CLOSE WINDOW

D2013a
བོད་ཡིག

mkhas pa chen po bai ro tsa na rak+Shi ta de nyid dang / lo tsA ba glan dar ma ma tis bsgyur cing zhus te gtan la phab pa//[ {Da}]@##/ /rgya gar skad du/ shrI badzra b+hai ra wa badzra maN+Dal pra ka bi d+hi nA ma/ bod skad du/ dpal rdo rje 'jigs byed kyi dkyil 'khor gyi cho ga gsal ba zhes bya ba/dpal rdo rje 'jigs byed chen po la phyag 'tshal lo/ /nam mkha' lta bur dngos bdag med/ /dus mtha'i 'od ltar lha rnams 'bar/ /shes rab thabs 'dres gnyis su med/ /rdo rje 'jigs byed phyag 'tshal nas/ /de nyid thob 'dod rigs can la//de yi dkyil 'khor cho ga bshad/ /brgyud pa'i rim 'ongs man ngag thob/ /rgyud sde shes shing cho ga mkhas/ /dam tshig la gnas byin rlabs yod/ /sbyin sogs snying rje slob ma 'dzin/ /gnod sbyin rigs 'dus bstan la gus/ /de ni bka' yang slob dpon rigs//gzung bar bya ba'i slob ma ni/ /dad gus snying rje shes rab yod/ /dge sdig rnam smin 'bras bu shes/ /sdom gnas dul shing khro ba spangs/ /brtul zhugs dpa' phod sems stobs brtson/ /sems gcig don med bsgrub pa 'dod//zab dang rgya che 'dzin la gnas/ /de las gzhan pa 'dir mi gzung / /dur khrod la sogs dben bsdad de/ /maN+Dal mchod gtor rdzas bsags la/ /sdom dang sngags kyis slob ma bsrung / /rnal 'byor bzhi gnas 'bum khri stong / /snying po las dang rtsa sngags bzlas//chos skyong bsnyen pa rtags mtshan grangs/ /bsnyen pa grub nas sta gon te/ /dbyibs sngags chos dang ldan pa yis/ /phyogs dang dbyibs dang kha dog la/ /btsal dang brtag pa dag tu bya/ /dkar dang zlum dang shar la sogs/ /'bol snum gyong dang yang ba yis//rnyed legs slang dang dbrog par bya/ /yang na rin gyis nyo yang rung / /lha mo dbang gsol rnal 'byor bzhis/ /stong nyid dra gur rdo rje'i gdan/ /oM b+hU khaM gis chos nyid mkha'/ /hUM laM hUM sogs 'byung ba'i rim/ /badzra me de'i sngags brjod cing //rak+Sha rak+Shas rdo rjes bsrung / /sa ro dbyung zhing sbyang bar bya/ /skyob pa sangs rgyas thams cad kyi/ /sa dang pha rol phyin pa dang / /spyod pa'i tshul dang khyad par ni/ /lha mo khyod ni dbang du gyur/ /brjod la lha mo mkha' la bteg /bdud rtsi khrag chen pa yi dri//sor bzhi mtho gang gru bzhir brtsigs/ /slob dpon khrus byas dri zhim dang / /bdud rtsi lngas byug dur khrod kyi/ /phyag rgya lngas brgyan cod pan dang / /stod smad gos ldan gdan la bsdad/ /rdo rje dril bu snying rjes bzung / /'gro ba bsgral phyir dkyil 'khor 'jug /rnal 'byor chen pos gnas pa la/ /dris brgyan rdo rje dril bu 'dzin/ /slob ma bzhi yis gsol ba gdab/ /'gro kun gti mug mnan mthong nas/ /'gro ba'i gti mug bsal ba'i phyir/ /bcom ldan gti mug gshed du byon/ /gti mug 'jigs byed phyag 'tshal bzhengs//'gro kun nga rgyal gyis mnan gyis/ /'gro kun nga rgyal zhi bya'i phyir/ /bcom ldan phra ma gshed du byon/ /phra ma 'jigs byed phyag 'tshal bzhengs/ /'gro kun 'dod chags gzir gzigs nas/ /bcom ldan 'dod chags gshed du byon/ /'gro ba'i 'dod chags sbyang ba'i phyir/ / 'dod chags 'jigs byed phyag 'tshal lo/ /'gro kun phrag dog bcings mthong nas/ /'gro ba'i phrag dog bsgral ba'i phyir/ /bcom ldan phrag dog gshed du mdzad/ /phrag dog 'jigs byed phyag 'tshal bzhengs/ /'gro kun zhe sdang gis gzir gzigs/ /'gro ba'i zhe sdang sbyang ba'i phyir//bcom ldan zhe sdang gshed du sbrul/ /zhe sdang 'jigs mdzad phyag 'tshal bzhengs/ /rdo rje 'jigs byed dkyil 'khor ni/ /dkyil 'khor kun gyi mngon gyur pa/ /sdig pa thams cad nyams byed cing / /'dod pa kun 'byung mgon por bri/ /gsol ba'i sgra de brag ca ltar/ /gsal nas chos nyid dag la bzhengs//snying rje chen pos 'gro ba kun/ /dug lnga'i gnas nas bsgral bsams la/ /hUM hUM badzra ut+ti Sh+Tha/ /brjod la rdo rje gsor bas bzhengs/ /Ta dang ma las rdo rje'i spyan/ /g.yas dang g.yon gyis khams gsum blta/ /sangs rgyas kun bskul bgegs bskrad bsam//rkang las hUM 'od rdo rje'i sa/ /rdo rje 'khor lo rin chen pad/ /ral gri ra ba g.yas brkyang sogs/ /gar dang bcas pas lan gsum du/ /dkyil 'khor bskor la bsrung ba bya/ /hUM nga ni dpal ldan snying rje'i stobs/ /srung ba'i 'khor lo rab sbyor byed/ /nyon cig bgegs rnams kun nyon cig /lus ngag yid la gnod pa kun/ /lha klu gnod sbyin la sogs khyed/ /de ring gzhan du 'gro bar gyis/ /gal te mi 'gro 'dug gyur na/ /rdo rje 'bar ba'i lus ldan pa'i/ /rdo rje 'di yis bgegs byed kun/ /lus ngag yid gsum dgas par bya'o/ /de nas gnod mdzes sngags kyis bsrung //g+ha g+hA ta yis phur pas gdab/ /mchod dang gtor mas khro bo mchod/ /bdag dang slob ma bsrung bar gsol/ /lha mo dmigs nas mchod pas mchod/ /skyob pa shAkya seng ge yis/ /drag po chen po bdud kyi sde/ /stobs chen dag kyang de ltar bcom/ /de ltar bdag gis bdud las ni//rgyal bar byas te dkyil 'khor bri/ /lha mo khyod kyis dbang mdzod cig /lha mo slar thim sa sta gon/ /de nas lha gnas bdud rtsi'i dris/ /thig le me tog tshom bu bya/ /lha bskyed dgug gzhug bcing dgyes la/ /phyi nang gsang ba'i mchod pa dang / /bstod dang snying po ci nus pas//mnyes par byas la gsol ba gdab/ /pus mo'i lha nga pad+ma la/ /g.yas btsugs g.yas pas spos thogs te/ /bcom ldan gshin rje 'jigs rdo rje/ /rig pa'i rgyal po phyag 'tshal lo/ /slob ma rnams la brtse phyir dang / /bcom ldan khyed la mchod pa'i phyir/ /dkyil 'khor snying rje'i bdag nyid can//mgon po bdag ni 'dri bgyid cing / /bdag nyid khyed