CLOSE WINDOW

D2145
བོད་ཡིག

/lo tsA ba glan dar ma tshul khrims kyis bsgyur ba'o//[ ]@##/ /rgya gar skad du/ a pa ri mi ta A yur+dz+nyA na sA d+ha na nA ma/ bod skad du/ tshe dang ye shes dpag tu med pa'i sgrub thabs/ mgon po tshe dang ye shes dpag tu med pa la phyag 'tshal lo/ /dad brtson 'gro rnams bsgral 'dod pa//bsod nams tshogs ni sngon song bas/ /tshangs pa'i gnas bzhi bsgom par bya'o/ /rang gi snying ga'i hrIHdmar las/ /ye shes me 'bar rnam smin bsregs/ /de rjes rang sems thig le dang / /hrIHdmar tsheg drag gyur pa las/ /rta mchog spyan gsum zhal bgrad pa/ / dbyug pa sdigs mdzub 'bar 'jigs bsgom/ /de yi thugs kar pad zla'i steng / /hrIHlas bcom ldan tshe dpag med/ /mdog dmar rgyan mdzes bum pa bsnams/ /thugs kar pad zla'i steng du hrIH/ /de las b+h+rUM chad 'khor lo ni/ /rtsibs brgyad yongs su gyur ba las/ / gzhal yas gru bzhi sgo bzhi pa/ /'dab brgyad khyams dang pad ra dang / /'dod yon pha gu dra phyed dang / /rta babs mchod rten yongs mdzes pa/ /rdo rje me ri dmar smug 'khrug /dngas shid thogs pa med pa yi/ /'od zer tshogs 'khrug bsgom par bya//de yang hrIHlas pho brang gi /dbus su saM cig chad pa las/ /mi 'jigs brgyad du gyur par bsgom/ /de steng paM a raM chad pas/ /pad zla rta bdun dag tu 'gyur/ /de yi steng du hrIHlas ni/ /'od 'phros don byas tshur 'dus pas/ /pad+ma dmar po 'dab lngar gyur/ /de las bcom ldan tshe dpag med//mdog dmar gzhon sgeg rgyan gyis mdzes/ /'gro rnams re skong dpag bsam shing / /bum pa'i kha rgyan thugs kar 'dzin/ /'gying bcas 'od 'khrug skyil krung bzhugs/ /de yi g.yon du paM dang a/ /gyur pas zla ba'i gdan stengs su/ /a las yum mchog gos dkar mo/ / mtshal mdog 'gying bcas 'dzum zhing sgeg /thugs kar pad+ma rA ga yi/ /bum pa yongs su 'dzin pa'o/ /shar du pad zla nyi ma yi/ /steng du hUM las rdo rjer gyur/ /de las mi bskyod tshe dpag med/ /bai DUr sngon po'i mdog 'dra ba/ /skyil krung dang bcas bum pa 'dzin/ /de yi g.yon du pad zla'i steng / / sa las yum mchog sangs rgyas spyan/ /mdog dkar phyag gnyis bum pa bsnams/ /gzhon sgeg skyil krung bzhugs pa'o/ /lho ru pad+ma nyi zla'i stengs/ /swa las rin 'byung tshe dpag med/ /btso ma gser mdog skyil krung bzhugs/ /bum 'dzin rin chen rgyan gyis spras/ /g.yon du pad zla trAM nyid las//byung ba'i yum mchog mA ma kI/ /nam mkha'i mdog can 'dzum sgeg mdzes/ /bum pa bsnams shing skyil krung bzhugs/ /nub tu pad zla nyi ma yi/ /steng du b+h+rUM las 'khor lor gyur/ /de las snang mdzad tshe dpag med/ /dkar zhing skyil krung bzhugs pa'o/ /g.yon du pad zla maM las ni//dbyings phyug ma ni dung gi mdog /'gying bcas rin chen rgyan gyis spras/ /zhabs gnyis rdo rje skyil krung ngo / /byang du pad zla raM nyi yi/ /steng du a las rgya gram pa/ /de las don grub tshe dpag med/ /mdog ljang bum pa skyil krung mdzes/ /g.yon du pad+ma zla ba'i steng / /tAM las dam tshig sgron ma ni//sngo