CLOSE WINDOW

D1978
བོད་ཡིག

@##/ /dpal rdo rje 'jigs byed chen po la phyag 'tshal lo/ /gang gis bsnyen sgrub las rnams sbyor 'dod pas/ /de rnams dgos par bcas pa shes don du/ /de yi mtshan nyid bde bar 'dir ni bstan par bya/ ji srid ting nge 'dzin sngags dang mchod par ldan pa yis//lha nye rtse gcig mtshan ma thob pa bsnyen par gsungs/ /rtags thob gyur nas dben par song ste glal dang sbrid pa dang / /gnyid spangs brtul zhugs bcas pas legs bsgrub pa'o/ /bsgrubs pas gdul bya'i rang bzhin sna tshogs bzlas pa la//zhi ba la sogs thabs kyi 'byor pa las su gsungs/ /de la las grub pa yi rgyu gsum ste/ /rtse gcig pa thob pas chos la dbang sgyur ba dang / sngags grub pas ngag dben pa thob pa dang / dam la gnas pas dam tshig can stong grogs byed pa'o//dngos grub 'grub pa'i rgyu ni/ dad pa mi ldog pa dang / shes rab kyis the tshom mi za ba dang / sems rtse gcig pa dang shin tu gsal ba rnams so/ /'jig rten dang 'jig rten las 'das pa gang bsgrub kyang tha mal pa'i chags sdang ni bar chod kyi sgrib pa chen po yin no//dbang dang dam tshig med na 'di dang pha rol tu sdug bsngal 'byung ngo / /ji skad bshad pa'i yon tan blangs la skyon spangs te/ lha yi bsnyen pa ni dang por khrus byas la stan bde ba la 'dug ste/maN+Dal byi dor byas la me tog gi gcal bkram/ sku gzugs mdun du bzhag la/ bsod nams kyi tshogs yan lag bdun gyi sgo nas byang chub kyi sems bskyed de/ snying ga'i pad+mar nyi ma la gnas pa'i sems dpa'i 'od zer gyis dpal 'jam pa'i rdo rje 'og nas 'byung ba lta bu spyan drangs te/mdun gyi nam mkha' la bzhugs pa la 'di ltar yan lag bdun gyi smon lam bya'o/ /mchod pa bla na med pa kun du bzang po'i mchod sprin 'dod yon gyi char dag pa'i sems kyis sprul nas 'bul na/ thugs rje chen po'i dbang gis bzhes su gsol/na mo dus gsum gyi de bzhin gshegs pa thugs kyi gzugs brnyan sku yi sprul pa gsung gi dbang phyug /dpal 'jam pa'i rdo rje la sogs pa phyogs bcu na bzhugs so 'tshal la/ bdag lus ngag yid kyi sgo nas phyag 'tshal zhing skyabs su mchi'o//gzhan yang bdag gis thog ma med pa'i dus nas dug gsum gyi dbang gis sdig pa mi dge ba ci bgyis pa rnams so sor bshags shing slan chad sdom par bgyid do/ /phyogs bcu'i 'phags pa rnams dang 'gro ba dag gi bsod nams kyi tshogs bskyed do 'tshal la rjes su yi rang bar bgyid do//ston pa 'jig rten gyi sgron ma bskul ba'i sa las bzhes pa gang dag bzhugs so 'tshal de dag la chos kyi 'khor lo bskor bar bskul lo/ /bde bar gshegs pa gang dag 'dul ba'i dus la ma bab pa log par lta ba rnams sun dbyung ba'i phyir/thabs kyis mya ngan las 'da' bar bzhed pa rnams la 'khor ba ji srid par don mdzad par gsol ba 'debs so/ /dge ba'i rtsa ba de dag dang gzhan yang bdag dang 'gro ba kun gyis bgyis so 'tshal gyi dge ba'i rtsa ba thams cad kyang bla na med pa'i byang chub tu bsngo bar bgyi'o//ji ltar dus gsum gyi sangs rgyas rnams kyi thugs byang chub mchog tu bskyed pa phung po dang khams dang skye mched dang bral ba gzung ba dang 'dzin pa'i rnam pa spangs pa/ chos bdag med pa mnyam pa nyid rang gi sems gdod ma nas ma skyes pa/stong pa