CLOSE WINDOW

D2176
བོད་ཡིག

bdag dang mtha' yas sems can rnams/ /bla med byang chub thob par shog /slob dpon b+ha bas mdzad pa rdzogs so// //lo tsA ba dge slong tshul khrims gzhon nus bsgyur cing zhus te gtan la phab ba//[ ]@##/ /rgya gar skad du/ ga Na tsakra bi d+hiH bod skad du/ tshogs kyi 'khor lo'i cho ga /dpal rdo rje can la phyag 'tshal lo/ /tshogs chen khyad par bsags pa dang / /dam tshig nyams pa bskang ba dang / /sgrib sbyang mchog ni thob bya'i phyir/ /rnal 'byor lugs mthun bdag gis bshad/ /tshogs ni gnyis su shes par bya'o/ / phan gdags pa dang tshar gcad pa'i/ /de yang 'khor lo bskor dang mchod pa brtsam/ /phan pa mchog dang thun mong ngo / /dgug dang bskrad dang mnan pa dang / /gsad pa la sogs tshar gcad pa'o/ /de sgrub rnal 'byor bstan pa ni/ /sngags pa gcig tu rtog byed dang / / dus rnams kun du rtse gcig ldan/ /rgyud rnams kyi ni snying po shes/ /de nyid bcu ni mchog tu rig /zab cing rgya chen chos la mos/ /yid ni shin tu 'jam pa dang / /bsnyen bkur ldan zhing 'jigs pa med/ /nga rgyal med cing gshegs la brtson/ /brda dang phyag rgya'i mchod pa yi//lan dang sbyor ba sogs la mkhas/ /gsang thub tshod rig lus ngag gzo/ /de la sogs pa'i cho ga mkhas/ /gu ru la sogs lha dang bstun/ /de steng las kyi rnal 'byor gnyis/ /byan po byan mo gsol ka gsum/ /phyi mtshams nang mtshams rol mo pa//de ni rnal 'byor rgyas pa'i tshad/ /lha steng las kyi skar ma dang / /mtshan ma nyid ni bsdus pa'o/ /lnga pa yan chad shin tu bsdus/ /'khor lo bsdus rgyas mkhas pas bya/ /mchod pa bzhi gsum gnyis su bya/ /de yi rim pa'ang gong bzhin du/ /bsod nams rim pa'ang de bzhin thob//'khor lo gral ni dkyil 'khor tshul/ /yang na mchog 'dod pa dang thun mong ni/ /grags ma grangs kyi rim pa yis/ /mchod pa'i tshul gyis rim pas bya/ /byin gyis brlabs sam rigs mthun par/ /nyams dga' yid 'jug gnas dag tu//'khor khang sum rim dang po yi/ /sgo bzhi gnyis pa lho la gsum pa shar/ /de yi thun mong khyad par ni/ /dang po sa 'og phyi ma ste/ /rim gsum gyen du brtsigs pa ni/ /lus 'dod pa dang phyi ma'i lugs/ /phan 'dogs don du bstan pa'o/ /dur khrod mtsho gling 'jigs pa'i gnas//'di 'dra'i rigs mthun la sogs pas/ /tshar gcad don du gong bzhin bya/ /dus ni rgyun nam lo'am zlar/ /khyad par bzhi gsum gnyis dang gcig /bcu gnyis bzhi ru dam tshig go/ /de ltar ma byas mkha' 'gros gsod/ /byas na dngos grub chen po 'thob//yon tan sbyor ba'i rim pa dang / /sgrub po 'dod pa'i rim pa yis/ /gong gi khyad par shes par bya/ /phyi ltar ba yi rnam lngas byug /nang ni bdud rtsi rnam lngas byug /phyi ni mdzes pa'i rgyan rnams bris/ /nang ni dur khrod chas kyis brgyan//dkyil 'khor gsang mchog nub mo bri/ /ngag gi brda skad thabs gsum gyis/ /rnal 'byor rnams ni bsdu bar bya/ /dbyug sngon gyis ni lus ngag brda/ /bum pa nas bzung phyi nang gsang / /dril nas dbye gsal rim pas bya/ /slob