CLOSE WINDOW

D2007
བོད་ཡིག

mnan bzhin du mnan bor ro/ /gtam rgyud kyi rtogs pa rdzogs so/ /[ ]@##/ /rgya gar skad du/ shri badzra b+hai ra ba pA ni na a pa na shud+d+ha nA ma/ bod skad du/ dpal rdo rje 'jigs byed kyi phyag mtshan gyi rnam par dag pa zhes bya ba/ bcom ldan 'das 'jig rten dbang phyug seng ge'i sgra la phyag 'tshal lo//ma rig pa gcod pas gri gug /gzung 'dzin gyi rnam par rtog pa 'joms pas rdo rje rtse gcig pa/ dran pa'i nyon mongs pa 'joms par byed pas gtun shing / sred pa gcod par byed pas chu gri'o/ /lus ngag gi nyes pa 'joms pas rdo rje rtse gcig pa'o//phrag dog 'joms pas sta re'o/ /lta ba ngan pa 'joms pas mdung ngo / /dbang gi las byed pas mda' 'o/ /'gugs pas lcags kyu'o/ /las kyi sgrib pa 'joms par byed pas dbyug to'o/ /kha T+wAM ga ni byang chub sems kyi ngo bo nyid do/ /shes bya'i sgrib pa gcod pa ni 'khor lo'o//ye shes lnga ro ma nyams par gyur pas bdag nyid rdo rje'o/ /mi shes pa'i sgrib pa 'joms pas rdo rje tho ba'o/ /ral gri'i dngos grub ster bas na ral gri'o/ /mchog tu dga' ba'i sgras sangs rgyas thams cad yang dag par bskul bas cang te'u'o/ /bde ba chen po dang snying rje chen po'i rang bzhin ni sna tshogs kyis bkang ba'i thod pa'o//sgrib pa thams cad 'joms pas tshangs pa'i mgo bo'o/ /bdud las rgyal ba'i rang bzhin gyi phub po/ /sems can thams cad dang chos thams cad du rtogs pa'i rang bzhin med pas rkang pa'o/ /yang dag pa'i ye shes 'ching bas zhags pa'o//'jig rten gsum las rgyal bas na gzhu'o/ /stong pa nyid kyis na rgyu ma'o/ /shes rab kyi pha rol tu phyin pa ni dril bu'o/ /chos thams cad byed pa po nyid kyis lag pa'o/ /chos thams cad bdag med pa nyid kyis na dur khrod kyi ras so//chos thams cad stong pa nyid kyis phug pa nyid kyis skyes bu gsal shing la btsugs pa'o/ /chos thams cad 'od gsal ba nyid kyis na me thab bo/ /dam tshig dag pa nyid kyis na thod pa btung bas bkang ba'o/ /bdud rnams bsdigs pa nyid kyis sdigs mdzub bo/ /sku gsung thugs rnams ro gcig pa nyid kyis 'phan rtse gsum pa'o//chos thams cad 'od gsal sgyu ma lta bu nyid kyis na rlung gis bskyod pa'i ba dan no/ /rmongs pa'i glang po dral bas na/ glang po'i pags pa'o/ /zhabs g.yas kyi gdan brgyad ni dngos grub chen po brgyad rnam par dag pa'o//mig sman ri lu/ ral gri gser 'gyur/ bcud len rkang byug /so 'og/ phyag rgya chen po'o/ /zhabs g.yon rnams kyi gdan ni bya rgod la sogs pa brgyad ni dbang phyug brgyad rnam par dag pa ste/ 'dod pa rmongs pa/ /khro ba ser sna/ 'jigs pa grags gtsang smre/ ngo tsha ba phra ma/ khams gsum gyi mnga' bdag nyid kyis ma he'i gdong pa can no/ /rwa gnyis kyis bden pa gnyis rnam par dag pa'o/ /mkhas pa chen po ta thA ga ta rak+Shi tas mdzad pa'o/ /u to bo pa ti dang / bod kyi lo tsA ba mal gyo blo gros kyis bsgyur ba rdzogs so// //