| བོད་ཡིག |
176b4 lo tsA ba byams pa'i dpal gyis dpal gu lang gser khang gi nags khrod aM pa ra pa ra ta'i bsil khang du bsgyur ba'o//[ ]@##/ /rgya gar skad du/ triM shat+ti a ba b+haSha/ bod skad du/ rtogs
176b5 pa brjod pa sum cu pa/jo bo spyan ras gzigs dbang phyug la phyag 'tshal lo/ /rdo rje 'dzin pa tshangs dbang gtsug /chu skyes che dbus 'jig rten mgon/ /'od zer rgyun gyis dbang bskur bas/ /e ma dri gsum dag mdzad rmad/ /bstan pa'i lus ni ri bo 'dra/ /spros bral
176b6 sems ni nam mkha' ste//g.yon pa'i sems ni rlung rgyun bcings/ /tshul 'dis rnal 'byor bdag legs grol/ /yid ni khyab 'jug nam mkha' ste/ /'khor lo lnga yi rang bzhin lus/ /srog rtsol nyi ma zla ba gnyis/ /bde chen rdo rje'i zhags pas 'ching / /dri
176b7 ma lnga ni lnga yis sbyong //lus ngag yid gsum sku gsung thugs/ /de dag ma bcos skye ba med/ /e ma 'di ni bsgom bya gang / /rgya mtsho'i snying po me 'bar bas/ /ri rab srog shing shing rta brgyud/ /tshangs dbang rtse nas char rgyun 'bab/ /thabs kyis thabs bral de
177a1 la ltos//gang ma rig pa de stong nyid/ /kun nas dkris pa bde ba'i tshal/ /zhe sdang 'bar bas 'od gsal che/ /lha mchog mi de gang gis bcings/ /lte ba'i mar mes mun pa bsal/ /snying gar shes rab pad+ma rgyas/ /spyi gtsug ye shes bde chen 'dzag /
177a2 da ni rang lus dngos grub 'gyur/ /rtsa gsum 'khor lo 'dus pa'i dbus/ /bde chen dngas ma'i thig le gnas/ /de dbus rnam par mi rtog pa/ /ye shes mig gcig dri med nyid/ /gzung 'dzin mun par rtogs pa'i 'od/ /nam mkha' la ni nyi shar bzhin/ /der yang mi gnas gzhan
177a3 du'ang min//kye ho shin tu zab pa'i gnas/ /'jig rten thams cad nam mkhas bcings/ /nam mkha' de yi sprin gyis bsgribs/ /gang tshe rtog pa'i sprin dag pa/ /de tshe 'di la ci zhig snang / /sgyu mas sgyu ma'i grong khyer bcom/ /sems kyis sems ni slu ba ste/ /'di nas bdag 'dras slu
177a4 med rig /e ma ho e ma bla ma'i drin/ /'og ni las kyi 'khor los bsdams/ /bar ni rdo rje'i mdud pas bcings/ /steng du yi ge gyen du bsgyur/ /thabs ni bdag gis rang la rnyed/ /lus ni ri bo 'dra byas la/ /ngag ni rlung rgyun lta bur bsdams/ /sems ni nam mkha'i ngo bo nyid/ /dbyer med
177a5 chos nyid kun gyi dngos//brtan lus shing rta rab bcas pa/ /g.yo ba srog shing lam du gzhug /de ltar bcings pa'i ting 'dzin ni/ /'chi med nam mkha'i dngos grub thob/ /nam mkha'i rnal 'byor rnam mi rtog /yang dag lha ni bde ba che/ /de yi zung 'jug 'od gsal nyid/ /gnas 'dir
177a6 ngal bso mkhas pa dag /rdo rje 'dzin pa rdo rje 'chang / /rdo rje rgyal po rdo rje bde/ /rdo rje sems dpa' sems dpas stong / /e ma rdo rje kun rig pa'o/ /me tog mthong gi rtsi mi mthong / /chab rom mthong gi chu ma yin/ /lus mthong bde ba blang bar gyis/ /sems mthong mthong ba ma mchis so/ /
177a7 chu nang skyes bus su yi bu/ /rmi lam grong khyer bdag po med/ /me long gzugs ni gang las 'ongs/ /'gro ba 'di kun de dang 'dra/ /gang na gnas dang skye ba dang / /'gag 'gyur yul rgyu dus med pa/ /nam mkha'i mtshan nyid chos 'di la/ /kye ho 'jigs pa gang zhig yod/ /'di dag
177b1 snang ba snang brnyan tsam//rig pa de yang rig pas dben/ /thams cad rig snyam shes snyam ste/ /tsam de la yang snyam nyid med/ /skyes bu don kun grub pa 'di/ /zhe sdang nyi ma 'od gsal lha/ /'dod chags zla ba bde bas spyod/ /gti mug sgra gcan mi rtog 'joms/ /nam mkha'i sprin dang
177b2 rgya mtsho'i rlabs//me tog rtsi dang ga bur dri/ /me long gzugs dang shel dkar bzhin/ /rnam rtog mi rtog dngos dbyer med/ /'gro ba 'di dag las las skyes/ /las ni nyon mongs de yi rgyu/ /mtshan ma yin te de shes nas/ /skyes bu mtshan med rnam par grol/ /rtog pa'i glang chen
177b3 lcags kyus dgug /sems kyi bung ba rtsi yis bsdu/ /ting 'dzin dang po mtsho nang rtse/ /shes rab pad+mo nyi zer 'byed/ /yid kyi mar mes mun pa sel/ /bde ba'i me tog bung bas 'jib/ /'dzin pa'i rba rlab rgya mtshor thim/ /bde sdug sprin de nam mkhar dengs/ /yi ge gsum gyi brdas mtshon
177b4 pas/yi ge med pa bdag gis rtogs/ /rnal 'byor rgyal po yi ge mchog /sems la gzhan ni ma mchis so/ /gang du 'gro med 'gro ba 'di/ /gnas zhes bya bar ga la 'gyur/ /gang mi gnas pa chos kyi dbyings/ /de la ji ltar 'gag 'gyur sems/ /rtag tu byed bral gti mug med/ /khro
177b5 khro bag chags gtan bcom pa//zhi ba'i dam pa mya ngan 'das/ /gter chen rang la yod shes kyis/ /'jig rten sgyu ma'i las kyis bsgrubs/ /sgyu ma sgyu ma'i yid kyis te/ /'di kun sgyu ma nyid shes na/ /sgyu ma lta bur rnam par grol/ /sgyu mar rtogs pas bden rtog 'joms/ /rtog med sgyu ma la
177b6 mi gnas//mi gnas 'gro la phan brtson pas/ /e ma nor bu rin chen rnyed/ rtogs pa brjod pa sum cu pa zhes bya ba rdzogs so// //rnal 'byor gyi dbang phyug chen po mi tra dzo ki de nyid kyi spyan sngar/ /gnubs lo tsA ba byams pa'i dpal gyis bsgyur ba'o// //