la gus pas mchod/ /bcom ldan bka' drin gnang bar 'os/ /'khor lo 'gro ba'i don mdzad pa'i/ /sangs rgyas thams cad bdag la dgongs/ /'bras gnas byang chub sems dpa' dang / /gzhan yang sngags la gnas pa'i lha//'jig rten skyong ba'i 'byung po rnams/ /sangs rgyas bstan la dga' ba yi/ /rdo rje mig dang ldan pa rnams/ /de ring rdo rje 'dzin min bdag /rdo rje 'jigs byed dkyil 'khor 'di/ /'gro la phan phyir bri bar byed/ /ji ltar nus pa'i nyer spyod kyis/ /rjes su brtse phyir nye bar gsol//bdag dang slob mar bcas pa dang / /dkyil 'khor gyi ni grogs kun la/ /bsrung dang nye bar skyob pa ni/ /khyed kyis bya bar 'os lags so/ /de ltar lan gsum brjod pa ni/ /dkyil 'khor sta gon mkha' la bteg /de nas nag po nog rtsa ba spangs/ /gser sogs rin chen sa yang rung //lto yangs mgrin ring mchu 'phyang ba/ /bco brgyad rang rang mtshan mas gdab/ /rin chen lnga dang sman lnga dang / /tsu ta'i kha rgyas gos kyis dkri/ /lha bskyed dgug gzhug mchod bstod bzla/ /zhu ba bdud rtsi'i chu yis dgang / /me tog phreng ba ar+g+ha'i snod/ /rdo rje dang bcas ku sha'i gdan//lha gnas dag gam rim pas gzhag /skabs der rung ba'i slob ma dag /khrus dang maN+Dal mchod pa dag /me tog las bzung gus pas ni/ /dkyil 'khor phyi sgor bsdad par bya/ /dngos grub 'dod pas dad pa yis/ /'jig rten pha rol la dmigs te//rdo rje 'jigs byed bsgrub par bya/ /'jig rten 'di dmigs mchog mi 'grub/ /de ltar spro ba bskyed nas ni/ /dad pa bskyed pa'i slob ma la/ /cho ga ji bzhin sems bskyed cing / /tshig 'di dag gis lan gsum brlab/ /dkon mchog gsum la phyag 'tshal lo//dkon mchog gsum la skyabs su mchi/ /sdig pa mi dge so sor bshags/ /'gro sogs dge la rjes yi rang / /sangs rgyas byang chub yid kyis gzung / /byang chub mchog gi sems ni bskyed par bgyi/ /sems can ma lus bdag gis mgron du gnyer//byang chub spyod mchog yid 'ong spyad par bgyi/ /'gro la phan phyir sangs rgyas 'grub par shog /'gro ba thams cad bdag gis bsgral/ /de nas gus pas slob dpon la/ /tshig 'dis lan gsum gsol ba gdab/ /dpa' chen khyod bdag ston pa po//slob dpon khyed ni dgongs su gsol/ /byang chub chen po'i tshul bstan pa'i/ /dam tshig de nyid bdag la gsol/ /byang chub sems ni bdag la gsol/ /sangs rgyas chos dang dge 'dun te/ /mchog gsum po yang bdag la gsol/ /thar pa chen po'i grong mchog tu//mgon po bdag nyid 'jug par bya/ /bu tshur shog cig theg chen la/ /sngags spyod pa yi mchog 'di ni/ /khyod la yang dag bshad par bya/ /khyod ni theg chen snod yin no/ /dus gsum sangs rgyas thams cad kun/ /sku gsung thugs kyi rdo rje can//rdo rje gsang sngags mthu yis ni/ /ye shes mnyam med yang dag mnyes/ /shAkya seng ge sogs mchog gis/ /gsang sngags mnyam med mthu yis ni/ /'jigs pa chen po bdud kyi sde/ /stobs chen dag kyang des bcom nas/ /'jig rten rjes su gshegs nas kyang //'khor lo bskor nas mya ngan 'das/ /de bas kun mkhyen thob bya'i phyir/ /bu yis blo gros 'di gyis shig /de don bshad nas mkha' gsang nas/ /byin rlabs dbyung ba rnam snang dmigs/ /gnas gsum byin rlabs mchod pa bya/ / gsang sngags mchog tu der sems bskyed/ /ji ltar dus gsum mgon po rnams/ /byang chub tu ni nges mdzad pa/ /byang chub sems ni bla na med/ /dam pa bdag gis bskyed par bgyi/ /sangs rgyas chos dang dge 'dun te/ /mchog gsum po la skyabs su 'chi/ /rdo rje dril bu phyag rgya yang //gsum bdag nyid du gzung bar bgyi/ /slob dpon dag kyang gzung bar bgyi/ /rin chen rigs mchog chen po la/ /nyin re bzhin nam dus drug tu/ /chos dang zang zing mi 'jigs byams/ /sbyin pa rnam bzhi rtag tu sbyin/ /byang chub chen po'i tshul bstan pa'i//pad+ma'i rigs mchog chen po la/ /phyi nang gsang ba'i theg pa gsum/ /dam pa'i chos kyang ma lus bzung / /las kyi rigs mchog chen po la/ /sdom pa thams cad ldan par ni/ /yang dag nyid du gnas par bgyi/ /mchod pa'i las kyang ci nus bgyi//sdom pa yi ni tshul khrims dang / /dge ba'i chos ni bsdu ba dang / /sems can don bya'i tshul khrims gsum/ /de nas bdag gis gzung bar bgyi/ /sems can kun gyi don gyi phyir/ /bdag gis sdom pa ma lus bzung / /ma grol ba rnams dgrol bar bgyi//ma bsgral ba rnams bsgral bar bgyi/ /dbugs ma phyin pa dbugs dbyung zhing / /sems can mya ngan 'das la dgod/ /skyon spangs rtse mo cha las byung / /bcu gnyis sor bcas me tog bcas/ /ba yi pags pa tsam gyis byug / shar bltas dor la zhi sogs brtag /ngag gi nyes pa sbyang ba'i phyir/ /dri chus skyor chu sbyin par bya/ /oM hrIHbi shud+d+ha sarba d+harmAHpA pA ni tsa s+ya bi sho d+ha ya sarba bi kalbA na a pa na ya hUM/ las dang rtsa ba'i sngags brjod pa'i/ /ku sha sngas dang stan du sbyin/ /lus tshad gsum sgril las sngags kyis//mdud pa lha dang bsrung ba gdags/ /bar chad sdig pa zhi bya'i phyir/ /zhi ba'am man ngag sbyin sreg bya/ /de nas spro ba'i chos bshad bya/ /gtor ma btang zhing mchod bstod bzla/ /thams cad mkhyen pa 'jig rten du/ / 'byung 'gyur yang ni mi 'byung srid/ /u dum+WA ra'i me tog bzhin/ /brgya lam na'am res 'ga' 'byung / /gsang sngags spyod pa'i mchog 'di ni/ /de bas kyang ni rnyed par dka'/ /gang phyir sems can mnyam med don/ /bla na med pa byed par nus/ /bskal pa dpag tu med pa ru//gang gis mtshams med sdig byas pa/ /dkyil 'khor 'di 'dra mthong ba yis/ /sdig pa thams cad zad par byed/ /grags pa mtha' yas sngags spyod pa'i/ /tshul