nyid kyi rang bzhin du thugs bskyed pa de ltar bdag gis kyang sems bskyed par bgyi'o/ /bdag gis 'phags pa rnams la lus phul te sems can 'khor ba'i rgya mtsho na gnas pa rnams bsgral ba'i ched du bcom ldan 'das 'jam pa'i rdo rje bsgrubs te/sems can rnams mya ngan las 'da' bar bgyi'o/ /de nas tshad med pa bzhis sems dag par bya'o/ /da ni ye shes kyi tshogs su gyur pa stong pa nyid bsgom par bya ste/ snang ba'i chos thams cad ni sems nyid 'khrul pa tsam ste gud na med do//sems ni sgyu ma lta bur rang bzhin med pa ste/ de nas chos thams cad rang bzhin med pa'o zhes shes par byas la gsang sngags 'dis stong pa nyid kyi nga rgyal bya'o/ /oM swa b+hA wa bi shud+d+hAHsarba d+harmAHswa b+hA wa bi shud+d+hou0f85haM/ zhes pas thams cad dag p a'o//de nas yaM las rlung gi dkyil 'khor du gyur pa'i steng du/ a dang po las zla bar gyur pa/ de'i steng du d+hIH'od du zhu ba las ral gri/ ral gri'i lte ba la yi ge d+hIHgser btso ma'i kha dog lta bu las yongs su gyur pa'i 'jam pa'i rdo rje mdog ser po ut+pal bsnams shing mchog sbyin gyi phyag rgya can/gzhon nu zur phud can mdzes pa'i rgyan gyis brgyan par bsgom/ de'i thugs kar a gnyis pa las grub pa'i nyi ma'i dkyil 'khor 'bar ba'i phreng ba can du bsams te/ de'i 'od kyis phyogs bcu'i sangs rgyas sras dang bcas pa rnams bskul nas/slar zhugs pas 'jam pa'i rdo rje nyid dang sangs rgyas rnams su bcas te nyi ma'i dkyil 'khor la thim pas shin tu gzi byin dang ldan par gyur te/ 'od zer 'bar bas kun du khyab cing 'phro bar bsgom mo/ /de'i steng du hUM nag po'o/ /'od zer lnga 'phro bas don byas te slar bsdus pa'i sbyor bas khro bo'i rdo rje rab tu 'phro ba can du gyur te/don gyi bya ba byas nas rgyal ba sras dang bcas pa spyan drangs nas rdo rje de nyid la bzhugs pas sku gsung thugs rdo rje dbyings nyid dang ldan par gyur te/ de nyid bcom ldan 'das dpal rdo rje 'jigs byed chen po'i gzugs su gyur par bya'o//'di lta ste sku bskal pa me dpung 'bar ba'i dkyil na bzhugs shing / zhal khro gnyer smin ma 'gyur ba/ me 'bar ba rdo rje rta gad chen po 'byin cing lce 'jib pa/ phe skad chen po gnam du 'don cing 'jig rten gsum gyi bdag po'i khrag gsol zhing /'jig rten dang 'jig rten las 'das pa'i lha thams cad bsdigs pa/ sku gcer bu thod pas brgyan pa/ mtshan ma 'greng ba/ gsus khyim che ba/ ma he'i gdong chen po ste/ 'di dbu dgu pa phyag sum cu rtsa bzhi pa/ zhabs bcu drug pa g.yon brkyang ba'i stabs kyis bzhugs pa/zhal g.yas dang po sngon po/ gnyis pa dmar po/ gsum pa ser po ste/ de gsum ni g.yas pa'o/ /g.yon pa'i zhal gsum ni dkar po dang / dud ka dang / nag po khros pa ste/ de gsum ni ljags 'dril ba'o/ /rtsa ba'i zhal ma he nag po kha gdangs pa ste lce 'dril ba'o//rwa gnyis kyi dbus kyi zhal dmar po 'jigs pa ste zhal nas khrag 'dzag pa'o/ /steng gi zhal ser po cung zad khro ba gzhon nu'i tshul can gtsug phud lnga pa ste/ thams cad kyang spyan gsum pa'o/ /phyag g.yas g.yon gyi dang pos glang po che'i pags pa brgyangs te 'dzin pa'o//g.yas pa gzhan ni rim pa bzhin du gri dang / bi ti pa la dang / gtun shing dang / chu gri