CLOSE WINDOW

D2037
བོད་ཡིག

/gshin rje gshed dmar po'i rdzogs pa'i rnal 'byor zhes bya ba/ mkhas pa chen po 'jigs med 'byung gnas sbas pas mdzad pa rdzogs so//[ ]@##/ /rgya gar skad du/ shrI rak+ta ya mA ri dzI baM tat+t+wa u pa de sha nA ma/ bod skad du/ dpal gshin rje gshed dmar po'i 'tsho ba'i de kho na nyid ces bya ba'i man ngag /dpal gshin rje gshed dmar po la phyag 'tshal lo/ /dag cing dri med bdud bzhi 'joms/ /dpa' bo gshin rje gshed btud de/ /dpal ldan gshin rje gshed rgyud las/ /sbas pa bla ma'i lung gis bshad//phyi dang nang dang gzhan rnams kyis/ /dus dgra'i tshul 'di shes bya ste/ /lho phyogs sa 'og rim pa bdun/ /sgo med mun khung bcu drug gnas/ /chos kyi rgyal po'i las kyi 'khor/ /bye ba 'bum bcas gshin rje ste/ /grub pa'i dngos grub phun sum tshogs//zhal gcig phyag gnyis nyi ma'i mdog ltar gsal/ /ma he la bzhugs de yi gshed yin te/ /lhar bcas 'jig rten kun gyi gtsug gis mchod/ /gdug cing gtum pa'i skye bo gang / /log par ltung ba gshin rje yin/ /snying rjes bstan la gzhug pa'i phyir/ /tshar gcod pa ni gshed yin no//kA li ya ste A li ma/ /g.yas dang g.yon pa gshin rje ste/ /kun 'dar ma ni dbus gnas su/ /gang zhig gnyis su med de gshed/ /nyi ma zla ba'i lam gnyis por/ /'gro ba gang yin gshin rje ste/ /de yang dbus su gang gnas pa/ /ye shes de ni gshed yin no//mnan pa'i snying gi dbus song rtsa/ /nyon mongs ngo bo nyid yin no/ /srid pa'i rtsa ba gshin rjer bshad/ /rnal 'byor pa la tshul de nyid/ /yang dag ye shes nyid du 'gyur/ /de ni de yi gshed yin no/ /gzung ba ya ste 'dzin rtog ma/ /gzung dang 'dzin pa'i kun rtog na//'khor ba'i rtsa ba gshin rje ste/ /a ni rnam par skye ba med/ /ri ni gang yin snying rje'o/ /stong nyid snying rje ro gcig pa/ /mi gnas mya ngan 'das te gshed/ /gang zhig lus ngag sems kyi ni/ /snyigs ma gang yin gshin rje ste/ /sku gsung thugs kyi ye shes kyis//dngos por gyur pa gshed yin no/ /mdor na srid pa'i kun rtog tshogs/ /gang yin gshin rje gshed po ste/ /rnam par dag pa'i ye shes sku/ /kun mkhyen pa ni gshed du gsungs/ /lte snying mgrin pa spyi bor ni/ /bdud bzhi gnas pa gshin rje ste/ /mthar byed bzhi ni gshed yin no//ya la sogs pa'i yi ge ni/ /ma dag las kyi gshin rje ni/ /mi bzad srid pa'i las kyis bzir/ /dag pas dpal ldan dus kyi dgra/ /srid pa'i 'ching ba las grol zhing / /dngos grub bde chen mchog ster yin/ ya ma gnyis su 'dzin pa ste/ /spros med 'od gsal an+tar brjod//ka yig bla mas bstan pa nyid/ /gshin rje mthar byed ces byar grags/ /'tsho ba zhes bya srog tu brjod/ /'tsho ba'i dbye ba zhes bya ba/ /'jig rten 'jig rten 'das pa'i srog /'od gsal rnam par mi rtog pa/ /srog gi gsang 'di gang gis shes/ / thams cad grub cing rang dbang 'gyur/ /gzhan yang srid dang zhi ba las/ /srog ni de bzhin gnyis su brjod/ /dngas ma dang ni snyigs ma gnas/ /sangs rgyas thams cad gcig bsdus pa/ /bla ma'i thugs su shes bya ste/ /mi phyed brtan pa'i gus pa yis/ /ltos pa med pa'i bsnyen bkur bya//stong nyid snying rje dbyer med pas/ /mi 'gyur ba ni srog gi mchog /de las gzhan pa'i bskyod pa yi/ /yig 'bru rnams dang phyag mtshan dang / /phyag rgya snying po la sogs pa/ /rgyal ba sras bcas srog yin te/ /dad pas thugs dam bskul bar bya/ /stong nyid snying po'i snying rje can//rnal 'byor lam pa rnams kyi srog /dngos grub chen po 'dod rnams kyi/ /srog ni dam tshig sdom pa yin/ /rnal 'byor pa rnams bsgrub bya ba/ /'jig rten pa dang 'jig rten 'das/ /yon tan 'byung gnas srog gcig tu/ /byang chub sems ni kun 'dar brjod//bla ma lhag pa'i lha rnams kyi/ /byin brlabs srog ni mi phyed pa'i/ /gus pas brtan pa med na min/ /de las gzhan pa 'jig rten pa'i/ /'byung po phal che'i srog gi gnas/ /srog dang 'tsho ba dang ni tshe/ /'di rnams dbye bas shes par bya/ /rtsa ba'i srog ni sngon bzhin no//sa steng 'byung po