CLOSE WINDOW

D2008
བོད་ཡིག

@##/ /rgya gar skad du/ shrI badzra ma hA b+hai ra ba sA d+ha na/ bod skad du/ dpal rdo rje 'jigs byed chen po'i sgrub thabs/ dpal rdo rje sems dpa' la phyag 'tshal lo/ /mun nag lta bu'i sku 'dzin zhing / /nyi ma 'bum gyi gzi brjid can/ /gdug pa'i mtshon cha sna tshogs bsnams//bdud dgra khyod la phyag 'tshal lo/ /bde gshegs bka' ni bsrung ba dang / /gdug pa gdul bar bya ba dang / /thar pa thob par bya ba'i phyir/ /sgrub thabs 'di ni brtsam par bya/ /dur khrod dang ni chu bo'i 'gram/ /shing gcig dang ni mtshan gcig sogs/ /dbang dang dgug sogs gnas der bya//dang por rang snying zla ba la/ /rang gi sa bon bsam par bya/ /'od zer bla mar rang lha rnams/ /gsal byas phyag 'tshal mchod sogs bya/ /tshangs pa'i bzhi yi bsam gtan ni/ /byams pas dgra zun mnyam por dmigs/ /snying rjes sdug bsngal bral bar bsgom//dga' bas thar pa thob par dga'/ /btang snyoms yal bar mi 'dor ro/ /de nas stong pa'i byang chub bsgom/ /ra ba dra ba sbyor bar bya/ /ma yi bu las skyes pa la/ /sems kyi sa bon bsam par bya/ /sna tshogs rdo rje bsam gtan bya/ /de steng hUM las gsal spros pas//gdung rnams bgegs ni sel byed pa/ /rdo rje ra dang bla re ni/ /sngags 'di yis ni bsgom par bya/ /oM sum b+ha ni sum b+ha hUM phaT/ gr-ih+Na gr-ih+na hUM phaT/ gr-ih+Na pa ya gr-ih+Na pa ya hUM phaT/ oM A na ya hoHb+ha ga bA na bid+yA rA dza hUM phaT/ rdo rje'i sa la nam mkha' ni/ /b+ha ga'i dbyings su bsgom par bya//dbus su yaM raM baM dang laM/ /'byung ba bzhi yi dkyil 'khor ro/ /de steng suM las ri bo ste/ /b+h+rUM las gzugs kyi bdag po bsgom/ /de yongs gyur las gzhal med khang / /gru bzhi pa la sgo bzhi pa/ /rta babs bzhi dang ldan pa la/ /dra ba dra ba phyed pa dang //ka ba brgyad kyis yang dag spras/ /phyi rol dur khrod brgyad kyis bskor/ /shing brgyad kyis kyang mdzes par byas/ /tshig pa dang ni ma tshig pa/ /dum bur gyur dang ma gyur pa/ /'jigs par byed dang 'jigs pa dang / /cang chen btsugs dang shing la sbyangs/ / ban+d+ha pu ta li la sogs/ /shing brgyad la ni gnas pa'o/ /srin po ro langs mkha' 'gro'i tshogs/ /sha za'i gdon can brgyad po ni/ /bya rog 'ug pa tshogs kyis bskor/ /gzhal yas khang gi dbus su ni/ /dang po'i yi ge sogs pa la/ /zla bas brgyan pa'i chu skyes bsam//dbus su bzhi pa'i bzhi pa la/ /dbyangs yig bzhi pas brgyan pa bsam/ /de la ral grir gyur pa dang / /ral gri lte bar de nyid bsam/ /de yongs gyur pas 'jam dpal bsams/ /gur kum mdog ni gzhon tshul can/ /ral gri g.yas la ut+pal g.yon/ / rgyan rnams kun gyis rab mdzes pa/ /sems dpa'i skyil mo krung gis bzhugs/ /de ltar byang chub lnga bskyed nas/ /ma las bskyed pa'i nyi ma ni/ /de yi snying gar bsgom par bya/ /de las 'od 'phros phyogs bcu yi/ /rgyal ba sras dang bcas pa rnams/ /rig pa'i lha mo khro tshogs kun//spyan drangs nyi ma la bzhugs bsams/ /de nas 'jam dpal de nyid dang / /de bzhin gshegs kun gcig tu gyur/ /'od kyi gong bu de las ni/ /'bar