CLOSE WINDOW

D2016
བོད་ཡིག

/[ ]@##/ /rgya gar skad du/ ya mA ri sid+d+ha tsakra sAd+ha na/ bod skad du/ gshin rje'i dgra grub pa'i 'khor lo'i sgrub thabs/ rdo rje mkha' 'gro la phyag 'tshal lo/ /dpal ldan gshin rje'i dgra mgon la/ /yang dang yang du phyag 'tshal te//gshin rje'i dgra ni bsgrub bya'i phyir/ /sgrub pa'i thabs ni bshad par bya/ /sngon du gsungs pa'i dkyil 'khor du zhugs pa'i rnal 'byor pa der gsungs pa'i dam tshig yongs su bsrung zhing sems dag pas yid dang mthun pa'i gnas su dri la sogs pas byugs pa'i dkyil 'khor la me tog gi sil ma dgram par bya'o//der bcom ldan 'das gshin rje'i dgra'i bris sku bzhag la/ de nas rang gi sngags kyis ar+g+ha'i snod la mngon par bsngags te gzhag par bya'o/ /rang gi snying gar a las nyi ma'i dkyil 'khor de'i steng du sa'i pha rol gyi sna tshogs mdzes pa'i gdan us byas la/zla ba dang thig les brgyan pa las 'od zer sngon po 'bar ba las bdud kyi gnas bsregs te bgegs med par dmigs la/ rang gi sa bon gyi 'od zer sna tshogs spros te/ de rnams rdzogs pa las rje btsun bla ma dang / yang dag par rdzogs pa'i sangs rgyas dang /byang chub sems dpa' rnams kyis til gyi gong bu bzhin du nam mkha' khyab par mthong nas/ yang dag par mchod par bya ste/ oM badzra puSh+pe hUM/ oM badzra d+hU pe hUM/ oM badzra dI pe hUM/ oM badzra gan+d+he hUM/ oM badzra nai bi d+h+ye hUM/ de nas/ dkon mchog gsum la skyabs su mchi//sdig pa thams cad so sor bshags/ /'gro ba'i bsod nams rjes yi rang / /sangs rgyas byang chub yid kyis gzung / /sangs rgyas chos dang dge 'dun mchog /byang chub bar du skyabs su mchi/ /rang dang gzhan gyi don bsgrub phyir/ /byang chub sems ni bskyed par bgyi//byang chub mchog gi sems ni bskyed bgyis nas/ /sems can ma lus bdag gis mgron du gnyer/ /byang chub spyod pa bdag gis spyad par bya/ /'gro la phan phyir sangs rgyas 'grub par shog /de ltar sngon du smon lam lan gsum brjod de/ de'i rjes la sngags 'dis chos thams cad bdag med par bsgom ste/ oM shU n+ya tA dz+nyA na badzra swa b+hA ba At+ma kou0f85haM/ zhes bya ba 'di lan gsum brjod de/ khams gsum ma lus pa sgyu ma'i rang bzhin du bsgoms te/ 'gro ba thams cad mi dmigs par bya'o/ /de nas thog ma med pa'i dus kyi kun du rtog pa'i sa bon ma rig pas byas pa'i ngo bo nyid dag cing /lhag par mos par byed pa ni lan gsum bzlas te/ oM swa b+hA ba shud+d+haHsar+b+ba d+harmAH swa b+hA ba shud+d+hou0f85haM/ de nas sngar gsungs pa'i sa bon las byung ba'i rdo rje tho ba de'i lte ba la nyi ma'i dkyil 'khor/ de'i steng d u hUM bsams te/de las gshin rje gshed kyi rang bzhin du 'od spro bar bya ste/ de'i rang bzhin gyi 'od zer gyis gshin rje gshed kyi rang bzhin du gsal bar bltas la/ de nas de thams cad 'dus pa las/ de nyid kyi mtshan ma la gzhug par bya'o/ /de nas thams cad rdzogs pa'i mthar gshin rje'i dgra mdog sngon po khros pas 'jigs par byed pa/zhe sdang dang bcas pa gang rgyangs rnam par sgrogs pa/ mche ba gtsigs pa'i zhal/ gsus pa 'phyang ba/ mi mgo skam pos rnam par brgyan pa/ skra ser po gyen du brdzes pa/ mi bskyod pa'i dbu rgyan can mgo bo'i phreng bas dbu skra'i ral pa bcings pa/'jam dpal