CLOSE WINDOW

D1982
བོད་ཡིག

/[ ]@##/ /rgya gar skad du/ shrI badzra b+hai ra wa sA d+ha na karma u pa tsa ra satwa saM gra ha/ bod skad du/ dpal rdo rje 'jigs byed sgrub pa'i thabs dang las bya ba'i cho ga sems dpa' bsdus pa/ bcom ldan 'das 'jam dpal gshin rje gshed po la phyag 'tshal lo//rgyal ba'i dbang po 'jam pa'i dbyangs/ /mgon po dpal la phyag 'tshal lo/ /'jig rten rnams la phan pa'i phyir/ /de yi sgrub thabs bshad par bya/ /ngo bo nyid med sku mnga' zhing / /sgyu ma'i gzugs can 'byung gnas che/ /sangs rgyas rnams ni sprul pa yi//sras po thu bor rab tu grags/ /bcom ldan mgon po de nyid mkhyen/ /dpal ldan khyab bdag las kyi bdag /yid bzhin nor bu chen po ltar/ /ji ltar 'dod pa'i skur ston mdzad/ /dang por re zhig rnal 'byor pas/ /rang yid dga' ba'i gnas btsal te//ri dang nags tshal phug rnams dang / /chu 'gram dag dang mdo rnams dang / /rgya mtsho che dang nyams dga' dang / /shing gcig dang ni dur khrod rnams/ /gnas kyi bye brag bstan mod kyi/ /ji ltar dga' ba'i gnas rnams su/ /'di der sbyor ba byas pa yis//'dod pa rnams kyi 'bras bu 'byin/ /der ni bde zhing rgya che ba'i/ /stan la rnam par 'dug nas ni/ /sbyor ba 'di ni bsam par bya/ /snying ga'i mkha' dkyil pad+ma yi/ /dbus su nyi ma'i dkyil 'khor bsam/ /de dbus de nyid dam pa ni/ /ye shes lnga yi bdag nyid dge /'od zer sna tshogs 'bar ba'i bdag /thams cad kun du spro bar bya/ /sems tsam du ni gnas nas ni/ /byang chub sems kyi sdom pa bzung / /de nas sngon du brjod pa'i yi ge hUM las 'od zer 'phros pas nam mkha'i khams thams cad du rdo rje 'jigs byed kyi lha'i dkyil 'khor gyis gang bar bsams te/bya sna tshogs la zhon pa/ gzhon nu sangs rgyas kyi rgyan thams cad kyis brgyan pa/ bcom ldan 'das de rnams la mchod pa'i phyir rang gi snying gar yi ge muM bsam par bya ste/ de nas lha mo drug lta bu'i 'od zer 'phros pas phyogs bcu'i de bzhin gshegs pa rnams spyan drangs nas/dzaHhUM baM hoHzhes brjod pas mnyes pa la thug par bya ste/ yang rang gi snying ga nas lha mo'i 'od zer 'phros pas phyag byas te/ de nas mchod pa dang sdig pa bshags pa dang / phyis mi byed par dam bca' ba dang / bsod nams kyi phyir rjes su yi rang ba dang /bsod nams yongs su bsngo ba dang / de bzhin gshegs pa rnams la mya ngan las mi 'da' bar gsol ba dang / chos kyi 'khor lo bskor bar bskul ba'i yan lag bdun dang ldan pa'i smon lam bya'o/ /de nas/ dkon mchog gsum la phyag 'tshal lo/ / zhes pa'i tshig bcad brjod do/ /de nas de bzhin gshegs pa'i bka' bzhin du tshangs pa'i gnas bzhi bsgom par bya ste/ dang po byams pa bsgom par bya/ /gnyis pa snying rje bsgom par bya/ /gsum pa dga' ba bsgom pa ste/ /kun gyi tha mar btang snyoms so/ /sems can la phan pa'i bsam pa ni byams pa'o//pha rol gyi gnod pa sel ba ni snying rje'o/ /pha rol gyi don thob pa la dga' ba ni dga' ba'o/ /pha rol gyi gnod pa la btang snyoms su byed pa ni btang snyoms so/ /de nas sngags pas stong pa nyid bsgom par bya ste/ chos thams cad stong pa nyid gzung ba dang 'dzin pa rnam par spangs pa bdag nyid kyang de lta bu'i ngo bo nyid du bsgoms te/sngags 'di brjod par bya'o/ /oM shU n+ya tA dz+nyA na badzra swa b+hA wa At+ma kou0f85haM/ oM swa b+hA wa shud+d+haHsarba d+harmAHswa b+hA wa shud+d+hou0f85haM/ de nas chos thams cad stong pa nyid nam mkha' lta bu las/ /nam mkha'i dkyil du yi ge yaM las rlung