CLOSE WINDOW

D2146
བོད་ཡིག

ye shes kyi mkha' 'gro ma grub pa'i rgyal mos mdzad pa rdzogs so//[ ]@##/ /rgya gar skad du/ b+ha ga ba ti a pa ri mi ta A yudz+nyA na maN+Dal bid+hi nA ma/ bod skad du/ bcom ldan 'das tshe dang ye shes dpag tu med pa'i dkyil 'khor gyi cho ga zhes bya ba/ mgon po tshe dpag tu med pa la phyag 'tshal lo/ /dad ldan mgon la gus pa yis/ /nags 'dab chu gling dgon par ni/ /rang dang slob ma'i don gyi phyir/ /bsnyen pas cho ga ste gon dang / /dkyil 'khor chen po bsgrub par bya/ /de la dang po bsnyen pa ni/ /rab dkyil 'khor gyi lha tshogs dngos su mthong ba/'bring rmi lam du mthong ba/ tha ma yang lung bstan thob pa'o/ /grangs kyi bsnyen pa 'bum tsho bdun/ /'bring gsum/ /tha ma khri'am bla ma'i rjes gnang thob pa'o/ /sa'i cho ga ni rgyud las/ /dkyil 'khor so ni brtag pa blang ba dang / /sbyang ba dang ni byin brlabs gzung ba'o/ /zhes gsungs pas/ sa chog rgyas par gzhan du shes par bya'o/ /sta gon la bzhi ste/ lha sta gon/ /bum pa sta gon/ sa'i lha mo sta gon/ sbyin sreg sta gon/ slob ma sta gon rnams gzhan bzhin bya'o/ /de nas dkyil 'khor chen po'i cho ga bshad par bya'o/ /dang po ni tshon sna lnga'i thi gu rigs lnga yab yum dang bcas pa/ bde stong dbyer med du byin gyis brlab par bya'o/ /de nas nam mkha' la dam tshig gi thig chen brgyad btab la/ mchod bstod byas nas sta gon gyi lha dang dbyer med du bsam mo/ /de ltar ye shes kyi thig gi rjes su dam tshig gi thig gdab pa ni/ slob dpon shar du blta/ slob ma nub tu blta/ tshangs thig dang po gdab//de nas lho byang dang mtshams su thig chen brgyad gdab/ /de la bcu drug tu bgos nas gsum pa man chad la 'dab brgyad phyogs tshon dbus dmar po'o/ /bzhi pa khyams la shar dkar po'am mthing ga /lho ser nub dmar byang ljang / rtsig pa lnga dang ldan pa/ 'dod yon dmar pha gu ser/ dra phyed sngo mda' yab dmar po mchod rten dang ldan pa/ rta babs cha bzhi mchod rten du yod pa'o/ /de yang rdo rje me ri rab tu 'bar ba dang bcas pa bri bar bya'o/ /de yang tshon byin gyis brlab pa ni/ yab yum bde stong dbyer med du bsam pa'o/ /tshon lnga phyogs bzhi dang dbus su bzhag la sa bon bris te rigs lngar bskyed nas mchod bstod byas la bri'o//de yang shar du slob dpon gyis ban rag sor brgyad bris la gra brtag par bya'o/ /de nas sku tsa ka li'am me tog tshom bu bkod pa'am/ phyag mtshan rnams bkod pa'o/ /de ltar sku gsung thugs gang bkod pa'i rjes la/ gtso bo'i bum pa shar phyogs rdo rje ra ba'i nang du'o//las bum shar me ri'i steng du bum pa rgyas par dgod na god bzhin no/ /de nas mchod pa dang gtor ma dang 'byor ba'i yo byad kyis dkyil 'khor gyi mtha' ma bskor/ mda' dang phur pa dang gri brgyad phyogs mtshams su btsugs la steng 'khor lo rtsibs brgyad la phyogs dra mig tu yod pa bya'o//de nas rang nyid bskyed chog ji lta ba bzhin du bsgom/ /dkyil 'khor dang bum pa'i nang du lha tshogs bskyed la sgrub thabs bzhin 'chi med ye shes bdud rtsis gang ba la rang gis dbang blang bar bya'o/ /slob ma la ji tsam bskur ba de rang gis blang bar bya'o/ /de nas slob ma rnams khrus byas gos so ma gon nas yol ba'i phyi rol du 'khod pa la bgegs bskrad/kr-i ya dpung bzang ltar gtor ma gtang ngo / /de nas slob ma rnams phyag byas la me tog dang bcas pas/ /gong bzhin du/ dga' chen khyod bdag ston pa pas/ /gsol ba lan gsum gdab par bya'o/ /de nas sdig pa bshags pa dang rjes su yi rang ba la sogs pa yang gong bzhin byas la/me tog dang bcas pas gsol ba gdab pa ni/ slob dpon bdag la dgongs su gsol/ /thub chen nyi ma ma lus pa/ /sangs rgyas rnams ni dgongs su gsol/ /bdag ming 'di zhes bgyi ba yis/ /slob dpon ye shes spyan mnga' ba'i//sangs rgyas rol mo las byung ba'i/ /mi ldog 'khor lo'i 'byor bar ldan/ /thar pa chen po'i grong khyer mchog /gsang ba chen por 'jug par bgyi/ /gsang ba mchog tu thams cad du/ /slob dpon gyis ni bdag 'jug 'tshal/ /phyir mi ldog par dbang bskur ba'i//skal pa chen po bdag la stsol/ /mtshan rnams kun gyis rgyas btab cing / /dpe byad rnams dang yang dag ldan/ /sangs rgyas sku ni yid 'ong ba/ /slob