CLOSE WINDOW

D2169
བོད་ཡིག

/lag na rdo rje gos sngon po can gyi sgrub thabs slob dpon b+ha bas mdzad pa'i man ngag rdzogs so//[ ]@##/ /rgya gar skad du/ ma hA yak+Sha se nA pa ti nI lAM ba ra d+ha ra badzra pA Ni sA d+ha naM/ bod skad du/ gnod sbyin gyi sde dpon chen po lag na rdo rje gos sngon po can gyi sgrub thabs/bcom ldan 'das mthu stobs kyi bdag po dpal phyag na rdo rje la phyag 'tshal lo/ /nyon mongs gdung ba sel mdzad pa'i/ /zla ba lta bu'i mthu mnga' ba'i/ /thams cad sel zhing snang bar byed/ /mthu stobs can la phyag 'tshal lo/ /las mtha'i rtsod pa'i dus su ni//las ngan rtsod pa zhes byed pa/ /nyi ma lta bu'i 'od zer ni/ /bdag gis phan phyir bshad par bya/ /las kyi dbang gis mi mthun pa'i/ /nad la sogs pa sna tshogs 'byung / /de nyid 'joms byed mthu yi mchog /gsang sngags 'khor lo bshad par bya//dang por snod rnams bstan pa'i phyir/ /slob dpon sgrub po gnyis su dbye/ /shes rab snying rje ldan pa dang / /dam tshig sdom pa gnas pa dang / /snod rnams dbye ba'i rim shes dang / /'gro don phan sems brtson pa dang / /dbang rnams rdzogs shing man ngag thob//rgyud don gzhan rnams shes pa dang / /pha rol phyin pa'i don la mkhas/ /bden pa rnam gnyis gtan la 'bebs/ /nyon mongs chung zhing sems rnams thul/ /lus ngag yid gsum spyod lam mkhas/ /dus dang gnas skabs dbye ba shes/ /bya dang mi bya'i rim pa dang //gnang dang dgag pa'i rim brtson rnams/ /shes pa de ni slob dpon nyid/ /dad ldan bla ma la ni gus/ /g.yo sgyu med pa'i bsam pa yis/ /rdzas dang lus srog 'bul byed dang / /yang nas yang du gsol 'debs pa/ /spyod lam la sogs mdzes pa yis//dus rim du ni 'khor byed pa/ /maN+Dal me tog bcas pa yin/ /gus pas zhabs la phyag byed pa/ /slob mar zhugs kyi shes par bya/ /phyag rgya mchog ni don du gnyer/ /mi rnams kun gyis dben pa yi/ /yid du 'ong ba'i gnas dag tu/ /yo byad rdzas rnams 'tshogs pa yis//dag pa la sogs sngon 'gro bas/ /yid gnyis med pa'i brtson 'grus ldan/ /gus pas man ngag bdud rtsi 'di/ /glegs bam la ni brten pa brtsams/ /nges pa'i man ngag bdud rtsi 'di/ /rna brgyud 'ongs te thugs la gnas/ /zhal gyi sgo ru bton nas kyang //de bzhin sgrub pos blang bar bya/ /thabs kyi sbyor ba mkhas pa yis/ /dang po dus su rdzogs pa dang / /rim bzhin lnga yi bar du blang / /de ltar blangs pa'i don shes na/ /gang 'dod pa yi don rnams 'grub/ /rgyud sogs gzhan nas 'byung ba yi/ /de lta bu yi don shes pas//sgrub po zhes ni btags pa yin/ /sgrub pa po ni de dag kyang / /shes rab snying rje che brtson ni/ /dang po bla ma bsten gyur nas/ /de nas rang nyid 'jug par 'gyur/ /yang na de tsam mi ldan yang / /yul dang dus kyis bskal gyur na/ /cha rkyen rdzogs par tshang dgos pas//bla ma la ni gus pa yis/ /skyob byed mthu rnams mi 'dra bas/ /bsam gyis mi khyab mthu ldan pa/ /nges par shin tu rdzogs par bya/ /de rnams dgos pa'i bstan pa ni/ /dper na dpa' bo g.yul du zhugs na/ /go rnams rdzogs par ma gyur pas/ /mtshon gyis phog ste slar log ltar//de bzhin bsgrub pa'i cha rkyen yang / /ma tshang slar la ldog nyan yod/ /yang na mthu rnams bsam mi khyab/ /sman gyi mthu rnams ji bzhin te/ /gang la gang 'phrod las dang rkyen/ /mkhas pa yis ni shes par bya/ /de yi don rnams shes bya ba/ / bde gshegs sras po mkhas pas su/ /rgyud du bya ba brgyad ces bya/ /dngos grub rnam gnyis thob byed pa'i/ /bskyed rdzogs shes pa'i gtso bo yis/ /de yi yan lag 'khor bshad pa/ /tshogs 'khor sbyin sreg gtor chen po/ /'khrul 'khor las rnams phran tshegs sogs//de rnams las rnams thams cad rdzogs/ /dam tshig nyams pa cher byung na/ /gzugs brnyan dkyil 