la gnas na smos ci dgos/ /skyob pa'i gsang sngags bzlas na ni/ /go 'phang bla na med par 'gyur//gang gis sngags spyod mchog 'di la/ /blo gros shin tu dri med na/ /sdug bsngal thams cad 'byung ba yi/ /ngan 'gro thams cad 'dis spong ngo / /bdag nyid chen po khyed rnams kyis/ /rnyed pa mnyam med de ring rnyed/ /gang phyir rgyal ba sras bcas kyis//bstan pa 'di la khyed rnams bsrung / /theg mchog 'dir ni khyed rnams kun/ /legs pa nyid du 'gro bar 'gyur/ /theg pa chen po cher 'byung ba/ /las mchog 'di ni dpal dang ldan/ /khyed rnams 'di ru 'gro bzhin par/ /de bzhin gshegs pa nyid du 'gyur//de nas slob ma sems spro bas/ /maN+Dal me tog legs su dbul/ /'dod pas seng ge bzhin du nyal/ /las sngags bzlas shing bla mas bsrung / /nam langs khrus dang maN+Dal bya/ /rmi lam bzla zhing ngan na bzlog /de nas kha dog lnga ldan pa'i/ / thig skud gsar pa nyi shu'i cha/ /nyis 'gyur zhe sdang rdo rje dang / /gti mug gshed du dmigs pas bsgril/ /'bar ba'i lta stangs lcags kyu dang / /yid kyis rigs lnga gzhug par bya/ /oM dIp+ta dr-i Sh+Ti aM ku shi dzaHmchod la gsol ba gdab par bya/ /oM AHpra yats+tsha mo ha kI la re swA tsakra sU tra NA ya hUM/slob dpon slob mas thig bzung ste/ /nub dang shar bsdad thig gdab po/ /ye shes gzhal yas gsal bar gdab/ /sngags 'dis sangs rgyas thams cad bskul/ /oM a n+yo n+ya nu ga taHsarba d+harmAHpa ra spa ra NaM/ a nu ga taH sarba d+harmAM/a t+yan+tA nu pra biSh+Ta sarba d+harmAM hUM/ de skad brjod la dza tra brjod/ /shar du drangs la rdzogs par gdab/ /de nas dam tshig thig gdab pa/ /slob dpon rjes su slob ma 'brang / /cha gar bor la shar lhor nub/ /byang phyogs 'drim zhing thig bzhi gdab/ /tshangs thig gnyis gdab dkyil 'khor gdab//dkyil 'khor thig gi phyi nang du/ /bdun bdun btab pa bor la gnyis/ /nyi 'od rdo rje pad+ma phreng / /pho brang dbang ldan mtshams nas bkod/ /de nas dur khrod rin chen sa/ /nag dkar ser dmar ljang gu lnga/ /pad+mar bzhag la lha skyed cing //dgug gzhug mchod la tshon du gyur/ /phyag rgya ting 'dzin gsang sngags brjod/ /oM badzra tsi tra sa ma ya hUM/ khu tshur g.yon pa dbang ldan du/ /dkar ser dmar ljang nag por bri/ /sbom phra sgo yi nyi shu cha/ /sbom phra g.yas g.yon chad pa la/ /chad dang nor nyams 'thab dang 'chi//thod pas bkab la bsrung ba'o/ /dkyil 'khor nang gi thig gnyis la/ /pho brang nag po 'jigs byed dngos/ /bzhi la sna tshogs rdo rje bya/ /phyed la rdo rje'i 'phreng ba nag /phyed dang gnyis la snam bu rigs/ /lha yi phyag mtshan bri bar bya//phyi rol cha gnyis sgo bzhi rigs/ /gcig ni ya phubs phyed brtsigs pa/ /de yi phyed ni nam mkha' stong / /bzhi la rta babs chos 'khor gdugs/ /cha gnyis brtsigs pa 'dod yon byed/ /dra ba cha gnyis mda' yab phyed/ /mtshams dang sgo khyud 'gram rnams su//rdo rje rin chen zla phyed mdzes/ /bum pa do shal dril bu ras/ /'phan dang bum pa sna tshogs mdzes/ /gru bzhi sgo bzhi rta babs bzhi/ /thig bzhi dag kyang yang dag ldan/ /shar ni dkar po chen po ste/ /lho nub nub byang ser dmar ljang / /dbus su rdo rje 'khor lo shar//lho ru rin chen pad+ma nub/ /byang du ral gri 'khor lo me/ /bden bral rdo rje pad+ma rlung / /dbang ldan ut+pal tho ba shar/ /lho sgor pad+ma dbyug pa nub/ /byang sgor ral gri nyi zla la/ /lha yi mdog gi mtshan ma dgod/ /me 'od dmar po phreng ba nag /pad+ma sna tshogs phreng bas bskor/ /gdugs dang bla re ba dan 'phan/ /'dod pa lnga yi mchod pa dgram/ /bum pa phyogs sam la yis dgod/ /gtor ma rgya chen dag kyang bsham/ /de nas slob dpon rgyan spras pas/ /dkyil 'khor rnal 'byor bzhi ru bsgrub//bsgrubs nas phyir dbyung shar sgo nas/ /slob dpon 'jug cing dbang blangs la/ /gnang ba thob nas slob ma rnams/ /dkyil 'khor 'jug dang dbang gnang sbyin/ /khrus byas maN+Dal sems dad pas/ /khang pa'i phyi rol dag tu gzhag /mkha' gsang nas dbyung rnam snang gzugs//bsrung dang gsang sngags zlos su gzhug /lha la phyi nang mchod dang bstod/ /slob dpon de nyid der rol bya/ /de nas lha la gsol ba ni/ /slob ma 'jug dang dbang bskur phyir/ /'dod chags chen po 'byung ba yi/ /'khor lo gzugs brnyan lta bu ste//bdag gis mthong nas slob ma rnams/ /gzhug phyir khyed la gsol ba 'debs/ /nam mkha' las byung mtshan ldan phyir/ /thog ma tha ma med pa'i mchog /rdo rje sems dpa' che rang bzhin/ /rdo rje 'jigs byed bdag grub mdzod/ /dngos grub chen po kun gyi mchog /dbang phyug chen po lhag pa'i lha/ /rdo rje 'dzin pa kun gyi rgyal/ /mi 'gyur mchog tu bdag grub mdzod/ /nyes pa'i skyon bral yon tan ldan/ /'dod chags kun gyis rjes su chags/ /'dod chags chen po dga' ba che/ /bcom ldan de nyid kyis bsgrub mdzod//shin tu dag pa kun gyi mchog /gdod nas grol ba de bzhin gshegs/ /kun du bzang po kun gyi bdag /byang chub sems dpar bdag grub mdzod/ /kun gyi mchog gyur dngos grub che/ /dbang phyug chen po phyag rgya'i lha/ / rdo rje dngos grub chen po mchog /phyag na rdo rjer bdag grub mdzod/ /sems can kun gyi yid la khyab/ /sems can kun gyi yid la gnas/ /sems can kun gyi yab nyid de/ /'dod chags bde ba'i dam tshig mchog /bdag dang slob mar bcas pa la//mchog dang thun mong dngos grub gsol/ /slob ma gdong g.yogs bum chus bsang / /a khaM bI ra hUM zlos gzhug /gdong g.yogs bcing zhing me tog dang / /rdo rje gtad pas sems bskyed bya/ /sarba yo ga