CLOSE WINDOW

D2164
བོད་ཡིག

/ //bal po'i paN+Di ta pU r+Ne dang / bod kyi lo tsA ba chos kyi bzang pos bsgyur zhing gtan la phab pa'o//[ ]@##/ /rgya gar skad du/ nI lAM bar d+ha ra badzra pA Ni ma hA yak+Sha tsakra ma hA de ba ga Na maN+Dal sto tra nA ma/ bod skad du/ gnod sbyin gyi sde dpon chen po lag na rdo rje gos sngon po can 'khor lo chen po'i lha tshogs la bstod pa zhes bya ba/dpal phyag na rdo rje la phyag 'tshal lo/ /hUM lcang lo can gyi gnas mchog dam pa na/ /sa bcu'i byang chub sems dpa'i gtso bo ste/ /skye med ngang las longs spyod rdzogs pa'i sku//yon tan ma lus rdzogs pa khyod la 'dud/ /sprul pa'i sku mchog gdug pa 'dul mdzad pa/ /brjid pa'i sku mda' sprul brgyad sku la brgyan/ /snang srid dbang du sdud pa'i mthu stobs can/ /srid gsum sdug bsngal mthar mdzad khyod la 'dud/ /zhabs gnyis brkyang bskum mthing nag 'bar ba'i zhal//g.yas dkar g.yon dmar spyan ni gsum gsum ldan/ /phyag drug rdo rje g.yas 'chang g.yon sdigs mdzub/ /bar gnyis thal rdebs mtha' gnyis sbrul gsol 'dud/ /dpral ba'i khro gnyer smin ma g.yo zhing 'khrug /dbu skra kham nag gyen brdzes me stag 'phro//ral pa'i cod pan sprul gyi gdengs kas brgyan/ /rigs kyi bdag pos dbu brgyan khyod la 'dud/ /ljags 'dril mche gtsigs nga ros 'brug sgra sgrogs/ /kha rlangs me ltar 'bar bas gdug pa bsreg /mche ba gtsigs bas dug gsum rtsad nas gcod//nyon mongs 'joms par mdzad pa khyod la 'dud/ /'jig rten gsum sleb sku mchog shin tu brjid/ /sngon po 'chad pa'i na bza' sku la gsol/ /dus mtha'i me ltar 'od zer 'bar ba'i sku/ /srid gsum zil gnon khyad 'phags khyod la 'dud//gsus pa'i smad 'khyil stag gi sham thabs can/ /tshangs pa brgya byin nyi zla 'bar ba'i steng / /zhabs gnyis phrag bzhag yon tan rdzogs pa'i sku/ /mtha' gnyis rtag chad sel mdzad khyod la 'dud/ /rngam pa'i sku yis bdud rnams 'dul bar mdzad//brang 'gro brgyad kyis sku brgyan klu dbang 'dul/ /brkyang bskum brjid pas gnod sbyin zil gyis gnon/ /phrin las mthar mdzad khyod la phyag 'tshal 'dud/ /sprul pa'i khro tshogs bye ba sku las 'phro/ /hU~M phaT sgra 'byin mtshon cha mang pos 'debs/ /mthing nag sku yis khams gsum cho nges 'debs//sprul pas skrag mdzad khyod la phyag 'tshal 'dud/ /yum mchog mdzes ldan mthing nag zhal gcig ma/ /phyag g.yas gri gug gdung dmar zhal du stobs/ /rus pa'i phreng brgyan bskal pa'i 'od zer 'phro/ /sprul pa grangs med khro chung 'phro la 'dud//dri za'i rigs 'dul khro rgyal bdud las rgyal/ /sku yi rang bzhin zhi ba'i las mdzad pa/ /dkar gsal zhal gcig phyag bzhi rdo rje 'phyar/ /rtse gsum sdigs mdzub gti mug 'joms la 'dud/ /brkyang bskum bzhugs nas na bza' sngon po gsol/ / brang 'gro brgyad kyis sku brgyan mthu stobs can/ /gsung gi nga ros log 'dren gdug pa 'dul/ /rngam mdzad bdud las rgyal byed khyed la 'dud/ /mnyes byed