CLOSE WINDOW

D2188
བོད་ཡིག

/sa bdag gi nad thub bo// //nyi ma sa bla na la sogs pa la 'di gdags so/ /shig byer nan/ mgo nan/ ha na ha na mA ra ya rbad nan/ zhes bzlas shing bsrung ba bya'o/ /rten 'brel gyi mthus bsrung ba rdzogs so//[ ]@##/ /lag na rdo rje lce dbab kyi sngon 'gro'i lag len rnal 'byor spyod lam brgyad pa bzhugs/@##/ /bcom ldan 'das phyag na rdo rje gos sngon po can la phyag 'tshal lo/ /rnal 'byor pa rnams rgyun du bya ba'i cho ga ni/ thun mong gi spyod lam brgyad kyis bstan te/ khrus dang / mchod pa'i rnal 'byor dang / zas dang /skom dang / gtor ma dang / sgom pa bzlas brjod kyi spyod lam brgyad do/ /dang po khrus kyi rnal 'byor ni/ /rang nyid bskyed pa'i rim bsgoms te/ /rin chen bum pa mdzes pa ru/ /chu gtsang srog chags med pa dang / /tsan+dan la sogs dris su dgang / /bdag gi thugs ka'i sa bon gyis//bum pa sbyangs te b+h+rUM gyis bskyed/ /de ru lha bskyed ye shes bstim/ /mchod byas sngags ni bzlas nas su/ /grangs ni thim nas 'od du zhu/ /rang gi thugs ka'i sa bon gyi/ /yi ge paM bsgom pad+mar gyur/ /de nyid nam mkha'i steng phyogs bsam/ /de steng sangs rgyas spyan la sogs//rdzus skyes bum pa thogs pa bsam/ /rang bzhin dkyil 'khor lha mo yang / /bdud rtsi bum pa thogs nas su/ /bkra shis rdo rje glu len cing / /bdud rtsi dkar po dri med kyis/ /rang gi spyi bor blugs par bsam/ /dri med dag nas mi bskyod 'gyur/ /de ni dus chen khyad par du//rgyun du 'grub na bsod nams che/ /de ni khrus kyi rnal 'byor rgyas pa'o/ /de las bsdus pa 'dod pa la/ /rang nyid stong pa'i ngang las ni/ /sa bon las ni lhar bskyed de/ /khrus kyi bum pa dag la yang / /sngags btab sbyangs te bdud rtsir gyur/ /thugs ka'i hUM las 'od zer 'phros//rang bzhin dkyil 'khor lha la phog /lho mo bum pa thogs pa yis/ /bdud rtsi'i chu blugs sgrib pa dag /de las shin tu bsdus pa ni/ /skad cig rdzus skyes lha ru bsam/ /thugs ka'i hUM las 'od zer 'phros/ /chu la phog pas bdud rtsir gyur/ /lha mo bum pa thogs pa yis//khrus byas dri ma dag par 'gyur/ /de dag kun gyi sngon du ni/ /sems bskyed pa dang ldan byas te/ /bdag dang sems can thams cad kun/ /phyag rgya'i dngos grub thob bya'i phyir/ /bdag gis khrus ni 'di bya'o/ /mthar smon pa yi byang chub sems/ /phyag rgya'i mchog tu bsngo bar bya'o//de rnams sngags dang phyag rgya ni/ /oM badzra snA na hUM phaT/ phyag rgya rdo rje khu tshur gnyis/ /mthe bong bsgreng ste spyi bor bzhag /yang na rgyud gzhan so so yi/ /sngags dang phyag rgya dag gis bya/ /dbang bskur khrus dang ldan pa yin/ /de nas mchod pa'i rnal 'byor bstan//sa gzhi skyon spangs yon tan ldan/ /ba yi rnam lngar ldan pa yis/ /maN+Dal yid 'ong mdzes par bya/ /tshad ldan dbyibs ldan de la ni/ /dang por dri ldan chu