tsit+ta ut+pA da yA mi/oM su ra te sa ma ya s+t+waM ho sid+d+hi badzra ya thA su khaM/ rigs kyi bu khyod gang la dga'/ /skal bzangs bdag ni bde chen la'o/ /thog ma med zhag 'khor ba nas/ /deng 'dir yan chad sdig bgyis dang / /bgyid du stsal dang yi rang bshags/ / gtso bo slan chad mi bgyid sdom/ /gang yang rgyal ba sras bcas dang / /'gro ba'i legs byas dge ba la/ /de dag kun la yi rang nas/ /thams cad byang chub phyir bsngo'o/ /sangs rgyas chos dang dge 'dun la/ /bsam pa thag pas byang chub bar/ / 'gro ba'i sdug bsngal bsal ba'i phyir/ /de nas skyabs su mchi bar bgyi/ /byang chub sems gnyis bskyed nas ni/ /'gro ba deng nas mgron bos nas/ /bdag sangs rgyas nas 'gro ba kun/ /srid pa'i mtsho las bsgral bar bgyi/ /deng nas khang pa'i nang du gzhug /de ring sangs rgyas thams cad kyi/ /rigs su bu khyod zhugs pas na/ /ye shes rdo rje ngas bskyed bya/ /ye shes rdo rje mchog thob na/ /dngos grub gzhan lta smos ci dgos/ /khyod kyis dkyil 'khor ma mthong ba/ /rnams la smras na dam tshig nyams//rdo rje me tog mgor bzhag ste/ /'di ni sku yi rdo rje ste/ /dam tshig sku yi dngos grub thob/ /dam tshig dngos grub 'di smras na/ /khyod kyi mgo bo 'gas par 'gyur/ /rdo rje sems dpa' deng khyod kyi/ / snying la yang dag zhugs pa ste/ /gal te tshul 'di smras na ni/ /de ma thag tu dral te gshegs/ /'di ni khyod kyi dmyal ba'i chu/ /dam tshig nyams na sreg par byed/ /dam tshig bsrungs na dngos grub thob/ /'thung zhig rdo rje'i chu 'thung zhig /oM badzra a mr-i ta u da ka ThaH/ brjod pas rdo rje dri chu blud/ /yang na rdo rje spyir bzhag la/ /deng nas bzung ste khyod nyid kyis/ /rdo rje 'jigs byed nga yin pas/ /brnyas par ma byed bsgo ba nyon/ /brnyas dang ma mnyes byas na ni/ /nyam nga ma spangs dus byas nas/ /rdo rje dmyal bar 'gro bar 'gyur/ /rgyud sde mkhas dang byas pa mang / / dkyil 'khor man ngag thob par bya/ /de nas maN+Dal me tog yon/ /phul la dbab pa'i gsol ba gdab/ /de bzhin gshegs pa thams cad kyis/ /rdo rje dbab par mdzad du gsol/ /brjod la rtse gcig pa yi sems/ /skyil krung tsog tsog por bsdad la/ /spyi bo snying ga lte ba rkang / /b+haM laM raM yaM d+haiM dag las//chu dang sa dang me dang rlung / /dkyil 'khor bzhi bskyed dz+nyaiM gis bskul/ /bskyod par bskul dang rlangs pa zhu/ /bdud rtsi 'bab cing ye shes skye/ /babs par bsams nas bskul bar bya/ /rdo rje gsor zhing dril bu dkrol/ /oM hrIHSh+T+r-iHwi kr-i tA na na hUM hUM phaT phaT A be sha ya sto ba ya ra ra ra tsa la ya hUM hA dz+haiM phaT/lus ngag yid ni gang phebs la/ /gti mug gshed sogs gtso cher dbar/ /ngag la a dmar smra ru gzhug /lus la tiSh+Tha badzra dang / /lam dang dbang gis brtan par bya/ /ye shes lha rnams de la dbab/ /de ltar phebs pa dam pa'o/ /dkyil 'khor lan gsum bskor bar bya//lho yi sgo nas 'jug par bya/ /sangs rgyas gnas 'dir slob ma rnams/ /da lta yang dag nyid du gzhug /lha rnams gang gi rigs yin dang / /dngos grub gang yin 'bab par shog /pra tIts+tsha ho brjod pas dbul/ /me tog gar babs rigs kyi lha/ /zhi sogs las kyang de yis shes//gtsug tor spyan thugs mchog 'grub cing / /sku gzhan 'khor rnams thun mong ngo / /dkyil 'khor re khA gang nye'i rigs/ /phyi rol byung ba lan gsum bskyar/ /des kyang ma bab dbang mi bskur/ /de nas snang ba dril bar bya/ /lha yi rigs dang mthun pa 'grub/ /mig la oM bsgom ye shes spyan//rdo rje sems dpa' dbye bar bsam/ /rdo rje 'jigs byed deng khyod kyi/ /mig ni yang dag 'byed par byed/ /rdo rje mig ni bla med pa/ /phye bas thams cad mthong bar shog /gdong g.yogs bkrol la dkyil 'khor bstan/ /dkyil 'khor bzang po 'di la ltos/ /mthong nas dad pa rab tu bskyed//khyod ni 'jigs byed rigs su skyes/ /sngags dang phyag rgyas byin gyis brlabs/ /tho ba rdo rje 'jigs byed nas/ /zhe sdang 'jigs byed bar du bstan/ /slob dpon lha la phyag gsum bya/ /dkyil 'khor gzhug pa'i cho ga ste/ /nyon mongs sgrib pa byang bar bstan/ /de nas slob ma dbang thob phyir//rin chen bang mdzod bu smad bcas/ /rang gi lus ngag yid gsum yang / /dad gus dga' bas dbul bar bya/ /gdugs dang bla re ba dan sogs/ /mchod pa dag dang rgyan bzang ngam/ /dur khrod rgyan gyis legs brgyan la/ /lho sgor bsrung bar shes par bya//byang chub rdo rjes sangs rgyas la/ /ji ltar mchod chen stsal ba ltar/ /bdag kyang rab tu skyob pa'i phyir/ /nam mkhar rdo rje deng bdag stsol/ /lan gsum de brjod gsol ba gdab/ /de ltar dbang bskur yon rnams dbul/ /de nas slob ma rnal 'byor bzhis/ /bskyed la dbang bskur lha mo dang //rdo rje 'jigs byed slob dpon nyid/ /rig pa'i dbang lnga bskur bar bya/ /bkra shis sgra brjod bkra shis par/ /rdo rje 'jigs byed mkha' 'gros byed/ /gsang ba gsum nas byung ba yi/ /khams gsum kun gyis phyag byas la/ /sangs rgyas rnams kyis dbang bskur ba/ / rdo rje chu yis bum dbang bskur/ /oM badzra ka la sha a b+hi Shiny+tsa mAM/ las bum khrus bya rnam rgyal dbang / /rigs kyi spro bsdu shes bya la/ /chu dang 'brel bas de bzhin kun/ /gser sogs thor tshugs cod pan dbang / /sangs rgyas kun gyis phyag byas pa/ /rigs lnga'i dbang bskur dag pa 'di//spyi gtsug rgyal bar dbang bskur bya/ /oM sarba ta thA ga ta rat+na pa tra la a b+hi Shiny+tsa mAM/ /rdo rje 'di ni rdo rje che/ /rdo rje 'jigs byed rdo rje'i dbang / /sangs rgyas rdo rje dbang chen 'di/ /yang