CLOSE WINDOW

D2163
བོད་ཡིག

/ //bal po'i mkhan po paN+Di ta de ba pU r+Nam ti dang / bod kyi lo tsA ba dge slong chos kyi bzang pos bsgyur cing zhus te gtan la phab pa'o//[ ]@##/ /rgya gar skad du/ tsi ti dz+wa la lak+Sha Na nA ma/bod skad du/ mdze nad kyi mtshan nyid ces bya ba/ dpal phyag na rdo rje la phyag 'tshal lo/ /'gro rnams rdul dang mun pa snying stobs kyi/ /'dam la gnas te rkyen gyi ri bos non/ /de bsal shes phyir rang gi rtogs pas bri/ /dam pa'i drin thob mgon la spyi btud bshad//de la 'dir nad kyi mtshan nyid dang / bzlas pa'i mtshan nyid dang / de bzlog pa'i thabs so/ /de la mtshan nyid la bcu gnyis su shes par bya ste/ gal te bcu gnyis kyis ma bzlog na de 'phro bcad do/ /'bad pa dang bcas pas tshogs bsag go/ / thabs ni 'dod pa'i lha mnyes pas bzlog pa dang / rten cing 'brel pa'i nus pas bzlog pa'o/ /'dod pa'i lha mnyes pas bzlog pa ni sgrub thabs las shes par bya'o/ /rten cing 'brel ba'i nus pas bzlog pa ni bla ma'i man ngag las shes par bya'o/ /mtshan nyid rnams ni 'di lta ste//rus dang sha dang pags pa dang / /rtsa dang khrag dang nang grol dang / /bcud dang chu ste lus kyi stobs/ /lus kyi rtsa dang mdog dang dbyibs/ /reg pa chu ba chu ser dang / /klad pa lha ba lus kun la/ /zhugs pa rnam pa bco brgyad yin/ /rigs kyis ma yin gcig cig min//'on kyang gcig sogs rim gyis brtag /rus pa la zhugs pa ni bzhi ste/ lus skem pa dang / gzer che ba dang / na thang nge ba dang / thig ler na'o/ /sha la zhugs pa ni lnga ste/ lus bem me 'dug pa dang / lus lci ba dang / mdog gnag pa dang /drings pa snar 'ong ba dang / sha ro 'byung ba'o/ /pags pa la zhugs pa ni gnyis te/ sha 'phrig pa dang / mdog skya ba'o/ /rtsa la zhugs pa ni bcu ste/ lus sbrid ber ber ba brtag pa ni bzlog par dka'o/ /sgyid lug pa dang / sgyid lcig lcig pa dang / tsha ba 'dzag pa snyam pa dang /tsha rab rab pa dang / tsha ker ker ba dang / tsha breng breng ba dang / lus la sogs pa tsha thang nge ba dang / tsha bir bir ba dang / yan lag phra ba'o/ /khrag la zhugs pa ni bzhi ste/ sna nas skabs skabs su yang yang 'dzag pa dang / tsha ber ber ba dang /lus lci yor yor ba dang / gdong dmar ba la stag pa'i lo ma'i bris ma ltar 'ong ngo / /nang grol la zhugs pa ni bzhi ste/ glo snying mi bde ba dang / skyur thib thib pa dang / snying 'dar phril phril dang / snying mi dga' ba ste bzlog dka'o/ /bcud la zhugs pa ni bzhi ste//khu ba mi 'byung ba dang / dbang po ldang mi nus pa dang / khu ba skyo ma'i mdog tu 'ong ba dang / khu ba dngas snyigs bye nas 'ong ba'o/ /chu la zhugs pa ni gsum ste/ sbubs kyi chu rgya skyegs kyi khu ba ltar 'ong ba dang / sna'i chu rtag tu skyo mar 'dzag pa dang / mig chu rtag par 'dzag pa ste/du ba dang ser bu byung ba tsam gyis myur bar 'dzag pa'o/ /lus kyi stobs la zhugs pa ni gsum ste/ lus sgyid lug pa dang / lus myal myal ba yin no/ /lus kyi rtsa la zhugs pa ni gnyis te/ swa