yis ni/ /byugs tshe nyi zla'i gdan du bsam/ /de steng me tog 'grems pa'i tshe/ /pad+ma dag tu gyur bar bsam/ / de gsum sngags dang brjod par bya/ /mchod pa dri med bshams nas kyang / /rang nyid cho gas lhar bskyed de/ /rang gi thugs kyi sa bon las/ /'od 'phros thugs ka'i lha yang gsal/ /pad+ma'i steng du gzugs brnyan shar/ /de nas sngags dang phyag rgya dang //ting 'dzin ldan pa'i 'od zer gyis/ /ye shes lha ni spyan drangs te/ /gzugs brnyan nyid la bstim par bya/ /yang na 'od zer 'phros pas su/ /bla ma spyan drangs sgrib pa sbyang / /mi bskyod gyur nas dbu la bzhugs/ /dang po phyag ni btsal bya ste/ /de nas mchod pa rgyas par dbul//de yang dang po bla ma la/ /de nas dkyil 'khor lha la dbul/ /mchod pa dbul ba'i dbul sa yang / /dang po me tog gdan bsam ste/ /zhabs gnyis la ni dbul bar bya/ /de nas zhal bsil gdong dang phyag /'thor 'thung zhal gyi nang du dbul/ /nye reg thugs kar byug par bya//yon ni zhabs kyi drung du dbul/ /sku khrus dbul dbul bar bya/ /bdug spos shangs la dbul bar bya/ /me tog dbul dbul bar bya/ /lha bshos ljags la dbul bar bya/ /sil snyan snyan la dbul bar bya/ /rin chen mdzod spur dbul bar bya//gdugs dang rgyal mtshan la sogs pa/ /sku nyid la ni dbul bar bya/ /de ni phyi yi mchod pa'o/ /nang gi mchod pa 'di lta ste/ /sgeg mo la sogs lha mo rnams/ /sprul la mchod pa dbul bar bya/ /gsang ba'i mchod pa bdud rtsi yis/ /lha rnams dgyes pa bskyed par bsam//de 'og rtsa ba'i ltung ba rnams/ /rang gi blo la bgrang bsngo bya/ /nyes pa gang byung de la ni/ /ched du gtang de bshags pa bya/ /dang por bsam pa gtsor byas te/ /tshig gis kyang ni bshags pa bya/ /de 'og yi ge brgya pas sbyangs/ /de nas 'jig rten 'das pa dang //'jig rten pa yi dge ba la/ /dga' ba bskyed de rjes yi rang / /de 'og bla ma dkyil 'khor dang / /sangs rgyas byang chub sems dpa' la/ /mya ngan mi 'da' gsol ba gdab/ /de nas chos kyi 'khor lo ni/ /bskor bar yang ni gsol ba gdab/ /de nas bla ma sangs rgyas dang //byang chub sems dpa' dag la yang / /skyabs su mchi zhing lus kyang dbul/ /de 'og sdom pa gzung bar bya/ /rol mo sil snyan ldan pa yis/ /rdo rje sngags ni mgur bcas nas/ /nyi shu rtsa gcig bdun gsum gyis/ /lha rnams la ni bskor bar bya//de 'og mchod sogs dge ba rnams/ /byang chub chen por bsngo bar bya/ /ye shes gshegs nas ting 'dzin bsdu/ /de nas ci bder don gzhan bya/ /de ni mchod pa rgyas pa'i tshad/ /de las bsdus pa 'dod pa rnams/ /maN+Dal dngos sam yid kyis bsam/ /rang nyid stong pa'i ngang las ni//sa bon las ni lhar bskyed de/ /ye shes dkyil 'khor spyan drangs te/ /rdzas rnams dngos su ma 'byor yang / /sngags dang phyag rgya ting 'dzin gyis/ /mchod pa rnam lnga gsang mchod tsam/ /yid kyis bshags pa la sogs