'khor bzhengs gsol phyir/ /dkyil 'khor cho ga shes par bya/ /de ma nus pa'i rnal 'byor pas/ /maN+Dal me tog bcas pa la/ /brten nas sdig bshags cho ga bya'o//dam tshig nyams pa chen po dang / /dang po dbang yang thob pa'i phyir/ /dbang mchog cho ga shes par bya/ /bar chod myur du byung ba na/ /stang stabs bgegs bskrad shes par bya/ /rnal 'byor 'chi ba'i rtags byung na/ /'chi bslu'i cho ga shes par bya/ /yid ches brod pa bskyed pa'i phyir//mkha' 'gro'i lung bstan shes par bya/ /de kun rtsa ba'i dam tshig yin/ /bzlas brjod byas pas don rnams 'grub/ /bdud rtsi la sogs rdzas rnams ni/ /sgrub thabs sbyor thabs mkhas pas su/ /lus sogs las su rung bar bya/ /de ltar cha rkyen tshang ba yis//phyag rgya'i mchog ni don du gnyer/ /dngos grub phran tshegs zhar las 'byung / /de ltar gdeng ldan rnal 'byor gyis/ /yid du 'ong ba'i gnas dag tu/ /tshes grangs bzang po shis pa la/ /chos skyong srung ma la sogs la/ /bsgo zhing bgegs rnams zhi bar byed/ /yi dam lha dang slob dpon dang //mkha' 'gro rnams kyi spyan snga ru/ /dam bca' byas te bsgrub par bya'o/ /yi ge brgya sogs cho ga yis/ /nyes pa kun ni sbyangs nas kyang / /sa gzhi legs pa'i gnas dag tu/ /maN+Dal me tog legs par bkram/ /phyi nang mchod pa'i rdzas rnams kun//bsags te ma lus rgyan rnams dgram/ /rang nyid lhag pa'i lhar gyur pa'i/ /bde bar gshegs pa'i glegs bam de/ /rin chen na bza' mdzes byas la/ /ston pa mya ngan 'das 'og tu/ /gsung gi rtags su gzhag par bya/ /'bur ram lugs sam ris su bris/ / shin tu mdzes pa'i sku mchog de/ /sku yi rtags su gzhag par bya/ /rdo rje dril sogs phyag mtshan rnams/ /lugs dang mthun pa'i mdzes pa de/ /thugs kyi rtags su gzhag par bya/ /de dag kun la don dam du/ /rab tu gnas pa med mod kyang / /yang dag kun rdzob nyid du ni/ /rgyal ba lhums zhugs ji bzhin no//de ltar byin rlabs mthu chen pa/ /ci byas thams cad rdzogs chen 'gyur/ /de bas brtson 'grus bskyed de bya/ /gal te rnal 'byor dbul gyur na/ /thams cad mos pa'i spyod yul na/ /dbul bar ma gyur ser sna yis/ /sogs par de ni mi byed par/ /chos dang mi mthun spyod pa yin//de bas gus pas brtson 'grus bya/ /rnal 'byor dbang phyug rnams kyis ni/ /bskyed dang rdzogs la brten bya ste/ dang po bskyed pa'i tshul rnams ni/ /skad cig sprul dang cho ga lnga/ /gsum gyi tshul du bstan pa dang / /gnyis las 'byung byed tshul dang ni/ / gcig la 'jug pa'i tshul gyis su/ /cho ga'i rim par shes par bya/ /rdzogs pa'i gnyis su bstan pa la/ /thabs kyi tshul gyis 'jug pa dang / /shes rab tshul gyis 'jug pa po/ /thabs kyis 'jug pa'i tshul rnams ni/ /brgyad dkyil dgu yi bdag po la/ /man ngag stobs kyis 'jug pa dang //bcu drug bzhi yi bdag dkyil la/ /sbyor ba'i thabs kyis 'jug pa dang / /de dang de las khyad par 'phags/ /shin tu bskor ba'i gnas dag tu/ /rim pa bzhin du 'jug pa dang / /dang po 'byung byed gnas dag tu/ /tha ma cig shos 'byung ba la/ / mgal me'i 'khor lo bskor ba yis/ /rim sogs man ngag shes par bya/ /shin tu 'jam pa'i stan dag la/ /rnal 'byor ci bder gnas nas ni/ /snying gar zla ba'i dkyil 'khor la/ /sa bon spros pas lha rnams gsal/ /bla ma mi bskyod gzugs 'dzin pa/ /mkha' 'gro'i tshogs kyis bskor ba la//dang po lus ngag gus pa yis/ /phyag 'tshal zhabs la reg par bya/ /phyi mchod nang mchod gsang mchod rnams/ /rim pas phul nas sdig pa bshags/ /sgyu ma'i mtshan nyid shes par bya/ /sangs rgyas la sogs bde ba la/ /dga' ba bskyed de rjes yi rang //chos kyi 'khor lo bskor bar bskul/ /'gro ba'i don du gsol ba gdab/ /dkyil 'khor lha la skyabs su mchi/ /lus kyang gus par dbul bar bya/ /sems bskyed