| བོད་ཡིག |
142a1 rgya gar skad du/ /ag+ne de wa pU dza nA ma/ bod skad du/ me'i lha mchod pa zhes bya ba/ ma lus gdug pa'i sems ldan pa/ /bla ma la ni sdang ba sogs/ /gzhom phyir drag byin cho ga ni/ /gshin rje 'joms mdzad mchod phyir bshad/ /'bum ni yongs su
142a2 rdzogs pa nas//dge ba'i mtshan ma mthong 'gyur ni/ /lha dang bla ma mthong gyur na/ /'grub 'gyur gzhan du nyams par 'gyur/ /dus dang thab dang rdzas dang ni/ /cho gas bsgrub par bya ba ste/ /rnam dag bzhir ni shes par bya/ /sgrub po bsnyen pa mthar son dus/ /drag pa'i
142a3 stobs dang mig mar sogs//drag po'i gza' skar rgyu ba'i dus/ /mar ngo'i zla ba'i bcu bzhi sogs/ /drag byed 'byung po rgyu ba'i dus/ /rgyu ni rlung ni rgyu ba'i dus/ /dgun smad mtshan phyed dbyar gyi smad/ /sna bug g.yon nas rlung rgyu'i dus/ /g.yul 'gyed la sogs
142a4 skye bo rnams//rab tu 'khrugs pa'i sems ldan dus/ /'di ni drag po me yi lha/ /mchod pa'i rnam dag dus su bshad/ /de nas gnas kyi mtshan nyid ni/ /byang du gnas dang mdog nag dang / /rtsub shing tsher ma skye ba dang / /drag po'i lha tshogs gnas pa'i phyogs/ /
142a5 de ni drag byed me yi gnas/ /thab sogs cho ga bshad par bya/ /thab khung gru gsum sor nyi shu/ /zabs su sor bcu ldan pa ste/ /rdo rje dang ni rtse gsum bri/ /zla ba rdo rjes mtshan sna tshogs/ /rdzas kyi rim pa bshad bya ba/ /rnga mo'i rtug pa rdo thal dang / /me tog nag po tsher ma'i
142a6 shing //sor brgyad khrag sbags tsha ba gsum/ /dug khrag ske tshe lan tshwa dang / /dgra yi dri ma la sogs dang / /mar til 'bras so nas sran gro/ /dUr ba ku sha thod par bsre/ /mdog nag gzugs dang rus sbal gzugs/ /zhe sdang so 'cha' khro gnyer ldan/ /gdong nag
142a7 mig ni bgrad pa'o//dgra bo dgug dang bral zhing dbye/ /hUM ldan ku shas bsang gtor bri/ /oM badzra satwa a/ ku sha bkram la me ni sbar/ /shan pa'am ro bsregs me yis so/ /oM ag+ne dz+wA la dz+wA la raM/ me dbus raM las byung ba yi/ /ra nag zhon pa khros pa'i gzugs/ /bgrang
142b1 phreng ril ba dbyug pa can//drang srong nag pos bskor zhing gnag /de nas dgug cing spyan drangs te/ /oM AHhUM/ oM e h+ye hi ma hA b+hU ta de ba r-i Shi dwi dza dzaHhUM baM hoH oM ag+ne kro d+ha de dza phaT/ oM badzra ni ri ti khaM phaT/ oM badzra ar+g+haM phaT/ oM badzra puSh+pe phaT/ /oM badzra d+hU pe phaT/ oM badzra
142b2 A lo ke phaT/oM badzra nai bi d+h+yai phaT/ oM badzra shap+te phaT/ /mchod pa'o/ /dzi a ku ru ku ru/ puSh+pa/ d+hU pa/ dI pa/ gan+d+ha/ nai bi t+yi/ sha pad/ oM dang swA hAs thog mthar brgyan/ sbyang ba'o/ /mchu gnyis ya ra de bzhin du/ /me lha'i kha la rab bkod la/ /pus mo'i bar bcug lag
142b3 pa yi//gsum mam bdun du g.yas nas dbul/ /ag+ne/ sarba pA paM da ha na/ badzra ya/ badzra pu sha ya/ sarba pA paM b+ha wa te/ a pra ti ha ta ya/ ha bi ka ya/ ma hA ba la/ badzra g+ha sma ri/ bo d+hi br-i k+Sha ya/ oM dang swA hAs thog mthar brgyan/ /oM ag+ne de wa r-i Sh-i ma hA te dza gnod
142b4 byed mA ra ya phaT/de nas snying gar lha yi gzugs/ /ji bzhin bskyed la de bzhin mchod/ /oM ya mAn+ta ka a mu ka ta mA ra ya phaT/ oM d+h+rIHSh+T+r-iHwi kr-i tA na na hUM hUM phaT phaT/ a mu ka mA ra ya phaT/ oM badzra be tA lI/ a mu ka mA ra ya phaT/ dzi na dzika/ /rat+na d+h+r-ika/ /A ro l-ika/
142b5 pradz+nyA d+h+r-ika /mo ha ra ti/ /dwe Sha ra ti / rA ga ra ti/ badzra ra ti/ mud+ga d+h+r-ika /dan+Ta d+h+r-ika /d+ma d+h+r-ika /khaT+ga d+h+r-ika /a mu ka mA ra ya phaT/ ces pa ni khyad par ro/ /de nas mchod cing bstod de bsdu/ /slar yang lhag mas drang srong mchod/ /tshangs mgon mchog gi sras po gzi
142b6 dang ldan//me yi las ster 'jig rten me yi lha/ /'bar ba'i nang na sku brjid rgyan gyis bklubs/ /phyag 'tshal 'dod don byin la khyed brtson mdzod/ /bzod par gsol nas gshegs par bya/ /dngos grub zhu zhing lhag chad bskang / /gsad dang rengs pa la sogs pa/ /
142b7 ji lta ba yi sbyor bas 'grub/ /de ltar gshin rje gshed dpal mchod pa yis/ /srid gsum nyon mongs bud shing kun bsregs nas/ /'gro ba'i mun sel ye shes lnga 'od 'bar/ /rdo rje me yi go 'phang la gnas shog /dpal gshin rje gshed dmar po'i sreg byed me'i cho ga
143a1 zhes bya ba dngos grub brnyes pa dpal 'dzin gyi zhal snga nas mdzad pa rdzogs so// //rgya gar gyi mkhan po dar+paN A tsAr+ya dang / dge slong shes rab rgyal mtshan gyis mang yul du bsgyur cing zhus pa'o// //