gyis kun du brgyan pa/ klu'i dbang po sna tshogs kyis spras pa/ stag gi pags pa'i sham thabs can/ seng ge'i pags pas se ral du brgyan pa/ zhal drug po'i ljags bsgyur ba/ sna tshogs pa'i zhal dang ldan pa/ steng gi zhal 'jigs par byed pa/ tshangs pa dang dbang po dang drag pos phyag byas pa/ phyag drug pa g.yas gsum na rdo rje tho ba dang / ral gri dang / rdo rje bsnams pa'o/ g.yon gyi gsum na sdigs mdzub byed cing / zhags pa dang / gtun shing dang / rdo rje dril bu bsnams pa'o/ /sna tshogs kyi mdog can 'bar ba'i phreng ba'i 'od kyis khro bo rnams kyi phyag na mtshan ma lnga bsnams pa rnam par bsgoms te/ma he'i gdan la bzhugs pa/ zhabs drug pa/ zhabs gnyis kyis g.yon brkyang ba/ rdo rje'i rkang pa gnyis kyis gar byed pa'o/ /rdo rje'i rkang pa gnyis kyis sems dpa'i skyil mo krung legs par brten pa/de'i 'og tu gshin rje'i rgyal po chung ma dang bcas pa kha sbub tu 'gyel ba dang / lha dang lha ma yin la sogs pa'i bgegs rnams 'joms par byed par bsam mo/ /bdud rnams 'jigs shing sngangs pa dang / /kha sbub tu 'gyel te gnas pa'o//de nas ye shes sems dpa' spyan drang bar bya ste/ mdzub mo gnyis lcags kyu'i tshul du byas la bskul zhing sngags 'dis dgug ste/ oM badzra aM ku sha dzaH de nas mdzub mo gnyis zhags pa'i tshul gyis gzhug par bya zhing / oM badzra pA sha hUM/ lcags sgrog gi gzugs kyis rked pa'am dpyi mgo gnyis bcing bar bya zhing / oM badzra s+pho Ta baM/ de nyid rdo rje tho bas bcings te/ dbang du bsdu bar bya'o/ /oM badzra A be sha hoHdzaHhUM baM hoHsa dgug par bsam par bya'o/ /rnam pa thams cad kyi mchog de mthong ste/ hUM las bgegs rnams gzhom par bya'o//de nas rang gi sngags dang phyag rgya 'dis ar+g+ha'i snod sbyin par bya ste/ rdo rje thal mo sbyar la ar+g+ha'i snod ltar bya ste/ oM hrIHSh+T+r-iHwi kr-i tA na na hUM hUM/ ar+g+haM pra tIts+tsha hUM hUM phaT phaT swA hA/ rdo rje khu tshur las mdzub mo dang mthe bos me tog blangs la khu tshur bcangs te/rim gyis gung mo la sogs pa brkyang ste/ oM pra ba ra sat+kA ra pra tI ts+tsha swA hA/ de nas phyag rgya 'dis bsdus te/ rdo rje khu tshur gnyis bcings te/ mdzub mo dang mthe bong se gol brdab cing / oM badzra sa mA dza dzaH/ zhes lan gsum brjod do/ /bdag nyid gshin rje gshed kyi nga rgyal ji skad gsungs par bya'o//oM AHhUM gsum gnas gsum du dgod par bya'o/ /de nas dam tshig gi phyag rgya dang rang gi sngags dang lhan cig tu snying ga dang / mdzod spu dang mgrin pa dang / mgo rnams su gzhag par bya ste/ de la phyag rgya ni lag pa gnyis thal mo sbyar te/ mthe bong gnyis brkyang gung mo'i rgyab tshigs kyi gsum par sbyar ro/ /de nas rang gi lce la hUM gis rdo rje gnod mdzes bsgom par bya'o/ /chos kyi phyag rgya'o/ /phyag rgya chen po'i don du de nas dbang bskur ba blang bar bya'o/ /rdo rje bcings pa las gung mo gnyis bsgreng ste myu gu ltar byas pa ni/rdo rje sems dpa'i phyag rgya ste/ spyi bor bzhag la oM badzra satwa hUM a b+hi Shiny+tsa mAM/ 'dis thams cad du/ bcom ldan 'das mi bskyod pa mdog gnag pa sa gnon gyi phyag rgyas gnas par bsam mo/ /de nas mthe bong gnyis sems dpa'i skyil mo krung du mdzub mo dang gung mo so sor