon gang yin pas/ /cho ga ma lus rdzogs par bskyed/ /hUM khro bo
81b6 gtum po gdug pa 'dul//rang bzhin ye shes lnga yi dngos/ /rnam dag dri med sku 'chang ba/ /'gro don mdzad la phyag 'tshal lo/ /bde gshegs sku la gnyis med 'khyud/ /stong pa nyid kyi bde ster ma/ /dmar ljang gri gug thod pa 'dzin/ /dpa' mo bde ma phyag
81b7 'tshal lo//sku gsung thugs dang phrin las kyi/ /gtso bo khro chen 'jigs pa che/ /gdug pa tshar gcod 'jigs pa'i sku/ /phyogs kyi khro bo phyag 'tshal lo/ /mar me bdug spos dri chab ma/ /zhal zas kyis ni tshim byed pa/ /mchod pa'i lha mo dgos 'dod 'byung / /
82a1 mtshams su bzhugs la phyag 'tshal lo/ /lcags kyu zhags pa lcags sgrog ma/ /dgyes pa'i dril bu sgrog mdzad ma/ /khro mo dbang phyug chen mo rnams/ /sgom bzhi la phyag 'tshal lo/ /bstod cing srad bu dang ldan pas/ /phrin las sbyar zhing bzlas
82a2 par bya//gtor mas mchod cing gsol ba btab/ /slob ma lhag par gnas pa yang / /bsrung zhing mdzes pa'i me tog thogs/ /khrus byas gtsang ma'i gos ldan zhing / /dga' ba'i sems kyis gsol ba gdab/ /dpal ldan rdo rje 'dzin pa che/ /byang chub
82a3 chen po'i tshul bstan pa//mgon po chen po bdag 'tshal lo/ /dam tshig de nyid bdag la stsol/ /byang chub sems mchog bdag la stsol/ /sangs rgyas chos dang dge 'dun te/ /skyabs gsum dag kyang bdag la stsol/ /thar pa chen
82a4 po'i grong mchog tu//mgon po bdag ni gzhug par mdzod/ /lan gsum bar du gsol ba gdab/ /'od kyis phur byas sdig pa sbyang / /rjes su gzung bas spro ba ni/ /bu tshur theg pa chen po yi/ /tshul chen snod ni khyod yin te/ /gsang sngags spyod tshul cho ga mchog/
82a5 khyod la yang dag bshad par bya/ /rdo rje mi phyed mthu yis ni/ /mnyam pa med pa'i ye shes mchog /de bas kun mkhyen thob 'dod pas/ /bu yis blo gros 'di gyis shig /bla ma sangs rgyas kun mchod cing / /rtsa ba yan lag nyes pa spongs/ /ma bsgral 'khor ba'i
82a6 sems can la//snying rje chen po rab bskyed nas/ /bsgral zhing grol ba'i lam la bkod/ /bde bar dbugs ni dbyung bar gyis/ /slob ma'i tshogs kyis sdig bshags la/ /dge bsnyen la sogs rim pas sbyin/ /gang yin bslab pa bstan pa dang / /slob ma lhar
82a7 byas yang na ni//gnas gsum lhar bcas rtags btab la/ /bla ma dkon mchog gsum po dang / /bcom ldan phyag na rdo rje ni/ /'khor bcas ma lus thams cad kyang / /bdag la dgongs nas gzigs su gsol/ /bdag gis thog ma med pa nas/ /sdig pa
82b1 bgyis pa ma lus kun//bcom ldan phyag na rdo rje yi/ /spyan sngar da lta mthol zhing bshags/ /bla ma dkon mchog gsum po dang / /sangs rgyas kun bdag rdo rje can/ /de rigs 'dzin pa'i rnal 'byor rnams/ /dge ba mdzad la rjes yi rang / /bcom ldan
82b2 phyag na rdo rje ni//dus gsum bde gshegs thams cad kyi/ /gsang sngags bdag pos dbang bskur la/ /gsang sngags 'khor lo bskor bar bskul/ /mthu ldan skyon med khyed rnams la/ /skye rgas na 'chi mi mnga' yang / /'gro ba'i don du sku sprul pa/ /
82b3 mthun 'jug mya ngan mi 'da' gsol/ /don dam rang bzhin mtshan ma med/ /mtshan mar mi rtog chos sku la/ /bde gshegs mtshan dpe'i skur snang ba/ /rdo rje can la skyabs su mchi/ /dus gsum mgon po thugs rje can/ /byams pa'i thugs las ma g.yos kyang / /
