CLOSE WINDOW

D2022
བོད་ཡིག

/ //[ ]@##/ /rgya gar skad du/ ya mA ri yan+t+ra a ba li/ bod skad du/ gshin rje gshed kyi 'khrul 'khor gyi phreng ba/ bcom ldan 'das gshin rje gshed la phyag 'tshal lo/ / dmar po dang ser po dang / nag po dang ljang gu dang dkar po'i mdog gi dbye bas phrin las kyi rjes su 'brangs nas bsgom par bya'o/ /de nas bzlas pa rjes su dran pa ni/ oM hrIHSh+T+r-iHwi kr-i tA na na hUM hUM phaT phaT na maHche ge mo shAn+tiM ku ru na maHswA hA/ rgyas pa la bo ShaT dgug pa la dzaHbskrad pa la baM/dbang du bsdu ba la hoH rengs pa la laM/ bskul pa la hUM/ gsad pa la hUM phaT/ de ltar nges pa la sogs pa'i phrin las rnams la gdags par bya'o/ /oM ya ma rA dza/ sa do me ya/ ya me do ru/ Na yo da ya/ ya da yo ni/ ra ya k+She ya/ ya k+She yats+tsha/ ni rA ma ya hUM phaT swA hA/'di ni sngags kyi rgyal po'i phrin las thams cad byed par 'gyur ro/ /bud med rnams kyi srung ba dang zhi ba la gi wang gis dar dkar po'am/ gro ga'am smyug ma'i shun pa'am/ ras dkar po la 'khor lo gnyis mngon par bris te/ na mAH yi ge ming la btags la nag nog la sogs pa med pa'i rdza phor kha sbyor gyi nang du bcug ste/mar dang sbrang rtsi'i nang du bcug nas skud pa dkar pos dril te thun gsum du me tog dkar pos mchod/ shar phyogs su bltas la gshin rje gshed dkar po bsgom zhing mdun du zla ba'i dkyil 'khor gyi steng du bsgrub bya dmigs nas rang gi snying ga nas khug pa lta bu'i 'od zer las byung ba'i gshin rje gshed dkar po rnams kyis bum pa dkar po zla ba'i bdud rtsi'i chus yongs su gang bas dbang bskur bar bsams la sngags bzlas pa ni/oM hrIHSh+T+r-iHwi kr-i tA na na hUM hUM phaT phaT na maHche ge mo shAn+tiM ku ru na maHswA hA/zhi ba'i cho ga'o/ /skyes pa rnams kyis zhi ba dang / rgyas pa la gur gum gyi 'khor lo gnyis bau ShaT dang bcas pa mngon par bris te/ swA hA yi ge ming la btags la mar dang sbrang rtsi'i nang du bcug nas/ skud pa ser pos dril te/ thun gsum du me tog ser pos mchod/ byang du kha bltas pas gshin rje gshed ser po bsgoms te/ zla ba'i dkyil 'khor ser po la gnas pa'i bsgrub bya bsam zhing dmigs nas rang gi snying ga nas 'od zer ser po las byung ba'i gshin rje gshed ser po dpag tu med pa rnams kyis gser gyi bum pa ser po/ bdud rtsi ser pos gang bas dbang bskur bar bsam zhing sngags bzlas pa ni/oM hrIHSh+T+r-iHwi kr-i tA na na hUM hUM phaT phaT/ bau ShaT che ge mo puSh+TiM ku ru bau ShaT swA hA/ rgyas pa'i cho ga'o/ /gro ga'am ras dkar po la rgya skyegs kyi khu ba'am tsan+dan dmar pos ming med kyi khrag dang bsres pas 'khor lo gnyis mngon par bris te hoH'i yi ge ming la btags la nag nog la sogs pa med pa'i/so legs par btang ba'i rdza phor dmar po kha sbyor du bcug la/ mar dang sbrang rtsi'i nang du bcug nas skud pa dmar pos dril te me tog dmar pos mchod/ nub tu bltas la bdag nyid gshin rje gshed dmar po bsgoms te/mdun du zla ba dmar po'i dkyil 'khor la gnas pa'i bsgrub bya bsams te/ rang gi snying ga nas spros pa'i 'od zer dmar pos lus kun tu gang bas myos par gyur te/ rkang pa gnyis la mdud par bsam zhing / spobs pas sngags bzlas pa ni/ oM hrIHSh+T+r-iHwi kr-i tA na na hUM hUM phaT phaT hoHche ge mo lha sbyin gyi ched du ba sh+yaM ku ru hoHswA hA/ gal te dbang du ma gyur na mar dang sbrang rtsi med pa'i 'khor lo nyid du