sbyar te/mdzub mo'i tshigs gnyis pa bcag /gung mo yang yud tsam bcag ste/ lhag ma sor mo mnyam par sbyar ba ni rnam par snang mdzad kyi ste/ dpral bar bzhag nas rnam par snang mdzad mdog dkar po byang chub mchog gi phyag rgyas bzhugs pa'o/ /rdo rje bcings pa las gung mo rin po che'i gzugs ltar byas pa ni rdo rje rin chen mas te/rna ba g.yas pa'i steng du bzhag pas rin chen mchog ser po mchog sbyin can no/ /de nyid las sor mo rnams pad+ma'i myu gu ltar byas la gung mo rtse sprad de yud tsam thur du bcag ste 'dab ma ltar byas pa ni chos kyi rdo rje ma ste/ltag par bzhag pas snang ba mtha' yas sku mdog dmar po ting nge 'dzin gyi phyag rgyas bzhugs pa'o/ /rdo rje thal mo sbyar ba las mthe bong gnyis mnyam par sbyar la gung mo'i tshigs gsum pa'i rgyab tu mdzub mo gzhag pa ni las kyi rdo rje ma'o/ /rna ba g.yon pa'i steng du bzhag pas don yod grub pa mdog ljang gu mi 'jigs pa'i phyag rgyas bzhugs pa'o//de nas go cha'i dar dpyangs bcings te/ mtha' ma la sogs pas bsrungs te kun nas mchod par bya'o/ /de la 'di ni bcom ldan 'das la sngags kyis mchod pa ste/ thams cad kyang pad+ma dang zla ba'i gdan can ma'o//oM lA s+ye hUM me'i mtshams su rdo rje sgeg mo dkar mo/ sems dpa'i skyil krung ma thams cad pad+ma dang zla ba'i gdan can ma/ khu tshur gnyis dkur brten te gar byed pa'i 'gying bag dang bcas pa/ g.yon du zhal yid tsam 'dud pa'o/ /de bzhin du oM badzra mA le hUM/ bden bral du rdo rje phreng ba ma sku mdog ser mo bsam par bya'o/ /oM badzra gI ti hUM/ 'dis rlung gi phyogs su mdog dmar mo g.yon rdo rje khu tshur sdigs mdzub bsgreng ba/ g.yas rdo rje khu tshur sdigs mdzub bsgreng ba'o/ /g.yas g.yon glu len pa'i gar byed cing sgeg pa'o/ /lus yid tsam gar byed pa glu len cing pi wang dung bar byed pa'o//oM badzra nr-i ti hUM/ 'dis dbang ldan gyi phyogs su sku mdog ljang gu phyag gnyis kyis phyogs kun du bsgyur ba sgeg pa'i nyams dang ldan pa de nyid mgo bor gnas pa/ gar sbyor ba'i tshul gyis gnas pa ni gar mkhan ma'o/ /oM badzra puSh+pe hUM/mdun du sku mdog yid tsam dkar ba de bzhin du sngon du gar byed pa/ rdo rje thal mo mgo bor rnam par 'dzin pa las snying gar me tog gi phreng ba 'dzin par byed pa ni me tog ma'o/ /oM badzra d+hU p+pe hUM/ g.yas phyogs su yid tsam 'dud pa/ sku mdog ser ba lag pa gnyis kyi mthe bong gnyis brkyang ba ste thur du bskor zhing spos dbul bar bya'o//oM badzra dI pehUM/ rgyab tu yid tsam 'dud pa sku mdog dmar ba/ de bzhin du rdo rje khu tshur bcings la lag pa gnyis gyen du bsgreng ste bskor zhing mar me 'bul bar bya'o/ /oM badzra gan+d+he hUM/ g.yon du yid tsam 'dud pa kha dog ljang ba de bzhin du sngon du gar byed cing yongs su bskor ba gnyis kyis byug par byed pa dri chab ma'o/ /'di dag rang rang gi phyag rgya bcings pa las byung ba/ sgeg mo la sogs pa'i lha mo rol pa dang bcas par lag pa bskyod pa rnams so/ /nam mkha'i dkyil 'khor khyab pa'i chos thams cad sgyu ma lta bu'i ngo bor rtogs pa/so sor brjod kyis mi lang ba'i rang bzhin sprul te/ mchod pa sna tshogs pa'i sprin gyi tshogs nam mkha' dang mnyam pa bcom ldan 'das la mchod pa byed par bsam mo/ /ji ltar