82b4 dgongs pa'i dbang gis khro sprul la/ /gsang sngags lha tshogs kun skyabs mchi/ /de sgrub des mtshon gsung gi chos/ /nyi shu rtsa brgyad drag po'i tshogs/ /chos kyi rang bzhin dri ma med/ /chos kyi mchog la skyabs su mchi/ /sna tshogs skur sprul don mchog bsgrub/ /
82b5 rin chen skyabs mchog dge 'dun dang / /'phags pa gos sngon byang chub sems/ /dge 'dun mchog la skyabs su mchi/ /bla ma dus gsum mgon po dang / bcom ldan phyag na rdo rje ni/ /'khor dang bcas la lus 'bul bas/ /bzhes nas bdag la rjes brtse bas/ /
82b6 rjes su mthun pa'i dngos grub stsol/ /dang po byang chub sems bskyed nas/ /tshogs gnyis las byung dge ba rnams/ /'khor ba'i sems can ma lus don/ /byang chub chen por bsngo bar bya/ /byang chub tu yang sems bskyed la/ /sngags kyi dam tshig sbyin par bya/ /maN+Dal
82b7 sngon du 'gro ba yis//bla ma rdo rje slob dpon dang / /bcom ldan rdo rje gtum po dang / /dkon mchog gsum dang bstan dga' kun/ /bdag la dgongs nas gzigs su gsol/ /bdag ming 'di zhes bgyi ba 'di/ /dus 'di nyid nas bzung nas su/ /byang
83a1 chub snying por mchis kyi bar//sems can kun gyi don gyi phyir/ /bla na med pa'i byang chub sems/ /dam pa bdag gis bskyed par bgyi/ /ji ltar dus gsum mgon po rnams/ /byang chub tu ni nges gnas pa/ /tshul khrims rnam gsum sdom pa
83a2 dang //dge ba'i chos ni sdud pa dang / /sems can don byed tshul khrims rnams/ /so sor bdag gis gzung bar bya/ /bla na med pa'i dkon mchog gsum/ /sangs rgyas chos dang dge 'dun te/ /dam pa bdag gis bskyed par bgyi/ /'di ni sangs rgyas rigs
83a3 dag pa'i//dam tshig yin par rgyal bas bsgrags/ /rdo rje dril bu phyag rgya dang / /skyon bral rdo rje chen po'i rigs/ /thugs rjes 'brel ba'i slob dpon ni/ /yang dag nyid du gzung bar bya/ /dri ma med pa'i dam tshig chos/ /rin chen rigs mchog chen po la/ /nyin re
83a4 bzhin du dus drug tu//sbyin pa rnam bzhi sbyin par bya/ /byang chub chen po las byung ba/ /pad+ma'i rigs mchog dag pa la/ /phyi nang gsang ba theg pa gsum/ /yang dag nyid du gzung bar bya/ /las kyi rigs kyi dam tshig ni/ /thun mong thun mong ma yin pa'i/ /sdom pa ma
83a5 lus thams cad kun//de bzhin nyid du so sor gzung / /byang chub snying por mchis kyi bar/ /mchod pa'i las ni ci nus bgyi/ /ma bsgral ba ni bdag gis bsgral/ /ma grol ba ni bdag gis dgrol/ /dbugs ma phyin pa dbugs phyung bgyi/ /sems can dngos grub
83a6 che la dgod//dkyil 'khor me tog sngon por bcas/ /rdo rje 'chang la dbul bar bya/ /bdud rtsi rnam lnga gtor ma'i tshogs/ /rnam pa kun du bsten par bya/ /thabs kyis bsgral ba'i dam tshig ni/ /snying rje las byung bsgral bar bya/ /lan gsum bar du dam bcas pa/ /
83a7 rigs kyi lha las 'od 'phros pas/ /rang rang ye shes yig bzhis bstim/ /rdo rje khu tshur dri yi chus/ /mas rim bzhin du brtan par bya/ /de rjes mchod pa spro bar bya/ /a shwat+tha dang pa la sha /u du m+WA ra la sogs pa'i/ /sor bcu gnyis sam yang na brgyad/ /rtse