dag khyod la bskur bar bya/ /oM badzra a d+hi pa ti s+t+waM a b+hi Shiny+tsA mi tiSh+Tha badzra sa ma ya s+t+waM/ chos rnams rnam dag rnam par thar//shes rab pha rol phyin gnyis med/ /sangs rgyas kun gyis byin brlabs pa/ /dril bus dbang bskur chen po long / /oM badzra sarba ta thA ga ta badzra g+haN+Ta a b+hi Shiny+tsa mAM/ de nas rdo rje ldan pa'i lag /spyi bor bzhag pas ming dbang sbyin/ /dngos po gang dang gang snang ba//de de rdo rje 'jigs byed nyid/ /chos rnams rang bzhin nyid kyis dag /sangs rgyas ye shes rang snang ba'i/ /oM badzra satwa nA ma a b+hi Sh-iny+tsa mAM/ rdo rje che ge mo brjod do/ /rig pa'i dbang lnga lha mos bskur/ /ye shes lha lnga chos nyan rig /nyan dang bsgrub pa kun la dbang / / des na rig pa'i dbang thob po/ /de nas slob dpon dbang don du/ /yon dbul gsol ba gdab par bya/ /dkyil 'khor phyir mi ldog pa'i dbang / /slob dpon dbang bskur bdag la stsol/ /dkyil 'khor lha yi de nyid dang / /slob dpon gyi ni las dag dang / /sangs rgyas rnams kyi dam tshig dang //gsang ba mchog gi sdom pa rnams/ /sems can kun don bya ba'i phyir/ /rdo rje slob dpon bdag la gsol/ /de nas lho sgor gdan dang khri/ /cho ga shes bya slob ma gzhag /bgegs bsal rgyan bzang dur khrod brgyan/ /slob dpon mi ldog dbang sbyin no//lag g.yas rdo rje bskyed nas ni/ /de nas rdo rje sbyin par bya/ /thog mtha' med pa'i rdo rje ni/ /rdo rje sems dpa' che rang bzhin/ /kun du bzang po kun gyi bdag /rdo rje 'jigs byed dag pa'i bdag /oM badzra ma hA hUM/ de bzhin g.yon par dril bu sbyin/ /srid pa ngo bo nyid kyis dag / ngo bo nyid kyis dngos med byas/ /rang bzhin dag pa'i sems dpa' yis/ /dag pa'i srid pa grub par byed/ /oM a badzra g+haN+Da a/ rang 'dra'i dam tshig phyag rgya ni/ /dam tshig phyag rgya de bstan pa/ /rang nyid gzugs ni brtan par bya/ /'di ni rang gi 'dod pa'i lha/ /dam tshig phyag rgyar grags shing gnas//shes rab bcu drug lon pa la/ /rdo rje dril bu mnyam ldan pa'i/ /lag pa gnyis kyis yang dag 'khyud/ /slob dpon dbang du bskur bar bya/ /brjod la de don de la bstan/ /de ltar mi ldog dbang bstan nas/ /de ni dkyil 'khor de nyid bstan/ /dran pa bzhi dang spong ba bzhi//rkang pa dbang po shar sgo sogs/ /bsam gtan bzhi ni rta babs yin/ /ting 'dzin rnams ni kha khyer bzhi/ /gzungs sgo dag ni lha mo'i tshogs/ /tshogs gnyis rdzogs phyir rgyan sna tshogs/ /gsung rab yan lag 'phan dril sogs/ /byang chub yan lag bdun rnams ni/ / dra ba dra phyed me long sogs/ /ye shes lnga ldan dkar sogs phyogs/ /ma 'dres ye shes lha snam bzhi/ /chos kyi 'khor lo rdo rje phreng / /sna tshogs rdo rje rigs lngar 'dul/ /nyes pas ma gos sna tshogs pad/ /bdud rnams bsregs pas ye shes nyi/ /nyon mongs sel phyir zla ba'i gdan/ / snying rjes brlan phyir bum pa brgyad/ /bde chen spyod pas mchod pa'i tshogs/ /dur khrod gdan gyis gshin rje 'joms/ /phyag 'tshal gdug pa 'dul ba po/ /rnam shes zhe sdang chos kyi dbyings/ /ye shes rdo rje 'jigs byed nyid/ /zhal dgu rnam thar gyis 'jug pa/ /dbus zhal gsum ni sku gsum pa//g.yas gsum thabs kyi sku gsung thugs/ /g.yon pa shes rab rnam thar gsum/ /rwa gnyis thabs dang shes rab la/ /ma he dregs pa'i bdud rnams 'dul/ /spyan gsum dmar ba snying rje gsum/ /byams pa nag po dag pa rags/ /khro ba bdud 'dul sbrul gyis klubs//klus brgyan gshin rje gar dgus ldan/ /byang chub phyogs chos so gnyis phyag /phyag mtshan lha min 'dul byed pa'i/ /nye dbang sum cu rtsa gnyis gtso/ /gcer bu chos sku mtshan 'greng ba/ /bde ba chen po sku yi rtags/ /phyag gnyis glang po'i pags pa ni//thugs rje thabs kyis 'gro ba skyob/ /stong pa bcu drug zhabs bcu drug /zhe sdang gti mug 'dod chags rims/ /'dul phyir lha dang mi sogs bya/ /dbu skra nang gi ye shes 'bar/ /gzugs sogs phung po gti mug sogs/ /ye shes bzhi yis gzhan gshed bzhi//zhal gsum rnam thar ngo bo ste/ /mdog gis zhi sogs phyag mtshan yang / /rigs rigs las dang mthun pa dag /nye ba'i nyon mongs 'byung ba bzhi/ /byams sogs tsArtsi la sogs so/ /mdog zhal phyag mtshan sngon dang 'dra/ /bde chen longs spyod thod pa bzhi//tho ba la sogs sgo ba bzhi/ /skye rga na 'chi sdug bsngal bzhi/ /sgrib bzhi lta bzhi 'joms par byed/ /bdud bzhi bsdigs par byed pa dang / /mdog zhal phyag drug sbyin sogs drug /de ltar lha yi de nyid do/ /de nas mtshan ldan dbang thob cing / / rigs dang mos pa ldan pa la/ /rnal 'byor bsgrub cing dbang bskur ba/ /bla ma dag las 'dir blang bya/ /shes rab ye shes bzhi pa yang / /slob ma bzang la sbyin par bya/ /de nas slob dpon las kun bsten/ /lho sgo la sogs phyogs bzhi ru/ /rin chen pad+ma rdo rje dang / /'khor lo'i gdan la de bzhag la//sems can kun la phan pa'i phyir/ /sems can kun la thams cad du/ /ji lta ji ltar 'dul 'gyur ba/ /rin chen chos kyi 'khor lo bskor/ /rin chen gnas su pad+ma sogs/ /smras la rjes su gnang ba sbyin/ /de nas rdo rje'i brtul zhugs dbang / / sngon bzhin rdo rje dril bu sbyin/ /oM sarba ta thA ga ta badzra satwa sa ma ye tiSh+Tha e Sha s+t+waM/ d+ha ra yA mi hi hi hi hi he hUM/ de ring sangs rgyas thams cad kyi/ /rdo rje sems dpa'i lag na gnas/ /phyag na rdo rje'i brtul zhugs brtan/ /khyod kyis rtag tu bzung bar gyis/ /'di ni sangs rgyas thams cad kyi//shes rab dbyangs kyi rjes su 'gro/ /rgyal bas byang chub mchog tu bzhed/ /khyod