CLOSE WINDOW

D2035
བོད་ཡིག

dpyal lo tsA ba dpal chos kyi bzang pos bsgyur ba'o//[ ]@##/ /rgya gar skad du/ rak+ta ya mA ri sA d+ha rna nA ma/ bod skad du/ gshin rje'i dgra dmar po'i sgrub thabs zhes bya ba/ gshin rje'i gshed dmar po la phyag 'tshal lo/ / hUM yig dmar po 'bar ba las me 'bar bar blta ste/ de'i steng du aHyig gis gser gyi bum pa'i snod chen po'o/ /de'i nang du go ku da ha na bi ra shu ma mu/ de rnams thams cad 'o ma'i rang bzhin ltar rnam par bsam par bya'o/ /de'i rjes su snod kyi shar du glang po che la zhon pa'i dbang po rdo rje 'chang ba'o//lhor ma te la zhon pa'i gshin rje dbyug pa 'chang ba'o/ /nub tu chu srin la zhon pa'i chu lha zhags pa 'dzin pa'o/ /byang du gter la zhon pa'i lus ngan po phyag na na ku li dang bi dza bU ra can no/ /mer ra la zhon pa'i me lha phyag na phreng ba can no/ /bden bral du srin po ro la zhon pa ral gri 'debs pa'i phyag can no//rlung du ri dgas la zhon pa'i rlung lha rlung dar 'dzin pa'o/ /dbang ldan du glang la zhon pa'i dbang phyug rtse gsum dang thod pa 'dzin pa can no/ /dbus su tshangs pa'o/ /de'i mdun du zla ba'i lha phyag na ku mu da can no/ /rgyab tu nyi ma phyag na pad+ma can no//g.yas su sa'i lha mo dam bca' la mngon par phyogs pas bzhugs pa'o/ /g.yon du thags bzangs ris gzhon nu'o/ /de ltar yongs su bskor nas bzhugs pa'i 'byung po'i tshogs ma lus pa skad cig gis stong pa nyid las sems can rnams yongs su gyur pa las/gshin rje'i dgra'i skur dmigs te de rnams kyi ljags la rdo rje nas 'bru tsam bsgoms te de rnams la gtor ma nye bar dbul bar bya'o/ /de nas bcom ldan 'das kyi thugs kar sngon gyi sa bon las bskyed pa'i nyi ma'i steng du/ hUM yig dmar po las skyes pa'i mi mgo rlon pas mtshan pa'i dbyug tho nges par bsgom par bya'o//de'i dbus su nyi ma'i dkyil 'khor la gnas pa'i hUM yig dmar po bsam par bya'o/ /de nas gsang ba'i rdo rje hUM yig yongs su gyur par bsam par bya'o/ /bcom ldan 'das ma'i gsang bar 'dab ma brgyad pa'i pad+ma la aM yig dmar po yongs su gyur pa'o//de'i rjes su sngags brjod par bya ste/ oM sar+b+ba ta thA ga ta rA ga Na badzra swa b+hA ba At+ma kou0f85ham/ de'i rjes su lte ba'i 'og der pad+ma dmar po 'dab ma brgyad pa'i steng du hrIHyig dmar po 'bar ba bsam par bya'o/ /bcom ldan 'das z hal gcig phyag gnyis/phyag g.yon gyis thod pa khrag gis gang ba dang / g.yas kyis mi mgos mtshan pa'i dbyug to dkar po 'chang ba/ ma hiR+Sha'i steng du sna tshogs pad+ma la bzhugs pa bsgom par bya'o/ /shes rab ma dga' bas myos pa thod pa skam pos mgul pa brgyan pa/ zhal gcig phyag gnyis ma/ bcom ldan 'das dang lhan cig sbyor bas bzhugs pa/ de lta bur gyur pa'i gshin rje'i dgra thun gsum mam bzhir bsgom/ gtor ma sbyin no/ /bruM mAM hrAM khaM hUM zhes pas dam tshig byin gyis brlab pa'i sngags so/ /oM in+d+rA ya hrIH ya ma ya Sh+T+r-iH ba ru NA ya bi/ku be rA ya kr-i/ I sha nA ya ta/ ak+na ye a/ nai r-i t+ye na/ bA ya be+e na/ tsan+d+rA ya hUM/ a kA ya hUM/ brah+ma NA ya phaT/ ba su d+ha rA ya phaT/ be ma tsi tra Ne swA/ sarba b+hU te b+h+yo hA/ hrAM hrAM hrIH/ hUM hUM hUM/ pheM pheM pheM/ swA hA/ gtor ma'i sngags so/ /gang cung zad za ba de thams cad gshin rje'i dgra la dbul bar bya'o//slob dpon chen po blo bzang snying po zhabs kyis mdzad pa'i gshin rje'i dgra dmar po'i sgrub thabs rdzogs so// //lha'i skad la legs par zhugs pa'i shAkya'i dge slong nyi ma rgyal mtshan dpal bzang pos skad gnyis smra ba rnams kyi gdan sa dpal thar pa gling gi gtsug lag khang du bsgrubs pa'o//gshin rje gshed dmar po yon tan 'byung gnas sgrub thabs chos/ /rgya gar dpe 'di bod kyis mi rtogs pas/ /dam pa se tsa'i rig 'dzin skad gnyis pa/ /chos kyi bzang po'i dpe las gus par bsgyur/ /sa'i steng na nyi zla ltar gyur cig/