CLOSE WINDOW

D2108
བོད་ཡིག

/[ ]@##/ /rgya gar skad du/ Ar+ya many+dzu shrI nA ma sad+hI ti lnga d+ha na nA ma/ bod skad du/ 'phags pa 'jam dpal gyi mtshan yang dag par brjod pa'i sgrub thabs /'jam dpal ye shes sems dpa' la phyag 'tshal lo/ /yon tan ye shes mchog gi mchog gyur pa'i//bde ba'i stobs kyis bde ba'i ro myang ba'i/ /rang gi rgyud gsum dag pa'i 'jam dpal de la 'dud/ /'jam dpal mtshan ni brjod pa yi/ /gzhung lugs thob par gyur pa yi/ /yongs bsdus sgrub thabs gsal bar bsdeb/ /de'i gzhung bdag gis bshad par bya//shes rab snying rjer ldan pa yi/ /zab mo'i don la dgongs pa yis/ /theg chen sngags pa'i rnal 'byor pas/ /yid dga' ba yi gnas nyid du/ /bde ba'i stan la nyer 'dug ste/ /snying gar nyi dkyil a bsams la/ /'od phyung 'phags pa bla mar bcas/ /yid kyis mdun du spyan drangs la//maN+Dal mchod pa phul byas la/ /gsum la skyabs su gsol ba dang / /sdig pa ma lus bshags pa dang / /byang chub mchog tu sems bskyed do/ /de yang rgyud las/ dpal ldan pad+ma sangs rgyas skyes/ /tshogs gnyis tshogs ni bsags pa po/ /rtag pa kun rgyal rnal 'byor can//bsam gtan bsam bya blo ldan mchog /rdo rje dregs pa rdo rje'i snying / /rdo rje nyi ma snang ba che/ /rdo rje zla ba dri med 'od/ /rdzogs pa'i sangs rgyas a las byung / /kha dog sna tshogs 'bar ba'i 'od/ /'phags lam shin tu mtho la gnas/ /bla ma gsang sngags che ba'i mchog /sems can kun gyi yid ltar mgyogs/ /dkyil 'khor chen po yangs pa yin/ /mchod cing brjod pa drang srong che/ /gtso bo dkon mchog gsum 'dzin pa/ /dag par byed pa sdig sel ba/ /sangs rgyas byang chub bla na med/ /ces gsungs so/ /de nas skad cig ma la bdag nyid 'jam dpal du bsgoms la/de'i thugs ka nas a las/ rdo rje shugs can 'jigs par byed/ /ha la ha la gdong brgya pa/ /dpal ldan lag pa brgyas gang la/ /brdung ba'i mtshon cha sna tshogs 'dzin/ /phyogs bcur sprul pa sna tshogs 'gyed pa'o/ / oM many+dzu shrI kro d+ha ya mAn+ta ka hUM phaT/ b+he ro ha na ra da ha ra/ pa tsa ra sarba a mu ka badzra khang+ga ts+tshe da rak+Sha rak+Sha hUM hUM phaT phaT/ ces brjod pas mtshon cha dpag tu med pas mtshams bcad do/ /de nas oM shu n+ya tA dz+nyA na badzra swa b+hA ba Ad+ma kou0f85haM zhes brjod pas na stong par bsam/ snying ga'i sa bon las byung ba'i//'byung lnga'i yi ge rang bzhin chad/ /e/ yaM/ ba/ raM laM/ nam mkha' rlung chu ri rab me dang bcas/ /de steng pad+ma'i lte ba la/ /b+hUM las ye shes gzhal yas khang / /pho brang pad+ma 'khor lor bcas/ /gru chad sgo bzhi mu khyud ldan/ /rgyud las/ stong pa nyid dga' 'dod chags blo//rdo rje snying po mkha' 'dra ba/ /phra zhing zag med sa bon bral/ /'byung ba chen po rgyu gcig po/ /dkyil 'khor chen po yangs pa yin/ /zhes gsungs/ de nas gdan sgom ste/ paM las pad+ma zla ba'i gdan/ /a dang ma las nyi ma'i gdan/ /de steng a yi 'phro 'du las//a las 'jam dbyangs rdo rjer gyur/ /sku mdog dmar ser gdong lnga pa/ /dkar sngo dmar ljang dmar ser ro/ /zur phud lnga ldan cod pan can/ /me tog rin chen phreng bas brgyan/ /phyag brgyad rim par bsnams pa ni/ /ral gri mda' dang lcags kyu rdo rje g.yas/ /po ti gzhu dang zhags pa pad+ma g.yon//gzhon nu mdzes pa'i rgyan dang ldan/ /kha dog lnga ldan 'od kyi dbus/ /rdo rje skyil krung bzhugs pa la/ /thugs kar shes rab 'khor lo'i dbus/ /nyi ma'i steng na ral gri a yis mtshan/ /'khor lo'i rtsibs la gsang sngags dgod/ /yang na gnas bzhir 'khor lo bsam/de ltar bsam gtan ting 'dzin dben/ /de yang rgyud las/ dpal ldan sangs rgyas pad+ma skyes/ /rdo rje nyi ma snang ba che/ /rdo rje zla ba dri med 'od/ /rdzogs pa'i sangs rgyas a las byung / /gzugs che lus kyang che ba ste/ /gdong lnga zur phud lnga dang ldan/ /zur phud lnga pa me tog spos//lag pa brgya po kun bskyod cing / /shes rab ral gri mda' gzhu thogs/ /rdo rje lcags kyu zhags pa che/ /rdo rje las skyes rdo rje'i bdag /dpal ldan pad+ma gar gyi bdag /'jig rten gsum na gzhon lus gcig /kha dog sna tshogs 'bar ba'i 'od//rdo rje skyil krung rdzogs sangs rgyas/ /sprul pa'i 'khor lo sna tshogs 'chang / /nyi ma 'char ka'i dkyil ltar mdzes/ /gsang sngags chen po rigs gsum pa/ /zhes gsungs pa'i phyir ro/ /sangs rgyas de yi thugs ka ru/ /oM las gyur pa'i rnam par snang mdzad ni/ / sku mdog dkar ba'i rang bzhin la/ /zhal gcig pa la phyag bzhi pa/ /dang po ral gri po ti'o/ /tha ma byang chub mchog gi phyag rgya'o/ /sangs rgyas de yi thugs ka ru/ /ye shes sems dpa' mtshon gang pa/ /sku mdog dmar ser gser mdog la/ /shes rab ral gri mda' gzhu bsnams//sangs rgyas de yi mdun nyid du/ /pad+ma'i gdan la shAka thub bsgom/ /pho brang pad+ma 'dab brgyad la/ /shar du hUM las gyur pa'i rdo rje mi bskyod pa/ /sku mdog sngo skya'i rang bzhin la/ /dang po gnyis ni po ti ral gri bsnams/ /tha ma gsang ba sa gnon la/ /g.yon pa mnyam gzhag rdo rje bsnams//lho ru T+wA las rin chen 'byung ldan ni/ /ser po zhal gcig phyag bzhi pa/ /g.yas g.yon kun gyi dang po 'gre lte/ /tha ma mchog sbyin rin po che / /nub tu d+hIHlas snang ba mtha' yas ni/ /dmar po zhal gcig phyag bzhi pa/ /mnyam gzhag phyag rgya pad+ma bsnams//byang du hA las gyur pa'i don yod grub pa ni/ /ljang gu zhal gcig phyag bzhi pa/ /khu tshur phyag na rgya gram bsnams/ /kun la rin chen sna tshogs kyis brgyan pa/ /gnas gsum 'bru gsum byin gyis brlab/ /zhabs ni rdo rje skyil mo krung du bzhugs/ /phyi rim 'khor lo rtsibs brgyad la//A li yongs su gyur pa las/ /nyi zla pad+ma'i gdan stengs