gi dkyil 'khor bsams te/gzhu lta bu kha dog sngon po/ rgyal mtshan gyis mtshan pa/ du ba'i 'od zer gyis rnam par 'khrigs pa'o/ /de'i steng du yi ge raM las me'i dkyil 'khor gru gsum pa kha dog dmar po 'bar ba'i phreng bas kun du 'khrigs pa/ rdo rje'i rgyan gyis brgyan pa/ nyi ma phyed pa'i 'od lta bu'o/ /de'i steng du baM las chu'i dkyil 'khor zlum po kha ba lta bu 'od zer dkar pos kun du 'khrigs pa bum pa'i rgyan gyis brgyan pa'o/ /de'i steng du yi ge laM las sa'i dkyil 'khor gru bzhi pa/ kha dog ser po rdo rjes mtshan pa/ 'od zer ser po kun du 'khrigs pa'o//de'i steng du yi ge suM las ri rab rin po che sna bdun gyi rang bzhin ra brgyad kyis nye bar mdzes pa/ 'od zer sna tshogs kun du 'khrigs pa'o/ /de'i steng du yi ge baM las sna tshogs pad+ma/ de'i steng du raM las nyi ma'i dkyil 'khor/ de'i steng du yi ge hUM yongs su gyur pa las sna tshogs rdo rje/ de'i 'od zer las rdo rje'i ra ba dang / rdo rje'i gur dang / rdo rje'i bla re dang / mda'i dra ba dang / phyi rol me 'bar bas bskor ba'o/ /oM me di nI ba dri b+ha wa badzra ban+d+ha hUM/ oM badzra prA kA ra hUM baM hUM/ oM badzra pany+dza ra hUM yaM hUM/ oM badzra bi tA na hUM khaM hUM/ oM badzra sa ra dzA la traM saM traM/ oM badzra dz+wa la a na lArka hUM hUM hUM/de nas dpal gshin rje gshed kyi bka'i 'khor lo rtsibs brgyad pa 'od 'bar ba/ de'i steng du thams cad du pad+ma/ de'i steng du nyi ma/ de'i steng du 'jig rten skyong ba'i ro/ dbus kyi pad+ma'i dkyil 'khor gyi steng du A li kA li/ A li kA li las zla ba dang nyi ma/ de'i dbus su yi ge baM dang hUM las rdo rje tho ba bri/ de'i chang zungs la baM dang hUM gis mtshan pa/ de rnams gcig tu gyur pa las gshin rje gshed po'i sku yongs su rdzogs pa ste/ kha dog nag po cher khros pa/ /'jigs pa dag kyang 'jigs par byed pa/ /rdo rje ro langs ma la 'khyud pa/zhal drug pa/ phyag drug pa/ zhabs gnyis pa/ bcom ldan 'das ji lta ba de bzhin du bcom ldan 'das ma'o/ phyag g.yas kyi dang po na rdo rje tho ba/ gnyis pa na 'khor lo/ gsum pa na be con dkar po/ phyag g.yon gyi dang po na pad+ma/ gnyis pa na rin po che/ gsum pa na ral gri/ zhal dang po mthing ga /g.yas dmar po/ g.yon dkar po/ /g.yas gnyis pa ljang gu/ g.yon gnyis pa ser po/ steng gi zhal gnam zhal gdangs pa'o/ /ma he la bcibs pa/ zhabs g.yon brkyang ba'i stabs kyis rwa phrag brdzis pa/ ma he'i rkang pas bdud bzhi'i ro brdzis pa'o/ /de nas yab yum sbyor ba las phyogs skyong ba'i gshin rje brgyad pho nya'i gzugs 'dzin pa/ shar phyogs su ya ba ti/ lho phyogs su gshin rje chos kyi rgyal po/ nub phyogs su tel pa/ byang phyogs su glang mgo can/ dbang ldan gyi mtshams su ral pa tshar dgu/rlung gi phyogs su smrig pa/ bden bral gyi phyogs su phya sangs/ me'i phyogs su mig dmar/ gshin rje chen po brgyad po 'di rnams las ji lta ba kha dog dang / dbyibs de ltar bsgom/ de nas bdag gi ba spu'i bu ga nas 'od zer stod khro bo smad phur pa'i rtse mo 'dra ba'i gzugs phyogs bcur 'phros te/de bzhin gshegs pa rnams spyan drangs nas spyi bor bzhugs/ de bzhin du spro bsdu byed cing gsang sngags bzlas brjod bya'o/ /oM hrIHSh+T+r-iHwi kr-i tA na na hUM hUM sarba sha trUM nA sha ya staM b+ha ya phaT phaT swA hA/ snying po'i gsang sngags so//oM h+'+ri kA la rU pa hUM khaM/ nye ba'i snying po'i sngags so/ /oM hri kruM bruM truM dzuM hUM gaM/ snying po dam