བོད་ཡིག |
120b2 dpal rdo rje 'jigs byed kyi rgyud kyi dka' 'grel/ /rdo rje slob dpon mi bskyod pas mdzad pa rdzogs so// //rgya gar gyi mkhan po bi nA ya tsan+d+ra dang / lo tsA ba dge slong chos kyi shes rab kyis bsgyur cing zhus te gtan la phab pa'o/ /[ ]@##/ /rgya gar skad du/ shrI badzra b+hai ra ba
120b3 tan+Ta pa ne ka ra nA ma/bod skad du/ dpal rdo rje 'jigs byed kyi rgyud kyi mdor bshad pa zhes bya ba/ bcom ldan 'das dpal rdo rje 'jigs byed la phyag 'tshal lo/ /rdo rje 'jigs byed mgon dpal dang / /bla ma'i zhabs pad la btud nas/ /bshad pa'i rgyud kyi rgyal po de'i/ /mdor bshad
120b4 pa ni bdag gis brtsams/de nas zhes bya ba la sogs pa la 'dir de nas kyi sgra ni ma thag go bar byed do/ /'on gal te de lta yin na/ 'di skad bdag gis zhes bya ba'i dag por nas ji ltar rgyud kyi dang po bstan zhe na/ de nas zhes bya ba'i sgra bstan pas gzhung gi grangs stong phrag bco brgyad
120b5 pa'i 'jam dpal gyi rgyud las 'jigs byed chen po'i sgrub thabs kyi de ma thag tu 'di grangs pa'i rgyud yin no zhes bsgrub par bya ba'i phyir rgyud kyi dang por lhag par sbyar ba yin no//yang dag rab bshad bya zhes bya ba la yang dag pa'i don ni 'dir bzlas pa dang 'khrul 'khor dang sbyin sreg dang bsam
120b6 gtan dang las rnams so//rdo rje 'jigs byed sgrub thabs zhes bya ba ni/ /rdo rje stong pa nyid rab gsungs/ /'jigs byed las kyi rdo rje 'dod/ /de yi bdag nyid 'di sgrub pa/ /rdo rje 'jigs byed sbyor bas so/ /zhes bya ba stong pa nyid dang rdo rje tha mi dad pa rdo rje sems dpa'i ngo bo ni rdo rje 'jigs byed
120b7 do//de'i sgrub thabs ni lha rdo rje 'jigs byed kyi ngo bor 'dis sgrub par byed pa yin te/ de ltar byas nas gzhung bkod pa las rgyud 'dir de nyid rgyud du byed de/ /bye brag tu rtogs par byed pas so/ /drag shul can zhes bya ba ni sems ma rungs pa'i phyir ro/ /'jigs byed ces bya ba ni gzugs mi
121a1 sdug pa'i phyir ro//shing gcig ces bya ba ni shing de'i grib ma la shing gzhan gyis mi rig pa'o/ /dbang du bya ba dang dgug pa dang gsad pa zhes bya ba la sogs pa ni mdor bstan pa'i tshig go/ /rgyas par bstan pa ni dngos grub sna tshogs bshad par bya'o/ /ro bsregs
121a2 pa'i thal ba zhes bya ba'i tshon ni dkar ba'o//nag po ni ro bsregs pa'i sol bas so/ /ser po ni ba blas so/ /dmar po ni dur khrod kyi so phag gis so/ /ljang gu ni nim pa dang / ni sun d+ha ra la sogs pa'i lo mas so/ /rdul tshon de rnams kyis dkyil 'khor bri bar bya'o zhes par 'brel
121a3 lo//gru bzhi pa zhes bya ba mi mnyam pa med pa'i phyir ro/ /sgo bzhi pa zhes bya ba ni stong pa nyid dang / mtshan ma med pa dang / /smon pa med pa dang / mngon par 'du byed pa med pa rnams te rnam par thar pa'i sgo bzhi rnam par dag pas sgo bzhi'o/ /rta babs bzhis brgyan zhes pa ni bsam gtan bzhi
121a4 rnam par dag pa'o//chos thams cad stong pa nyid du go bar bya ba'i phyir dril bu'i sgra sgrogs pa'o/ /gsung rab yan lag dgu rnam par dag pas na ba dan dgu'o/ /'dod pa'i yon tan lnga rnam par dag pas dri zhim po'i me tog gi phreng ba dang ldan pa'o/ /rdo rje rin chen zhes bya ba ni rdo rje ni stong pa nyid
121a5 do//rin chen zhes bya ba ni bla na med pa'i dga' bas rgyas par byed pa yin pas zhes bya ba snying rje chen po ste/ de dag tha mi dad pa'o/ /zhes mtshon par bya ba'i don to/ /zla ba phyed pa ni 'dzag pa byang chub kyi sems mtshon par byed pa'o/ /thabs dang shes rab rnam par dag pas rgyan phreng dang rgyan phreng phyed pa'o/ /
