CLOSE WINDOW

D2158
བོད་ཡིག

/stobs kyi rgyu dang rigs ldan la/ /bdud rtsi 'o ma'i mchod pa 'bul/ /klu yi nad las thar gyur cig /gnod sbyin nad las thar gyur cig /bdud kyi nad las thar gyur cig /rdzas sba'o/ /dpal phyag na rdo rje'i mchod pa'i rim pa rdzogs so//[ ]@##/ /rgya gar skad du/ nA ga karma kro d+ha ma ra na nA ma/ bod skad du/ klu khro bos gsad pa'i phrin las zhes bya ba/ dpal phyag na rdo rje la phyag 'tshal lo/ /de bsnyen bzlas pa'i rtags byung na/ /'ga' zhig dbang du bsdu dgos pas/ /de dbang bya phyir man ngag rim/ /mgon la lus btud man ngag dran/ / dur khrod la sogs gnas dag tu/ /sngon du bsnyen pa rdzogs pa yi/ /nag po'i phyogs kyi zla ba la/ /bdun dang dgu dang lnga dus la/ /dkyil 'khor gru gsum khru gang tshad/ /mgo ni lho ru bstan par bya/ /sbrul dang sbal pa'i sha dang ni/ /ske tshe ju tshe khre dang til/ /thal ba sa dang lan tshwa dang //bu ram 'bras phye rnams las ni/ /sor brgyad tshad kyi smad 'khyil ba/ /dgu dang bdun dang lnga dang gsum/ /klu yi rgyal po'i gzugs byas te/ /mthing nag hUM phaT snying gar gzhug /gru gsum nang du mgo bo lhor/ /bstan te gan rkyal lta bur gzhag /de ltar rdzas rnams bsags nas ni//lha yi rnal 'byor bdag ldan pas/ /lcags kyu lnga dang sa bon lnga/ /'dod pa'i lha la dbul ba ste/ /sbrul dang sbal pa'i sha khrag sogs/ /bsgrub bya de nyid la ni sbyin/ /rta sha la sogs sna tshogs sha /nang gi bka' srung rnams la sbyin/ / 'bras chan la sogs gtor ma ni/ /phyi yi bstan srung rnams la sbyin/ /bdag nyid lha yi rnal 'byor bya/ /sa bon las ni sna tshogs pa'i/ /khro bo mtshon cha 'dzin pa yis/ /bsgrub bya'i cho ga dang bral nas/ /drangs te sa bon la ni bstim/ /snga ma'i sa bon nyid gyur pas/ /'gugs par byed pa'i sa bon byung //dzaHhUM baM hoHnI lAM ba ra badzra pA Ni aM ku sha dzaHA kaR+Sha ya che ge mo hUM dzaHhUM phaT/ gsang sngags 'di ni brjod pa las/ /lcags kyu thogs pa'i lha mo ni/ /dpag tu med pa bkug par bsam/ /dzaHhUM baM hoHbe+e waM ba ra badzra pA Ni che ge mo pra be+e sha ya phaT/ gzugs brnyan kha phye bstims la gzhag /sna tshogs nad kyis gzir ba dang / /lus 'dar sems ni gdung bar bsam/ /sta re la sogs mtshon gyis gzir/ /rlung nag gis g.yengs grang bas khyab/ /gcan gzan sogs kyis lus zos bsam/ /dam tshig bsrung phyir gtor ma sbyin//de nas phur bu mtshon cha thogs/ /gsad thabs gsum gyis gsad par bya/ /gnas bdun du ni phur bus gdab/ /hUM nga ni phyag na rdo rje ste/ /dus gsum sangs rgyas thams cad kyis/ /gdug pa 'dul phyir dbang bskur bas/ /stobs chen phyin las drag po yis/ /skad cig tsam yang mi gnas phyir//lus kyi gnad du gzir bar gyis/ /oM nI lAM ba ra badzra pA Ni che ge mo kI li kI la ya hUM hUM phaT phaT/ gsang ba'i bdag por bka' srung phyir/ /gsang ba'i dam tshig bstan par bya/ /oM nI lAM bar badzra pA Ni sa ma ye hUM phaT/ phyag na rdo rje'i dam tshig ste//phur pa'i lha dang che ge mo/ /dam tshig gnyan gyis 'da' bar/ /ci bsgo thams cad mnyan par gyis/ /hUM nga ro stobs chen drag po'i sgra/ /gdug pa gang zhig 'da' mi byed/ /nga yi mthu stobs drag po'i sgra/ /mgo bo tshal pa brgya ru 'gems/ /nyon cig ltos 'gro thams cad kun//mthu stobs drag po'i bka' ma 'da'/ /oM nI lAM ba ra badzra pA Ni che ge mo ha ra ha ra/ pra ha ra pra ha ra/ ts+tshin+da ts+tshin+da/ b+hin+d+ha b+hin+d+ha hUM phaT/ hUM rdo rje chen po rab 'bar tho/ /bka' las 'da' byed che ge mo/ /rdo rje chen pos snying bsregs nas/ /lus sems phra rab rdul du rlog / rdo rje tho ba'i gtun khung du/ /rdo rje tho bas gtams byas nas/ /lha yang thal bar rlag byed 'gyur/ /lha yi che ge mo des gsod/ /oM nI lAM ba ra badzra pA Ni che ge mo ha na ha na/ ha sa ha sa d+ha ra d+ha ra/ mA ra ya mA ra ya/ nA sha ya nA sha ya/ hUM phaT/ tar+ya thA hUM phaT/ rim pas gtor ma 'di sbyin no/ / bdag med dngos pos btab cing dbul/ /nges par sod nas mnan pa bya/ /dkon mchog gsum la sdang ba'i dgra/ /man ngag rim pas gsad par bya/ /thos pa mang zhing shes rab can/ /bla ma la gus ser sna med/ /yin gyi gzhan du sbyin mi bya/ /bag med pas ni gal te byin/ / 'bras bu mi 'dod sna tshogs ni/ /tshe 'di nyid la myong bar 'gyur/ /sdang dang gdug pas zin pa'i thabs/ /zab mo'i man ngag cung zad smras/ /de yi bsod nams ci bsags pa/ /sdang dang gdug pa 'dul bar shog/ /slob dpon dzA ba ri ba'i zhal snga nas mdzad pa'i khro bos gsad pa'i phrin las paN+Di ta de ba pUr+Na ma ti dang /