CLOSE WINDOW

D1997
བོད་ཡིག

rwa rdo rje grags kyis phyis bsgyur ba'o/ /[ ]@##/ /rgya gar skad du/ ma hA badzra b+hai ra ba ho ma bi d+hi nA ma/ bod skad du/ rdo rje 'jigs byed chen po'i sbyin sreg gi cho ga zhes bya ba/ dpal rdo rje 'jigs byed la phyag 'tshal lo/ /bgegs rnams ma lus 'joms mdzad pa'i//dpal ldan rdo rje 'jigs byed la/ /kun nas dang bas phyag 'tshal te/ /de yi sbyin sreg cho ga bshad/ /gang yang rgyud rnams thams cad du/ /sbyin sreg cho ga med pa la/ /dngos grub 'byung bar mi 'gyur te/ /de bas sbyin sreg la 'jug bya//de la sbyin sreg gi rim pa ni slob dpon dbang bskur ba dang ldan pa/ /snying rje che ba/ brtson 'grus dang ldan pa/ bla ma la gus pa des dur khrod la sogs pa rgyud las gsungs pa'i gnas yid du 'ong bar lha'i nga rgyal gyis gnas la sngags kyi bzlas pa bya ste/ sngon du bsnyen pa bya'o//thab kyi tshul ni gnyis te/ ro bsregs pa'i sa'am/ yang na khyim gyi phyogs gcig tu thab bya'o/ /khyim du thab bya ba ni gru gsum pa rgyar khru gang dpangs su de'i phyed la kha khyer sor gsum pas kun nas bskor ba/ ro bsregs pa'i thal ba dang / sol bas kha dog nag por byas la/ khro bo'i rdo rjes mtshan pa/ dri chen dang bong bu dang / rnga mo'i rtug pas byugs pas bsad pa la sogs pa'i las bsgrub par bya'o/ /thab kyi dbang du byas pa'o/ /ro bsregs pa'i sa'am/ thab khung du rdzas gzhag pa ni mchod pa'i rdzas me tog nag po dri mi zhim pa dang /sha'am/ khrag gi dri spos dang / me mar chen po'i mar me dang / dri chu'i dri chab dang / mi la sogs pa'i sha'i lha bshos dang / khrag dang / zhag dang / tshil dang bcas pa'i mchod yon la sogs pa'i chu snod rnams ni rang gi g.yon du gzhag par bya'o/ / mi'i rus pa dang / dri chen dang / bong bu dang / rnga mo'i rtug pa dang shing tsher ma can dang / dur khrod kyi yam shing dang / tsha ba'i mar nag dang / skra dang sen mo la sogs pa'i sreg rdzas rnams ni g.yas phyogs su gzhag par bya'o/ /rdzas dgram pa'i rim pa'o/ /de nas sgrub thabs las gsungs pa'i rim pas rang lha'i rnal 'byor byas la mchod rdzas dang /sreg rdzas thams cad byin gyis brlab par bya ste/ /oM hrIHSh+T+r-iHa zhes pas mchod yon lan gsum mam bdun gyi bar du mngon par bzlas la gzhug par bya'o/ /de bzhin du oM hUM hUM phaT phaT ces bya bas bsang gtor bya ba dang /oM ku mA ra rU pi Ni dza dza zhes bya bas me tog dang / oM hrIHha ha he phaT phaT/ ces bya bas bdug spos dang / oM dIp+ta lo tsa ni wi kr-i tA na na ma hA aT+Ta ha sa ni dIp+ta dIp+tA ya swA hA/ zhes bya bas mar me dang / oM wi kr-i tA na na duSh+Ta satwa dA ma ka gaHgaHdri'o/ /oM kA la rU pa sarba satwa da ma ka ma hA b+hU ta ba ti i daM ba liM gr-ih+Na gr-ih+NA pa ya swA hA/zhes bya bas lha bshos kyi ste/ de kho na nyid kyis gtor ma la yang mngon par bsngags la/ gong du gsungs pa'i bsang gtor gyis rdzas thams cad dang / thab khung la sogs pa la bsang gtor bya'o/ /rdzas byin gyis