pa'o/ /oM hrIHhab+po ma hA kro d+ha A gats+tsha A gats+tsha asma ta pU dza pra ti gr-ih+Na pra sA d+ha me d+hI man ku ru swA hA/ spyan drang ba'o/ /oM hrIHSh+T+r-iHaHar+g+ha'i'o/ /oM hUM hUM phaT phaT/ bsang gtor gyi'o//oM wi kr-i tA na na duSh+Tas twe da ma ka kaHgaHgaHdri'i'o/ /oM ku mA ra rU pi Ni dzaHdzaHhUM ha/ me tog gi'o/ /oMhrIHha ha he phaT phaT/ bdug pa'i'o/ /oM kA la rU pa sarba satwa da ma ka ma hA b+hU ta pa ti/ iM daM ba liM gr-ih+Na gr-ih+Na pa ya swA hA/ gtor ma'i sngags so/ /oM dIp+ta lo tsa na wi kr-i tA na na/ma hA aT+TA T+TA ha sa na di ni dIpatA ya swA hA/ mar me'i sngags so/ /oM dza ya dza ya/ bi shwa rU pa d+ha ri/ gats+tsha gats+tsha swa b+hA wa naM kr-i ta te/ ta thA ga tA nAM/ sarba b+hU ta swa pi sardza ya ma ma kAr+yaM ku ru swA hA/ slar gshegs su gsol ba'i sngags so/ /gshin rje nag po bka'i 'khor lo mchod pa'i cho ga'o// //de nas dkyil 'khor bsgom par bya ste/ sngon gyi bka'i 'khor lo'i bdag po de yongs su gyur pa las gzhal yas khang du gyur te/ gru bzhi pa la sgo bzhi pa/ /twA ra Na bzhis brgyan pa/ mdor na byang chub kyi phyogs sum cu rtsa bdun gyi bdag nyid sgo rnams dang grwa rnams su rdo rje rin po ches rnam par brgyan pa/dra ba dang dra ba phyed pa/ zla ba phyed pas brgyan pa/ de'i dbus su pad+ma dang nyi ma dang zla ba'i dkyil 'khor/ grwa rnams dang sgo rnams su yang pad+ma dang nyi ma dang zla ba'i dkyil 'khor ro/ /dbus su pad+ma'i gdan stengs su A li kA li las yongs su gyur pa'i zla ba dang nyi ma'i steng du hUM las byung ba'i rdo rje/de rnams yongs su gyur pa las/ rdo rje 'jigs byed chen po kha dog nag po/ drag po chen po/ 'jigs pa dag kyang 'jigs par byed pa/ rkang pa'i stabs kyis sa gzhi gnon par byed pa/ lha dang lha min rnams la sdigs mdzub mdzad pa/zhal dgu pa/ zhabs bcu drug pa/ phyag sum cu so bzhi pa/ ma he'i mgo can/ bskal pa'i me 'bar ba lta bu'i mche ba rnam par gtsigs pa/ lce 'jib par mdzad pa/ cher 'khrug pa/ lha dang lha ma yin rnams gsol bar mdzad pa/ dbu skra kham pa gyen du brdzes pa/drag po chen po/ g.yon brkyang ba'i stabs su gnas pa/ mtshan ma 'greng ba gsus khyim che ba/ zhal dang po ma he'i zhal 'jigs pa/ lce 'jib pa'o/ /rwa g.yas pa la gnas pa'i zhal dang po mthing ga/ /gnyis pa dmar po/ gsum pa ser po cung zad khros pa'o//rwa g.yon pa la gnas pa'i zhal dang po dkar po/ gnyis pa dud ka/ gsum pa nag po khros pa'o/ /rwa brag la gnas pa'i zhal dmar po 'jigs par byed pa/ khrag 'dzag pa/ gnyis pa'i zhal ser po/ gzhon nu'i rgyan gyis brgyan pa/ zur phud lnga pa ral pa'i thor tshugs can/phyag dang po gnyis kyis glang po che'i pags pa brkyangs te 'dzin pa/ phyag gzhan g.yas kyi dang po na gri gug /gnyis pa ni b+hin+di b+hin+di pA la/ gsum pa na gtun shing / bzhi pa na chu gri/ lnga pa na ka na ya/ drug pa na dgra sta/ bdun pa na mdung / brgyad pa na mda'/ dgu pa na lcags kyu/ bcu pa na be con/ bcu gcig pa na kha T+wAM ga/ /bcu gnyis pa na 'khor lo/ /bcu gsum pa na rdo rje/ bcu bzhi pa na rdo rje'i tho ba/ bco lnga pa na ral gri/ bcu drug pa na rnge chung ngo / /g.yon dang po na thod pa/ gnyis pa na tshangs pa'i mgo bo/ /gsum pa na phub/ bzhi pa na mi'i rkang pa/lnga pa na zhags pa/ drug pa na gzhu/ bdun pa na mi'i rgyu ma/ brgyad pa na dril bu/ dgu pa na mi'i lag pa/ bcu pa na dur khrod kyi ras/ bcu gcig pa na su la bi na/ bcu