rtsi la sogs pa lus kyi dri ma bya'i pags pa bzhin sangs kyis 'gro'o//mdog la zhugs pa ni gcig ste/ lce btsod kyi mdog bzhin du song ba'o/ /dbyibs la zhugs pa ni gnyis te/ lus gnyer chung gis khebs pa dang / yan lag gi sor mo rnams byi ba'i mjug ma ltar song ba'o//reg pa la zhugs pa ni bzhi ste/ sna rtse la sogs par tsha yam yam 'ong ba dang / tsha ber ber 'ong ba dang / lus brtse ba dang / g.ya' ber 'ong ba bzhin no/ /chu ba la zhugs pa ni bzhi ste/ yan lag rengs shing na ba dang / sha 'bur ba dang /grang sing sing ba dang / tshigs rnams 'khor ba bzhin no/ /chu ser la zhugs pa ni lnga ste/ lus za gol gol ba dang / lus za tsag tsag pa dang / lus za lcib lcib pa dang / lus la chu rgang 'ong ba dang / chu rgang byung na yun ring por mi thogs par 'ong ngo //lus la 'brum pa'i rjes sran chung lta bu byung na bzlog par yang sla'o/ /klad pa la zhugs pa ni bzhi ste/ mgo phying phying skrang ba dang / 'thom pa dang / bem me ba dang / skra nul nul 'byi ba la sogs pa'o/ /lha ba la zhugs pa la ni gsum ste/ gdong pa la sogs pa tsha lam lam 'ong ba dang /gdong pa la sogs pa grang seng seng 'ong ba dang / de bzlog par sla'o/ /lus rid cing gdong thal skya'i mdog tu song ba ni bzlog par dka'o/ /lus kun la zhugs pa ni gsum ste/ tshor ba med par gdong pa la sogs pa'i sha 'gyur yin no//shin tu yang bzlog par dka'o/ /klu shin tu yang khro bo dag gis kyang rtags dang mi ldan par thugs kyis kyang 'gro'o/ /bzlog par dka'o/ /rma la sogs pa 'tshor mi 'dod pa'i rtags dang mi ldan pa ni bzlog par sla'o/ /gzhan yang yan lag phra ba dang /sbom pa dang / thung ba dang / 'khums pa dang / rengs pa la sogs pa la klu'i mtshan nyid du shes par bya'o/ /rtags de rnams las 'ga' 'ga' ni nad kyi gzhi las kyang shes par bya'o/ /'ga' la ni klu'i gdon ma yin pa las kyang 'byung bas mtshan nyid so sor shes par bya ste/nad gzhi las byung ba'i sman la sogs pa dang / 'phrod pa'i zas kyis phan pa'o/ /gzhan gyi ni yun mi rtag pa 'phro 'chad do/ /'di 'dra'i mtshan nyid mngon du shes/ /shes nas myur ba'i brtson 'grus kyi/ /sna tshogs thabs la ma rmongs pas//bzlog pa'i thabs la 'bad par bya/ /chu rgyun yun rings 'bab pas ni/ /rdo bdag kyang dus su 'bigs/ /gdug pa'i dbang byas zhe rings yang / /le lo dang bral rtse gcig sems/ /rgyun du bsgoms na bzlog sems kyis/ /gdug pa'i nad las thar bar nges//rtsol ba can gyi som nyi bral/ /gang bsam de la mi 'grub med/ /des na 'khor ba gces pa ni/ /phung po srog ni dang ba la/ /mngon sum nyid du mthong 'gyur gyis/ /rtsol ba dor bar mi bya'o/ /'gro ba snying rje rang gis rtogs dang bka' drin gyis/ / bdag gis nad kyi mtshan nyid 'di sbyar yon tan gyis/ /'gro bas mngon du de rtogs brtson pas de bzlog bya/ /ci yod dge bas 'gro ba 'tsho dka'i nad las grol bar shog /mdze nad kyi mtshan nyid ces bya ba/ nam gru'i rigs las byung ba/ dngos grub brnyes ba dzA ba ri bas mdzad pa rdzogs so/