CLOSE WINDOW

D1976
བོད་ཡིག

@##/ /rgya gar skad du/ badzra b+hai ra wa e kA na na dwi b+hu dza sA d+ha nA ma/ bod skad du/ rdo rje 'jigs byed zhal gcig phyag gnyis pa'i sgrub pa'i thabs/ /dpal rdo rje 'jigs byed la phyag 'tshal lo/ /dpal ye shes sems dpa' la phyag 'tshal lo/ /sma ra smin ma ba spu gzi ma dus mtha'i me ltar 'bar zhing ljags 'dril ba//spyan gsum rwa rnon rnam par 'gyur ba'i 'jigs gzugs klu bdag rgyan can ma he'i zhal/ /g.yon brkyang rab tu khros pa sna tshogs pad+ma nyi ma'i steng na yongs gnas pa/ /shin tu rno ba'i gri gug thod pa 'dzin pa mnyam med bde ba ster la 'dud//phyag dang zhal ni sna tshogs pa/ /bsgom pa ru ni mi nus pa/ /bsdus pa'i rdo rje 'jigs byed pa/ /skye bo nus pa mi ldan zhing / /blo dman pa yi ngo ru ni/ /mdor bsdus pa yi sgrub pa'i thabs/ /ji ltar de nyid mos pa la'ang //sbyor don skyes pa bskyed pa'i phyir/ /sangs rgyas rgyud du gsungs pa yi/ /rang gis shes na rab tu 'jug /gtso bo dam tshig rab tu bstan/ /de'i phyir na rgyas par bshad/ /sngags pas re zhig thog mar dur khrod dam g.yul la sogs pa'i sa'am/yid dang mthun pa'i gnas su stan bde ba la gnas nas/ zhal bzhi'i sngags kyis phyogs bzhir bsngags shing byin gyis brlab pa ni/ oM suM b+ha ni suM b+ha hUM hUM phaT/ oM gr-ih+Na gr-ih+Na hUM hUM phaT/ oM gr-ih+Na pa ya gr-ih+Na pa ya hUM hUM phaT/ oM A na ya ho/ /b+ha ga wA na badzra hUM hUM phaT phaT ces bya bas so//de'i rjes la rang gi snying ga'i sa bon las 'od zer spros pas bla ma dang sangs rgyas la sogs pa nam mkha'i phyogs su spyan drangs la/ yang dag par mchod de/ sdig pa bshags pa la sogs pa'i cho ga byas nas/ de nas sems can tshad med pa'i sdug bsngal gyi rgya mtshor bying ba'i yul la bltas nas tshad med pa bzhi bsgom par bya ste/de la phan pa dang bde ba nye bar 'dod pa ni byams pa'o/ /sdug bsngal gyi rgyu las thon par 'dod pa ni snying rje'o/ /sems can sdug bsngal dang sdug bsngal gyi rgyu dang bral zhing bde ba la sems rangs pa ni dga' ba'o//de kho na nyid du ro gcig pas rnyed pa dang ma rnyed pa la sogs pa 'jig rten gyi chos brgyad kyis ma gos pa ni btang snyoms so/ /bsgom pa ni de'i gzung ba dang 'dzin pa'i rnam par byang ba'i sngags brjod par bya ste/ oM swa b+hA wa shud+d+haHsarba d+harmAH swa b+hA wa shud+d+hou0f85haM/de'i rjes la chos thams cad rang bzhin med pa'i nges par rnam par bsgom par bya ba ni/ sems tsam nyid kyis rnam par rtog pa tsam du rtogs nas sngags kyi don mngon du bya zhing / stong pa nyid kyi sngags brjod pa ni/ oM shU n+ya tA dz+nyA na badzra swa b+hA wa At+ma kou0f85haM/ de nas thang cig tsam du stong pa nyid lhag par mos nas de'i rjes la stong pa nyid las/ yaM yig du ba las byung ba/ /rlung gi dkyil 'khor gzhu'i dbyibs can/ /de steng zla ba'i dkyil 'khor ni/ /a yig sa bon las byung ba/ /de la