| བོད་ཡིག |
80b5 / //rgya gar shar phyogs kyi paN+Di ta dA na shI las rang 'gyur du mdzad pa'o//[ ]@##/ /'od gsal 'char ba'i rim pa/ dpal gshin rje gshed dmar po
80b6 la phyag 'tshal lo//gang zhig shin tu goms pa yis/ /spros pa yid kyis yid g.yengs na/ /bla ma'i man ngag la brten nas/ /spros pa de nyid spros med bya/ /ri bo'i rtse sogs rab dben par/ /maN+Dal la sogs tshogs byas la/ /bdag bskyed mchod dang bum pa bzlas/ /ji skad
80b7 bshad bzhin 'grub pa na//shin tu dad dang ldan pa yi/ /slob ma rjes su gzung bar bya/ /khrus sogs sngon 'gro bgegs bskrad la/ /thun mong pa dang khyad par gyi/ /yongs su rdzogs pa'i sdom pa sbyin/ /rang snying la gnas dbyug pa dkar/ /rdo rjes mtshan pa bsgom par
81a1 bya//sna tshogs spros pa'i yid 'di nyid/ /spros dang bral bar gdod nas grub/ /spros dang spros med gzhan min phyir/ /zung du 'jug pa'i sems bskyed bya/ /oM badzra yo ga tsit+ta ut+pA da yA mi su ra ta sa ma ya s+t+waM ho/ /de nas 'jom dpal 'dus pa yi/ /dkyil
81a2 'khor cho ga la gsungs ltar//'byung ba lnga dang phung lnga la/ /gnas pa'i nyon mongs lnga sbyangs nas/ /bde gshegs lnga dang ye shes lnga/ /dbang bar byed pa dbang lnga sbyin / /de nas bsrub dang bsrubs pa yi/ /bde ba thig le'i man ngag bya/ /rdo rjes rnam rtog gzhom pa
81a3 yi//g.yo 'dzin rlung gi man ngag dbab/ /de yi 'og tu zab mo ni/ /sangs rgyas kun gyi thugs kyi gsang / /mkha' 'gro'i bka' yis gdams gyur pa/ /rnam rtog 'od gsal zhal las gzung / /de ni nam zhig rtogs gyur pas/ /skad cig nyid la ye shes 'char/ /grol
81a4 dang grol ba ma yin pa'i//'ching ba kun ni spangs par 'gyur/ /nor dang go 'phang mnyam pa dang / /mkha' la 'gro dang kun mthong dang / /mkha' 'gro bran du bya la sogs/ /ci 'dod pa yi bsam pa 'grub/ /de ltar shin tu gsang ba bla ma dam pa'i drin las byung gyur pa/ /
81a5 gsal bar byas pa gang yin des ni srid pa gsum bo'i 'ching ba kun/ /spangs nas srid gsum bde chen ro gcig dpal ldan las 'bras kun gzigs pa/ /zhi las 'jam dbyangs shin tu khros pa gshin rje gshed dpal thob gyur cig /dpal gshin rje gshed dmar po'i
81a6 byin gyis brlab pa'i man ngag 'od gsal 'char ba'i rim pa slob dpon mthu stobs kyi mgon po dpal bi rU pas mdzad pa rdzogs so// //rgya gar gyi paN+Di ta ba ren+d+ra ba'i zhal snga nas dang / chag lo tsA dge slong chos rje dpal bzang pos bsgyur ba'o// //