CLOSE WINDOW

D2171
བོད་ཡིག

/'di la brten pa'i rnal 'byor pa/ /bla med byang chub thob par shog /gnod sbyin gyi de dpon chen po phyag na rdo rje gos sngon po can gyi sgrub thabs/ slob dpon b+ha bas mdzad pa rdzogs so//[ ]@##/ /rgya gar skad du/ ma hA yak+Sha se nA pa ta ye nI lAM ba ra d+ha ra badzra pA Ni maN+Dal bi d+hi nA ma/bod skad du/ gnod sbyin gyi sde dpon chen po lag na rdo rje gos sngon po can gyi dkyil 'khor gyi cho ga zhes bya ba/ bcom ldan 'das rdo rje 'dzin pa la phyag 'tshal lo/ /bdud rnams thams cad tshar gcod pa'i/ /mthu stobs can la phyag 'tshal nas//chags la mos par gyur pa yi/ /rnal 'byor lam pa'i don ched du/ /rgyud rnams kun dang mi 'gal ba'i/ /dkyil 'khor cho ga bshad par bya/ /slob dpon mtshan nyid ldan pa yis/ /sngon du bsnyen pa rdzogs byas te/ /de nas dkyil 'khor bri bar bya/ /yid du 'ong ba'i gnas dag tu//dri bzang tsan+dan spos kyis byugs/ /dri zhim me tog mchod bkram nas/ /lho ru kha bltas rol pa'i 'dug stangs bya/ /yang na bsnyen pa zhi ba'i tshul yin pas/ /shar du kha bltas sems dpa'i skyel krung bca'/ /'khor ba'i 'dam du bying ba yi/ /'gro la phan dang skyob pa'i phyir//snying rje chen pos dmigs par bya/ /bskyed pa'i rim pa'i tshul bsgom bya/ /de nas bzlas brjod tshul bzhin bya/ /dkyil 'khor gtso bo'i 'bum du bzlas/ /de las gzhan pa khri ru bzlas/ /mtshan ma rnam gsum thob pa yis/ /yang na bsnyen sbyor goms pas ni//rdul tshon dkyil 'khor brtsam par bya'o/ /slob ma snod dang ldan pa yis/ /dang por gsol gsum btab nas ni/ /bsnyen rdzogs gting la gdab par bya/ /dang por sa ni brtag par bya/ /phyogs gcad dbyibs ldan skyon bral ba'i/ /mkhas pas ci nus brtag par bya//maN+Dal lags byas me tog dgram/ /lha yi gnas dang gdan du bsam/ /lha bskyed la sogs byas nas ni/ /mchod dang bstod pa tshul bzhin bya/ /dgongs shig dus gsum mgon po rnams/ /sangs rgyas thams cad mchod pa dang / /slob ma rnams la sman slad du//bdag ming 'di zhes bgyi ba yis/ /dpal ldan rdo rje 'dzin pa yi/ /dkyil 'khor dam pa 'dri bar 'tshal/ /rgyal ba sras dang bcas rnams kyis/ /bdag la byin gyis brlab tu gsol/ /zhes lan gsum du brjod de gsol ba gdab par bya'o/ /de nas chos skyong ba'i srung ma rnams la/mchod dang gtor ma byin nas ni/ /bstod cing gsol ba gdab par bya/ /de nas las thams cad pa'i thab khung du sbyin sreg gis sbyar bar bya'o/ /sbyin sreg grub par ma gyur na/ /las thams cad pa'i gsang sngags chus/ /bgegs ni nye bar zhi bar bya'o//de nas ji ltar brtags pa'i dbus su/ byin rlabs rdo rjes khru gang brko/ /skyon rnams spangs nas sa rim bcal/ /'thas par bcags la byug par bya/ /sngags dang phyag rgyas byin rlabs pa'i/ /ri rab gzhal yas bskyed nas ni/ /lha bskyed la sogs rdzogs byas la//de nas skad cig myur du khros/ /'khor rnams kyis ni gsol ba gdab/ /khro bo'i mig dang rkang sogs byin gyis brlab/ /rdo rje dril bu gnyis bzung nas/ /stang stabs sbyor ba la sogs kyis/ /bgegs rnams ma lus tshar gcad do/ /de nas sa yi lha mo la/ / mchod bstod gsol ba btab pa yis/ /dbang po phyir ni sta gon gnas/ /bdud rtsi thig le la sogs bya/ /lha rnams cho ga la sogs rdzogs/ /de nas gsol ba gdab par bya/ /bdug spos lag thogs pus btsugs la/ /bcom ldan rdo rje 'dzin pa mchog /rig sngags rgyal la phyag 'tshal lo//thugs rje'i bdag nyid can rnams kyis/ /dkyil 'khor dag ni bri bar bya/ /slob ma rnams la brtse ba dang / /khyed rnams la yang mchod pa'i phyir/ /bcom ldan bdag ni gus pa la/ /de ni gnang ba mdzad par rigs/ /sangs rgyas 'gro don bya don gsol//byang chub sems dpa' gsang sngags lha/ /'jig rten skyong dang mthu chen dang / /gang yang rdo rje'i spyan mnga' ba'i/ /sems can bstan la dga' ba rnams/ /bdag ming 'di zhes bgye ba yis/ /rdo rje 'dzin kyi dkyil 'khor du/ /yo byad ci yod pas 'dri na//deng bdag slob mar bcas pa la/ /thugs brtse bar ni dgongs su gsol/ /tshogs pa thams cad dkyil 'khor du/ /byin gyis brlab par mdzad du gsol/ /de ltar lan gsum gsol btab nas/ /ra ba dra bas mtshams bya'o/ /gser la sogs pa'i bum pa yi//lto ba che ba mgrin ring ba/ /skyon spangs nyes pa bral ba dang / /yon tan la sogs lha grangs bstun/ /rdzas dang kha rgyan mgul chings ldan/ /mtshan ma rdzogs nas byin gyis brlab/ /rnam rgyal las kyi bum pa la/ /khyad par cho ga la sogs bya/ / de nas slob ma blo ldan la/ /slob dpon gyis ni cho ga bya/ /slob ma sgo yi drung gnas te/ /dga' chen khyod bdag ston pa bas/ /slob dpon khyod ni dgongs su gsol/ /byang chub chen po'i tshul bstan pa/ /mgon po chen po bdag 'tshal lo/ /dam tshig de ni stsal du gsol//byang chub sems ni bdag la stsol/ /sangs rgyas chos dang dge 'dun te/ /dkon mchog gsum ni bdag la stsol/ /thar pa chen po'i grong mchog tu/ /mgon po bdag nyid 'jug par 'tshal/ /de ltar lan gsum gsol btab nas/ /slob dpon gtso bo'i ting 'dzin zhugs//tshigs bcad 'di ni gsang sngags sbyin/ /bu tshur theg pa chen po yis/ /gsang sngags tshul spyod cho ga 'di/ /khyod la yang dag bstan par bya/ /khyod ni tshul chen snod yin te/ /dus gsum 'byung ba'i sangs rgyas rnams/ /sku gsung thugs kyi rdo rje dang //rdo rje gsang sngags rab bsgom pa'i/ /dpa' bo byang chub shing drung du/ /thams cad mkhyen pa mtshan med brnyes/ /gsang sngags sbyor ba mnyam med de/ /shAkya seng ge skyob pa yis/ /bdud sde shin tu mi bzad pa'i/ /dpung chen dag kyang de yis bcom//'jig rten rjes 'jug par rtogs nas/ /'khor lo bskor nas mya ngan 'das/ /de bas kun mkhyen thob bya'i phyir/ /bu yis blo gros 'di gyis shig /ces smras so/ /de nas/ skyabs 'gro sdig bshags la sogs kun/ /phyag rgya'i dkyil 'khor nyid du shes par bya/ / srog chags rnams