dpon chen po bdag la stsol/ /dbang bskur ba ni rmad 'byung che/ /sems can kun gyi don gyi phyir/ /rtag tu bdag ni slob dpon 'gyur//slob dpon chen po bdag la stsol/ /zhes lan gsum gsol ba btab par bya'o/ /de nas slob dpon gyis slob ma la dri ba ni/ /bcom ldan tshe dpag med pa yi/ /gsang ba yongs su 'dzin par ni/ /bdag nyid chen po khyed 'dod dam/ /slob mas 'tshal lags zhes brjod do/ /de nas rigs kyi sdom pa'i dam tshig bsgrags pa ni//sangs rgyas chos dang dge 'dun te/ /dkon mchog gsum la skyabs su song / /'di de sangs rgyas rigs dag pa'i/ /sdom pa brtan por gyur pa yi/ /rdo rje dril bu phyag rgya yang / /blo chen khyod kyis gzung bar bgyi/ /byang chub sems gang rdo rje de/ / shes rab dril bu zhes bshad do/ /slob dpon nyid kyang gzung bar bgyi/ /bla ma sangs rgyas kun dang mnyam/ /'di ni rdo rje rigs dag pa'i/ /sdom pa dam tshig yin par gsungs/ /rin chen rigs mchog chen po la/ /nyin dang mtshan mo lan gsum du/ /zang zing chos dang mi 'jigs byams/ / sbyin pa rnam bzhi rab tu sbyin/ /phyi nang gsang ba theg pa gsum/ /dam pa'i chos kyang gzung bar bgyi/ /'di ni pad+ma'i rigs dag pa'i/ /dam tshig sdom pa yin par gsungs/ /las kyi rigs mchog chen po la/ /sdom pa thams cad ldan par ni/ /yang dag nyid du gzung bar bgyi/ /mchod pa'i las kyang ci nus bgyi//de las gzhan pa bcu bzhi ni/ /spang zhing dor bar mi bya ste/ phas pham par ni rab bshad de/ /rtsa ba'i ltung ba zhes bshad do/ /nyin dang mtshan mo lan gsum du/ /nyin re bzhin du blang bar bya/ /gang tshe nyams gyur rnal 'byor pa/ /kha na ma tho sbom por 'gyur/ / khyod kyis srog chags gsad mi bya/ /ma byin par yang mi blang ngo / /'dod pa log par mi spyad cing / /brdzun du smra bar mi bya'o/ /phung khrol kun gyi rtsa ba ste/ /chang ni yongs su spang bar bya/ /sems can don phyir ma gtogs par/ /bya ba ma yin thams cad spang / /dam pa nye bar bsten bya zhing / /rnal 'byor pa rnams bsnyen bkur bya//lus kyi las ni rnam gsum dang / /dag gi las ni rnam bzhi dang / /yid kyi las ni rnam gsum po/ /ci nus par ni rnam par spang / /theg pa dman la 'dod mi bya/ /sems can don la rgyab phyogs min/ /'khor ba dag kyang yongs mi spang / /rtag tu mya ngan 'das mi chags//lha dang lha min gsang ba la/ /khyod ni bsnyen par mi bya zhing / /phyag rgya mtshon cha bzhon pa dang / /mtshan ma bgom par mi bya zhing / /'di dag dam tshig yin par gsungs/ /'di las rtag tu mi 'da' bar/ /khyod kyis rtag tu bsrung bar gyis/ /zhes lan gsum brjod pa'i tshe slob mas nyan par bya'o//de nas slob mas sdom pa 'di ltar khas blang bar bya ste/ slob dpon deng 'dir bdag la gson/ /gtso bos ji ltar bka' stsal pa/ /de ltar bdag gis bgyid par 'tshal/ /zhes lan gsum brjod do/ /de nas rigs lnga'i sdom pa khas blang ba ni/ /sangs rgyas byang chub sems dpa' rnams//ci tsam dus nas bzung nas su/ /ma lus bdag la dgongs su gsol/ /bdag ming 'di zhes bgyi bas su/ /nam zhig byang chub snying po la/ /yongs su gnas kyi bar dag tu/ /bdag gis byang chub mchog gi sems/ /ma lus par ni bskyed par bgyi/ /ji ltar dus gsum mgon po rnams//byang chub ni nges mdzad pa'i/ /byang chub sems ni bla na med/ /dam pa bdag gis bskyed par bgyi/ /sangs rgyas rnal 'byor sdom pa la/ /tshul khrims kyi ni bslab pa dang / /dge ba'i chos ni sdud pa dang / /sems can don byed tshul khrims gsum/ / bdag gis brtan por gzung bar bgyi/ /sangs rgyas chos dang dge 'dun te/ /bla na med pa'i dkon mchog gsum/ /deng nas brtsams te gzung bar bgyi/ /nam du yang ni mi spang ngo / /rdo rje rigs mchog chen po yi/ /rdo rje dril bu phyag rgya yang / /yang dag nyid du gzung bar bgyi//slob dpon dag kyang gzung bar bgyi/ /rin chen rigs mchog chen po yi/ /dam tshig yid du 'ong ba la/ /nyin re bzhin du dus drug tu/ /sbyin pa rnams bzhi rab tu sbyin/ /byang chub chen po las byung ba'i/ /pad+ma'i rigs mchog chen po la/ /phyi dang gsang ba theg pa gsum//dam pa'i chos ni gzung bar bgyi/ /las kyi rigs mchog chen po la/ /sdom pa thams cad ldan par ni/ /yang dag nyid du gzung bar bgyi/ /mchod pa'i las kyang ci nus