CLOSE WINDOW

D2013
བོད་ཡིག

/[ ]@##/ /rgya gar skad du/ shrI badzra b+hai ra wa badzra pra ka ra sA d+ha nA ma/ bod skad du/ dpal rdo rje 'jigs byed kyi sgrub pa'i thabs rdo rje'i 'od ces bya ba/ 'jam dpal gzhon nur gyur pa la phyag 'tshal lo/ /zab cing rgya che 'jigs pa 'jigs mdzad pa'i//snying rjes khros pa'i 'khor lo la btud de/ /de nyid thob phyir snying rjes 'gro rnams la/ /mi phyed gsal ba'i sgrub thabs cho ga bri/ /'di nyid dbang thob blo gros gsal/ /gnang ba thob cing brtul zhugs nus/ /'gro ba'i don la rab brtson pas/ / dur khrod la sogs gnas su bsgrub/ /bris sku rab gnas legs ldan la/ /sha chen mar chen mchod gtor dbul/ /rig ma lan cig dpa' ba'am/ /yang na gcig pus bsnyen bsgrub bya/ /mchod sbyin rgya chen sems bskyed cing / /dbang dang tshogs ston smon lam gdab//bdud rtsis khrus gsol khro bo bcu'i/ /sngags kyis gnas bdag rnal 'byor srung / /snying gar paM dang re pha dang / /thugs mchog sa bon rim pa las/ /pad+ma nyi ma rdo rje che/ /sa bon mchog las 'od lnga spro/ /rigs rigs bskul dang sbyang byas nas/ /rgyal ba 'jigs byed bla ma blta//bkod pas phyag byas spros pas mchod/ /sdigs pa 'gyod bshags slan chad bsdams/ /yi rang skyabs dang sems bskyed cing / /bskul dang gsol rnams rgyas gdab sngo/ /byams dang snying rje dga' ba dang / /btang snyoms bzhi la nan tan bsgo//rang rang gnas dang bris sku la/ /spyan drangs lha sogs gshegs su gsol/ /de nas phyi dang nang gi chos/ /thams cad de bzhin nyid yin cing / /swa b+hA wa yis rjes su brjod/ /stong pa nyid la shin tu gzhag /de nas sngon gyi smon lam dran/ /chos nyid de las yi ge yaM//raM dang hUM ni sngo dmar nag /de dag so sor gyur pa las/ /rlung dang nyi ma'i dkyil 'khor dang / /rdo rje sa gzhi ra ba gur/ /blo dang ldan pas bsrung ba ni/ /nam mkha' mnyam pa rab tu bsgom/ /de yi dbus su paM bsam zhing / /dang po'i dbyangs yig d+hIH dag las//sna tshogs pad+ma zla ba dang / /d+hI las 'jam dpal ye shes sku/ /btso ma gser mdog mchog gi phyag /rdo rje skyil krung rin chen spras/ /mthon mthing zur phud lnga dang ldan/ /sku yi rigs kyi bdag po bsgom/ /thugs kar rim par gnas pa yi/ / 'od zer spro dang bsdus pa las/ /rnam par snang mdzad nyid du gyur/ /mtshan dang dpe byad nyid kyis brgyan/ /de yi khyad par gyur pa las/ /gzhal yas phyi nang bcas par bsgom/ /gru bzhi pa la sgo bzhi pa/ /rta babs bzhi dang yang dag ldan/ /dril bu ral gri 'phan la sogs//me tog phreng bas rnam par brgyan/ /sgo dang sgo khyud 'gram rnams su/ /rdo rje rin chen gyis spras pa'i/ /zla ba phyed pa de bzhin no/ /'dod yon mchod pa'i lha mo rnams/ /dur khrod brgyad dang bcas pa ste/ /shar ni gtum drag dag tu grags/ /de bzhin lho nub byang gi rim//ha ha dgod dang dpal gyi nags/ /ki li ki lir shes par bya/ /me la sogs pa'i rim pa yis/ /tshang tshing can dang 'bar ba'i 'od/ /'jigs sde dang ni mun pa can/ /de yi rim pas brgya byin dang / /gshin rje chu lha gnod sbyin dang / /me lha srin po rlung lha dang //'byung po'i bdag po dang brgyad do/ /shar gyi lha dbang dkar po ste/ /rdo rje 'dzin pa glang po zhon/ /lho yi gshin rje kha dog nag /dbyug pa 'dzin la ma he zhon/ /nub kyi chu lha dmar skya'i mdog /sbrul gyi zhags 'dzin chu srin zhon/ /byang gi gnod sbyin rta yi khri/ / kha dog ser po bum pa 'dzin/ /me lha dmar po dbyu gu ste/ /drang srong cha byad ra la zhon/ /srin po nag po gri gug lag /mi ro mi yi khri la gnas/ /rlung lha ljang gu ba dan 'phyar/ /sha ba zhon pa dag dang ldan/ /'byung po'i bdag po thal ba'i mdog /rtse gsum khyu mchog zhon par bcas//'di dag thams cad phyed skyil krung / /ral pa'i thor tshugs mig gsum pa/ /khro bo'i brjid ldan sbrul dur khrod/ /brgyan zhing chung ma bu 'khor bcas/ /chu lha gcig pu sbrul mgo dang / /bcas pa rnal 'byor rnams kyis bsgom//klu shing a mra'i shing dang tA la'i shing / /ardzu na dang pa la sha /u dum+WA ra byang chub shing / /shing gi zhing skyong brgyad po yang / /phyogs skyong kha dog rgyan de bzhin/ /glang po ma he gdan gyi mdog /g.yas pa gri gug thod pa g.yon/ /rnal 'byor pa rnams bsgrub pa'o//dri za gshin rje phyogs kyi gdon/ /sha za yi dwags ro langs gzhan/ /bya dang gcan gzan sbrul dag dang / /ro langs dum bu tshig dang rus/ /mchod rten ce spyang za ru brgyug /phyogs kyi rim pas steng dag na/ /tshangs pa dbang po khyab 'jug drag /tshogs bdag stobs bzangs smin drug bu//legs ldan nyi zla lha yi tshogs/ /ser po dkar po smug po nag /ser skya sngo skya dmar skya nag /bum pa rdo rje 'khor lo dang / /rtse gsum mda' gzhu ral gri phub/ /mdung dang gri gug 'dzin pa yis/ /chung ma bu dang bcas pa bsgom//chu brgyad sprin brgyad bar dag na/ /'og gi sa bdag lha mo phag /klu brgyad shar la sogs rim par/ /stobs kyi rgyu dang dung skyong dang / /mtha' yas nor rgyas 'jog po dang / /rigs ldan pad+ma pad+ma che/ /ljang dang ser dang sngo dang dmar/ /dkar po ser po dmar dang dkar//sbrul gyi gdengs ka zhags pa dang / /rang rang chung ma bu 'khor bcas/ /thams cad rdo rje'i mig can te/ /rgyal ba'i bka' nyan bstan pa bsrung / /sgrub pa po srung phyi bzhin 'brang / /sha khrag drag po'i las la dga'/ /gzhal yas de yi nang dag tu/ / sna tshogs rdo rje'i ra ba bsgom/ /shar ni dkar po lho ser po/ /nub ni dmar po byang ljang gu/ /chen po dbus ni sngon po ste/ /A li kA li zla ba nyi/ /d+hIHdang ral gri spros bsdus nas/ /gcig tu gyur nas 'jam pa'i dpal/ /dang po'i sangs rgyas dus gsum sku/ /mdog dkar phyag gnyis spyan gsum zhi//rigs lnga'i zur phud mthon mthing lnga/ /phyag rgya lnga ni rin chen brgyan/ /rdo rje g.yas la dril bu g.yon/ /rdo rje skyil mo krung bcas la/ /sna tshogs rdo rje pad+mar bzhugs/ /sangs rgyas rnams dang phan tshun gzigs/ /snying gar pad zla d+hIH bltas la//rigs rigs bskul sbyang 'od lngar byas/ /rnal 'byor dang po nyid der gsal/ /zhi bas sbyangs dang sman byas nas/ /thams cad d+hIHyig chos nyid zhugs/ /drag po'i rigs can la brtse bas/ /phyogs bcu'i rgyal ba sngags kyis bskul/ /tshad med bzhi yi lha mo bzhis//tsArtsi sogs kyi glu yis bskul/ /thugs rjes khros pa'i dad sgrol khyod bzhengs shig /khams gsum kun gyi gti mug rab tu sol/ /dad sgrol brtson bskyed stong pa nyid las bzhengs/ /bdud bzhi dag las shin tu rgyal mdzad pa/ / 'jig rten mgon po stong nyid ci ste bzhugs/ /dad sgrol 'jig rten mgon mdzad da bzhengs shig /byang chub dgod par sems can mgron pos nas/ /ci ltar stong pa nyid la zhugs pa ci/ /glu yi sgra yis de nyid gsum/ /ho gnyis bcas pa der thim ste/ /'gro ba'i dkyil 'khor sgyu mar mthong //'gro la chags pas khu bar gyur/ /hUM sngon nyi