dpon mdun du 'khon gcugs sbyang //las kyi sems dpa' gral la dgod/ /rgyan cha gan la go bgor gnas/ /slob dpon gyis ni byin brlabs shing / /las kyi sems mas rtags gsum gdab/ /rang gis lhag pa'i nga rgyal bya/ /gar mas maN+Dal mchod pa rnams/ /rim par byas nas gsol ba gdab//bskyed pa'i rim pa tshul bzhin bsgom/ /so so'i lha yi nga rgyal bya/ /de ltar mi shes lhag pa'i lha/ /de ltar byas nas gtso bo'i brdas/ /karma la ni bskul bar bya/ /karma 'khor ma dang bcas la/ /tshogs kyi bye brag brgya rtsa brgyad/ /'gying bag tshul gyis drang bar bya/ / tshogs kyi dbye ba bstan pa ni/ /rtsa ba lnga las rtsa lngar gyur/ /thun mong du ni brgya bya la/ /rnal 'byor zab mo'i spyod pa yin/ /sha yi bye brag nyi shu lnga/ /btung ba'i bye brag de bzhin no/ /sman gyi bye brag nyi shu dang / /bshos dang dkar gyi bye brag kyang / /phyed mar byas pa'i sum cu yin//spos kyi bye brag brgyad du bstan/ /de nas bsdus pa phyed du bstan/ /shin tu bsdus pa de yi phyed/ /de ni tshogs kyi 'khor lo'o/ /tshogs kyi 'khor lo'i mchod pa'i rim pa ni/ /bcu dang lnga dang gsum du bya/ /de yi rab 'bring sgrub pa'o/ /bsod nams che chung rim pa de'o//tshogs de slob dpon byin gyis brlabs/ /rlung gis me sbar mtshan ldan dros/ /de nyid gsum gyi las byas la/ /bdud rtsi bab cing rdo rjes dkrugs/ /bdud rtsi'i rang bzhin 'od du zhu/ /btung ba'i byin rlabs la sogs kyang / /man ngag bzhin du byin brlabs la/ / bdud rtsi mchod pa phyogs bkram la/ /dang po las kyi rnal 'byor gyis/ /mdun du lha bskyed spyan drangs bstim/ /dang po phyag 'tshal mchod lnga 'bul/ /de nas bdud rtsi'i mchod pa 'bul/ /de 'og lcags kyu lnga po dang / /glu dang gar gyi mchod pa 'bul/ /hUM gi glu blangs mchod pa ni//nyi shu yang ni bya bar gsungs/ /bstod cing rol mo'i mchod pa 'bul/ /de nas rnal 'byor rnams la mchod/ /lhag ma mkha' 'gro rnams la mchod/ /maN+Dal sngon po byas nas ni/ /bdud rtsi lnga yis chag chag gdab/ /me tog sngon po'i tshom bu bya/ / sa la gnas pa'i mkha' 'gro ma/ /bskyed cing spyan drangs bstim byas la/ /byin gyis brlabs la mchod pa bya/ /lhag ma kha chus btab nas ni/ /sbyang dang spro ba bsdus byas la/ /'khor khang phyi logs maN+Dal bya/ /khrag gis byug cing me tog dgram/ /bshud glu brda yis spyan drangs nas//rnal 'byor skra bshig thal bas byug /rgyan chas gon la rtags rnams gdab/ /lha yi ting 'dzin gsal byas nas/ /rdo rje'i glu blangs rol mo brdung / /mchod cing bstod nas mthol bshags bya/ /phrin las bcol la gshegs su gsol/ / tshogs kyi sbyor ka'i phrin las kyis/ /rnal 'byor pa yi las rnams 'grub/ /slob dpon b+ha bas mdzad pa rdzogs so// @#/ /zab ba don gyi cho ga rnams/ /rin chen lta bu'i gang zag la/ /zab phyir man ngag bkol nas bstan/ /mchog gi tshogs kyi 'khor lo ni//thun mong cho ga thams cad ni/ /thun mong tshogs 'khor dang mthun no/ /khyad par cho ga bstan pa ni/ /rin chen phub pa dgu