CLOSE WINDOW

D2002
བོད་ཡིག

/b+hi ra ba'i zhi ba'i bya ba bdun pa/ paN+Di ta a mo g+ha chung bas mdzad pa rdzogs so// //dpal rdo rje 'jigs byed la phyag 'tshal lo/ /[ ]@##/ /drag po'i las kyi bya ba bdun bshad par bya ste/ de la dang por mchod sbyin bya ste/ 'phags pa mchod pa dang / 'gro ba la sbyin gtong btang ba dang /bla ma la sogs pa spyan drangs te/ ji ltar 'byor pa'i yon tan phul nas/ bka'i gnang ba dang / smon lam nod par bya'o/ /mchod sbyin bya ba'i cho ga ste dang po'o// //da ni gtor ma'i las bshad de/ de nas nyi ma gnyis pa la me tog nag po dang / sha chen po'i bdug spos dang / til chen po'i mar me dang / bdud rtsi rnam lnga dang ldan pa'i dri chab dang / bshos gtsang kyang mi la sogs pa'i gdong pa can kyi sha dang / rta dang bong bu dang / rnga mo la sogs pa phyugs sna tshogs kyi sha dang / khyi dang wa la sogs pa gcan gzan sna tshogs kyi sha dang /gang na bya rgod dang 'ug pa la sogs te/ 'dab chags sna tshogs kyi sha las byas pa'i bshos gtsang dang / gtor ma du 'byor pa bya'o/ /gzhan las kyi gtor ma cha gcig 'bru nag po dug sna tshogs dang / mi dang khyi dang ra'i khrag dang / lcags phye dang / rdo phye dang /skye tshe dang / lan tshwa dang sbyar ba dag kyang gzhag go/ /de nas sngags pa bdag nyid chas gos nag po gon nas kha lho phyogs su bltas te/ lha'i ting nge 'dzin khro bor bsgom pa ma gtogs pa mchod pa'i rang bzhin las bdun bzhin bsgom par bya'o/ /de la re zhig dang por oM swa b+hA wa shud+haHsarba d+harmAHswa b+hA wa shud+d+hou0f85haM/zhes brjod de/ chos thams cad bdag med pa'i bdag nyid du bsgom par bya'o/ /de nas nam mkha'i dkyil du yi ge yaM las grub pa rlung gi dkyil 'khor du gyur ba'i steng du yi ge a las zla ba'i dkyil 'khor du bsams te/ de'i steng du yi ge laM las 'jam dpal gzhon nu sku mdog ser po ut+pal bsnams pa zhig tu bskyed do//de'i thugs kar A ring po las nyi ma'i dkyil 'khor bskyed de/ de'i 'od zer gyis phyogs bcu mtha' yas pa'i rgyal ba sras dang bcas pa spyan drangs nas/ slar de nyid la zhugs pas thams cad kyang nyi ma'i dkyil 'khor 'od zer 'bar bas dpag tshad brgya stong du khyab par bsam mo//de'i steng du hUM nag po 'od zer lnga dang ldan pa 'phros pas snga ma bzhin du de nyid la zhugs pas/ rdo rje chen po kha gdengs pa 'od zer 'phro ba cig tu gyur te/ sku mdog bsdus pa sbyor bas 'jigs byed chen po'i skur gyur par bya ste/'di ltar 'jigs byed chen po zhal dgu pa/ phyag sum cu rtsa bzhi pa/ zhabs bcu drug pa/ sku las bskal pa'i me 'bar ba/ zhal nas 'jigs pa chen po'i pheM skad gnam du 'don cing / bskal ba'i 'brug lta bu'i gdangs skad can/ rkang pa'i stabs kyis sa gzhi gnon pa/mi mgo'i phreng ba dang thod pa'i dbu rgyan can gcer bu mtshan ma gyen du bgreng ba/ zhal dgu la ma he dang / g.yas kyi zhal gsum ni mthing ga dang / dmar po dang ser po ste khros pa'o/ /g.yon pa'i zhal gsum ni dkar po dang / dud ka dang nag po'o//rwa gnyis kyi dbus kyi zhal