lam la gnas par bya/ /phyag rgya mchog tu gzung bar bya/ /slar yang sdom pa brtan par gzung / / tshad med bzhi yang bsgom par bya/ /dag par byed pa'i sngags brjod pas/ /mtha' dag stong pa nyid du bsgom/ /yod pa ma yin med pa min/ /snang ba ma yin 'gag med min/ /skye ba ma yin 'gag pa min/ /de la sogs pa'i tshig rnams kyis/ /mtshon te stong nyid gtan la dbab//stong nyid dngos po'i gnas tshul ni/ /gang du'ang bsam du med mod kyang / /ma rtogs log rtogs the tshom can/ /de rnams bsal ba'i don ched du/ /skye med 'gag med la sogs brjod/ /de las stong pa'i ngang las ni/ /'byung ba'i dkyil 'khor rim brtsegs 'phros//de steng suM las byung ba las/ /ri rab chen po bskyed par bya/ /de steng hUM las rdo rje ni/ /rgya gram ljang gu'i dkyil du ni/ /sa bon 'od zer las 'phros pas/ /gser gyi 'khor lo rtsibs bcu bskyed/ /skad cig rdzus skyes tshul du ni/ /dbus kyi gtso bos khro bcu bskyed//hUM bzhi gsang sngags brjod pa yis/ /bka' bsgo bas ni sprul pa 'phros/ /gdug pa can ni ma lus bkug /rdo rje phur ba'i sngags brjod pas/ /shin tu khros pas sprul nas ni/ /brdeg pa'i sngags kyis btab nas ni/ /brdung ba'i sngags kyis brdung bar bya'o/ / me dpung tshogs kyis thal bar bsreg /nam mkha'i mthas klas tshun chad du/ /khro bo rnams kyi nang logs su/ /rdo rje gur dang ra ba gtams/ /rdo rje gur gyi nang logs su/ /gzhal yas khang ni mdzes par bskyed/ /de steng pad+ma 'dab brgyad gdan/ / lte bar nyi zla'i gdan ni brtsegs/ /gdan dang rgyan rnams kun ni rdzogs/ /mngon par byang chub cho ga yis/ /gtso bo'i sku ni bskyed par bya/ /dang po stong dang zla ba la/ /yig 'bru la sogs cho ga rdzogs/ /rdo rje la ni byin rlabs bsdu/ /sngags brjod pas ni sku bskyed do/ /gtso bo sku mdog mthing nag ni//zhal gcig pa la phyag gnyis pa/ /mche ba gtsigs pa 'dod dgur bsgyur/ /sku la sbrul gyi rgyan gyis brgyan/ /g.yon brkyang g.yas bskum 'byung po 'dul/ /phyag g.yas rdo rje khro bo bsdams/ /g.yon nas mkha' lding rgyal po spro/ /gtso bo de ltar bskyed nas ni//shar gyi pad+ma'i 'dab ma la/ /rnam rgyal sku mdog dmar po ste/ /phyag g.yas dang po rdo rje 'dzin/ /g.yon pas dgra sta 'dzin pa ste/ /bar ma phyag gnyis gung mo dang / /mthe bong ngos mdung gzhan rnams brkyang / /de nyid snying gar bzung nas ni/ /de 'og zhags pa ral gri bsnams//lho yi pad+mar mgon po ni/ /sku mdog nag po zhal gcig pa/ /phyag kyang de bzhin gnyis pa ste/ /g.yas g.yon tsan+dan bing chen bsnams/ /nub kyi pad+mar lus ngan po/ /sku mdog ljang gu zhal gcig pa/ /phyag gnyis mchod rten ne'u le bsnams/ /byang gi pad+mar bdud rtsi 'khyil//sku mdog sngon po zhal gcig pa/ /phyag gnyis brang bsnol sdigs mdzub 'phyar/ /shar lho'i 'dab mar gnod sbyin bskyed/ /sku mdog dmar nag zhal gcig pa/ /phyag gnyis gri gug cang te'u bsnams/ /lho nub 'dab mar ro langs ma/ /sku mdog sngo skya zhal gcig pa//phyag na rdo rje lcags sgrog bzung / /gung mo srin lag la sogs rnams/ /dam por bkug nas yongs su bsdams/ /mtheb mdzub bzhi rnams rab brkyang nas/ /spyi bor nges par bsnol ba rnams/ /nub byang rdo rje mkha' 'gro ma/ /sku mdog dmar skya zhal gcig pa/ / phyag gnyis spyi bor sbyar nas su/ /me lce phreng ba yongs su 'dzin/ /byang shar mtshams kyi 'dab ma la/ /'jigs byed kha dog sngo nag ma/ /zhal gsum phyag drug zhabs gnyis pa/ /g.yas kyi dang pos glang po bsnams/ /g.yon gyis glang chen pags pa bsnams/ /de 'og dgra sta rdo rje bsnams//tha ma mi mgo lcags kyu bsnams/ /gru chad bzhi la lha mo bzhi/ /'od skyed ma ni sku mdog dkar/ /zhal gcig phyag gnyis rdo rje bsnams/ /yid 'phrog ma ni sku mdog ser/ /zhal gcig