brlab pa'i rim pa'o/ / de nas bud shing dang me blang bar bya ste/ bud shing ni ro bsregs pa'i mgal dum mam/ shing tsher ma can gyi rtsa ba'i cha las byung ba'o/ /shing tsher ma can ni/ nim pa dang / seng ldeng dang / ko bi da ra dang / ba la da ka la sogs pa'o/ /de la me yang ro bsregs pa'i sa'am/ gdol pa'am/ sme sha can nam/ rdo las byung ba yang rung ste/ rab tu sbar bar bya'o/ /bud shing dang me gnyer ba'i dbang du byas pa'o/ /de nas ji lta ba bzhin du bsang gtor byas nas me sbar bar bya ste/ oM dz+wa la dz+wa la hUM hUM phaT phaT ces pas mngon par bsngags la/ 'og tu yang yi ge yaM yongs su gyur pa las gzhu lta bus spor bar byed par bsam mo//me sbar ba'o/ /de nas hUM gis thab khung bskyed la/ dam tshig gi me lha 'di ltar bskyed par bya ste/ dza las nyi ma'i dkyil 'khor/ de'i steng du raM yongs su gyur pa las me'i dkyil 'khor gru gsum pa/ oM AHhUM gis 'khor lo dang /pad+ma dang / rdo rjes mtshan pa'o/ /de yongs su gyur pa las/ khro bo'i me lha shin tu drag cing khro bar byed pa/ 'jigs pa dag kyang shin tu 'jigs par byed pa'o/ /skra kham pa gyen du 'bar ba 'od zer brgya stong du mas brgyan pa zhal gsum pa/ phyag drug dang ldan pa/rtsa ba'i zhal nag po/ g.yas pa dkar ba/ g.yon pa dmar ba/ phyag g.yas na rdo rje dang / spyi blugs dang / skyabs sbyin no/ /phyag g.yon pa rnams la dril bu dang / dbyug pa dang / bgrang phreng rnams 'dzin par bsgom par bya'o/ /sngags 'dis gnyug mar gnas pa'i me lha spyan drang bar bya ste/oM e h+ye hi ma hA b+hU ta de wa r-i Shi satwa ma a hu ti rasmin san+ni hi to b+ha wa kro d+ha ag+ne ma ma sha trUM mA ra ya phaT phaT ces pas thab kyi g.yas phyogs su bzhag la dgug pa dang / gzhug pa dang / bcing ba dang / dbang du bya ba dang / khrus kyi cho gas khrus byas te/thab kyi dbus su bsam par bya'o/ /me lha'i dbang du byas pa'o/ /de nas mchod yon la sogs pa'i mchod pa rnams dbul bar bya ste/ gong nas gsungs pa'i rim pas mchod pa thams cad kyis yang dag par mchod nas/ dgang blugs gsum mam bdun yungs mar dang bcas pas zhal shin tu gdangs par dbul bar bya'o//de'i sngags ni 'di yin te/ oM a na la ma hA b+hU ta dz+wa la ya sarba b+hasmiM ku ru sarba duSh+Ta ma na che ge mo mA ra ya hUM phaT ces bya bas dbul bar bya'o/ /de nas sreg blugs dbul bar bya ste/ shing tsher ma can gyi yam shing sor drug pa kha dog nag po dang yungs mar la sogs pa'i rdzas rnams la sngags 'di bzlas te gsad pa'i las bya'o//oM hrIHSh+T+r-iHwi kr-i tA na na ma ma sha trUM mA ra ya hUM phaT ces gsad par bya'o/ /b+hi de sha ya zhes pa ni dgar ba'o/ /uts+tsha Ta ya zhes pa ni bskrad pa'o/ /mo ha na zhes pa ni rmongs pa'o//staM b+ha ya zhes pa ni rengs pa'o/ /um+ma na da zhes pa ni smyo ba'o/ /A kaR+Sha ya dzaHzhes pa ni dgug pa'o/ /raSh+Ta ba da sha ya zhes pa ni grong khyer dkrug pa'o/ /wa shiM ku ru zhes pa ni dbang du bya ba'o/ /de dag rtsa ba'i sngags