d+hIHyig 'od 'bar ba/ /bsgoms nas de yi 'od zer gyis//bde gshegs rgyal ba yang dag bskul/ /de rnams thams cad yang dag 'dus/ /'jam dpal dbyangs su yang dag bsgom/ /ral gri po tis phyag brel ba/ /gang+gA'i gser gyi 'od dang ldan/ /de yi snying gar bsgom pa ni/ /a las nyi ma'i dkyil 'khor ro//de las 'od zer yang dag 'byung / /phyogs nas rdzogs sangs rgyas bzhugs dang / /khro bo byang chub sems dpar bcas/ /de bzhin rig pa'i lha mo tshogs/ /yang na nyi ma de nyid la/ /bskul nas yang dag bzhugs par 'gyur/ /de yang dus gcig 'jam pa yi//nyi ma'i dkyil 'khor du ni gyur/ /ro gcig tu ni yang dag 'byung / /mchog tu shin tu 'od gsal ba'o/ /dpag tshad brgya ru rnam rgyas pas/ /'jig rten gsum khongs gsal ba dang / /bdud kyi tshogs ni 'joms par byed/ /yid kyis brtan par bsgom par bya//de yi steng du nag po che/ /hUM yig 'od zer lnga ldan pa/ /de las 'od zer nges par 'byung / /de nyid du ni yang dag 'dus/ /yang ni 'od zer phreng ba yis/ /'gro ba ma lus sangs rgyas byas/ /sangs rgyas lnga ni rab 'byor ba/ /hUM gis de nyid las sbyor byas//rdo rje chen po rnam brtsigs pa/ /rtse dgu'i 'od zer shin tu rno/ /bsgoms nas de yi 'od zer gyis/ /phra mo'i gzugs kyis rgyal ba sogs/ /nyi ma yi ni 'og nyid du/ /gzugs brnyan 'dra bar yang dag blta/ /de yis sems can yongs su smin//de yis nges par yang dag bsdu/ /rdo rje gzugs brnyan gzugs gcig tu/ /blo ldan gyis ni bzhugs par bsam/ /de 'og thams cad yongs gyur ba/ /bskal pa'i me ltar bzod dka' ba/ /sku mdog nag po drag chen po/ /'jigs mdzad ljags ni 'dril ba yi//ma he'i zhal ni sku chen po/ /'jig rten gsum po za bar nus/ /dkon mchog gsum sogs gnod pa la/ /sdigs mdzub kyis ni mchog tu rgyal/ /gzhon nu gdong drug la sogs gsod/ /lha dang lha min bsdigs par mdzad/ / dbang po nye dbang drag dang tshangs/ /ha ha'i sgra yis skrag par byed/ /bdud kyi dkyil 'khor rab 'joms pa/ /g.yon brkyang ba yi zhabs kyis gsod/ /sa 'og tu ni rab tu g.yo/ /mgo bo'i phreng bas 'phrog chen po/ /thod pa'i cod pan gyis ni mdzes//zhal gyi mche ba gtsigs pa dang / /spyan gsum dmar zhing zlum pa yin/ /rwa rno skra ni 'bar ba bzhin/ /sma ra smin ma rab mgyogs 'jigs/ /sna tshogs chu skyes nyi mar gnas/ /dbang po yi ni gdengs kas brgyan/ /thung zhing lto 'phyang brjid pa yi/ /mtshan ma gyen 'greng drag dang bcas//g.yas dang g.yon gyi phyag bsnams pa/ /thod pa dang ni gri gug 'dzin/ /sngags pa yis ni rtag tu bsgom/ /dpal chen rdo rje 'jigs byed ni/ /yang na zhal gsum phyag drug bsgoms/ /lhag ma mda' gzhu kha T+wAM ga /phyag gnyis bgegs kyi pags pa 'dzin//zhal gsum dkar dang dmar ba'o/ /g.yas dang g.yon gyi bsam gtan ni/ /drag dang bzhad dang 'jigs pa'o/ /lhag ma kun ni sngar bzhin no/ /gshin rje gdug pa ma he'i steng / /de'i mdun du mgon po ni/ /cig car du ni yang dag bskyed//rdo rje 