ma la gnas pa/ /rdo rje sngon po khro bo bskyed/ /khro bo sngon po rus pa'i rgyan/ /sbom thung gsus pa 'phyang ba yi/ /mun pa lta bur 'jigs pa'i zhal/ /dkar dang dmar ba g.yas dang g.yon//gyen skyes sma ra ser po 'bar/ /ljags 'dril mche ba rab tu gtsigs/ /g.yon brkyang ba yis gshin rje brdzis/ /shes rab dang bcas gzhan don byed/ /gri gug rdo rje ral gri g.yas/ /thod pa 'khor lo chu skyes g.yon/ /yum ni zhal gcig phyag gnyis 'khyud//mtha' yas sngon po tak+Sha dkar/ /skra bcings rna cha mgul du 'phyang / /rigs ldan khra bo dpung pa'i rgyan/ /dung skyong ser po lag pa'i gdugs/ /pad+ma dkar po do shal byas/ /karko Ta ljang se ral kha/ /nor rgyas dkar po ska rags dang / / pad+ma chen po rkang gdub rkang / /lce dang mche ba gnyis ldan pa/ /phud phud sgra sgrogs 'jigs byed pa/ /mgo bo brgya phyed phreng ba 'phyang / /rwa rno rmig pa rno ba dang / /spu ser 'bar ba 'jigs pa yis/ /ma he gshin rje pho mo yis/ /steng du 'jigs byed legs bsgoms la//chos dbyings dag tu chos kun bsgoms/ /oM d+harmA d+hA tu swa b+hA wa At+ma kou0f85haM/ de ltar rjes kyi rnal 'byor ro/ /snying ga'i hUM de ya gyur te/ /de yi 'od kyis phyogs bcu yi/ /rgyal ba yum bcas dga' bar gyur/ /bde bar zhu nas rang la zhu/ /hUM las r do rje paM pad+ma//oM las rdo rje rtse mo dang / /pad+ma'i ze 'bru byin gyis brlabs/ /rjes su chags pas mkha' gsang du/ /thig le yi ge dang bcas la/ /gzhal yas lha rnams legs par bskyed/ /gzhal yas dbus su ya nyid las/ /gtso bo rang nyid lta bu bsgom/ /shar du k+She dang 'khor lo las//gti mug rdo rje dkar po ste/ /gri gug 'khor lo ral gri g.yas/ /thod pa rin chen chu skyes g.yon/ /lho ru ma dang rin chen las/ /phra ma rdo rje gser gyi mdog /gri gug rin chen ral gri g.yas/ /thod pa 'khor lo chu skyes g.yon/ /nub tu me dang pad+ma las//'dod chags rdo rje rA ga'i mdog /gri gug pad+ma ral gri g.yas/ /thod pa 'khor lo rin chen g.yon/ /byang du da dang ral gri las/ /phrag dog rdo rje mar kata mtshungs/ /gri gug ral gri 'khor lo g.yas/ /thod pa rin chen pad+ma g.yon/ /khro bo'i gzugs ni thams cad 'jigs//rdo rje sna tshogs rtsa ba bzhir/ /nyi ma'i gdan la g.yon brkyang bzhugs/ /gti mug rdo rje zla ba la/ /gti mug sel ba nyid kyi phyir/ /shes rab cha yis de bzhin du/ /rdo rje rA yi mtshams bzhi ru/ /zla ba'i gdan la lha mo bzhi/ /shar lhor dzA dang 'khor lo las//rdo rje tsArtsi gti mug mtshungs/ /lho ru sa dang rdo rje las/ /rdo rje phag mo gtso bo 'dra/ /nub byang do dang pad+ma las/ /'dod chags rdo rje lta bur bsgom/ /byang shar ru dang ral gri las/ /phrag dog gshed dang 'dra bar bsgom/ /sgo bzhir nyi ma'i dkyil 'khor la//khro bo bzhi ni rim pas bskyed/ /shar sgor ya dang tho ba las/ /tho ba gshed ni bdag po mtshungs/ /g.yas na tho ba ral gri 'dzin/ /rin po che dang pad+ma g.yon/ /lho sgor ts+tsha dang dbyug pa las/ /dbyug pa gshed mdog gti mug 'dra/ /dbyug pa ral gri g.yas na 'dzin//pad+ma 'khor lo phyag g.yon na/ /nub sgor ni dang pad+ma las/ /pad+ma gshed ni 'dod chags mtshungs/ /pad+ma ral gri g.yas na 'dzin/ /rin chen 'khor lo phyag g.yon na/ /byang sgor rlung dang ral gri las/ /ral gri gshed ni ljang gu ste/ / zhal dang rgyan ni phrag dog mtshungs/ /ral gri dang ni 'khor lo g.yas/ /rin chen dang ni pad+ma g.yon/ /gri gug thod pa rang rig 'khyud/ /skra ser sma ra smin ma 'bar/ /zhal bzhad mche ba rnam par gtsigs/ /gtso bo lta bu sbrul gyis brgyan/ /sngon po'i g.yas dkar dmar po g.yon//dkar po'i g.yas sngo g.yon dmar la/ /dmar po g.yas sngo g.yon pa dkar/ /ser ljang g.yas nag g.yon dkar zhal/ /zur bzhi na yo ni rA las/ /bdud rtsi dang ldan thod pa bzhi/ /legs par bsgrubs nas dbyung ba ni/ /gtso bo rang rang sngags kyis dbyung //hUM Sh+T+r-iH'i sngags kyis gtso bo dbyung / /rigs kyis zhe sdang las bya ste/ /khro bor 'dus nas zhal dgur gyur/ /gtso bo bdag la gzhug par bya/ /dzi na dzika brjod gti mug gshed/ /gti mug las byas shar phyogs kyi/ /rdo rje rtsibs kyi rtsa bar gzhag /zla ba'i gdan la gnas pa'o/ /rat+na d+h+r-ika gis phra ma ni/ /nga rgyal sbyangs nas lho ru dgod/ /A ro l-ika brjod 'dod chags gshed/ /nub tu pad nyi dag la dgod/ /pradz+nyA d+h+r-ika gis phrag dog gshed/ /phrag dog las byas byang nyid bzhugs/ / mo ha ra ni brjod pa yis/ /tsArtsi sgeg mo 'od bzangs ma/ /shar lhor rdo rje'i mtshams su bsgoms/ /rang gi rigs kyi las byed ma/ /dwe Sha ra ti lho nub kyi/ /mtshams su rdo rje phag mo bsgom/ /nub byang mtshams su dbyangs can ma/ /rA ga ra ti'i sngags kyis dbyung //badzra ra tis gau rI ma/ /byang shar rdo rje'i mtshams su bsgoms/ /thams cad phyag 'tshal ba dang ldan/ /lha mo pad+ma zla ba'i gdan/ /rigs kyi phyag mtshan dag gis bskyed/ /rang rigs bskul sbyang byas la gzhug /de nyid gsum gyis thod pa dbyung //zur bzhi bde ba bdud rtsir ldan/ /mung+ga ra d+h+r-ika gis tho ba gshed/ /las byas shar sgor pad nyi bsgom/ /daN+Da d+h+r-ika gis dbyug pa gshed/ /lho yi sgo ru de bzhin gzhag /pad+ma d+h+r-ika gis nub sgo ru/ /pad+ma gshed ni bsgom par bya/ /khang+ga d+h+r-ika gis ral gri gshed//byang gi sgo ru bsgom par bya/ /dkyil 'khor dag la mnyam par blta/ /'di ni shin tu rnal 'byor ro/ /gshin rje gshed nag 'jigs byed kyis/ /dkyil 'khor lha rnams mig la sogs/ /k+ShiM/ dzaM/ khaM/ gaM/ kaM/ saM gis/ lha rnams dag tu byin gyis brlab//pad+ma zla ba'i dkyil 'khor la/ /'khor lo rdo rje rin chen pad/ /ral gri rdo rje sa snying dang / /phyag na rdo rje mkha' snying po/ /spyan ras gzigs mgon sgrib pa sel/ /kun du bzang po bsgom par bya/ /phyag na rdo rje kun du bzang / /thugs kyi rdo rje 'dra bar bsgom/ / mig ni gti mug sna phra ma/ /lce la 'dod chags lus phrag dog /gshed po 'dra bar go cha bya/ /khro bo sgeg pa'i gzugs can no/ /snying gar hUM nag AHdmar kha/ /mgo bor oM ni dkar po bsgom/ /rdo rje pad+ma 'khor lo las/ /sku gsung rdo rje spro bsdu bsgom/ / oM sarba ta thA ga tatsit+ta badzra swa b+hA wa At+ma kou0f85haM/ oM sarba ta thA ga ta wAka badzra swa b+hA wa At+ma kou0f85haM/ oM sarba ta thA ga ta kA ya badzra swa b+hA wa At+ma kou0f85haM/ rang snying sa bon 'od zer gyis/ /phyogs bcu'i sangs rgyas kun bkug nas/ /mdun du dmigs la mchod pas mchod/ /oM sa rba ta thA ga ta a b+hi Shiny+tsa mI brjod pas/tsArtsi sogs kyis bkra shis glu/ /bdud rtsi bum pas bkrus pa dang / /gtso bos dbang bskur gtso bo la/ /rdo rje 'chang nyid cod pan te/ /'khor lo pa la gshin rje gshed/ /cod pan dag dang ldan par bsgom/ /rang snying sa bon 'od zer gyis//ye shes 'khor lo spyan drangs la/ /khro bos bgegs bskrad mchod byas la/ /sgo ba bzhi yis