ljang sna tshogs rgyan gyis mdzes/ /thugs kar bum pa 'dzin pa'o/ /shar khyams zla ba'i gdan stengs su/ /hU~M bzhi rdo rje bzhir gyur pas/ /rdo rje rigs kyi sems dpa' bzhi/ /g.yas pa rang rtags rdo rje 'dzin/ /g.yon pa tshe yi bum pa 'dzin//rgyan mdzes rdo rje skyil krung bzhugs/ /lho phyogs pad+ma zla ba'i steng / /swA las rin chen 'bar ba bzhi/ /rin chen rigs kyi sems dpar gyur/ /g.yas pa rin chen g.yon pa ni/ /tshe yi bum pa thugs kar 'dzin/ /bcom gser 'dra skyil krung bzhugs/ /nub tu pad zla hrIHbzhi las//pad+ma 'dab lngar gyur pa las/ /pad+ma'i sems dpa' bzhi ru gyur/ /phyag g.yas rang rtags pad+ma bsnams/ /g.yon pa bum 'dzin rgyan spras shing / /rdo rje skyil krung gis bzhugs pa'o/ /byang du gdan stengs a bzhi las/ /rdo rje rgya gram las byung ba'i/ /las kyi sems dpa' bzhi ru gyur//sngo ljang rgya gram bum pa bsnams/ /gzhon sgeg mdzes shing skyil krung bzhugs/ /'od zer tshogs kyis bskor ba'o/ /shar sgor dzaHdang lcags kyu las/ /lcags kyu ma ni mu tig mdog /lho sgor hUM las zhags pa ser/ /nub tu baM las lcags sgrog dmar/ /byang du hoHlas dril bu ljang //lha mo de dag thams cad kyang / /'khril ldem gzhon sgeg rgyan spras mdzes/ /zhal ni phyir gzigs bzhengs pa'o/ /sgo bzhir rgyal chen bzhi yang bsam/ /yang na phyi rol dag tu'o/ /gru chad bzhi la mchod pa yi/ /lha mo spyi dang mthun par bsam/ /de nas thugs ka'i 'od zer gyis//rang bzhin gnas nas ye shes pa/ /'di brjod spyan ni drang bar bya/ /gdod nas rang bzhin mkha' ltar dag /thugs rjes 'ja' tshon skur ston pa'i/ /bcom ldan gsung mchog tshe dpag med/ /rang bzhin lhun grub gzhal yas nas/ /ting 'dzin gzugs brnyan dam pa 'dir//'gro ba'i don phyir spyan 'dren na/ /tshe zad tshe nyams bsal mdzad phyir/ /gnas 'di nyid du gshegs su gsol/ /rdo rje rin chen pad+ma dang / /las kyi rigs mchog tshe dpag med/ /rigs kyi yum mchog lnga dang ni/ /mchod pa'i lha mo rnam bzhi dang / /sems dpa' bcu drug sgo mar bcas//rang bzhin bde chen dkyil 'khor nas/ /ting 'dzin gzugs brnyan dam pa 'dir/ /tshe dang longs spyod rgyas pa dang / /thugs mchog ye shes thob bya'i phyir/ /gnas 'di nyid du spyan 'dren gyi/ /byin gyis brlab phyir gshegs su gsol/ /dzaHhUM baM hoHsa dgug gzhug bcing //mnyes par gyur la mchod pa dang / /bstod pa rgyas dang bsdus ba bya/ /sku gsung thugs ni byin gyis brlab/ /de nas bying rgod rab spangs nas/ /ma yengs lha rnams gsal bar bsgom/ /de rjes bzlas pa bya ba ni/ /lha rnams thugs ka'i bum pa'i nang / /hrIHhUM swA b+hUM AHla ni//rang rang sngags kyis bskor bar bsgom/ /oM hrIHb+h+rUM badzra dz+nyA na A yu She swA hA/ oM hUM b+h+rUM badzra dz+nyA na A yu She swA hA/ /oM swA b+h+rUM badzra dz+nyA na A yu She swA hA/ /oM b+h+rUM b+h+rUM badzra dz+nyA na A yu She swA hA/ /oM AHb+h+rUM badzra dz+nyA na A yu She swA hA/ /de rnams yab kyi snying po'o/ /yum gyi bum par a pa ri mi ta bsams la sngags 'dis bskor//oM