gnyis pa na me 'bar ba/ bcu gsum pa na thod tshal/ bcu bzhi pa na sdigs mdzub/ bco lnga pa na ba dan/bcu drug pa na rlung gi ras so/ /zhabs g.yas kyi dang pos mi mnan pa'o/ /gnyis pas ma he mnan pa'o/ /gsum pas glang ngo / /bzhi pas bong bu'o/ /lnga pas rnga mo'o/ /drug pas khyi'o/ /bdun pas lug go/ /brgyad pas phag go/ /g.yon gyi dang pos bya rgod brdzis pa'o//gnyis pas 'ug pa/ gsum pas bya rog /bzhi pas seng ge /lnga pas khra/ drug pas nam mkha' lding / bdun pas ne tso/ /brgyad pas khrung khrung ngo / /mgo bo brgya lnga bcu'i phreng bas brgyan pa/ phyag rgya lnga yis rnam par mdzes pa/ thod pa'i phreng ba can no//grwa rnams dang sgo rnams su bgegs brgyad zhabs kyis mnan pa'i lha mo brgyad de/ bya rgod dang / 'ug pa dang / khra dang / bya rog dang / skyar mo dang / mthing ril dang / ka ka dang / rma bya dang 'di rnams rim pa bzhin brdzis pa'i lha mo gshin rje'i pho nya mo dang gshin rje'i mche ba mo dang /be con nag mo dang / dus mtshan dang / rdo rje'i lcags kyu ma dang / gshin rje zhags pa mo dang / gshin rje lu gu rgyud dang / gshin rje 'bebs ma rnams te/ 'di rnams kun kyang zhal gcig phyag gnyis pa skra lhug par 'dug pa/ gcer bu lce 'jib ma/ mche ba gtsigs pa/gdug pa thams cad 'gugs pa/ las thams cad tshul bzhin du mdzad pa/ kha dog nag po/ phyag na thod pa dang gri bsnams pa sha stag go/ /lha mo 'di rnams kyang gnas so so'i gdan stengs na/ bcom ldan 'das ji lta ba bzhin rang gi sa bon las skad cig ma'i ting nge 'dzin gyis bskyed par bya'o//bcom ldan 'das kyi mdun du dam rdzas sna tshogs pas yongs su gang ba'i thod pa bsam mo/ /dkyil 'khor gyi phyi rol du bka'i 'khor lor sngon du brjod pa'i phyogs skyong ba'i gshin rje chen po brgyad pho nya'i gzugs 'dzin par bsgom mo/ / de'i phyi rol du dur khrod chen po brgyad la/ bya sna tshogs kyis brgyan pa/ lha dang / klu dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen po la sogs pa rnams dang / gzhan yang mkha' 'gro ma dang / ma mo dang / 'byung po'i tshogs rnams ha ha zhes drag tu dgod cing rnam par gtse ba/'di lta bur rnal 'byor pa bdag nyid kyis rdo rje 'jigs byed kyi skur bsgom par bya'o/ /rtse gcig pa'i sems dang dad pas rnal 'byor la mnyam par bzhag na dngos grub chen po brgyad du yang 'gyur na/ dngos grub phra mo lta ci smos/de nas bdag gi snying ga'i pad+ma'i steng du/ nyi ma'i dkyil 'khor las yi ge hUM yongs su gyur pa'i rdo rje de'i bum pa la nyi ma'i dkyil 'khor la hUM gis mtshan pa'o/ /hUM de las ye shes lnga'i 'od zer phyogs bcur 'phros pas/ phyogs bcu'i de bzhin gshegs pa rnams spyan drangs te/sngon du brjod pa'i gsang sngags brjod do/ /spyan drangs pa'i de bzhin gshegs pa de rnams la yon chab dang bsang gtor la sogs pa'i gsang sngags kyis sngon bzhin du yon chab phul nas mnyes par byas te/ dbang bskur ba'i don du de bzhin gshegs pa de rnams kyis yi ge bcu las yongs su gyur pa'i bum pa de kho na bcu'i ngo bos dbang bskur bar bya'o//de la gsol ba gdab pa ni/ de bzhin gshegs pa rnams kyis bdag la dbang bskur du gsol/ de la de bzhin gshegs pa rnams kyis 'di skad du/ sangs rgyas rnams ni thams cad kyis/ /skye bas thob pa'i dbang bskur ba/ /ji ltar ji bzhin bdag gis ni/ /dag pa lha yi chus dbang bskur/ /zhes gsungs te/ dbang bskur bas de ma thag tu mi bskyod pas dbu brgyan par bsam mo/ /lha mo brgyad la 'jam pa'i