phyag gnyis spos phor bsnams/ /kun bzang ma sku mdog dmar mo/ / zhal gcig phyag gnyis ro mchog bsnams/ /glu sgra can sku mdog sngon po/ /zhal gcig phyag gnyis sgra snyan gar/ /shar sgro khro mo srog gcod ma/ /zhal gcig phyag gnyis sku mdog mthing / /phyag gnyis thod pa zhags pa bsnams/ /lho sgor dbugs rngub sku mdog ser/ / zhal gcig phyag gnyis hom gzar zhags/ /nub sgor khrag 'thung sku mdog dmar/ /zhal gcig phyag gnyis gri gug zhags/ /byang sgor sha za sku mdog sngo/ /zhal gcig phyag gnyis rnon po zhags/ /de rnams bskyed pa'i tshul rnams kyang / /rnal 'byor spros dga'i sems byang phyir//sa bon dag las 'od 'phros pas/ /so so'i thugs kyi mtshan ma'i rtags/ /dang po gsungs te gsum pa dgu/ /las kyi 'khor lo myur brtson pa/ bskyed pa'am skad cig glog 'gyu'i tshul/ /cung zhig gsal bar bltas nas ni/ /sngags kyi cho ga shes pas su/ / ye shes dkyil 'khor bcas pa rnams/ /sri zhu gus pa'i tshul gyis su/ /ye shes dkyil 'khor spyan drangs nas/ /mdun gyi mkha' la bzhugs su gsol/ /mchod yon la sogs dbul bar bya/ /gnod sbyin drag po'i sngags kyis ni/ /bgegs rnams ma lus bzlog par bya//rnam par rtog pa spang ba dang / /lus ngag nus pa mthu bskyed phyir/ /lha rnams so sor bstim par bya/ /yi ge rnam pa gsum dag ni/ /dag byed sku gsung cho gar ldan/ /dang por gsol 'debs cho ga yis/ /mchog rnams kun du bskul bas su/ /bde gshegs thams cad mnyes nas kyang //lha mo glu len gar byed mas/ /bdud rtsi'i bum pa thogs nas kyang / /rim bzhin dbang ni bskur bar byas/ /so so'i rigs kyi lha 'dzin 'gyur/ /mchog rnams kun du bskul bas su/ /bde gshegs thams cad mnyes nas kyang //slob dpon mi bskyod yab yum la/ /gnyis dang gsum gyi man ngag blang / /de nas lha la mchod pa dbul/ /phyi mchod nang mchod gsang ba'i mchod/ /mchod pa tshul bzhin dbul bar bya/ /phyi ni ji bzhin gzhan dang mthun/ /nang gi lha yi bde bskyed pa//cig shos lnga ru byas pa yin/ /rtag pa ldan pa de dag ni/ /gtso bo lnga yang byas pa yin/ /thabs dang shes rab ldan pa yis/ /gnyis pa la sogs sbyar ba dang / /des ni dang po'i don kyang bya/ /rigs dang rtags ni ldan gyur pa'i/ /de nyid snying bo de las byung / /de dang dur khrod byung ba yin//snang ba med pa mchog yin no/ /lnga dang bcu ru sbyar ba yi/ /yid du 'ong ba dpag med mchog /de ni nang gi don bstan to/ /gu h+ya don ni bstan bya ba/ /grol dang phyag rgya gnyis su bstan/ /grol gyis yid kyi gzugs sprul to/ /phyag rgya rtags ldan dngos su 'dug /mi ldan byin gyis brlab par bya/ /de rnams cho ga'i yan lag ni/ /rten dang brten pa'i tshul nyid kyis/ /dang por byin gyis brlab par bya'o/ /rten ni as su byin gyis brlab/ /brten pa hUM gis byin gyis brlab/ /rten dang brten pa'i gtso bo dang / /yan lag rnams la lha rnams kyis//byin gyis brlab pa bstim par bya/ /d+harma e yi nang shed du/ /gsum rtsam yi dkyil 'khor bsam/ /rin chen pho brang nang shed du/ /rtag pa nyid kyang bsam par bya/ /g.yas dang g.yon gyi thabs shes rab/ /lnga lnga yis ni gnas su bstan/ /bskyed cing dgyed par byed pa nyid//de yi grogs 'gyur gnyis dang bzhi/ /'byed par byed dang skrod par byed/ /spro bar byed dang sdud par byed/ /de nyid spro bar byed pa yi/ /bde dang shin tu bde ba ni/ /khyad par mchog tu gyur pa ni/ /gsang don mchog tu spro ba'o/ /gnyis med spro ba'i 'od zer sogs/ / de sogs cho ga rgyas par bya'o/ /rdo rje dril bu ldan pa yis/ /rdo rje glu dang ldan pas bstod/ /hUM gsang ba'i dkyil 'khor pho brang mchog /sku gsung thugs kyi dkyil 'khor mchog /mthun pa'i don rnams ston mdzad pa/ /rdo rje 'khor bcas phyag 'tshal bstod/ /rdo rje mi 'gyur 'jigs