b+h+rUM a pa ri mi ta A yur+dz+nyA na su bi ni sh+ci ta te dzo rA dzA ya swA hA/ /yum mchog lnga yi snying por brjod/ /phyogs bzhi'i sems dpa' bcu drug po/ /gtso bo'i sngags rnams bskor bar bsams/ /dzaHhUM baM hoHa pa ri mi ta A yudz+nyA na su bi niHswA hA/ sgo ma bzhi yi snying po'o//de ltar bum pa'i sngags rnams la/ /dmigs nas bzlas pa byas pa yis/ /yig 'bru rnams las bdud rtsi'i rgyun/ /byung bas bum pa khengs par bsam/ /bum nang ye shes bdud rtsi'i rgyun/ /rang gi gnas gsum thim pa yis/ /lus ngag yid gsum nad gdon dang / / sdig sgrib dag nas dbang bzhi thob/ /'chi med dngos grub thob par bsam/ /de nas rang gi sngags bzlas pas/ /dkyil 'khor lha tshogs thams cad kyang / /rang rang gsang sngags zlos par bsam/ /rang snying sa bon shar sgo nas/ /lha mo dkar mo lcags kyu thogs/ /dpag med shar du spros pa yis//nad gdon zhi ba'i las byas nas/ /dri za'i lag nas tshe bkug la/ /rang dang bum par bstim par bya/ /de bzhin lho yi zhags pa bsam/ /tshe dang longs spyod rgyas byas nas/ /gshin rje'i lag nas tshe bkug ste/ /gong bzhin du ni bstim par bya'o/ /nub kyi lcags sgrog dmar mo yis//srid gsum ma lus dbang bsdus te/ /chu lha'i lag nas tshe bkug la/ /bstim zhing klu gdon dag par bsam/ /byang gi dril bu dgyes mdzad mas/ /nad gdon log 'dren tshar bcad nas/ /gnod sbyin lag nas tshe bkug la/ /gong bzhin dmigs pa gsal bas bstim//shar phyogs rnam rgyal bum pa ni/ /rdzas dang mgul chings kha rgyan bcas/ /phyag mtshan bris nas gzhug par bya/ /phyi ni bum pa'i rnam pa la/ /nang ni gzhal yas khang du bsam/ /gong bzhin bdud rtsis bum pa dgang / /de yis rang gzhan thams cad kyi/ /nad gdon sdig sgrib sangs dag nas//'chi med dngos grub thob par bsam/ /las bum rta mgrin bskyed pa yang / /bgegs kyi steng du gzhag par bya/ /de yis rang gzhan bar chad bsrung / /bdud rtsi dkar dmar khrus bya'o/ /de ltar rang don gzhan don la/ /ma yengs bskyed rim gsal po yis/ /zla ba gcig tu sngags bzlas nas/ / rtags rdzogs zla drug zhal mthong 'gyur/ /de yang rgyun du nyams len na/ /khwa da'i skad kyis ma non par/ /mdun du gtso bo yab yum bsam/ /gsol ba btab la mchod bstod bya/ /bum pa dag la dmigs nas ni/ /oM A yu d+he sa ra ha ka ra re sha ra re hUM/ /gsang sngags nyi shu rtsa gcig bzlas/ /de yis bdud rtsi'i rgyun byung nas//rang gi spyi gtsug thim pa yis/ /nad gdon sdig sgrib sangs dag nas/ /bdud rtsis rang lus khengs pa yis/ /'chi med tshe yi dngos grub thob/ /tshe dpag med par gyur par bsam/ /brtan pa'i yan lag sngags bzlas so/ /oM A yu a ma ra Na dzI ban+ti ye swA hA/ /de yi tshe tshad nyi zlar 'gyur//tshe nyams la sogs smos ci dgos/ /gsang nas sgrub pa rab tu bsngags/ /de nas gsang sgrub bshad par bya/ /dkyil 'khor gong dang 'dra ba las/ /yab lnga sku mdog 'tsher zhing dmar/ /sna tshogs rin chen rgyan gyis spras/ /bum pa thod par bcas pa 'dzin/ /rdo rje skyil krung bzhugs pa'o//yum