CLOSE WINDOW

D2148
བོད་ཡིག

dngos grub brnyes pa'i dzA ba ri pas sa ba ri pa la man ngag tu zhus pa rdzogs so// //paN+Di ta de nyid dang paN+Di ta de ba pun+ya ma ti dang / lo tsA ba chos kyi bzang pos bsgyur ba'o//[ ]@##/ /rgya gar skad du/ nI lAM bar d+har badzra pA Ni ma hA ya k+Sha ka la paM ma hA tsakra sA d+ha na nA ma/bod skad du/ gnod sbyin gyi sde dpon chen po lag na rdo rje gos sngon po can gyi sgrub pa'i thabs 'khor lo chen po zhes bya ba/ dpal phyag na rdo rje la phyag 'tshal lo/ /'gro ba kha cig sa bon gnas dang rtsol rkyen gyis/ /gdug pas zin cing dug dang khrag ni 'dres gyur pa//thabs gzhan du ma gang gis 'byed par mi nus te/ /'dab bzangs rgyal pos chu dang 'o ma 'byed pa bzhin/ /gdug pa 'dul phyir dbang bskur ji srid mnyes byas pas/ /des ni 'byed cing gsal bar phod pa yin pa ste/ /brgyad khrir zhabs nub 'jig dus me dpung nang 'dug pa//gdug pa'i dgrar gyur ljags 'dril dbugs tsha mi shigs 'dzin/ /byol song rgyan ldan mche ba gtsigs shing nga ro 'jigs/ /de la lus ngag yid gsum dang bas gus btud de/ /ji srid mnyes byas dam pa'i drin gyis man ngag ri/ /rang nyams myong bas dug zin sgrub po rjes su dran//de la rgyal po dang rkun po dang stag la sogs pa ya nga ba thams cad dang bral ba'i ri'am/ yid du 'ong ba'i gnas 'du 'dzi med pa gang yang rung bar rnal 'byor bas khrus byas te/ stan bde ba la 'dug nas rang gi snying gar nyi ma la gnas pa'i yi ge hU~M bsams te/de'i 'od zer gyis phyogs bcu na bzhugs pa'i gang+gA'i klung gi bye ma snyed kyi sangs rgyas rnams dang / bla ma dang byang chub sems dpa' rnams bskul te byon par bsams la mchod pa lngas yang dag par mchod la sdig pa bshags pa la sogs pa bya'o/ /de'i rjes la byams pa dang snying rje dang dga' ba dang btang snyoms zhes bya ba tshangs pa'i gnas bzhi bsgom par bya'o//de nas gcig dang dum dang bral ba'i blos phyi nang gi dngos po thams cad stong zhing bdag med par bsam mo/ /oM ma hA shU n+ya tA dz+nyA na badzra swa b+hA wa At+ma kou0f85haM zhes bya bas mi g.yo bar bya'o/ /de nas g ur dang rab la sogs pa sa bon las bsams te/sa bon gyi yi ge las byung ba yongs su gyur pa las gzhal yas khang gru bzhi 'khor lo rtsibs bzhi mu khyud dang bcas pa sgo bzhi rta babs bzhi dang ldan pa dur khrod chen po'i dbus su'o/ /de'i lte ba la tshangs pa dang / brgya byin gyi thog na nyi ma dang zla ba/shar dri za/ lhor gshin rje/ nub chu lha/ byang gnod sbyin de rnams kyi steng du nyi ma'o/ /yi ge hUM las byung ba'i nyi zla'i thog tu ni/ sprin sgra'i yi ge yongs su gyur pa las thod pa dang khro bo'i rdo rje rtse lnga pa bsam mo/ /de'i 'od kyis phyogs bcu gang+gA'i klung gi bye ma snyed kyi sangs rgyas rnams spyan drangs te/bstims nas de yongs su gyur pa las sangs rgyas gos sngon po can zhal gsum phyag drug pa/ zhabs g.yas bskum g.yon brkyang pa/ sku mdog mthing nag spyan gsum me'i phung po 'dra ba/ smin ma dang dpral bar khro gnyer du bsdus pa/ ljags 'dril zhing mche ba gtsigs pa/nga ro'i sgra 'byung zhing dbugs me ltar 'bar ba/ dbu skra kham pa gyen du brdzes pa/ ral pa'i cod pan la sogs pa la sbrul mgo brgyad kyi gdengs ka yod pa/ de'i dkyil na sangs rgyas thams cad kyi ngo bo mi bskyod pa sku mdog sngon po g.yon brkyang g.yas bskum pas bzhugs pa/gdug pa