CLOSE WINDOW

D2122
བོད་ཡིག

de nas ye shes pa gshegs su gsol/ dam tshig pa rang la bsdu/ yi ge brgya pa'i bshags pa bya/ bla ma'i maN+Dal yi dam gyi maN+Dal gyi cho ga 'bro lo tsA bas bsgyur brdzogs so//[ ]@##/ /rgya gar skad du/ shrI e ka dza TI b+ha ga wAn maN+Dal tsakra sA d+ha naM bod skad du/dpal bcom ldan 'das ral pa gcig pa'i dkyil 'khor gyi 'khor lo'i sgrub thabs/ bcom ldan 'das ral ba gcig pa la phyag 'tshal lo/ /chos sku rang sems bde chen 'od gsal rnam mi rtog /'bar ba'i sku mchog sna tshogs tshul 'chang mkha' 'dra ba/ /longs spyod rdzogs sprul chos bdag dbyer med ro gcig tshul//ral pa gcig 'phyang rdo rje'i dkyil 'khor gtso la 'dud/ /lnga phung dang ni dri ma bzhi/ /chen po bzhi dang spyod yul brgyad/ /rnam bzhi tshor ba rnam dag lha/ /ye shes 'khor lo 'dir bshad bya/ /dang po kho nar rnal 'byor pas bla ma mchog la rim gro yongs su rdzogs par byas te/de'i bka' drin thob pas dkyil 'khor chen po'i bdag po la skyabs su 'gro ba dang / ma smin pa la sogs pa thams cad la snying rje chen pos go 'phang bla na med par sems bskyed la/ sku gsung thugs ye shes rol pa'i nang du chud pas dbang bskur ba yang dag par bzung nas//rdo rje'i dkyil 'khor chen po'i de kho na nyid nges par 'byung ba 'di bsgom par bya'o/ /yid dang rjes su mthun lam bsam/ /dur khrod dang ni shing drung sogs/ /yang na bdag po'i tshul 'dra'am/ /dngos grub gnas ni rgyud las bsngags//der bar chad bsal ba'i phyir gtor ma sbyin pa sngon du 'gro bas bka' bsgo zhing lha la sogs pa yang dag par mchod de sgrub pa'i don du gsol ba gdab par bya'o/ /gzhan yang ji snyed mchod pa'i yo byad dang / cho ga'i khyad par thams cad la dgos pa'i rdzas rnams thams cad bsags pa dang /gnas nye bar bkod pas dgyes pa bskyed pa'i rgyur gyur pa dang ci nas kyang bcom ldan 'das kyi mtshan ma mthong bar phyir mi nur 'bad pa dang / brtson pa drag pos spro bar bya'o/ /de nas sgrub po dam tshig can/ /rab tu bde ba'i stan la 'dug /shel ltar dngas pa'i yid kyis su/ tshogs rten dkyil 'khor dgug par bya/ se gol gtogs pas lag pa gnyis rdo rje'i khu tshur bcings te/ gar bskor nas mdzub mo gnyis lcags kyu ltar byas pas spyan drang ba dang / mdzub mo gnyis dang mthe'u chung gnyis mdud de 'khor lo ltar bzhag la gzhug par bya'o//oM e h+ye hi b+ha ga wAn shrI/ e ka dza TI maN+Dal la tsakra ma hA kA ru Ni ka ho sa ma ya dzaHsa ma s+t+waM/ sa ma ya hUM/ sa ma ya hoHzhes bya ba'i sngags kyis so/ /bdag gi dad dang mgon po yis/ /thugs rje dang ni dam tshig gis//nam mkha' la ni nyi ma ltar/ /dkyil 'khor rgyal po byon par 'gyur/ /ji skad 'chad par 'gyur ba'i mtshan nyid can gyi rten blta bas ma ngoms pa'i rnam par bkod pa rgya chen po mdun gyi nam mkha'i ngos la byon par bltas la bdag nyid kyi snying gar nyi ma la gnas pa'i hUM mthing nag las 'phros pa'i phyi dang nang dang gsang ba dang de kho na nyid kyi mchod pa thams cad kyis rab tu mchod nas gus pa drag pos sdig pa bshags pa la sogs pa bya'o//thog med dus nas de ring bar/ /mi dge gang bgyis so sor bshags/ /'jig rten 'jig rten 'das pa yi//dge ba la ni rjes yi rang / /ral pa gcig mchog lha dang sngags/ /de yi sras la bdag skyabs mchi/ /bde chen 'od gsal rnam mi rtog /byang chub mchog sems snying rje gzung / srid pa dus gsum tshogs bsags pa/ /de dag 'gro ba'i don phyir bsngo/ /bdag sogs mgon med mgon gyur pas/dngos grub bgyi phyir brtan pa dgongs/ /zhes brjod par bya'o/ /de'i 'og tu tshangs pa'i gnas pa bzhi'i lhag pa'i bsam pa brtan pos blo gros yongs su sbyongs la/ chos thams cad rang bzhin gyis de kho na nyid ji lta ba bzhin du yid la bya'o/ /oM swa b+hA ba shud+d+haHsarba d+harmAHswa b+hA ba shud+d+hou0f85haM/dngos kun ma lus bsdus pa'i sngags/ rten cing 'brel par 'byung ba che/ /de yi rang bzhin rang bzhin med/ /nam mkha' lta bur mkhas pas bsgom/ /oM a sarba d+harma pra tI sa mut+pA da hU~M/ /oM shU n+ya tA dz+nyA na badzra swa b+hA A t+ma kou0f85haM zhes bya ba brjod do/ / stong pa nyid chen po'i dang las re las byung ba'i nyi ma'i dkyil 'khor gyi steng du hUM yig las dag par skyes pa'i sna tshogs rdo rje 'bar ba chen po bsams la/ de las 'phros pa'i 'od zer gyi lce rab tu rnon po 'khrigs pas rdo rje'i sa gzhi dang / ra ba dang / dra ba dang / gur du grub par blta'o//de dbus a dbyibs nam mkha' dri med la/ /in+d+ra byi ru dung dang gser mdog can/ /ya~M ra~M pa~M la~M gzhu dang me thab dang / /zla rgyas ri dbyibs de steng rnam par shes/ /de dag nyid gnas yongs su gyur pa ni dkyil 'khor gyi 'khor lo gru bzhi pa dang ka ba brgyad kyis nye bar mdzes pa'o//dra ba dang dra ba phyed pa dang twa ra na la sogs pas mdzes par bya'o/ /oM badzra shud+d+haHsarba d+ha rmA badzra shud+d+hou0f85haM/ de'i dbus su bsgom par bya ba ni cung zad gyen du 'phags pa'i pad+ma'i sdong po kha phye ba'i steng du gnas pa dbang phyug chen po dang / u ma de ba bltas l a/de'i steng du kA li las grub pa'i nyi ma dang / A li las grub pa'i zla ba kha sbyor gyi nang du hU~M dang ba~M gyi sa bon rab tu 'phro bar bsams te/ de gyur pa las rdo rje gri gug dang thod pa snying po gnyis nyid kyis mtshan par blta zhing / yang 'od zer can gyi mdzad pa yongs su bsgrub pas/bdag nyid bcom ldan 'das mi bskyod pa ral ba gcig pa sku mdog mthing nag g.yas dang g.yon gyi zhabs bskum pa dang brkyangs pas 'jigs byed dang / dus mtshan mnan cing brdzis pa/ zhal gsum dang phyag drug pa/ rnam par mi rtog pa'i ngo bo nyid shin tu dbang du gyur pa'i/dbu skra dmar ser ral ba'i thor cog gcig tu 'phyang ba/ rdo rje ral pa gcig ma dang lhan cig mchog tu dga' bas 'khyud pa/ rdo rje dang rin po che dang rus pa dang sbrul gyi rgyan gyis brgyan cing / phyag rgya drug gis nye bar spras pa/ mi mgo mang po'i phreng ba'i do shal brgyud pa dang /Da ma ru dang / g.yer kha dang / sil khrol gyi rgyan dpyangs pa/ keng rus kyi thod pa dang / lag pa rlon pa dang / u dum+Wa ra'i me tog gi phreng bas dbu spras pa/ glang po che'i pags pa dang / stag gi pags pas g.yogs shing smad dkris pa/ cung zad khros pa'i cha byad can/'jigs par byed pa'i gad mo dgod cing zhal mche ba cung zad gtsigs pa'i bar nas me stag rnam par 'phro ba/ nyid kyi sku las skyes pa'i ye shes kyi me dpung chen po rnam par 'khyil ba'i dbus na gar gyi rol pas nye bar mdzes pa'i bdag nyid do/ /g.yas dkar g.yon dmar dbus mthing zhal spyan gsum//phyag drug gri gug thod pa ral gri dang / /ut+pal 'khor lo tshangs pa'i mgo bo 'dzin/ /ji bzhin zhal phyag yum ni dmar ba'o/ /de nas snyom par 'jug pa'i sbyor ba las lha'i 'khor lo dbyung bar bya ste/ shar la sogs pa'i phyogs kyi 'dab ma bzhi la lhung ba'i sa bon ni/a i u e zhes bya ba ste/ nyi ma dang zla ba'i sbubs su chud cing dkar po dang ser po dang dmar po dang ljang gu'i kha dog can 'od kyi sbyor bar 'khor lo dang rin po che dang pad+ma dang rdo rje rgya gram snying po de nyid kyis mtshan par gang gyur pa'o/ /de dag yongs su gyur pa ni rdo rje 'khor lo dang rdo rje rin chen dang rdo rje pad+mo dang /rdo rje sna tshogs rnams su grub par blta'o/ /de dag gi sa bon ni rang gi nye ba'i rgyu'o/ /sku mdog ni sa bon gyi kha dog go/ /byang shar la sogs pa mtshams kyi 'dab ma bzhi la ni sa bon gyi 'od zer las mngon par grub pa'i dri chen dang dri chu dang /rak+ta dang / byang chub kyi sems yongs su dag pa'i bdag nyid kyi bum pa ka pA las mtshan pa dag blta'o/ /de'i phyi rol du 'khor lo rtsibs brgyad la shar nas brtsams pa'i rim gyis phyogs bzhir lhung ba'i sa bon ni/ /A I U i zhes bya ba ste/ snga ma bzhin du dkar po dang ser po dang /dmar po dang / ljang gu'i kha dog can no/ /nyi ma dang zla ba'i sbubs su chud cing 'od kyi sbyor bas sgron ma dang / rdo rje dang / zhags pa dang / ral gri dang / snying po de nyid kyis mtshan par gang gyur pa'o/ /de dag yongs su gyur pa ni gti mug rdo rje dang bag chags rdo rje dang /'dod chags rdo rje dang / zhe sdang rdo rje rnams su grub par blta'o/ /de dag gi phyag mtshan ni rang gi nye ba'i rgyu'o/ /sku mdog ni sa bon gyi kha dog go/ /byang shar la sogs pa mtshams kyi rtsibs bzhir lhung ba'i sa bon ni/ o au aM aHzhes bya ba ste/ nyi ma dang zla ba'i sbubs su chud cing ser po dang dkar po dang /dmar po dang / ljang gu'i kha dog can no/ /'od kyi sbyor bas ri rab dang zla ba dang / nyi ma dang ba dan dang / snying po de nyid kyis mtshan par gang gyur pa'o/ /de dag yongs su gyur pas ni brtan pa'i rdo rje ma dang / sbyor ba'i rdo rje ma dang /'bar ba'i rdo rje ma dang / stobs kyi rdo rje ma zhes bya ba'i lha mor mngon par grub par blta'o/ /de dag gi phyag mtshan ni rang gi nye ba'i rgyu'o/ /sku mdog ni sa bon gyi kha dog go/ /dpal ldan lha