121a6 de dbus 'khor lo bri bya ba/ /re'u mig dgu pa zhes bya ba ni go sla'o/ /sgo bzhi'i grwa rnams su yang ni sgo bzhi rnams kyi nye bar ro/ /ro langs chen po zhes bya ba ni ro langs te/ lag pa gnyis pa/ gdong gcig pa mig dmar ba gsum yod pa skra ser skya gyen du phyogs pa gcer bu kha mche ba gtsigs pa/
121a7 kha dog nag po lag pa g.yas na gri gug gdengs pa/ g.yon na khrag gis bkang ba'i thod pa 'dzin pa rnams so/ /gzhag par bya'o zhes bya ba ni bri bar bya'o/ /mar khu chen po zhes bya ba la sogs pa ni go sla'o/ /sngar spyod pa byas pa zhes bya ba ni bsnyen pa byas pa'o/ /ha ha zhes bya zhing zhes
121b1 pa ni gad mo rnams bgad cing ngo //shin tu mnyam par bzhag ste zhes pa ni rdo rje 'jigs byed kyi rnal 'byor dang ldan par ro/ /de dbus bsgrub bya zhes bya ba ni mngon par 'dod pa'i dngos grub bo/ /de'i steng du zhes bya ba ni de la zhon pa'o/ /nam zhig sngags pas ma grub na/ /zhes bya ba ni bcom
121b2 ldan 'das mnyes na phyag rgya chen po 'ang ster bar byed do//nam zhig rnal 'byor pa bsod nams ma yin pa'i dbang gis ma grub na/ de'i tshe las phran tshegs rnams nges par 'grub par 'gyur ro zhes dad pa nye bar 'phel bar bya ba'i don du'o/ /'di ni zhes bya ba ni yongs su rdzogs pa'o/ /'jam
121b3 dpal zhes bya ba ni 'jam dpal gyi sprul pa'o//dkyil 'khor rgyas par bstan pa zhes bya ba ni dkyil 'khor zhes bya ba ni rdul tshon gyi dkyil 'khor ro/ /rtog pa gang du rgyas par bstan pa de la de skad ces gsungs so/ /'o na ji ltar dang po rdul tshon gyi dkyil 'khor bstan zhe na/ dbang ma
121b4 bskur bar rgyud du gsungs pa'i las mi bya ba dang /rgyud kyang blta bar mi bya'o zhes rtogs par bya ba'i phyir dang po nyid du rdul tshon gyi dkyil 'khor bstan par rigs so/ /rdzogs so zhes bya ba ni yang dag par thob pa ste rab tu thob pa'o/ /'di ni rdo rje 'jigs byed kyi rnal 'byor gyi rgyud las rtog pa
121b5 dang po'i bshad pa'o// //dgos pa med par su yang 'jug par mi 'gyur ba yin pas dgos pa bstan pa'i don du/ de nas zhes bya ba la sogs pa dngos grub sna tshogs kyi rtog pa gsungs pa/ shin tu ma rungs pa'i sngags pa zhes bya ba ni/ bsad pa dang bskrad pa dang dbye ba'i las gsum
121b6 pa khros pa'i sems kyis byed pa yin no zhes bya ba ni lhag ma yin no//me gnyis kyi dbus su zhes bya ba ni me ni ra yig go/ /gang la rtog can me'i sa bon yin pa'i phyir te/ rgyu la 'bras bu btags pa'i phyir ro zhes bya ba kho nar thob bo/ /hUM brgyad ces bya ba ni phyogs su'o/ /zur rnams su yi ge phaT ces bya
121b7 bya ba ni phyogs bral du phaT yig brgyad bri'o zhes bya ba dang 'brel to//ma yin te rims kyis thebs par bya bar 'dod na zhes bya ba ni gang gi tshe rnal 'byor pas rims kyis thebs par bya bar 'dod pa de'i tshe/ cho ga 'di bya ste mtshon gyis bsnun pa'am steng nas 'gegs pa'i mi'i thod pa la sen rtsi'i khu ba'am/
122a1 sa dkar rdo rgyus kyis rims mngon par bris te de la tsha ba'i rims ni dmar po skra dmar zhing gyen du phyogs pa'o/ /grang ba'i rims ni dkar po skra 'phyang ba khro ba dang bcas pa zhes bya ba ni gnyi ga yang rkang pa gsum pa lag pa gsum pa yin no/ /phyi nas ro bsregs pa'i sol ba dang