bstod pa la sogs pa thams cad man ngag la bya'o//dus bzhi'i rim pas rtsa ba'i sngags ji srid bzlas pa de srid mtshan ma bzang po rnams nges par mthong zhing nyi ma bdun na rmi lam bzang po mthong ba ni de'i dus la sangs rgyas rmi lam du mthong ba dang / mchod rten dang / sku gzugs dang / gang yang dge 'dun mthong ba dang /dge slong ma dang / de bzhin du yang lha'am lha khang ngam/ dge slong gcig gam/ de bzhin du chu klung ngam/ mtsho la rkyal ba dang / ri la 'dzeg pa dang / bde bar gshegs pa rnams dang / brtul zhugs can dang / sngags pa bye brag can la dbang bskur bar byed pa rmi lam na mthong ba dang /dge slong ma dang / de bzhin du ljon shing gis spras pa'i gnas rnams mthong ba dang / dam pa rnyed pa dang / reg pa dang / de bzhin du gzhan yang dge ba'i dngos po rnams kyi mtshan ma mthong na/ de nas las rnams brtsam par bya ste/ de la las thams cad byed pa ni/'khor lo'i mtshan nyid re'u mig bzhi bcu rtsa dgu pa shin tu 'bar ba gsal bar bya ste/ de la A li kA li'i sbyor ba la u med pa rnams cho ga bzhin du bris pa las dbang ldan la sogs pa'i phyi rol gyi mtshams la r-il sogs pa'i yi ge bzhi dgod par bya'o//rtsa ba'i sngags goms pa'i dbang gis spel lo/ /u'i re'u mig gi steng du ji lta bar mgo bos pha rol mdzes pa'i sna la brgyan pa dang 'og gis spras pa/ dbyangs yig bzhi po sum skor byas la dbus kyi re'u mig la yi ge ji skad gsungs pa'i rim pas bsgrub bya'i ming dang spel te bri'o//las thams cad byed pa'i 'khor lo des bsrung ba'i don la skyes pa rnams la gur gum dang / bud med rnams la gi wang gis gro ga'am/ um b+ha'i shun pa'am/ gla gor zho sha'i shun pa'am/ ras la bsrung ba'i bskul tshig dang ldan par bri ba ni kha shar phyogs su bltas te/zhi ba'i las nang bar gyi mtshams la bya/ rje btsun sku mdog dkar por bsgoms te bri/ mchod pa chen po byas te ji lta ba bzhin du dbang bskur ba la sogs pa sngar sbyin pa byas na/ srung ba chen po byas pa dang ldan par 'gyur ro/ /bud med dam skyes pa la sogs pa zhi bar bya bar 'dod pas/'khor lo 'di shing shir sha'i shun pa la bri bar bya'o/ /tsan+dan dang / gur gum gyis bris shing yang dag par de nyid kyis bya'o/ /sngar gsungs pa'i zhal la sogs pa las thams cad byed pa'i thab tu dgod par bya'o/ /bum pa de'i steng du bla re dgram par bya'o//bum pa bzhi po rnams la rin po che sna lnga dang / 'bru lnga dang sman lnga nang du gzhug /dri zhim po'i chus dgong / ras kyis bum pa'i mgrin pa dkri bar bya/ me tog dang 'bras bu dang ldan pa'i shing gis kha rgyan bya/ phur bu sna tshogs kyis thab kyi phyi rol gyi mtshams bzhir bgegs bskrad par bya/bum pa bzhi gzhag par bya/ thams cad du thang ka la sogs pa gzhag cing dgram par bya/ dri dang chu dang me tog dkar po bsres la/ skyor chu stong gi sngags kyi chu'i sbyin sreg bya'o/ /chu des thams cad du yang dang yang du gtor/ nyi ma bdun du thams cad du yang gtor ma sbyin/de nas 'khor lo de dbyung bar byas nas rgyal mtshan gyi rtse mo la btags te gnas mthon por bzhag ste nyi ma re re zhing mchod pa byas na de nas zhi bar 'gyur ro/ /dmag gi dpung la sogs pa rengs par bya ba la sngar gsungs pa'i shing shun