bya/ /shin tu bsdus pa 'dod pa la//rang nyid skad cig lhar bsams te/ /bla ma yi dam lha la sogs/ /rdzus skyes tshul du mdun du bsam/ /bsam pas bdud rtsi mchod pa dang / /sdig pa bshags dang dge rtsa bsngo/ /'di ni shin tu bsdus pa'o/ /zas kyi rnal 'byor bstan pa ni/ /rang nyid cho gas lhar bskyed la//lte ba'i 'og tu rlung bsams te/ /de steng 'byung ba me bsam mo/ /rlung gi me lces snying gar slebs/ /snying ga'i dkyil 'khor lha gsal te/ /'od kyi khang pa'i nang na 'bar/ /lce ni hUM las rdo rjer bsam/ /yar rkan paM las pad+ma bsam/ /de nyid thabs dang shes rab ldan//yang na kha ni dgang gzar bsam/ /lag pa blugs gzar nyid du bsam/ /zas rnams byin gyis brlab pa ni/ /snod ni a las ka pA la/ /rdzas ni bdud rtsi'i yi ge yis/ /bdud rtsi rnam pa lnga ru bsam/ /de 'og raM dang yaM las ni/ /me dang rlung gi dkyil 'khor ni//gru gsum zla gam ba dan can/ /thod pa'i nang gi yi ge gsum/ /mu tig bstar la brgyus pa bzhin/ /de steng rdo rje'i lte ba la/ /yi ge hUM gis mtshan par bsam/ /de steng zla ba'i dkyil 'khor la/ /yi ge oM gyis mtshan par bsam/ /yi ge hUM gi 'od zer gyis/ / ba dan bskyod pas rlung byung ste/ /rlung gis me sbar bdud rtsi bzhu/ /hUM gis bsdus shing AH sa su zhu/ /oM gyis kha dog dkar por bsgyur/ /slar yang gyen du spros pas su/ /steng gi oM bskul 'od zer 'phros/ /rang bzhin lha yi mdzod spur phog /gnyis med rol pas byang sems phab//dang por oM phog zla ba zhu/ /dam tshig dang 'dres rdo rje phab/ /cha gnyis gcig 'dres rdo rjer zhu/ /bdud rtsi dri med dkar po des/ /snying ga'i lha la mchod byas te/ /sbyin sreg tshul du bza' bar bya/ /zas kyi rnal 'byor rgyas pa'o/ /rang nyid lhag pa'i lhar bsams te//snying gar lha yi rnal 'byor bsam/ /zas rnams byin gyis brlab pa ni/ /pad+ma mdzes pa'i snod dag tu/ /bdud rtsi rnam pa lnga bsams te/ /lag pa g.yon pa'i zla steng nas/ /oM las 'od 'phros bdud rtsi bsregs/ /g.yas kyi nyi ma'i steng nas ni/ / AHlas 'od 'phros bdud rtsi spel/ /gnyis ka las ni hUM 'phros te/ /bdud rtsi rnams ni 'od du 'bar/ /ho las 'od 'phros bdud rtsi zhu/ /de nas thugs ka'i lha mchod do/ /de ni bsdus pa'i rnal 'byor ro/ /skad cig rdzus skyes rnal 'byor gyis/ /bdag dang thugs ka'i lha gnyis gsal//thugs ka'i hUM las 'od 'phros pas/ /zas la sogs pa bdud rtsir bzhu/ /slar yang ye shes bdud rtsi 'bab/ /cha gnyis 'dres pa'i bdud rtsi de/ /thugs ka'i lha la mchod par bya/ /shin tu bsdus pa'i rnal 'byor ro/ /btung ba'i rnal 'byor bstan pa ni/ / rang nyid bskyed pa la sogs ni/ /zas kyi rnal 'byor nyid dang mthun/ /btung ba byin gyis brlab pa ni/ /snod ni a las ka pA la/ /byin gyis brlabs nas de nang du/ /byang chub sems kyi sa bon bsam/ /thugs ka'i yi ge'i sa bon las/ /ha 'phros pas ni