CLOSE WINDOW

D2087
བོད་ཡིག

/[ ]@##/ /rgya gar skad du/ Ar+ya shrI ya ma A yuHkA la sA d+ha na nA ma/ bod skad du/ 'phags pa dpal gshin rje tshe bdag nag po sgrub pa'i thabs zhes bya ba/ 'phags pa 'jam dpal la phyag 'tshal lo/ /thugs rjes sprul sku'i thabs kyis 'gro don mdzad/ /phrin las rnam bzhi lam la brod pa bskyed//bskyed rdzogs lam gyi phra rags rtog pa bzlog /bcom ldan gshin rje gshed la phyag 'tshal nas/ /sgrub thabs gsal ba nyid du brjod par bya/ /dad dang snying rjes 'gro ba'i don mos shing / /dkyil 'khor 'di nyid du ni dbang thob pas/ /shing gcig dur khrod la sogs gnas su ni//so phag ro ras la sogs stan la 'dug /drag po'i mchod gtor la sogs gzhung bzhin bsham/ /snying rje la sogs tshad med bzhi bsgoms la/ /kun la sgyu ma'i sems kyis gnas par bya/ /stong pa'i ngang las snod gyur gzhal yas khang / /thod mkhar dur khrod bcas pa bsgom par bya//bcud gyur ya las 'od 'phros gshin rje ni/ /dbus su cho bdag yum dang bcas/ /rtsa ba'i lha lnga gshed bzhi dang / /g.yas su 'chi bdag g.yon du ni/ /srog bdag dmar po bsgom par bya/ /sngags brjod pa las lha rnams bskyed//de nas mchod yon byin gyis brlab/ /bdud rtsi lnga yi ar+g+ha dang / /tshil chen spos la dug me tog /til chen me mar khrag chen dri/ /sha chen bshos la thod pa'i rnga/ /'dod yon lnga ru rab tu brtag /gtor ma dpa' bo'i ston mo yang / /ci 'byor cho gas byin brlab bya/ /de nas ye shes spyan drang ba//ma lus sems can mgon gyur pa/ /tshur gshegs khro bdag gtso/ /'khor bcas ma lus gshegs su gsol/ /thugs dam dbang gis brtan par bzhugs/ /oM ya ma badzra kro d+ha i a ra li hriM hriM/ zhes pas mdun du spyan drangs la/ yid kyis phyag bya bstod pa brtsam/ /gdug pa 'dul mdzad gshin rje'i gshed kyi lha/ /sbrul dang thod rlon sna tshogs 'dzin/ /'jigs byed dpa' bo'i sku la phyag 'tshal bstod/ /dzaHhUM baM hoHsa ma ya tiSh+Tha lhan/ /zhes pas lha rnams rang la bstim/ /'dod yon phyi nang gsang ba'i mchod pas mchod//phud dang dpa' bo'i ston mos mnyes par bya/ /mchod pa'i lha mo dpag med nam mkha' la/ /mchod dang bstod pa byed par bsam par bya/ /sdig bshags smon lam la sogs rgyas par bya/ /de nas bskyed pa'i rim pa gsal btab ste/ /brtan pa nyid du bsgom par bya//skyon ngag gi bzlas pa brtsam/ /bcu gsum brgya dang bzhi la sogs/ /las mthun pa yi bzlas pa bya/ /phra mo'i rnal 'byor bsgom 'dod na/ /byang chub sems gnas dbu ma'i mgor/ /gdod nas dag pa'i thig le la/ /a shad nA da bcas pa bsgom/ /ri bong can la bcu gsum sngags /rab tu bskor bar bsgom par bya/ /khams gsum gzugs la rab tu rdul/ /'gro 'od sngags kyis brjod pas 'gog /thun bzhi la sogs rim pa yis/ /ji ltar brtan gyi bar du bsgom/ /dud pa la sogs rtags zad nas/ /sprin med nam mkha' dngas pa na//mthar thug 'od gsal zhes brjod do/ /bdag dang gzhan don mos pa yis/ /lam la brod pa bskyed pa'i phyir/ /phrin las rnam bzhi brtsam par bya/ /bskyed pa'i 'khor lo bsgom par bya/ /rang snying 'khor lo rtsibs brgyad la/ /dbus su oM yig dkar po bsgom//rtsibs brgyad 'bru brgyad bsam par bya/ /oM las 'od zer dkar byung bas/ /'bru brgyad dag la phog par 'bar/ /'bru brgyad dag las 'od 'phros pas/ /dbus kyi hUM yig gso bskyed bya/ /bzlas pa tshang nas rtags byung na/ /drag po'i las la sbyar bar bya/ /oM gyur 'od zer dmar nag 'phros//'bru brgyad sngags rgyal rab tu phog /'od zer 'phros dang 'khor lo ni/ /dmigs pas drangs nas bsgral bar bsam/ /'tshig dang khro snying 'dod pa dang / /mngon sum nyid du khugs pa na/ /mnan dang sreg pa'i las bya'o/ /spyor ba byang chub sems kyis zin/ / dngos gzhi'i ting 'dzin par chod med/ /rjes la bdag med rnal 'byor bya/ /nam mkha'i ngang du gsad bya'o/ /de rnams kun nas btus pa yis/ /rgyud dang 'dra ba'i sgrub thabs 'di/ /bla ma'i zhabs pad brten pas blang / /gzhan du 'khrul 'khor rtsom pa na/ /'bras bu med cing brlag par 'gyur/