dang / chu gri bzang po dang / sta re dang / mdung dang / mda' dang / lcags kyu dang / dbyug to dang / kha T+wAM ga dang / 'khor lo dang / rdo rje dang / rdo rje tho ba dang / ral gri dang / rje chung dang de rnams bsnams pa'o/ /phyag g.yon na thod pa dang / tshangs pa'i mgo bo dang / phub chung dang / mi'i rkang pa dang / zhags pa dang / gzhu dang / rgyu ma dang / dril bu dang / lag pa dang / dur khrod kyi ras dang /rtsang chen gyis phug pa'i ro dang / me thab dang thod tshal dang / /sdigs mdzub dang / 'phan rtse gsum pa dang / rlung gis phyar ba'i ras dang de rnams bsnams pa'o/ /zhabs g.yas pa brgyad kyis mi dang ma he dang / glang dang / bong bu dang / rnga mo dang / khyi dang / lug dang /wa dang de rnams brdzis pa'o/ /g.yon pas bya rgod dang / 'ug pa dang / bya rog dang / seng ge dang / bya rgod chen po dang / khra dang / ne tso dang / ri skegs dang de rnams brdzis pa'o/ /de'i thugs kar ye shes sems dpas mtshon pa/ sku gsung thugs byin gyis brlabs pa/mi 'khrugs pas dbang bskur ba'o/ /de nas e yaM raM khaM laM suM b+h+rUM/ zhes brjod 'byung ba chen po bzhi'i dkyil 'khor gyi steng na gzhal yas khang gru bzhi sgo khyud dang ldan pa/ dur khrod 'bar ba'i klong na gnas pa cig bsgom mo/ /dkyil 'khor gyi dbus na ro chen po'i steng du ji skad smos pa'i sems can rnams kyi gdan la/bcom ldan 'das dpal rdo rje 'jigs byed chen po bdag dang mthun par bskyed do/ /grwa bzhi ru mchod pa'i lha mo bzhi dang / sgo bzhir sgo ma bzhi khro bo'i cha byad can yi ge ya las bskyed do/ /de'i phyi rol du las kyi gshin rje pho mo mkha' 'gro ma dang 'byung po'i tshogs bskyed par bsgom ste/de'i lho phyogs kyi sgor bcom ldan 'das kyi mdun du bdag dam tshig sems dpar gnas par bsgom mo/ /de ltar gsal ba dang lcags kyu'i phyag rgya bcas pa'i ting nge 'dzin dang ldan pas spyan drangs te/'jam dpal rang bzhin chos rnams kun gyi dngos/ /gnas med 'gro 'ong bral ba nam mkha' bzhin/ /dus kyi khams bzhin thugs rjes 'gro 'ong bral/ /sprul pa'i 'gro dang bral ba gzugs brnyan bzhin/ /'gro dang 'ong ba'i mtshan nyid mi mnga' yang / / chu zla bzhin du gar dmigs der snang ba'o/ /deng 'dir spyan 'dren gshegs su gsol ba'i lha/ /sangs rgyas kun gyi rang bzhin 'jam pa'i dbyangs/ /gdug pa 'dul byed 'jigs byed gshin rje gshed/ /ye shes thugs las sprul pa'i lha mos bskor/ /las byed sprul pa gshin rje 'khor dang bcas//'dir gshegs brtan par bdag la dgongs su gsol/ /oM hrIHb+ho b+ho ma hA kro d+ha A gats+tsha A gats+tsha asma ta pU dza pra ti gr-ih+Na pra sA d+haM me d+hIHmaM ku ru swA hA/ zhes pas gnyis su med par bya'o/ /gnyis med thun mong ma yin khyab pa'i sku//kun la snyoms mdzad rgyal ba kun gyi yab/ /chos kyi dbyings gyur rgyal ba kun gyi yum/ /ye shes sems dpa' rgyal ba kun gyi sras/ /phyag 'tshal 'jam dpal dpal gyur rdzogs pa khyod/ /chos kyi sku la byams sdang mi mnga' yang / /srid gsum gdug pa ma lus 'dul ba'i phyir//thugs rje'i thabs kyis khro rgyal skur bstan pa/ /'jigs byed gshin rje gshed la phyag 'tshal lo/ /dus gsum sangs rgyas kun gyi ye shes ni/ /chos rnams kun dang rang