tshogs 'di dag thams cad kyang / /nyi zla dbugs bral gdan la brjid pa dang //g.yon phyag bde chen ros gang thod pa 'dzin/ /rin chen rus pa sprul rgyan mtshungs pa yin/ /de bzhin du khyams shar la sogs pa phyogs bzhir lhung ba'i sa bon ni/ /ka tsa Ta ta zhes pa ste/ dkar po dang / sngon po dang / ser po dang / dmar po'i kha dog can nyi ma dang zla ba'i sbubs su chud cing 'od kyi sbyor bas me long dang /pi wang dang dri mchog dang / zhal zas snying po de nyid kyis mtshan par gang gyur ba'o/ /de dag yongs su gyur pa ni gzugs rdo rje ma dang / sgra rdo rje ma dang / dri rdo rje ma dang / ro rdo rje ma'i lha mo rnams mngon par grub bar blta'o//de dag gi phyag mtshan ni rang gi nye ba'i rgyu'o/ /sku mdog ni sa bon gyi kha dog go/ /byang shar la sogs pa'i khyams kyi grar lhung ba'i sa bon ni/ /sa ya sha k+Sha zhes pa ste/ ljang gu dang / dkar po dang / sngon po dang / dmar po'i kha dog can/ nyi ma dang zla ba'i sbubs su chud cing //'od kyi sbyor ba ni na bza' dang / chos 'byung dang / maN+Dal dang / mar mes mtshan par gang gyur ba'o/ /de dag yongs su gyur pa ni/ /reg bya rdo rje ma dang / chos rdo rje ma dang / zhing rdo rje ma dang / snang ba rdo rje ma'i lha mo rnams mngon par grub par blta'o/ /de dag gi phyag mtshan ni rang gi nye ba'i rgyu'o//sku mdog ni sa bon gyi kha dog go/ /de nas shar la sogs pa'i sgo bzhir yang de bzhin du blta bar bya ste/ r-i dkar po las byung ba'i lcags kyu yongs su gyur pas ni rdo rje lcags kyu'o/ /r-I ser po las byung ba'i zhags pa yongs su gyur par ni rdo rje zhags pa'o//l-i dmar po las byung ba'i lcags sgrog yongs su gyur pas ni rdo rje lcags sgrog go/ /l-I ljang gu las byung ba'i dril bu yongs su gyur pas ni rdo rje dril bu'o/ /khyams na lha brgyad pad+ma nyi zla'i gdan/ /rin chen rus brgyan skyil krung phyag mtshan gcig /sgo bzhir gnas ni nyi zla dbugs bral gdan//sbrul rgyan stang stabs g.yon phyag ka pA la'o/ /de ltar 'khor lo yongs su rdzogs pa'i khor yug chen po la ni grub pa'i dur khrod brgyad kyis yongs su bskor ba ste/ ji skad du/ gtum drag tshang tshing dkrigs pa dang / /'ur 'ur 'bar bas khyab pa dang /keng rus 'jigs rung shar sogs kyi/ /phyogs su g.yon skor gyis legs gnas/ ha ha dgod pa dbang ldan du/ /byin zar dpal gyi nags tshal lo/ /mun pa mi bzad bden bral du/ /rlung du kI la kI lar sgrogs/ /zhes byung ba bzhin no/ / de dag re rer yang shing dang phyogs skyong dang klu dang / sprin dang zhing skyong dang / dgra bcom pa dang / grub pa dang mkha' 'gro dang / mchod rten dang / me dang chu chen po la sogs pa brgyad brgyad yod par blta'o/ /de'i 'og tu bcom ldan 'das dkyil 'khor chen po'i bdag nyid shin tu mi 'phrogs pa'i bde ba bsam gyis mi khyab pa'i ros rab tu 'jus pas ha cang dga' bas mi zad pa'i ngo bor mos shing /rim gyis stong pa nyid du thim par gyur te/ bcom ldan ma dang lhan cig tu zhu nas rab tu dang ba'i gzugs can gyi nA da dkar ba dang dmar ba'i rnam par gnas par bsam mo//de'i tshe phyogs kyi 'dab ma bzhir rgyal ba bzhi'i thugs ka las tshad med bzhi'i lha mo sprul pas sems can gyi don du slar ldang bar gsol ba gdab par bya'o/ /'jig rten mgon po bcom ldan bzhengs/ /'gro ba nyon mongs yongs su skyobs/ /stong pa'i ting 'dzin spangs nas su//byams chen sku mchog bltams par mdzod/ /thugs rje chen po bcom ldan bzhengs/ /sems can sdug bsngal rab tu sgrol/ /zhi ba'i mtha' la mi gnas par/ brtse chen rnam par 'phrul par mdzod/ /bde chen rgyal po bcom ldan bzhengs/ / lus can bde don yang dag gzigs/ /zag med dbyings thugs ma gzhom par/ /dgyes chen kun du snang bar mdzod/ /gtso chen rdo rje bcom ldan bzhengs/ /skye bo dub pa mngon dgongs la/ /mtha' gcig rgyun chad mi bzhugs par/ /ma lus 'tshal ba sgrub tu gsol/ /zhes bya ba'i glus gnyid sad pa dang 'dra bar byas te/slar sa bon gyi yi ge gnyis dang mtshan ma gnyis las bcom ldan 'das yab dang yum mngon par grub pa'i rim pa sngar ji skad smos pa bzhin du sprul bar bya'o/ /gsang sngags las grub 'khor los sgyur rgyal bzhin/ /khrag 'thung ral pa gcig 'phyang thugs rje yi//dbyings las sku bltams mkha' las nyi ma ltar/ /ma lus don grub 'bar ba de rjes bsam/ /de nas gzhal yas khang dang lha rnam par dag pa khong du chud par bya ste/ 'di skad du mi mnyam med pas zur bzhi yin/ /dran dang dbang po'i sgo bzhi