122a2 thal ba bsgrub bya'i rkang pa'i rdul dang lhan cig tu byas pas gzugs brnyan 'khrul 'khor 'dir sngar gyi cho ga nyid kyis legs par bris la de'i snying gar bcug ste/dug dang lan tshwa dang skye tshe la sogs pas legs par byugs pa pad+ma b+han+d+ha gzhan du gzugs brnyan de bcug pa gnyis ka la
122a3 'dug pa byas nas thod pa la bris pa de'i steng du kha sbub tu bzhag de nas de yis gzung bar sems shing me thab kyi 'og tu bsregs te/rdo rje 'jigs byed kyi rnal 'byor gyis mtshan mo zla ba la byas na nges pa kho nar rims kyis 'dzin par 'dir the tshom med do/ /bya rog gi lhag ma zhes bya ba ni bya
122a4 rog gis yongs su zos pa'i lhag ma yis so//bsad pa la 'khrul 'khor la che ge mo mA ra ya zhes smos la bri'o/ /bskrad pa la che ge mo uts+tsha ta zhes bya'o/ /dbye ba la che ge mo bi dwe Sha ya zhes bya'o/ /de dag la sogs pas las dang rjes su mthun par thams cad la rtogs par bya'o/ /
122a5 bsad pa la gshin rje'i lto bar gnas pa'i me'i dkyil 'khor du 'khor lo bri'o/ /dgar ba la ni rnga mo'i rgyab tu gnas pa'i rlung gi dkyil 'khor la'o/ /dran pa zhes bya ba ni man ngag gis yi ge ha'o/ /zla ba phyed pa dang thig le dang / dbyangs yig drug pas brgyan pa yin par khong du chud par
122a6 bya'o//rengs pa la ri rab zur brgyad pas nye bar mdzes pa'i dbus so/ /dbang du bya ba la bud med kyi chos kyi 'byung gnas kyi nang du'o/ /dgug pa la rkang pa brgyad pa'i seng ge'i rgyab tu'o/ /zhi ba la zla ba'o/ /rgyas pa la zla ba ser po'o/ /dbye ba la ma he dang rta'i snying gar ro/ /lkugs par
122a7 bya ba la ra'i snying gar ro//de dag la sogs pa'i gnas rnams su las dang rjes su mthun par bri bar bya'o/ /zhi bar bya ba'i phyir 'khor lo dbyi ba la/ dang por mtha'i yi ge ya/ /dbyi byin dang ni gnyi ga dang / phyis nas dbus kyi yi ge ya/ /yi ge lhag ma ci bde bar/ /'di ni rnal
122b1 'byor gyi rgyud rdo rje 'jigs byed las rtog pa gnyis pa'i bshad pa'o// //rtog pa gnyis pa gsungs pa'i dgongs pa de nyid sngags med par 'grub par mi 'gyur bas sngags la the tshom med par bya ba'i don du/ de nas zhes bya ba la sogs pa sngags btu ba'i rtog pa gsungs pa/ de nas zhes bya ba
122b2 la sogs pa ni go sla'o//ya yig phra ma zhes byar 'gyur/ /k+She yig gti mug tu brjod do/ /yi ge ma ni phra mar grags/ /me ni 'dod chags dgra gsod pa'o/ /phrag dog ngo bo da yig 'gyur/ /yats+tsha tho ba dbyug pa nyid/ /ni yig lag ni pad+ma ste/ /rA yig ral gri bsgreng ba'o/ /dza yig lha mo
122b3 tsArtsi kA/phag mo yang ni sa yig nyid/ /do yig dbyangs can ma ru grags/ /ru yig rang bzhin go rI nyid/ /Na yo ni ra'i rang bzhin yang / /thod pa'i dus ni 'jigs byed rnams/ /yi ge bcu bdun gyis de dag /lha bcu bdun gyi rang bzhin du rnam par bsgoms la/ rang gi snying ga'i sa bon
122b4 gyi 'od zer rnams kyis gshin rje dgra lha bcu bdun gyi bdag nyid kyi ye shes kyi dkyil 'khor spyan drangs la mdun du rnam par bzhugs su gsol la/mchod yon la sogs pa phul nas sngar bris pa'i 'khor lo la tho ba la sogs pa'i rab tu sbyor bas bcug la/ de nas las dang rjes su mthun
122b5 par gsungs pa'i rim pas bdag nyid rnam par bsgoms la/sngags yongs su bzlas te las rab tu bsgrub par bya'o/ /rnal 'byor gyi rgyud rdo rje 'jigs byed las rtog pa gsum pa'i bshad pa'o// //de dag bstan pa'i dgos pa ni lha'i dmigs pa med par 'grub par mi 'gyur bas