bgyi/ /byang chub sems ni bla na med/ /dam pa bdag gis bskyed bgyis nas/ /sems can kun gyi don gyi phyir//bdag gis sdom pa ma lus gzung / /ma grol ba rnams dgrol bar bgyi/ /ma bsgral ba rnams bsgral bar bgyi/ /dbugs ma phyung rnams dbugs dbyung zhing / /sems can mya ngan 'das la dgod/ /ces lan gsum brjod par bya'o/ /de nas sems bskyed pa ni/ /slob ma skad cig gis//tshe dpag med mgon por bskyed la/ rdo rjes dri'i thig le snying gar byas la/ /de zla ba'i dkyil 'khor du bsams nas/ o hrIHb+h+rUM A yudz+nyA na badzra yi ge tsit+ta ut+pA da yA mi zhes brjod pa ni kun rdzob byang chub kyi sems so/ /yang snying gar rdo rje bzhag la/ zla ba'i steng du rdo rje rtse lnga pa bsgom du gzhug /de nas oM badzra su ra ta sa ma ya s+t+wAM bo d+hi tsit+ta ya thA su khaM sa ma ya ha ho/ /zhes don dam byang chub kyi sems bskyed par bya'o/ /de ltar slob ma lhar bskyed pa de'i sku gsung thugs byin gyis brlab/ mchod pa rnam pa lnga dbul bar bya'o/ /de'i rjes la slob ma de rnams shar sgo dang lho sgo nub sgo byang sgo rnams nas yid kyis 'jug par bya'o//de nas slob ma la spro ba bskyed pa'i sgo nas dam bsgrag pa ni/ snying gar rdo rje bzhag la/ /mi yi srid pa legs thob pas/ /dus 'dir sangs rgyas rigs su chud/ /nga yis yi shes dbang thob pas/ /tshe 'di nyid la sangs rgyas thob/ / gang zhig 'di nyid ma mthong ba'i/ /mdun du smra bar ma byed cig /gal te smras na dam tshig nyams/ /des na mchog tu gsang bar bgyi/ /lan cig brjod do/ /de nas ye shes sems dpa'i sgo nas dam bsgrag pa ni/ /slob ma'i spyi bor rdo rje bzhag nas tshe dpag med tu bsams nas lus la bstims la//'di ni khyod kyi dam tshig ste/ /gang la smras na klad pa 'gems/ /srog la babs kyang mi smra'o/ /gsang bas dngos grub mchog tu 'gyur/ /zhes brjod do/ /de nas dam tshig gi chu sbyin pa ni/ sbrang gi chu dang yab yum zhu ba gnyis su med par bsams nas slob ma la byin la/ 'di ni khyod kyi dmyal ba'i chu//dam tshig 'das na sreg par byed/ /dam tshig bsrungs na dngos grub thob/ /ye shes bdud rtsi'i chu 'di 'thung / /oM hrIHb+h+rUM dz+nyA na badzra ya ta hUM zhes brjod do/ /de nas khyad par du rdo rje slob dpon gyi dam bsgrag pa ni/ rdo rje dril bu mgor bzhag la/ /dus 'di nyid nas bu khyod kyi/ /rdo rje 'dzin pa nga yin gyi//nga yis 'di skad bka' stsal pa/ /khyod kyis gus pas nyan par gyis/ /gal te nga la brnyas pa na/ /sangs rgyas thams cad brnyas pa yin/ /mos dang gus pa ma byas na/ /bdud kyis bcom nas dmyal bar 'gro/ /de bas dam tshig gnas par gyis/ /dam tshig dag las mi 'da' ba/ / tshe 'dir sangs rgyas thob par 'gyur/ /zhes brjod par bya'o/ /de nas gdong g.yogs oM AHhUM gsum gyis byin gyis brlabs la bcings nas lus kyi gshis ni 'di ltar bya ste/ rkang pa gnyis gshibs la langs nas thal mo spyi bor sbyar rlung bzung nas yid kyis gsol ba gdab pa ni/ bcom ldan mgon po tshe dpag med//yab yum 'khor dang bcas pa yis/ /bdag la ye shes dbab tu gsol/ /dus 'dir byin gyis brlab par rigs/ /zhes lan gsum du gsol ba gdab par bya'o/ /de nas slob dpon gyis slob ma'i spyi bor tshe dpag med yab yum 'od dang 'od zer gyi rang bzhin gar byed pa la dmigs pa gtad pa dang sku las ye shes kyi bdud rtsi kha dog lnga byung nas lus la thim par bsam//yang yab kyi g.yas su grub pa'i rgyal mo g.yas Da ma ru g.yon thod pa bsnams pa/ sku mdog smug nag rus pa'i rgyan gyis brgyan pa gar byed pa la shes pa btang / g.yon du brgyud pa rnams bsam/de nas slob ma la dmigs pa de rnams bstan nas rang dang slob mas mos gus byas pa dang / spyi bo'i lha tshogs rnams gar thabs su ling ling la spyi bor sib sib thim par bsams nas/ rol mo sna tshogs sgrogs spos dkar nag dud pas bdug cing ngag tu/ oM hrIHb+h+rUM badzra A yu r+dz+nyA na A be sha ya AHzhes mang du brjod pas/ lus ngag yid gsum la phebs par 'gyur ro/ /de'i rtags ni 'phar ba dang gar byed pa dang / /saM skr-i ta'i skad dang rdo rje'i glu dang / rtog med ting 'dzin dpag med 'byung ngo / /de nas dkyil 'khor du 'jug pa ni/las kyi slob dpon gcig gis rdo rje thogs la slob ma dkyil 'khor gyi shar du khrid nas/ yang dag pa yi dkyil 'khor 'dir/ /bdag gis slob ma 'jug par bgyi/ /lha rnams kyi ni rigs ji bzhin/ /dngos grub bsod nams de bzhin shog /ces brjod do//de nas me tog thogs la/ sngon nas bsgrubs pa'i yi dam lha/ /gang yin de ring bdag bsnyen gyi/ /rigs dang mthun pa'i dngos grub dang / /lha dang ma nor mjal bar shog /ces me tog dor la me tog gang la phog pa'i rigs kyi ming bde chen 'od dpag med dang mi bskyod tshe dpag med dang /rin chen tshe dpag med la sogs pa'i rigs mthun ming rnams gdags par bya'o/ /de nas me tog de mgo la bcings nas tshe dpag med du bsams nas/ phyogs bcu'i sangs rgyas byin brlabs pa'i/ /me tog 'od dpag med pa 'di/ /stobs chen khyod kyis rab bcings pa'i//rigs kyi bdag por dbang bskur ro/ /zhes pas spyi bor gdags so/ /de nas gser gyi thur mas mig bye la/ tshe dpag med pas deng khyod kyis/ /mig ni yang dag 'byed par mdzad/ /rdo rje'i mig ni bla na med/ /phye bas thams cad mthong bar 'gyur/ / zhes brjod la gdong g.yogs dgrol bar bya'o/ /de nas dkyil 'khor bstan pa ni/dkyil 'khor bzang po 'di la ltos/ /mthong nas dang ba rab tu bskyed/ /khyod ni tshe dpag rigs su skyes/ /sngags dang phyag rgya'i byin rlabs kyis/ /'gro don phun sum tshogs kun dang / / dngos grub thams cad mngon du 'gyur/ /dam tshig thams cad bsrung ba dang / /gsang sngags la yang brtson par gyis/ /zhes brjod la dkyil 'khor gyi rnam dag bstan/ de nas phung po lnga yab lnga/ tshe dpag tu med pa yab yum du ngo sprad par bya'o/ /de nas phyag rgya bya ste/ gling bzhis brgyan pa'i maN+Dal dang /lus longs spyod gser gyi maN+Dal phul nas/ dbang bskur bar gsol ba gdab pa ni/ byang chub rdo rje sangs rgyas la/ /ji ltar mchod chen stsal ba ltar/ /bdag kyang rab tu bsgral ba'i phyir/ /nam mkha'i rdo rje bdag la stsol/ /gtso bo mgon po tshe dpag med/ / yab yum 'khor dang bcas pa yi/ /'chi med bdud rtsi'i chu rgyun gyis/ /dbang bskur deng 'dir bdag la stsol/ /zhes lan gsum gsol ba gdab bo/ /de nas dbang bskur ba ni/ sangs rgyas dang dkyil 'khor gyi lha tshogs thams cad kyis byin gyis brlab/ /khro bo thams cad kyis bar chad rnams bsrung //mchod pa'i lha mo thams kyis phyi nang gsang gsum gyis mchod/ byang chub sems dpa' thams cad kyis bkra shis kyi tshigs su bcad pa brjod/ rigs kyi yum lngas rin po che'i bum pa nas ye shes kyi bdud rtsis dbang bskur bar bsams la/ /slob ma'i spyi gtsug tu bum pa bzhag nas/ ji ltar bltams pa tsam gyis ni//lha rnams kyis ni khrus gsol ltar/ /lha yi chu ni dag pa yis/ /de bzhin bdag gis sku khrus gsol/ /na maHsarba ta thA ga ta a b+hi Shiny+tsa tu mAM/ phyogs dus sangs rgyas thams cad kyi/ /gsang gsum gnas las byung ba yi/ /khams gsum kun gyis phyag byas pa'i//rdo rje dbang bskur chen po sbyin/ /zhes pa ni spyir bskur ba'o/ /de nas rigs pa'i dbang lnga bskur ba ni/ bum pa mi bskyod par bskyed la dgug gzhug bya/ rang dang slob ma gnyis ka mi bskyod par bskyed nas dbang bskur ba ni/ kun gzhi rnam shes rnam dag pa/ /me long ye shes ngo bo nyid//bcom ldan mi bskyod pa yi ni/ /bdud rtsi'i chu rgyun dbang bskur ro/ /zhes brjod nas/ chu rgyun spyi bor blugs pas lus bde bas khyab cing / zhe sdang thams cad dag nas me long ye shes rgyud la skyes bar bsgom mo/ /de nas dbu rgyan stong pa'i rang las rin 'byung du bskyed/ ye shes pa gzhug /rang dang slob ma gnyis ka yang rin 'byung du bsams/ dbu rgyan de slob ma'i spyi bor bzhag la/ thor gtsug cod pan gyis brgyan pa/ /sangs rgyas kun gyis rab bsngags pa/ /rin chen dag gi dbu rgyan dang / /dar dpyangs dbang bskur sbyin par bya/ oM rat+na a b+hiShiny+tsa mAM zhes brjod pas//nga rgyal dag nas mnyam pa nyid kyi ye shes rgyud la skyes par bsam mo/ /de nas rdo rje dang rang gi slob ma snang ba mtha' yas su bskyed la rdo rje mgor bzhag nas/ sangs rgyas kun gyi rdo rje'i dbang / /deng 'dir khyod la bskur byar bya/ /sangs rgyas kun du rab bsgrub phyir/ / rdo rje 'di ni khyod kyis long / /zhes pa lag pa g.yas su byin la/ oM pad+ma badzra na ya hrI a b+hi Shany+tsi mAM zhes brjod do/ /des 'dod chags dag nas/ so sor