yin//bsam gtan bzhi ni rta babs bzhi/ /rnam thar brgyad phyir ka ba brgyad/ /byang chub yan lag bdun dag phyir/ /dra ba dang ni dra ba phyed/ /phyogs bzhi tshad med bzhi yin te/ /pad+ma 'khor lo shes rab thabs/ /rnam par shes brgyad yongs dag pa/ / de ni dur khrod chen po brgyad/ /ces bya ba lta bu dkyil 'khor yongs su dag pa gang yin pa'o/ /dkyil 'khor yongs su dag pa yang / re zhig zla ba ni me long lta bu'i rang bzhin no/ /nyi ma ni mnyam pa nyid kyi rang bzhin no/ /sa bon dang mtshan ma ni so sor kun du rtogs pa'i rang bzhin no/ / yongs su gyur pa ni bya ba grub pa'i rang bzhin no/ /gzugs brnyan nye bar rdzogs pa ni/ /chos kyi dbyings kyi ye shes kyi rang bzhin no/ /rnam par shes pa'i phung po rnam par dag pa ni dpal rdo rje ral pa gcig pa'o/ /gzugs kyi phung po rnam par dag pa ni rdo rje 'khor lo'o/ / tshor ba'i phung po rnam par dag pa ni rdo rje rin chen no/ /'du shes kyi phung po rnam par dag pa ni rdo rje pad+ma'o/ /'du byed kyi phung po rnam par dag pa ni rdo rje sna tshogs so/ /gti mug rnam par dag pa ni gti mug rdo rje'o/ /bag la nyal rnam par dag pa ni bag chags rdo rje'o/ /'dod chags rnam par dag pa ni 'dod chags rdo rje'o//zhe sdang rnam par dag pa ni zhe sdang rdo rje'o/ /sa'i khams rnam par dag pa ni brtan pa'i rdo rje ma'o/ /chu'i khams rnam par dag pa ni sbyor ba'i rdo rje ma'o/ /me'i khams rnam par dag pa ni 'bar ba'i rdo rje ma'o/ /rlung gi khams rnam par dag pa ni stobs kyi rdo rje ma'o//gzugs rnam par dag pa ni gzugs rdo rje'o/ /sgra rnam par dag pa ni sgra rdo rje ma'o/ /dri rnam par dag pa ni rdo rje ma'o/ /ro rnam par dag pa ni ro rdo rje ma'o/ /reg rnam par dag pa ni reg rdo rje ma'o/ /chos rnam par dag pa ni chos rdo rje ma'o/ /zhing rnam par dag pa ni zhing rdo rje ma'o//snang ba rnam par dag pa ni snang ba rdo rje ma'o/ /tshor ba bde ba rnam par dag pa ni rdo rje lcags kyu'o/ /tshor ba sdug bsngal rnam par dag pa ni rdo rje zhags pa'o/ /tshor ba btang snyoms rnam par dag pa ni rdo rje lcags sgrog go/ /de dag gi bag chags rnam par dag pa ni rdo rje dril bu'o//'od gsal bde chen mi rtog rtag chad rnam par dag /pad+mo thod pa dbugs bral dbang phyug u ma'i gdan/ /dus gsum mthar phyin skyob drug thabs dang shes dag phyir/ /zhal gsum phyag drug phyag rgya drug zhabs brgyad bskum nyid/ /de bzhin du rdo rje 'khor lo la sogs nyi shu rtsa bzhi'i dkyil 'khor pa thams cad kyi gdan dang phyag mtshan la sogs pa rnam par dag pa yang ci rigs su rig par bya'o//gang yang dkyil 'khor ba la rgyas gdab pa'i phyag rgya lnga'am drug kyang rnam par rig par bya ste/ re zhig bla ma dang lhag pa'i lha la phyag 'tshal ba'i don du spyi gtsug tu 'khor lo ste/de ni mi bskyod pa'i bdag nyid rnam par dag pa'o/ /rdo rje 'dzin pa'i bka' bsgo ba nyan pa'i phyir rna ba la rna cha ste/ de'i 'od dpag med kyi bdag nyid rnam par dag pa'o/ /gsang sngags zab mo bzlas pa'i phyir mgul ba la mgul do ste/de ni rin chen 'byung ba'i bdag nyid rnam par dag pa'o/ /srog chags thams cad la 'tshe ba spangs pa'i phyir lag pa la lag gdub ste/ de ni rnam par snang mdzad kyi bdag nyid rnam par dag pa'o/ /phyag rgya nye bar bkod pa bstan pa'i phyir rked pa la ske rags te/ de ni don yod grub pa'i bdag nyid rnam par dag pa'o//rang gi shes rab dang lhan cig pa'i phyir tshom bu ste/ de ni ral ba gcig pa'i bdag nyid rnam par dag pa'o/ /de nas gzhal yas khang gi cha nyi shu rtsa bzhi shar gyi 'dab ma nas brtsams te byang gi sgo'i bar yul nyi shu rtsa bzhir rnam par dag pa sbyar bar shes par bya zhing rang gi lus kyi cha nyi shu rtsa bzhi yang yul nyi shu rtsa bzhir rnam par dag pa lha dang sbyar ba yang rtogs par bya ste/dang po kho nar de kho na nyid kyi gnas snying gi dbus su dpal rdo rje ral gcig pa'o zhes pa 'di ni khyad par ro/ /pul+lI ra mA la ya mgo la rdo rje 'khor lo zhes pa nas/dzA lan+d+ha ra spyi gtsug dang / /au T+yan rna ba g.yas/ /urbu dA ste glad pa'i rgyab/ /go dA wa ri rna ba g.yon/ /ra me shwa ra smin ma'i dbus/ /de bI ko Ta mig gnyis dang / ma la wa ni phrag pa gnyis/ /kA ma ru pa ni mchan khung gnyis/ /o tre nu ma gnyis yin no//tri sha ku ne lte ba dang / /ko sa la ni sna yi rtse/ /ka liM ga ni kha nyid de/ /lam+pA ka ni mgul pa'o/ /kAny+tsi snying gi rtse mo dang / /hi ma la ya lgang pa gnyis/ /bre ta