byed pa//khams gsum rgyal bar byed pa'i mchog /dpal ldan nag po yon tan mchog /gsung gi sgra sgrogs rgyal po mchog /phrin las rang bzhin bdud rtsi 'khyil/ /'byung po 'jigs byed gnod sbyin mchog /dgra la rngams pa'i za byed ma/ /rdo rje nam mkhar 'gro ba'i mchog /'jigs par byed pa'i sku 'chang ma//'od kyis gsal byed mdzes pa'i mchog /yid du 'ong ba'i yon tan ma/ /lta spyod bzang bar byed pa'i mchog /sgra dang gar gyis mnyes mdzad ma/ /rnam par rtog pa gcod pa'i mchog /'byung po zhal du rngub byed ma/ /chags pa'i mdog can khrag 'thung ma//sa bdag dang ni dri za'i mchog /lha yi 'khor lo tshogs rnams la/ /bstod cing gus pas phyag kyang 'tshal/ /drag po 'jigs pa'i dkyil 'khor la/ /bstod cing gus pas phyag 'tshal lo/ /bstod cing mchod pa'i man ngag ni/ /nyid kyi thugs kyi dkyil 'khor las/ /sprul nas nyid la mchod par bya/ / 'khor lo gzhan rnams kyang ni mchod/ /bskyed pa'i rim pa bsgom pa ni/ /dang po gtso bo bstan byas la/ /de nas 'khor lo rim gyis bstan/ /gtso bo rim gyis bstan pa dang / /'khor lo rim gyis bstan pa dang / /rdzogs par lta ba gnyis su bya/ /dang por dbyug tshod phyed tsam la/ /de 'og dbyug tshod gcig tsam la//de 'og 'pho ba gcig tu bya/ /thun tshod rnams kyang rim gyis so/ /de ltar brtan par gyur nas ni/ /che bar 'dod na che bar ro/ /chung bar 'dod na chung ba nyid/ /mang por spros nas nyung bar bsdu/ /nyung bar sdud nas mang por spro/ /kha dog ji ltar 'dod pa bzhin//ldang ba yang zhing gzi brjid ldan/ /yun ring btang yang mi 'chor la/ /rlang yang ji ltar 'dod par thub/ /bdud rtsi zas kyis 'tsho bar byed/ /des su bskyed pa mthar phyin te/ /bskyed pa mthar phyin dus su mi/ /mkha' 'gro ma yi mdzad spyod ston/ /mdzad spyod bstan pa'i dus dag tu//mdzad spyod bstan pa'i las rnams bstan/ /de dus gsal zhing gsal gyur nas/ /yang nas yang du brtag par bya'o/ /man ngag zab mo don ston pa/ /gus pas gsol ba gdab par bya/ /de ru bzlog pa'i don ston yang / /mi 'jigs the tshom med pas su//man ngag bdud rtsi blang bar bya'o/ /gal te bskyed pas skyo gyur na/ /bsgom pa ma nus las gzhan phyir/ /bzlas brjod man ngag rgyas pa rnams/ /gzhan du bstan pa mang mod kyang / /bzlas brjod man ngag bdud rtsi 'di/ /rin chen lta bu'i gang zag la//rna ba brgyud de 'ong ba 'di/ /bstan par bya yis gus par nyon/ /snying ga'i 'khor lo'i man ngag la/ /sems dpa' gsum gyi man ngag rdzogs/ /'od zer dkar po 'ja' tshon tshul/ /yi ge 'phro ba'i man ngag dgod/ /'khor zhing spros pas gyen du spros//lce yi rdo rje rtse mo las/ /lha yi zhal du spro bar bya/ /mchod de gnas ni gang 'dod nas/ /slar la 'khod pas sgrib pa sbyang / /sgra cher ma yin sgra chung min/ /yan lag ma nyams bzlas brjod bya/ /de ni phyi yi tshul du bstan/ /nang gi bzlas brjod bstan pa ni/ /a wa d+hU tI'i nang shed nas//kha dog lnga ldan rlung byung ste/ /de nyid rta yi tshul du bstan/ /phyir 'byung rta la oM ni zhon/ /nang du zhon pa hUM yin no/ /gnas par byed pa AHnyid yin/ /de ltar spro zhing bsdu pa la/ /dang por bcu la bstan par bya/ /de nas nyi shu la bstan no/ /de ltar gyur ba'i rim pa'i mthar//nang gi rim gyis bsdu bar bya'o/ /snying ga'i thig le'i gnas dag la/ /'dzin par nus so mchog yin no/ /de nyid gtan la dbab na ni/ /nyi khri chig stong drug brgya ni/ /nyin mtshan gcig la rgyu ba yin/ /de yang gnas kyi sde tshan bsdu ba ni/ /dang por bcu drug gnyis par ni//sum cu ru ni shes par bya/ /bcu drug bcu gnyis brgyad du bsdu/ /bzhi dang gnyis su bsdu ba'o/ /phyir phyung sgo yis 'byed tshul ni/ /g.yas dang g.yon dang gnyis ka yang / /shin tu phra ba'i tshul du