195a1 #/ /ku la lo ka nA tha'i byin rlabs dang rjes gnang bya ba'i rim pa bzhugs// @##/ /'jig rten dbang phyug la phyag 'tshal lo/ /rigs kyi 'jig rten dbang phyug bsgom pa'i rim pa ni/ gnas dben par stan bde ba la sems dpa'i skyil krung ngam ji ltar bde bas
195a2 'dug la/skyabs su 'gro ba dang / sdug bsngal ba du mas gdungs pa'i sems can 'di rnams kyi don du/ bdag gis rigs kyi 'jig rten dbang phyug sgrub snyam du byang chub kyi sems bskyed pa sngon du 'gro bas/ rang gi snying gar paM las pad+ma dmar po'i lte bar a las zla ba'i dkyil 'khor gyi steng
195a3 du//yi ge hrIH'od zer 'phro ba dang bcas pa bsam/ de las 'od zer lus kyi nang kun du 'phros pas/ lus mi gtsang ba'i rdzas sum cu rtsa gnyis kyis gang ba snying po med par bsam pa lus rjes su dran pa dang / de la brten pa'i sems gzung 'dzin sna tshogs su snang ba ngo bos ma grub par
195a4 bsams pa sems rjes su dran pa dang /de dag las byung ba'i tshor ba bde sdug btang snyoms kyis bsdus pa rnams rang bzhin gyis ma grub par bsam pa tshor ba rjes su dran pa dang / de rnams kyis chos rang bzhin gyis spros pa'i mtha' dang bral bar bsam pa chos rjes su dran pa rnams bsgom/
195a5 de'i rjes su 'od zer rnams ba spu'i bu gnas phyogs kun du 'phros pas/ mdun gyi nam mkhar rigs kyi 'jig rten dbang phyug sangs rgyas dang byang chub sems dpa'i tshogs dang bcas pa spyan drangs/ de la yid kyis phyag bya/ rang gi snying ga'i sa bon las 'phros pa'i mchod pa'i lha mo rnams kyis
195a6 mchod/de nas/ /dkon mchog gsum la bdag skyabs mchi/ /sdig pa thams cad so sor bshags/ /'gro ba'i dge la rjes yi rang / /sangs rgyas byang chub yid kyis gzung / /zhes don dran bzhin pas brjod/ /de nas sems can thams cad la byams pa dang / snying rje dang dga' ba dang btang
195a7 snyoms te/tshangs pa'i gnas bzhi bsgom/ de'i rjes su thugs ka'i sa bon las 'od zer 'phros pas mchod bya'i yul rnams dang snod bcud kyis bsdus pa rnams dang / rang gi lus kyang sa bon la thim par bsam/ /de nas sa bon yang nam mkha' la 'ja' yal ba bzhin du bsams la/
195b1 oM shU n+ya tA dz+nyA na badzra swa b+hA wa a haM/ zhes rigs drug gi nga rgyal bya/ de nas paM las pad+ma'i dkyil 'khor gyi steng du hUM las khro bo'i rdo rje gdengs pa kha dog nag po lte ba la hUM gis mtshan par bsam/ de las 'od zer dbang po dang gshin rje la sogs pa'i phyogs su kun du 'phros pas bdud dang bgegs la sogs pa
195b2 tshar bcad nas/slar 'dus rdo rje'i sa gzhir ba dra ba gur bla re ye shes kyi me 'bar ba dang bcas par gyur par bsam/ de'i nang du hUM yongs su gyur pa las byung ba'i chos kyi 'byung gnas phyi dkar la nang dmar pa gdengs ka gyen du phyogs pa bsgom/ /de'i nang du paM las pad+ma dmar po'i lte bar a las zla ba'i
195b3 dkyil 'khor dkar po'i steng du hrIHlas byung ba lcags kyu dmar po'i 'od zer 'phro ba dang bcas pa'i hrIHyig gis mtshan pa bsam/de yongs su gyur pa las rigs kyi 'jig rten dbang phyug yum dang bcas pa gnyis ka'ang sku mdog dmar po zhal gcig phyag bzhi pa spyan gsum pa/ phyag
195b4 g.yas kyi dang po lcags kyu/gnyis pa rin po che dang mchog sbyin/ g.yon gyi dang po na zhags pa dang bcas pas 'khyud pa/ gnyis pa na pad+ma dmar po 'dzin pa/ mu tig dang nor bu'i tshogs kyis brgyan pa/ 'od dpag tu med pa'i cod pan can sems dpa'i skyil krung gis bzhugs pa/ shin tu
195b5 dgyes pa'i nyams dang ldan pa bsgom/de nas thugs ka'i sa bon las 'od 'phros pas/ rigs kyi 'jig rten dbang phyug mdun gyi nam mkhar spyan drang / mchod pa rnams kyis mchod/ dzaHhU~M baM hoHzhes pas rang gi lus dang gnyis su med par bstim slar yang thugs kar yi ge gsum gyi sngags
195b6 bsam/de dag las 'od zer 'phros pas/ dbang gi lha spyan drangs mchod pas mchod/ oM sarba ta thA ga ta a b+hi Shiny+tsa tu mAM zhes dbang bskur bar gsol ba gdab/ de bzhin gshegs pa de rnams kyis ye shes kyi chus gang ba'i bum pas dbang bskur bar bsams la/ lha'i sku la dmigs
195b7 pa'i bsam gtan bya/de las skyon sngags kyi bzlas pa ni thugs ka nas/ hrIHhUM dzaHzhes pa'i sngags kyi phreng ba zhal nas 'thon/ yum gyi zhal du zhugs mkha' dang gsang ba'i rim pa bzhin brgyud nas thugs kar thim zhing 'khor ba la dmigs nas sems gzhan du ma 'phro bar bzlas par
196a1 bya//thun mtshams su mchod pa dang gtor ma btang zhing / gnas skabs thams cad du lha'i nga rgyal dang mi 'bral bar bya/ rdzogs pa'i rim pa bsgom pa ni/ /lnga bcu pa dang / de nyid kyi don grub ma hi mas blangs pa'i sgrub thabs las 'byung ba bzhin nyams su blang bar bya'o// //