pu ri mtshan ma dang / /gr-i ha de ba gsang ba'i gnas/ /sau rASh+Ta ni brla gnyis te/ /su bar+Na dI pa byin pa gnyis//na ga ra ni sor mo rnams/ /sin+d+hu rkang pa'i rgyab tu'o/ /ma ru mthe bo rnam gnyis te/ /ku lu tA ni pus mo gnyis/ /rdo rje dril bu zhes bya ba'i bar du grangs ji lta ba bzhin du sbyar bar bya'o/ /de rjes yab dang yum rim rdo rje sngon po dang / /pad+ma dmar po'i rgyas gdab go cha drug drug bcing //dud mdog ha hi hu he ho haM zhes dang / /khrag mdog a i u e o dang aM nyid do/ /de la snying gar ni ha'o/ /mgo bo la ni hi'o/ /spyi gtsug tu hu'o/ /phrag pa gnyis ni he'o/ /mig gnyis la ni ho'o/ /yan lag thams cad la ni haM ngo / /de bzhin du lte bar ni a'o/ / snying gar ni i'o/ /khar ni u'o/ /mgo la ni e'o/ /spyi gtsug tu o'o/ /yan lag thams cad la ni aM ngo / /de'i 'og tu dam tshig pa'i 'khor lo yongs su rdzogs pa nyid brtul zhugs dang / cho ga de kho na nyid kyis byin gyi rlabs bcug pas nges par brten par bya ba'i don du/ ye shes pa'i 'khor lo dri ma med pa de spyan drangs te/ yang dag par gzhug par bya'o/ /mdzub mo mdud byas gung mo rtse sprad cing / /mthe bong rdo rje brtan por rab tu sbyar/ /sor mo gzhan gdengs dpral ba'i dbus gzhag la/ /bskor zhing bskor bas yongs su bsgyur bar bya/ /g.yon brkyang g.yas mnan gyen du blta/mig sgyur pheM gyi sgra sgrogs pas/ /phyogs bcu'i 'jig rten khams bzhugs pa'i/ /dpa' bo rnal 'byor ma tshogs dgug /ces bya ba 'di lta bus nyid kyi gnas nas dam tshig rjes su dran pas mdun gyi nam mkha'i ngos 'dir mngon par byon par gyur to//oM sarba ta thA ga ta a b+hi She ka ta sa ma ya shri ye hUM/ thog mar sku khrus gsol ba'o/ /oM pA d+yaM pra tIts+tsha swA hA/ zhal bsil dbul ba'o/ /oM any+tsa mA naM pra tIts+tsha swA hA/ zhabs bsil ba'o/ /oM pad+ma sUR+Ya tsaN+Da maN+Dal ma ye swA hA/ gdan dbul lo/ /de nas thog mar lus thams cad nye bar 'dud pas phyag byas te/gang zhig sna tshogs ro gcig dbang po'i gzhu 'dra ba/ /nyon mongs rdul bral bde chen 'od gsal spros bral zhing / /ye shes rgyun 'bab rdo rje'i dkyil 'khor cher 'byung la/ /gus pa'i khur gyis mgrin pa smad nas bdag phyag 'tshal//de nas mchod pa byin gyis brlabs nas dbul bar bya ste/ oM badzra puSh+pe AHhUM/ oM badzra d+hU pe AHhUM/ oM badzra dI pe AHhUM/ oM badzra gan+d+he AHhU~M/ oM badzra nai bi d+ye aHhU~M/ lan gsum gsum gyis so/ /kha dog sna tshogs dri zhim dbyibs mdzes me tog dang / /bdug spos a ka ru dang sbrul gyi snying po dang //snod mdzes rin chen sgron me snang ba drir bcas dang / /chu gtsang dri mchog snying po sbyor ba dpag med dang / /mdog bzang ro brgya ldan pa'i zhal zas mang po rnams/ /gus bcas yid 'ong lha mchog tshogs la 'bul lags kyis/ /sems can ma lus srid pa'i gdung ba zhi ba dang /zag med bde chen ye shes bdud rtsis myos par mdzod/ /oM na mo b+ha ga wAn e ka dza TI sarba maN+Dal tsakra de ba tA puSh+pe pu dza me g+ha sa mu dra spa ra Na sa ma ye hUM zhes pa nas/ nai bi d+ye pU dza me g+ha sa mu dra spa ra Na sa ma ye hU~M zhes bya ba'i bar du sbyar bas dbul bar bya'o//pi wang gling bu rdza rnga rnga zlum bzhad ma dang / /sgeg mo glu ma gar ma gzugs mdzes ro dang reg /maN+Dal chos ma rgyan sogs de bzhin bkod pa ni/ /zab cing rgya che rgya mtsho sprin 'phro gzhan yang mchod/ /oM AHbadzra bi ni hU~M/ oM AHbadzra baM se hU~M / oM AHbadzra mu rdzi hU~M /oM AHmr-i taM ge hU~M/ oM AHbadzra hA s+ye hU~M/ oM AHbadzra gI ti hU~M/ oM AHbadzra nr-i rti hU~M/ oM AHbadzra A daR+she hU~M/ oM AHbadzra ra se hU~M/ oM AHbadzra spaR+she hU~X/ oM AHbadzra maN+Dal le hU~M/ oM AHbadzra d+harme hU~M/ oM AH badzra sarba a laM kA re hU~M/ oM AHbadzra sarba pU dzA r+tha me g+ha sa mu dra s+pha ra Na sa ma ya hU~M/'di dag ni phyi'i yo byad kyi mchod pa'i rim pa'o/ /de nas rgun 'brum mam bu ram shing la sogs pa las btung ba bzang po sbyar te/ mtshan ma bzang po'i ka pA la gang bar byas nas sgron ma dang / bdud rtsi'i ro dang lhan cig tu gyur pa mdun du gzhag ste snod sbyangs la//oM aHbadzra ma hA sa ma ya ho zhes bya bas dam tshig dran par bya'o/ /man ngag ji bzhin pas lag pa rdo rje'i rang bzhin du byin gyis brlabs te/ g.yas kyi mthe bong dang / mdzub mo dang / gung mo dang / srin lag dang / mthe'u chung dang / lag mthil rnams la go rims ltar/ha hi hu he ho haM/ zhes bya ba'i yig 'bru gnas la dkar