byed/ /me dang rlung dang sa dang ni/ /chu yi rang bzhin dmar dang sngo//ser dang dkar ba nyid du 'dod/ /pad+ma las dang rin chen dang / /rdo rje thabs dang shes rab ni/ /de yi nus pa de ltar snang / /dang po 'byung byed gnas dang ni/ /longs spyod chos dang sprul ba dang / /rdo rje 'dzin pa nyid du 'dod/ /de yang bsdu na gnyis su snang / / gso bar byed pa srog 'dzin yin/ /phyi dang nang gis zhes kyang bya/ /'chi byed cha rnams ma nyams par/ /rnam pa gnyis su bstan pa yin/ /de ltar spyod pa la sogs rnams/ /dngos po'i gnas lugs yin pas na/ /sngon du 'gro ba shin tu gces/ /bzlas pa'i don la mi 'jug gi/ / yang na sngon du song ba yis/ /rdzogs pa'i don la 'jug par bya/ /dngos po'i gnas lugs bstan pa ni/ /rtsa dang rlung dang byang chub sems/ /de yi spros pas ma bstan yang / /bsdus pa'i don ni gsung du 'dus/ /thugs kyi 'khor lo gnas dag tu/ /rtsa yi 'dab ma brgyad yin te//de yi dbus su d+hU tI gnas/ /de yi dkyil na 'od kyi ni/ /kha dog lnga ldan dkyil shes nas/ /thig le'i rang bzhin byang chub sems/ /bzhugs pa de la phyag 'tshal lo/ /de nyid la ni mu stegs kyis/ /log par rtogs pas bdud du 'gyur/ /rnal 'byor dbang phyug mchog gis ni//de nyid nges par rtogs pas su/ /dngos grub rnam nyid de las 'byung / /de bas rnal 'byor nan tan gyis/ /bla ma mnyes par byas nas kyang / /bla ma'i zhal gyi sgo nas ni/ /de nyid man ngag shes par bya/ /kha dog lnga ldan de nyid la/ /dang po brtan par bltas nas ni/ /de nas rtags rnams byung ba dang //thig le nyid la brtan par bya/ /de la brtan nas spro ba dang / /bsdu ba'i sbyor ba shes par bya/ /de nyid brtan par gyur ba na/ /bde dang shin tu bde ba dang / /bde ba chen po thob par 'gyur/ /de 'og nam mkha'i dkyil 'khor la/ /zhag bdun bar du gnas pa 'byung //bdud rtsi 'dom gang lus khyab pas/ /bdud rtsi zas kyis gso bar byed/ /de 'og sgyu ma lta bu yis/ /dpe brgyad dag la bltas pas su/ /de nyid nges par thugs su chud/ /de 'og stong ba'i man ngag la/ /man ngag stobs kyis zhugs pas su/ /de nyid kho nar nges par mthong //de nas 'gro ba gzhan don la/ /mos pa ma yin dngos su ni/ /'jug pa'i stobs dang ldan par gyur/ /nyin mtshan phrugs re dag la yang / /bde gshegs mang pos dkyil 'khor ston/ /de yi man ngag don rnams ni/ /ma lus shes par 'gyur ba yin//de ltar gzhan don mthar phyin pas/ /rang don lhun grub phyag rgya'i mchog /skad cig gcig la shes par bya/ /phyag rgya dang ni phyag rgya'i mchog /khyad par phyag rgya mchog rnams ni/ /rim pa bzhin du 'grub pa ste/ /sras po'i tshul ni rdzogs nas kyang / /yab kyi don ni rdzogs pa yin//de ltar rdzogs pa'i man ngag ni/ /rnal 'byor grol lam pa la bstan/ /phyag rgya'i lam la 'jug tshul ni/ /rtags dang ldan pa'i phyag rgya ma/ rtags dang ldan par btsal bar bya/ /de la brten nas ye shes ni/ /skye ba thabs kyi man ngag kyang / /dang por byin rlabs la sogs bya//de nas man ngag thun tshod dang / /gzung ba'i thabs ni shes par bya/ /de la brten par gyur nas ni/ /dngos grub kyang ni thob par 'gyur/ /de la mngon par zhen chags na/ /mchog ni 'byung bar mi 'gyur ro/ /de yi zhen pa bzlog pa'i phyir/ /nang gi phyag rgya nyid la bslab//de la brtan par gyur nas ni/ /de yi zhen pa bzlog pa'i phyir/ /gsang ba'i phyag rgya gtum mo'i mchog /de nyid la ni bslab pa'i phyir/ /'khor lo la sogs rdzogs byas la/ /dang po 'byed 'dzums 'byor ba yis/ /thabs kyi rim pa bslab par bya/ /dmar po chen po spros shes la//rtags rnams rim pa lnga po 'byung / /de 'og spro bsdu'i sbyor ba yis/ /dgug dang mnan pa'i rim pa yang / /dang po bslabs nas 'di la bstan/ /de la ldog par ma gyur