dbyangs kyis dbu brgyan pa'o//phyogs skyong ba'i gshin rje brgyad la dpal gshin rje gshed kyis dbu brgyan pa'o/ /'di ltar rdo rje 'jigs byed la sogs pa rnams mig la sogs pa skye mched byin gyis brlab pa sku gsung thugs kyi lha dang ye shes sems dpas mtshon pa'o/ /de ltar bsgom pa dang mchod pa dang /dbang bskur ba rdzogs nas bsnyen pa'i bzlas brjod bya ste/ de la 'di ni rtsa ba'i snying po ste/ oM ya ma rA dza sa do me ya/ ya me do ru Na yo da ya/ ya da yo ni ra yak+She ya/ yak+She yats+tsha ni rA ma ya/ hUM hUM phaT phaT swA hA/ yi ge sum cu rtsa gnyis pa 'di ni 'bum phrag gcig sngon du bsnyen pa byas te/phyis las la sbyar bar bya'o/ /snying po'i gsang sngags ni/ oM hrIHSh+T+r-iHwi kr-i tA na na hUM phaT/ yi ge bcu pa 'di ni 'bum phrag gsum sngon du bsnyen pa byas na las thams cad byed do/ /oM ya mAn+ta ka hUM phaT/ yi ge bdun pa 'di ni yi ge re re la 'bum phrag re re bzlas na las thams cad byed do//oM hrIHSh+T+r-iHwi kr-i tA na na hUM sarba sha trUM nA sha ya staM b+ha ya phaT phaT swA hA/ snying po'i sngags 'di 'bum phrag bcu bzlas na las thams cad byed do/ /oM hrIHkA la rU pa hUM khaM/ nye ba'i snying po 'di'i yi ge re re la 'bum phrag re re bzlas na las thams cad byed do//oM hrIHkruM bruM truM dzuM hUM gaM/ snying po dam pa 'di ni yi ge re re la 'bum phrag re re bzlas na las thams cad byed do/ /oM many+dzu g+ho Sha h+'+riHdzaH'bum phrag gcig bzlas na las thams cad byed do/ /oM a kro d+he ka ya mAn+ta ka ha na ma tha b+hany+dza hUM phaT/ yi ge bcu bdun pa'i snying po'o/ / bsnyen pa'i dus su dus gsum du gtor ma dbul ba'i sngags ni/ oM kA la rU pa sarba satwa da ma ka ma hA b+hU ta pa ti i daM ba liM gr-ih+Na gr-ih+Na pa ya swA hA/ gzhan yang ci 'byor ba'i mchod pas mchod par bya'o/ /de nas mtshan ma thob pa dang / ji ltar 'dod pa'i las la sbyar bar bya ste/ dbang dang dgug pa dang /bskrad pa dang / gsad pa dang / dbye ba dang / mnan pa dang / ral gri dang / mig rnon dang / ril bu dang / khu ba ra sa ya na dang / nor dang / 'byor pa dang / 'byung po dang / yi dwags dang / ro langs dang / gnod sbyin dang / srin po dang / sha za dang / gnod sbyin mo dang / klu la sogs pa cho ga bzhin sngags pas bsgrub par bya'o/ /de la las kyi dus su gtor ma dang sbyin sreg bya'o/ /nyi ma dang po la rdo rje 'jigs byed 'khor dang bcas pa'i gtor ma dbul bar bya'o/ /nyi ma gnyis pa la gshin rje gshed bka'i 'khor lo'i gtor ma dbul bar bya'o/ /nyi ma gsum pa la gshin rje chos kyi rgyal po la sogs pa pho nya'i tshogs kyi gtor ma dbul bar bya'o//de nas nyi ma bzhi pa la dur khrod kyi ras btsal te/ de yang dpa' bo g.yul du mtshon gyis bsad pa'i ras kyang rung ste/ de la mi'i khrag gis byugs te/ de nas gro la sogs pa'i phyes legs par byugs/de nas ro'i skud pas 'khor lo'i thig gdab ste/ thig bzhi btab pas re'u mig dgu pa'i thig skor gsum gyis bskor ba/ dbus su re'u mig dgu pa/ gnyis pa re'u mig bcu gnyis pa/ gsum pa re'u mig bcu drug pa'o/ /de la snag tsha'i rgyu ni ba to li'i 'bras bu dang /nim pa'i 'bras bu dang / dug gi lo ma dang / ro bsregs pa'i sol ba rnams bsres te/ 'khor lo bri bar bya'o/ /de rnams ma rnyed na bsam par bya'o/ /de la bri ba'i phyag rgya ni/ lag pa gnyis thal mo sbyar te/ /gung mo gnyis rtse sprad de/ srin lag gnyis tshigs bcag /mthe'u chung de bzhin du sbyar te/ mdzub mo gnyis bkug /mthe