ba med pa'i seng ldeng gi me la bdug cing / rang gi rnal 'byor gyis ji skad bshad pa'i sngags bzla bar bya'o/ /yang na/ oM hrIHSh+T+r-iH wi kr-i tA na na hUM hUM phaT phaT bau ShaT che ge mo bdag gi dbang du gyis shig /bau ShaT swA hA/ dbang du bsdu ba'i cho ga'o/ /dur khrod kyi ras sam zla mtshan gyi ras la tshos kyi khu bas 'khor lo gnyis mngon par bris la yi ge dzaH'am hrIH'am yang na gnyis ka ming la btags la rdza phor kha sbyor ram bud med kyi thod pa kha sbyor du bcug la/me tog dmar pos mchod/ skud pa dmar pos dril te dgongs thun nyi ma lta bur gshin rje gshed du bdag nyid bsgoms te/ rang gi snying ga'i 'od zer las byung ba'i gshin rje gshed dmar po zhags pa dang lcags kyu 'dzin pa bsgoms te/bsgrub bya'i snying la lcags kyus bkug /zhags pas rke la btags nas 'gugs par bsams nas/ sngags bzlas pa ni/ oM hrIHSh+T+r-iHwi kr-i tA na na hUM hUM phaT phaT dzaHche ge mo'i ched du mchod sbyin A kaR+Sha ya dzaHswA hA/ yang na hrIHyang na gnyis ka'o//gal te 'ong bar ma gyur na 'khor lo de nyid du ba med pa'i seng ldeng gi me la bdug cing sngags bzla bar bya'o/ /dgug pa'i cho ga'o/ /dur khrod kyi ras la zla ba'am/ yung bas 'khor lo gnyis mngon par bris te/ bsgrub bya'i ming la yi ge laM btags te/ nag nog la sogs med pa'i rdza phor kha sbyor du gzhug /rdza phor de'i steng du re khA ser po gru bzhi pa bdun bris te/ de'i steng du hUM baM hUM gi yi ge gsum gyis mtshan pa'i lcog brgyad dang ldan pa'i ri rab/ de'i steng du dbang chen gyi dkyil 'khor laM gyi mtshan pa sna tshogs rdo rjes mnan par bris te/ me tog ser pos mchod/skud pa ser pos dril te/ bdag nyid kha lhor bltas la gshin rje gshed ser po bsgoms te/ mdun du dbang chen gyi dkyil 'khor gyi steng du bsgrub bya ser po bsams la/ bsgrub bya'i mgo'i steng du sa'i dkyil 'khor/ de'i steng du ri rab sna tshogs rdo rje rgya gram gyis mnan par bsams la sngags bzlas pa ni/oM hrIHSh+T+r-iHwi kr-i tA na na hUM hUM phaT phaT/ laM che ge mo stam+b+hu ya laM mnan pa'i cho ga'o/ /ngag mnan par 'dod pas de bzhin du 'khor lo gnyis mngon par bris te/ bsgrub bya'i ming la yi ge laM btags nas bzlas pa ni/ oM hrIHSh+D+r-iHwikr-itAnan hUM hUM phaT phaT laM lha sbyin gyi ji ltar sems mi snyan par smra ba'i mchod sbyin ngag mnan par gyis shig /laM zhes sngags bzlas par bya'o/ /ngag mnan pa'i cho ga'o/ /lkugs par 'dod par dur khrod kyi ras la 'khor lo gnyis mngon par bris te/ yi ge baM bsgrub bya'i ming la btags nas gshin rje gshed ser po'i rnal 'byor gyi cho gas bsgrub bya de lug gi snying gar rab tu bkug nas/ dbang chen gyi 'khor lo bzhis za ma tog bzhin du kha sbyor byas te rengs pa'i kha sbyor gyi cho ga bzlas par bya ba ni/ oM hrIHSh+T+r-iHwi kr-i tA na na hUM hUM phaT phaT baM/lha sbyin gyi kha chings shig /yid chings shig /lkugs par gyis shig baM/ yul chos la sogs pa la rmongs par 'gyur ro/ /dur khrod kyi ras la dug dang ske tshe dang tsha dang mar nag dang / nim pa'i lo ma dang / da du ra'i lo ma'i khu ba dang / ro bsregs pa'i sol ba dang rang gi sdigs mdzub [(]gyi [,]kyi [)]khrag gis snag tsha byas te/bya rog gi sgro rkang gis smyu gu byas la 'khor lo gnyis mngon par bris te/ yi ge hUM bsgrub bya'i ming la btags la thod pa kha sbyor gyi nang du bcug nas skud pa sngon pos dril te/ nyi