yum ni lha mo 'od zer can/ /dkar mo 'dzum can zhal gcig phyag gnyis ldan/ /spu gri gtso 'khyud dung dmar yab la stobs//khro chung bye 'gyed lha mo khyod la 'dud/ /gshin rje 'dul mdzad yon tan rang bzhin sku/ /rgyas pa'i phrin las mthar phyin sku mdog ser/ /zhal gcig phyag bzhis bdud 'dul rdo rje 'phyar/ /dbyug to g.yon 'dzin sdigs mdzub 'khyud khyod 'dud//zhabs gnyis brkyang bskum gshin rje gnon mdzad 'gying / /brjid sku na bza' sngon po stag ris gsol/ /rigs bzhi gdug pas sku brgyan yon tan rgyas/ /sprul pa'i khro 'gyed gzi brjid 'bar khyod 'dud/ /dgyes mdzad lha mo dbyangs can gser mdog zhal/ / zhal gcig phyag gnyis ral gri gtso la 'khyud/ /ban+d+ha khrag bkang yab kyi zhal du stobs/ /sprul pa grangs med 'gyed mdzad khyod la 'dud/ /klu dbang 'dul mdzad gsung gi rang bzhin sku/ /dbang gi phrin las mthar phyin sku mdog dmar/ /'gying bag zhabs gnyis brkyang bskums bdag gnon//rngam chen me ltar 'bar ba khyod la 'dud/ /zhal gcig phyag bzhis rdo rje sbrul zhags bsnams/ /sdigs mdzub 'khyud mdzad gsung gi rngam stabs can/ /sbrul rigs bzhis brgyan gos sngon stag ris gsol/ /klu rigs dbang sdud rngam sgra sgrogs khyod 'dud//mnyes mdzad lha mo dmar mo [(]mdzum [,]mdzub [)]bag can/ /zhal gcig phyag gnyis te'u gtso la 'khyud/ /dung dmar stobs mdzad sprul pa'i khro tshogs sprul/ /thabs mkhas sgra can yum mchog 'khyud la 'dud/ /gnod sbyin rigs 'dul phrin las rang bzhin sku//rtog pa'i phrin las mthar phyin sku mdog ljang / /zhal gcig phyag bzhi sku mchog phyag mtshan ldan/ /phrin las bzhi mdzad rdo rje be con 'dzin/ /sdigs mdzub gnyis mdzad yum la 'khyud khyod 'dud/ /brkyang bskum mdzad pa rigs bzhi'i sbrul gyes brgyan/ /stod g.yogs sngon po stag ris na bza' gsol//phrin las thams cad rdzogs mdzad mthu stobs can/ /bgegs rnams 'joms mdzad bdud rtsi 'khyil khyod 'dud/ /thod gyur ljang gu zhal gcig phyag gnyis ma/ /thabs shes tshul ldan 'khor lo gtso la 'khyud/ /snying rje'i rang bzhin b+han dmar yab la stobs//sprul lnga 'gyed mdzad rlung 'byin sku la 'dud/ /dzaHhUM baM hoH'jigs ston rgyas 'debs ma/ /bdud dang mu stegs skrag mdzad snying nas 'dren/ /lcags kyu zhags pa lcags sgrog dril bu ma/ /bdud dpung 'joms mdzad sgo ma bzhi la 'dud//rang gi dad pa'i stobs kyis bskul gyur nas/ /mos pa'i dbang gis bstod pa 'di byas pa'i/ /bsod nams tshogs gyur sgrib pa gnyis byang nas/ /rgyud shel ltar dag sems can don byed shog /bstod pa mos pa'i rgyud ngan tha ba btul/ /ma rig mun sel dag pa zla zer 'dra//dri med gsal ba gang thob sems can rnams/ /'khor lo chen po'i lha zhal mthong bar shog /gnod sbyin gyi sde dpon chen po lag na rdo rje gos sngon po can 'khor lo chen po'i lha tshogs la bstod pa zhes bya ba/ nam gru'i rigs las byung ba dngos grub brnyes pa'i slob dpon dzA ba ri pas mdzad pa rdzogs so/