gnyis med bsre/ /sangs rgyas thams cad sa bon gyis/ /zhal zhugs zhu bas rdo rje'i lam/ /pad+mar dbyung dang phyung ba las/ /lha mo sna tshogs me tog sogs//phyi yi mchod pas mdzes par mchod/ /tsArtsi sogs kyis bdud rtsi dang / /sha lngas tshim par bya ba dang / /rang rig gnyis pas gnyis med mchod/ /oM sarba ta thA ga ta pU dza badzra swa b+hA wa At+ma kou0f85haM/ brag ca lta bu phul ba de/ /sgra brnyan nyid du rang la thim/ / de bzhin bstod pas legs par bstod/ /gshin rje gshed po rab 'jigs pa/ /gti mug rdo rje'i ngo bo khyod/ /ston pa sangs rgyas kun rang bzhin/ /rdo rje'i sku la phyag 'tshal bstod/ /gshin rje gshed po rab 'jigs pa/ /phra ma rdo rje'i ngo bo khyod/ /rdo rje thugs dang rab mtshungs pa//rin chen rdo rje phyag 'tshal bstod/ /'dod chags rdo rje'i ngo bo khyod/ /'dod chags pad+ma'i 'byung gnas mnyam/ /dbyangs mchog kun gyi gtso bo'i gtso/ /rdo rje gsung la phyag 'tshal bstod/ /phrag dog rdo rje'i ngo bo khyod/ /gshin rje gshed po las kun byed/ / rdo rje sku dang rab tu mtshungs/ /phyag na rdo rje phyag 'tshal bstod/ /sangs rgyas kun gyi ngo bo khyod/ /sangs rgyas thams cad gcig bsdus pa/ /sangs rgyas kun mchog gtso bo'i gtso/ /dkyil 'khor gtso la phyag 'tshal bstod/ /de ltar bstod nas lha rnams spro/ /'gro ba sbyangs nas 'khor lor gzhug /'khor lo legs bsdus phung po khams/ /skye mched yan lag rang bzhin shes/ /rnal 'byor chen po zhes bya ba/ /rnal 'byor ye shes brtan par bsgom/ /der bsdu ba'am shar sgo lho/ /nub byang lha mo rim pas bsdu/ /zhal dgu rdo rje rtse mo ru//'khor lo bsgom dang rtsa ba dag /lte ba snying ga de bzhin bsgom/ /de nas gnas kyi 'khor lo ni/ /bskyed pa rnal 'byor chen po bya/ /de brtan ya mAn+ta ka nyid/ /zhal gsum rjes kyi rnal 'byor skur/ /sgom pa rdo rje rtse dang rtsa/ /lte ba snying ga rnal 'byor che//de rjes 'jam dpal ye shes nyid/ /dang po sangs rgyas gyur pa ni/ /rdo rje rtse mo rtsa bar bsgom/ /lte ba snying ga de bzhin bsgom/ /de nas gnas kyi rim pa las/ /raM baM laM yaM rim par dgod/ /lus glod ngag bsdams yid bcings la/ bar la bsros pas dbab par bya/ /babs pas zhi dang snying gar gnas/ /dbang bzhi'i rim pas thig le drangs/ /bde ba mi rtog stong nyid la/ /rnal 'byor mchog 'dod pa yis bsgom/ /de yang dmigs nas spro dang bsdu/ /gsal dang brtan pa spro bya zhing / /'dus pa de la rgyun du gzhag /sems med sems kyi 'od gsal mthong / /mthong ba'i rtog pa yongs min te/ /kun rdzob nyams la rigs pas smras/ /rjes la phyi dang nang gi chos/ /yang dag dpyad pas grub pa med/ /phyi rol rdul las grub pa ste/ /drug cu drug tu go gcig phyir//dpyad pas phra rab grub pa med/ /phyi rol sgyu ma dgag mi bya/ /nang la bdag dang gzhan gnyis kyang / /grub dang ma grub dpyad pa yis/ /bdag med gzhan yang rtags pa dang / /mi rtag pa yis bden pa dang / /gnyis dang gnyis med de las gzhan//rigs pas rab tu mi gnas so/ /de bas chos rnams rnam par dag /chos sku gzugs sku tha dad med/ /bskyed dang rdzogs pa'i rim pa gnyis/ /'jug dang ldang ba'i rigs shes bya/ /de ltar rtog pas rnal 'byor pas/ /du ba mar me zla nyi yi/ /rtags rnams rim pas nges par 'byung //de yis rdo rje'i sku 'grub bo/ /skyon pad zla ba nyi ma la/ /d+hIHdang hUM dang nyi ma dang / /'khor lo brgyad kyi rtsibs dang steng / /nyi steng snying po las sngags dang / /rtsa ba'i snying pos bskor ba la/ /rang gi rgyu ba shes pa yis/ /zhi rgyas dbang drag gang 'dod pa//bsam gtan sogs kyis rim pas bzla/ /de nas sngags kyi bsnyen pa ni/ /zhe sdang can dag 'dul ba la/ /ya mAn+ta ka'i ting 'dzin gyis/ /snying gar nyi ma hUM bkod de/ /spro bsdu sngags kyi yi ges bskor/ /bdun 'bum snying po oM dang po//yA mAn+ta ka hUM phaT bzlas/ /ting 'dzin mchod gtor bcas pa'o/ /des kyang 'dul bar ma gyur nas/ /de nas zhal dgu 'jigs byed de/ /hrIHSh+T+r-iHspro bsdu shes byas la/ /las sngags rgyal po sum 'bum bzlas/ /des kyang khyab par ma gyur pas/ /lha ni bcu bdun gsal ba yis//rtsa sngags bcu bdun spro dang bsdu/ /'bum phrag gcig ni bzlas par bya/ /de nas bsgrub pa bya ba ni/ /dkyil 'khor gsum gyi dang po ni/ /mar tshes gnyis la dur khrod ras/ /khru do kha sbyor ldan pa blang / /thal chen sa dkar bdud rtsi lnga//khrag lnga dug lnga bdud rtsi lnga/ /kha ba lnga dang tsha ba lnga/ /ras brgyad legs par sbyar byas nas/ /bya rog sgro dang mi rus la/ /snyu gu byas la bri ba ni/ /gshin rje pho mo 'jigs ldan pa'i/ /rten 'brel 'khor ba'i 'khor lo bri/ /gsum du bskor la phyi rim la/ / re mig 'khor lo bcu drug bya/ /phyogs mtshams brgyad la lus kyi sngags/ /hrIHSh+T+r-iHming dang spel ba dgod/ /bar ma me ri mig bcu gnyis/ /hUM phaT bsgrub byar bcas pa bri/ /bar ma re mig bcu gnyis la/ /rA dzA sa do ru Na yo/ /ni ra yats+tsha ni rnams bri//nang ma brgyad la phyogs bzhi ru/ /ma me dak+She dbus su ya/ /mtshams kyi kha stong bzhi la yang / /bsgrub bya dag la sngags rnams dgod/ /mgo bo phyi ru phyogs par bya/ /spyi bo dpung mgo g.yas g.yon dang / /brla g.yas dag dang g.yon pa lnga/ /mdoms dang rkang mthil snying po dgod//mtshog mar oM hrIHlag g.yas la/ /Sh+T+r-iHwi rkang mthil g.yas pa la/ /kr-i tA na na rkang mthil g.yon/ /hUM phaT lag mthil g.yon du'o/ /me dang hUM phaT ming dang spel/ /bsgrub bya mtshams bzhir bri ba ni/ /phyogs kyi hUM dang phaT brgyad dgod//dza dang yas kyang bskor bar bya/ /rtsa ba'i snying po so gnyis kyang / /bcu bdun lus la bskor bas 'grub/ /ya ni snying gar spyi bor k+She/ /lte bar ma dang kha la me/ /da ni lce dang kha la dgod/ /dpung pa g.yas dang g.yon gnyis la/ /yats+tsha de bzhin rkang gnyis la//ni ra rim pas dgod par bya/ /dzA ni sa steng dpral bar dgod/ /sa ni chu ste lte bar bri/ /ngo ni me ste mgrin pa nyid/ /ru ni rlung ste brla mdoms su/ /lha mo yum ni g.yon par dgod/ /na yo ni ra mig rna sna/ /lce dang bzhi la mkhas pas dgod/ / rgyu dang 'bras bu'i bye brag yin/ /de ltar re mig dgu pa yi/ /dkyil 'khor rgyud las lhag med bri/ /chag chag khrag chen dur khrod tshon/ /lha ni bcu gsum dkyil 'khor yang / /de 'dra gzhug cing bka' bsgo'o/ /mchod gtor bzang ba sgron ma lnga/ /sa bdun rgyu las gshin rje'i gzugs//khru gang shin tu 'jigs par bya/ /'khor lo dang bcas lho sgor gzhag /rgyud ltar byas la rab gnas ni/ /rlung che'i nang du rlung me dang / /ya dang ral gri las skyes pa/ /de 'dra gzhug cing bka' bsgo'o/ /sna tshogs mtshon cha 'khor na gnas/ lto ba srid gsum phyogs skyong dang / /gshin rje pho mo las byed rnams/ /rgyu rkyen 'bras bu shes par bsgom/ /sa bdun 'khor lo'i rdzas rnams la/ /de yi bdud rtsi rjes dang bsre/ /gzugs brnyan sor brgyad