bo gnyis mnyam par sbyar ba ni dam tshig gi phyag rgya ste des bri bar bya'o/ /de'i dam tshig gi snying po'o/ /oM hrIHSh+T+r-iHwi kr-i tA na na ma ma sha trUM mA ra ya nA sha ya staM b+ha ya ban+d+ha ya hUM hUM phaT phaT/ gshin rje gshed po'i dam tshig gi phyag rgya dang sngags de bzlas shing bri bar bya'o/ /de bri ba'i smyu gu'i rgyu ni bya rog dang / 'ug pa'i sgro rtsas bri/ gong ma'i rdzas ma rnyed na mi khrag dang / ra dang / khyi'i khrag gsum gyis bri bar bya'o/ /ya dang ya'i bar du ming dang rus bri bar bya'o//phyi rol du sgra'i yi ge bcu drug bri bar bya'o/ /rim pa gnyis pa la hUM dang phaT kyis ming rus spel te bri bar bya'o/ /ya dang ya'i bar du bri ba dbus kyi lte ba la'o/ /gdug pa'i yi ge thams cad kyang bri bar bya'o/ /ji ltar gong ma'i gnas der hUM dang phaT bri bar bya'o/ / 'khor lo de nyid du chud pa'i gshin rje gshed po yang bri bar bya'o/ /gzhan yang 'khor lo gnyis pa skor phyogs ma yin par bya ste/ de gnyis kha sbyar te/ kham phor kha sbyar du bcug la skud pa nag pos dkri bar bya'o/ /de nas byin gyis brlab par bya ste/ mig gi phyag rgya bcas la hUM ya mAn+ta kr-i ta badzra d+harmA tsak+Shu pra be sha ya na zhes brjod do//zhal gyi phyag rgya bcas la/ oM ya mAn+ta ka de ba sho da ya traM pra be sha ya phaT/ gtsug tor gyi phyag rgya bcas la/ oM ya mAn+ta ka badzra hrIHmche ba'i phyag rgya bcings la/ oM badzra gu h+ya gu ha laM/ de nas mchod pa dang bstod pa byas la/ bsgom pa dang ldan pas gsang sngags bzlas brjod bya'o//nyi ma dang po la ya ma rA dza sa do me ya che ge mo b+h+ra ma NaM ku ru hUM phaT/ nyi ma gnyis pa la ya me do ru Na yo da che ge mo rak+taM tsha D+ha ba na ya hUM phaT/ nyi ma gsum pa la ya da yo ni ra yak+She ya che ge mo mu rtsa pA ya hUM phaT/ nyi ma bzhi pa la yak+She yats+tsha ni rA ma ya che ge mo mA ra ya hUM phaT/de nas nyi ma bzhis ma grub na/ mchod pa dang gtor ma dang sbyin sreg byas la gsang sngags khri phrag bzhi bzlas nas sngon gyi las la sbyar bar bya'o/ /de nas kham phor de dur khrod kyi mes nim pa'i shing la sbar te bsro bar bya'o/ /de nas kham phor kha sbyar dur khrod du sba bar bya'o//ral pa tshar dgu dang / mig dmar dang / gshin rje mtshan mo nag mo dang / dus mtshan rnams khyad par du gsod pa'i las byed pas de rnams la lhag par gtad do/ /glang mgo can dang / smrig pa dang / gshin rje pho nya mo dang / gshin rje mche ba mo rnams ni bsgrub bya myos pa'i las byed pa la shis so//gshin rje tel pa dang / chos kyi rgyal po dang / gshin rje lcags kyu ma dang / gshin rje zhags pa ma rnams ni bsgrub bya khrag skyug tu gzhug pa'i las la shis so/ /ya ba ti dang / phya sangs dang / gshin rje lu gu rgyud ma dang /gshin rje 'bebs ma rnams ni bsgrub bya 'khor du gzhug pa'i las la shis so/ /rnal 'byor pas 'di rnams kyi sbyor bas gtor ma dang / mchod pa dang / sngon du bsnyen pa dang / las kyi gnyer gtad pa thams cad bya'o/ /'di ni drag po'i las kyi cho ga'o// // de nas mdza' sde dbye bar 'dod pas bya rog dang 'ug pa'i sgro la bram ze'i skra dang mu stegs kyi skras dkris te/ da du ra'i shing la bsreg par bya'o/ /de nas thal ba de blangs nas bsgrub bya'i nyal sar sbas te/ dus mtshan ma la las bcol na 'bye bar 'gyur ro/ /'di ni dbye ba'i cho ga'o// //de nas bsgrub bya de dag 'thab par 'dod na/ dug dang khrag la sogs pa'i rdzas kyis bsgrub bya'i