kyis kyang ni bzung bar gyis/ /rnal 'byor snod dang kha T+wAM ga /tshangs pa'i skud thogs rnal 'byor sbyin/ /de nas dkyil 'khor dbus gnas la/ /g.yon pas chos gos snying gar bzung //g.yas pas mchog sbyin phyag rgya yis/ /sangs rgyas dang bcas 'di skad bsgrags/ /oM sho taM bya ka ro mi ta badzra satwa ta thA ga ta b+ha wa dur kha ti to u ta ti t+ya a ta ta na d+ha b+ha wa sid+d+ha ye kye che ge mo zhes bya ba ta thA ga ta satwa sa ma ya s+t+waM b+hur b+hu wa swaH phyag rgya sngags 'di'i mthu yis ni//phyogs bcu'i sangs rgyas thams cad kyi/ /khyod ni rdzogs pa'i byang chub tu/ /mgrin gcig tu ni lung ston 'gyur/ /de nas dbugs dbyung dam tshig sbyin/ /'dod chags bral ba lta bu yi/ /khams gsum na ni sdig med pas/ / de bas 'dod la chags bral bar/ /khyod kyis nam yang mi bya'o/ /ma hA sa ma ya ha na hUM phaT/ de ni gsang ba brjod pa'o/ /mchog tu gsang ba'i dkyil 'khor 'dir/ /mthong dang zhugs pas dbang bskur bas/ /sdig pa kun las rnam grol nas/ /khyod ni dge ba nyid du gnas//gang phyir bde chen theg chen 'dir/ /yang yang 'chi ba yod pa min/ /gzung dang bcing bar mi nus pas/ /'jigs med dag par 'gro don gyis/ /srid pa shin tu dag pas na/ /khyod ni srid pa sdug bsngal bzlog /rdo rje phyag rgya bya ba 'di/ /gang zhig skyes pa tsam gyis ni//sangs rgyas nyid 'thob the tshom med/ /byang chub sems ni gtang mi bya/ /dam pa'i chos kyang mi spang zhing / /smad par bya ba ma yin no/ /mi shes pa'am rmongs pa la/ /'di ni smra bar mi bya'o/ /rdo rje dril bu phyag rgya dag /nam yang gtang bar mi bya'o//slob dpon dag kyang mi spang ste/ /'di ni sangs rgyas kun dang mnyam/ /rang gi de nyid mi spang zhing / /dka' thub kyis kyang gdung mi bya/ /ji ltar bde bas bde bzung nas/ /'di ni ma 'ongs rdzogs sangs rgyas/ /de nas dbugs ni phyung nas kyang / /gtor ma dur khrod dag tu bskyal//de las gtor ma sbyang ba ni/ /mi dang bong bu rnga mo sogs/ /sha khrag nas 'bras chan khur ba/ /chang dang dri ro rnam ldan rnams/ /bcu'am bcu gcig dbul ba yang / /rdo rje dril bzung slob dpon gyis/ /de nyid gsum brjod stong par bsam/ / yaM raM a a oM AHhUM/ mas yar rim pas de dag kun/ /sngo dmar dkar 'od dmar dang ldan/ /dkar nag rim pas bsgom par bya/ /de nyid gsum brjod rang sa bon/ /hUM gi 'od dang bcas pa bsgom/ /yaM las ba dan gyis mtshan pa'i/ /rlung gi dkyil 'khor gzhu dbyibs sngo//raM las raM ldan gru gsum dmar/ /a gcig skyed po mgo rlon gsum/ /gcig ni bdud rtsi'i snod gyur pa/ /hUM dang bi mu shu ra dang / /da ha go ku na rnams kyang / /phyogs mtshams sha lnga bdud rtsi lnga/ /sa bon bltas la gsal ba dang / /oM dang AHhUM gsum brjod la//sa bon rnams las bdud rtsir gyur/ /phyogs po la thug pas a zla ba/ /der ltung hUM de gyur rdo rje/ /gyur pas bdud rtsi 'bar sbyang bya/ /rdo rje'i lte bar zla ba hUM/ /oM gyi 'od dang bcas pa yis/ /ye shes bdud rtsi der dbab bya/ /rang nyid 'khor lo'i lha rnams dang //dkyil 'khor lha rnams bdud rtsi myang / /de nas phyogs skyong phyogs phyogs su/ /yod pa de dag gsal bar bsam/ /shar du brgya byin dkar po ni/ /g.yas na rdo rje dril bu g.yon/ /yum bcas dur khrod rin chen brgyan/ /glang po dkar po zhon pa cig /g.yas su tshangs pa ser po ste/ /'khor lo mtshan ma g.yas dang g.yon/ /g.yon na stobs rgyu ljang gu dang / /zhing skyong glang po'i mgo bo can/ /lho ru gshin rje nag po ste/ /dbyug pa zhags pa ma he zhon/ /g.yas su nye dbang ser po ni/ / ral gri ba dan g.yas dang g.yon/ /g.yon du dung skyong ser po dang / /zhing skyong nag po ma he'i gdong / /nub tu chu lha dmar po ste/ /chu srin sbrul zhags chu srin zhon/ /g.yas su khyab 'jug smug po ste/ /'khor lo sbrul zhags g.yas dang g.yon/ /g.yon du mtha' yas sngon po dang //zhing skyong chu srin gdong can dmar/ /byang du gnod sbyin nor sbyin ser/ /shing thog ne le rta dkar zhon/ /g.yas na dbang phyug chen po sngo/ /rtse gsum pad+ma g.yas dang g.yon/ /g.yon na nor rgyas dmar po dang / /zhing skyong rta yi gdong can ljang / /dbang ldan 'byung po'i bdag po dkar//rtse gsum zhags pa khyu mchog zhon/ /g.yas na smin drug bu ni sngo/ /mda' gzhu gnyis ni g.yas dang g.yon/ /g.yon na 'jog po dkar po dang / /zhing skyong khyu mchog dkar po can/ /me ru me lha dmar po ste/ /phreng ba spyi blugs ra yi khri/ / g.yas na tshogs bdag dkar po ste/ /dbyu gu pad+ma g.yas dang g.yon/ /g.yon na rigs ldan ser po dang / /zhing skyong ra yi mgo can dmar/ /bden bral srin po dmar po ste/ /gri dang thod pa mi'i khri/ /g.yas na stobs bzangs dmar po ste/ /g.yas na ral gri g.yon na phub//g.yon na pad+ma dmar po dang / /zhing skyong srin po'i mgo can dmar/ /rlung du rlung lha sngon po ni/ /ba dan zhags pa sha ba zhon/ /g.yas na legs ldan nag po ste/ /g.yas na gri gug g.yon pa dung / /g.yon na pad+ma chen po dkar/ /zhing skyong sha ba'i mgo bo can/ / 'di dag thams cad rus pa dang / /rin po che'i rgyan gyis brgyan/ /chung ma bu dang 'khor g.yog bcas/ /sna tshogs gzugs dang mtshan ldan bsgom/ /lha la lha yi 'khor dang ldan/ /lha min mi ni phyogs skyong 'khor/ /klu la ngan 'gro gsum po'i 'khor/ /bsam zhing phyag rgya bzhis 'jug go//snying rjes bsgral dang mchod pas byams/ /byams pa'i sbyin par 'di bshad do/ /de kun rang rang yid dga' bas/ /snyoms 'jug tshul du bsrubs pas na/ /thams cad bdud