la sdong ros dang /yung ba'i khu bas bskus te bri/ de yang bsku/ bsgrub bya'i rkang rjes kyi sa dang / rnam par snang mdzad dang / chu bo'i ngogs gnyis kyi sa dang / ri'i sa dang lam rgya gram gyi sa dang / sngar gsungs pa'i ldong ros dang / yung ba'i khu ba btsir la gzugs brnyan byas nas de'i snying gar bcug ste/kham phor kha sbyar gyi nang du bcug la bsgrub par bya ba 'ong ba'i lam gyi sa 'og tu bcug ste/ seng ldeng gi phur pa sor brgyad pas lus la sogs pa man ngag ji lta bas phur bu gdab par byas nas gtor ma yang sbyin no/ /ji ltar gsungs pa'i mdog la sogs pa 'di dag rdzogs pa dang /lnga stong bzlas pa byas na gdug pa can thams cad rengs par 'gyur ro/ /gang du rims dang dug la sogs pa med par byed pa der sran ne la lan bdun bsngags te 'dis 'khor lo bri bar bya'o/ /de'i steng du bsgrub bya gzhag cing ji ltar gsungs pa'i cho ga byas na de nas zhi bar 'gyur ro//dgra bo bcing ba la kham phor ma bsregs pa kha sbyar la/ 'khor lo 'di myos byed kyi khu ba dang dur khrod kyi sol ba dang btsag rnams bsres la bri/ ro bsregs pa'i thal ba dang sas g.yogs par bya/ de'i ming dang spel te stong bzlas na 'dis kha bcing ba la sogs pa'i nyes pa 'byung bar 'gyur ro//bsad pa'i sbyor ba la 'khor lo 'di dur khrod kyi ras la dug dang / tshwa dang ske tshe dang / mdzub mo'i khrag bsres la bri/ ro bsregs pa'i sa dang / thal ba dang / dgra bo'i rkang rjes kyi sa dang / mi rus kyi phye ma rnams bsres la gzugs brnyan byas te de'i snying gar gzhug par bya'o//de nas dur khrod kyi me la bsro zhing khros pa'i sems kyis stong phrag bcu bzlas pa byas nas/ de'i khyim mam dur khrod du sbas na/ de nas de skad cig gis 'chi bar 'gyur ro/ /dgra nang dbye na ma he dang rta'i pags pa'am/yang na dur khrod kyi ras sam/ ro'i ras la ma he'am rta'i khrag gam/ byi la dang khyi 'am khyim bya'i khrag gam/ nim pa'i 'dab ma'i khu ba dang / ske tshe dang bsres pas 'khor lo 'di bri/ rnam par 'gras par byed pa'i tshig dang ldan par bskul ba bris nas/ rta'i sbal gyi khar bcug la ma he'i rmig pa'i nang du gzhug par bya'o//de nas bzlas pa khri byas shing nim pa'i shing brkos te de'i nang du sba bar byas na/ de gnyis 'gras nas dpag tshad brgyas chod kyang 'thab par 'gyur ro/ /de nas rims kyis thebs par 'dod na dur khrod kyi ras la 'khor lo 'di tsi tra ka dang /dug dang / a rka'i lo ma dang / ske tshe dang khrag rnams kyis rdzogs par bris nas seng ldeng gi me la bsro zhing khros pa'i sems kyis brgya phrag lnga bzlas pa byas na/ rims kyis 'dzin par 'gyur ba ni bsgrub bya'i khyim mam/ lam gyi bzhi mdo'am/ dur khrod du sbas na'o//thams cad las grol bar 'dod na 'o mas bkrus na grol bar 'gyur ro/ /rgyas pa la gro ga la bzhi mnyam gyis 'khor lo 'di bri/ tha ma gnyis su oM bri/ dbus su bsgrub bya'i ming / skul bar byed pa'i tshig dang ldan par gzung bar bya zhing / thang ka'i mdun du nyin re bzhin du kha nub tu bltas la zla ba drug tu gnod sbyin dang /gnod sbyin mos rin po che'i char 'bebs par byed par bsam zhing bdag po'i gzugs kyi rnam par bsams te/ bzlas pa khri dang sbyin sreg khri byas na 'grub cing de nas nor gyi bdag po chen