CLOSE WINDOW

D2151
བོད་ཡིག

/ //bal po'i paN+Di ta de wa pUr+Na ma ti dang / bod kyi lo tsA ba chos kyi bzang pos bsgyur ba'o//[ ]@##/ /rgya gar skad du/ nA ga ku la tsa twa ri sA d+ha nAM nA ma/ bod skad du/ klu rigs bzhi'i sgrub thabs zhes bya ba/ phyag na rdo rje la phyag 'tshal lo/ / thugs rje byams pas 'gro ba rnams lam bzhin brtse bar mdzad/ /gdug pa 'dul phyir khro rgyal 'bar ba'i skur ston pa/ /byol song rgyan ldan bskal pa'i me ltar 'bar/ /bzod dka' gdug pa'i nad las thar mdzad de la dngos po kun gyis 'dud/ /byams pas zhe sdang zhi ba dang / drag pos nye rings gsang ba'i phyir//de yi sgrub thabs gzung ba'i phyir/ /bla ma'i drin gyis thob nas brtsam/ /gang zhig bsnyen pa rdzogs pa yis/ /gang zhig dbang du bsdu 'dod na/ /klu yi sgrub dang 'khrul 'khor dang / /sbyor ba brtsam par bya ba yin/ /dang po gnas chen yid 'ong du/ /bsnyen pa sngon du rdzogs byas te/ /klu brgyad gzugs ni 'khar gzhong gzhag /rang nyid lha yi skur bsgoms na/ /dus gsum klu la mchod pa bya/ /rtags dang rmi lam brtags nas ni/ /de las bzlog pa'i las brtsam ste/ /mtshams bcad sa yi cho ga bya/ /stegs bu byi dor legs byas te/ /sta gon cho ga rgyas byas la/ /de nas rdzas rnams bsag par bya/ /'bras kyi rgyu las byas pa yi//klu chen brgyad ni sbrul mgo can/ /dngul gzhong nang du bsag par bya/ kha dog tshon gyis bsgyur la gzhag /so so lto 'phye'i mgo bo ni/ /dgu dang bdun dang lnga dang gsum/ /skyes pa bud med mdzes pa dang / /sbrul dang sbal pa lcong mo dang / /nya dang rus sbal rkang mangs dang / /sdig pa phag dang mdzo rtol dre/ /gzhan yang gang byung gzugs bya'o//de nas thig dang tshon dgye zhing / /dbus kyi lte ba zlum po la/ /gtso bo dbus su bris nas ni/ /'dab ma brgyad la klu brgyad bri/ /phyi rol gyi ni 'dab ma la/ /'khor du gtogs pa so sor bri/ /shar la sogs pa'i phyogs rnams su/ /skyes pa bud med la sogs bri/ /mtshams su lcong mo nya sogs dgod/ / steng du sdig pa phag sogs bri'o/ /steng du 'khar gzhong klu chen brgyad/ /bar khyams lha yi snam bu la/ /klu dang gnyan dang sa bdag gsum/ /rim gyis mnyam par dgod par bya/ /bla rgyan 'og rgyan 'byor tshad dgram/ /'bru lnga sman lnga'i gtor ma dang / /nA ga ge sar kaN+Da ka ri dang / /nA ga puSh+pa rgya mtsho dbu ba dang / /chu srin sder mo dbang po lag pa dang //bal po'i se'u smyag shad lcug ma dang / /nI lot+pa la 'dam bu'i rtsa ba dang / /dar tshon sna lnga ras skud dmar po dang / /li khri dmar po dang ni ga bur shel/ /pu shel tse dang ljon shing 'dam bu tshal/ /dkar gsum mngar gsum 'bras chan khur ba'o/ /de nas/ 'dod yon lnga yi 'khor lo ni/ /gru bzhi sgo bzhi b+h+rUM las ni/ / 'dab bzhi 'dab brgyad bskyed par bya/ /phuHlas klu brgyad klu chen te/ /'khor yang de bzhin bskyed byas nas/ /gtso bo sgrub thabs las gsungs bzhin/ /spyan drangs bstim pa la sogs kyis/ /klu la sogs pa de bzhin dgug /oM rgya mtsho chen po'i klong dkyil nas/ /gtsug na rin chen klu yi rje/ /nor rgyas bu dang dung skyong dang //dga' bo dang ni 'jog po dang / /pad+ma dang ni chu lha dang / /stobs kyi rgyu dang ma dros dang / /klu chen brgyad po 'khor dang bcas/ /gnas 'dir mchod kyis gshegs su gsol/ /rgyal rigs dang ni bram ze'i rigs/ /rje rigs dang ni gdol ba'i rigs/ /gnas 'dir mchod kyis gshegs su gsol/ / klu bran gnyan dang sa bdag tshogs/ /sprul ba 'bum sde 'khor dang bcas/ /gnas 'dir mchod kyis gshegs su gsol/ /me tog la sogs mchod pa lnga/ /'dod pa'i lha la dbul bar bya/ /gtor ma rnams kyang so sor dbul/ /nA ga ge sar sman gyi mchog /sngags dang phyag rgyas byin brlabs nas/ /ting 'dzin 'phro 'du'i brdas bkrol te//klu chen brgyad la mchod pa dbul/ /sngon gyi dam tshig slar dul la/ /zhe rings dug las slar dul zhig /kaN+Da ka ri nA ga puSh+pa dang / /rgya mtsho dbu ba chu srin sder mo dang / /dbang bo lag ba nA ga ge sar dang / /bal po se'u smyag shad lcug ma dang / /nI la ut+pal 'dam bu'i nags tshal dang / /dar tshon sna lnga'i