su/ /yab kyi thugs kar a yi 'phro 'du las/ /i yI u u/ e e o au 'phros/ dbyangs yig 'od du zhu ba las/ /chos 'khor rim bzhin bskor bar bya/ /kun du bzang po nam mkha'i snying po dang //'jam dpal sa yi snying po dang / /spyan ras gzigs dang sgrib pa sel/ /phyag na rdo rje byams pa'o/ /'khor lo pi wang ut+pa la/ /dung phor pad+ma rin chen dang / /myu gu rdo rje bum pa'o/ /g.yon pa thams cad mchog sbyin no/ /rin chen phreng ba'i rgyan gyis brgyan/ /gdan la bzhugs shing 'gyings pa'i tshul//rgyud las/ gsang sngags tshul chen las byung ba/ /byang chub sems dpa' sems dpa' che/ /rnam shes brgyad po rtog pa 'chang / /kha dog sna tshogs 'bar ba'i 'od/ /dpal ldan blo dang sgeg par ldan/ /zhes gsungs so/ /phyogs kyi sgo bzhir bsgom pa ni//gtso bo'i thugs ka'i 'phro 'du las/ /dzaHhUM baM hoHbzhi 'phros pas/ /'od zhu 'phros shing 'dus pa las/ /lcags kyu zhags pa lcags sgog dril/ /sgu mdog rang rang phyogs dang mthun/ /rgyud las/ rdo rje lcags kyu zhags pa che/ /'dzin pa chen po rdo rje'i zhags//'jam dbyangs chen po sgra che ba/ /zhes gsungs so/ /de nas thugs ka'i sa bon a las 'od 'phros ye shes 'khor lo dgug gzhug bya/ sangs rgyas thams cad spyan drangs la/ a A sarba ta thA ga ta kA ya bAka tsit+ta a b+hi Shiny+tsa hUM hUM hi tai oM/ /zhes dbang bsgur bar bya/ rgyud las/sangs rgyas byang chub bla na med/ /ye shes dbang bskur cod pan can/ /zhes gsungs/ de nas snying po bzlas par bya/ /thugs ka'i shes rab 'khor lo la/ /de dbus lte ba'i 'khor lo la/ /sngags phreng me tog dkyus pa ltar/ /de la dmigs te bzlas par bya/ /oM wA gI shwa ri suM/oM badzra tISh+Tha duHkha ts+tsha da/ pradz+nyA dz+nyA na mUrta ye/ dz+nyA na kA ya wA gI shwa ra a ra pa tsa na ya te na maHa A sarba ta thA ga ta hr-id ya/ ha ra ha ra/ oM hUM s+thA b+ha ga bAn/ dz+nyA na rUrti/ wA gI shwa ra/ ma hA pA tsa/ sarba d+harmA ga na/ a ma la su pa ri shud+d+hA sad+han+d+ra d+h+wa tu dz+nyA na gar+b+ha a/ de yang rgyud las/ 'od bzang 'bar ba dpal gyi be'u//'od chen rnam par snang bar byed/ /gzi brjid phreng ba blta na sdug /gsang sngags chen po rigs gsum pa/ /zhes gsungs pas so/ /de nas mchod pa rgyas pa dbul/ /a A sarba ta thA ga ta d+hU pa pU dza me g+ha sa mu dra spa ra Na sa ma ye hUM/ puSh+paM/ a lo ke gan+d+he/ ni bi t+ye/ shab+ta/ rgyud las/ mchod pa chen po 'dod chags che / /sems can thams cad dga' bar byed/ /ces pa la sogs pa dug lnga rang grol gyi mchod pa'o/ /oM badzra gI ti hUM/ oM badzra nr-i t+ye hUM/ oM badzra mA le hUM/ oM badzra lA s+ye hri/ de yang rgyud las/ mchod cing brjod par drang srong che//zhes gsungs so/ /de nas mchod 'os bstod 'os phyag gi gnas/ /zhes pas bstod de/ 'di ltar sangs rgyas bcom ldan 