por 'gyur ro/ /dbang du bya ba la ni 'khor lo grog la sogs pa'i shog shog la rang byung gi me tog dang gi wang gis bri/yang na srin lag gi khrag dang / bil ba'i lo ma'i khu ba dang / ras dmar po'i khu ba dang / de'i rtsi rnams bsres la bris/ spra tshil gyis yang dag par dkri zhing byugs nas mar dang sbrang rtsis bkang ba'i bum pa'i nang du bzhag la/'dzab khri bya ba ni ho mthar sbyar zhing nyi ma re re zhing ji ltar gsungs pa'i rim pas mchod pa byas na mod la dbang du 'gyur ro/ /gro ga la gur gum gyis skar ma rgyal gyi zla ba la sogs pa gzas zin pa'i dus su bris nas skud pa dmar pos dkris shing mchod pa chen po byas te/gtor ma yang sbyin zhing 'dzab stong phrag bcus sgrub pa byas la ji ltar gsungs pa'i gzugs kyis mi'i thod pa'i nang du gzhug par byas na/ de nas gang dang gang 'dod pa de rnyed par 'gyur ro/ /ral gri la sogs pa rengs par bya ba la/'di nyid kyis ci yang rung ba'i mtshon rengs par byas nas/ tshig bskul ba dang ldan par bris na des rengs par byed do/ /drag po la sogs pa yo byad tshogs pa dang ldan pas gang 'dod pa de med par byed do/ /sngon du gsungs pa'i rim pas zhi bar 'gyur ro/ /ma mo'i khyim dang /dur khrod dang shing gcig gi drung ngam/ gnas stong pa'am/ chu 'gram mthon po dang ri'am/ gnas dben pa'am/ mchod rten dang / sngon du grub pa'i gnas dag gam/ yid dang mthun pa'i gnas sam/ lha khang dang rang gi khyim du sngags pas 'dzab bye ba bzlas pa byas na/ji ltar gsungs pa'i rim pas gsang ba'i dbang bskur ba bla ma la dad pa de kho na nyid rigs pa bla na med pa des ci yang 'grub po/ /ri lu 'dod pa'i dngos grub dang / /rA sa'i dngos grub dang / rengs pa'i dngos grub dang / rkang mgyogs kyi dngos grub dang / ral gri dang / sa 'og gi dang / bum pa bzang po dang / de bzhin du rig pa 'dzin pa'i dngos grub dang / klu mo dang / gnod sbyin mo dang / lha ma yin gyi bu mo dang / mi'am ci'i bu mo dang / de bzhin du mi'i bu mo dang / mkha' la spyod pa dang gang 'dod pa de grub par byed do/ / rang gi sde yongs su srung bar byed do/ /gzhan gyi sde 'joms par byed do/ /srin mo la sogs pa med par byed do/ /mkha' 'gro ma rnams 'joms par byed do/ /rims nyi ma bzhi pa la sogs pa med par byed do/ /dug dang pra dbab pa la sogs pa la yang bzlas ba byas pas 'grub po//stag la sogs pa 'jigs par byed do/ chu'i 'jigs pa med par byed do/ /sngags 'dzin pas 'dod pa'i snying po de rnyed par 'gyur ro/ /bla ma'i zhal snga nas kyis snang ba las/ rang gi snying gar 'khor lo dgod par bya'o/ /ngo mtshar du ma rnams byed do/ /rje btsun gyi nga rgyal dang ldan pas kun du gnas par bya'o//sngags pas rtag tu bzlas pa byas na des thams cad 'grub po/ /gtor ma thams cad sngags 'dis sbyin par bya'o/ /oM hrIHSh+T+r-iHwi kr-i tA na na hUM ma ma a mu kaM kaR+YaM ku ru sarba sha tru na bi ma ra ya hUM hUM phaT phaT swA hA/ man ngag ji lta bas bdud rtsi la sogs pa zin pa dang /gtor ma sbyin par byas pas 'grub bo/ /'khor los dgos pa kun byed do/ /sangs rgyas kun gyi byin rlabs kyis/ /ye shes bla ma'i gnang ba yi/ /byas pa dran pa yis ni byas/ /gshin rje'i dgra mgon man ngag gi/ /sgrub pa'i thabs kyi mgon byas la/