'jigs byed dpa' bo yi/ /phyag dang kha dog mchog tu 'dra/ /spyan gsum mche ba gtsigs pa yis/ /ro yi steng na yang dag gnas/ /gdug pa can rnams bsad pa'i phyir/ /snying rje'i bdag nyid kyis ni bsgom/ /de rjes ye shes sems dpa' dgug /ji lta ba yi cho gas gzhug /mchod yon zhabs bsil la sogs sbyin/ /dam tshig la ni yang dag gzhug /de nas dbang bskur yang dag sbyin/ /rigs kyi bdag pos spyi bor brgyan/ /mnyam par bzhag pas sngags bzlas pas/ /myur du 'gro ba'i don ni byas//sngags pa skyo bar gyur na ni/ /langs nas bya ba gzhan dag bya/ /smon lam de bzhin byas nas ni/ /rnal 'byor blo ldan de nas langs/ /sngon du bsnyen pa'i cho ga ni/ /snying rje'i bdag nyid sngags bzlas pas/ /myur du 'gro ba'i don ni bya//'bum phrag gsum gyi grangs nges pas/ /'grub par 'dir ni the tshom med/ /de la sngags ni yi ge bcu pa rgyun mi 'chad par kun du de dran bzlas pa ni/ /ring dang thung dang bul bar ma yin blo ldan mi smrar gyur pas thams cad du/ /dpal ldan rdo rje 'jigs byed sngags pas mi spong dngos grub kyi ni gzhi//nges par sems ni brtan byas mngon par 'dod pa ji srid mtshan ma ma byung bar du'o/ /de nas rnal 'byor pa ni snying rje'i mchog /khro bo'i nga rgyal yid kyis ni/ /byas nas rdo rje can gyis bsad/ /'jigs byed bsad pa'i las ni gtso//gshin rje'i gzugs ni bya ba la/ /grog mkhar bdun las yang dag 'byung / /'jigs byed rnal 'byor ldan pa yis/ /dus sogs shes pas 'dus byas pas/ /gcer bu ral gri mi mgo gzung / /gsus pa che la zhal gcig pa/ /skra ser gyen brdzes mig dmar ba//gdug sems can ni 'jigs pa yis/ /de ni gru gang tsam gyi tshad/ /mi thod la bris snying gar gzhug /bla ma'i man ngag rtogs pa yis/ /de yi sgrub thabs nges par sbyar/ /kha sbyar dbye bar byas nas ni/ /srung ba dgug pa'i sbyor ba dang / / lus ni stong par gyur pa la/ /bsad na dngos grub myur du thob/ /gshin rje'i lus ni rdzogs pa dang / /bsgrub bya mdun du byas nas ni/ /nyi ma bdun gyi grangs kyis ni/ /ji ltar cho ga thun gsum du/ /bzlas dang sbyin sreg sogs rdzogs pas/ /mngon sum du ni mtshan ma thob//mtshan phyed kyi ni dus su bya/ /mi mgo gsum gyi steng du bsdu/ /khro bo'i nga rgyal sems kyis ni/ /'di ltar brtan byas rnal 'byor ba/ /gang bstan de ni byas pa na/ /thams cad bor bar nges par 'gro/ /gang yang 'dir ni dmyal ba yang //spangs nas bde ba can du 'gro/ /sngags dang rgyud kyi mthu dang ni/ /bsam gtan bsam bya rnal 'byor bas/ /sdig pa chen po byas pa yang / /de ni thabs kyis sbyin pa yin/ /nye bar byas pa'i thabs yin no/ /gzhan du na ni skyon du 'gyur/ /rdo rje 'jigs byed las bsgyur bas//gsol btab pa la thugs brtse nas/ /rin chen rdo rje zla ba ltar/ /'di nyid la gus bdag gis byas/ /ji ltar thob pa'i dge ba des/ /bde ba bsgrub pa'i sgrub thabs ni/ /chu rgyun 'dod pa'i sems can ni/ /de ni rdo rje 'jigs byed shog /