bzhin dbyer med de/ /sgrub mchog bdag gis sems kyang de lags pas//de mtshon don phyir rtags kyi skur bstan pa/ /thugs la gnas pa'i ye shes 'phro ba'i rgya/ /ye shes sems dpa'i sku la phyag 'tshal lo/ /bde gshegs rnams kyi yon tan rmad po che/ /bsam 'das brjod bral dpag gis mi lang yang / /mi phyed rdo rje gsum du 'dus bstan pa//sku gsung thugs kyi lha la phyag 'tshal lo/ /bde gshegs thams cad mnyam nyid chos kyi sku/ /rang bzhin rnam dag rigs rgyud mi mnga' yang / /rnal 'byor grub pa mtshon phyir rgyas btab pa/ /dbu rgyan rdo rje mtshon la phyag 'tshal lo/ /ye shes snang med chags pa'i rdul bral zhing //'dod pa khams kyi sems can 'dul slad du/ /thabs la mkhas pa'i 'dod yon gzugs su sprul/ /mchod pa'i lha mo'i tshogs la phyag 'tshal lo/ /chos nyid spros bral dbyings kyi pho brang du/ /gzung 'dzin bral ba'i ye shes zlos 'jug phyir//'khrul pa'i bgegs tshogs gdul ba'i skur bstan pa/ /gzhal yas sgo skyong bzhi la phyag 'tshal lo/ /bcom ldan rdo rje chos rje 'jam dbyangs spyan lam du/ /bdud 'dul bstan pa bsrung bar zhal 'ches pa/ /las kyi gshin rje mang po mkha' 'gro ma//'byung po ro langs ci bgyi bka' nyan tshogs/ /phyi nang skyong ba'i dam can ma lus la/ /bdag ni re ba'i sems kyis 'dud cing mchis/ /'di ni phyag 'tshal ba'o/ /rgyal ba rnams ni gtsang gyur cing / /sme ba'i rtog pa mi mnga' yang / /sri zhu tshul gyis yon chab 'di//bde gshegs rnams la sku khrus gsol/ /oM hrIHSh+T+r-iHha ar+g+ha'i'o/ /oM hUM phaT phaT bsang gtor gyi'o/ /rgyal ba rnams ni yon tan mchog gi sku/ /tshul khrims rnam par dag pa'i dri ngad ldan/ /byang chub yan lag brgyad pa me tog mdzes//ma rig mun pa bral ba ye shes gsal/ /nor bdun yon tan chog shes bdud rtsi zas/ /ye shes pho brang mtshan gyi me tog spos/ /sgyu ma'i chos la ye shes dbang sgyur zhing / /rang bzhin rnam dag rigs rgyud mi mnga' yang / /bdag cag sri zhu gus pa'i tshul gyis su//dri dang bdug pa me tog mar me bshos/ /dag cing gtsang mar bshams te phul ba 'dis/ /bsod nams yan lag yongs su rdzogs gyur cig /oM hrIHSh+T+r-iHwi kr-i tA du Sh+Ta sa twa da ma ka gaHdri'i'o/ /oM ku mA ra rU pi Ni dz+dzaHhUM phaT me tog gi'o/ /oM hrIHhaHhaH he he phaT bdug pa'i'o//oM dIp+ta lo tsa na bi kr-i ta A na na ma hA aT+TAT+Ta ha sa na di ni dIp+ta dIp+tA ya swA hA/ mar me'i'o/ /oM kA la rU pa satwa da ma ka nai bi d+ye pU dza ya swA hA/ bshos gtsang gi'o/ /'di ni mchod pa dbul ba'o/ /hUM/ 'jam dpal mkha' la 'byung ba'i gser mdog can//'jam dpal thugs las chos kun rang bzhin gsal/ /'jam dpal gsung gi dbang phyug 'jam pa'i dbyangs/ /'jam dpal bdag ni re ba'i sems kyis 'dud/ /thugs mchog 'jam pa'i ngang las ma g.yos kyang / /thugs rjes gdug pa ma lus 'dul ba'i phyir//gshin rje 'jigs byed chen po'i skur ston pa/ /mi bzad dus mtha'i bskal ba'i me ltar 'bar/ /zhal gdangs khro gnyer smin ma glog stong 'gyu/ /spyan bgrad mche ba gtsigs pa rab tu 'bar/ /rdo rje rta gad drag po ha har bzhad/ /mkha' 'gro gdug pa'i pheM skad gnam du sgrogs//khros pa'i stabs chen brdabs pas khams gsum gnon/ /sdigs mdzub gnam du bsgreng zhing lha