rnam rtog sbyangs/ / hrIH sa ni 'od 'bar ro rnams sbyangs/ /hos ni dri med bdud rtsir bzhu/ /lag pa g.yon gyi mthe bong ni/ /hUM gis sa gzhi byin gyis brlabs/ /srin lag gsum las ri rab tu/ /byin gyis brlabs pa'i bang rim las/ /yi ge maM las 'od 'phros te/ /de bzhin gshegs pa'i smin mtshams phog /yab yum gnyis med sbyor ba las/ /byang chub sems kyi bdud rtsi bab/ /yang na yum chen mA ma kI/ /bdud rtsi thogs pa dpag med byung / /dam tshig bdud rtsi'i nang du bya'o/ /cha gnyis gcig tu 'dres pa yi/ /bdud rtsi ri rab dag gis bsrubs/ /ri rab nyid kyang 'od du zhu//bdud rtsi dri med dkar po des/ /thugs ka'i dkyil 'khor lha rnams la/ /sbyin sreg tshul lam mchod pa yi/ /tshul gyis 'thungs pas bde ba bskyed par 'gyur ba'am/ /yang na bdud rtsi'i mchod pa ni/ /phyi rol maN+Dal snod steng du/ /chos 'byung gru gsum bri bar bya//me tog tshom bu dgod par bya/ /rdzogs pa'i rnal 'byor ting 'dzin gyis/ /ye shes dkyil 'khor spyan drangs te/ /pad+ma'i steng du bzhugs bsams la/ /so so'i rtsa ba'i sngags kyis ni/ /bdud rtsi'i 'thor 'thung mchod pa dbul/ /thabs dang shes rab dang ldan pas//rdo rje'i glu ni phra mo yis/ /lan gsum sku gsung thugs la mchod/ /de nas thugs ka'i dkyil 'khor mchod/ /de ni rgyas pa'i rnal 'byor ro/ /bsdus dang shin tu bsdus pa gnyis/ /zas kyi rnal 'byor nyid dang mthun/ /gtor ma'i rnal 'byor bstan pa ni//rang nyid bskyed rim tshul bsgoms la/ /gtor ma byin gyis brlab pa ni/ /zas kyi rnal 'byor nyid dang mthun/ /mchod par bya ba'i mgron rnams ni/ /'jig rten 'das dang 'jig rten pa/ /mdun du paM las pad+mar bskyed/ /'dab brgyad steng du dur khrod brgyad/ /dbus kyi lte bar e las ni//dar mo da ya'i chos 'byung bsam/ /de nas 'jig rten 'das par bskyed/ /phyi rol dur khrod brgyad la ni/ /'jig rten pa yi 'khor rnams bskyed/ /rang bzhin dkyil 'khor rnam gnyis kyang / /spyan drangs dam tshig dag la bstim/ /so so'i sngags dang phyag rgya yis//gtor ma bstabs shing phrin las bcol/ /sil snyan rdo rje mgur glur ldan/ /mchod cing bstod nas gshegs su gsol/ /ting 'dzin bsdus te dge rtsa bsngo/ /de ni rnal 'byor rgyas pa'o/ /bsdus pa stong nyid ngang las ni/ /sa bon las ni lhar bskyed de//gtor ma byin gyis brlab pa ni/ /zas kyi rnal 'byor 'bring dang mthun/ /shin tu bsdus pa'i rnal 'byor ni/ /skad cig rdzus skyes lhar bskyed la/ /gtor ma so so'i sa bon gyis/ /sbyang ba byas te gong dang mthun/ /de rnams gtor ma'i rnal 'byor ro//de nas spyod lam rnal 'byor ni/ /nang par langs pa'i tshe na ni/ /bdag rang yi dam lhar bsams te/ /'gro ba pho rnams thams cad ni/ /bde gshegs sprul pa nyid du blta/ /'gro ba mo rnams thams cad ni/ /bde gshegs yul gyi lha mor blta/ /snod kyi 'jig rten 'di dag kun//lha yi gzhal yas nyid