na/ /'di ru bzlog pa'i man ngag bstan/ /de 'og lhan cig skyes ma yi/ /man ngag stobs la zhugs pa yis//nam mkha'i bdud rtsi 'khor lo ni/ /rim pa bzhin du 'byung bar 'gyur/ /de nas rten med rnal 'byor ma/ /de nyid la ni 'jug par bya/ /yod dang med pa'i mtha' sogs kyi/ /rtog pa thams cad 'jig pa'i mchog /kun du bzang po'i don rtogs 'gyur//de ltar rtog pa'i man ngag ni/ /shes rab snying rje ldan pa dang / /bla ma la gus brtson 'grus ldan/ /g.yo sgyu med pa'i bsam pa yis/ /yid du 'ong ba'i rdzas kyi mchog /'bul bar byed pa bstan par bya/ /'di ni rin chen gang zag yin/ /dang po man ngag thob bya'i phyir//g.yo sgyu'i bsam pa ldan pas su/ /shin tu gus pas tshul du byed/ /man ngag thob par gyur nas ni/ /bla ma la ni rgyab kyis phyogs/ /dmyal ba yi ni rgyu sogs pa/ /de ni rgyun du spong ba yin/ /rdzogs pa'i rim pa bstan nas ni/ /skabs 'dir srung ba'i 'khor lo ni//srung ba'i 'khor lor bstan pa yin/ /dur khrod kyi ni ras dag la/ /'khor lo'i rim pa brtsam pa yin/ /de med gyur na gro ga'am/ /shing shun dag las bya ba yin/ /'khor lo rtsibs brgyad bris nas ni/ /dbus su snying po'i don bstan la/ /phyogs su bzhi po don ni bstan//mtshams ni 'grub par byed pa yin/ /'khor lo rtsibs kyi mtshams su ni/ /gang yin pa yi ming rnams ni/ /phyi rol mu khyud bzang po la/ /thabs dang shes rab yi ge dgod/ /de ltar 'khor lo brtsams nas ni/ /maN+Dal mchod pa la sogs bshams//bdag nyid rnal 'byor rdzogs byas la/ /de yang lha yis 'khor lo bskyed/ /ye shes lha la mchod byas la/ /gsol ba btab ste gnyis su bsre/ /de nas bsrung ba'i sngags bzlas bya/ /so so'i rtsa ba'i sngags 'di la/ /bar du ming rnams bcug nas ni/ / de nas bsrung ba'i sngags gdags bya/ /sngags rnams kyang ni bstan bya ste/ /oM na mo nI lAM ba ra d+ha ra badzra pA Ni ma hA yak+Sha se nA pa ta ye hUM hUM phaT/ oM trai lokya bi dza ya hUM phaT/ oM ma hA kA la ro Sha Na hUM phaT/ oM bai shra ba Na ye hUM phaT/ oM a mr-i ta kuN+Da li ha na ha na hUM phaT/ oM badzra yak+Sha hUM phaT/oM badzra bai ta li hUM phaT/ oM badzra DA kI ya hUM phaT/ oM badzra b+hai ra ya hUM phaT/ oM bid ta ya hUM phaT/ oM ma mo ha ra ya hUM phaT/ oM sa man+ta b+ha dri ya hUM phaT/ oM shap+ta gI ti ya hUM phaT/ oM pra ti sa ta mi ya hUM phaT/ oM sho sa ga pa ye hUM phaT/ oM rag ta pri ta ya hUM phaT/oM ma sa b+hak+Shi ni hUM phaT/ oM nI lAM bar d+ha ra badzra pA Ni hUM phaT/ ces pa ni drag po'i sngags bsdus pa'o/ /swA hA zhes pa ni zhi ba'i 'o/ /oM zhes pa ni rgyas pa'i 'o/ /ho zhes pa ni dbang gi'o/ /rak+Sha rak+Sha zhes pa ni bsrung ba'i 'o/ /bsrung ba'i sngags ni 'di dag la//bar du ming ni gzhug par bya/ /srung ba'i 'khor lo de dag kyang / /bzhi tshan bzhi yis bsrung ba dang / /gtso bo nyid dang bcas te bsrung / /yang na sde tshan so sor bsrung / /gtso bo gcig pus bsrung ba yin/ /yang na so sor re res kyang / /bsrung ba'i cho ga shes par bya//thams cad kun gyis bsrung ba yi/ /'khor lo bca' ba'i thabs bstan pa/ /dang po 'khor lo brgyad pa la/ /rim pa gnyis pa bcu gnyis dang / /de 'og rim pa bcu drug pa'o/ /mtha' ma mu khyud gnyis dang ldan/ /dang po gtso bo'i rim pas dgod/ /de 'og sde tshan gnyis pa dgod//tha ma sde tshan gnyis su bstan/ /mu khyud zlum po gnyis la ni/ /shes rab thabs kyi yi ge 'god/ /'khor lo rim pa mi 'dra'i gzhung / /rnam pa gsum du shes par bya/ /zhi bar bya dang dbang du bsdu/ /rgyas dang drag sogs gzhan dag kyang / /man ngag gis ni sbyor zhes bya'o//las bzhi yi ni 'khor lo la/ /bzlas pa khri tsho gcig gis 'grub/ /de yang bsnyen pa rdzogs pa yis/ /bsrung ba la sogs gzhan dag la/ /de