83b1 mo me tog mdzes pas brgyan//dkyil 'khor 'dab brgyad rnam lngas byug /shar bltas dbus su sos bzung nas/ /pad+ma'i phyag rgyas dor byas te/ /khyod ni dkyil 'khor dam pa 'dir/ /zhugs pa'i dngos grub brtag pa'i phyir/ /rnam shes dag pa'i so shing 'di/ /sos
83b2 bzung nas ni dbus su dor//bdag dang bla ma steng bltas nas/ /mchog gi dngos grub dam pa yin/ /phyogs su phyin las so so ste/ /mtshams su 'jig rten dngos grub 'byung / /thur bltas sa 'og grub pa yin/ /sa la ma lhung mkha' spyod do/ /bdud rtsi byin brlabs thod par
83b3 blugs//rdo rje 'di ni rdo rje'i chu/ /'thungs shig dam tshig byin gyis brlabs/ /gal te dam tshig 'das pa na/ /dmyal bar nges par sreg par byed/ /oM hrIHbi shud+d+ha d+harmA sarba bA paM ni sh+tsa/ sho ya bi kAlpAn a pa na ya hUM hUM/ lan gsum skyor chus ngag dag byas/ /lha dang rjes mthun
83b4 skud pa la//sngags btab g.yas dang phrin las g.yon/ /khro bo gtum po'i byin rlabs dang / gsang sngags nus pa bla na med/ /skal ldan bar chad med par bsrung / /su yang gnod pa ma byed cig /ku sha gtsang ma byin brlabs te/ /bzhin bzangs tshur nyon dkyil
83b5 'khor du//'jug pa'i rtags rnams brtag pa'i phyir/ /ku sha'i rtswa 'di sngas dang stan/ /thub pas ting 'dzin grub ltar shog /ma nor seng ge bzhin nyal nas/ /mtshan ma ji ltar byung ba ltar/ /bla ma'i mdun du brjod par bya/ /bzang na dngos grub spro ba bskyed/ /gal te ngan
83b6 na bskrad dang bsrung //me yi las kyis bzlog par bya/ /gzhan yang dge ba'i las kun shis/ /bla mas rdo rje can khyod la/ /nang par langs te dkyil 'khor pa/ /nam mkhar bteg la thig gad pa ste/ /bu mo gtsang zhing sdom ldan gyis/ /bkal ba ras bal las byung ba/ /
83b7 ye shes lnga ni gcig bsdus pa'am/ /yang na sku gsung thugs kyang rung / /oM a n+yo n+ya a nu ga ta sarba d+harmA spa ra s+pha ra a nu ga ta sarba d+harmA t+yan+ta a nu pra biSh+Ti sarba d+harmAH/ zhes brjod pas ni bsgril par bya/ /pad+ma'i snod du bzhag nas kyang / /mi 'chi lnga yis spangs byas la/ /blo ldan
84a1 ye shes bstim byas la//nam mkhar ye shes dza dzas gdab/ /sgo yi bcu gnyis cha dang ldan/ /srid kyang khang pa nyis 'gyur la/ /tshangs pa'i las thig drang byas nas/ /oM badzra sa ma ya sU traM mA ti kra ma hUM/ /tshangs dang zur thig la sogs pa/ /
84a2 bstan bcos mthong zhing blo ldan des/ /cha ni gang yin rnam par dbye/ /gal te nyes pa'i 'bras bu ni/ /chad na bla ma'i srog g.yo zhing / /dman lhag nad kyis btab par 'gyur/ /phyogs 'khrul slob ma rmongs par 'gyur/ /blo ldan nyes pa med par bya/ /gru bzhi sgo dang rta
84a3 babs bcas//dra ba dra ba phyed pas brgyan/ /nyi zla dril bu g.yer khas spras/ /pad+ma khyams dang rdo rje'i phreng / /dur khrod me ri la sogs pa/ /rnam pa ma lus rdzogs par bya/ /rin chen rnam lnga 'bru phye dang / /'byung khungs las byung rnam pa lnga/ /pad+mar so sor gzhag byas te/
84a4 sngags kyis btab pa yig 'bru bsam/ /ye shes bstims la yig gsum gyis/ /byin gyis brlabs te mthing ga blangs/ /dbang ldan mtshams su drang bya ste/ /'di ni chos dbyings dag pa ste/ /sems can khams ni sgrol byed pa/ /dpal ldan rdo rje 'dzin pa gnas/ /