ba dpag tshad brgyad stong khyab/ /de gyur sems kyi sa bon las/ /'od zer lnga ldan kha dog nag / 'od zer spro dang bsdu ba bya/ /de gyur rdo rje gdengs pa ni/ /kha dog nag por gyur par bsam/ /de las 'od 'phros sangs rgyas dang / /rgyal sras gtso bo la sogs kyis/ /nam mkha'i khams kun gang ba ni/ /nyi ma'i dkyil 'khor la gnas bsams/ /sems can khams ni rnams sbyangs nas//slar byon rdo rje'i gzugs la zhugs/ /rdo rje chen po yongs gyur nas/ /rdo rje 'jigs byed chen po'i gzugs/ /ma he'i gdong can zhal dgu pa/ /phyag ni sum cu rtsa bzhi phug /g.yon brkyang g.yas bskum brgyad gnyis zhabs/ /phaT kyi sgra can gsus pa 'phyang //spyi gtsug thod pa'i phreng bas brgyan/ /stag gi pags pas smad dkris shing / /klu brgyad kyis ni rgyan du byas/ /'jigs pa'i dus kyi me ltar 'bar/ /ha ha zhes dgod ljags bskyod cing / /'jigs pa'i khro gnyer me ltar 'bar/ /'jigs pa'i spyan ni nyi shu bdun//tshangs pa brgya byin tshogs za ba/ /rtsa zhal ma he'i gdong can khro/ /rwa yi bar na gnas pa'i zhal/ /dmar po 'jigs byed khrag 'dzag pa/ /steng zhal ser po cung zad khro/ /ral pa zur phud lnga dang ldan/ /gzhon nu'i cha lugs 'chang ba po/ / g.yas pa'i rwa la brten pa'i zhal/ /dang po mthing ga 'jigs par byed/ /gnyis pa mdog dmar khro bo'i zhal/ /gsum pa ser po cung zad khro/ /g.yon pa'i rwa la brten pa'i zhal/ /dang po dkar po rmongs par byed/ /gnyis pa dud ka khro bo'i zhal/ /gsum pa nag po ljags dril ba//g.yas g.yon gnyis kyis glang po che'i/ /pags pa brgyangs te 'dzin pa'o/ /g.yas pa'i phyag gis rim pa bzhin/ /kar ta ri dang b+hiN+Di pa la dang / /gtun shing chu gri ka Na ya/ /sta re mdung dang mda' dang ni/ /lcags kyu dbyug to kha T+wAM ga /'khor lo rdo rje tho ba dang / / ral gri dang ni cang te'u 'dzin/ /g.yon pa'i phyag gis go rims bzhin/ /thod pa tshangs pa'i mgo bo dang / /phub chung rkang pa zhags pa dang / /gzhu dang rgyu ma dril bu dang / /lag pa mi lpags rtse gsum me yi thab/ /thod tshal sdigs mdzub ba dan rlung ras 'dzin/ /g.yas kyi zhabs kyis go rims bzhin//mi dang ma he glang bong dang / /rnga mo khyi lug wa brgyad mnan/ /g.yon pa'i zhabs kyi go rims bzhin/ /bya rgod 'ug pa bya rog dang / /seng ge khra dang bya rgod chen po dang / /ne tso krung krung brgyad po mnan/ /'jam dpal ye shes sems dpa' ni/ /zhal gcig phyag gnyis sku mdog ser//rang gi snying gar bzhugs pa yi/ /snying la nyi ma'i lte ba las/ /'od 'phros dgra mgon spyan drangs te/ /rdo rje bsdu bcings byas nas ni/ /gsang sngags 'di yang brjod par bya/ /oM e h+ya hi b+ha ga bAn/ ya mAn+ta ka A gats+tsha ya/ oM sa mA dza hUM/ mdun du byon par mos nas ni/ /rang gi sngags btab mchod ma/ /spos dang me tog byug pa dang / /mar me la sogs mchod bstod bya/ /oM ya mAn+ta ka ar+g+haM pra tIts+tsha hUM swA hA/ oM badzra d+hU pe hUM/ oM badzra puSh+pe hUM/ oM badzra gan+d+he hUM/ oM badzra dI pe hUM/ oM badzra nai bid+ye hUM/ snying po'i mjug la btags la dbul//dzaHhUM baM