rim mam/ /bdun rim lnga rim sum rim ni/ /mu stegs nyan thos skye bo yis/ /skrag 'gyur log spyod spyad byed gsum/ / de dag spang phyir gong bzhin bstan/ /rgyal rigs rje'u rigs bram ze'i rigs/ /bu mo mtshan dang ldan pa ni/ /mtshan rnams bcu po rdzogs pa dang / /shes rab che dang snying rje che/ /dad pa la sogs che ba dang / /rnal 'byor ldan pa phyag rgya mkhas/ /sbyor thabs kun la rab tu mkhas//de lta'i rnal 'byor nyung yang lnga/ /mang bar gyur na rnal 'byor kyang / /bskyed de de ltar rigs par spyad/ /lnga gnyis zung du gnas pa las/ /bskyed pa'i rim pa mthar phyin pas/ /nang gi mchod pa brtsam par bya/ /de nas gsang ba'i mchod pa brtsam//gsang ba'i mchod pa'i cho ga yis/ /dga' ba'i ye shes bcu drug ni/ /'khor lo'i tshul las lhan cig bskyed/ /ye shes 'khor lo zhes su grags/ /yang na sprul pa'i 'khor lo la/ /thig le phra mo bsam pa ni/ /rnal 'byor pha yin rtsa rnams ma//rlung ni las kyi sems dpa' yin/ /de la sogs pa'i man ngag rnams/ /slob dpon zhal las shes par bya/ /'khor lo gsum la'ang de bzhin no/ /tshogs zhes bya ba mang po yin/ /'khor lo zhes bya ba skor du btub/ /mchog ces bya ba lhan cig dga'//de ltar mchog gi 'khor lo ni/ /yang yang sbyang zhing bsgom par bya/ /mchog gi tshogs kyi 'khor lo'i sbyor ka ste gnyis pa'o// //dgug pa'i tshogs kyi 'khor lo ni/ /thun mong cho ga thams cad ni/ /thun mong tshogs 'khor dang mthun no/ /khyad par cho ga bstan pa ni//dur khrod 'jigs pa'i gnas dag tu/ /shin tu dmar ba'i gos gyon nas/ /nub phyogs su ni kha bltas te/ /cho ga gsum gyis lhar bskyed nas/ /'khor bskyed pa'am mi bskyed pa'o/ /bskyed pa hUM gis bskyed pa dang / /mi bskyed skad cig sprul pa'o/ /ye shes dkyil 'khor spyan drangs sogs//byas nas bskyed rim mthar phyin nas/ /mdun gyi dkyil 'khor sprul pa la/ /cho ga la sogs rdzogs byas nas/ /dur khrod ras ma dag la ni/ /mdun du gzugs sam 'khor lo bri/ /dgug pa'i yi ge'i 'od zer gyis/ /bsgrub bya bkug nas bstim par bya//'jig rten 'das dang 'jig rten pa'i/ /dkyil 'khor bzhi po de dag la/ /mchod bstod la sogs byas nas ni/ /phrin las bcol zhing rbad pa dang / /sngags bzlas brgya rtsa brgyad du ni/ /rab kyis bya ba 'bring gis ni/ /lnga brgya tha ma stong gis ni/ / bzhi po rab tu re re yang / /de bzhin gcig gis 'grub pa dang / /yang na thun par bzhi dag tu/ /rtsa gcig lnga bcu brgya rtsa brgyad/ /de lta'i 'khor lo rtsa gcig dang / /lnga bcu brgya rtsa brgyad du ni/ /sgrub po khyad par rab 'bring gis/ /bsgrub bya gang yin khug par 'gyur/ / nyi shu rtsa drug mtha' la ni/ /bsgrub bya'i ming ni bcug nas su/ /'gugs byed bsre bas gzhug par bya/ /dgug pa tshogs kyi sbyor ka la/ /nyin dang mtshan du brtsam par bya/ /dgug pa tshogs kyi sbyor ka ste gsum pa'o// //bskrad pa tshogs kyi 'khor lo ni/ /thun mong cho ga thams cad ni//phan gdags pa ni nyid dang mthun/ /khyad par 'jigs pa'i gnas dag tu/ /lho