84a5 de bzhin gshegs pa kun gyi gnas/ /de bzhin ljang gu drang byas la/ /'di ni so sor rtog pa dag /dmar po mnyam nyid ye shes te/ /ser po bya ba grub pa la/ /dkar po me long ye shes dag /me tog dor la mtshan ma brtag /thams cad g.yas skor ma nor bar/ /sbom phra chad pa med par bri/ /nyes
84a6 pa 'byung ba'i rim pa ni//tshon mi mnyam zhing yo dang dma'/ /dngos grub nyams par 'gyur ba yin/ /yon pos rtsod la gdung bar 'gyur/ /sbom na nad 'byung gal te phra/ /nor nyams chad par gyur pas na/ /'chi 'gyur phyogs nyams phur bus 'debs/ /shar dkar
84a7 lho ser nub phyogs dmar//byang phyogs in+d+ra nI la'i mdog /lte ba mthon mthing 'khyil par bya/ /mtshams sogs cho gas brtag pa dang / /dur khrod rnams ni rim pas bri/ /rdo rje dkyil 'khor lhar bsgrub pa/ /yol bas bcad pa'i dkyil 'khor du/ /khrus byas
84b1 dri yis lus byugs te//gos bzang gis brgyan lan gsum bskor/ /de nas rdo rje 'dzin pa yis/ /nga rgyal byas te hUM sgrogs pas/ /shar gyi sgo nas nang du zhugs/ /sgo bzhi yang ni dbye bar bya/ /oM badzra ud+g+ha Ta sa ma yA be sha ya hUM/ bum par rang gnas 'dug byas
84b2 te//mchod pa'i rdzas kyis legs brgyan nas/ /dkyil 'khor lha rnams rdzogs par bskyed/ /ye shes bstims la mchod par bya/ /bstod cing glu dang ldan pa yis/ /tshogs kyi 'khor los mchod par bya/ /de nas lhag pa'i lha yang bsdu/ /bzlas pa'i rim pa bzhin du brjod/ /
84b3 shar du zhi ba'i me las bya/ /de nas shar gyi dbang stegs la/ /slob ma'i cho ga ji lta bar/ /slob dpon dbang dang ldan par bya/ /me tog thogs la tshig 'di brjod/ /hUM thugs kyi sras po rdo rje 'dzin/ /gdug pa 'dul mdzad gtum po yis/ /slob ma smin par bya ba'i phyir/ /
84b4 bdag la dbang bskur sbyin par mdzod/ /de ltar rim pa rdzogs pa dang / /de nas slob ma gzhug par bya/ /yol ba'i phyir gnas rim pa bzhin/ /khrus byas sngags 'dis dag par bsam/ /kA ya bAka tsit+ta sarba pA paM sho d+ha ni swA hA/ de nas lhar byas gnas gsum du/ oM badzra
84b5 ban+d+ha traT kA ya bAka tsit+ta/zhes pas sdig pa dral byas la/ /rang rang yi ge bsam par bya/ /bgegs bskrad sdig pa gzhom pa dang / /bla mas rang gi sa bon gyis/ /slob ma'i sdig pa sbyang bar bya/ /oM kA ya shud+d+ha sarba d+harmA kA ya shud+d+hou0f85haM/ oM bAka shud+d+ha sarba d+harmA b
84b6 Aka shud+d+hou0f85haM/oM tsit+ta shud+d+ha sarba d+harmA tsit+ta shud+d+hou0f85haM/ rnam dag lha yi ngo bor bya/ /gdong pa ras kyis bkab nas ni/ /bu khyod su yin ci la dga'/ /sangs rgyas kun gyi rang bzhin sku/ /slob dpon mgon la skyabs su mchi/ /gtso bo khro bor bcas pa yis/ /lha rnams k
84b7 un la phyag 'tshal lo//bdag ni skal bzangs rigs yin te/ /rdo rje 'dzin pa khyod la dga'/ /phrin las ma lus khyod la rdzogs/ /thar pa chen po'i grong khyer du/ /mgon pos bdag ni gzhug par mdzod/ /slob mas yon phul sngags 'di brjod/ /oM A khaM bI ra
85a1 hUM/rang rang gnas su bzhag nas kyang / /bgegs kyi bar chad bsal bar bya/ /dkyil 'khor la ni bskor byas te/ /shar gyi phyogs nas sgo phye la/ /lha dang sangs rgyas rnams bskul te/ /sku gsung thugs kyi byin rlabs kyis/ /bdud bzhi rnam par