ni gsad mi bya/ /ma byin par yang mi blang ngo / /'dod pa dag kyang spyad mi bya/ /brdzun du smra bar mi bya'o/ /nyes pa kun gyi rtsa ba yi/ /chang ni myos par btung ma yin/ /sems can gdul bya ma gtogs pa/ /bya ba ma yin thams cad spang / /dam pa nye bar bsten bya zhing //rnal 'byor can du bsnyen bkur bya/ /lus kyi las ni rnam gsum dang / /ngag gi las ni rnam pa bzhi/ /yid kyi las ni rnam gsum dang / /ci nus pa ru rjes su bsrung / /sems can don la rgyab mi phyogs/ /theg pa dman la 'dod mi bya/ /'khor ba dag kyang spang mi bya//rtag tu mya ngan 'da' mi bya/ /lha dang lha min gsang ba pa/ /de la brnyas par mi bya zhing / /phyag rgya bzhon pa mtshon cha dang / /mtshan ma 'gom par mi bya'o/ /de ltar dam tshig phog pa dag /blo ldan khyod kyis rtag tu bsrung / /mdor na rtsa ba yan lag gi/ /dam tshig nyin mtshan bgrang zhing bsrung //de nas bla mas gsungs pa yi/ /sdom pa legs par gzung bar bya/ /tshul khrims zhes bya sogs pa ni/ /dus 'di nas ni bzung nas ni/ /ji srid byang chub snying po'i bar/ /bdag ni rab tu ldog par bgyi/ /de ltar sdom pa dang ldan pa'i slob ma la/ snying ga dang mgrin pa dang dpral ba gsum du rdo rje khu tshur gyis dri'i thig le gsum du bya ste/nyi ma dang zla ba dang pad+ma gsum la yi ge gsum so sor bkod la/ sku gsung thugs su byin gyis brlab cing las thams cad pa'i sngags kyis bsrung bar bya'o/ /de nas mchod pa bya ste/ spyi bor me tog dang spos so/ /mar me dang dri ni snying gar ro/ /lha bshos mdun du'o/ /de nas tshig ni 'dis su sbyin/ /dus 'di nas ni bzung nas su/ /'khor ba'i nyes pas ma gos par/ /mchod pa dag dang ldan par ni/ /dus kun du ni bde bar mnos/ /de nas tshems shing la sogs sbyin par bya//'jig rten du ni kun mkhyen rnams/ /u dum+WA ra'i me tog bzhin/ /brgya lam zhes bya ba la sogs pa'i chos bshad par bya'o/ /de nas thig byin gyis brlab pa la sogs pa shes par bya'o/ /de nas thig skud gdab pa ni/ /dkyil 'khor spyi dang mthun pas na//tshon rnams byin gyis brlabs nas ni/ /tshon rnams bkye ba'i las bya'o/ /pad+ma 'dab ma brgyad dkyil du/ /zla ba nyi ma'i gdan stengs su/ /gtso bo bri bar bya ba yin/ /'dab ma brgyad la lha brgyad bri/ /gru chad bzhi la lha mo bzhi/ /sgo bzhir sgo ba bzhi bri'o//de nas rgyan sogs bri bar bya/ /de 'og lhag chad bskang bya'o/ /nam mkha' 'degs par 'dod pa dang / /yang bskyed yang sdud byed pa gnyis/ /gong ltar mos pa 'jug pa yis/ /gtso bo sngon du 'gro ba rdzogs pa yin/ /'khor rnams sprul pa'am cho gas bskyed/ / dbus su gtso bo sku mdog sngon po ste/ /zhal gcig phyag g.yas rdo rje bsnams/ /g.yon ni gdul bya'i skabs dang sbyar/ /shar gyi pad+mar rnam par rgyal/ /sku mdog dmar po dbu gsum pa/ /phyag g.yas rdo rje rtse lnga 'dzin/ /g.yon pas dgra sta bar ma gnyis/ /gung mo mthe bo ngos mdud nas//gzhan