'das/ /sangs rgyas rnam par snang mdzad che/ /gdong lnga zur phud lnga dang ldan/ /lag pa brgya pos kun bskyod cing / /sprul pa'i 'khor lo sna tshogs 'chang //gom pa'i stobs kyis gar byed pa/ /sum cu rtsa gnyis mtshan 'chang ba/ /rnam snang gtso la phyag 'tshal 'dud/ /rigs lnga la 'dud kyi bstod pa bya'o/ /'jam dpal dpal dang ldan pa'i mchog /'jam dpal ye shes sems dpa' yi/ /ming ni yang dag brjod pa mchog /'jam dpal de la phyag 'tshal 'dud/ /gzhon nu'i sku lus 'chang ba po/ /ye shes sgron mes rab gsal zhing / /'jig rten gsum gyi mun sel ba/ /'jam dpal de la phyag 'tshal 'dud/ /nyid kyi 'dab bzang tshogs kyis ni/ /zla ba rgyas pa zil gnon cing //rig pa rnam par gsal bsgyur la/ /'jam dpal de la phyag 'tshal 'dud/ /ma bgyis zur phud gsal ba la/ /nor bu 'bar ba'i sku mnga' zhing / /nyid ni kun du dga' ba'i sku/ /'jam dpal de la phyag 'tshal 'dud/ /bdud rtsi 'dra zhing 'jam la zab/ /yid dang gsung gi sgra sgrogs pa//dam pa'i chos kyi rin chen mdzod/ /'jam dpal de la phyag 'tshal 'dud/ /gangs kyi chu ltar gdangs gsal ba/ /'jig rten khams na rnam par bzhugs/ /nyon mongs dri ma rab spangs pa/ /'jam dpal de la phyag 'tshal 'dud/ /mche ba gtsigs dang bsgyings pa yi//'jigs pa'i sku yi tshul gyis ni/ /ya ma'i dregs pa 'joms mdzad pa/ /'jam dpal de la phyag 'tshal 'dud/ /rang gi spyan dang mdangs 'dra ba/ /ut+pal sngon pos rab mdzes pa/ /shes rab ral gri mda' gzhu 'dzin/ /'jam dpal de la phyag 'tshal 'dud/ / phyogs bcur bzhugs pa'i sangs rgyas la/ /rgya cher bstod pas rab bstod pa/ /'gro ba'i lam ni ston pa po/ /'jam dpal de la phyag 'tshal 'dud/ /de nas sems dpa' brgyad la bstod de/ mkhas pa chen po thabs che ba /mkhas pa sgyu 'phrul chen po 'chang / /'jig rten khams brgya kun bskyod pa//kun du bzang po khyod la 'dud/ /rdzu 'phrul chen po stobs chen ldan/ /nam mkha'i bdag po sna tshogs ston/ /nam mkha' las byung rang byung ba/ /nam mkha'i snying po khyod la 'dud/ /shes rab chen po blo chen ldan/ /shes rab ye shes me bo che/ /shes rab chen po skad cig la//'jam dpal shes rab khyod la 'dud/ /rdzu 'phrul chen po cher grags pa/ /rdzu 'phrul rkang pa'i stobs dang ldan/ /sa yi snying po 'gro ba 'dzin/ /sa yi snying po khyod la 'dud/ /snying rje chen po blo yi mchog /snying rje che dang shes rab dang / /sangs rgyas kun gye snying po che/ / spyan ras gzigs dbang khyod la 'dud/ /shugs chen mgyogs pa chen po ste/ /de bzhin gshegs pa'i yid ltar mgyogs/ /rgyal ba rnam rgyal dgra las rgyal/ /sgrib pa sel ba khyod la 'dud/ /stobs chen pha rol gnon pa po/ /stobs po che la thabs che ba/ /smon lam ye shes rgya mtsho ste//phyag na rdo rje khyod la 'dud/ /byams chen rang bzhin dpag tu med/ /byams