can zhe la mnan nas sdigs mdzub can no/ /zhal g.yas dung dang 'dra ba g.yon pad+ma rA ga 'dra ba dbus sku dang mthun pa zla ba'i dkyil 'khor ltar rgyas pa'o/ /gsus pa yangs shing gsus pa 'khyil ba ste/ phyag g.yas kyi dang po rdo rje 'phyar ba/g.yon dang po sdigs mdzub 'chang ba/ bar pa gnyis yum la 'khyud pa/ tha ma gnyis sbrul rked pa nas gzung zhing za ba'o/ /rang gi snying gar nyi ma la gnas pa'i yi ge hU~M dang ldan pa'i gos sngon po stag gi ris can mnabs pa'o/ /klu rigs bzhi rgyan du byas pa ni nor rgyas dang dung skyong gis dbu la brgyan pa/dga' bo dang nye dga' 'bar bas snyan cha byas pa/ pad+ma dang chu lhas lag pa brgyan pa/ stobs kyi rgyu dang rigs ldan khar za ba can gyi ska rags byas pa ste/ de ltar bdud la sogs pa brlag pa can du bdag nyid bsgom mo/ /lha mo mdzes ldan sku mdog mthing nag zhal gcig phyag gnyis pa/phyag g.yas pa gri gug gtso bo la 'khyud pa/ g.yon pa thod pa khrag gis gang ba gtso bo'i zhal du stobs pa'o/ /de'i sbyor ba'i mtshams nas shar phyogs kyi pad+ma'i steng du thig le kha sbyor 'phros pa las thod pa dang / rdo rjer gyur te rdo rje yongs su gyur pa las/khro bo bdud las rgyal byed sku mdog dkar po zhal gcig phyag bzhi pa g.yas kyi dang po rdo rje 'phyar ba/ g.yon gyi dang po rtse gsum pa 'dzin pa/ 'og ma gnyis sdigs mdzub brang du bsnol bas yum la 'khyud pa/ gos sngon po stag gi ris can mnabs pa'o/ / thod pa de yongs su gyur pa las lha mo 'od zer can sku mdog dkar mo zhal gcig phyag gnyis pa phyag g.yas pa spu gris gtso bo la 'khyud pa/ g.yon pa b+han d+ha khrag gis bkang ba gtso bo'i zhal du stobs pa'o/ /lho phyogs kyi pad+ma'i steng du thig le kha sbyor 'phros pas thod pa dang rdo rjer gyur te/rdo rje de yongs su gyur pa las khro bo rdo rje gzi brjid 'bar ba sku mdog ser po zhal gcig phyag bzhi pa/ g.yas dang po rdo rje 'phyar ba/ g.yon gong ma dbyug to 'dzin pa 'og ma gnyis sdigs mdzub bsnol ma yum la 'khyud pa/ gos sngon po stag gi ris can mnabs pa'o//thod pa de yongs su gyur pa las lha mo mdangs can ma sku mdog ser mo zhal gcig phyag gnyis pa g.yas na zangs gri/ g.yon na thod pa khrag gis bkang nas zhal du stob cing gtso bo la 'khyud pa'o/ /nub phyogs kyi pad+ma'i steng du thig le kha sbyor 'phros pa las thod pa dang rdo rjer gyur te/rdo rje yongs su gyur pa las khro bo rngam pa sgra sgrogs sku mdog dmar po zhal gcig phyag bzhi pa/ g.yas dang po rdo rje 'phyar ba/ g.yon dang po sbrul zhags 'dzin pa/ 'og ma gnyis sdigs mdzub bsnol ma yum la 'khyud pa'o/ /thod pa de yongs su gyur pa las/ / lha mo sgra can ma sku mdog dmar mo zhal gcig phyag gnyis pa/ /g.yas pa na sta re g.yon pa thod pa gtso bo la 'khyud pa'o/ /byang phyogs su pad+ma'i steng du thig le kha sbyor 'phros pa las rdo rje dang thod par gyur te/ rdo rje de yongs su gyur pa las khro bo bdud rtsi 'khyil pa sku mdog ljang gu zhal gcig phyag bzhi pa phyag g.yas kyi dang po rdo rje 'phyar ba/g.yon gong ma be con 'dzin pa/ 'og ma gnyis sdigs mdzub bsnol bas yum la 'khyud pa/ gos sngon po stag gi ris can mnabs pa'o/ /thod pa de yongs su gyur pa las lha mo rlung 'byin ma sku mdog ljang gu zhal gcig phyag gnyis pa phyag g.yas na 'khor lo/g.yon na thod pa gtso bo la 'khyud pa'o/ /shar gyi sgor thig le 'phros