dmar po'o/ /de'i steng du kun du bzang po ser ba'o/ /phyag g.yas pa na kArta ri dang / b+hi ti pa la dang gtun shing dang / chu gri dang ka na ya dang / sta re dang mdung dang / mda' dang lcags kyu dang / dbyug to dang / kha T+wAM ga dang 'khor lo dang rdo rje dang / rdo rje tho ba dang ral gri dang rnge chung bsnams pa'o/ /phyag g.yon na pA la dang mgo bo dang / phub dang rkang pa dang / zhags pa dang gzhu dang / rgyu ma dang dril bu dang / lag pa dang dur khrod kyi ras dang / dpal rtses phug pa'i skyes bu dang / me thab dang thod tshal dang / sdigs mdzub dang / ba dan lce gsum pa dang / rlung gi ras bsnams pa/ phyag gnyis glang po che'i lpags rlon 'dzin pa'o/ /g.yas kyi zhabs rnams kyis mi dang ma he dang / khyu mchog dang bong bu dang rnga mo dang khyi dang / lug dang wa rnams brdzis pa'o/ /g.yon gyi zhabs rnams kyis bya rgod dang 'ug pa dang /bya rog dang su kar dang / khra dang / bya rgod chen po dang / ma dri dang / bzhad rnams brdzis pa ste/ de lta bu bsam mo/ /de nas bdag gi snying ga'i 'od zer gyis ye shes kyi gnas nas spyan drang bar bya ste/ oM hrIHb+ho b+ho ma hA kro d+ha A gats+tsha gats+tsha/ asma ta pU dza pra ti ti gr-ih+NA pra sA d+haM/me d+hIHmaM ku ru swA hA/ zhes spyan drangs te/ mngon sum du dmigs la/ oM hUM hUM phaT phaT ces bya bas bdud rtsi lnga dang ldan pa'i chus sku khrus gsol lo/ /de nas dmar gyi ar+g+ha dbul lo/ /oM hrIHSh+T+riHha zhes so/ /de nas me tog la sogs pa dbul te/ oM ku mA ra rU pi Ni dziHdzaHhUM ho zhes brjod de/me tog nag po 'bul lo/ /oM hrIHha ha he he phaT ces sha chen po bdug spos dbul lo/ /oM dIp+ta lo tsa ni wi kr-i tA na na ma hA aT+TA T+Ta hA sa na di ni dIp+ta dIp+tA ya swA hA/ zhes til chen po'i mar me dbul lo/ /a hrIHha ha he he phaT phaT ces sna tshogs kyis bshos gtsang dbul lo//oM wi kr-i tA na na duSh+Ta satwa da ma ka gaHgaHzhes bdud rtsi lnga dang ldan pa'i dri chab dbul lo/ /mnyes par bsam mo/ /de nas bdag gi 'khor yug thams cad du/ /gshin rje dang ro langs dang / mkha' 'gro ma dang pho nya mo la sogs pas yongs su gang bar dmigs la/ gsang sngags 'dis gtor ma sbyin no//oM kA la rU pa sar+b+ba satwa da ma ka ma hA b+hU ta pa ti i daM ba liM gr-ih+Na gr-ih+NA pa ya swA hA/ zhes sbyin no/ /de nas las kyi gtor ma la/ oM hrIHSh+T+riHwi kri tA na na sarba sha trUM nA sha ya staM b+ha ya hUM phaT ces brjod cing bsgrub bya sngon du dmigs nas de la gtor ma zhing des zos par dmigs la gtor ma dang /sngags kyi 'od zer yang dud pa 'dra ba la 'od sngon dmar du 'khyud pa/ dug gi rang bzhin du gyur pa de la thim pas/ sha rul pa bzhin bsam zhing gtor ma gtang bar bya'o/ /drag po'i gtor ma'i las te gnyis pa'o// //da ni drag po'i bzlas pa'i las bshad do//dang por rdo rje 'jigs byed kyi sbyor ba ji ltar sngon du brjod pa bzhin dmigs te/ me tog la sogs pa'i mchod pa lnga dang / sbyin gtong sbyin nas bzlas pa la 'jug par bya'o/ /der bdag nyid rdo rje 