phyogs su ni kha bltas te/ /sngon po la sogs gos gon la/ /bskyed rim tshul du bya ba dang / /cho ga gsum gyis bya ba yin/ /de nas ye shes spyan drangs nas/ /cho ga la sogs rdzogs par bya//mdun du dur khrod ras ma la/ /rlung gi dkyil 'khor bris nas ni/ /de steng zla ba'i dkyil 'khor la/ /bsgrub bya'i gzugs brnyan bris nas ni/ /rnal 'byor ci 'dod mdun du bsam/ /yang na gtso bo lnga'am drag po gnyis/ /las la med du mi rung ngo / / gtso bo drag po'i las ni bsdus/ /slob dpon gnyis po shin tu bsdus/ /dkyil 'khor gsum po sprul pa las/ /cho ga la sogs rdzogs par bya/ /tshogs kyi rdzas rnams ma lus bsags/ /khyad par tsit+ta sna tshogs dang / /sha sna khrag sna la sogs pas/ /tshul khrims bsrung ldan nas bzung nas//sgo mangs can ni yan chod kyi/ /rang gi sbyor ba ma byas par/ /gzhan la nyos dang bslangs pa yis/ /rdzas rnams rdo rje can gyis ni/ /rgyud las bsngags par bcom ldan gsungs/ /byan pos btso bsreg byas nas ni/ /yon bdag 'khor dang bcas nas ni//bskor ba bdun nam gsum byas la/ /'gying bag 'dzum pa'i mdangs kyis ni/ /slob dpon la ni rdo rje'i glus/ /phyag rgya bsgyur nas drang bar bya/ /hUM bla ma rdo rje slob dpon ni/ /gnyis med ye shes mthu ldan pas/ /dbyings las ma g.yos rtogs med kyang / /sems can gdul ba'i don slad du//rdo rje can gyi sku sprul nas/ /rtse gcig ldan pa'i ting 'dzin gyis/ /tshogs kyi 'khor lo rgya chen 'di/ /bdag gzhan lha rnams mchod pa'i phyir/ /byin gyis brlab pa mdzad du gsol/ /de nas rdo rje slob dpon gyis/ /yi ge gsum gyi bdud rtsi yis//bsreg sbyangs bdud rtsi zhu nas kyang / /bde gshegs mchod bstod rdzogs byas nas/ /phrin las bcol bas khro bo yi/ /sngags bzlas pas ni bsgrub bya ste/ /'khor lo rlung gi dkyil 'khor la/ /bsgrub bya de ru bzhag nas su/ /khro bo dpag med spros pa yi//zhal nas rlung nag 'tshub ma ni/ /btang bas bsgrub bya bteg nas kyang / /nub byang mtshams kyi rlung lhas ni/ /khyad par de nyid bskyod nas kyang / /nam mkha'i mthas gtugs sa ru bskyal/ /de ltar lan gsum lha gsum gyis/ /cho ga byas te bskyal bar bya/ /bskrad pa'i tshogs kyi 'khor lo'i sbyor ka ste bzhi pa'o// //mnan pa tshogs kyi 'khor lo ni/ /thun mong cho ga thams cad ni/ /phan gdags pa ni nyid dang mthun/ /khyad par cho ga bstan pa ni/ /ri bo dben pa'i gnas dag tu/ /slob dpon lho phyogs kha bltas te/ /ser nag la sogs rgyan cha gon//cho ga la sogs rdzogs byas la/ /rnal 'byor rnams kyi mdun du ni/ /dur khrod ras ma dag la ni/ /ba bla'am ldong ros khu bas sam/ /gser gyis ri rab bris nas kyang / /de 'og mthing shun dag gis ni/ /rgya mtsho chen po'i gzugs bris la/ /de gnyis dag gi bar du ni//bsgrub bya'i ming rnams bris nas kyang / /shugs ldan pa dang mgo 'chos dang / /kun du rgyug pa yan chod kyi/ /rnam gsum po ni thams cad kun/ /chos mthun spyod pas btsal nas kyang / /byan po de rdzogs rdzas rnams la/ /yid 'ong dpag med bshams nas