kha cig gi/ /dbugs rlung srog tu nges pa yin/ /'byung po rnams kyi rang rang gi /bod pa'i sngags dang sa bon dang / /ma Ni rnams ni srog yin no/ /sde tshan bzhi pa'i dang po la/ /mes brgyan dbyangs kyi gsum pas brgyan/ /'byung po rnams kyi srog la gnas//de las gzhan pa 'byung po'i srog /kha cig gnas la gnas pa yod/ /zhug shang la sogs gnas pa ni/ /kha cig rdzas la brten te gnas/ /kha cig rang gi grib mar gnas/ /kha cig phyi yi 'byung bar gnas/ /nor bu ri rab gos la sogs/ /kha cig sman dang kha cig dug /kha cig 'gro ba gzhan gyi gzugs/ /sa steng 'byung po rnams kyi srog /bdag gi rtsal gnas pa yin/ /de la sogs pa du ma yis/ /srog gi dbye ba sna tshogs pa/ /'di ru brjod par mi nus so/ /mi rnams kyi ni srog gyur pa/ /ming dang ming yin dang po dang //rnam par shes pa tshe gzugs yin/ /gza' dang rgyu skar la sogs pa/ /mdor na brtan g.yo ma lus pa'i/ /srog ni phyi dang nang du gnas/ /rnam rtog ma rig chen po ste/ /'khor bar gnas pa rnams kyi srog /stong nyid snying rje mi 'gyur bde/ /mi gnas mya ngan 'das pa'i srog /srid pa dang ni mya ngan 'das/ /rtsa yi bdag nyid lus la gnas/ /lte ba mgrin snying spyi bo la/ /rlung me chu sa zhes bya ba/ /phrag dog zhe sdang chags dang rmongs/ /lus ngag yid gsum mi phyed gnas/ /bdud bzhi po ni rnam par gnas/ /sdug bsngal kun 'byung lam dang 'gog /bden pa bzhi yi ngo bo nyid/ /rgyu mthun rnams smin skyes bu can/ /dri ma med pa'i 'bras bu bzhi/ /srid pa'i skye gnas bzhi po dang / /e waM ma ya yi ge bzhi/ /de bzhin ya ma rA dza bzhi/ /spyan dang mA ma gos dkar sgrol/ /yum bzhi pho ni rnam pa ste/ /gshin rje shes rab pad+ma dang //bgegs zhes bya ba mthar byed bzhi/ /tshad med bzhi dang mthar byed bzhi/ /dga' ba bzhi dang skad cig bzhi/ /dam tshig las chos phyag rgya che/ /phyag rgya che yi rang bzhin no/ /rigs bzhi ye shes bzhi yi dngos/ /sku bzhi ye shes bzhi dang ldan/ / khams gsum la sogs thams cad kyi/ /bdag nyid chen po rdo rje 'dzin/ /bdud kyi bar chad bsrung ba'i phyir/ /de phyir gsang ba bshad par bya/ /A li kA li'i sbyor ba yis/ /lus ngag yid gsum bsrung bar bya'o/ /bdag nyid lhag pa'i lhar gsal bas/ /A li kA li rab brjod pas//spyi gtsug nas ni rkang mthil bar/ /shes rab thabs kyis bskor phyogs su/ /mi phyed par ni bcing bar bya/ /A li kA li rtsa gnyis po/ /thabs dang shes rab yi ges bsrung / /gnyis med rtsa ni rdo rjes bsrung / /phyi dang nang gi bdag nyid do/ /rang gi gsang sngags rgyal po la//shes rab thabs kyi ye shes mchog /thog ma nas ni mtha' ru sbyar/ /oM AHhUM phaT sbyor ba yi/ /hUM las byung ba'i rdo rje yis/ /rang gi gsang sngags brtan par 'gyur/ /rang ming rigs kyi yi ge dag /ya dang ma yi nang bcug ste/ /A li kA li gnyis med pa'i//za ma tog gi nang son la/ /lto ba'i chu skyes 'og tu swa/ /brgya byin gyis kyang mi tshugs na/ /sha za phra mo smos ci dgos/ /thabs dang shes rab ro gcig pa/ /rnam par mi rtog bde ba che/ /'od gsal ting 'dzin mchog gi ni/ /lhag pa'i bsrung ba gzhan med do/ / sa bcu pas kyang mi phyed do/ /a A/ i I/ u U/ r-i r-I/ l-i l-I/ e ai/ o au/ aM aH/ oM a ra pa tsa muM hUM phaT/ ka kha ga g+ha nga / tsa tsha dza dz+nya nya/ Ta Tha Da D+ha Na/ ta tha da d+ha na/ pa pha ba b+ha ma/ ya ra la wa/ sha Sha sa ha k+ShaH/ shes rab yi ges 'jig rten dang / / 'das pa'i bsgrub bya dbang du 'gyur/ /rtag tu sgrub pa po rnams la/ /thabs kyi yi ge brtan par 'gyur/ /yi ge brgya pa'i gsang sngags kyis/ /lhag pa'i lha ni mnyes par bya/ /bla ma'i man ngag rjes 'brang 'di/ /blo ldan slob mas bskul ba'i phyir/ /me long ltar gsal byas pa la//bla ma lhar bcas bzod mdzad rigs/ /dge ba gang des 'gro ba kun/ /bdud bzhi'i dgra las rgyal gyur cig /dpal gshin rje gshed kyi 'tsho ba'i de kho na nyid ces bya ba/ rgya gar gyi paN+Di ta dar+pa Na A tsAR+ya'i zhabs kyis mdzad pa rdzogs so// //