'jigs byed sngon du brjod pa'i rim pas bskyed pa'i snying gar A ring po las nyi ma'i dkyil 'khor du gyur pa'i steng du bzlas pa'i yi ge bsgom par/de las 'od zer me sngo nag tu 'bar ba rlung nag pos rab tu bus pa 'dra ba/ rab tu rno ba lcags kyi pha bong yang skad cig tsam gyis med par byed pa rab tu 'phro ba bsgom mo/ /des bsgrub par bya ba bdag gi mdun na mdangs bral ba lha dang bral ba gos med pa gcer bu skra lhug par 'dug pa/yan lag thams cad gnam lcags 'bar bas bcings pa/ rma dang shu ba'i phreng bas rgyus pa/ de lta bu bsams nas/ de'i lus thal ba'i phung po bzhin du bsregs te/ sems mar me chus bsad pa bzhin bsam zhing gsang sngags brjod par bya'o//de la gsang sngags 'di'o/ /oM ya ma rA dza sa do me ya/ ya me do ru Na yo da ya/ ya da yo ni ra ya k+She ya/ yak+She yats+tsha ni rA ma ya/ che ge mo mA ra ya phaT phaT/ 'di ni rtsa ba'i sngags te/ las thams cad pa'o/ / oM hrIHSh+T+r-iHwi kr-i tA na na che ge mo mA ra ya hUM phaT/ 'di ni las kyi sngags te/ las thams cad pa'o/ /bzlas pa brjod nas yang mchod pa phul la/ mi dmigs pa'i dbyings su bsdu bar bya'o/ /'di dag zhing chen gyi steng na 'dug ste/ kha lho phyogs su bltas nas lus dri chen gyis byugs te/mig tshugs sdang mig mi 'gyur bar bsgrub par bya sngon du dmigs pa lta zhing ma he khros pa bzhin du 'dug ste/ dung chen po'i phreng ba thogs te/ chas gos nag po gon nas gsang sngags bzlas par bya'o/ /drag po'i bzlas pa'i las te gsum pa'o// // da ni drag po'i sbyin sreg gi las bshad de/ dur khrod dam lam gyi bzhi mdo'am shing rkang gcig gi drung ngam/ 'thab mo'i gnas la sogs par mar gyi ngo bo nam phyed na song ste/ dang por sbyang bar bya'o/ /re zhig dang por lha'i ting nge 'dzin dang ldan pas gtor ma bsngos te/ bka' bsgo bar bya'o/ /de nas yi ge hUM rab tu 'bar ba'i 'od zer gyis sa skyon thams cad dag par bsam zhing sa sbyang ba'i rim pa'o/ /de nas thab brtsig par bya ste/ thab khung gru gsum khru gang pa zabs su khru phyed par bgos te/ kha khyer sor bzhi par byas la/ dbus su rdo rje nag po 'bar ba sor brgyad pa gcig dgod/nang 'khor yug tu dur khrod kyi sol ba dang / thal chen dang rak+ta bsres te byug /kha khyer rdo rje ra ba dang / mi thod kyis bskor/ khor yug tu sngo nag gi phreng bas bskor ro/ /thab brtsig pa'i rim pa'o/ /de nas sreg rdzas bsogs te me tog nag po la sogs pa'i sngon du bsogs pa'i mchod pa lnga dang /bdud rtsi rnam pa lnga dang ldan pa'i bsang gtor dang / dur khrod kyi mgal dum gyi bud shing dang / shing gdug pa tsher ma can gyi rtsa ba las byas pa'i sha ka te'u sor bzhi pa la yon por bzhogs pa dang /khrag dang thal chen dang tsha ba'i rdzas kyi nang du sbangs la/ 'bru tshwa ba nag po las byung ba'i mar khu dang / mi rus dang dri chen dang / bong bu'i rtugs pa dang / tsher ma dang skra dang sen mo rnams mar nag po dang sbyar te bsag go/ /rdzas bsag pa'i rim pa'o//de nas sngags pas chas gos nag po dang ldan pas/ kha lho