ming dang spel ba'i sngags dur khrod kyi ras la bris te/ ne+e'u le'i spu dang sbrul gyi pags pa rnams kyis dril te/ mar me byas na gang gis mthong ba de dag 'thab par 'gyur ro//'thab pa'i cho ga'o// //gzhan yang gsad par 'dod na/ bshang gci las dgra'i gzugs brnyan byas te/ mi'i rus phyes bskus te/ rdo rje 'jigs byed kyi sbyor bas nam phyed na gcer bur byung ste/ skra bshig nas dur khrod kyi ro bsregs pa'i me la kha lho phyogs su bltas te/bsgrub bya'i ming dang gsang sngags spel te gzugs brnyan de dum bur bcad cing bsregs na myur du 'chi'o/ /'di'i sbyor ba ni snga ma bzhin no/ /de nas rnal 'byor pas mnan par 'dod pas/ gshin rje gshed kyi 'khor lo rdo'am ras la yung ba'am ldong ros kyis gsang sngags dang ming spel te bris pas de gnon par 'gyur ro//gzhan yang gsad par 'dod na/ dur khrod kyi ras la dug la sogs pa'i rdzas kyis gshin rje'i 'khor lo ming dang sngags spel te bris la/ bdag nyid til chen pos lus byugs te/ dri chen pos gdug pa'i gzugs brnyan byas te/de'i snying gar 'khor lo bcug nas/ dur khrod du ro bsregs pa'i shing gi me la dum bur gtub cing bsregs na 'chi bar 'gyur ro/ /lha'i sbyor ba ni snga ma bzhin no/ /de nas smyo bar 'dod/ /da du ra'i 'bras bu dang sha chen dang srin gyis zos pa'i phye ma rnams la lha'i sbyor bas gsang sngags bzlas te/bza' ba dang btung ba'i nang du blugs te/ dgra la blud na skad cig gis smyo bar 'gyur ro/ /zhag bdun gyis 'chi bar 'gyur ro/ /de nas dbang du bya bar 'dod na/ srin bu ba la mig gis brus pa'i sa dang / gur kum dang / go ro tsa na rnams bsres te/gzugs brnyan sor bcu drug pa byas te/ de nas go ro tsa na dang / srin lag gi khrag gis gro ga'i shun pa la 'khor lo bris te/ gzugs brnyan gyi snying gar bcug nas me tog dmar pos dus su mchod cing rdo rje 'jigs byed kyi sbyor bas nub tu kha bltas te/ yi ge bcu pa'i sngags bzlas na dbang du 'gyur ro/ /'dis brgya byin yang dbang du 'dus na/ gang skye 'gro phra mo lta ci smos/ de nas dgug par 'dod na/ thod pa gnyis kha sbyar te/ der 'khor lo bcug ste/ kha d+hi ra'i shing la me sbar te bsro'o/ /bsgrub bya'i ming dang spel te gsang sngags bzlas na rlung gi shugs kyis 'gugs par 'gyur ro//de nas bskrad par 'dod na khyi dang / sbal pa dang / rus sbal rnams kyi sha dang / byi ba'i khrag dang rnga mo'i sbangs rnams kyis nim pa'i shing la me sbar te/ rlung gi dkyil 'khor gyi dbus su sbyin sreg byas te/ bsgrub bya'i ming dang spel ba'i gsang sngags bzlas brjod byas na skrod par 'gyur ro//de nas bu mo mnan par 'dod na/ tsher ma dang dug dang / ske tshe rnams rang gi khrag gis sbrus te stong du sbyin sreg byas na bu mo gnon par 'gyur ro/ /yi ge bcu pa'i gsang sngags kyi bzlas pa brjod byas na the tshom med do//de nas zhi bar bya bar 'dod na mar dang / sbrang rtsi dang / 'o ma dang / rtswa ku sha rnams shing pa la sha'i me la kha shar phyogs su bltas te bzlas brjod brgya rtsa brgyad byas na g.yul thams cad zhi bar 'gyur ro/ /de nas rgyas par bya bar 'dod na/ til dang / nas dang / 'bras dang //mar rnams kyis shing udum+WA ra'i me la kha dog ser po'i lha'i rnal 'byor dang ldan pas kha byang phyogs su bltas la/ dus gsum du lan stong du sbyin sreg byas na rgyas par 'gyur ro/ /las 'di rnams ni rtse gcig pa'i sems kyis bya'o/ /mnyam par ma bzhag pa'i sems kyis byas na 'grub par mi 'gyur zhing ltung bar 'gyur ro//de