CLOSE WINDOW

D2126
བོད་ཡིག

/[ ]@##/ /rgya gar skad du/ shrI e ka dza TI sA d+ha naM/ bod skad du/ /dpal ral gcig ma'i sgrub thabs/ jo mo byin rlabs can la phyag 'tshal lo/ /dran pa tsam gyis sems can rnams/ / yo byad 'phel zhing bar chad zhi/ /dgra rnams 'dul zhing byang chub nye/ /ral gcig ma la phyag 'tshal lo/ /sems can nyon mongs bsod nams chung / /'khor bar yun ring gnas pa la/ /mchog dang thun mong thob bya'i phyir/ /jo mo'i sgrub thabs brtsam par bya//dur khrod la sogs nyam nga bar/ mi ro'i stan la rab 'dug nas/ /byang chub mchog tu sems bskyed nas/ /dngos sam yang na yid kyis kyang / /yan lag bdun nam rnam bzhi sgom/ /stong pa'i ngang las pad+ma'i gdan/ /ro dang nyi ma zla ba la/ /skad cig dran pa tsam gyis kyang //dpal ldan chen mo sku mdog gnag /zhal gcig ma la phyag bzhi pa/ /g.yas gnyis ral gri gri gug dang / /g.yon pa ut+pal thod pa bsnams/ /ral pa ser po'i thor tshugs dang / /'phyang ba'i tshul la rnam par brgyan/ /spyan gsum zhal ni mche ba gtsigs//'dzum pa'i mdangs dang ldan pa'o/ /stag gi sham thabs byas pa'i zhabs/ /g.yas pa bskum nas g.yon pa brkyang / /sems dpa'i skyil krung gar gyis bzhugs/ /sprul dang thod pa'i rgyan la sogs/ /dur khrod chas kyis brgyan par bsgom/ /yul gsum sku gsung thugs kyi dbang //phyi nang gsang ba'i tshul du yang / /skad cig nyid la dbang bskur bya/ /de lta bu yi sbyor ba la/ /bag tsam skyo bar gyur pa na/ /rig pa 'di yang brjod par bya/ /hrIM triM hU~M phaT/ /mtshan dang ldan pa'i thod pa'am/ /yang ni ci yang rung ba'i snod/ / sha lnga bdud rtsi la sogs pa'i/ ba liM rgyan gyis mchod pa bya/ /rtsa ba'i sngags kyi bstod pa 'dis/ /gdangs dang ldan par bstod par bya/ /prA ta ni ni Da la a ro pi ta/ g+h+ri ta b+h+ri ta g+h+ra ra aT+Ta hA sa na da/ /pra ya hU~M khaT+Ta g+hA nI la la ga la dza tra dzu tra u g+hA ni b+hA pa rA ga ti ga bu dz+nyA dza tra ma/na sa sa ka pA la/ ki tir dzu gu taM haM ut+ta ra ye saM/ thal chen khrag dang sbyar ba yi/ /dkyil 'khor dag kyang rtag tu dbul/ /zab mo'i don yang bsgom bya ste/ /de lta bu yi sbyor ba yis/ /mi yi ro'am dur khrod dam/ /gtsug lag khang ngam khyim dag tu/ / lus ngag yid gsum 'bad pa yis/ /zhag gcig bdun bdun dang rtsa gcig /gsum lo gcig gis 'grub par 'gyur/ /zhal gyi dkyil 'khor bstan nas ni/ /gang ltar 'dod pa dri ba gyis/ /de lta bu yi lung bstan nas/ /dngos grub rnam pa gnyis kyang thob//thun mong tshe ring nad med cing / /yo byad dang ni rigs rgyud 'phel/ /kun gyis lta ba'i 'os su 'gyur/ /mchog ni byang chub the tshom med/ /dpal ldan chen mo grub nas kyang / /gdug pa'i gnod sbyin rnam pa gnyis/ /drag po'i shugs kyis phrin las byed//g.yas na kA la nag po ni/ /ral pa kham nag gyen du brdzes/ /sprul dang thod pa'i rgyan dang bcas/ /dar nag gos kyi le'u can/ /zhabs la sag ti yu thung gon/ /sprul nag gcus pa'i ske rags byas/ /g.yas pa ral gri klad la bskor/ /g.yon pa ut+pal dkar po bsnams//mche gtsigs tog tog rkan sgra can/ /g.yon na b+hi ka la dmar po/ /ral pa gsigs pas sa gzhi khebs/ /khro gnyer dpral bar g.yo bzhin bsdus/ /le brgan dmar po sku la gsol/ /rkang pa rdeb cing gdug pa 'dul/ /gri gug g.yas pa thod pa g.yon//zhal nas drag po'i ngan sngags sgrogs/ /a yin hring sring has phring / /hang sa hu hang sa hung / /has phring a yin hr-ing sring / /gdug pa'i drag sngags 'di dag kyang / /gnod sbyin gnyis kyi srog kyang yin/ /de dag 'grub par gyur pa na/ /bsams pa tsam gyis rengs pa dang //khros pa tsam gyis 'chi bar 'gyur/ /thal mo brdabs pa'i sbyor ba yis/ /mi ma yin pa'i 'byung po rnams/ /seng ge mthong ba'i ri dwags bzhin/ /mthong ba tsam gyis 'bros par 'gyur/ /de ltar yin gyis gdams pa 'di/ /'gro ba rnams la phan gyur cig /'di 'dra'i gdams ngag dam pa 'di/ /kha nas me 'bar khong du sbrul zhugs pa'i/ /bu ngan phal la sbyin pa min/ /dpal ral pa gcig ma'i sgrub thabs 'khor lo gnod sbyin dang bcas pa rdzogs so// //rje grub thob chen po'i thugs dam gnubs lo tsA bas bsgyur ba'o/