ras skud dmar po dang //li khri dmar po ga bur shal dang ni/ /pu shel rtse dang dung g.yas 'khyil ba dang / /shu dag dkar po snying ni zho sha dang / /mkhal ma zho sha stag pa'i shun pa dang / /seng ldeng dkar dmar klu sman sna tshogs kyis/ /klu rnams kun la rab tu mchod par bya/ /mchod pa phul nas bzlas pa bya/ /oM nA ga ha ra ha ra nA ga phu//pra ha ra pra ha ra nA ga phu/ tshin+da tshin+da nA ga phu hr-i da ya ni phu/ b+hin+da b+hin+da nA ga d+ha ma ni phu/ bi si ma ta nA ga sha rI ra Ni phu/ pi s+pho Ta ya nA ga na ya ni phu/ nA ga bi dA ra Na ya phu/ nA ga kro d+ha na ya phu swA hA/ oM a nan+da ya hUM nAM hUM swA ha/ oM bA su ki hUM nAM hUM swA hA/ oM tak+Sha ka hUM nAM hUM swA hA/ oM pad+ma hUM nAM hUM swA hA/ oM ma hA pad+ma hUM nAM hUM swA hA/oM shaM kha pA la hUM nAM hUM swA hA/ oM karko Ta hUM nUM hUM swA hA/ oM a Na wa ta tUM nAM hUM swA hA/ oM nA ga ku la tsa twa ri shAn+ti swA hA/ oM nA ga pra ti s+pho Ta ya swA hA/ oM nA ga pra pany+tsa bu nye ba swA hA/ oM ta thA ga ta hr-i da ya hUM swA hA/ oM ta thA ga ta hr-i da ya tsa le tsa le hUM phaT/ kun la brgya brgya bzlas par bya/ /gtsug na yid bzhin nor bu can//mig ni gdengs pa lto 'phye'i rigs/ /klu chen brgyad po mthong ba'i dug /bzod dka'i dug rnams phyir phyung shig /lus chen mgo bo tha dad pa'i/ /zhe sdang drag po rgyas pa yi/ /rigs bzhi klu rgyal yid kyi [(]dung [,]dus[)]/ /bzod dka'i dug rnams phyir phyung shig /gsher la gnas pa mdzangs pa'i rigs/ /gtsang ma phal la gnod mi byed//klu bran 'bum sde reg pa'i dug /bzod dka'i dug rnams phyir phyung shig /zhe rings nag po bya lo song rigs/ /rmig bzhi lcags las na bun 'thibs/ /gnyen chen 'bum sde kha blangs dug /bzod dka'i dug rnams phyir phyung shig /dman pa'i cha 'dzin zhe sdang can/ /bden pa mi nyan kun la gnod//sa bdag 'bum sde mche ba'i dug /bzod dka'i dug rnams phyir phyung shig /dregs pa zhe sdang 'bar ba yi/ /glen pa nga rgyal mthu bo che/ /'gro ba 'di la gang gnod pa/ /bzod dka'i dug rnams phyir phyung shig /sbyor gzhan rab tu khros pa'i pho nya ni/ /sprul pa 'bum sde 'gro ba'i gnod pa skyel//sman dang sngags dang phyag rgya ting 'dzin gyis/ /bzod dka'i dug rnams phyir phyung shig /de ltar bsnyen pa sngon song bas/ /mchog tu sgrub pos dug phyung nas/ /rmi ltas rim pa so sor gsal/ /thub rtags byung na rdzas rnams ni/ /rten yod gnas su spa bar bya'o/ /gal te mi thub rtags byung nas/ / cho 'phrul drag po ston byed na/ /'khrul 'khor las kyi sbyor ba brtsam/ /bsad pa'i las kyi sbyor ba ni/ /'khor lo chen po la brten nas/ /klu grub dkyil 'khor shar phyogs su/ /thabs bzlog pa yi las bya ste/ /byang du gsad pa'i las bya'o/ /srog nan nan phaT phaT/ pra raM dz+wa la dz+wa la phaT phaT/ shad shad shig shig phaT phaT/mA ra ya hUM phaT/ rigs bzhi klu la mnan pa bya/ /rA dza ku le'i them pa'am/ /yang na sgrub khang them 'og tu/ /dbyar gyi khyim gsum tha ma la/ /drug gnyis bzhi yi nyin phyed na/ /shin tu dam par sba bar bya/ /rgya gram 'bar bas steng nas mnan/ /ji ltar bstan pa'i ting 'dzin gyis/ / ri rab glang la bskor nas ni/ /bskal pa'i mtha' ru mnan par bsam/ /mthu stobs chen po'i nga ro yis/ /phreng ba'i sngags ni rab bzlas shing / /rgya gram 'bar bas stang stabs bya/ /mos pa rang 'dod lha mnyes te/ /sgrub pas mngon sum snang bar mdzad/ /rtsol ba drag pos rtog pa'i nad las thar/ / yun du ma btang dang ldan ngang bsrings na/ /tak+Sha ka yis bzung bar gyur pa yang / /zla ba drug gis bzlog 'gyur the tshom med/ /gang zhig rang sems dpang du btsugs nas ni/ /the tshom med par rtag tu ma brjed na/ /rtog pa'i nad las thar cing dngos grub 'byung bar nges//'gro la brtse bas klu sgrub 'khrul 'khor brtsams/ /'di las bsod nams dge rtsa ci yod pa/ /gang mos rtog pa'i nad las thar gyur nas/ /de bzhin gshegs pa rnams kyi zhal mthong shog /rin chen dkon mchog gsum la phyag 'tshal nas/ /dngos grub sdug bsngal thams cad zhi bar shog /