ba dang / sngo ba dang / ser ba dang / dmar ba dang / ljang ba dang / mthing ga'i mdog can yab kyi thugs ka'i hUM las 'phros pa'i 'od zer rig pa las yongs su gyur pa'i gzugs kun du 'od dang / rdo rje 'dzin pa dang / nor gyi dbyig dang /'od zer can dang las kyi bde dang / 'jigs byed rgyal po rnams/ g.yon zla ba'i gdan la rnam par gnon cing / g.yas skyil krung phyed pa'i gar gyis mngon par dgyes pa rang gi sa bon gyi kha dog can/ 'khor lo la sogs pa sangs rgyas lnga'i mtshan ma dang / gri gug gis g.yas kyi phyag mtshan pa dang /thams cad kyang g.yon na khrag gi bdud rtsis rab tu gang ba'i thod pa can no/ /de bzhin du g.yon gyi mthe bo la sogs par yang grangs ji lta bas/ a i u e o aM zhes bya ba'i yig 'bru gnas ba la dkar ba dang / sngo ba dang / ser ba dang / rab tu dmar ba dang /ljang gu dang / sin+d+hu ra'i mdog can/ yum gyi thugs ka'i baM las 'phros pa'i 'od zer reg pa las yongs su gyur pa'i gzugs rab gsal ma dang / rab brtan ma dang / rgyan can ma dang / 'od 'chang ma dang / tshogs can ma dang / skrag mdzad ma rnams g.yas nyi ma'i gdan la gnon cing g.yon gyi skyil krung phyed pa'i gar gyis yongs su dgyes ma/rang gi sa bon gyi kha dog can 'khor lo la sogs pa sangs rgyas lnga'i mtshan ma dang / /ka pA la g.yas kyi phyag mtshan pa/ thams cad kyang g.yon na khrag gi bdud rtsis rab tu gang ba'i thod pa can no/ /de nas go cha de dag la ye shes kyi lha yang dag par bkug ste/dam tshig la bcug nas yid las byung ba'i mchod pas mchod cing thal mo mnyam par sbyar bas phan tshun rjes su zhugs pa dang / de bsdams pas phan tshun yongs su thim par blta'o/ /gang thim par gyur pa de yang hU~M a zhes gsung mthon pos bos bas stong pa nyid dang thig ler mi gnas par yi ge gnyis kyi gzugs su mngon par blta bar 'gyur ro//de nas g.yas kyi srin lag gis dam tshig la reg cing chos 'byung bsnol ba bri bar bya ste/ zur drug la go cha'i yi ge drug brjod pas yi ge de dag gis mtshan par bya ba dang /de'ang g.yas kyi mthil gyis bon hU~M/ las mngon par skyes pa'i rgyun bdud rtsir 'dzag pa nas 'byung ba'o/ /de bzhin du g.yon pa'i srin lag gis dam tshig can la reg cing chos 'byung bsnol ba sngar gyi rjes su bris pas 'og tu gsal bar bya ste/ zur drug la go cha ma'i yi ge drug brjod pas yi ge de dag gis mtshan par bya ba dang /de'ang g.yon gyi mthil gyi sngar gyi sa bon a las mngon par skyes pa'i rgyun bdud rtsi 'dzag pa nas 'byung ba'o/ /mthar g.yas dang g.yon gyis yab dang yum gyi cho ga'i dkyil 'khor gyi dbus su reg pas ho dang baM lhan cig gnas pa yang bltas la/se gol gtogs te ha cang mi ring ba'i steng gi mkhar 'phags par bzhugs so/ /de rjes g.yas g.yon snying gar zla ba nyi ma dang / chu skyes dbus nas sku gsung thugs bltas ming brjod pas/ /dkar bsil dmar tsha rab tu sngo 'jam 'od reg phyir/ /dri med rab bzhu lha tshogs sbyor bas bdud rtsi dbab//de ltar 'od kyis bskul ba na dbus kyi yi ge las gyen du 'greng ba'i zer gyi cho ga dang bcas pa'i bcom ldan 'das yab yum spyan drangs nas nam mkha'i yi ge la bstims te/de ma thag tu lha bcu bzhi'i bdag nyid du gyur nas snyoms par zhugs pa dang /thams cad kyi sbyor mtshams nas thig le bdud rtsi rgyun ltung bas dam tshig bzhu ba'i khu ba bsil zhing rnam par dkar pa gya nom par bya'o/ /rim gyis bde ba chen po'i ro ma bzod pa'i phyir go cha bcu bzhi 'od kyi rnam par zhu ba bdag po la thim pa dang / de yang mi 'phrogs pa'i dga' bas rnam par myos pa'i phyir sa bon gyi ngo mtshar zhu bar bsam mo//de nas baM ho brjod pas bsam gyis mi khyab pa'i ro can rnam pa thams cad phun sum tshogs pa'i yon tan byed par blta'o/ /de bzhin du yi ge de yang rtsa ba'i yi ge la thim zhing de yang 'od kyi gong bur zhu bas dam tshig la khyab par bstims la/ma lus pa'i dkyil 'khor pa thams cad mnyes par gyur bas dgyes pa'i rgyur byin gyis brlabs te/ rdo rje thal mo'i gar sgyur ba dang ldan pas yang dag par mchod par bya'o/ /'di dag ni nang gi dam tshig gis mchod pa'i cho ga'o//lte ba'i dbus las byung ba yis/ /dpal mo dang ni sgra ldan ma/ /dung can ma dang bdud rtsi 'dzag /dga' byed ma dang myos byed ma/ /zhing skyong ma dang 'od kyi dpung / /sna tshogs glu gar rol mo byed/ /rdzas bcu dag pa'i bdud rtsi'i rgyun/ /pad+ma'i snod thogs mchod par bsam//gtso chen dur khrod bcas dkyil 'khor/ /dngos dang bdag po