CLOSE WINDOW

D1988
བོད་ཡིག

rdo rje'i tshig rnam par dbye ba zhes bya ba/ rgya gar shar phyogs kyi paN+Di ta a mo g+ha badzras mdzad pa rdzogs so/ /[ ]@##/ /rgya gar skad du/ badzra tsArtsi kA karma sA d+ha nAM/ bod skad du/ rdo rje tsArtsi kA'i las sgrub pa'i thabs/bcom ldan 'das gshin rje gshed dmar po la phyag 'tshal lo/ /brtul zhugs dang ldan pa'i sgrub pa pos/ dur khrod du phyin la dben par bya ste/ zhag bdun du bsgrub par bya'o/ /mdun du maN+Dal mda' gang gi tshad kyi gru bzhi pa/ /dbus su sor nyi shu pa'i thab khung brko zhing /steng du kha khyer brtsig par bya'o/ /de la dur khrod kyi sol bas byug /de'i grwa lha sbyin gyi phyogs su bstan/ lcags las byas pa'i rdo rje rtse gcig pa sor bcu gnyis pa mdun du dgod/ 'bras phye dang lha sbyin gyi rdzas la brtag pa byas la/ arga'i lo ma la rigs dang ming bris la/ snying gar bcug la/ b+hi ku'i srad bus btags te mgo bor bcing / de'i steng du man ji'i steng du/ ko sha ka pA lar/ sha khrag gam/ gtor ma gzhag go/ /de ltar gtor ma rgyun du btang ngo / /de nas bdag nyid gshin rje'i gshed dmar po rnal 'byor dang ldan pas/mdun gyi zur der/ dpal lha mo tsaN+Di ka zhal gcig phyag gnyis pa/ sku mdog dmar nag /g.yas gri gug /g.yon thod pa khrag gis bkang ba bsnams pa/ bdag gi bka' lung nyan par bsgoms la/ dam tshig gi rdzas phul bas mnyes par bya'o//oM shrI ya mAn+ta badzra/ tsaN+Di ka /rak+ta dza Ti/ a mu kaM/ ka pa tri yan tri pa na tri/ ka bid trI/ ma hA ni tri/ ka la na tri/ pi tso ka ya/ ma tsu kho/ /u la tsa tsu tri/ kha na u ma tso/ /kho la na tso/ /badzra tsa muN+Di hUM/ pU tsa u a kha muN+Di/ i tsi mi tsi/ phu la u ma tsi/ kho khu li/ mi li tsu pa tsa ro//tsa mu N+Di/ ka ra i ka ra/ /sarba duSh+TA na/ a mu kaM/ mA ra ya phaT/ i maM ba liM/ rak+ta tsit+ta/ kha kha/ khA hi khA hi/ sarba du Sh+TAn/ a mu kaM/ mA ra ya phaT/ ces pa dang / skabs su drag po'i rdzas kyi sbyin sreg gis lha sbyin la brdeg par bya'o/ /dkyil 'khor du srog chags mun To ka la ngar sgra sgrogs pa dang /rak+ta sa mu dra byung ba dang / rdo rje rtse gcig pas lha sbyin la brdung ba dang gdab par bya'o/ /lha sbyin yi dwags dang / ming la sogs pa thab khung du sbyin sreg bya'o/ /gtor ma yang lha sbyin gyi phyogs su dor ro/ /des ma grub na lan gnyis gsum du bsgrub par bya'o//des kyang las mi byed na/ dpal rdo rje tsaN+Di ka sngon gyi thugs dam dran du gzhug pa'i man ngag bya ste/ gnad la dbab pas/ mna' bskyal ba'i dam tshig dran pa'i phyir ro/ /de ltar byas na sgrub pa po'i bsam pa 'grub par 'gyur ro/ /rdo rje tsaN+Di ka'i las sgrub pa'i thabs slob dpon chen po bram ze dpal 'dzin gyis mdzad pa rdzogs so/