lnga sku mdog 'dra ba dang / /gzhon sgreg rgyan mdzes sku sha rgyas/ /'dzum zhing nu ma 'bur ba yis/ /g.yas pa pad+ma rdo rje dang / /rin chen 'khor lo rgya gram ste/ /g.yas pa rang rtags phyag mtshan 'dzin/ /g.yon pa thod pa bdud rtsis bkang / /yab la stobs shing skyil krung 'khril/ / yab kyi 'od zer dmar ba'i mdangs/ /yab yum 'od zer tshogs 'khrug cing / /snyoms 'jug zag med bde bas rgyas/ /gnyis su med pa'i sbyor mtshams nas/ /byang sems dkar dmar bdud rtsi'i rgyun/ /rang gi gnas gsum phog pa yis/ /lus ngag yid gsum sdig sgrib dag /thun mong ma yin dbang bzhi thob//rang lus zag med bde bas rgyas/ /ye shes lus la mgon por bskyed/ /shar gyi khyams su rdo rje'i rigs/ /khro bo zhal gcig phyag gnyis pa/ /mdog dmar phyag g.yas rdo rje bsnams/ /g.yon pa rA ga'i bum pa 'dzin/ /sprul dang rin chen sna tshogs brgyan/ /me ri 'bar ba'i klong dkyil nas/ / g.yas bskum g.yon brkyang bzhengs pa'o/ /yum yang mdog dmar rdo rje dang / /bum pa 'dzin cing yab la 'khril/ /khro zhing cung zad sgeg par bsam/ /lho phyogs su ni rin chen rigs/ /yab yum g.yas pa rin po che/ /g.yon pa tshe yi bum pa'o/ /nub phyogs bud+d+ha'i khro bo ni/ /yab yum g.yas pa 'khor lo ste//g.yon pa tshe yi bum pa'o/ /byang phyogs phrin las khro bo ni/ /yab yum g.yas pa rgya gram bsnams/ /g.yon pa tshe bum 'dzin pa'o/ /dbus kyi steng dang 'og tu ni/ /khro bo yab yum phyag g.yas na/ /pad+ma 'dab lnga bsnams pa ste/ /g.yon pa tshe yi bum pa'o/ /phyogs bzhir khro bo gnyis gnyis bsgom//rgyan dang cha lugs sku mdog rnams/ /shar phyogs bzhin du bsam par bya/ /sgo ma bzhi ni mdog dmar zhing / /zhal ni phyir gzigs khro mo'o/ /gtso bo lnga dang khrus chu yi/ /bum pa bdag la dmigs byas nas/ /gsang ba'i sngags ni bzlas par bya//oM hrIHhUM swA AHb+hUM dzaHhUM baM hoHa pa ri mi ta A yudz+nyA na ma ha sid+d+hi ha sa ni ri swA hA/ /de skad ma yengs bzlas pa yis/ /bum pa'i chu rgyun spyi bor phog /sdig sgrib dag nas dbang bzhi thob/ /de nas rang nyid yab yum du/ /bsams la gsang ba'i sngags brjod do/ /shar dang byang shar mtshams su ni//bum pa lha rnams gong bzhin bsam/ /rang dang lha rnams sngags bzlas pas/ /'chi med bdud rtsi'i bum pa khengs/ /rjes su chags rnams zhu ba'i chus/ /rang gzhan thams cad khrus bya'o/ /de yis mchog dang thun mong gi /dngos grub thams cad 'byung bar 'gyur//de nas kho na nyid 'di bsgrub/ /rang nyid mgon por gsal ba yi/ /gsang gnas chos 'byung gru gsum du/ /hrIHdang raM las me 'bar bas/ /khog pa'i nad rnams thams cad khengs/ /spyi bo'i haM brgyad zhu ba las/ /bde chen bdud rtsi'i chu rgyun bab//rtsa rnams khengs pas bde ba rgyas/ /drod dang bde ba'i khyad par kun/ /steng 'og rlung gi gnad shes bya/ /rta bdun ri bong rgyas brtan nas/ /mthar thug lhun grub rnam gsum thob/ /bcu gsum sa rnams rdzogs par 'gyur/ /bcom ldan 'das tshe dang ye shes dpag tu med pa zhes bya ba'i sgrub thabs/