ltar bzlas na mchog tu bstan/ /nyi shu rtsa gcig tsam bzlas kyang / /sngags kyi nus pa mthu rnams kyis/ /bsrung dang bskyab pa 'grub par gsungs//lha yi 'khor lo 'di nyid la/ /brten na cho ga gzhan dag ni/ /thams cad kun la 'grub par gsungs/ /de ltar 'khor lo'i man ngag sogs/ /gab pa'i don dang sbas pa'i don/ /dgongs pa'i don dang dgra bzlog don/ /rnam brgyud 'ongs pa la brten nas//man ngag can gyis shes par bya'o/ /rnal 'byor bsdus pa'i don ched du/ /rang gi lhag pa'i lhar gyur ram/ /las rnams gzhan la 'jug 'dod pas/ /bcu bdun lha yi dkyil 'khor las/ /bcu gsum dag tu bsdu ba dang / /de la dgu ru bsdu ba dang / /lnga ru yang ni bsdu bar bya//gnyis su bsdu ba bcu drug tshogs/ /yang na rgyan cig rnal 'byor gyis/ /bcu bdun du yang shes par bya/ /de ltar bsnyen pa sngon song bas/ /phan gdags pa dang tshar bcad pa'o/ /las dang sgrub pa thams cad la/ /nges par 'jug par shes par bya'o/ /sbyor ba'i che rkyen gzhan dag kyang //dus skabs sbyar te shes par bya/ /de ltar the tshom med gyur na/ /mkha' 'gro ma yi rtags ston pas/ /de la sogs pa'i las rnams ni/ /bsgrims te shes par ma byas na/ /rnal 'byor pa ni brlag par 'gyur/ /de bas mkhas pas nan tan du/ / sngags kyi lta ba spyod pa ni/ /bla ma mkhas la mnyan par gyis/ /mi mkhas tshul 'chos g.yon can gyis/ /gnyi ga brlag ste dmyal bar lhung / /mkhas pa rna brgyud thos pa ni/ /'di dang pha rol gnyis su yang / /bdag dang gzhan ni gnyi ga yang / /'bras bu bzang po nges par 'byin//de bas bla ma mkhas pa ni/ /dang po nyid du btsal bar bya/ /man ngag can ni rnyed nas kyang / /tshul 'chos g.yon can phyir 'breng na/ /ngal ba don med 'bras bu med/ /las ngan dus kyi tha ma la/ /gang zag 'dod pa'i dbang gis ni/ /lta spyod sna tshogs ston pa 'byung //gsang sngags dngos grub ma thob par/ /sgra dang mtshan ma la brten nas/ /nga rgyal 'dod pa'i dbang gyur nas/ /gsang sngags 'khor lo rtsom pa 'byung / /de nas yang dag don mi rnyed/ /la la mu stegs dag dang bsre/ /des ni dmyal ba'i gnas su khrid/ /gsang sngags 'khor lo 'di dag la//de lta'i spyod pa ma byung yang / /mthu rnams je chung je chung 'byung / /nad dang mu ge la sogs pa/ /sna tshogs dag ni 'byung bar 'gyur/ /las ngan dus kyi tha ma la/ /slob dpon sku la bdo ba dang / /bstan pa 'jig sogs 'byung 'gyur bas//de la bzod pa mi bsgom ste/ /gsang sngags 'khrul 'khor bskor bar bya/ /de las gzhan du byas gyur na/ /dam tshig nyams te dmyal bar 'gro/ /dpal ldan rdo rje mthu stobs can/ /dus gsum bde gshegs thams cad kyis/ /rig sngags gsang sngags bdag po ru//dbang bskur mnga' gsol mdzad nas ni/ /gsang sngags 'khor lo mtha' dag ni/ /khyod kyis bsdus la khyod kyis bskor/ /bde gshegs rnams kyi bka' yang bsgo/ /'khor lo rgyas par bskor nas kyang / /de 'og rang gi 'khor lo ni//rtsod pa rgyas pa'i dus dag tu/ /bskor na las rnams 'grub pa dang / /de las gus pa mang 'gyur bas/ /de yi dus su bstan par bya/ /rgyal ba nyid kyis de skad gsung / /de bzhin bdag ni rjes mthun pas/ /'di la mos pa'i rnal 'byor ni/ /phyogs rnams kun gyis gsol gdab dang //bdag rang bsod nams bsags pa'i phyir/ /'di bstan pa yi sems pa skyes/ /brtson 'grus dag pa'i sgo nas ni/ /lha rnams sgrub cing gsol gdab pas/ /gsang sngags don dang mthun pa yis/ /sems pa skye ba de nyid srung / /dper na nyi ma'i 'od zer ni//bye ba brgya phrag mang po las/ /gzi brjid khang pa'i nang du shar/ /de bzhin 'od zer phra mo gcig /bdag blo yi ni mun par snang / /snang ba de yang bdag gis ni/ /gzhan rnams kun la bstan par bya/ /man ngag 'di bkod cho ga yis/ /bdag dang sems can thams cad kun/