phyogs su bltas te/ dur khrod kyi mgal dum gyi shing gis thab khung gru gsum du brtsigs so/ /rak+ta dang tsha ba'i mar gyis kyang bran par bya'o/ /shing gi brtsig pa'i rim pa'o// //de nas sngags pa bdag nyid dpal rdo rje 'jigs byed kyi ting nge 'dzin sngon du brjod pa'i rim pa bzhin du zhugs te/rigs ngan gyi me'am/ rdo rje nag po las byung ba'i me blangs te rlung yab kyis sbar bar bya'o/ /de'i dbus su raM nag po las me lha mdog nag po me gru gsum gyi steng na 'dug pa zhal gcig phyag bzhi pa/mig gsum pa/ skra gyen du brdzes pa/ rlung nag po 'tshub pa'i nang du bzhugs pa/ lus las me nag po 'phro ba/ tshangs skud nag po can/ phyag na rdo rje dang bgrang phreng dang dbyug pa dang gun+d+he bsnams pa bzhi bskyed do/ /lcags kyu'i phyag rgya bcings la/ oM kro d+ha ag+na ye a/de nas bdag gi thugs ka nas 'od zer lcags kyu dang 'dra ba 'phros te/ ye shes kyi me lha de dang 'dra ba cig spyan drangs la/ shar lho mtshams su gzhug par bya ste/ lcags kyu'i phyag rgya bcings la/ oM kro d+ha ag+na ye A gats+tsha ma ma sarba sha trUM mA ra ya hUM phaT/ ces brjod pas zhal bsil gsol nas/dam tshig gi me lha dang gnyis su med par gzhug par bya'o/ /de nas me tog la sogs pa'i mchod pa lnga dbul te/ oM kro d+ha ag+na ye badzra gan+d+he hUM dri'o/ /oM kro d+ha ag+na ye badzra nai bi d+ye hUM/ bshos gtsang gi'o/ /de nas sreg rdzas rnams dbul zhing /oM kro d+ha ag+na ye ma ma sarba sha trUM ma ra ya hUM phaT/ ces bya ba'i sngags kyis brgya rtsa brgyad du sbyin sreg bya'o/ /de nas yungs kar thab tu gtor la gsang sngags de nyid kyis phrin las bcol lo/ /de nas rdo rje dril bu blangs te/ tshigs su bcad pa 'di brjod do/ / srid pa rang bzhin gyis dag phyir/ /ngo bo nyid kyis dag par byed/ /rang bzhin dag pa'i sems dpa' rnams/ /dag pa'i srid pa byed pa'o/ /zhes brjod nas me thab lan gsum bskor bar bya'o/ /me lha mchod pa'i rim pa'o// //de nas me lha de me 'bar ba'i rang bzhin du gyur par bsams te/de'i dkyil du yi ge hUM nag po las dpal rdo rje 'jigs byed rab tu 'khrugs pa zhal rab tu gdangs/ gru gsum du 'dug pa/ sku dang zhal gsum du me smug nag 'bar ba cig chu bsam mo/ /de nas bdag gi snying nas 'od zer lcags kyu 'dra ba 'phros pas/ye shes kyi dpal rdo rje 'jigs byed spyan drangs te/ lcags kyu'i phyag rgya bcangs la/ oM hrIH b+ho b+ho ma hA kro d+ha A gats+tsha A gats+tsha pU dza pra ti gr-ih+NA pra sa d+ha me d+hI maM ku ru swA hA/ zhes brjod pas thab kyi dkyil du gnyis su med par bsam par bya'o/ /de nas bdud rtsi lnga dang ldan pa'i zhal bsil dbul te/oM hUM hUM phaT phaT ces sku khrus gsol te/ oM hrIHSh+T+r-iHa zhes dmar gyi ar+g+ha phul nas/ de nas mchod pa rnam lnga dbul te/ oM ku mA rA ru pi Ni dzaHdzaHhUM ha/ me tog nag po'i'o/ /gtor ro/ oM hrIHha ha he he phaT phaT/ sha chen po'i bdug pa'i'o/ / oM dIp+ta lo ts+tsha ni wi kr-i tA na na ma hA aT+Ta T+Ta hA sa na di ni dIp+ta dIp+tA la swA hA/ til chen po'i mar