CLOSE WINDOW

D2054
བོད་ཡིག

@##/ /rgya gar skad du/ yak+Sha mi pr-i thi bi lak+Sh+mI swA d+ha naM/ bod skad du/ gnod sbyin mo sa'i bdag mo bkra shis ma'i sgrub thabs/ oM pr-i thi bi la k+Sh+mI la bi dza ye swA hA/ zhes pa 'di la bsnyen pa khri phrag gcig bzlas la/ de nas khru gang ngam mtho gang pa'i ras cig la gnod sbyin mo khri la gnas pa sku mdog ser mo rgyan thams cad kyis brgyan pa bris te/shin tu dben pa'i sar thang ka la rab gnas byas la gcig pu bsrung ba byas la/ nya skam po dang sha dang til gyi phye ma'i spos btang nas/ mar sar pas rkang mthil la byugs la rang gi mal du 'dug ste/ji ltar nus pas sngags bzla bar bya'o/ /nub dang po la rmi lam du rtags 'byung ngo / /gnyis pa la dgra 'byung / gsum pa la sgo brdung bar 'gyur/ bzhi pa la nang du 'ong bar mtshon par bya/ lnga pa la mthong bar 'gyur/ drug pa la smra bar 'ong / bdun pa la bdag gis khyod gyi ci bgyi zhes zer ba 'ong ngo //de la 'dod yon lnga bdag la ster ba'i bud med du 'gyur te/ tshim par gyur nas grub pa'i rdzas rnams ster ro/ /khyad par du mtshan mo kho na bzlas pa bya/ gang zhig gnod sbyin mo'i sbyin sreg gi cho ga yod de/ des sgrub thabs kyi rim pas sbyin sreg byas nas gnod sbyin mo bsgrub par bya'o//gzhan yang gong bzhin gnod sbyin mo rnams bsgom par bya'o/ /yang na rang rang gi rtog pa las gsungs pa'i bzlas pa'i grangs kyis bsgrub par bya'o/ /khyad par 'phags pa 'jam pa'i rdo rje'i rnal 'byor gyis dpal sgyu 'phrul dra ba'i tshul gyis gnod sbyin mo'i sgrub thabs kyi tshig mang pos bdag gis 'dir tha dad du byas pa'o//de rang la gnod sbyin mo rnams bsgrub par bya'o/ /lte ba'i thad kar lag pa g.yon pa gan rgyal du byas nas/ gung mo dang srin lag gyen du bslangs la mthe'u chung dang mdzub mo phyir brkyangs la/ de'i steng du lag pa g.yas pa kha sbub la 'dug pa ni gnod sbyin mo'i phyag rgya'o/ /de kho na nyid la lag pa g.yon gyi gung mo phyir bskyed la mdzub mo nang du bkug pa ni gnod sbyin gyi phyag rgya'o/ /de nyid la mthe chung dang mthe bo gnyis sbyar ba ni gnod sbyin mo gzhan gyi phyag rgya'i khyad par ro//de nyid la srin lag phyir bskyed pa ni mi'am ci'i phyag rgya'o/ /de nyid rang la gung mo phyir bskyed na 'dre'i phyag rgya'o/ /de nyid rang la gung mo bskum nas gzhag pa ni 'dre mo rnams kyi phyag rgya'o/ /phyag rgya 'di rnams kyi rtsa ba ni gong du bstan pa'i lag pa g.yon pas bcas pa'i phyag rgya de'o zhes so//ma dang sru mo smyug mo dang / /chung ma bu mo a ne+e gnod sbyin mor/ /bsgyur te ma dang sru mo sgyug mo gang / /de dag mchog ste nor bu rin chen ltar/ /de bzhin bu mo mdza' mo 'bring po ste/ /snying sdug bud med snying mo tha mar shes/ /thun mtshams mchod pa me tog phreng ba dri/ / mar gyi mar me yang na mar nag ste/ /bdug spos dri zhim tsan+dan a ga ru/ /gtor ma sna tshogs mtshan mo rtag tu dbul/ /brtul zhugs gnas la mngon par 'jam pa yi/ /bud med shin tu chags pas zil gyis non/ /rnyed pa thob dang lus gzugs 'dzag pa dag /dngos grub ster ba'i bdag pos byed par 'gyur//bud med chags pas non la mi 'gro zhing / /de bzhin rnyed pa chen po rab tu spang / /sngags pas mtshan mo shu kra rab tu bsrung / /brtson 'grus 'bar ba mchog tu bsten par gyis/ /gang zhig log pas gnod sbyin mo brtsams pa/ /rmongs pa de ni myur du 'jigs par 'gyur//srin mo 'dre mo rnams la gang bzhin du/ /cho ga lhag pa'i khyad par 'di nyid de/ /nya sha chang dang la phug khur ba dang / /bal sran nas sran dag dang 'bras zan sha /gtor ma 'di ni ku tu ru ka'i spos/ /gnas ni dur khrod skye bos dben pa'i khyim/ shi ri ka dang bilba dang /ma Da ru pa arka dang / /sha pa dza na d+ha du ra/ /a ga ti dang br-i ha ti/ /ra dza ka dang ku sha dang / /e raN+Da dang arka dang / /mya ngan med dang de rnams kyi/ /me tog rnams ni dbul bar bya/ /klu la 'bras thug bu ram khur ba mar/ /dri zhim me tog bdug spos dri zhim dang / /phreng ba sna tshogs shing thog mo ka ta//zho yos tsan+dan a ka ru rnams dang / /bum pa dang ni ba dan nag po rnams/ /nag po'i gos dang gtor ma nag po dang / /me tog phreng ba gdugs dang byug pa rnams/ /ji ltar rnyed pa klu la dbul bar bya/ /cho ga rab tu bstan pa 'di/ /thun mong du ni gsungs pa'o//sngags kyi nus pa'i nga rgyal gyis/ /'dod pa thams cad 'byung ba'o/ /rtog pa ngan pa'i sbyor ba 'am/ /rnam pa gzhan gyis mi 'grub bo/ /zhes so/ /gnod sbyin la sogs pa'i sgrub thabs kyi man ngag rdzogs so// //