ma gung la dur khrod du sbas nas kha lhor bltas te/ gshin rje gshed nag po g.yas bskum g.yon brkyang gis nyi ma'i gdan la bzhugs pa/ bzhin mi sdug cing mche ba gtsigs pa/ glog ltar ljags 'gyu ba shin tu mi bzad pa/ bskal pa'i me ltar shin tu 'bar ba/ phyag na mtshon cha sna tshogs 'phyar ba/ dbyar gyi char sprin lta bur gsus pa 'phyang ba/me 'bar ba ltar skra dang sma ra gyen du 'bar ba/ 'brug gi sgra lta bu'i hUM gis mgrin pa'i sbubs gang bar bdag nyid bsams te/ mdun du bsgrub bya gos hrul po dri ma can gyon pa lus la dri ma chags pa/ de'i spyi bo dang / mtshog ma dang / snying ga dang / dpung pa dang pus mo rnams la sngags kyi cho gas byas pa'i cho ga dang srung ba rnams bshigs nas de'i lus la gnas pa'i lha rnams nye bar bsdus te/ rang gi lus la rab tu bcug nas bsgrub bya'i lus khang stong lta bur bsams la/ khro bo mtshon cha sna tshogs phyag na bsnams pa sprul nas nga rgyal dang bcas pas bsgrub bya dum bu dum bur byas la khrag dang zhun mar dang /tshil dang rkang mar dang / sha rnams 'thung zhing zos la/ rus pa yang bsregs pas thal bar byed cing mdun du char sprin gyi mdog lta bu ma he la gnas pa/ thod dbyug dang zhags pa 'dzin pa gsus pa 'phyang ba mche ba gtsigs pa des za bar gyur pa de'i snying la gnas par bsams te sngags bzlas pa ni/oM hrIHSh+T+r-iHwi kr-i tA na na hUM hUM phaT phaT/ hUM lha sbyin mA ra ya hUM/ yang na cho ga 'dis 'khor lo gnyis mngon par bris te/ hUM phaT yi ge bsgrub bya'i ming la btags la/de bzhin du bsam gtan la gnas pa'i cho gas bsgrub bya lha dang bral zhing lus la dri ma chags pa me'i dkyil 'khor la gnas pa'i bsgrub bya bzhin mi sdug pa/ khro bo sna tshogs kyis ral gri dang / dbyug pa dang gtun shing dang sta re dang mtshon ka Na pa dang /gzhu dang mda' dang / 'khor lo dang tri shU la dang rtse gsum pa dang mdung dang / ral gri dang / mtshon pa Ni Di pa la dang ldan pa'i phyag mtshan rnams kyis brgyab pas dum bu brgyar bcad cing / bya rog dang 'ug pa dang bya rgod dang spyang ki dang srin po dang mkha' 'gro ma la sogs pa rnams kyis za bar bsam zhing /spobs pas sngags bzlas pa ni/ oM hrIHSh+T+r-iHwi kr-i tA na na hUM hUM phaT phaT/ hUM phaT lha sbyin mA ra ya hUM phaT/ gsad pa'i cho ga'o/ /gal te grub par ma gyur na sngar bshad pa'i sngags bzlog nas bzlas na 'grub par 'gyur ro zhes so/ /sdang ba la de bzhin du 'khor lo gnyis mngon par bris te bsgrub bya'i ming la phaT yig btags la thod pa kha sbyor gyi nang du bcug nas skud pa nag pos dkris te nyi ma gung la dur khrod du sbas te/gshin rje gshed kyi rnal 'byor dang ldan pas gnas pa'i mdun du rta dang / ma he la zhon pa'i bsgrub bya gnyis mtshon ston pa rdo rje khro bo'i tshogs sprul pa phyogs gnyis la gnas pas/phan tshun za zhing 'khrug par byed par bsam zhing bzlas pa bya ba ni/ oM hrIHSh+T+r-iHwi kr-i tA na na hUM hUM phaT phaT/ phaT/ lha sbyin mchod sbyin dang rnam par dbye bar gyis shig phaT/ rnam par ldang ba'i cho ga'o//cho ga 'di nyid kyi 'khor lo gnyis mngon par bris te bsgrub bya'i ming la hUM phaT yi ge btags la thod pa kha sbyor du bcug nas skud pa nag pos dril te dur khrod du sbas la/ gshin rje gshed kyi rnal 'byor gyi mdun du yaM las byung ba'i rlung gi dkyil 'khor la gnas pa'i bsgrub bya rnga mong la zhon pa/lho phyogs