rnams yongs su dpyang ba yin/ /de nyid snying gar bzung nas ni/ /de 'og zhags pa ral gri bsnams/ /lho yi pad+mar mgon po ni/ /sku mdog nag po zhal gcig phyag gnyis pa/ /g.yas g.yon tsan+dan bing chen zhags pa bsnams/ / nub kyi 'dab mar lus ngan po/ /sku mdog ljang gu zhal gcig pa/ /phyag gnyis mchod rten ne le bsnams/ /byang gi 'dab mar bdud rtsi 'khyel/ /sku mdog sngon po zhal gcig pa/ /phyag gnyis brang bsnol sdigs mdzub 'phyar/ /shar lho'i 'dab mar gnod sbyin bskyed//sku mdog dmar nag zhal gcig pa/ /phyag gnyis gri gug cang te'u bsnams/ /lho nub pad+mar ro langs ma/ /sku mdog sngo skya zhal gcig ma/ /phyag gnyis rdo rje lcags sgrog bzung nas su/ /gung mo srin lag la sogs gsum po rnams/ /dam por bkug nas yongs su bsdam//mtheb mdzub bzhi rnams rab brkyang ste/ /spyi bor nges par bsnol ba bsnams/ /nub byang 'dab mar rdo rje mkha' 'gro ma/ /sku mdog dmar skya zhal gcig ma/ /phyag gnyis spyi bor sbyar nas su/ /me lce phreng ba yongs su 'dzin/ /byang shar mtshams kyi 'dab ma la//'jigs byed kha dog sngo nag la/ /zhal gsum phyag drug zhabs gnyis pa/ /g.yas kyi dang pos glang po bsnams/ /g.yon pas glang chen pags pa bsnams/ /de 'og dgra sta rdo rje bsnams/ /tha mas mi mgo lcags kyu bsnams/ /gru chad bzhi la lha mo bzhi//'od bskyed sku mdog dkar mo la/ /zhal gcig phyag gnyis me tog bsnams/ /yid 'phrog ma sku mdog ser mo/ /zhal gcig phyag gnyis dri'i spos phor bsnams/ /kun bzang ma sku mdog dkar mo/ /zhal gcig phyag gnyis ro mchog bsnams//gru sgra ma sku mdog sngon mo/ /zhal gcig phyag gnyis sgra snyan gar/ /shar gyi sgo ru srog gcod ma/ /zhal gcig phyag gnyis sku mdog mthing / /phyag gnyis tho ba zhags pa bsnams/ /lho sgor dbugs rngub ma ser mo/ /zhal gcig phyag gnyis hom gzar zhags//nub sgor khrag 'thung ma sku mdog dmar mo/ /zhal gcig phyag gnyis gri gug zhags/ /byang sgor sha za ma sku mdog sngon mo/ /zhal gcig phyag gnyis non po zhags/ /de ltar gsal bar bskyed nas su/ /ye shes dkyil 'khor spyan drangs nas//nam mkhar bzhugs pa de nyid la/ /mchod bstod byas nas dam tshig gi/ /dkyil 'khor dag la bstim par bya/ /de nas bdag nyid shar sgo ru/ /dang po nyid nas mes po'i tshul/ /shar sgo ru ni gnas pa 'am/ /yang na phyi nas sras kyi tshul/ /de nas byin rlabs dbang bskur bya//mchod dang bstod pa rdzogs byas la/ /sgrub pa'i bzlas brjod thim pa dang / /slob ma dkyil 'khor gzhug par bya/ /de nas yol bas bcad bar du/ /las kyi chu bo gtor ba dang / /gdong g.yogs bcing ba dang / yon phul nas ni mthong ba dri/ /chu blud bka' bsgo byas nas me tog dor//mig dbye lha ngo de ni rim bzhin bstan/ /de nas dbang bskur rim bzhin bya/ /yab yum snyoms zhugs 'od zer las/ /bde gshegs 'od bskul bum par thim/ /ma 'dres pas ni 'od zhu nas/ /spyi bor chu yi dbang bskur ro//tshigs