chen 'dul/ /ljags 'dril tshems chen gtsigs shing khrag gis myos/ /lha dang bcas pa'i 'jig rten zhal du gsol//glang chen ko rlon thod pa'i phreng ba zhags/ /gcer bu 'jigs byed dbang phyug chen po'i tshul/ /'jigs byed ma he khros pa'i zhal gdangs shing / /zhal dgu 'bar bar srid pa za zhing rngub/ /'gro ba sna tshogs 'dul ba'i phyag rgya 'bar/ /bdud ris gnon pa'i zhabs ni brkyang bskum mdzad//'jigs byed chen po'i sku la rtag tu 'dud/ /dbu dgu 'bar ba'i dkyil 'khor nas/ /g.yas kyi zhal gsum bgrad pa ni/ /mthing ga dmar dang ser ba'i zhal/ /g.yon pa'i zhal gsum gdangs pa ni/ /dkar dang dud ka nag po'i zhal//dbus kyi zhal gsum 'bar ba ni/ /khro dang chags dang zhi ba'i tshul/ /phyag rgya 'od zer 'bar ba las/ /g.yas kyi phyag rgya bcu drug ni/ /rdeg cing 'joms pa'i mtshon cha gdengs/ /g.yon gyi phyag rgya bcu drug ni/ /ro stobs pa yi mtshan mas mdzes//brjid gnon zhabs kyi phyag rgya las/ /g.yas kyi zhabs brgyad bskum pa ni/ /dregs pa'i lha brgyad thabs kyis gnon/ /g.yon gyi zhabs brgyad brkyang pa ni/ /dregs pa'i lha mo brgyad la rol/ /'dod chags chen po 'dul ba'i phyir/ / rtag tu ling+ga rgyas pa'i tshul/ /drag po'i tshul gyis zhe sdang 'dul/ /gdul sku khyod la phyag 'tshal lo/ /dur khrod chen po'i dkyil 'khor nas/ /bdud dang gshin rje thabs kyis 'dul/ /ma mo mkha' 'gro dbang du sdud/ /dbang sdud khyod la phyag 'tshal lo/ / dbang phyug chen po'i dkyil 'khor nas/ /dbang med dad pas 'dus pa dang / /ye shes sprul pa'i 'khor gyis bskor/ /'khor bcas khyod la phyag 'tshal lo/ /ye shes thugs kyi dkyil 'khor nas/ /ji lta bur ni sprul gyur nas/ /rnam dag dbyings las ma g.yos te/mnyam nyid khyod la phyag 'tshal lo/ /yon chab dang rol mo'i rdzas kyis kyang mnyes par bya ste/ 'di ni bstod pa'o/ /de nas kha zas ci 'byor ba'i gtor ma raM gyis sbyangs te/ a las bdud rtsi chen por gyur pa'i 'od zer las 'dod yon ji lta bar mos pa bzhin du 'byung bar bsams te sngags 'dis 'gro ba kun dang 'khor du bsdus pa rnams la sbyin//oM kA la rU pa sarba duSh+Ta satwa da ma ka ma hU b+hU ta a d+hi pa ti i maM ba liM gr-ih+na grih+nA pa ya swA hA/ zhes lan gsum du brjod de dbul lo/ /de nas bdag nyid snying gar ma las nyi ma'i dkyil 'khor la bzlas pa'i yi ge bsams te/bcom ldan 'das kyi thugs kar yang de bzhin du dmigs la bdag las yi ge 'phros pas lha'i thugs dam bskul/ bdag la thim pas dngos grub kyi dbyig dam pa thob par 'gyur te/ mgal me'i 'khor lo ltar rgyun ma chad par bya'o/ / gtong bar 'dod pa dang mchod par bya ste/ mthol bshags byas te bzod par gsol nas ye shes kyi lha slar gshegs su gsol/ spros med mkha' ltar khyab pa'i sku mchog ni/ /mi gnas phyir na gshegs pa mi mnga' yang / /sri zhu'i tshul gyis gshegs su gsol ba 'dis//bdag dang gzhan bcas sgrib pa byang gyur cig /oM dza ya dza ya su dza ya bi shwa rU pa d+ha ri gats+tsha gats+tsha swa b+hA wa naM kr-i taM te na ta thA ga taM sh+tsa/ sarba bud+d+ha sh+tsa/ bi sardza ya ma ma kar+yaM ku ru swA hA/ de nas dam tshig gi lha bdag la bsdu lus bsrung ba yang bya'o/ /dpal rdo rje 'jigs byed kyi bsnyen pa'i cho ga'o/