kyang //bskor nas slob dpon la phul bas/ /cho ga la sogs rdzogs nas ni/ /dkyil 'khor gnyis pa'i cho ga yis/ /sngags bzlas brgya rtsa brgyad pa gnyis/ /ting 'dzin ldan pas bsgrub bya ste/ /ming gi yi ge bskyed nas kyang / /yi ge gnyis po ri rab bri//rgya mtsho bskyed nas mnan par bya/ /dkyil 'khor mtha' ma'i cho ga yis/ /khang pa'i phyi rol dag tu ni/ /drag po'i 'brub khung byas nas kyang / /nag pos kha ni bcad nas kyang / /de steng las kyi rgya gram bri/ /de sogs cho ga'i sbyor bas su/ /mkha' 'gro rnams kyis mnan par bya'o//mnan pa'i tshogs kyi sbyor ka ste lnga pa'o// //gsad pa'i tshogs kyi sbyor ka ni/ /thun mong cho ga thams cad ni/ /phan gdags pa dang mthun par bsam/ /khyad par cho ga bstan pa ni/ /dur khrod 'jigs pa'i gnas dag tu/ /slob dpon lho phyogs kha bltas te//gnag cing drag po'i rgyan cha gon/ /rnal 'byor rnams kyi mdun du ni/ /dur khrod ras la gzugs bris la/ /phur bu gri gug mtshon cha rnams/ /khro bo'i sngags kyis byin brlabs nas/ /phur bus gdab cing gri gug gtub/ /thun mong rdzas rnams steng du ni//gdong pa can ni sna tshogs kyis/ /gsum dang ldan pa yid du 'ong / /slob dpon la ni phul nas kyang / /dang po bsgrub bya de nyid la/ /bkug nas khro bo'i mtshon cha yis/ /gsang ba'i cho ga byas nas su/ /rtsa gcig la sogs sngags kyis ni/ /de bzhin byin brlabs byas nas ni//dang po 'khor lo mchod nas kyang / /cho ga la sogs rdzogs byas la/ /slar yang bsgrub bya bkug nas ni/ /mdun bsams gsad pa'i sbyor ba yis/ /cho ga rdzogs nas tha ma ni/ /mkha' 'gro ma yis gsad pa yi/ /sbyor bas cho ga rdzogs par bya'o//gsad pa'i tshogs kyi 'khor lo'i sbyor ka ste drug pa'o// //sreg pa tshogs kyi sbyor ka ni/ /cho ga thams cad gzhan dang mthun/ /dkyil 'khor gsum du sbyin sreg gsum/ /rnal 'byor pa ni thams cad kyis/ /sngags la sogs pa'i 'khor lo yis/ /bskor ba'i tshul du tha ma ni//las mkhan gyis ni bsreg par bya'o/ /de yi cho ga thams cad ni/ /sbyin sreg cho gar shes par bya'o/ /sreg pa'i tshogs kyi 'khor lo'i sbyor ka ste bdun pa'o// //bstabs pa tshogs kyi 'khor lo ni/ /cho ga thams cad gzhan dang mthun/ /khyad par cho ga bstan pa ni//rnam par bam pa ma yin pa'i/ /mtshan ldan bam chen blangs nas ni/ /ming gi yi ge bskyed nas kyang / /de nyid dkyil 'khor gsum po la/ /bstabs te yang na rdzas la ni/ /bsams te byin brlabs byas nas kyang / /gar ma dbyug sngon rta mgrin gyis//lan gsum lan bdun nyi shu gcig /bstabs pa'i tshogs ni mkhas pas so/ /de nas phyi rol dag tu bya/ /de ltar gnyis bstabs gsum du bstabs/ /slob dpon man ngag shes par bya'o/ /bstabs pa tshogs kyi 'khor lo'i sbyor ka ste brgyad pa'o// //thun gsum thun bzhi dag tu ni/ /nyin dang mtshan ni lan gsum du/ /tshogs kyi 'khor lo'i sbyor ka la/ /rnal 'byor can gyis brtson par bya'o/ /dngos grub rnam gnyis 'dod pa dang / /bar chad rnam gnyis bsal ba'i phyir/ /cho ga 'di byas dge bas su/ /