su rdo rje khro bo'i tshogs mtshon cha sna tshogs 'dzin pa rnams kyis rdeg cing 'gro bar bsams nas bzlas pa ni/ oM hrIHSh+T+r-iHwi kr-i tA na na hUM hUM phaT phaT/ hUM phaT lha sbyin skrod par gyis shig /hUM phaT skrod pa'i cho ga'o/ /gshin rje'i gshed kyi bdag srung ba'i cho ga ni/oM ya mA rA dza sa do ma ya na maH/ snying la'o/ /oM ya me do ru swA hA/ mtshog ma la'o/ /oM Na yo da ya hUM/ spyi bor ro/ /oM yo ni rA ba kha Ta yak+She ya/ mig g.yas pa la'o/ /oM yak+She yats+tsha ni rA ma ya/ mig g.yon pa'o/ /oM da ya phaT/ rgyu ma la'o//de ltar bskyed tshul drug byas nas/ snying gar nyi ma'i dkyil 'khor la hUM bsam mo/ /rnal 'byor pa khros pas rang gi khrag dang / ro bsregs pa'i thal ba dang dug dang tshwa dang / ske tshe dang mar nag dang da du ra'i lo ma'i khu bas dur khrod kyi ras la 'khor lo gnyis rim pas bri bar bya'o//gsod pa gshin rje'i sku la gnas/ /sdang ba rta dang ma he la/ /bskrad pa rnga mo rgyab na gnas/ /zhi ba zla ba'i dkyil 'khor la/ /dbang sdud bud med snying la'o/ /rgyas pa rta yi rgyab tu ste/ /lkugs pa lug gi snying la gnas/ /rengs pa ri rab dbus su ste/ / 'gugs pa seng ge sha ra b+ha/ /gi waM gur gum dag gis kyang / /gro ga la sogs dag la bri/ /rdza phor kha sbyor nang du gzhug /yongs su 'dud de dag sems kyis/ /bya rog chen po'i smyu gu ste/ /nyin gung ro bsregs thab tu sba/ /thod pa kha sbyor nang bcug nas/ /bzhin mi sdug gi 'du shes can//gshin rje gshed kyi rnal 'byor ldan/ /lho phyogs bltas pas chad pas bcad/ /zhi bar mtha' yi g.yas bsub bya/ /ni yig gnyis kyang de bzhin du/ /rjes la dbus kyi ya yig bsub/ /lhag ma 'bru rnams ci bder gnas/ /'di yi bsnyen pa khri phrag gcig /yang dag dngos grub 'dod pas bzlas/ /gang la bris nas gzhag pa yi/ /khyim der rtag tu 'thab mo 'byung / /zlum po gsum ni byas nas su/ /brgyad dang bcu gnyis bcu drug pa/ /re'u mig de la 'di ltar dgod/ /btags pa'i sngags ni bri bar bya/ /ya ma rA dza/sa do me ya/ ya me do ru/ Na yo da ya/ ya da yo ni/ ra ya k+She ya/ ya k+She yats+tsha ni rA ma ya/ dbus su yang 'byung ngo / /nang gi 'khor lo'i phyogs kyi re'u mig la/ k+She ma me da 'byung ngo / /phyogs bral stong pa la bsgrub bya hUM gnyis kyi bar du gzhug go/ /ya k+She ma me da yats+tsha ni rA dza sa do ru Na yo ni rA/'khor lo gnyis pa la g.yon nas brtsams nas g.yas skor gyis bri'o/ /'khor lo gsum pa la shar phyogs nas brtsams nas bar bar gyi re'u mig la/ oM hrIHSh+T+r-iHwi kr-i tA na na hUM hUM phaT phaT swA hA/ zhes bri bar bya'o//de'i bar bar gyi re'u mig rnams la che ge mo bskrad par gyis shig sod cig /dbang du gyis shig /sdang bar gyis shig /rgyas par gyis shig /zhi bar gyis shig swA hA/ zhes de la sogs pa las kyi rjes su 'brang ba bri bar bya'o/ /dang por oM/ tha ma la na maHdang ba ShaT dang bau ShaT dang /hUM phaT yi ge dang ldan pa'i sa bon rnams zhi ba dang / rgyas pa dang / dbang du bsdu ba dang / gsod par byed par 'gyur ro/ /'di dag thams cad bdag nyid bsgoms pas 'grub par 'gyur ro/ /dpal u rgyan nas 'byung ba gshin rje gshed dmar po'i rgyud chen 'bum phrag gsum pa las byung ba slob dpon bi rU pas mdzad pa rdzogs so//rgya gar shar phyogs kyi paN+Di ta dpal mkhas pa chen po dA na shI la/ yul dbus kyi grub pa thob pa'i gnas drang srong srin po rir bsgyur ba'o// //