CLOSE WINDOW

D2041
བོད་ཡིག

/ //lo paN snga ma dang 'dra/ 'di'i man ngag gcig sngar yang snyan brgyud du byung 'dug ste/ gzhung sngar ma 'gyur gsung //[ ]@##/ /rang gi sems gong du 'pho ba'i man ngag byin brlab dang bcas pa/dpal rdo rje 'dzin rgyal khros pa chen po zhe sdang gshin rje gshed la phyag 'tshal lo/ /rnal 'byor gang la phyi dang ni/ /nang gi 'chi ltas brtag bya ste/ /nges par 'chi 'gyur rlung las te/ /gsum mam lnga'am bdun la sogs/ /g.yas g.yon rlung ni ma 'gyur na//nang gi rtsa dang rlung thig le/ /las mi rung bas 'chi ltas su/ /rtogs nas slu ba'i rnal 'byor bya/ /g.yas nas lnga dang g.yon nas gcig /skyong dang sdud pa'i khyad par ro/ /glo g.yas sa la phab byas nas/ /brla g.yon steng du rkang g.yas gzhag / g.yon gyi rkang mgo sgyid par sbrel/ /lag g.yon nu mnyes mchan khung gzhug /lus ljid dpung pa g.yas la bskur/ /dbung pa g.yas pas kha gcus la/ /rdo rje'i bzlas pas bslu bar bya/ /des kyang 'pho bar ma gyur tshe/ /rdu bas la mthe chung g.yas kyis bkag / g.yon nas 'gro 'ong bya ba ded/ /rlung bcing man ngag dam pa'o/ /'khrul 'khor bzlog ste bya ba ni/ /g.yon nas 'pho bar ma 'dod na'o/ /de ltar phyi dus tshes grangs la/ /brtags nas gal te mi 'pho na/ /dus la bab pas rnams shes 'phang / /'jig rten 'di dang gzhan la yang //zhen pa'i rtsa ba rab bcad nas/ /longs spyod lus dang dge la sogs/ /lha dang bla ma 'gro drug la/ /ltos pa med par mchod sbyin bya/ /lus la chags dang zhen pa ni/ /skad cig tsam yang mi bya'o/ /gnas dang grogs sogs gzhan med dang / /lhar ni yang dang yang dran pas//bla ma 'ba' zhig bsam par bya/ /drag ldan bsam pas skyabs song la/ /dpal ldan gshin rje gshed dmar po/ /dmigs pa'i spyi bor bsgom byas nas/ /dbu ma gnyis ni sprad byas la/ /snying dbus hUM las sgo rnams bkag /sems rten hUM ni yar 'phangs te//bla ma'i hUM ni snying gar bsdu/ /'dod tshe 'og tu mi dgug go/ /yang na sgo gzhan bkag rjes la/ /rtsa gnyis thabs shes yi ges dgag /snying dbus dbu mar zla gam hUM/ /de steng hUM ni skar mda' ltar/ /'jug pa'i rlung dang sbyar bar bya/ /yang na 'od kyis 'pho ba ste//gzhu dbyibs 'khrul 'khor byas rjes su/ /lte bar rlung bcas zla bar hUM/ /snying dbus gong bus bu ga dgag /stobs kyi yi ges sems drangs nas/ /lha yi thugs kar 'phongs te bsre/ /gnas gzhan gang du skye 'dod par/ /yi ge gsum gyis drangs te 'phangs/ /yang na spros med rnal 'byor ba//sna tshogs stong pa'i gzugs 'di las/ /'od gsal dang du 'pho ba ste/ /phyag rgya chen po nyid 'gyur ro/ /rang gi sems gong du 'pho ba'i man ngag slob dpon dpal 'dzin gyi gdams pa de nyid kyis mdzad pa'o/ /paN+Ti ta rgya gar mngon shes can dang / bod kyi lo tsA ba 'gos khug pas bsgyur ba las/