du blta/ /thams cad sgyu ma'i rang bzhin du/ /thabs dang shes rab rol pas spyod/ /nyon mongs drag po langs tsam na/ /gang dang gang 'dul gnyen por bsten/ /'gro ba sems can don bya snyam/ /'dug na byang chub snying por 'jug /nub mo nyal ba'i tshe na ni/ /chos nyid stong pa'i ngang las nyal/ /dge ba'i bsam pas nyal bar bya'o/ /bsdus pa'i spyod lam bya ba ni/ /dang po nang par langs tshe dang / /nyin mo thun mtshams bzhi rnams dang / /nub mo nyal ba'i dus dag tu/ /rnal 'byor pa nyid gong bzhin bya//shin tu bsdus pa'i spyod lam ni/ /dang por nang par langs dus dang / /nub mo nyal ba'i dus dag tu/ /spyod lam gong bzhin dran par bya/ /rnal 'byor de rnams kun la yang / /sngon du byang chub sems bskyed cing dge ba byang chub bsngo/ /de ltar rgyun du byas pa yi//dge ba'i mthu yi byin rlabs kyis/ /phyag rgya mchog gi grogs 'gyur zhing / /thun mong dngos grub thob par 'gyur/ /dngos grub rnam gnyis ma thob kyang / /lha dang mi yi rigs skye zhing / /bsod nams lhun grub thob par 'gyur/ /bsgom dang bzlas pa'i bsdus rgyas ni//rgyud dang sgrub thabs la sogs su/ /bla ma'i zhal gyi man ngag gis/ /shes par byas te nyams su blang / /sgom pa bstan pa'i rim pa yang / /bla ma 'chad pa'i rgyud shes pas/ /slob ma nyid kyis shes par bya/ /rin chen lta bu'i gang zag la/ /rdzogs pa'i man ngag rim pa bstan//de las gzhan pa'i slob ma la/ /bskyed pa'i rim pa'i man ngag bstan/ /de la bstan nas phyi dus su/ /rdzogs pa'i rim pa bstan du rung / /de las gzhan pa kha cig la/ /zab mo'i don rnams mi bstan par/ /mi zad dbyings kyi chos rnams bstan//de rnams gsum gyi 'bras bu ni/ /skye ba 'di la 'byung ba dang / /skye ba bdun la 'byung ba'o/ /'jig rten gsum gyi las kyis ni/ /thun mong dngos grub kho na 'grub/ /dper na ston gyi me tog bzhin/ /'bras bu dag la spro bskyed la/ /brtson 'grus chen po'i go cha gyon//le lo spangs shing nyin mtshan du/ /rnal 'byor dag ni chags mi bya/ /snyom las le los chags gyur nas/ /bde gshegs bka' las 'das pa na/ /rtsa ba'i rab 'bring tha ma la/ /tha mas nyams pa'i char 'gyur bas/ /nyams pa sbyang zhing slar gso ba/ /bla ma mchod pa'i dus su ni//yi ge brgya pa'i cho ga yis/ /sbyangs pas slar ni sor chud 'gyur/ /'di dang mi ldan sngags pa ni/ /glang chen myos 'dra ji bzhin no/ /'di dang ldan pa'i sngags pa ni/ /seng phrug seng ge'i gdung 'tshob 'dra/ /de la nan tan cher bskyed cig /phyag na rdo rje lce dbab kyi sngon du 'gro ba'i yan lag /rnal 'byor gyi spyod lam brgyad pa zhes bya ba/ slob dpon rgyal bu sprin gyi shugs can gyis mdzad pa rdzogs so// //slob dpon rgyal bu sprin gyi shugs can gyis rgyud dang mi 'gal bar mdzad pa'o/ /dza yA ka ra dang / mar pa lo tsA bas bsgyur cing zhus te gtan la phab pa'o/