me'o/ /wi kr-i tA na na duSh+Ta satwa da ma ka gaHgaHbdud rtsi lnga dang sbyar ba'i dri'o/ /de nas sha la sogs pa'i bshos gtsang dbul/ oM hrIHSh+T+r-iHye de nas mar la sogs pa'i sreg rdzas dbul bar bya ste/oM hrIHSh+T-iHwi kr-i tA na na hUM/ che ge mo mA ra ya phaT/ ces brgya rtsa brgyad dbul bar bya'o/ /yungs kar la sngags de nyid kyis bzlas te phrin las bcol lo/ /de nas rdo rje dril bu blangs te/ tshigs su bcad pa 'dis bstod pa/ /srid pa'i rang bzhin gyis dag phyir/ /ngo bo nyid kyis dag par byed//rang bzhin dag pa'i sems dpa' rnams/ /dam pa'i srid pa byed pa'o/ /zhes bya ba dang / chos sku ngo bo nyid kyi thugs/ /sangs rgyas rnams kyi rang bzhin sku/ /chos nyid 'jam pa gsung gi bdag /gdod nas grol ba'i rang bzhin te/ /blo gros chen po'i bdag nyid la//gus pas mchod de bstod phyag 'tshal/ /snying rje chen po'i thugs ldan pas/ /'jigs byed chen po'i tshul ston pa/ /rngam pa'i gsung ni 'jigs pa la/ /mi 'jigs sems kyis rab tu gus/ /zhes bstod nas/ de nas sreg rdzas lhag ma rnams me lha la phul nas/bskor bar bya ste/ gsang sngags 'dis gshegs su gsol lo/ /oM dza ya dza ya su dza ya/ bi shwa rU pa d+ha ri Ni gats+tsha swa s+thA naM kri taM te na/ ta thA ga ta na/ sarba b+hu taSh+tsa bi sardza ya/ ma ma kAr+yaM ku ru swA hA/ de nas oM muHzhes pas ting nge 'dzin bsdus te/ thab khung legs par sbas te gzhag go//drag po'i sbyin sreg gi las te bzhi pa'o// //de nas drag po'i 'khor lo'i las byas te/ dur khrod kyi ras la dug dang khrag dang / ske tshe dang lan tshwa dang dri chen la sogs pa'i bdug pa'i rdzas kyis legs par byugs la snag tsha yang rdzas de rnams dang / shing da du ra dang / ka na ka'i khu ba dang / dur khrod kyi sol ba sbyar te bya'o/ /bdag nyid kha lhor bltas te lha'i rnal 'byor dang ldan pas 'khor lo bri ste/ dbus su le tshe bcu drug dang / mu khyud gsum gyis bskor ba/ mu khyud de dag re re la yang / re mig sum cu rtsa gnyis dang ldan par bri'o//de la yi ge dgod pa ni dbus su ya chen po cig bris te/ de'i nang du gang la bya ba'i ming bskul tshig can gyis bskor/ de'i dbus su ming gi yi ge dang po bri'o/ /de nas rim pa gnyis pa la phyogs bzhir mar me dak+She bzhi bri/ de nas rim pa gsum pa la/ rA dza sa do ru Na yo ni rA ya tsa ni/'di rnams bri'o/ /phyag rgya be con bcas te bya rog gi sgo'am rus chen bri bar bya'o/ /yi ge bcu pa'i gsang sngags dran par bya'o/ /mu khyud kyi yi ge ni dang por dbyangs yig lan gnyis dgod/ mu khyud bar ma la ka yig dang / nga nya bor ba sum cu rtsa gnyis dgod/tha ma la phaT sha stag dgod do/ /dbus kyi rim pa gnyis pa la ma la sogs pa yi ge bzhi'i g.yas g.yon du hUM re re dang spel/ de'i phyi rim du ra la sogs pa'i yi ge bcu gnyis kyi gnas su yi ge bcu gnyis pa dang bsgrub bya'i ming spel te bri'o/ /de lta bu'i 'khor lo gnyis bris te/de yang sa skor log par bri/ gnam skor rim pa bzhin bri/ de yang gshin rje'i lto bar tshud par bri'o/ /de nas mchod pa dbul te/ bde ba'i byin rlabs dmigs par byas nas/ de dag kha sbyar te thod pa'am kham phor sar pa'i ga'u kha sbyar du gzhag go/ /ga'u 'og ma'i nang du rlung gi dkyil 'khor la/oM che ge mo A be+e sha a a zhes bri/ rgyab tu sna tshogs rdo rje bri/ gong ma'i nang du me'i dkyil 'khor ra~M` gyis mtshan pa bri/ rgyab tu ri rab 'khor dang bcas pa rtse brgyad kyis mtshan pa/ dbus su sna tshogs rdo rjes mtshan pa bri'o/ /ga'u gnyis kyi bar du sgo cung zad cig bya ste bzhag la/phyis ga'u mdar ram zhugs pa mthong nas kha gcad/ skud pa nag pos dkris shing btag nas man 'ji'i steng du bzhag ste/ dug sna tshogs kyi me la tsha bar gyur pa tsam du bsros shing lha'i rnal 'byor dang ldan pas kha lhor bltas te gsang sngags bzlas par bya'o//de la dang por sngon du brjod pa bzhin du/ sngon du dpal rdo rje 'jigs byed chen por bskyed la spyan drang ba dang / mchod pa dang gtor ma bsngo ba snga ma bzhin byas nas/ skud pa lag pas bzung nas dung chen po'i phreng ba thogs te bzlas par bya'o/ /dmigs pa ni bdag gi gsang sngags dang /'khor lo'i sngags las 'od zer dug gi mi nag po 'phros/ bsgrub bya de na gnas pa bsres te/ dur khrod kyi thal chen ltar gyur cing / de'i sems chus mar me gsad pa ltar gyur par bsam mo/ /de yang nyi ma dang po la/ oM ya ma ra dza sa do me ya/che ge mo pra ma ya ku ru hUM phaT/ ces bar chad med par khri phrag gcig bzlas so/ /nyi ma gnyis pa la/ ya me do ru Na yo da ya che ge mo rak+ta tsarba ya hUM phaT/ ces khri phrag gcig go/ /gsum pa la ya da yo ni ra yak+She ya che ge mo mu rtsa pa ya hUM phaT/ ces khri phrag gcig go//bzhi pa la yak+She yats+tsha ni rA ma ya/ che ge mo mA ra ya hUM phaT/ ces khri phrag gcig go/ /sgrub pa'i grogs mchog gis dus gsum du mchod pa dang gtor ma sbyin par bya'o/ /de nas nyi ma bzhi pa'i mtshan phyed na dur khrod dam/ 'byung po drag po gnas pa'i sar khru gang brkos te sbas nas gshin rje la gtad do//de'i sbyor ba ni 'di yin te/ grog mkhar gyi sa las gshin rje'i mi khru gang gi tshad la/ kha cig lag na ral gri dang zhags pa thog pa cig bya ste/ de'i lto bar ga'u bcug nas de la gtor ma dang / dmar gyi ar+g+ha byin te 'di skad ces bsgo'o//chos kyi rgyal po khyod kyis lta na srid pa gsum gyi sems can mi gnas pa med do/ /deng dkon mchog mchog gsum gyi bkas/ sems can 'di zung shig /sems can 'di ni dus gsum gyi rgyal ba rnams kyi bstan pa 'jig par byed pas/ 'jig rten du thar pa'i lam ni 'gegs shing /ngan 'gro'i lam 'byed pa ste/ de bas 'di khyod kyis zung shig /de la bcom ldan 'das 'jam dpal gzhon nu dang / dpal rdo rje 'jigs byed kyang dgyes par 'gyur ro zhes brjod do/ /de dang der kha sbub tu mgo bo lho phyogs su bstan te sba bar bya'o//de nas rang gi gnas su 'ongs te/ gsang sngags rjes su bskul bar bya'o/ /las grub pa dang de nas phyung ste/ 'o ma dang chus bkrus te mchod pa gtsang mas bshags pa dang / bzod par gsol te btang ngo / /las kyi skabs 'dir chas gos nag po dang /