sam/ snying po'am/ nye ba'i snying po'am/gang yang rung bar bsngags la ming spel la/ las thams cad bsgrub par bya zhing tha ma yang dgang blugs gsum mam/ yang na bdun phul la mchod pa ni me lha mchod pa'i cho ga ste/ 'jig rten pa'i me lha mchod pa'i rim pa'o/ /de nas me lha de'i snying gar yang rung ste/bcom ldan 'das rdo rje 'jigs byed ji skad du bshad pa'i sku mdog dang phyag mtshan du ldan pa bsgom pa ni nyi ma'i dkyil 'khor la gnas pa'i yi ge hUM yongs su gyur pa las zhal dgu pa/ zhabs bcu drug pa/ phyag sum cu rtsa bzhi dang ldan pa'o/ /rtsa ba'i zhal ma he'i gdong can no//rwa g.yas pa'i phyogs kyi zhal gsum ni sngon po dang / dmar po dang ser po shin tu khros par bya'o/ /rwa g.yon pa'i phyogs kyi zhal gsum ni dkar po dang / nag po dang / dud ka'o/ /rwa gnyis kyi bar gyi zhal ni dmar po/ de'i steng gi zhal ni ser ba cung zad tsam khro ba dang bcas par bsam par bya'o//phyag g.yas pa rnams la gri gug dang / thag mdung dang / gtun shing dang / gtub mtshon dang / rdo rje rtse gcig pa dang / sta re dang / mda' dang / lcags kyu dang / dbyug to dang / kha T+wAM ga dang / 'khor lo dang / rdo rje tho ba dang / ral gri dang / cang te'u bsnams pa'o/ /phyag g.yon pa rnams la ni thod pa dang / a ko tse dang / phub dang / rkang pa dang / zhags pa dang / gzhu dang / rgyu ma dang / dril bu dang / lag pa dang / dur khrod kyi ras dang / gsal shing dang / me thab dang / tshod tshal dang / sdigs mdzub dang /'phan rtse gsum dang / rlung gi ras rnams so/ /phyag dang po gnyis kyis ni glang po che'i pags pa 'dzin pa bsam par bya'o/ /zhabs g.yas pa rnams kyis ni mi dang / ma he dang / bong bu dang / rnga mo dang / glang dang / khyi dang / lug dang / wa rnams mnan pa'o/ /zhabs g.yon pa rnams kyis ni bya rgod dang /'ug pa dang / bya rog dang / seng ge dang / khra dang / bya chen dang / srin bya dang / khrung khrung rnams mnan par bsgom par bya'o/ /de nas sngags 'dis ye shes sems dpa' spyan drangs par bya ste/ oM hrIHb+ho b+ho ma hA kro d+ha A gats+tsha ya A gats+tsha yA sma da pU dza pra ti gr-ih+Na pra sA d+ha me d+hi man ku ru sha trUM mA ra ya hUM phaT/de nas bsang gtor byas la dgug pa dang / gzhug pa dang / bcing ba dang / gnyis su med par bya ste/ 'jig rten las 'das pa'i me lha bskyed pa'i cho ga'o/ /de nas gong ma bzhin du mchod yon la sogs pa'i mchod pa bya ste/ dgang blugs dbul bar bya'o//de nas yam shing la sogs pa 'bar ba'i rdzas rnams ni bsgrub bya'i rus pa yin par bsams te/ 'od 'bar ba la bsreg par bsam par bya'o/ /mar la sogs pa zhu ba'i rdzas ni bsgrub bya'i khrag yin par bsams te zhal du dbul bar bya'o/ /dri chen la sogs pa'i rdzas ni sha chen yin par bsams te phyag tu dbul bar bya'o//de'i rim pa ni 'di yin te/ thog mar dug dang / khrag dang / ske tshe dang / lan tshwa dang / nim pa dang / da du ra dang bcas pa'i yungs mar gyi dgang blugs so/ /de