rtog pa'i ye shes rgyud la skyes par bsgom mo/ /de nas dril bu dang slob ma don yod grub par bskyed la/ dril bu mgor bzhag la/ sangs rgyas kun gyi dril bu'i dbang / /deng 'dir khyod la bskur bar bya/ /sangs rgyas kun du rab bsgrub phyir/ /dril bu 'di ni khyod kyis long / /oM a ti ba ta ye a b+hi Shiny+tsa mA zhes lag pa g.yon du sbyin no/ /des phrag dog dag nas bya ba grub pa'i ye shes rgyud la skyes par bsgom mo/ /de nas rdo rje dang dril bu rnam par snang mdzad du bskyed la/rang slob ma yang de bzhin du bsams nas/ rdo rje dang dril bu lce thog tu bzhag nas/ sangs rgyas kun gyi ming gi dbang / deng 'dir khyod la bskur bar bya/ /sangs rgyas kun du rab bsgrub phyir/ /ming gi dbang 'di khyod kyis long / / oM badzra satwa ya twaM a b+hiShiny+tsi tu mA zhes brjod pas/ gti mug dag nas chos kyi dbyings kyi ye shes rgyud la skyes par bsgom mo/ /de dag gis bye brag tu rigs pa'i dbang lnga bskur ba bstan no/ /de nas khyad par du 'chi med ye shes bdud rtsi'i phyi nang gsang ba de kho na nyid kyi dbang bskur ba bshad par bya ste/de yang slob mas gser gyi maN+Dal phul nas/ gsol ba gdab pa ni/ bla ma mgon po tshe dpag med/ /lha tshogs 'khor dang bcas pa rnams/ /bdag la brtse bar dgongs nas kyang / /'chi med tshe yi dbang bskur stsol/ /zhes gsol ba lan gsum gdab bo/ /de nas dbang bskur ba ni/gong bzhin du spyir dkyil 'khor gyi lha tshogs dang / khyad par du bcom ldan 'das tshe dpag tu med pa'i bdud rtsi'i rgyun bum pa bkang nas dbang bskur bas/ spyir lus ngag yid gsum gyi sdig pa dang sgrib pa dang / khyad par du tshe zad pa dang nyams pa dang 'gribs pa thams cad sangs kyis dag par bsams nas/bum pa spyi bo'i thog tu bzhag la dbang bskur ba ni/ so sor kun rtog rang bzhin gyi/ /bcom ldan tshe dpag med pa ni/ /sku mdog dmar po 'od zer 'bar/ /'chi med bdud rtsi'i chu rgyun dang / /bum pa tshe yis bkang nas kyang / /tshe dbang thams cad bdag la stsol//oM hrIHb+hUM badzra dz+nyA na A yuShe swA hA/ de nas dmigs pa thams cad gong bzhin du rang dang slob ma gnyis kas bsams la/ dbang bskur ba ni/ me long ye shes rang bzhin gyi/ /mi bskyod tshe dpag med pa ni/ /sku mdog sngon po 'od zer 'bar/ /'chi med bdud rtsi'i chu rgyun dang //bum pa tshe yis bkang nas kyang / /tshe dbang thams cad bdag la stsol/ /oM hUM b+h+rUM badzra dz+nyA na A yu She swA hA/ mnyam nyid ye shes rang bzhin gyi/ /rin 'byung tshe dpag med pa ni/ /sku mdog ser po 'od zer 'bar/ /'chi med bdud rtsi'i chu rgyun dang / /bum pa tshe yis bkad nas kyang / / tshe dbang thams cad bdag la stsol/ /oM swA b+h+rUM badzra dz+nyA na A yuShe swA hA/ chos dbyings ye shes rang bzhin gyi/ /rnam snang tshe dpag med pa ni/ /sku mdog dkar po 'od zer 'bar/ /'chi med bdud rtsi'i chu rgyun dang / /bum pa tshe yis bkang nas kyang / /tshe dbang thams cad bdag la stsol/ /oM b+h+rUM b+h+rUM badzra dz+nyA na A yu She swA hA/bya grub ye shes rang bzhin gyi/ /don grub tshe dpag med pa ni/ /sku mdog ljang gu 'od zer 'bar/ /'chi med bdud rtsi'i chu rgyun dang / /bum pa tshe yis bkang nas kyang / /tshe dbang thams cad bdag la stsol/ /oM AHb+h+rUM badzra dz+nyA na A yu She swA hA/ de dag gis phyi yab lnga'i sgo nas dbang bskur ba bstan to//de nas yum gos dkar mos dbang bskur bas lus ngag yid gsum gyi sdig sgrib dang tshe nyams pa dang 'gribs pa thams cad sangs kyis dag nas lus phru ma phus btab pa bzhin du gyur to/ /de nas bdud rtsi rkang mthil nas yar skya me re re byung nas spyi bor sleb pa dang rang gi lus ye shes kyi lus su gyur par bsams la bum pa spyi bor bzhag nas/'od dpag yum mchog gos dkar mo/ /phyag na rA ga'i bum pa bsnams/ /tshe dang bdud rtsis bkang nas kyang / /tshe dbang thams cad deng 'dir stsol/ /oM b+h+rUM a pa ri mi ta A yur+dz+nyA na su bi ni sh+tsi ta te dzo rA dzA ya swA hA/zhes yum thams cad la dmigs pa dang sngags gong bzhin no/ /mi bskyod yum mchog sangs rgyas spyan/ /phyag na shel gyi bum pa bsnams/ /tshe dang bdud rtsis bkang nas kyang / /tshe dbang thams cad deng 'dir stsol/ /rin chen yum mchog mA