bya ba dang / /'khor lo yi ge sngar ltar dgod/ /lho sgor gshin rje'i mdun du yang //thod pa gsum la kha sbyor gzhag /de ltar bri ba'i rnal 'byor pa/ /skra grol gcer bu bdud rtsis byugs/ /lho phyogs ma he zhal ltar sbyor/ /mchod gtor gsol ba gdab pa shis/ /de nas rnal 'byor bzhi rdzogs nas/ /ya mAn+ta kar bsgyur byas la//snying ga'i nyi ma hUM 'od kyis/ /rgyal ba sras bcas khro bo rnams/ /bskul te bsgrub bya'i ye shes dang / /bsrung ba rang gi snying gar gzhug /rang bzhin dbang dang gzi byin bskyed/ /de yi 'jig rten lha dag kun/ /chos skyong rnams dang bral bar bya/ /zla ba phyed du bdun 'bum bya//'khor lo'i gzugs la gzhug pa ste/ /khugs nas 'khor lo'i las shis so/ /zla ba phyed du rnal 'byor pa/ /re mig dgu pa'i dkyil 'khor du/ /lho nas zhugs shing lho ru blta/ /snying ga'i snying po spros pa yis/ /las kyi gshin rje'i lto bar dkrugs//gshin rje bka' bsgo phyogs skyong dang / /gshin rje'i tshogs rnams mngag pa yis/ /oM dang hrIHSh+T+r-iHwi kr-i sogs/ /steng dang shar lho nub byang gi /phyogs skyong bskul bas khyab 'jug sogs/ /bsgrub bya'i rnam shes reg bya 'dren/ /bsgrub bya'i sems dang reg bya skyong //de nas 'pho la rings pa yis/ /gshin rje'i lto bar de nas 'ong / /brgya byin sprul pa 'khor tshogs kyis/ /gzugs phung mig gi khams bcas dkrugs/ /gshin rjes tshor ba sna tshogs dkrugs/ /klu yis 'du shes sna khams dkrugs//gnod sbyin 'du byed lce tshogs rnams/ /dkrugs pas skyo nas lto bar yod/ /steng 'og mtshams bzhi de bzhin du/ /srog gcod sha za khrag 'thung zhing / /mdangs 'phrog dbugs len par yang byed/ /lus lci la sogs 'byung ba rgud/ /rnam shes 'pho ba'i las byed cing //gshin rje'i lto bar 'gugs par byed/ /'bum phrag gsum gyis dbugs gzhug pa/ /hrIHSh+T+r-iHbcu pa'i las yin no/ /de nas 'khor lo kha sbyar du/ /bsgrub bya 'khor lo'i khang stong gzhag /thod pa kha sbyar nang bcug la/ /bcu gsum dkyil 'khor dbus su gzhag /rnal 'byor bzhi rdzogs rtsa ba'i sngags/ /gtso bo thugs ka 'khor de bzhin/ /bkod pa bltas pas sngags dang lhas/ /dkyil 'khor 'di dang gzhan bskul lo/ /sprul pas gzhan bskul rigs rigs kyi/ /bsgrub bya'i yi ge rtsa dang ni//bdud rtsi bcu dang sems blangs la/ /dkyil 'khor lha la dbang bskur zhing / /lhar bsgrub dkyil 'khor rdzogs par bya/ /zla gcig nyi ma bzhi ru bcad/ /bzhi tshan bdun dang zhag gnyis te/ /dang por gsol gdab tha mar bshags/ / pra ma ya hUM phaT dang ni/ /rak+ta tsa ra pa ya dang / /mur tsa pa tsa pa ya dang / /du ma sba sarba mA ra ya/ /rim pas sngags dang ming spel bzlas/ /'bum gyis nges par 'grub par 'gyur/ /mtshan mo hr-IHSh+T-iH'i sbyor ba ni/ /gong du bstan pa de nyid do/ /las la chos skyong gshin rje dang //khro bo rnams ni de bzhin bskul/ /sgrub pa po yang skra grol zhing / /gcer bu bdud rtsi lngas byugs la/ /lho sgor lho ru phyogs pa yis/ /g.yon brkyang Da ma ru dkrol lo/ /ha ha zhes pa'i sgrub pa po/ /gsum mam dpa' brtson rang nyid bsgrub//ya ma me dak+She lnga yis/ /zhe sdang la sogs las skyes pa'i/ /sbrul mgo glang mgo bya yi mgo/ /'brug mgo phag gi mgo bo can/ /gshin rje'i rgyal po lnga bskul ba/ /skye rga na 'chi'i 'khor lo bskor/ /yats+tsha ni ra shan pa bzhi/ / gsod bshu gcod dang za bar byed/ /dzA sa do ru drag mo bzhi/ /gshin rje'i rgyal po'i chung ma rnams/ /'ju skems bsreg cing gtor ba yi/ /shan pa bzhi yi chung ma ste/ /legs nyes blta zhing dur khrod nyul/ /de yi 'khor na zhe sdang can/ /gsod dang sha la shin tu dga'//mi sdug gzugs can mtshon cha thogs/ /bka' bskul rim pas bsgrub bya la/ /brtse ba'i tshul gyis rlung shugs kyis/ /gshin rje'i lto bar bcug par bsam/ /so sor dril bar bstod par bya/ /snying rjes khro la bsgral bsam zhing / / rang nyid 'jigs byed nyid yin zhing / /sems stobs bskyed la bstod par bya/ /dus gsum rgyal ba thams cad kyis/ /bka' yi 'khor lo rab tu bskor/ /bdud dang mu stegs lha min bcom/ /gshin rje 'joms la phyag 'tshal bstod/ /chos nyid la bzhengs ye shes sku//dang po'i sangs rgyas 'jam pa'i dpal/ /mngon byang ye shes longs spyod rdzogs/ /ya mAn+ta ka phyag 'tshal bstod/ /sangs rgyas thams cad rigs bsdus pa/ /rdo rje sems dpa' rigs kyi gtso/ /zhe sdang 'joms mdzad gshin rje gshed//khro rgyal khyod la phyag 'tshal bstod/ /dus gsum sangs rgyas sku gsung thugs/ /g.yas dkar g.yon dmar dbus mthing khros/ /phyag drug mtshon chas bdud rnams 'joms/ /lha mchog khyod la phyag 'tshal bstod/ /gdug pa 'dul phyir khro bor bzhengs//byams pa'i stobs kyis sku mdog nag /khros pas dbu skra kham ser 'bar/ /rdo rje 'jigs byed phyag 'tshal bstod/ /zhal dgu khams gsum sa dgu mnan/ /mthar gyis snyoms par 'jug pa dgu/ /bstan phyir zhal mdog so sor bstan/ / mgon po khyod la phyag 'tshal bstod/ /thugs rje spyan dmar rtsa bdun 'bar/ /bzhad dang khro dang phaT kyi sgra/ /ha ha hUM hUM zhal rnams 'gyur/ /'jigs byed khyod la phyag 'tshal bstod/ /thabs dang shes rab phyag gnyis ni/ /'gro ba skyod phyir glang pags 'dzin/ / phyag gzhan sum cu rtsa gnyis ni/ /byang chub phyogs las rnam par sprul/ /g.yas kyi rdo rje la sogs pas/ /thams cad gsod par mdzad pa po/ /g.yon pa'i thod pa la sogs pas/ /thams cad zil gyis gnon par mdzad/ /phyag dang phyag mtshan nam mkha' gang //gar mdzad khyod la phyag 'tshal bstod/ /sbrul nag tshangs skud dur khrod rgyan/ /sha khrag tshil zhag rkang la dgyes/ /dur khrod bdag po phyag 'tshal bstod/ /ye shes me chen 'bar zhing 'phro/ /bde chen mtshan ma gyen du 'greng / /ma he'i gdong can yum dang bcas//bde chen sku la phyag 'tshal bstod/ /stong pa bcu drug zhabs rnams kyi/ /lha rnams mi dang byol song gi /gtso bo kun mnan g.yon brkyang zhabs/ /rtag chad sel la phyag 'tshal bstod/ /'khor ba'i sems can bsgral ba'i phyir/ /thugs rje'i thugs ni rab tu khros//gshin rje gshed kyi 'khor lo sprul/ /'jigs byed tshogs la phyag 'tshal bstod/ /'gro ba zhe sdang gzir gzigs nas/ /'gro ba'i zhe sdang zhi bya'i phyir/ /bcom ldan zhe sdang gshed du byon/ /zhe sdang gshed la phyag 'tshal bstod/ / 'gro ba gti mug bsgribs gzigs nas/ /'gro ba'i gti mug bsal bya'i phyir/ /gti mug gshin rje gshed du bzhengs/ /gti mug rdo rje 'joms la phyag 'tshal bstod/ /'gro ba nga rgyal mnan la gzigs/ /'gro ba'i nga rgyal zhi bya'i phyir/ /phra ma gshin rje gshed du sbrul//phra ma 'jigs byed phyag 'tshal bstod/ /'gro kun 'dod chags gsungs gzigs nas/ /'gro ba'i 'dod chags sbyang ba'i phyir/ /'dod chags gshin rje gshed du byon/ /'dod chags 'joms la phyag 'tshal bstod//'gro ba phrag dog bcings mthong nas/ /'gro ba'i phrag dog sgrol bya'i phyir/ /phrag dog gshin rje gshed du byon/ /phrag dog 'joms la phyag 'tshal bstod/ /khyed kyi thugs rje dus da yin/ /bstan pa nyams byed sdig can rnams/ /tshe srog las ngan dus de sgrol//rnam shes mi bskyod gnas su 'phongs/ /zhe sdang chen po'i dus la bab/ /sdig can zhe sdang rnam shes sgrol/ /gti mug chen po'i dus la bab/ /sdig can gti mug gzugs phung sgrol/ /nga rgyal chen po'i dus la bab/ /sdig can nga rgyal tshor ba chom//'dod chags chen po'i dus da yin/ /sdig can 'dod chags 'du shes shig /phrag dog chen po'i dus da yin/ /sdig can phrag dog 'du byed phrol/ /bka' las 'das so dam las 'gal/ /bstan pa 'jig go sdig las byed/ /kun la gnod do sems can 'tshe//slon dpon smad do slob dpon 'khu/ /sdig can 'di la thugs rjes gzigs/ /'di la thugs rjes ma bsgral na/ /sangs rgyas rnams kyis sems can bslus/ /khro bo rnams kyang rang la khro/ /de bas sdig can thugs rjes sgrol/ /lus dang rnam shes so sor phye//lus dang sdig las 'di sgrol lo/ /rnam shes dge ba mi bskyod mdzod/ /bdag nyid rdo rje 'jigs byed bka'/ /bstan pa bsrung phyir dkyil 'khor lha/ /'khor gyi chos skyong gshin rje rnams/ /khyed la drag po'i las bcol lo//oM rdo rje 'jigs byed chen po yi/ /dkyil 'khor steng du bdag 'bod pas/ /steng du phyogs skyong lha rnams ni/ /gza' dang rgyu skar rgyal chen bzhi/ /gtso 'khor chung ma bu dang g.yog /bcas pa rnams la bdag 'bod pas/ /bdag la don chen gzhan med na//bdag ni sangs rgyas bstan la dga'/ /khyed ni sangs rgyas bstan pa bsrung / /sangs rgyas bstan pa zhig la khad/ /khyed kyis rgyal ba mi brjed dam/ /dam bcas bka' 'di ma slu bar/ /bdag gis phyogs skyong khyed bskul gyis/ /sdig can nyams pa myur du sod//oM gyis bod kyis lha chen brgyad/ /tshogs dang bcas pa myur du sod/ /oM hrIHSh+T+r-iHwi kr-i tA na na hUM phaT/ oM ma he shwa ra de ba in+d+ra brah+ma ru dri hUM/ ga na b+hi ri ti karti ma hA kA la che ge mo mA ra ya hUM phaT/ rdo rje 'jigs byed dkyil 'khor gyi/ /shar gyi dur khrod gtum drag na//shar phyogs skyong bar dam bcas pa'i/ /dri za bskor ba'i brgya byin ni/ /lus mdog dkar po glang po zhon/ /g.yas na rdo rje dril bu g.yon/ /dur khrod rin chen rgyan dang ldan/ /chung ma bu dang bran g.yog 'khor/ /rnal 'byor bdag ni khyed 'bod pas//khyed la don chen gzhan don min/ /bdag ni sangs rgyas bstan la dad/ /khyed ni sangs rgyas bstan pa srung / /sangs rgyas bstan pa zhig la khad/ /bstan pa 'jig pa che ge mo/ /hrIHyis 'bod kyis brgya byin lha/ /sangs rgyas bka' las khyed ma 'da'//mchod gtor sbyin pa chud ma gsan/ /'khor gyi pho nya las la bskul/ /bstan pa 'jig pa'i las la 'di/ /zhags pa can gyis mgul nas chings/ /lcags kyu can gyis snying nas drongs/ /lcags sgrog can gyis 'di bsdoms la/ /las kyi rlung gis rgyab nas phul//las kyi gshin rjes mdun nas bsu/ /stobs chen rnams kyis 'di khug cig /dmigs pa'i rten la thim par gyis/ /gshin rje lto ba'i 'khor lor chug /mtshon cha du ma'i char phob la/ /sdig can 'di yi tshe srog chod/ /srog la dbang bas 'di srog chod//dbugs la dbang bas 'di dbugs phrogs/ /sha za rnams kyis 'di sha zo/ /sdig can 'di yi pags pa dang / /khrag dang zhag dang tshil dang rkang / /rang rang dbang pos so sor khyer/ /gtad dang khas blangs bstan pa srung / oM hrIHSh+T+r-iHwi kr-i tA nA na na in+d+ra ye hrIHche ge mo mA ra ya hUM phaT/ rdo rje 'jigs byed dkyil 'khor gyi/ /lho yi dur khrod ha ha dgod/ /lho phyogs skyong bar dam bcas pa/ /gshin rjes bskor ba'i gshin rje ni/ /lus mdog nag po ma he zhon/ /g.yas na dbyug pa zhags pa g.yon//dur khrod rin chen rgyan gyis brgyan/ /chung ma bu dang bran g.yog 'khor/ /rnal 'byor bdag ni khyed 'bod pas/ /khyed la don chen gzhan yod min/ /bdag ni sangs rgyas bstan la dad/ /khyed ni sangs rgyas bstan pa srung / /sangs rgyas bstan pa zhig la khad//bstan pa 'jigs pa'i che ge mo/ /oM hrIHSh+T+r-iHwi kr-i tA na na hUM phaT/ Sh+T-I yis 'bod pa gshin rje sogs/ /rim par bskul bar shes par bya/ /oM hrIHSh+T+r-iHwi kr-i tA na na ya ma ye Sh+T+ri che ge mo mA ra ya hUM phaT/ de nas sngags kyis gnad la dbab//bcu pa phyogs skyong spel bas bzla/ /gzugs la dug tshon phur pa lngas/ /gnas par gdab pa man ngag yin/ /rdo rje 'jigs byed dkyil 'khor gyi/ /'og phyogs skyong bar dam bcas pa'i/ /sa yi lha mo klu chen brgyad/ /rdo rje mig can dkar po'i phyogs//gtso bo'i chung ma bu dang 'khor/ /lus mdog phyag mtshan rang rang rtags/ /a dang phuHyis 'bod pa dang / /las kun 'khor la bcol bar bya/ /oM hrIHSh+T+r-iHwi kr-i tA na na hUM nA ga phu pha phuM pheM phi phi pho che ge mo mA ra ya hUM phaT/ khro bo mtshon cha dpag med kyis/ / sdig can 'di la rnam par gzir/ /rdo rje zhags pas mgul nas bzung / /rdo rje lcags kyus snying nas drongs/ /rdo rje lcags sgrog dam du chings/ /rdo rje mtshon gyis rnam par chom/ /'khor lo 'bar bas rab tu khros/ /tho ba dbyug pas rdul du brdungs/ /mda' dang mdung gis thal phyung phug /gri gug dgra stas lhu zug phrol/ /ral gri chu gris dum bur gtub/ /me rlung las kyis rnam par gtor/ /rgyal ba'i bka' yin khro bo las/ /'khor gyi pho nya'i dus la bab/ /sdig can 'di la snying rje med/ /khro bo rnams kyi thugs rje yis//'khor gyis bsad pa'i sdig can 'di/ /mi bskyod bzhin du 'di bskyol la/ /rgyal ba'i sras su 'di sgrubs shig /rgyal ba'i thugs dam des mthar phyin/ /rdo rje 'jigs byed las byed pa/ /ya yi las byed ya ma ya/ /ya yis 'bod do khyod bskul lo//las kyi gshin rje khyod bskul lo/ /khro bo sbrul gyi gdengs ka can/ /khams gsum khyod kyi lha ma lto na 'khor/ /skye rga na 'chi'i 'khor lo bskor/ /bstan pa 'jig pa'i sdig can 'di/ /g.yas kyi gri yis srog snying chod/ /myur du 'chi ba'i las la sbyor//g.yon gyi thod pa snying gar sbyor/ /kha ru brdungs shig khA hi pi/ /tsit+ta rak+ta ma ra khA hi/ /sdig can tsit+ta rak+ta khA hi/ /las kyi gshin rje des sprul pa'i/ /dur khrod bdag po gshin rje gshed/ /nag po gel bag ral gri zhags/ /khyod kyi lto bar skye 'gro 'gro//sdig can 'di yi tshe srog chug /zhags pas zung la ral gris gtubs/ /sdig can srog rtsa ma ra rbad/ /phra ma rdo rje'i las byed pa/ /ma yi las byed ma ru rtse/ /ma yis 'bod do khyod bskul lo/ /srog gi bdag po ma ru rtse/ /glang mgo gshin rje ya ba ti//skye 'gro khyod kyis lte rtsa gcod/ /g.yas kyi gri yis lte rtsa chod/ /myur du 'chi ba'i las la sbyor/ /g.yon gyi thod par lte khrag spyos/ /kha ru brdungs shig khA hi pi/ /pI ta rak+ta ma ra khA hi/ /sdig can na ga rak+ta khA hi/ /'dod chags rdo rje'i las byed pa//me yis las byed smon byed de/ /me yis 'bod do khyod bskul lo/ /mdangs kyi bdag po bya mgo can/ /myos byed gshin rje pi pa tra/ /skye 'gro khyod kyis