hoHzhes brjod cing / /dgug cing gzhug la dbang du bya/ /gshin rje gshed po'i nga rgyal bya/ /mig dang rna ba sna dang lce/ /lus dang de bzhin yid rnams la/ /sa snying phyag na rdo rje dang / /nam mkha'i snying po spyan ras gzigs/ /sgrib kun sel dang kun du bzang //ming gi yi ge dang po bskyed/ /rdo rje gsum ni gnas gsum bsam/ /oM AHhUM/ rang snying sa bon las 'od 'phro/ /bde gshegs rnams ni spyan drangs mchod/ /bdud rtsi lngas gang bum pa yis/ /spyi bor blugs nas dbang bskur bya/ /rnam par snang mdzad phyag rgya che//oM sarba ta thA ga ta a b+hi She ka ta badzra swa b+hA wa At+ma kou0f85haM/ yaM dang raM bskyed rlung me'i steng / /thod pa a las bskyed pa yin/ /nang na bdud rtsi lngas gang ba/ /hUM zhes pas ni dag par bsam/ /AHyis rtogs bya oM gyis bar/ /lus kyi dkyil 'khor mnyes p ar bsams//rdo rje lce yis 'jib par bsam/ /'khor bcas 'khor lo 'dus pa yis/ /stong pa'i sgra brnyan tshul du bya/ /sngags kyi bzlas pa bya ba ni/ /snying gar nyi ma'i dkyil 'khor la/ /rtsa ba'i snying po nye snying bsam/ /dus bzhi yi ni sbyor ba yis/ /g.yeng ba med par bsam gtan bya//skabs su ston mo bza' bar bya/ /lha rnams mnyes par bya ba'i rim pa'o// //sngags pa gzhan la phan brtson pas/ /dbang dang dgug dang bsad pa dang / /bskrad dang dbye ba rmongs la sogs/ /rgyud las byung ba bzhin du bya/ /de las 'dir ni drag po'i las//'khor lo'i las dang sbyin sreg dang / /bsam gtan gyi ni sbyor ba rnams/ /las 'di dag gis brtsam par bya/ /bla ma smod sogs dam tshig med/ /theg pa chen po smod pa dang / /sngags kyi rgyud la 'phya ba dang / /bsad dang bskrad dam rings par byed//snying rje yis ni ngan song las/ /bzlog par bya ba gzhan las min/ /sngags pas sngon du bsnyen pa ni/ /bye ba bzlas nas las rnams brtsams/ /yang na mtshan ma thob nas bya/ /gzhan du byas na 'jig rten bcas/ /dkyil 'khor bris sku mdun du ni/ /dang por mchod pa byas nas ni//snang mdzad kyis ni lus la byugs/ /zhim pa'i chang ni btung bar bya/ /skra bshig gcer bu byas nas ni/ /nam phyed Da ma ru dkrol bya/ /brkyang bskum tshul du gnas nas kyang / /lha yi nga rgyal ldan pa yis/ /ha ha zhes dgod rtse gcig pas//ma yengs pa yis gsang sngags bzlas/ /de nas 'jigs pa chen po skye/ /sngags pas 'jigs par mi bya'o/ /'jigs par gyur na bar chad 'gyur/ /des na 'jigs par mi bya'o/ /dngos grub gang 'dod ces gsungs pa/ /yid la gang 'dod gsol ba gdab/ /de nas las rnams brtsam par bya//mar gyi ngo la sngags pa yis/ /dur khrod ras ni blangs nas su/ /dag par bkrus te brkyang bar bya/ /sum pa'i sbyor bas mtshams bcad nas/ /wa yis rtogs pa'i lhag ma la/ /snang mdzad dur khrod thal ba dang / /'bras bu thug bcas par rang la byugs//brgyangs nas mdun du bzhag nas ni/ /skra bshig gcer bur byung nas su/ /lho phyogs su ni kha bltas la/ /ma he'i gdong gi sbyor ba yis/ /ras dang snag tsha'i rdzas rnams la/ /lag pa reg nas gsang sngags ni/ /'bum phrag gnyis su bzlas pa bya/ / nyi ma phyed nas