122b6 lha'i dmigs pa'i don du de nas zhes bya ba la sogs pa sgrub thabs kyi rtog pa gsungs pa/de nas zhes bya ba ni sngas btu ba'i de ma thag tu'o/ /rdo rje 'jigs byed sgrub pa'i thabs zhes bya ba ni rdo rje 'jigs byed du thabs gang gis sgrub par byed/ bdag nyid du 'gyur par byed pa ni de'i sgrub thabs
122b7 so//yang dag rab bshad bya zhes bya ba la yang dag pa'i don ni 'dir bla ma'i man ngag gis bshad par bya'o/ /de la man ngag ni 'di yin te/ chos thams cad bdag med pa sngon du song bas lha'i gzugs su byas te zhes bya ba ni phyi nas rtogs par bya'o/ /dang por re zhig ces bya ba ni dang por ro/ /
123a1 de la dgongs pa 'di yin te dang por re zhig sngags pas skye bo 'ga' zhig la brten nas stan bde ba la 'dug ste/ bdud rtsi lnga la sogs pa'i ri lu khar bcug la rnal 'byor pa gcer bu gtsug phud bshig pa/ kha lhor mngon par phyogs pa ste/ de nas rang gi snying gar nyi ma
123a2 la gnas pa'i sa bon gyi 'od rnams kyis phyogs bcu'i 'jig rten gyi khams mngon par khyab ste/sangs rgyas dang byang chub sems dpa' dang / khro bo la sogs pa'i lha tshogs spyan drangs te/ mdun gyi nam mkha'i phyogs su bzhugs su gsol la/ de nas snying ga'i sa bon gyi 'od zer las byung ba'i
123a3 rdo rje tsArtsi kA la sogs pa'i lha mo bzhis mchod pa'i yo byad sna tshogs lag pa'i pad+ma lta bu gzung ba rnams kyis legs par mchod do//sdig pa bshags pa la sogs pa dang / gshegs su gsol ba byas nas/ de dag thams cad bsgoms la chos thams cad bdag med pa zhes bya ba'i tshig
123a4 gis tshangs pa'i gnas bzhi bsgoms pa mtshon pa'o//de la sems can thams cad la bu gcig pa ltar sdug pa'i mtshan nyid ni byams pa'o/ /sdug bsngal dang sdug bsngal gyi rgyu las yang dag par 'don pa'i snying rje dang / bde ba brtan pa nyid kyis dga' ba dang / gzung ba dang 'dzin pa'i rnam par
123a5 rtog pa thams cad la btang snyoms su byed pa'i phyir btang snyoms so//de nas thams cad rten cing 'brel bar 'byung ba dang / mu bzhi dang bral bar rnam par bltas la/ oM shU n+ya tA dz+nyA na badzra swa b+hA wa At+ma kou0f85haM/ zhes bya ba'i sngags brjod la sngags kyi don mngon du byed cing bdag nyid khams gsum l
123a6 a snang ba med par byas nas/de nas smon lam gyi stobs las bar snang la yi ge aHdmar po las byung ba'i nyi ma'i steng du hUM gi 'od zer lnga 'phro ba can no/ de yongs su gyur pa las sna tshogs rdo rje/ de yongs su gyur pa las rdo rje ra ba dang gur dang / bla re dang / sa gzhi bsgoms par bya'o/ /de
123a7 dag thams cad bsgoms la yang /yi ge yaM las rlung gi dkyil 'khor zhes bya ba ni rjes su nga ro dang bcas pas so/ /d+hIHlas zhes bya ba ni d+hIHser po las so/ /'jam pa'i rdo rje zhes bya ba ni mgon po zhal gcig phyag gnyis pa phyag na ral gri dang glegs bam can/ rdo rje'i skyil mo krung gi
123b1 sbyor bas rgyu'i rdo rje 'dzin pa'i bdag nyid can no//rgyud dang rgyud du gsungs pa'i rim pas 'bras bu rdo rje 'chang gi ngo bor bdag nyid dur khrod brgyad kyis brgyan par bskyed la srid pa dang zhi ba gnyis su med pa'i nga rgyal med cing / oM swa b+hA wa shud+d+haHsarba d+harmAHswa b+hA wa shud+d+hou0f85haM/ zhes bya ba'i sngags b