mgrin rtsa chod/ /g.yas kyi mda' yis mgrin rtsa chod/ /myur du 'chi ba'i las la sbyor//g.yon pa thod par mgrin khrag spyos/ /kha ru brngubs shig khA hi pi/ /mgrin pa rak+ta ma ra khA hi/ /sdig can mgrin par rak+ta khA hi/ /khrag dog rdo rje'i las byed pa/ /nga yis las byed bum bu rdzi/ /nga yis 'bod do khyod bskul lo/ /dbugs kyi bdag po bum bu rdzi//'brug mgo gshin rje ku be ra/ /skye 'gro yongs kyi bla dbugs gcod/ /g.yas kyi dgra stas bla dbugs chod/ /'chi ba'i las la myur du sbyor/ /g.yon gyi thod pas bla khrag spyos/ /kha ru brngubs shig khA hi pi/ / pI ta rak+ta mA ra khA hi/ /sdig can pI ta rak+ta khA hi/ /gti mug rdo rje las byed pa/ /k+She yi las byed bai swa tA/ /k+She yis 'bod do khyod bskul lo/ /tshe yi bdag po bai swa tA/ /phag mgo gshin rje k+She pa la/ /skye 'gro'i tshe rnams khyod kyis phyung / /g.yas pa'i dbyug pas tshe brdungs shig /'chi ba'i las la myur du sbyor/ /g.yon gyi thod pas bla khrag spyos/ /kha ru brdungs shig kha ru pi/ /mun d+ha rak+ta ma ra khA hi/ /sdig can mun d+ha rak+ta khA hi/ /rdo rje tho ba'i las byed pa/ /ya yi las byed ya ma ra/ /ya yis 'bod do khyod bskul lo//gsod byed bdag po phywa sangs ni/ /sha ba'i mgo can gshin rje drag /skye 'gro khyod kyis gsod par byed/ /g.yas kyi gri yis tshe srog gcod/ /g.yon gyi zhags pas dam du bsdoms/ /rdo rje dbyug pa'i las byed pa/ /tsa'i las byed tsa ra na//r+ts+tsayis 'bod do khyod bskul lo/ /bshu byed bdag po tel pa ste/ /ce spyang mgo can gshin rje rno/ /skye 'gro khyod kyis bsha' bar byed/ /g.yas kyi gri yis lpags bshus la/ /g.yon gyi zhags pas dam du bsdoms/ /rdo rje pad+ma'i las byed pa//ni yi las byed ya ma ni/ /ni yis 'bod do khyod bskul lo/ /gcod byed bdag po rmig pa ni/ /rmig pa'i mgo can gtum po mgyogs/ /skye 'gro khyod kyis gtubs par byed/ /g.yas kyi dgra stas rab tu chod/ /g.yon gyi 'khor los rab tu phye//rdo rje ral gri'i las byed pa/ /rA yi las byed ral tshar dgu/ /rA yis 'bod do khyed bskul lo/ /za byed bdag po rA hu la/ /chu srin mgo can gshin rje 'jigs/ /skye 'gro khyod kyis za bar byed/ /g.yas kyi 'khor los dum bur gtubs/ / g.yon gyi lcags kyus rab tu gzung / /rdo rje 'jigs byed dkyil 'khor gyi/ /las byed rnams kyi chung ma brgyad/ /dmar mo khrag gi ral pa can/ /gri gug thod pas lag gnyis 'brel/ /las kyi gshin rje'i chung ma yin/ /khams gsum skye 'gro lto bar chug /gcod cing sha khrag za la dga'/ /'khor lo bskor cig gshin rje'i yum/ /dzA sa do ru yi las byed ma/ /tsArtsi phag mo dbyangs can ma/ /gau rI bzhi yi bka' nyan ma/ /dus bzhi 'byung ba'i lha mo bzhi/ /sha khrag drod dang dbugs la gtod//dzA sa do rus khyed 'bod kyis/ /sdig can 'di yi sha khrag drongs/ /dbugs 'di khyod kyis myur du phrol/ /sgo ba'i pho nya bka' nyan cing / /na yo na ra'i las byed ma/ /zung shig chings shig rab tu bsdoms/ /'khor lor gnon pa'i las kyis shig / dus la bab po tsan tra dza/ /bka' las ma 'da' sa ma ya/ /rnal 'byor ma bslu dkar ma dkar/ /bstan pa srungs shig dar ma dpal/ /ya ma me da k+She che ge mo mA ra ya rbad rbad/ ya dzA ni ra che ge mo mA ra ya khA hi khA hi/ dzA sa do ru che ge mo mA ra ya dz+wa la dz+wa la/ Na yo ni rA che ge mo mA ra ya dz+dza/ gshin rje'i lto bar 'khor lo bskor/ /gshin rje 'khor gyi pho nya'i tshogs/ /bya dang sbrul dang gcan gzan khyi/ /sha zan thams cad myur du rgyug /sdig can 'di la rnam par rol/ /rang rang pags pa sha dang khrag /zhag dang tshil dang rkang mar rus//dbang po don snying skal khA hi/ /de nas las la sbyar ba ni/ /rgyal po gtum po tsaN+Da lI/ /'khor lo thod pa kha sbyar gzhug /lho sgor thod pa sgyed steng gzhag /srid pa gsum gyi sems can rnams/ /dbang med skye 'chi'i las la bskul//mtshon cha sna tshogs 'dzin pa yi/ /las kyi gshin rje pho mo bskyed/ /ya yis dgug gzhug bcing ba dang / /gnyis med gshin rje'i lto ba dkrug /khru gang gshin rje'i bskyed sogs yang / /de ltar las mkhan dgu sogs bya/ /bsgrub bya nr-i las 'khor lo dang //gzugs la bskyed dang dgug sogs bstim/ /khro bo chos skyong bka' bsgo zhing / /snying po bdun 'bum bzla ba dang / /sha chen khrag chen gtor ma bzang / /bsgrub bya skyabs med khro bos bsgral/ /de nas nyi ma lngar phye la//nyin mo so so mtshan mo dril/ /las sngags rtsa sngags so so la/ /sum 'bum 'bum phrag dag tu bzlas/ /sngags kyi lha rnams so sor bskul/ /rdo rje 'jigs byed sngags brjod pas/ /gti mug gshin rje gshed sogs rnams/ /dzi na dzika sgrogs phyogs skyong bskul//khro bos gshin rje ded cing bskul/ /bsgrub bya'i ske nas 'khor los lus/ /so sor blang dang so sor khyer/ /sha dang khrag sogs sbyin pa'i rgyu/ /phung po khams sogs lhar bya zhing / /sems ni mi bskyod zhing du 'phang / /khro bo phyogs skyong gshin rje yi//g.yon gyi mtshon chas 'gugs byed cing / /g.yas kyi mtshon chas gsod par bsam/ /snying rjes khros pa'i las la bskul/ /de nas sbyin sreg mnan pa ste/ /pha mes bskyal ba'i dur khrod du/ /'khor lo gshin rjes mnan pa sba/ / thab khung nang du gru gsum bya/ /khru phyed brko zhing rdzas ngan byug /dur gyi shing la dur khrod mes/ /spar la me lha gshin rje dang / /rdo rje 'jigs byed bskyed sogs bya/ /rdo rje 'jigs byed sbyor ba yis/ /gzugs brnyan mi rus phye ma dang / /de yi rjes dang skra sen dang //rnam snang chu dang bcas pa rnams/ /nam phyed dag nas nam phyed bsreg /tshu tshun d+ha ra'i pags pa ru/ /rnam snang chu yi sbyor ba ni/ /bla ma'i ngag la legs blangs la/ /gnas su sbas na nges par 'grub/ /de nas rtags sam nges 'phos nas/ / bsgrub bya de la dbang bskur zhing / /bskyed dang rdzogs pa'i cho ga yis/ /mi bskyod zhing du nges par skye/ /rgyal ba'i thugs rjes gnang ba la/ /rnal 'byor pa de 'gro don 'grub/ /rgyal bas bden par gsungs pa dang / /bdag gis brgyud pa'i man ngag mthong //ting nge 'dzin ma gsang sngags mchod/ /yang na rdzas ma tshogs pa yin/ /'on kyang zhe sdang kho na dang / /dam tshig nyams pa dag kyang srid/ /tsaN+Da lI yis mtshon bsnun la/ /las kyi gshin rje'i 'khor lo bskyed/ /gnas su yi ge dgod pa dang / /lto bar 'khor lo bri bar bya//mtshan mo sngags kun gcig tu bzla/ /nyin mo so sor phye la bzlas/ /rdo rje 'jigs byed bris sku la/ /sgron ma chen po'i mchod pa 'bul/ /spro bsdus bskul don snga ma bzhin/ /zla ba phyed kyis de nges 'grub/ /de nas de yi pags pa bshu//lha yi gnas kyi sha rnams kun/ /bzung nas rjes la las kun la/ /'khor lo lha yi sbyor ba yis/ /zhi dang rgyas pa dbang la sogs/ /rdo rje 'jigs byed 'khor los bsgrub/ /mchod dang gtor ma rgya chen dang / /snying rje kho nas bsgrub par bya/ / rjes thob mnyam par bzhag pas 'grub/ /bskyed dang rdzogs dang gnyis med pa'i/ /bsam gtan bzlas pa spro bsdu yis/ /rtag tu bsnyen pa bya ba yin/ /des kyang grub par ma gyur zhing / /mtshan ma rmi lam rtags rnams med/ /'khrugs dang nor ba byung ba dag//dam tshig nyams pa yin pas sbyang / /dbang bskur tshogs kyi mchod pa dag /sngon gyi slob dpon de nyid dam/ /grub thob sgrub pa rtag tu byed/ /de mnyes byas la zhu ba bya/ /rdo rje 'jigs byed rgyud nyid kyi/ /cho ga shes pas dbang bskur ro/ /de nas cho ga'i rim pa yis//'jam dpal rnal 'byor gsal ba la/ /ye shes sems dpa' gzhug pa dang / /skye mched byin rlabs dbang bskur la/ /mi bskyod cod pan ldan pa yi/ /snying gar zla dkyil yi ge d+hI/ /swA hA phyogs bzhir bzla/ /sngags dbyings chos la spro bsdu bsam//rjes la mchod gtor bzlas pa 'bad/ /gnyid dang le lo'i bar chad spang / /zhag drug zla drug lo drug tu/ /bsnyen pa'i cho ga dpa' bas bya/ /thun gcig zhag gcig zla ba lo/ /tshe gcig bskal bar dka' min bsgrub/ / lam mchog 'di ni yun ring min/ /dam tshig snying rje thabs dang ldan/ /zla drug nang du rtags mthong bas/ /rgyal ba mnyes byed mngon spyod spyad/ /de rjes rjes thob 'gro ba la/ /phan phyir 'khor lo'i las la 'jug /phyi rol pa dag bstan la gnod/ / rang rig dam tshig nyams pa dag /mchod dang gtor ma bzlas la brtson/ /bsrungs pa dag gis 'gyangs pa la/ /ngag mnan bzlog pa'i 'khor lo bya/ /'khor los sngags sbyor rim pa dang / /rdzas dang ting 'dzin rim pa dang / /bsnyen sgrub las sbyor zla drug gis/ /rgyud ltar 'khor lo sbas pas 'grub//de las khyad par rnal 'byor pas/ /mnan dang bzlog pa'i cho ga ni/ /sngon du bsnyen dang rtag tu bsgom/ /gzhan du rgyal ba'i bka' las 'das/ /mar tshes brgyad la bri ba ni/ /ras dag sngon ltar rdzas kyis brgyad/ /yung ba ba blas kha bsgyur ba'i/ / sngon gyi rdzas kyis 'khor lo bri/ /'khor lo'i yi ge dbri dang bsnan/ /las kyi bye brag shes pa yis/ /ma ra stam+b+ha bcu pa'i mthar/ /pra ma ra ya stam+b+ha ya laM/ /mkhas pas ya ma bzhi yi mthar/ /khang stong bzhi la ling+ga bskor/ /de bzhin spel ma zhag lnga bzla/ / dang po zhag la bsnyen pa dang / /tha ma lkugs pa'i chu la mnan/ /zhag bdun dag gis nges par gnon/ /yang na mi 'jigs bsrung ba ni/ /rtag par bsgom pa de nyid mchog /'khor lo 'jam pa'i rdo rjer bskyed/ /de nyid gsum gyi spro bsdus bsrung / /bya min nyal pa'i sa min spang //shar du phyogs shing gsum la skyabs/ /rten 'brel mthu yang thabs yin pas/ /bram ze srid bsrung las byung ras/ /tshes brgyad dag la 'bas chus brgyad/ /tsan+dan dkar po til dkar dang / /gu gul dkar pos legs byas la/ / gur kum gi wang legs sbyar bas/ /bcu bzhi'i snga dro bri ba ni/ /bcu gnyis sor ni zlum por bskor/ /phyi rol rdo rje ra ba la/ /me ri hUM dang rab tu ldan/ /de nas cha mnyam bzhi ru bskor/ /phyi rol 'khor la sum cu gnyis/ /rtsa sngags 'khor lo'i rtse mor dgod/ / rtsa bar oM ni drug cu bzhi/ /bsrung ba'i ming ni mtha' rten bri/ /rtsibs mtshan hUM phaT mtha' brten pa'i/ /bar chod dag gis ming dag bri/ /re mig kA li dag gis dgang / /de nas 'khor lo bcu drug la/ /hrIHsogs brgyad ni brgyad por bri/ /brgyad la ming dang bsrung bar bcas//sngar bzhin rtsa bar oM gyis brten/ /mtshan la phaT brten gzhan dag bri/ /re mig dag la A li yin/ /de bar brgyad la snying po ni/ /a thung bsnan pas brgyad bri'o/ /rtsa bar a brten bsrung ba gzhag /mtshan mar hUM phaT gzhan bsnan no/ / de nas d+hIHdbus gzhag pa yi/ /phyogs bzhir o d+hIHswA hA dgod/ /stong pa bzhi la ming bcas bsrung / /oM gnyis hrIHk+She shar yin la/ /da me ma ni byang nub lho/ /srong la maN+Dal legs byugs la/ /me tog nag po bcu bdun dgod/ /de steng bzhag la rnal 'byor bzhi//rdzogs nas gtor ma btang dang bcol/ /bzlas pa spro bsdu yi ge dang / /bcas pa'i phyag mtshan sna tshogs dang / /rdo rje sa gzhi ra ba gur/ /rtag tu de nang gnas pa gdags/ /yang na rtag tu mchod par bya/ /mgul lam gtsug dang dpung g.yon gdags//khro bo khros kyang 'jigs mi nus/ /phyir bzlog 'khor lo 'dod na yang / /sngon bzhin rnal 'byor bzhis bskyed dam/ /rgyud las myur dang skad cig las/ /rnal 'byor gsal bas 'grub pa po/ /stong dang snying rje me ri dang / / dra gur ldan pas bdud bzhi bzlog /de nas 'khor lo so bzhi ni/ /steng du oM las lha chen dgu/ /rtsa sngags rnams la gshin rje brgyad/ /las mkhan brgyad dang pho nya brgyad/ /shan pa brgyad ni bskyed pa ste/ /dkyil 'khor rang lha'i mngag pas bzlog//hUM las rdo rje'i mig can rigs/ /phaT las 'og tu klu chen brgyad/ /rtsa sngags bdun bzlas bzlog par bsam/ /de nas 'khor lo rtsibs bcu la/ /steng 'og phyogs skyong bskyed pa dang / /de nang drug las snying po las/ /gshin rje drug ni bskyed pa dang //de bzhin rang bzhin re re gzhug /gnyis med gyur pa las bcol ba/ /so so lus bong ljang gu'i mdog /g.yas kun 'khor lo 'dzin pa dang / /g.yon kun sdigs mdzub byed pa yis/ /phas kyi 'byung po bzlog bsam la/ / snying gar ye shes sems dpa' ni/ /'jam dpal ting 'dzin spro bsdu bzlas/ /bdun brjod sku yi rigs rnams gzhug /ye shes gshin rje gshed bsams nas/ /ya mAn+ta ka bdun brjod la/ /gsung rigs thams cad bskul zhing gzhug /dam tshig 'jigs byed gsal ba yis//hrIHSh+T+r-iHbdun brjod thugs rigs gzhug /bcu gsum yon tan rtsa sngags brjod/ /bdun gyis rgyal ba thams cad gzhug /de bzhin bdun bdun nang rim du/ /phyi nas brjod pas bzlog pa'o/ /sems ni ting nge 'dzin d+hIHla sba/ /bdag ni ye shes AHla sba//lus ni dam tshig oM la sba/ /rdo rje bzlas pa ldan pas zhal/ /yang na pho mo ma nor ba'i/ /thod par 'khor lo bri ba ni/ /rdzas dus sngon bzhin legs bris la/ /mA ra'i gnas su stam+b+ha gzhag /steng gi thod pa spyi rdol la/ /ling+ga tshon lngas btags pa drang //sngags gsum tha mar stam+b+ha btags/ /d+hIHswA hA yis bsrung bar bya/ /zhag gam thun nam zla ba ru/ /thun gcig dus gsum dag tu brab/ /non pa'i rtags dag nges pa dang / /ba bla yung bas g.yam nag la/ /nang du sna tshogs rdo rje dang / / phyi ru ri rab bris pa yis/ /mi 'bab mtsho ru mnan pa bya/ /ba bla yung ba ldong ros dang / /gi wang dag gis thab khung ni/ /khru gang gru bzhi bar byugs la/ /skyer pa dur khrod shing dang ni/ /seng ldeng glang po che yi sbangs/ /rgyal po'i me sbar me lha ser/ /'jigs byed bskyed sogs gsal ba la//ba bla yungs kar yung ba dang / /glang po che yi sha bsregs pa/ /byang du phyogs pa'i ming dang bsreg /zhag bdun bsregs na rdo rje 'dzin/ /gnod cing rengs pa'i sbyor ba'o/ /yang na pra ba nag dang dmar/ /cho ga sngon mas de bzhin mnan//dam tshig bskang ba'i cho ga yis/ /bsrung ba shin tu bsdus te bzang / /stong dang snying rje kho na yis/ /bsrung ba mchog gis sangs