nas sreg blugs kyi rim pa ni yam shing dang / mar nag dang / khrag dang / dri chen dang / dri chu dang / mi rus kyi phye ma dang / dug dang / ske tshe dang / lan tshwa dang / bong bu dang / rnga mo'i sbangs la sogs pa rnams las ling+ga byas la/ de la bsgrub bya bsgoms la gri gug gis gtub te dpal rdo rje 'jigs byed la dbul bar bya'o/ /de nas dgang blugs gsum mam bdun phul la mchod pa lngas yang dag par mchod de/dgang blugs kyi dus su ni gang 'dod pa'i dngos grub blang zhing me tog nag po las bsgrub par bya'o/ /'jig rten las 'das pa'i me lha mchod pa'o/ /de nas de kho na nyid las bsgrub par bya ste/ bsad pa la ni dug dang / khrag dang / ske tshe dang / lan tshwa dang / nim pa dang / da du ra rnams bsres la sngags dang spel nas bsreg pa'o/ /dpral ba ni bya rog dang / 'ug pa dang / yang sbrul dang / sre mong gi sha'am/ pags pas so/ /bskrad pa la ni bya rog gi sha'am/ rnga mo'i sbangs dang /chang rnams lhan cig bsres pa'o/ /rmongs pa ni ldongs ros dang / yung ba dang / ldong ros dmar po dang / go ro tsa na rnams sbyar bar bya'o/ /rengs pa la ba bla dang / yung ba dang / ldong ros dang / gi wang dang bcas pas bya'o/ /smyo bar bya ba la ni srin bya'i tshang dang /sha chen dang gnyis kyis bya'o/ /grong khyer dkrug pa la ni khyi dang / sbal pa dang / rus sbal gyi sha dang / rnga mo mo gsham gyi sbangs dang / byi la'i khrag rnams cha bsnyams te sbyar ba'i ri lu byas la yi ge bcu pa'i sngags bzlas pas so/ /rgyal po dbang du bya ba la ni rta'i sha dri chen dang gnyis mnyam por sbyar bas so//tha mal pa dbang du bya ba la ni glang po che'i sha byang chub kyi sems dang bcas pas so/ /bud med dbang du bya ba la ni nya'i sha dang chang rnams bsres pas so/ /dgug pa la ni bdud rtsi rnam pa lngas so/ /las rnams so sor bsgrub pa'o//de ltar las rnams bsgrubs zin nas ni dgang blugs phul la mchod pa rnams kyis mchod de sngags 'dis gshegs su gsol bar bya ste/ oM dza ya dza ya su dza ya bi shwa rU pa d+ha ri gats+tsha gats+tsha swa s+thA/ naM kr-i ta te ta thA ga ta na maH/ sarba b+hU ta bi sardza ya ma ma kar+yaM ku ru swA hA/gshegs su gsol ba'i sngags so/ /ye shes kyi lha gshegs su gsol ba'o/ /de nas rdzas lhag ma rnams me lha la phul la gnyug mar gnas pa'i me lha 'dir gshegs su gsol bar bya ste/ oM khyod kyis 'gro ba'i don kun mdzad/ /dngos grub ji bzhin stsal lags kyis//sangs rgyas yul du gshegs su gsol/ /slar yang gshegs par mdzad du gsol/ /zhes brjod par bya'o/ /'jig rten pa'i me lha gshegs su gsol ba'o/ /dam tshig bsdus te de nas nya dang sha rnam pa sna tshogs dang bcas pa'i gtor ma dpal gshin rje gshed 'khor dang bcas pa la byin nas g.yon phyogs nas lan gsum bskor ba byas te gnas par bya'o//de ltar de rnams byas las byung ba yi/ /dge ba gang des 'gro ba thams cad kun/ /sdig dang bral zhing dge ba rab 'phel nas/ /dpal ldan 'jigs byed de dang 'dra bar shog /