85a2 dag bcom nas//sngags 'dis phyag gsum brkyang la bya/ /oM na ma ste hUM/ oM na ma mi hUM/ na mo na ma hUM swA hA/ de nas thal sbyar shar phyogs nas oM trai lokya bi dza ya/ bU dzo pas+thA nA ya/ At+ma nAM ni R+YA ta yA mi/ sarba ta thA ga ta a k+Sho b+h+ya/ /a b+hi Shany+tsi a d+hi tiSh+Tha swa maM/ mi
85a3 bskyod brgya byin steng du gsal//oM ma hA kA la pU dzo pas+thA nA ya/ /At+ma nAM niR+YA ta yA mi/ sarba ta thA ga ta rat+na saM b+ha ba/ a b+hi Shany+tsi a d+hi tiSh+Tha swa maM/ lho yi phyogs nas phyag byas te/ /dpral bar sku ni khyab 'jug mnan/ /nub nas gsung gi dbang phyug gzhom/ /oM a mr-i ta kuN+Da
85a4 li/pU dzo pas+thA nA ya/ At+ma nAM niR+YA ta yA mi/ sarba ta thA ge ta pad+ma d+ha ri/ a b+hi Shany+tsi a d+hi tiSh+Tha swa maM/ oM AR+ya dzaM b+ha la pU dzo pas+thA nA ya/ At+ma nAM ni R+YA ta yA mi/ sarba ta thA ga ta a mo g+ha sid+hi/ a b+hi Shany+tsi a d+hi tiSh+Tha swa maM/ nub byang rim pas phyag bya'o/ /las kyi bum pas khrus
85a5 byas te//sdom pa ma lus pa yang sbyin/ /byin gyis brlab phyir ye shes kyang / /bla ma la ni gsol ba gdab/ /de bzhin gshegs pa thams cad kyis/ /bdag la byin gyis brlab mdzod la/ /rdo rje sems dpa' bla na med/ /bdag la da lta bskyed du gsol/ /sdig bral spos kyis
85a6 bdug byas nas//'gying bcas rdo rje dril 'dzin pas/ /sangs rgyas ma lus lhag pa'i lhar/ /bsdus la gnyis med bde ba che/ /zag med bde bas yan lag khyab/ /hUM 'di ni rdo rje'i dam tshig ste/ /rdo rje gtum po sems dpa' che/ /ye shes rdo rje bla med 'di/ /da lta nyid du
85a7 'bab par shog /oM badzra tsaN+Da ma hA ro Sha Na/ A be+e sha ya s+t+waM b+hA ya/ rA rA rA rA/ tsa lA ya/ a hUM ma hA dz+heM badzra tsaN+Da A be sha ya/ a a a a a/ zhes bzlas gang la babs gyur kyang / oM badzra tsaN+Da ma hA ro Sha Na/ a d+hiSh+Thi te sa ma ya/ sngags kyis brtan byas lce la a/ /dge
85b1 mi dge yi lung bstan bya//me tog rdo rje dang bcas pa/ /spyi bor bzhag la 'di skad brjod/ /hUM rdo rje gtum po deng khyod kyi/ /snying la yang dag zhugs pa ni/ /gal te tshul 'di gzhan smras na/ /de ma thag tu dral te gshegs/ /bdud rtsi lngas bkang ka pA lar/ /
85b2 sngags btab rdo rje dang bcas sbyin/ /hUM 'di ni khyod kyi rdo rje'i chu/ /dam tshig nyams na sreg par byad/ /dam tshig bsrungs na dngos grub rnams/ /rdo rje bdud rtsi'i chu 'dis 'grub/ /oM AHhUM badzrod ka Tha hUM/ /shar du 'dug la 'di skad brjod/ /de nas
85b3 brtsams te khyed rnams kyi//rdo rje gtum po nga yin gyi/ /khyed kyis nga la brnyas pa na/ /mi bde ma spangs dus byas nas/ /dmyal bar ltung bar gyur ta re/ /phyogs bzhi nas ni dngos grub brtag /mdzes pa'i me tog lha la dor/ /gsang ba bla med me tog 'di/ /pho brang
85b4 dkyil 'khor lha mchog la//las dang rjes mthun brtse ba yis/ /rigs dang mthun par 'bab par shog /pra tIts+tsha ho badzra/ lha yi stod dang rked pa dang / /smad dang nye ring gtso 'khor gyi/ /bye brag dngos grub rtags yin no/ /de nas bla mas me tog blangs/ /slob ma'i mgor
85b5 bcings sngags 'di brjod//oM d+harma kuN+Da a b+hi Shiny+tsa/ lha bstim rigs kyi ming yang gzung / /sngon gyi mig mkhan rgyal po yis/ /ma rig ling tog bsal ba ltar/ /de bzhin khyod kyi mig dbye ste/ /ye shes mig gis mthong bar shog /badzra tsak+Shu pa tra laM hri/ /gdong