rgyas 'grub/ /sngags rnams rgyun du bzla ba dang / /dge gzhan gtor ma dag la brtson/ /dam tshig bla mas legs bskyangs na//bar chod thams cad bzlog par 'gyur/ /las kun sngon du bsnyen pa ni/ /zla gnyis bsgrub pa zhag bdun dang / /las sbyor zhag re sbyor dgos pa/ /sgrub pa po yis shes par bya/ /bskrad pa rgyal mtshan ras blangs la/ /sngon gyi rdzas kyis 'khor lo bya//sngags spel ling+ga shes pas dgod/ /dgug gzhug rim pa zhag bdun bsgrub/ /sa bdun dag la rta dang ni/ /bsgrub bya zhon pa'i gzugs byas te/ /rlung gi dkyil 'khor steng lho phyogs/ /nyi ma'i nyin mo tsaN+Da lI/ /lus la ske tshe'i mar byugs nas//nim pa'i shing la nges 'dzeg pa'i/ /thod par nyi phyed sbum de bzhar/ /bya rog tshang bsreg thal ba dang / /dur khrod thal ba bsres pa ni/ /de yi mgo la blugs shing byug /rgyal mtshan ras bsregs thal ba dang / /bsres pa de yis rkang la bsku/ / dur khrod sol ba bya rog khrag /bya rog rus pas shing shun la/ /rlung gi dkyil 'khor bris byas la/ /de yi dkyil du bsgrub bya yi/ /ling+ga ming sngags spel ba bri/ /bya rog dag gam sa bdun las/ /byas pa'i mgul du de btags te/ /lho ru phyogs pas de sngon gzhag /sa bdun sbrus las gshin rje ni/ /dbyug thogs de yi rgyab nas 'ded/ /dgug gzhug gsal bas sgrub pa yi/ /rtags byung zhag bdun lon pa dang / /'khor lo gshin rje'i lto bar gzhag /ling+ga bsgrub bya'i snying gar sba/ /nim pa'i shing gcig rtsa ba ru//lho ru phyogs pas bskyal bar skrod/ /de nas sbyin sreg bya ba ni/ /rlung gi thab khung dbus su ni/ /nim pa 'bras phub bya rog tshang / /da du ra shing dur khrod shing / /dur khrod shing gis me sbar la/ /me lha ljang gu bskyed pa dang / / 'jigs byed bskyed sogs gsal ba na/ /gcer bu skra grol lhor phyogs pas/ /bya rog khyim bya sbal pa khyi/ /sha dang rnga mo'i rtug pa chang / /byi la'i khrag gis sbrus la bsreg /yi ge bcu pa gtsor byas la/ /ming dang bcas pas grub pa yin/ / zhag bdun byas na grong khyer skrod/ /skyo bar bya ba skrod dang mtshungs/ /sha chen da du ro 'bras bsreg /dbye ba'i sbyor ba bstan pa ni/ /bram ze ma bi ma he rta/ /bya rog 'ug pa ne le sbrul/ /khrag gis 'khor lo brgyad dag bri/ /mkhas pas sngags dgod spel bas bzlas//bram ze rigs ngan thod par gzhag /sa bdun dag la ma he rta/ /gzugs la shing shun ling+ga sba/ /sgro gnyis rus pa gnyis la ni/ /bcu pa'i sngags spel bri ba dang / /sgro gnyis bcings la pags par gzhug /nim pa'i shing gi steng du gzhag /sa bdun rgyu las bsgrub bya ba//ma he rta la bskyon byas nas/ /da du ra yi thal ba dang / /tsher mas bcu pa'i sngags bzla'o/ /las sbyor ling+ga bsgrub bya sba/ /chu 'gram 'thab sar sba zhing bskyal/ /de nas chu dang me yi thab/ /tsher ma 'o ma can gyi shing / /dur khrod shing dang 'bras phub la//dur khrod gtum po'i me spar te/ /lha ni dmar nag bskyed pa dang / /rdo rje 'jigs byed bskyed pa la/ /ma he rta dang bya rog 'ug /rma bya sbrul gyi sha bsreg bya/ /yi ge bcu pa ming spel bas/ /rdo rje 'dzin pa rnams kyang 'byed/ / de nas dbang dang dgug pa bstan/ /gur kum gi wang srin lag khrag /'khor lo brgyad dag bri bar bya/ /thod pa gnyis la 'khor lo bri/ /'khor lo dgug gzhug dril la gzhug /gur kum gi wang srin lag khrag /sa bdun sbrus la bsgrub bya yi/ /sor mo bcu drug gzugs brnyan la//sha khrag gi wang gur kum gyis/ /gro ga'i 'khor lo snying gar gzhug /me tog spos phor dus gsum mchod/ /nub tu phyogs pas rtsa sngags bzla/ /seng ldeng me la thod pa bsro/ /bcu pa'i snying po las sbyor bya/ /'gyang na dur khrod rdzas 'khor lo//gsad pa'i 'khor lo sngags bye ba/ /ro bsreg sol ba skra tshil dang / /tsha ba gsum dang rdzas gzhan la/ /bsgrub bya mtho gang kha so gtsigs/ /'khor lo snying gar bcug byas la/ /g.yon brkyang ma he zhal sbyar bas/ /mnan la yi ge bcu pas dgug /sbyin sreg thab khung zla gam du/ /tsan+dan dmar po gur kum dang / /gi wang srin lag khrag gis byug /seng ldeng me la lha gnyis dmar/ /ske tshe'i gzugs rten nya dang chang / /til dang 'bras kyi tsher ma dug /bdud rtsi lnga dang khrag sbrus la/ / nub tu phyogs pas dus gsum du/ /brgya rtsa brgyad ni zhag bdun bya/ /sha lnga rnam snang rdo rje'i chu/ /chang dang bsres na rgyal po sogs/ /thams cad dbang du 'gyur ba yin/ /yi ge bcu pa'i sbyor bas bya/ /rgyas par 'dod la rgyas pa'i las/ /sgrub pa po yis 'di ltar bya//rgyal po khyim bdag ras blangs la/ /gur gum gi wang tsan+dan gyis/ /'khor lo brgyangs la bri bar bya/ /sra ba gru bzhi ser por sba/ /srad bu ser pos rgya gram dkri/ /maN+Dal ser po'i steng du gzhag /byang du phyogs pas bsam gtan sngags/ / rdo rje 'jigs byed sbyor bas bya/ /me tog ser pos dus gsum mchod/ /phra ma gshin rje gshed mnyam pa'i/ /rgyas pa'i las ni gang 'dod pa/ /rnal 'byor pa yis 'grub par 'gyur/ /sbyin sreg rgyas pa'i thab khung du/ /u dum+WA ra'i shing la me/ /spar la lha gnyis ser por bskyed//til nas mar dang 'bras zho dag /byang du bltas pas stong du bsreg /gang 'dod pa de rgyas par 'gyur/ /sngags dang ming du bcas bsregs na/ /gang 'dod rgyas par 'gyur ba'o/ /zhi ba'i las dag 'di ltar bya/ /stong dang snying rje 'jigs byed ldan//tsan+dan til dkar gur gum dang / /gi wang go ro tsa na yis/ /'khor lo brgyad dang yi ge dgod/ /sra ba zlum po dkar po sba/ /srad bu dkar pos dkri byas la/ /maN+Dal dkar po'i steng bzhag ste/ /shar du phyogs pas zhi bas bsgrub/ / me tog dkar pos dus gsum mchod/ /sbyin sreg thab khung zlum po ru/ /ba la sha la me sbar la/ /me lha rdo rje 'jigs byed dkar/ /bskyed dang dgug sogs legs par mchod/ /shar du kha bltas til dang mar/ /sbrang rtsi 'o ma dUr ba dag / dus gsum dag tu zhag bdun bsreg /bdag dang gzhan gyi bar chad zhi/ /las gzhan kun dang spogs pa ni/ /'khor lo'i rdzas dang sbyor bas dbye/ /man ngag brgyud pa bla ma bsten/ /rdzas dang dam tshig ting 'dzin gsal/ /sngags la gus na 'grub pa las/ / ma gsang gzhan du mi 'grub po/ /thams cad rdzas dang 'khor lo dang / /bsam gtan sngags la brtson pa dang / /bsnyen pa brtul zhugs dpa' ba dang / /bla ma la gus gsang na 'grub/ /de las gzhan pas mi 'grub pas/ /rgyud ltar snod btags 'bad pa gsang //ma gsang snod ngan la bshad pas/ /slob dpon 'di dang phyi mar brlag /rgyud don bla ma la brten nas/ /mos pas 'di byas mkhas pas bkod/ /sgra nor don log nyes pa rnams/ /rdo rje 'jigs byed chos skyong bshags/ /rgyud dang gdams ngag la brten te//'gro la bsams nas sgrub thabs bris/ /'di las dge ba ci thob pas/ /bdag gzhan rdo rje'i sku thob shog /dpal rdo rje 'jigs byed kyi sgrub pa'i thabs rdo rje 'od ces bya ba/ slob dpon chen po bai ro tsa na rak+Shi tas mdzad pa rdzogs so// //