mA ki//phyag na bai DUr bum pa bsnams/ /tshe dang bdud rtsis bkang nas kyang / /tshe dbang thams cad deng 'dir stsol/ /snang mdzad yum mchog dbyings phyug ma/ /phyag na gser gyi bum pa bsnams/ /tshe dang bdud rtsis bkang nas kyang / /tshe dbang thams cad deng 'dir stsol/ /don grub yum mchog dam tshig sgrol//phyag na in+d+ra'i bum pa bsnams/ /tshe dang bdud rtsis bkang nas kyang / /tshe dbang thams cad 'dir stsol cig /de dag gis yum lnga'i dbang bstan to/ /de nas sems dpa' bcu drug gi bshad par bya ste/ shar phyogs kyi sems dpa' bzhis dbang bskur bas 'chi med tshe'i dngos grub thob par bsams la/bum pa spyi gtsug tu bzhag nas 'di skad brjod par bya ste/ shar phyogs mi bskyod sems dpa' bzhi/ /bai DUr sngon po'i mdog 'dra ba/ /phyag g.yas rdo rje rtse lnga bsnams/ /g.yon na tshe yi bum pa 'dzin/ /tshe dang bdud rtsis bkang nas kyang //tshe dbang thams cad 'dir stsol cig /sngags ni gtso bo mi bskyod pa'o/ /lho phyogs rin chen sems dpa' bzhi/ /btso ma gser gyi mdog 'dra ba/ /phyag g.yas rin chen 'bar ba bsnams/ /g.yon pas tshe yi bum pa 'dzin/ /tshe dang bdud rtsis bkang nas kyang / / tshe dbang thams cad 'dir stsol cig /nub phyogs pad+ma'i sems dpa' bzhi/ /pad+ma rA ga'i mdog 'dra ba/ /phyag g.yas chu skyes 'dab lnga bsnams/ /g.yon pas tshe yi bum pa bsnams/ /tshe dang bdud rtsis bkang nas kyang / /tshe dbang thams cad 'dir stsol cig /byang phyogs phrin las sems dpa' bzhi//in+d+ra nI la'i mdog 'dra ba/ /phyag g.yas rdo rje rgya gram 'dzin/ /g.yon pa tshe yi bum pa bsnams/ /tshe dang bdud rtsis bkang nas kyang / /tshe dbang thams cad 'dir stsol cig /de nas 'chi med tshe'i dngos grub thob pa yin snyam pa'i nges shes bskyed do/ /des ni gsang ba sems dpa' bcu drug gi dbang bstan to//de nas de kho na nyid bshad par bya ste/ rang dang slob ma'i snying ga'i hrIHdang dkyil 'khor gyi shar phyogs nas lha mo lcags kyu ma dkar mo gcig las bcu/ bcu las brgya la sogs pa mang po dpag tu med pa spros nas rang gzhan thams cad kyi nad gdon zhi ba'i las byas//byad par du shar dri za'i lag nas rang gi tshe nyams pa 'gribs pa zad pa rnams bkug nas slob ma la bstims bas nad gdon thams cad zhi nas tshe rgyas par bsams la spyi gtsug tu bum pa bzhag nas/ shar phyogs dkar mo zhi mdzad lha/ /dri za'i lag nas tshe khug la/ /nad dang gdon rnams zhi mdzad pa'i//dbang bskur deng 'dir bdag la stsol/ /dzaHhUM baM hoHa pa ri mi ta A yudz+nyA na su bi niHswA hA/ de nas rang dkyil 'khor gyi lho nas zhags pa ma ser mo spros la tshe dang longs spyod la sogs pa rgyas pa'i las byas te/ gshin rje'i lag nas tshe bkug la bstims nas/lho phyogs ser mo rgyas mdzad ma/ /gshin rje'i lag nas tshe khug la/ /tshe dang longs spyod rgyas pa yi/ /dbang bskur bdag la deng 'dir stsol/ /yang sa bon dang nub nas lcags sgrog ma nub tu spros chu lha'i lag nas tshe khug la/ srid gsum dbang du byas par bsams nas/nub phyogs dmar mo dbang gi lha/ /chu lha'i lag nas tshe khug la/ /srid gsum dbang du sdud mdzad pa'i/ /dbang bskur deng 'dir bdag la stsol/ /yad sa bon dang byang phyogs nas dril bu ma mang po spros nas nad gdon tshar bcad nas/ gnod sbyin gyi lag nas tshe bkug la bstims te/byang phyogs ljang gu drag po'i lha/ /gnod sbyin lag nas tshe khug la/ /nad gdon thams cad tshar bcad pa'i/ /dbang bskur deng 'dir bdag la stsol/ /des yum bzhi pho nya mor byas nas dbang bskur ba'o/ /de ltar dbang bzhi po de rnams bskur bas nyon mongs pa dag 'chi ba med pa'i dngos grub thob pa de'i ngang las bdag nyid gtso bo yab yum du bsam mo//de nas de nyid brtan par bya zhing dbang rtags su rigs lngas dbu brgyan par bya ste/ de yang bum pa spyi bor bzhag ste gtso bo yab yum du bskyed/ de las 'od zer dmar po lus la thim pas 'dod chags dag nas so sor kun rtog rgyud la skyes nas 'od dpag med kyis dbu brgyan par bsams nas/'dod chags rnam par dag nas ni/ /'od dpag med pas dbu brgyan te/ /so sor kun rtog don rtogs nas/ /mdzes shing pad+ma'i lus thob shog /oM hrIHb+h+rUM pad+ma ka ma la a b+hiShany+tsi tu mAM/yang bum pa mi bskyod