85b6 g.yogs bshus la 'di skad brjod//dkyil 'khor bzang po 'di la ltos/ /mthong na dad pa rab tu skye/ /khyod ni sangs rgyas rigs su gyur/ /sngags dang phyag rgyas byin brlabs te/ /dngos grub ma lus snod du 'gyur/ /rigs kyi rnam par dag pa bstan/ /de nas slob ma dad ldan
85b7 pas//bla ma'i zhabs la phyag byas te/ /yon mchog bla med phul nas kyang / /dbang bskur ba yi gsol ba gdab/ /byang chub rdo rje sangs rgyas la/ /ji ltar mchod cing gsol mdzad pa/ /bdag la byin gyis brlab pa'i phyir/ /nam mkha'i rdo rje deng bdag stsol/ /
86a1 sems can kun gyi don gyi phyir/ /bdag ni slob dpon mchog bgyid do/ /lan gsum brjod nas shar phyogs su/ /pad+ma 'dab brgyad khri la 'dug /rnam rgyal bum pa la sogs pas/ /chu rnams thod pa'am bum par bsdus/ /rdo rje'i glu dang dril bur ldan/ /
86a2 rigs lnga rig pa'i lha mor ldan/ /bag chags ma lus dag byas te/ /sku gsum dam tshig las byung ba'i/ /ye shes bdud rtsi dri ma med/ /lha yi bdud rtsi rnam dag 'dis/ /mi bskyod rdo rje'i dbang bskur ro/ /oM A daR+sha dz+nyA na a b+hi Shiny+tsa hUM/ chu yi dbang bskur dam pa
86a3 'dis//sgrib pa rnam pa gsum bral nas/ /mi bskyod rnam dag ye shes 'thob/ /mi bskyod rdo rje dngos grub shog /lugs ma'am thang ga 'bur bris pa'i/ /gser sogs dbu rgyan rin 'byung bsam/ /dbu rgyan rin chen dam pa 'dis/ /sems can tshim par byed pa'i mchog /
86a4 yid bzhin bsam pa 'grub byed pa/ /rdzogs sangs rgyas su dbang bskur ro/ /oM badzra sa man+tA dz+nyA na hUM tiSh+Tha a b+hi Shiny+tsa hUM/ dbu rgyan dbang bskur dam pa 'dis/ /rigs lnga'i sangs rgyas bde bar gshegs/ /bdag gi mgo la brgyan gyur te/ /rin chen 'byung ldan dngos grub
86a5 shog /rin chen la sogs rdo rje la/ /snang ba mtha' yas bcug byas la/ /lag tu gtang la tshig 'di brjod/ /sangs rgyas kun gyi rdo rje'i dbang / /mi phyed rnam dag 'od gsal stong / /dam chos 'byung ba'i sgor gyur pa/ /rdo rje chos kyi dbang bskur ro/ /oM badzra pra ti be sha ya
86a6 dz+nyA na a b+hi Shiny+tsa hUM/rdo rje'i dbang bskur dam pa 'dis/ /rdo rje lta bu'i ting nge 'dzin/ /bdag gi rgyud la skyes gyur te/ /snang ba mtha' yas dngos grub shog /dril bur don yod grub pa bcug /lag pa g.yon gtad tshig 'di brjod/ /thabs dang shes rab ldan pa yis/ /
86a7 'gro don mnyam pa med byed pa/ /'dod pa'i phrin las rdzogs byed cing / /dril bu las kyi dbang bskur ro/ /oM a d+hiSh+Tha na a nuSh+ThA na sid+d+hi dz+nyA na a b+hi Shiny+tsa hUM/ dril bu'i dbang bskur dam pa 'dis/ /dus gsum bde gshegs thams cad kyi/ /gsung gi dngos grub
86b1 bdag gyur te//don yod grub pa'i dngos grub shog /rnam snang bskyed la mtshog ma'i steng / /'khor lo thogs pa'i ming sgrogs te/ /rdo rje ming gi dbang bskur bas/ /byang chub thob pa'i bar du ni/ /cis kyang gzhom par mi nus pas/ /rdo rje'i ming du rab tu grags/ /
86b2 oM pra ti shod+ha d+harma d+hA tu dz+nyA na nA ma a b+hi Shiny+tsA mi hUM/ ming gi dbang bskur dam pa 'dis/ /stong gsum bye ba phrag brgya ru/ /sprul pas 'gro rnams chos ston cing / /rnam par snang mdzad dngos grub shog /rigs lnga yum gyis ma rig lnga/ /rnam dag ye shes lnga sbyor bas/ /