bcad 'dis ni sbyin par bya/ /sku gsung dam tshig las byung ba'i/ /ye shes bdud rtsi dri ma med/ /lha yi chu ni dag pa yis/ /mi bskyod pa yi dbang bskur ro/ /oM badzra A daR+sha dz+nyA na a b+he Shiny+tsa zhes pas so/ /dbu rgyan man ngag shes byas la/ /'di skad do//sangs rgyas kun gyi rgyal srid de/ /dbu rgyan rin chen dam pa ste/ /dbu rgyan rin chen mchog 'gro bas/ /rdzogs sangs rgyas la phyag 'tshal lo/ /oM sa man+ta dz+nyA na rat+na nA ma hUM tiSh+Tha a b+hi Shiny+tsa zhes pas so/ /rdo rje'i man ngag shes byas la/ /sangs rgyas kun gyi rdo rje'i dbang //mi phyed rdo rje 'od gsal ba/ /dam chos 'byung ba'i sgor gyur pa/ /rdo rje chos kyi dbang bsgur ro/ /oM pra ta a b+hi She ka dz+nyA na badzra a b+hi Shiny+tsa/ dril bu'i man ngag shes byas la/ /thabs dang shes rab ldan pa yis/ /'gro don mnyam med byed pa dang / / mchod pa'i las rnams rdzogs byed pas/ /rdo rje las kyi dbang bskur ro/ /oM kri ta a nut+ta dz+nyA na badzra a nyi Shiny+tsa/ ming gi man ngag shes byas la/ /rdo rje ming gi dbang bskur bas/ /byang chub snying po'i bar du ni/ /cis kyang mi shigs mi g.yo bas/ /rdo rje'i ming du rab tu grags/ / oM pra ti sho d+ha d+harma d+hA tu dz+nyA na nA ma a b+hi Shiny+tsa mi/ de nas dam tshig gsum gyi dbang bskur bya ste/ /dkyil 'khor phyi rgyud cho ga bzhin/ /tshigs bcad rnams kyang bsgrag par bya/ /oM AHhUM/ de gsum man ngag 'od zer ni/ /bla ma las ni shes par bya/ de nas me long dbang bskur bya//gong ma bzhin du man ngag gtso/ /de nas khyad par dbang bskur ni/ /phyag rgya'i dkyil 'khor ji bzhin no/ /gos sngon sgrub pa'i dbang bskur ba rdzogs so// //rdo rje slob dpon 'dod pa yis/ /yon gyis bla ma mnyes byas la/ /phyag 'tshal nas ni gsol ba gdab//byang chub rdo rje sangs rgyas la/ /ji ltar mchod cing stsol mdzad pa/ /bdag la srung ba'i don gyi phyir/ /nam mkha'i rdo rje bdag la stsol/ /zhes gsol ba gdab po/ /de nas shar phyogs su dkyil 'khor chen po dang / bar du 'dom gyis chod par ni dbang gi dkyil 'khor tshul bzhin bris la de'i steng du dbang stegs kyi khri byas la ras la gdan pad+ma 'dab ma brgyad pa seng ges mtshan pa bzhag ste/de la gdugs la sogs pa thams cad kyis bklubs la/ rnam par rgyal ba dang / lha thams cad kyi bum pa dang las thams cad kyi bum pas man ngag ji lta ba bzhin dbang bskur ro//de nas rdo rje brtul zhugs dang / lung bstan pa dang / rdo rje 'dzin pa bye dbugs dbyung ba dang / dung dang 'khor lo la sogs pa'i dbang byin la/ de nas dkyil 'khor de nyid bstan/ /de nas yon phul la/ de nas gsang ba'i dbang bskur bar gsol ba gdab po//gsang ba'i dbang bskur ba yang 'od dang grib ma'i tshul du g.yon du bsams la/ man ngag bzhin du byang sems dbab/ /phab pas sbyin par bya ba dang / /yang na bdud rtsi rnam lnga ni/ /mtshan dang ldan pa'i