las sprul ba'i/ /shes rab thabs ldan snyoms zhug pas/ /zag med bde chen myos gyur mchod/ /dga' ba chen po 'od skyed de/ /lus can kun gyi sdug bsngal bsal/ / slar 'dus chags pa chen po'i ro/ /sad par byas te snying rjes bslang / /'di dag ni gsang ba dang de kho na nyid kyi mchod pa'i khyad par ro/ /de'i 'og tu sdig pa bshags pa la sogs pa rang nyid kyi phrin las la nye bar sbyar bar bya ste/ /'bras bu mi bzad rang bzhin mi dge dpag med dang //bgyi ba ma lags thub pa'i bka' las 'das gyur gang / /zab mo legs sngags dam tshig rdo rje'i rgya dral ba/ /ring nas gang bsags sdig pa'i phung po di ring bshags/ /dkyil 'khor bdag po rgyal ba yab yum 'gro don brtson/ /lha tshogs sras mang de yi rjes 'jug phrin las byed//sngags 'chang rnams kyang nyin re mchod pa'i las brtson pa/ /ma lus ngo mtshar bsod nams rgya mtsho rjes yi rang / /khrag 'thung ye shes dkyil 'khor lha tshogs gsal ba la/ /thugs rje'i rgyun gyis zag med snyoms 'jug rol pa dang / /'bar ba'i 'od bkye gsang sngags rgyal po bka' bsgo zhing //bla med lam ston chos kyi 'khor lo bskor bar bskul/ /stong par bzhugs dang ha cang mi bsnyel zhi ba dang / /sgrub po gang zhig dam tshig med dang bag med la/ /sdang mdzad mi snang ston par bzhed rnams la//gdung bas ji srid dngos grub bar du brtan bzhugs gsol/ /sku gsung rang bzhin ral ba gcig mchog ston pa dang / de yi nyer bstan rim gnyis bdud rtsi'i rgyun 'dra'i chos/ /rjes 'jug blo bzang go cha bzang la rtul phod pa/ /mnyam med skyabs mchod rin chen gsum la bdag skyabs mchi//shin tu ngo mtshar de nyid snying pos kun khyab kyang / /ma rtogs sdug bsngal rnam mang skyon gyis gzings pa yi/ /mgon med gnyis tshogs 'gro ba nam mkha' mnyam pa'i phyir/ /sa gsum dbang phyug rdo rje'i sku gsung thugs thob bgyi/ /rdo rje 'khor lo pad+ma las kyi rigs//ji bzhin ji snyed dam tshig sdom pa ma lus gzung / /gang zhig sngon chad ma smin ma sgrol ma bsgral ba/ /de dag smin cing myur grol bsgral phyir bdag gis 'bad/ /nyi zla'i sbyor bas mun pa zad 'gyur grong mchog lam/ /bdud rtsi sgron ma chu gter yid 'ong rin po che//rdul med rdul bral ye shes dbang phyug phyag rgya che/ /bde chen 'od gsal mi rtog 'phrul pa thob par shog /de rjes gzhan yang sna tshogs mchod byas bstod sprin rgya mtsho rab bstod de/ /dkyil 'khor gtso bor dbang bskur phyir ni gsol btab rtse gcig yid kyis 'dug /de nas des sprul snying ga las 'ongs bde gshegs lnga bdag lha mo lngas/ /rnam dag ye shes bdud rtsi'i rgyun phab bdag lus ngag yid dag par bya/ /rnam pa sna tshogs rnam par smin/ /rnam par 'joms dang rnam mtshan bral/ /dga' dang mchog dga' dga' bral dang //lhan cig skyes dga'i mtshan nyid do/ /dgod dang 'phrad 'khyud 'khrig pa dag /rnam par dag phyir bum pa dang / /gsang dbang shes rab bde ba che/ /dbang bzhir rgyal po thob par 'gyur/ /tha ma'i thigs pas rigs 'jog pa/ /gtso bo mi bskyod rdo rjes mtshan/ / rdo rje 'khor lo la sogs bzhi/ /'khor lo la sogs bzhi nyid do/ /gti mug rdo rje sogs bzhi yang / /'khor lo la sogs rim bzhin te/ /sbyor ba'i rdo rje ma la sogs/ /mtshams bzhir bdag po'i rgya nyid dam/ /yang na 'khor lo sogs rim nyid/ /de bzhin gzugs mdzes rdo rje sogs//'khor lo la sogs rim bzhin te/ /phyogs bzhir reg bya rdo rje sogs/ /grangs bzhin rigs bzhin nyid dang ni/ /gtso bo'am rim de nyid bzhin brtag /de nas mdun gyi nam mkha' la gnas pa'i dkyil 'khor de nyid cher dgug pa dang / gzhug pa dang / bcing ba dang / mnyes par bya ba'i phyag rgya dang / sngags kyis rang gi dam tshig la mngon par gzhug par bya'o/ /rdo rje thal sbyar mdzub gnyis bkug /rdo rje bsdams pa nyid dang ni/ /de bzhin mthe bong gnyis nang bcug /slar yang gar bskor 'di yi rgya/ /dzaHhU~M baM hoHde ltar dpal ldan dam tshig che bkod ye shes mthu ldan ro gcig gis//sgrub po mkhas rnams nga rgyal brtan gnas dngos grub mchog phyir slar yang ni/ /gsang sngags rgyal po don kun sgrub byed nyi shu drug bcas mgal me'i tshul/ /de bzhin gang yang sngags rigs gzhan bzlas rang rang dbus/ gnas 'od 'phro ba'o/ /oM yo ga shud+d+haHsarba d+harmA yo ga shud+d+hou0f85haM/ dpal chen dpal mo chen gnyis thugs/ /'dam skyes dmar dbus hUM dang baM/ /kha dog sngon po dmar bsams la/ /de mtha' nyid gnyis sngags kyis bskor/ /oM AHsarba ta thA ga to gar+b+he badzra ta twa dz+nyA na dzA la hU~M phaT