par bsams nas dpral bar bzhag 'od 'phros pas/ zhe sdang dag nas me long ye shes skyes te/ mi bskyod pas dbu brgyan par bsams nas/ /zhe sdang rnam par dag nas ni/ /bcom ldan mi bskyod dbu brgyan te/ /me long ye shes don rtogs shing / / 'gyur med rdo rje'i lus thob shog /oM hUM b+h+rUM badzra ka la sha a b+hiShany+tsi tu mAM/ yang bum pa rna ba g.yas kyi steng du bzhag nas rin 'byung du bsam/ de'i 'od kyis nga rgyal dag nas mnyam nyid ye shes rgyud la skyes te/ rin 'byung gis dbu brgyan par bsams nas/ nga rgyal rnam par dag nas ni/ /rin chen 'byung ldan dbu brgyan pas//mnyam nyid ye shes don rtogs nas/ /bde chen lhun grub don rtogs shog /oM swA b+h+rUM rat+na ka la sha a b+hiShany+tsi tu mAM/ yang ltag par bum pa bzhag nas rnam par snang mdzad du bskyed/ de'i 'od kyis gti mug dag ste chos dbyings ye shes rgyud la skyes/ des dbu brgyan par bsams nas/ gti mug rnam par dag nas ni/ /sangs rgyas rigs kyi dbu brgyan te/ /chos dbyings ye shes don rtogs nas/ /chos kyi 'khor lo bskor bar shog /oM b+h+rUM bud+d+ha ka la sha a b+hiShany+tsi tu mAM/ yang rna ba g.yon par bum pa gzhag /don yod grub par bskyed/ de'i 'od kyis phrag dog dag /bya ba grub pa'i ye shes rgyud la skyes/ /des dbu brgyan par bsams nas/ /phrag dog rnam par dag nas ni/ /don grub rigs kyis dbu brgyan te/ /bya grub ye shes don rtogs nas/ /ci bsams ma lus 'grub par shog /oM A b+h+rUM ka la sha a b+hiShany+tsi tu mAM/ zhes rigs lngas dbu brgyan par bsams nas/ bkra shis kyi tshigs su bcad pa brjod cing me tog 'thor ro/ /bdag kho na mgon po tshe dpag med yin zhing / tshe dpag med kho na bdag yin snyam pa'i nga rgyal brtan pos gnas par bya'o/ /de rnams kyis thun mong ma yin pa khyad par gyi dbang bstan no//de nas rjes gnang bshad par bya ste/ dang po gtso bo yab yum bstan nas 'di kho na ltar yid la byos shig byas la/ 'dod chags bral ba lta bu yi/ /khams gsum na ni sdig med de/ /de bas 'dod la chags bral bar/ /khyod kyis nam du'ang ma byed cig /ces brjod/ sngags kyi rjes gnang ni/ pad+ma'i phreng ba la gtso bo'i sngags kyis bsangs te/ bcom ldan 'di la stsal lags kyis/ /'di la 'go bar mdzad du gsol/ /zhes pas gsol ba gdab bo/ /de nas slob mas phreng ba snying gar bzung ste/ bcom ldan bdag la stsal lags kyis//bdag la 'go bar mdzad du gsol/ /zhes gtso bo yab yum 'khor dang bcas pa'i sngags lan lngar rjes zlos bya'o/ /de nas mchod pa phyi nang gsang ba gsum du gus pas phul cig ces pa'i rjes su gnang bar bya'o/ /de nas dam tshig gsum gyi dbang bskur bar bya ste//de yang slob ma dang rdo rje hUM las rdo rje sems dpar bskyed de/ gzhan don bsams pas/ thog ma med pa'i sems dpa' ni/ /rdo rje sems dpa' dga' ba che/ /kun du bzang po kun bdag nyid/ /rdo rje snyems tshul bdag po'i bdag /bcom ldan 'das mchog dang po'i skyes bu'o//zhes rdo rje lag pa g.yas su gtad de snying gar bzung nas thugs gnyis su med pa'i ye shes rtogs par gyis shig pa'o/ /de nas snang ba mtha' yas gsung gi rang bzhin du bskyed nas/ srid pa ngo bo nyid kyis dag /ngo bo nyid kyis srid bral byas/ /rang bzhin dag pa'i sems dpa' mchog /srid pa'i mchod ni byed pa po/ /sgra thams cad chos nyid kyi rang sgrar rtogs par gyis shig pa'o/ /de nas rang gi snying gar gtso bo yab yum bsams nas/ yi dam gzugs ni brtan bya'i phyir/ /dam tshig phyag rgya rab tu brjod/ /dam tshig 'di la rtag gnas pas//lha yi sbyor ba rab tu grags/ /zhes pas lha sku snang stong sgyu ma'i skur blta bar bya'o/ /de nas spyi dang bye brag gi dbang bshad par bya ste/ dang po slob ma skyil krung du 'dug pa'i rkang pa'i bar du chos kyi 'khor lo/ lag pa g.yas su dung / g.yon du glegs bam/ steng du gdugs phub la//deng nas brtsams te sems bskyed pa/ /tsam gyis chos kyi 'khor lo bskor/ /de ring phan chad 'jig rten la/ /skyob pa chos kyi 'khor lo bskor/ /chos kyi dung ni bla na med/ /kun du ma lus gang bar gyis/ /som nyi yid gnyis ma za cig / dogs pa med pa'i sems kyis su/ /gsang sngags spyod pa'i tshul gyi mchog /'jig rten 'di la rab tu sgrogs/ /de ltar byas nas sangs rgyas