rtsi'i gzugs su gyur/ /oM hrIH'khor lo phyag mtshan las/ /shar du rnam par snang mdzad rigs//thams cad gti mug rdo rje yi/ /gshin rje gshed ltar bsgom pa ni/ /dkar po g.yas g.yon nag dang dmar/ /gri gug thod pa rtsa ba'i phyag /kun gyi phyag mtshan yin par shes/ /'khor lo ral gri g.yas na 'dzin/ /nor bu pad+ma g.yon na'o//lho ru Sh+T+r-iHdang rin chen las/ /phra ma rdo rje 'jigs par byed/ /ser po nag dkar g.yas g.yon zhal/ /rin chen ral gri g.yas na 'dzin/ /pad+ma 'khor lo g.yon pa na/ /nub tu wi dang pad+ma las/ /'dod chags rdo rje 'jigs byed dmar/ /nag dang dkar ba g.yas dang g.yon//pad+ma ral gri g.yas par 'dzin/ /rin chen 'khor lo g.yon pa na/ /byang du kr-i dang ral gri las/ /phrag dog 'jigs byed ljang gu ste/ /ral gri sna tshogs rdo rje g.yas/ /pad+ma 'khor lo g.yon na 'dzin/ /nag dang dkar ba g.yas dang g.yon/ / tA na na hUM hUM phaT/ phaT dang swA hA sa bon rnams/ /ral gri 'khor lo gong bzhin rim/ /'byung po me lha 'khor bcas rnams/ /gti mug gshed sogs mdog can no/ /hUM gnyis phaT gcig nyi zla sogs/ /gti mug gshed po lta bu'o/ /phaT dang swA hA lha mo dang / / sa bdag khyab byed 'og phyogs skyong / /rdo rje zhe sdang 'jigs dang mtshungs/ /dkar dang dmar po g.yas dang g.yon/ /rdo rje ral gri g.yas gnyis na/ /pad+ma 'khor lo g.yon par 'dzin/ /thams cad yum bcas nyi zla dang / /rdo rje 'khor lo pad+ma'i gdan/ / dur khrod sbrul gyi rgyan gyis brgyan/ /ye shes dgug gzhug bcing dang dgyes/ /sku gsum byin gyis brlabs dbang bskur/ /kun gyi lce ni rdo rjer bsgom/ /mi 'jigs pa yi sbyin pa'o/ /bdud rtsi myang bya chos nyid dang / /bde ba chen po rtogs par bsgom/ /me tog spos dang mar me dri//zhal zas sgra dang rol mo dbul/ /oM in+d+ra ye swA hA/ hrIHya ye swA hA/ Sh+T+r-iHwa ru Na ye swA hA/ wi ku be+e ra ye swA hA/ kr-i I sha na ye swA hA/ tA ag+na ye swA hA/ na nai r-I ti ye swA hA/ na bA ya ba ye swA hA/ hUM tsan+d+ra ye swA hA/ hUM arka ye swA hA/ phaT bai ma tsi tre ne swA hA/ sarba b+hu te b+h+yo swA swA hA/ ha ha/ hi hi/ hu hu/ he he/ ho ho/ pheM pheM pheM phaT swA hA/ 'di ni zang zing sbyin pa'o/ /de nas rdo rje dril bzung la/ /gti mug rdo rje ngo bo khyod/ /gshin rje gshed po rab 'jigs pa/ /ston pa sangs rgyas kun rang bzhin/ /rdo rje sku la phyag 'tshal bstod/ / gshin rje gshed po rab 'jigs pa/ /phra ma rdo rje'i ngo bo khyod/ /rdo rje thugs dang rab mtshungs pa/ /rin chen rdo rje phyag 'tshal bstod/ /'dod chags chos las yang dag 'byung / /'dod chags rdo rje ngo bo khyod/ /dbyangs mchog kun gyi gtso bo'i gtso/ /rdo rje gsung la phyag 'tshal bstod//phrag dog rdo rje'i ngo bo khyod/ /gshin rje gshed po las kun byed/ /rdo rje sku dang rab mtshungs pa/ /phyag na ral gri phyag 'tshal bstod/ /sangs rgyas kun gyi rang bzhin khyod/ /sangs rgyas thams cad gcig sdud pa/ /sangs rgyas kun thugs mchog gi gtso//dkyil 'khor gtso la phyag 'tshal bstod/ /a yi sgo can sngags brjod la/ /'dod pa'i las ni gsol ba dang / /smon lam rgya chen gdab byas la/ /gtor ma dur khrod sogs su bskyal/ /chos kyi sbyin par gyur pa'o/ /de nas dkyil 'khor phyogs bzhi ru//khru gang khru do yar khru gang / /sor mo nyi shu bzhi sogs rgya/ /phyed phyed zabs su dbyibs rim brko/ /sor bzhi brgyad gsum phyed gnyis dag /bskor dang brtsigs pa'i rim pas shes/ /rdo rje rin chen pad+ma gri/ /phreng ba zur bzhi dag tu dgod//tsan+dan gur kum pa la sha/ /dri mi zhim pas kha dog byug /zhi sogs phyag mtshan lha yis dgod/ /me tog dkar ser dmar nag dgod/ /dgon pa'i ba lci pa la sha/ /u dum+WA ra a shwad+tha/ /tsan+dan dur khrod nim pa'i shing / /zhi sogs bud shing rim pa bzhin//las kun thab khung zhi dang mthun/ /pad+ma'i dbyibs can rdo rje'i phreng / /zla phyed rdo rje zur bzhir dgod/ /lha yi mtshan ma de bzhin no/ /zhi la til sogs rgyas la zho/ /dbang la me tog dmar po bya/ /gsad pa lan tshwa ske tshe dug /mar la sogs pas rdzas rnams dbul//thab bsang me zhi rab tu sbar/ /bram ze rgyal po rje'u rigs dang / /gdol pa zhi sogs rim pas blang / /me lha las dang mthun par ni/ /raM dang dbyu gu rtse gsum las/ /zhal gsum g.yas g.yon rigs dang mtshungs/ /dbyu gu phreng ba mchog sbyin g.yas//gun+d+he pad+ma thod pa can/ /gsus pa che ba bskyed byas la/ /shar lho'i spyan drangs gnyis med bya/ /mchod pa lnga dang legs par bstod/ /sreg rdzas bdun nam rtsa gcig brgya/ /phul la me lha gnas su gshegs/ /me lha gzhal yas lha bskyed la//ye shes dgug la sogs pa yi/ /rnal 'byor chen po rab tu bya/ /phyi nang gsang ba'i mchod pa dbul/ /bstod pa sngags kyis rdzas kun bsreg /oM ag+na ye swA hA/ mar gyi'o/ /oM sarba pA paM ha na da ha na badzrA ya che ge mo sarba shAn+tiM ku ru swA hA/ til gyi sngags so/ /oM badzra puSh+Ta ye swA hA/ 'bras kyi'o/ /oM badzra bi dza ye swA hA/ so ba'i'o/ /oM ma hA be ga ye swA hA/ oM ma hA ba la ye swA hA/ nas dang sran ma'i'o/ /oM badzra A yuHShe swA hA/ dUr ba'i'o/ /oM a pra ti ha ta badzrA ya swA hA/ ku sha'i'o/ /oM badzra ag+na ye swA hA/ u dum+WA ra'i'o//oM badzra bo d+hi pr-ik+Sha ye swA hA/ byang chub shing gi'o/ /oM badzra la ta ye swA hA/ /p+lak+Sha'i'o/ /oM badzra ku be ra ya swA hA/ n+ya gro d+ha'i'o/ /oM badzra d+haM da ye swA hA/ 'o ma'i'o/ /oM badzra d+ha hi ye swA hA/ zhi'i'o/ /brgya sogs phul la bstod la gshegs//gal te