CLOSE WINDOW

D2170
བོད་ཡིག

/bsod nams 'di la brten nas ni/ /thams cad byang chub thob par shog /slob dpon b+ha bas mdzad pa'i sgrub thabs chen po rdzogs so//[ ]@##/ /rgya gar skad du/ ma hA ya k+Sha se na pa ti nI lAM ba ra d+ha ra badzra pA Ni sA d+ha naM//bod skad du/ gnod sbyin gyi sde dpon chen po lag na rdo rje gos sngon po can gyi sgrub thabs/ dkon mchog gsum la phyag 'tshal lo/ /rdo rje mkha' 'gro'i rgyud dag la/ /brten nas nang gi sgrub thabs 'di/ /bdag gis dran phyir bshad par bya/ /lha yi rnal 'byor yud tsam bsam//rang gi snying gar zla dkyil bsam/ /de yi steng du hUM yig bsam/ /hUM las 'od zer 'phros pa las/ /phyi nang gsal nas 'od zer 'phros/ /bla ma dang ni gos sngon can/ /dkon mchog la sogs spyan drangs nas/ /phyag 'tshal mchod cing bshags pa dang / /rjes su yi rang bskul zhing gsol ba gdab//skyabs gsol lus dbul dge rtsa bsngo/ /tshad med bzhi yang bsgom par bya/ /de nas stong pa'i ting 'dzin bsgoms/ /de la 'od phung tshul du bdag rang nyid/ /de yi nang na hUM gnas la/ /de las tsaM 'phros 'khor lor gyur/ /lte bar nyid bsams hUM de nyid//de las gnod mdzes rgyal por gyur/ /de yi hUM gi 'phro 'du yis/ /khro bo chen po bcu ru gyur/ /hUM bzhi'i gsang sngags brjod pa yis/ /khro bcu'i sprul pas gdug pa bkug /sku gsung thugs kyi phur bus gdab/ /btul zhing sbyangs nas nam mkhar gyur/ /de nas hUM gi 'phro 'du yis//rdo rje gur dang ra ba dang / /dra ba nyid du gyur pa'o/ /hUM gi 'phro 'dus slar la zhu/ /stong pa nyid las 'od spung byung / /de las nyi zla kha sbyar gyur/ /A li kA lis nyi zla brgyan/ /dbus su a dang hUM sbyar te/ /kha dog dkar dmar nyid du blta/ /'od zer dkar dmar 'phro 'du las//zhu bas rdo rje pad+mar gyur/ /pad steng rdo rje rkang nub tsam/ /lte ba gnyis la snying pos bskor/ /de gnyis las ni thugs dang gsung / /gnyi gas sku bsdus byin gyis brlab/ /de nyid 'od du zhu ba las/ /rdo rje las ni khro bor gyur/ /pad+ma las ni khro mor gyur/ /khro bo rdo rje gos sngon can/ / sku mdog mthing nag zhal gcig pa/ /phyag gnyis rdo rje dril bu bsnams/ /mche ba gtsigs pas 'dod dgur gyur/ /zhabs gnyis brkyang bskum 'khril ba'i tshul/ /g.yon du rdo rje khro mo ni/ /sku mdog ljang dmar zhal gcig ma/ /phyag g.yas rdo rje gri gug gtso la 'khyud/ /g.yon pa b+ha na dmar gtso la stob//gnyis med 'khril pa'i tshul bsgoms nas/ /ye shes sems dpa'i spyan drangs te/ /phyi nang bdud rtsi mchod nas bstim/ /'od zer 'phro 'du byin gyis brlab/ /de bzhin khro chung lus byin brlab/ /dbang bskur bas ni mi bskyod 'gyur/ /de ltar bsgoms nas bzlas pa bya//de steng ye shes sems dpa' yi/ /mtshan ma la sogs bsgoms nas su/ /thugs kar 'khor ram yul 'khor ba/ /'od zer la ni yig 'bru bskyon/ /ma gsal bar du bsgom par bya/ /de ltar rab 'bring tha ma yis/ /'bum mam nyis 'bum sum 'bum 'grub//the tshom med na dngos grub 'grub/ /dam tshig nyams sam sdig che bas/ /sbyin sreg la sogs mang du bya/ /mtshan ma gsum mam nus pa brtag /de ltar byung na sgrub pa brtsam/ /ston du bsnyen pa'i cho ga'o/ /sgrub pa'i rim pa bstan pa ni/ /mkha' 'gro 'du ba'i gnas phyin la//dkyil 'khor gru gsum nag por bya/ /rdo rje gri gug nang du ste/ /bar du me ri gtang bar bya/ /gzhu dang dgra sta mdung dang gsum/ /me ri'i zur nas gtang bar bya/ /tshub ma dur khrod sol ba dang / /bdud rtsi bag zan gzugs brnyan bya/ /snying gar gru gsum gzugs brnyan gzhug /kha bcad seng ldeng phur la btod/ /mtshan ldan ka pA la ru ni/ /bdud rtsi lnga dang sha lngas dgang / /de ni gos sngon nyid la mchod/ /lcags kyi gru gsum nang du ni/ /bdud rtsi sha lnga khrag gsum dgang / /de ni nag po'i gtor gta'o/ / rnel gre'i snod du dug gtor bsags/ /phye ma gsum dang yungs kar gdab/ /slob dpon slob ma gnyis ka yang / /gos sngon gos nag rgyan cha bgo/ /rak+Sha rus pa'i phreng ba bgrang / /nub dang lho ru kha bltas te/ /bskyed pa'i rim pa tshul bzhin bsgom/ /thun mong sngags dang khyad par sngags//dgra'am 'byung po klu rnams la/ /bzlas pas gsang ba'i rim pa brtsam/ /snying ga'i mtshan ma la sogs gsal/ /lce ni hUM gi rdo rjer bsgyur/ /'od zer dkar dmar 'phros pa las/ /de la khro tshogs byung bas dgug /yang na mgon po bskul bas bsam/ /khri yi bar du bzlas nas ni//thun bar du ni phye ma gsum/ /mgon pos las kyi gtor mar gdab/ /yungs kar gos sngon can gyis so/ /phye ma dug nag 'od zer dgang / /yungs kar khro chung nyid du spro/ /rtags byung nas ni gzugs brnyan gzhug /de nas sgrub khang them rtsa ru/ / gru gsum nag po'i brub khung du/ /de nyid bcug la kha bcad ri rab bri/ /de steng mnan zhing stang stabs bya/ /de ni mnan pa'i sbyor ba'o/ /phur bus gdab cing gri gug gtub/ /de nas gru gsum gtor mar dbul/ /nag po chen po nyid la bstabs/ /drag sngags bzlas pa'i gtor ma yi//gsang ba'i man ngag shes par bya'o/ /yang na sbyin sreg nyid kyis bya/ /de rnams gsad pa'i sbyor ba'o/ /pad+ma 'dab brgyad bskyed pa yi/ /lte bar gtso bo bskyed nas ni/ /klu chen brgyad po 'dab mar bskyed/ /rin chen snod du gtor ma bsham/ /chu gtsang sman la sogs pa dang //khyad par klu sman sna tshogs dang / /dkar gsum mngar gsum rnams kyis bya/ /sbyang zhing byin gyis brlab sogs bya/ /klu la byin pas zhe sdang zhi/ /lhag ma 'khor lo byin pa yis/ /gnod pa rnams ni zhi bar 'gyur/ /sngags bzlas 'od zer phog pa yis/ / gtso bo'i dam tshig rjes dran pas/ /'khor rnams zhe sdang zhi bar 'gyur/ /yang na zhi ba'i sbyin sreg bya/ /bskrad dang bcing dang dgug pa yis/ /de la sogs pa'i sbyor ba ni/ /sbyor ka chen por shes par bya/ /'khor lo ser po'i lte bar gtso/ /mdun du rgyal po bskyed par bya/ / de yi g.yas su nor lha ni/ /sku mdog dkar po 'dzum bag can/ /nor bu'i sgrom ni g.yas g.yon bsnams/ /mchod cing bstod pa gsang sngags bzlas/ /gzugs brnyan 'di la rin chen brten/ /kha dog lnga dang gser gyis mtshon/ /kha dog ser po'i bzlas thems nas//ci 'dod pa yi nor rnams ster/ /de ni thun mong dngos grub bo/ /bdud rtsi rtsa ba lnga btsal la/ /bdag nyid lha yi rnal 'byor bya/ /dkar gsum mngar gsum nyid la ni/ /sngags bzlas ri lu byas te bza'/ /zas dang sman ni srang la brje/ /brjes zin zhig gsum 'bras bu 'byung //de gsum skye ba bdun pa dang / /yul gyi cha bsres sman rnams sbyar/ /de sgrub 'od zer btul zhing sbyang / /rtags byung nas ni bza' zhing byug /de yis thun mong dngos grub 'grub/ /mchog gi yang ni grogs su 'gyur/ /mchog gi dngos grub bsgrub pa yang //thugs ka yi ni dkyil 'khor du/ /rtsa rgyud 'dab ma brgyad du bsam/ /de dkyil rtsa ni rta rnga'i tshad/ /de yi nang du dbugs kyi lha/ /kha dog lnga dang ldan pa'o/ /de dkyil thig le byang chub sems/ /de la lta zhing bsgom pa ni/ /rtags lnga'i mthar ni stong nyid 'gyur//de nyid spro zhing bsdu ba dang / /dgug cing bskyil ba'i rim pa'am/ /mnan cing bzlog pa'i man ngag gis/ /rim gyis ye shes skye bar 'gyur/ /de nas phyag rgya'i dngos grub 'thob/ /nang sgrub rim pa 'di yis ni/ /bdag dang mtha' yas sems can dang /