la/ /phan 'dogs drin du gzo zhes bya/ /rdo rje 'dzin pa de kun yang / /kun du khyod la bsrung bar gyis/ /zhes pa'o/ /de nas bye brag tu bskur ba ni/rang dang slob ma gnyis ka rnam snang du bskyed la rigs lnga'i sgo nas don bya snyam du bsams nas/ 'jig rten kun la thams cad du/ /sems can kun la phan pa'i phyir/ /ji ltar sna tshogs 'dul gyur pa'i/ /chos kyi 'khor lo rab tu bskor/ /zhes brjod la sangs rgyas kyi rigs kyis gdul bya gti mug can gyi don bya snyam du bsam mo//de bzhin du rdo rje dang nor bu dang pad+ma dang / rgya gram rnams kyis 'khor lo bskor ba rnams la cho ga gong bzhin spel bar bya'o/ /de nas rjes kyi cho ga bstan par bya ste/ de yang lung bstan pa ni/ khyod kyi phung po lnga khams lnga tshe dpag med yab yum yin par bdag gis lung bstan gyis/deng 'dir ngas khyod lung bstan bya/ /rdo rje sems dpa' de bzhin gshegs/ /srid pa rang bzhin rnam dag pas/ /lha yi 'khor lor gnas ba'o/ /zhes brjod pa'o/ /de nas gzengs bstod pa ni//yi dam lha dang mnyam par ni/ /dus 'di nyid nas 'gyur ba ste/ /dga' zhing spro ba chen po yis/ /phyi rol mi bsams nang du'o/ /zhes brjod do/ /de nas dbugs dbyung ba ni/ /bde chen theg ba 'di la ni/ /slan chad 'chi ba yod min te/ /mi tshugs pa dang mi gsod pas/ / cis kyang mi 'jigs dga' bar gyis/ /zhes brjod do/ /de rnams bstan pa'i yan lag tu brtul zhugs kyi dbang sbyin pa ni/ sbrang dang bdud rtsi bsres la/ 'chi med ye shes bdud rtsir byin gyis brlabs la slob ma la byin te/ 'di ni 'chi med ye shes chu/ /gang gis reg dang 'thungs pa yis//mchog dang thun mong dngos grub kun/ /thams cad da lta mngon du 'gyur/ /bgegs dang log 'dren kun 'joms shing / /gzhan gyis rdzi bar mi nus pa'i/ /mi shigs rdo rje pha lam 'gyur/ /lhun grub bde ba chen po'o/ /zhes lan gsum brjod par bya'o/ /de nas dkyil 'khor gyi nub phyogs su pad+ma dmar po 'dab ma brgyad pa'i steng du tshe dpag med yab yum zhal sbyor du bsam/de la ye shes pa gzhug sku gsung thugs byin gyis brlabs nas/ mchod pa dang bstod pa byas nas gsang sgrub ltar bzlas pa byas/ rang yang gtso bo yab yum du bsams nas snyoms 'jug byas pas byang sems dkar dmar gsang gnas nas don/yab yum rnams kyang snyoms 'jug byas nas gsang gnas nas byang sems dkar dmar na rar byung bar bsam/ de nas ka pA lar sbrang bur ma bdud rtsi bsres la/ der byang sems dkar dmar bstim pa dang ka pA la 'chi med ye shes kyi bdud rtsi byang sems dkar pos mer gyis khengs par bsam mo//de nas maN+Dal steng du bla ma dang gtso bo yab yum gnyis su med pa'i gsang gnas nas byang sems kyi rgyun byung ste/ slob ma'i lce thog tu thim pas bde stong gi nyams rgyud la skyes pa dang / lus byang sems dmar pos khengs par bsams nas ka pA la'i bdud rtsi byin la/phyogs bcu rdo rje 'chang rnams kyi/ /gsang ba'i gnas las byung ba yi/ /nga yi byang chub sems kyi rgyun/ /de ring khyod la bskur bar bya/ /zhes brjod par bya'o/ /shes rab ye shes kyi dbang ni/ /dkyil 'khor gyi lho phyogs su pad+ma 'dab ma brgyad phyogs tshon gyi steng du slob ma yab yum du bskyed/de nas yum gos dkar mo dang / gnyis su med pa'i sbyor ba byas pas/ yum gyi byang sems dmar pos rtsa gsum 'khor lo rim gyis dmar mer gyis khengs par bsams la/ gzhon nu yid 'ong bde ba'i mchog /the tshom spangs nas bsten par bya/ /brjod bral lhan cig skyes dga' ba/ /dus 'di nyid du mngon du 'gyur/ /zhes dngos sam/ yid kyis bstan par bya'o/ /de nas dbang bzhi pa byang du ras dkar po'i steng du bskur bar bya'o/ /rang gtso bo yab yum du gsal ba'i gnas bzhir tshe dpag med tshon gang tsam pa zhal sbyor du bsam//de rnams dmigs pa med pa'i ngang la gnas par bya ste/ de yang ma bcos par rang grol du bzhag la/ /ltos shig ltos shig sems la ltos/ /sems nyid cir yang grub pa med//bsal gzhag dgag sgrub ma lus pa/ /rang grol nyid du gnas pa'o/ /zhes phyag rgya chen po'i ngo sprod kyang bya/ /dus 'dir rang grol lhun grub tu rtogs par 'gyur ro/ /bcom ldan 'das mgon po tshe dang ye shes dpag tu med pa'i dbang bzhi bskur ba'i cho ga'i las khrigs 'chi med ye shes bdud rtsi'i bum pa zhes bya ba/