swA hA/oM AHsarba ta thA ga to mA tri badzra ta twA pa ya s+pha ra Na baM hU~M phaT swA hA/ bcom ldan 'das yab yum gyi sngags so/ /oM AHbadzra dz+nyA na hU~M phaT/ oM AHbadzro pa ya hU~M phaT/ bcom ldan 'das yab yum gyi nye ba'i snying po'o/ /oM AHbadzra tsakra a hU~M/ oM AHbadzra rat+na e hU~M/ phaT swA hA/ oM AHbadzra pad+ma u hU~M phaT swA hA/ oM AHbadzra bi shwa e hU~M phaT swA hA/ oM AHbadzra mo ha A hU~M phaT swA hA/ oM AHbadzra ba ra na I hU~M phaT swA hA/ oM AHbadzra rA ga U hU~M phaT swA hA/ oM AHbadzra dwe Sha ai hU~M phaT swA hA/ oM AH badzra s+thi ra o hU~M phaT swA hA/oM AHbadzra yo ga au hU~M phaT swA hA/ oM AHbadzra dz+wa la aM hU~M phaT swA hA/ oM AHbadzra ba la aHhU~M phaT swA hA/ oM AHbadzra rU pa ni ka hU~M phaT swA hA/ oM AHbadzra shap+ta ca hU~M phaT swA hA/ oM AHbadzra gan+d+ha Ta hU~M phaT swA hA/ oM AHbadzra ra sa ta hUM phaT swA hA/ oM aHbadzra spaR+Sha pa hU~M phaT swA hA/oM AHbadzra d+harma ya hU~M phaT swA hA/ oM AHbadzra k+She tra sha hU~M phaT swA hA/ oM AHbadzra A lo ka k+Sha hU~M phaT swA hA/ oM AHbadzra aM ku sha r-i hU~M phaT swA hA/ oM AHbadzra pA sha r-I hU~M phaT swA hA/ oM AHbadzra ban+d+ha l-i hU~M phaT swA hA/ oM AHbadzra g+haN+Da l-I hU~M phaT swA hA/ lha nyi shu rtsa bzhi'i snying po'i sngags so//yi ge re re 'bum phrag gang yin yab yum mnyes byed yin bshad gzhan/ /pad+ma dang ni 'khor lo'i lha dang khyams bcas go rims bzhin/ /'bum phrag gsum dang gnyis dang gcig bzlas mngon sum gzhal yas khang / /mthong ba'am rmi lam brtan dang gsal snang mchog thob ting 'dzin mthu grub brtan pa'i ltas//dmigs pas dub par gyur pa dang / /rtse gcig bsam gtan go 'phang gnyer/ /rim pa gzhan yang goms 'dod pas/ /de nas rnam par mi rtog bsgom/ /spyi yi snying ga lte bar ni/ /zla ba pad+ma nyi steng du//haM dang hU~M dang aM zhes kyi/ /yi ge bde gsal mi rtog rgyu/ /snod bcud rlung rgyun brtan g.yo mkha'/ /nyi ma zla ba sgra gcan 'dzin/ /rmi lam nam mkha'i sbyor ba yis/ /blo chen [(]rnam [,]rnal [)]'byor bsgrub par bya/ /spro dang sdud dang gzung ba dang / /dmigs bral dang ni rnam par dag /sna tshogs mngon par sprul pa ni/ /rim sogs bla ma rgyas par 'chad/ /thun mtshams rtag tu btor ma sngon 'gro ji snyed 'byor pa'i tshogs 'khor los/ /legs mchod thal sbyar dngos grub gsol btab dam tshig ma gyur kun bzod gsol/ / de rjes mdud pas rdo rje'i gar bskor se gol brdabs pas ye shes kyi/ /dkyil 'khor mkhar bskyod shin tu legs zhes dbugs phyung mi snang gyur par bsam/ /de ltar sngags pa blo gros can brtul zhugs zab mo spyod par nus pas ji skad bshad pa'i cho ga 'di dag nyin re bzhin thun gsum gsum bsnyen par byed cing /bla ma dang lhag pa'i lha la mngon par dad pa rgyun mi 'chad pas sbyor bar byed na/ des ci nas kyang zla ba bdun las mi ring bar bcom ldan 'das dkyil 'khor chen po'i lha nyi shu rtsa lnga'i bdag nyid kyi mtshan ma gdon mi za bar mthong bar 'gyur te/'di la the tshom mi bya'o/ /ji snyed 'dod pa'i dngos grub dang las thams cad kyang 'grub par 'gyur ro/ /ting nge 'dzin dang ye shes dang gzungs kyi sgo dpag tu med pa yang mngon du 'gyur ro/ /sbyin bdag dang slob ma'i tshogs dang / rgyal po dang / bram ze la sogs pa thams cad kyi rje dpon thob par 'gyur zhing / skye bo thams cad kyi yid bzhin gyi nor bu rin po che lta bur 'gyur te/ mdor na de ni lha dang mi dang lha ma yin dang bcas pa'i 'jig rten na ston pa lta bur blta bar bya'o/ /dpal ldan bla med rgyud rgyal de nyid rgyal ba rnams kyi sku gsung thugs mdzad ma lus pa yi gter gang yin//sngags 'chang nyid kyi shin tu bka' bsgos rdo rje can dang thod phreng zhes bya mkha' 'gro gnyis kyis rim gsum rgyas btab sbas pa ni/ mgon po de nyid mthong ba'i blo mnga' spyan gsum ldan pas glo bur kha phye khrag 'thung dkyil 'khor las byung ba//spros med ral pa gcig 'chang ji bzhin sgrub thabs bdag gi bla ma mchog gi sgron me la brten mthong / /gnas 'dir 'bad byas pa las rnyed pa yi/ /dge ba dri med bdag la gang zhig yod/ /de myur 'gro 'dir ral pa gcig mchog gi/ / go 'phang nyi shu lnga yi bdag nyid shog /dpal bcom ldan 'das ral pa gcig pa'i dkyil 'khor gyi 'khor lo'i sgrub thabs/ grub pa brnyes pa'i paN+Di ta chen po a dzi ta mi tra gup+tas mdzad pa rdzogs so// //rnal 'byor gyi dbang phyug chen po shrI dza ga ta mi tra A nan+da dang /