86b3 rig pa'i dbang du rgyud pas bstan/ /shar du seng ge'i khri la 'dug /steng du gdugs dkar phub nas kyang / /phyir mi ldog pa'i dbang bskur te/ /slob dpon rang bzhin 'od dpag mchog /skal ba chen po bdag la gsol/ /bde gshegs rnams kyi dbang bskur ni/ /
86b4 sangs rgyas byang chub rab bsgrub pa/ /de ni sangs rgyas dpag med do/ /brtul zhugs bla na med pa de/ /ji ltar 'dul bzhin bdag la gsol/ /de nas rnam rgyal bum pa blangs/ /steng 'og bzhag la tshig 'dis sbyin/ /dbang bskur rdo rje chen po ni/ /khams gsum
86b5 kun gyis phyag byas pa//gsang gsum gnas las byung ba yi/ /sangs rgyas kun gyis byin pa yis/ /phrin las thogs pa med pa rnams/ /bu yis gzhan don bla med byos/ /khyod ni rdo rje slob dpon yin/ /dus gsum sangs rgyas sras yin no/ /zhes bya dung dang rol mo
86b6 dbul//lung bstan bya phyir bla ma yis/ /sprul pa'i skur bcas dga' dang bcas/ /chos gos bzung la 'di skad brjod/ /rdo rje sems dpa'i rang bzhin gshegs/ /srid pa'i mtha' ni grub pa'i phyir/ /srid pa'i ngan 'gro nyid las bton/ /kye rdo rje de bzhin gshegs
86b7 pa che ge mo zhes/sid+d+hi badzra tsaN+Da te thA ga ta sa ma ya s+t+waM b+hur b+hu ba swaH/ phyogs bcu'i sangs rgyas ma lus pas/ /khyod la lung bstan byas pa 'di/ /gsang sngags rdo rje'i mthu yin pas/ /dad pas 'di la spro bar gyis/ /de nas rdo rje brtul zhugs sbyin/ /rdo rje lag tu legs
87a1 byin la//'di de sangs rgyas thams cad kyi/ /rdo rje sems dpa'i phyag na bsnams/ /khyod kyis kyang ni rtag tu bcang / /phyag na rdo rje'i brtul zhugs brtan/ /oM sarba ta thA ga ta sa ma ya tiSh+Tha e Sha s+t+waM d+ha ra ya mi hi hi hUM/ de nas dril bu sbyin byas te/ /'di ni
87a2 sangs rgyas thams cad kyis//shes rab dbyangs kyi rjes 'gro ba/ /khyod kyis kyang ni rtag tu bcang / /byang chub mchog tu rgyal bas bzhed/ /oM sarba ta thA ga ta sid+d+ha g+haN+Da sa ma ya tiSh+Tha e Sha s+t+waM d+ha ra ya mi hi hi hUM/ ji ltar mig mkhan rgyal po yis/ /mi shes rab rib bsal ba
87a3 ltar//bu khyod kyi yang mi shes pa'i/ /ma rig ling thog bsal bar bya/ /sman ldan gser gyi thur ma yis/ /ye shes dag par mig 'byed do/ /oM badzra ne tra a pa ha ra pa tra laM hri/ /de nas me long g.ya' dag bstan/ /chos rnams gzugs brnyan lta bu ste/ /dag cing gsal
87a4 la rnyog pa med//brjod du med cing gzung du med/ /rgyu dang las las thams cad 'byung / /de nas rdo rje me long phyar/ /rdo rje sems dpa' me long ltar/ /dag cing gsal la dri ma med/ /sangs rgyas kun bdag rang bzhin ni/ /bu khyod kyi ni snying la gnas/ /zhes bya ho yis
87a5 mda' gzhu sbyin//bskyod la phyogs bzhir bdud la 'phangs/ /de nas hUM las skyes pa yi/ /'khor lo rkang pa'i bar bcug la/ /de ring phan chad 'jig rten la/ /skyob pa rnams kyis 'khor lo bskor/ /chos kyi 'khor lo bla na med/ /kun du dri med sdig dang bral/ /de nas dung
87a6 byin bus nas kyang //chos kyi dung ni bla na med/ /som nyi yid gnyis mi bya zhing / /dogs pa med pa'i sems kyis su/ /sangs rgyas spyod pa'i tshul gyi mchog /'jig rten 'dir ni rab tu sgrogs/ /de ltar byas na sangs rgyas la/ /phan btags drin du gzo zhes bya/ /rdo rje 'dzin