drag po'i las 'dod na/ /sa bdun bzung la dug lnga dang / /bdud rtsi lnga dang khrag lnga dang / /kha ba lnga dang tsha ba lnga/ /sbrus la gzugs dang ming spel la/ /dur khrod nang du sur mes bsreg /dur khrod shing la me sbar la/ /drag po'i me la rang la bsdu//man ngag yod pas bsregs na 'grub/ /nam phyed 'jigs byed sbyor bas bya/ /thal ba gzugs brnyan de nyid du/ /mnan pa byas pas gdon mi za/ /khru gang gser dngul zangs lcags la/ /yu ba khru gang pa yi snod/ /sor drug rdo rje rin chen bcas/ /sor gnyis zabs su rdo rje ldan//rdo rje sbu gur ro rnams dbyung / /mthe chung shong ba'i bu ga'o/ /blugs gzar ring thung de yi tshad/ /rtse sor bzhi ni pad 'dab 'dra/ /sor gnyis zab can rdo rjer ldan/ /de yis thams cad dgang gzar dag /phyi nas me lha lhag par mchod/ / smon lam shis pa la sogs pa'i/ /cho ga cho ga shes pas bya/ /yi ge brgya pas lha gshegs la/ /thab dang thal ba legs par gshegs/ /slob dpon 'byor ba 'dod pa yis/ /rab tu gnas pa 'dod na yang / /dkyil 'khor sbyin sreg sbyor shes pa/ /gdugs dang bla re mchod sogs dgram//slob dpon khrus byas dri zhim lus/ /phyag rgya lngas brgyan rdor dril bzung / /sum cha'i gdan la legs bzhugs la/ /sku gsum mchod rten glegs bam dag /ri mor gzugs sam nub bzhugs la/ /shar du zhal ni gzigs par shis/ /bsang gtor yon chab 'thor 'thung dbul//sra ba sar par gu gul bsreg /de la til dang bsang gtor gyis/ /lan gsum bskor la dor la bskyur/ /oM hUM hri hri a zhes bsku/ /de nas dri zhim dUr bas bsku/ /oM sarba ta thA ga ta kA ya bi sho d+ha ni swA hA/ zhes brjod pa bskul lo/ / de nas shun pa lngas bkru ste/ /oM swa b+hA wa ba shud+d+hou0f85haM/ zhes pas bkru'o/ /de nas las kyi bum pas bkru/ /ji ltar bltams pa tsam gyis kyang / /de bzhin gshegs kun khrus gsol ltar/ /lha yi chu ni dag pa yis/ /de bzhin gshegs nyid khrus gsol/ /oM sarba ta thA ga ta a b+hi She ka sa ma ya shri ye hUM/ri mo me long nang du bkru/ /gnas gsum byin rlabs mchod dang bstod/ /bkra shis tshig bdun dge bar brjod/ /snyan gsan phab la sta gon bzhugs/ /na bza' ser po rten la gsol/ /bzlas pa gtor ma ci nus bya/ /tho rang skya rengs byung ba dang //sngon bzhin slob dpon rnal 'byor ldan/ /sngon gyi rim pas sku khrus gsol/ /mchod rten gzugs dang glegs bam rnams/ /sku gsum dag gam rigs lnga'am/ /thugs dang sku dang gsung gi lha/ /rnal 'byor bzhi yis legs bskyed la/ /rim par dbang bskur rab tu gnas//glegs bam 'od dpag med gyur nas/ /de yang gang yin de nyid gyur/ /sngags 'dis na bza' gsol bar bya/ /oM badzra bA sa se swA hA/ mchod bstod smon lam bkra shis bya/ /zhi ba'i sbyin sreg shin tu shis/ /da nas rdul snod dag tu ni/ /'o ma mar dang sbrang rtsi yis/ /gser gyi thur mas spyan dbye ste//oM tsak+Shu saman+ta tsak+Shu bi sho d+ha ni badzra swA hA/ de nas gong gi gsol bstod bya/ /'gro kun gti mug gzir mthong nas/ /zhes pas gsol ba gdab pa'o/ /gti mug rdo rje'i ngo bo khyod/ /de la sogs pas bstod pa bya/ /bcom ldan gshin rje 'jigs rdo rje/ /rig pa'i rgyal po phyag 'tshal bstod//slob ma yon bdag brtse phyir dang / /bcom ldan khyod la mchod pa'i phyir/ /lha khyod snying rje'i bdag nyid can/ /mgon po bdag nyid rab gnas bgyi/ /bdag nyid khyed la gus mchod pas/ /bcom ldan bka' drin gnang bar 'os/ /'khor lo 'gro ba'i don mdzad pa'i//gsang sngags lha rnams bdag la dgongs/ /'bras gnas byang chub sems dpa' dang / /sangs rgyas thams cad bdag la dgongs/ /gzhan yang sngags la gnas pa'i lha/ /'jig rten skyong ba'i 'byung po rnams/ /sangs rgyas bstan la dga' ba yi//rdo rje'i mig dang ldan pa rnams/ /de ring rdo rje slob dpon bdag /rdo rje 'jigs byed rab gnas 'di/ /slob ma 'di yi tshogs bsags byed/ /ji ltar nus pa'i nyer spyod kyis/ /rjes su brtse bas nye bar gsol/ /bdag dang slob mar bcas pa dang //rab gnas byas pa'i rten 'di la/ /bsrung dang nye bar bskyab pa ni/ /khyed kyis bya bar 'os pa lags/ /lan gsum du ni brjod par bya/ /sta gon dus su mi bsgyur bar/ /de srid srod la lan gsum brjod/ /yi ge brgya pa rang snying gis/ /rab tu gnas la brten par bya'o//sngon bzhin gtor ma sbyangs la dbul/ /de nas slob dpon slob ma yis/ /maN+Dal legs gshegs pa yis byug /bum pa la sogs lha kun gshegs/ /yang na slob dpon rten der bsre/ /de la maN+Dal mchod pa bya/ /yi dam lha dang chos skyong la/ / bsam gtan nor 'khrul rdzas ma tshogs/ /nyes pa thams cad bzod par gsol/ /dge ba ci tsam yod pa kun/ /'gro ba bsgral phyir rab tu bsngo/ /dge ba'i las 'di rnams byas pas/ /sangs rgyas kun dang bla ma dang / /rdo rje 'jigs byed bdag bsrungs te/ /'gro ba'i bdud bzhi zhi byed shog /de nas slob dpon slob ma yis/ /maN+Dal legs gshegs pa yis byug /bum pa la sogs lha kun gshegs/ /yang na slob dpon rten der bsre/ /la li badzra grags pa yi/ /nag po chen po brgyud pa'i rim/ /'jigs byed dkyil 'khor cho ga yi//lhag chad 'khrul pa mkhas bzod mdzod/ /yi dam lha dang rdo rje mkha' 'gros bsrungs/ /bdag gis lus ngag ngal bas 'di bris pa'i/ /dge ba dri med rgya chen thob pa des/ /'gro ba rdo rje 'jigs byed thob par shog/ //rgya gar gyi mkhan po paN+Ti ta bai ro tsa na rak+Shi tas mdzad pa/dpal rdo rje 'jigs byed kyi dkyil 'khor gyi cho ga rdzogs so// //paN+Di ta bai ro tsa na de nyid dang / lo tsA ba glan dar ma blo gros kyis bsgyur cing zhus te gtan la phab pa'o// //