bas na rnal 'byor 'ga' zhig gis dur khrod la sogs par song ste/ rdo rje 'jigs byed kyi sbyor bas dus kun du bya'o/ /las gang byed pa'i dus su bsgrub bya'i ming dang bskul ba dang bcas te bzlas par bya'o/ / de la gsang sngags ni/ yi ge sum cu rtsa gnyis la sogs te/ thams cad la so sor ji lta ba bzhin du sngags bzlas so/ /de la bsad pa'i dus su bdag nyid rdo rje 'jigs byed kyi sbyor bas 'od zer sngon du brjod pa pho nya'i tshogs lta bu spros te/ de rnams kyis bsgrub bya'i tshe dang rnam par shes pa rnams bkug ste/'khor lo'i dbus su bstims nas gsang sngags kyi 'od zer gyis/ tshe dang / rnam par shes pa dang / sha khrag dang bral bar bya ste/ keng rus 'ba' zhig gnas par bsam par bya'o/ /bskrad pa dang / mnan pa la sogs pa la yang / de lta bu'i sbyor bas bya'o//de la dgug pa dang / dbang la sogs pa la ni bdag nyid kha dog dmar po'i sbyor bas bsgom par bya'o/ /zhi ba la ni kha dog dkar po bsgom par bya'o/ /las thams cad la yang lha'i sbyor ba ni rdo rje 'jigs byed kyi sbyor bas bya'o/ /de nas gzhan yang nang gi sbyor bcud zad brjod par bya'o//de la lus kyi smad ni don yod grub pa'i bdag nyid du blta bar bya'o/ /de'i steng du gru gsum gyi gnas ni snang ba mtha' yas kyi bdag nyid du blta'o/ /de'i steng du lta ba ni mi bskyod pa'i bdag nyid du blta'o/ /de'i steng du brang ni rin chen 'byung ldan gyi bdag nyid du blta'o//smin mtshams ni rnam par snang mdzad kyi bdag nyid du blta bar bya'o/ /de'i steng du pad+ma 'dab ma sum cu rtsa gnyis/ de'i steng du zla ba'i dkyil 'khor ro/ /de'i steng du mi 'chi ba kha sbub pa las rtag tu bdud rtsi 'dzag par blta'o/ /lte ba'i dkyil 'khor la pad+ma 'dab ma drug cu rtsa bzhi'o//de'i dbus su nyi ma'i dkyil 'khor/ /de'i dkyil du dang po'i yi ge blta bar bya ste/ rtag tu ye shes kyi me gyen du 'bar ba'o/ /de'i steng du snying gar pad+ma 'dab ma brgyad pa/ de'i dbus su nyi ma'i dkyil 'khor la sa bon dgus yongs su gang ba'i dbus kyi hUM gi dkyil na zla ba'i dkyil 'khor/de'i dkyil du yi ge muM yongs su gyur pa'i 'jam pa'i rdo rje de bzhin gshegs pa thams cad kyi ye shes kyi bdag nyid bsam par bya'o/ /de'i steng du mgul bar pad+ma 'dab ma bcu drug pa/ de'i dbus su nyi ma'i dkyil 'khor/ de'i steng du pad+ma dmar po 'dab ma brgyad pa/ de'i dbus su yi ge a dmar po/ de'i 'dab ma la gzugs kyi rdo rje ma la sogs pa'i lha mo brgyad kyi sa bon/ de bzhin gshegs pa thams cad kyi yang dag pa'i ye shes kyi longs spyod nyams su myong ba'i bdag nyid bsam mo/ /'di lta bur rdo rje 'jigs byed du bsgoms pa'i spyi gtsug tu mi bskyod pa/snying gar ye shes sems dpa' dang sku gsung thugs kyi rdo rje dang ldan par rtag tu bsgom mo/ /ji ltar 'dod pa'i dngos grub tu 'gyur ro/ /skad cig kyang sna tshogs pa'i sems mi bskyed de/ 'jig rten 'di dang gzhan du yang 'di las gzhan pa'i thabs med do//de bas na dngos grub kyi phyir dang / bsad pa'i phyir dang zla ba drug tu 'di'i bsam gtan bya'o/ /bsam pa thams cad yongs su spangs te zla ba phyed du brtag par bya'o/ /'di yi dge bas kun mthong ste/ /bdag kyang gnod pa las rgyal nas//nad dang gnod pa 'chi ba dang / /rga ba'i rlabs chen 'khrugs pa las/ /'gro ba'i rgya mtsho sgrol bar shog /dpal rdo rje 'jigs byed kyi sgrub thabs/ A tsAr+ya don yod rdo rjes mdzad pa rdzogs// //nyid kyi rang 'gyur ro/ /rgya gar gyi mkhan po many+dzu shrI dz+nyA na dang /