bzung nas su/ /'khor lo bri bar brtsam par bya/ /bya rog sgro rtsa'i snyu gu yis/ /bcu drug rtsibs can gnyis byas te/ /g.yas dang g.yon skor tshul gyis ni/ /sum cu gnyis dang bcu pas bskor/ /bgegs dgra'i sbyor bas de ltar bri/ /bdag las sprul pa'i khro bo yis//bsgrub bya lha dang bral nas ni/ /rnam shes bsdus la 'khor lor gzhug /zhugs par gyur nas 'khor lo dril/ /thod pa gnyis kyi bar du gzhug /shi ba'i skra yi skud pas dkri/ /ro bsregs sar ni bsreg shing gis/ /me sbar nas ni thod pa bsro/ /sngags pas 'greng ste rkang g.yon gyis//mnan nas yi ge bcu pa bzlas/ /ro bsregs la sogs sa 'og gzhug /rim gyis thebs nas 'chi bar 'gyur/ /yang na las 'di brtsam par bya/ /bsnyen pa la sogs sngar bzhin bya/ /dur khrod gzhi mdo shing gcig drung / /sngags pas gnas nas las 'di bya//grog mkhar chu 'gram gnyis kyi sa/ /snang mdzad mi bskyod rus phye dang / /phub ma dur khrod sol ba la/ /bsgrub bya'i gzugs brnyan sor brgyad bya/ /snying ga lte ba gsang ba dang / /lkog ma dang ni smin mtshams su/ /ni rang su yi phur bus gdab/ / tshigs rnams tsher ma rnon pos dgang / /thod pa gnyis kyi dbus su gzhug /gnas bdun grog mkhar sa dang dur khrod thal ba la/ /gshin rje'i skyes bu khru gang tsam la zhal gcig pa/ /mche ba gtsigs pa phyag gnyis ral gri sdigs mdzub zhags/ /gcer bu skra grol de yi thugs kar thod pa gzhug /mar gyi brgyad dang bcu bzhi yi/ /ro bsregs dur khrod sa dag la/ /kha sbub bzlog la lho ru kha bstan 'phred nyal gzhag /khyim du 'ongs nas khros nas yi ge bcu pa bzlas/ /zhag gsum gyis ni 'chi bar 'gyur/ /phyung nas 'o mas bkrus na 'tsho/ / 'khor lo'i rim pa phye ba'o/ /las de byed pa'i dus su ni/ /bsam gtan gyis ni 'di ltar bya/ /'khor lo med kyang 'grub par 'gyur/ /gang la bya ba'i bsgrub bya ste/ /ra las bskyed pa'i dkyil 'khor du/ /skra bshig gcer bu byas nas ni/ /til mar gyis ni lus bskus nas/ / 'dar zhing mdun na 'dug par bsam/ /lus las sprul pa'i khro bo yis/ /bsgrub bya bcad cing bcom nas ni/ /lha rnams dag gis lus la bza'/ /slar yang khro bor gyur nas spro/ /ral gri dbyug pa gtun shing dang / /'khor lo tri shU la sogs pas/ /dum bur bcad cing gtub pa dang //za shing khrag rnams 'thung bar bsam/ /gshin rje yis ni zos par bsam/ /gzhan yang srin po sna tshogs dang / /kang ka bya rgod 'ug pa dang / /stag dang seng ge wa dang khyi/ /de rnams kyis kyang zos par bsam/ /bstod pa sna tshogs byas nas su/ / tshig gis kyang ni 'di skad bsgo/ /dkon mchog gsum la smod pa dang / /dge 'dun 'du ba'i sgo 'phrogs pa/ /dam tshig 'jigs par byed pa dang / /skye bo yongs la 'tshe ba 'di/ /ngan song gsum du nges par 'gro/ /thugs rjes sgrol ba'i dus la bab/ /ngan song gsum gyi sdug bsngal dang //nad dang gnod pa'i sdug bsngal gyis/ /tshe 'di nyid la bral bar mdzod/ /bsam gtan gyi rim pa phye ba'o/ /bla ma'i zhal gyi bka' drin gyis/ /'di byas bsod nams gang thob pa/ /'gro rnams gshin rje gshed lta bu/ /'khor ba las ni thar bar shog/