116b7 slob dpon chen po paN+Di ta/ dpal 'dzin gyi zhal snga nas mdzad pa rdzogs so// //paN+Di ta nyi ma'i dbang po'i 'od zer dang / chag chos rje dpal gyis bsgyur cing zhus te gtan la phab pa'o//[ ]@##/ /rgya gar skad du/ rak+ta ya mA ri sa ma d+hi
117a1 bi d+hiH/bod skad du/ gshin rje gshed dmar po'i ting nge 'dzin gyi cho ga /gshin rje gshed dmar po la phyag 'tshal lo/ /re zhig dang por gtor ma gzhung dang mthun par bshams la bsgrub bya la sbyang ba bya ba ni/ kham phor dkar po lha bshos dang bcas pa gnyis
117a2 dang /lci ba'i chang bu myu gu dang bcas pa gnyis pa dang / zan chang pa gnyis dang / yungs kar dang / dri zhim po dang / sol ba'i me rnams bsags la/ rang nyid gshin rje gshed dmar po'i mngon par rtogs pa sgrub thabs bzhin bsgoms te/ stong pa nyid kyi ngang las
117a3 mdun du rlung gi dkyil 'khor gyi steng du me'i dkyil 'khor la nad pa la sogs pa'i bsgrub bya langs nas gnas par bsgom mo//de nas rang gi snying ga'i sa bon gyi 'od zer las byung ba'i khro bo gshin rje gshed lcags kyu dang zhags pa thogs pa rnams kyis khams gsum gyi 'dre thams
117a4 cad bkug nas 'dre gcig la thim par bsams la/'dre gcig pu de yang gcer bu skra grol ba/ mtshan ma 'og tu lhung ba/ bag med pa/ mdog sngo ba/ mi sdug pa cig bsams te/ de yang bsgrub bya la thim par bsams nas/ de'i spyi bor hUM las rdo rje rgya gram dang /
117a5 rtsib logs gnyis su hUM re re las rdo rje rtse lnga pa re re bsams la/ rdo rje de dag gis mnan pa dang / 'og nas mes bsregs pa dang / oM AH big+t+nAn+ta kr-ita hUM zhes pa dang / hrIHSh+T+r-iHla sogs pa'i sngags brjod cing hUM las yungs kar rnams rdo rjer gyur pas brab nas bsgrub bya'i
117a6 lus la rma dpag tu med pa byung nas nad dang gdon gyi dngos po thams cad kha'i nang nas 'thon par bsam mo//yang nad dang gdon gyi lhag ma lus pa rnams yungs kar gyis brab pas tshig par bsam zhing de'i lhag ma rnams khyi nag por gyur nas kha'i nang nas phyir thon par bsam
117a7 mo//de'i rjes la oM sarba pA paM da ha na badzA ya/ badzra satwa s+ya sarba pA paM da ha swA hA/ zhes brjod cing yi ge hUM gis bzlas pa'i yungs kar g.yas pa dang cig shos kyi khu tshur gyis bzung nas/ re re zhing g.yon skor du lan gnyis su byabs la sol ba'i mer bsgyur ro/ /de
117b1 bzhin du g.yon dang g.yas su chus bya'o//de bzhin du kham phor la sogs pa rnams dang ras kyis kyang ngo / /kham phor la sogs pa ni mer blugs par mi bya'o/ /bgegs sel gyi snying po bzlas pa'i dri zhim po'i chu ni snying gar byugs nas gu gul kyis bdug par bya'o/ /yang
117b2 de'i rjes la rang nyid rigs kyi bdag por bsgoms te/ye shes sems dpa' cho ga bzhin du bcug nas/ shes rab ma dang bcas pa'i de bzhin gshegs pa lnga mdun gyi nam mkhar bsams la/ de dod dag gnyis su med pa'i spyor ba mdzad pa las shes rab ma dang bcas pa'i de
117b3 bzhin gshegs pa rnams 'dod chags chen pos zhu bar gyur te/rang nyid kyi spyi bo'i bu gar thim nas sgal tshigs kyi nang du zhugs shing rdo rje'i lam nas phyung ste/ rang nyid kyi shes rab ma'i zhal la thim pas bsgrub bya rnams de'i pad+mar gnas shing cig car stong nyid kyi rjes la
117b4 hUM dang rdo rje las byung ba'i mi bskyod rdo rje'i gzugs can shes rab ma dang bcas shing ye shes sems dpa' dang dbyer med pa can la dbang bsgur bar bsam zhing yang bsgrub bya rnams pad+ma nas phyir phyung ste gnas pa la nam mkha' nas spyan ma la sogs pa'i lha mo rnams dang
117b5 de bzhin gshegs pa rnams kyis bdud rtsis gang ba'i bum pa nas dbang bskur ba dang /gzugs kyi rdo rje ma la sogs pa rnams kyis/ bkra shis gang zhig sems can kun gyi snying la gnas/ /thams cad bdag nyid rigs kun bdag po ye shes mchog /sems can ma lus
117b6 skyed byed bde ba chen po yi//bkra shis des ni dbang bskur mchog de khyed la shog /phun sum tshogs pa mnga' ba gser gyi ri bo 'dra/ /'jig rten gsum kyi mgon po dri ma gsum spangs pa/ /sangs rgyas pad+ma'i spyan 'dra 'dab rab rgyas mnga' ba/ /bkra shis des ni de ring khyod
117b7 la zhi byed shog /de yis nye bar bstan pa'i mchog rab mi g.yo ba/ /'jig rten gsum na grags shing lha dang mis mchod pa/ /chos kyi mchog rab skye dgu rnams la zhi byed shog /bkra shis des ni skye dgu rnams la zhi byed shog /dge 'dun dam pa chos ldan thos pa'i bkra shis
118a1 phyug /lha dang mi dang lha ma yin gyis mchod pa'i gnas/ /tshogs kyi mchog rab ngo tsha shes shing dpal gyi gzhi/ /bkra shis des ni de ring khyod la zhi byed shog /ces brjod par bsam mo/ /chu'i bum pa'i dbang ni pad+ma'i snod nas g.yas pas lo ma dang bcas
118a2 pa'i rdo rjes chu blangs la bsgrub bya'i gos la sogs pa la gtor zhing /oM ma hA su kha badzra satwa a b+hi She ka staM a b+hi Shiny+tsA mi/ sarba ta thA ga ta a d+hi pa to te na dr-i D+to me b+ha ba zhes so/ /yang rdo rje'i rtse mo la lo ma dang bcas pas bsgrub bya'i lus la blugs shing / rdo rje chen po'i dbang bskur ba/ /
118a3 khams gsum pa yis phyag byas pa/ /sangs rgyas kun gyi gsang gsum pa/ /gnas las byung ba sbyin par bya/ /oM AHbadzrod ka a b+hi Shiny+tsa hUM su ra staM a haM/ zhes brjod cing dbang bskur bar bya'o/ /de'i tshe bde ba chen po dang snyoms par zhugs par gyur pa'i chu'i dbang bskur
118a4 ro//de nas gtor ma'i cho ga gzhung dang mthun par byas la/ gtor ma sbyang ba bya ba'i rdzas rnams shing gcig gam lam rgya gram mam/ chu bo chen po'i 'gram du bskyal la rjes su chu yis gcad par bya'o/ /gshin rje gshed dmar po'i ting nge 'dzin gyi cho ga slob dpon dpal
'dzin gyis mdzad pa rdzogs so/