pa'i go cha chas pa ste/ /byams dang snying rje'i dkyil 'khor can/ /dpal ldan byams pa khyod la 'dud/ /rdo rje lcags kyu zhags pa che/ /'dzin pa chen po rdo rje zhags/ /'jam dbyangs chen po sgra che ba//ye shes sgo ma khyod la 'dud/ /rdo rje satwa satwa che/ /rdo rje de bzhin gshegs pa che/ /rdo rje de bzhin gshegs pa kun/ /rdo rje dang po kun du bzang / /phyag 'tshal phyag na rdo rje la'o/ /rdo rje rgyal po sangs rgyas mchog /rdo rje lcags kyu de bzhin gshegs/ /nges pa'i rgyal po sangs rgyas mchog /phyag 'tshal rdo rje 'gugs khyod la'o/ /rdo rje chags pa bde ba che/ /rdo rje mda' ni dbang byed pa/ /bdud kyi 'dod pa rdo rje che/ /phyag 'tshal rdo rje gzhu khyod la'o/ /rdo rje legs pa bde ba che/ /rdo rje mgu ba dga' ba che/ /rab dgyes rgyal po bud+d+hA mchog / phyag 'tshal rdo rje dgyes pa la/ /rdo rje rin chen rdo rje'i don/ /rdo rje nam mkha' nor bu che/ /nam mkha'i snying po rdo rje phyug /phyag 'tshal rdo rje rin chen la'o/ /rdo rje gzi brjid cher 'bar ba/ /rdo rje nyi ma rgyal ba'i 'od/ /rdo rje gzi brjid gzi brjid che/ /phyag 'tshal rdo rje 'od khyod la'o//rdo rje don rab rdo rje dbal/ /rdo rje rgyal mtshan rab dga' byed/ /rdo rje chen po rin chen tog /phyag 'tshal rdo rje dpal khyod la'o/ /rdo rje bzhad mo bzhad pa che/ /rdo rje 'dzum pa ngo mtshar che/ /dga' zhing rab dga' rdo rje ston/ /phyag 'tshal rdo rje dga' ba la'o/ /rdo rje chos rab de bzhin don/ / rdo rje pad+ma rab dga' byed/ /rdo rje dbang rab rdo rje'i spyan/ /phyag 'tshal rdo rje spyan khyod la'o/ /rdo rje rno ba theg pa che/ /rdo rje ral gri mtshon chen po/ /'jam dpal rdo rje rab tu zab/ /phyag 'tshal rdo rje blo gros la'o/ /rdo rje rgyu dang snying po che/ /rdo rje 'khor lo tshul chen po/ /rab bskor rdo rje las byung ba//phyag 'tshal rdo rje snying khyod la'o/ /rdo rje gsung ba rang rig mchog /rdo rje bzlas pa rab 'grub phyir/ /mi gsung rdo rje mchog bsgrub pa/ /phyag 'tshal rdo rje gsung khyod la'o/ /rdo rje las rab rdo rje bka'/ /las kyi rdo rje kun rab 'gro/ /rdo rje nges pa rgya che ba/ /phyag 'tshal rdo rje rgya gram la'o//rdo rje sgu ni brtan pa che/ /rdo rje go cha sra ba ste/ /brtson 'grus mchog ste dka' thub che/ /phyag 'tshal rdo rje brtson 'grus la'o/ /rdo rje gnod sbyin thabs chen po/ /rdo rje mche ba gtsigs pa che/ /bdud 'joms rdo rje mi zad pa/ /phyag 'tshal rdo rje drag po la/ / rdo rje mtshams sbyor rab tu 'dud/ /rdo rje bcings pa rab grol cing / /phyag 'tshal rdo rje gnyis med la'o/ /lhag chad yi ge brgya pas bshags/ /a ti gats+tsha muHyis gshegs/ /bdag gi dge ba'i rtsa ba 'dis/ /'gro ba ma lus 'dren par shog /'jam dpal gyi sgrub thabs zhi ba 'od kyi rim pa zhes bya ba rdzogs so/