87a7 pa 'di kun kyang //khyod la rjes su srung bar byed/ /de nas rigs lngar bsam byas la/ /'jig rten khams ni ma lus par/ /sems can ma lus drang ba'i phyir/ /chags pa med pa'i bsam pa yis/ /ji ltar gdul bya sna tshogs pa'i/ /chos kyi 'khor lo bskor bar
87b1 gyis//de bzhin rigs kyis gang 'dul ba/ /khyod kyi phrin las mchog yin no/ /de nas slar yang rdo rje 'dzin/ /gsal bar byas te tshig 'di brjod/ /deng nas bzung nas rigs kyi bus/ /zhi rgyas nga dang gsad pa dang / /dgug dang bcing dang bsreg pa dang / /
87b2 bskrad dang g.yo ba la sogs pa'i/ /phrin las sna tshogs bsgrub par gyis/ /ral gri mig sman sa 'og dang / /mchil lham de bzhin ri lu ste/ /thun mong dngos grub ma lus pa/ /de dag khyod kyis bsgrub par gyis/ /ma lus gnang ba sbyin par bya/ /bde bar dbugs
87b3 dbyung rnams kyang sbyin//khyad par bkra shis dbang rnams kyang / /rim pa bzhin du rdzogs par bya/ /gal te gsang ba'i dbang bskur ba/ /bzhin bzangs mig yangs lang tshor ldan/ /lus la dri yis byugs byas te/ /rtse dang dgod pas g.yo byas la/ /thabs dang
87b4 shes rab gnyis phab ste//nor bu byang chub sems ltung bas/ /bde gshegs khu ba mtheb srin gyis/ /drir bcas slob ma'i kha ru dbab/ /a ho su khas de btung ngo / /rdo rje ro yis nyon mongs 'joms/ /mtshan ldan bde ba bskyed pa de/ /yol bas bar bcad
87b5 snyoms 'jug brtsam//bsrub dang srubs pa'i sbyor ba yis/ /sgra yi rgyun med longs spyod kyi/ /rlabs kyi rgyun ni chad pa las/ /lhan cig skyes pa ye shes kyang / /rgyun gyi rnal 'byor dran par bya/ /skad cig de dang ma bral na/ /mi rtog ye shes skye bar 'gyur/ /de nyid brjod
87b6 du med pa la//brjod med tshig gi dbang du bshad/ /gal te de la mi rtog pas/ /bzhi pa dbang du rgyud du bstan/ /dkyil 'khor rnam lnga'i dbang bskur nas/ /tshogs dang mchod pa rgya chen bya/ /slob ma dad ldan mchog des kyang / /rta dang glang po ma he dang / /bu dang chung
87b7 ma srog dang dbyig /ci yod phyag byas ma zhen pas/ /bla ma mnyes phyir dbul bar bya/ /bla mas slob ma dam pa'i mgor/ /bkra shis brjod cing gdugs phub pas/ /slob ma mchod pa rdzas thogs nas/ /drin len dkyil 'khor lan gsum bskor/ /smon lam
88a1 gdab cing dge ba bsngo//tho rangs tshon bsdus bum par blugs/ /chu'am ri'am nags phug sba/ /dri bzangs kyis ni thig phyis la/ /sa der zhi ba'i me las bya/ /yang na phongs pa tshim pa dang / /tsai te'i las la brtson par bya/ /ji ltar rgyud las
88a2 gsal gyur cing //bla ma'i man ngag thob gyur kyang / /cung zad spros phyir bdag nyid spro bar byas/ /'on kyang nyes tshogs ci mchis bshags par bya/ /bzang po mdor bsdus cho ga mchog /gzhan phyir bkod pa'i dge ba yis/ /rigs drug gtum po'i lam zhugs nas/ /
88a3 myur du de yi 'bras thob shog /rdo rje gtum po'i dkyil 'khor gyi cho ga bzang po mdor bsdus pa zhes bya ba slob dpon las kyi rdo rjes mdzad pa rdzogs so// //rgya gar gyi paN+Di ta zla ba bzang po dang / bod kyi lo tsA ba glan chung dar ma tshul khrims kyis bsgyur ba'o/ /