snod bzhag nas/ /sa bon lnga la rigs lnga ni//snyoms zhugs bdud rtsir zhu bar bsam/ /yang na dbab pa'i tshul du bya/ /yang na dngos su dbab pa dang / /yang na gnyis kas bya ba yin/ /cu gang gis ni 'de gu sbyar/ /cha gnyis bsres pas gong bzhin no/ /tshigs bcad 'dis ni gsol ba gdab/ / rdo rje sems dpa' khyod kyi mthus/ /sangs rgyas kyi ni bde ba 'grub/ /rnam dag byang chub sems dpa' ni/ /rgya cher sras su bcas pa rnams/ /yun ring stong nyid sgom gdung la/ /dga' bas yid 'ong bde chen gyis ni dgyes par mdzod/ /kye 'dod chags dri med kun du bzang po'i spyod pa ste//dga' ba'i 'dod chags rdo rje'i dam tshig la ni phye mdzad nas/ /dga' ba rnam pa drug po spyod pas shin tu gdung ba ni/ /rab tu dgyes dbang 'dod pa'i bde ba nyid kyis 'jug par 'tshal/ /byang chub sems ni rin chen 'bar 'byung ba'i/ /ma lus rgyal ba rnams ni lus skams la//rnam dag rdo rje las byung ye shes chu/ /dri med rin chen sbyin dbab dbang bskur ro/ /mnyam dang mi mnyam 'dod chags tshul dag pas/ /pad+ma'i gnas su rdo rje gtong mdzad pa/ /sna tshogs sems dpa' sems can brlag gyur pa/ / sbyor ba gzhan pa yin pa ma thogs bshad par gsol/ /rdo rje sems khyod dbang mchog bde bar byed pa yi/ /rdo rje pad+ma dbye ba'i tshul gyis sbyor mdzad de/ /rgyal ba kun gyi gzugs sku rab ston nas/ /thams cad bde grub nyid kyis bdag la dgyes par mdzod/ /de nas tshogs kyis mchod byas la//mtshan ldan snod nas blangs nas ni/ /rdo rje srin mtheb byin rlabs la/ /oM a mr-i ta gu h+ya a b+hi Shiny+tsa zhes pas mgrin par gsung la dbul bar bya'o/ /slob mas kyang bdud rtsi chen por bsams la a ho su kha zhes pas btung bar bya'o/ /de nas gsang ba'i dbang bskur ba'i bstod pa yang bya'o//da ni shes rab ye shes kyi dbang bskur bar bya ste/ phyag rgya la brten mi 'jug la/ /man ngag 'di ni bstan pa yin/ /yid kyi lha mo gzugs mdzes la/ /bdud rtsi chen po man ngag sbyar bar bya/ /yang na rdo rje lce thung gi/ /spyor ba'i man ngag bsten pa dang //yang na rtsa ni gnyis po la/ /phyag rgya'i sbyor ba bstan pa dang / /yang na rdzas rnams mthu chen kyis/ /byugs pas dga' ba skye 'gyur ro/ /slob mas yon dbul gsol ba gdab/ /mchod cing bstod pas mnyes byas la/ /'di skad tshig kyang brjod par bya//khams gsum las ni rnam grol zhing / /nam mkha' dang ni mnyam gyur pa/ /'dod pa rnams kyis ma gos pa/ /dmigs med khyod la phyag 'tshal lo/ /phung po rnams dang khams rnams dang / /skye mched rnams la mi brten cing / /phyin ci log pas rnam grol zhing //nam mkha' dang ni mnyam 'gyur zhing / /'dod pa dag gis ma gos pa/ /dmigs med khyod la phyag 'tshal lo/ /rnam rtog med cing kun rtog med/ /thugs ni rab tu mi gnas pa/ /bsam gyis mi khyab pa yi thugs/ /dmigs med khyod la phyag 'tshal lo/ / ji ltar nam mkha' gnas med cing / /spros med gos pa med pa ltar/ /mkha' dang mnyam pa'i thugs mnga' ba'i/ /dmigs med khyod la phyag 'tshal lo /thams cad stong pa'i rang bzhin can/ /mngon par byang chub blta bar 'tshal/ /dga' mchog sgo nas bstod mdzad pa//lhan cig ye shes khyod phyag 'tshal/ /de nas sngags 'di brjod par bya'o/ /oM pradz+nyA dz+nyA na a b+hi Shiny+dzAmi/ zhes pa lan bdun nam nyi shu rtsa gcig bzlas so/ /de nas dbang bzhi bstan pa ni/ /gzhung lugs mi 'dra mang mod kyang / /dang po'i tshig rten man ngag ni/ / rna ba dag tu brgyud pa yin/ /tha ma lhan cig dga' ba yin/ /dang po bum pa'i dbang gis ni/ /man ngag rnams ni bstan pa yin/ /de nas gsang ba yi bstan la/ /khyad par sngags kyi don rnams bstan/ /sngags rnams don dang bcas rnams ni/ /rna ba brgyud par bya ba ni/ / oM nI lAM ba ra d+ha ra badzra pA Ni hUM hUM phaT/ oM pradz+nyA ti sa ta ni ya hUM phaT/ oM sha swa gA pa ya hUM phaT/ oM ga ti pr-i ya ni hUM phaT/ oM maM sa b+hak+Sha ni hUM phaT/ oM trai lokya bi dza ya hUM phaT/ oM badzra yak+Sha hUM phaT/ oM ma hA kA la ro Sha Na hUM phaT/ oM badzra be+e tA lbi hUM phaT/ oM bai shra ba Na ye hUM phaT/oM badzra DA ki ye hUM phaT/ oM a mri ta kuN+Da li ha na ha na hUM phaT/ oM badzra b+ha ra ya hUM phaT/ oM pra bid pa na ya hUM phaT/ oM ma na ma ha ra nA ya hUM phaT/ oM sa man+ta b+ha dra ya hUM phaT/ oM shap+ta gI ti ya hUM phaT/ oM nAM lAM ba ra d+ha ra badzra pA Ni ma hA yak+Sha se na pa ta ye hUM hUM phaT/ sngags kyi don rnams ma shes na/ /ngag gi sgrib pa mi 'dag phyir/ /des na slob dpon rna brgyud kyi/ /man ngag de la nan tan bya/ /de nas shes rab ye shes kyi/ /man ngag de ni bstan par bya/ /dga' ba bum pa'i don bstan la/ /mchog dga' gsang ba'i don bstan no/ /khyad par shes rab ye shes bstan//lhan cig skyes pa'i dga' ba ni/ /bzhi pa kho na bstan pa yin/ /yang na bum pa'i dbang bskur nas/ /bskyed pa'i rim pa bstan pa yin/ /de nas gsang ba'i dbang bskur na/ /rdo rje bzlas pa bstan par bya/ /shes rab ye shes dbang bskur nas//sems dben par ni bstan par bya/ /de nas sgyu ma la gnas pas/ /bzhi pa'i man ngag bstan par bya/ /de nas 'od gsal la brten nas/ /zung 'jug ting 'dzin bsgom par bya/ /zung 'jug ting 'dzin mthar phyin pa/ /chos kyi sku zhes de la bya/ / de ltar bzhi pa'i rna brgyud bstan/ /dbang bskur rdzogs nas tshogs 'khor bya/ /gtor ma btang nas mkha' 'gro bskang / /sbyin sreg gis ni lhag chad bskang / /yi ge brgya pa zlos byed cing / /dkyil 'khor bskor zhing sgra rnams brdung / /ye shes gshegs nas nying 'dzin bsdu/ / rdul tshon phyags la chu la dor/ /maN+Dal zhal bsil dga' ston bya/ /rnal 'byor lam pa'i don ched du/ /rgyud rnams kun dang mi 'gal ba'i/ /dkyil 'khor cho ga 'di byas pas/ /'di byas dge ba'i rtsa ba yis/ /bdag dang mtha' yas sems can rnams/ /thams cad byang chub thob par shog /