pa las/ lcags kyu de yongs su gyur pa las lha mo lcags kyu ma sku mdog dkar mo zhal gcig phyag gnyis pa phyag g.yas na lcags kyu thogs pa'o/ /lho'i sgor thig le 'phros pa las zhags par gyur te/de yongs su gyur pa las lha mo zhags pa ma sku mdog ser mo zhal gcig phyag gnyis pa zhags pa bsnams pa'o/ /nub kyi sgor thig le 'phros pa las lcags sgrog tu gyur te/ de yongs su gyur pa las lha mo lcags sgrog ma sku mdog dmar mo zhal gcig phyag gnyis na lcags sgrog bsnams pa'o//byang gi sgor thig le 'phros pa las dril bur gyur te/ de yongs su gyur pa las lha mo dril bu ma sku mdog ljang gu zhal gcig phyag gnyis pa/ phyag na dril bu bsnams pa zla ba'i steng na thabs shes rab kyi tshul gyis bzhugs pa'o//de nas rang gi snying ga'i nyi ma'i dkyil 'khor la gnas pa'i yi ge hUM las 'od zer 'phros pas dam tshig gi dkyil 'khor ci 'dra ba'i ye shes kyi dkyil 'khor spyan drangs nas mdun gyi nam mkha' la bzhugs pa la phyag 'tshal zhing / snying gnas mchod pa'i lha mo rnams kyis yang dag par mchod pa la sogs pa byas te/de nas dzaHhU~M baM hoHzhes pa'i phyag rgya bzhis dgug pa dang / gzhug pa dang bcing ba la sogs pas tha mi dad par bya'o/ /de'i rjes la sangs rgyas gang+gA'i klung gis sku dang gsung dang thugs byin gyis brlab pa'i phyir/ oM dang AHdang hU~M ste dkar po dang dmar po dang mthing ga'i rim pas spyi bo dang mgrin pa dang /snying gar nyi ma'i dkyil 'khor la gnas par bsgom mo/ /de nas snying ga na gnas pa'i hUM las 'od zer 'phros pas gang+gA'i klung gi sangs rgyas rnams spyan drangs te/ de dag kun gyi phyag na bum pa rdo rje rtse lnga bas mtshan pas snyoms par 'jug pa'i dam tshig gi dkyil 'khor la dbang bskur ro//de nas gtso bo nas byang sgo la thug par bsgom mo/ /skyon thun mtshams bzhir rnal 'byor pas bsnyen pa dbul bar bya'o/ /de ltar lha ni gsal ba dang / /sa bon rab tu 'bar ba yis/ /kha sbyor nyi zla'i 'phro 'du las/ / thabs dang shes rab sbyor bas ni/ /bde chen rab tu gso mdzad nas/ /sdug bsngal nyon mongs 'joms mdzad pa'i/ /thig le'i rang bzhin mi shigs kyis/ /bgegs rigs stong phrag 'joms par mdzad/ /ces bya bas bsgom pa bstan nas/ gtor ma btang la yang dag par mchod nas skyo bar gyur na sangs rgyas gang+gA'i klung gis gsungs pa 'di bzlas pa bya ba ste/tad+ya thA/ b+ho b+ho bAn nA ga a d+hi pa ta ye i daM nI lA m+ba ra d+ha ra sha rI raM badzra pA Ni hr-i da yan ya sa ma ti kra ma ti utshA d+ha naM b+ha bi shud+d+hi hUM hUM/ oM badzra kra ma ya phaT/ kr-i tA n+tA ya phaT/ kr-i tAn+ta u0f85rU pa ya phaT/ ro Sha NA ya phaT/ oM bi dA ra NA ya phaT/ kr-i d+ha sA d+ha nA ya phaT/ nI laM ba sa nA ya phaT/ a pra ti ha ta bA la ya phaT/ ha ra ha ra/ d+ha ra d+ha ra/ pra ha ra pra ha ra/ mA ra ya mA ra ya/ tshin+da tshin+da/ ha sa ha sa/ b+hin+da b+hin+da/ d+hA ra ya d+hA ra ya/ /zhes bya ba'i gsang sngags bzlas par bya'o/ /de nas spyod lam gyis gnas par bya'o/ /rigs pas rang byung sku nyid rang gsal rtogs//bla ma dang 'grogs dam pa'i drin gyis thob/ /rjes su gzung phyir rang nyams myong bas brtsams/ /zla ba ltar gsal dag cing dri med des/ /'gro kun rtog pa'i dri mar bzhi nas/ /'bras bu phyag na rdo rje dang 'drar shog /slob dpon chen po dzA ba ri pas mdzad pa'i sgrub thabs 'khor lo chen po zhes bya ba rdzogs so/