123b2 rjod par bya'o//de nas mig la sogs pa byin gyis brlab par bya'o/ /dbang bskur mi bskyod rgyas gdab pa/ /dbang po rtsa ba'i spyi bor bsgom/ /sgeg pa la sogs ro dang ldan/ /khro bo gzugs ni phyi rol las/ /rang gi snying ga'i sa bon gyi 'od zer las sna tshogs par bzhugs pa'i sangs
123b3 rgyas sras dang bcas pa rnams spyan drangs te mdun du bltas la/de rnams kyis rnam par 'phros pa'o/ /tsArtsi kA la sogs pa zla ba lta bu'i bum pa bdud rtsi lnga yis yongs su gang ba gzung ba de rnams kyis bkra shis kyi tshigs su bcad pa sngon du song bas bdag nyid la dbang bskur byed par bsams
123b4 nas/rang gi snying ga'i sa bon gyi 'od zer gyis ye shes sems dpa' spyan drangs la mdun du bzhugs su gsol to/ /mchod yon dang zhabs bsil la sogs pa phul nas/ oM mung+gar dzaHzhes bya ba'i sngags kyis bkug la/ oM daN+Da hUM zhes bya ba 'dis bcug cing / oM pad+ma paM/ zhes bya
123b5 ba 'dis bcing la/oM khaD+ga ho/ zhes bya ba 'dis dbang du bya ba'o/ /de nas rang gi snying ga'i sa bon las byung ba'i rdo rje tsArtsi kA la sogs pa rnams kyis mchod pa'i yo byad sna tshogs pa dag gis mkhas pas mchod par bya'o/ /de nas 'bar ba la sogs pa'i cho gas bsgrubs pa'i bdud rtsi las
123b6 lce rdo rje'i sbu gus drangs la bza' bar bya'o//bdag nyid de'i phyir sbyor ba nyid/ /bden min brdzun pa min pa nyid/ /lha yi rnam pa bsgom par bya/ /de nas rnam dag dran par bya/ /thod pas thod du byas pa zhes ba ni ye shes lnga'i rang bzhin yin pa'i phyir ro/ /'jigs su rung ba chen po zhes bya ba ni bdud
123b7 rnams sdangs par byed pa'i phyir ro//thod pa'i rgyan gyis brgyan pa zhes bya ba ni chos kyi dbyings nas bzhengs pa yin pa'i phyir ro/ /zhabs bcu drug ni stong pa nyid bcu drug rnam par dag pas so/ /gcer bu ni chos rnams kyi sgrib pa nyid grol bar byed pa'i phyir ro/ /mtshan ma 'greng ba ni bde ba chen
124a1 por rang bzhin gyis so//chos thams cad stong pa nyid so sor bzhag pa'i phyir g.yon brkyang ba'i gom pa'o/ /gtum pa khro ba yin pa'i phyir gsus pa che ba'o/ /skra gyen du brdzes pa ni mya ngan las 'das pa'i go 'phang ston pa'i phyir ro/ /phe ta'i sgra brjod pa ni sdang ba la sogs pa
124a2 rnams skrag par byed pa'i phyir ro//phyag sum cu rtsa bzhi ni byang chub kyi phyogs kyi chos sum cu rtsa bzhi rnam par dag pa'o/ /yang dag pa'i rtsol ba dang / yang dag pa'i dran pa dang / yang dag pa'i ting nge 'dzin dang / bcom ldan 'das nyid kyi sku gsung thugs kyi ngo bor bsdus pa'o/ /shin tu
124a3 mnyam par bzhag pas lus dang ngag dang yid ma yengs pas so//rtag tu zhes bya ba ni dus gsum du'o/ /de kho na nyid kyi sbyor ba zhes bya ba ni bsgom bya dang sgom pa po dang sgom pa rnams dmigs su med pa'o/ /gri gug ni ma rig pa gcod pa'o/ /b+hin+di pha la ni gzung ba dang 'dzin pa'i rnam par rtog
124a4 pa 'byed pa'o//gtun shing ni dran pa nyams pa 'joms pa'o/ /chu gri ni sdig pa gcod pa'o/ /rdo rje rtse gcig pa ni lus ngag gi nyes pa 'joms pa'o/ /sta re ni sems kyi mkhregs pa gcod pa'o/ /mdung ni lta ba ngan pa 'bigs pa'o/ /mda' ni kun du rtog pa'i zug rngu 'bigs par
124a5 byed pa'o//lcags kyu ni 'gugs par byed pa'i phyir ro/ /mtshon ka ta ni las kyi sgrib pa 'joms par byed pa'o/ /kha T+wAM ga ni byang chub sems kyi ngo bo'o/ /'khor lo ni chos kyi 'khor lo bskor ba'i phyir ro/ /rdo rje ni ro nyam par 'gyur ba ye shes lnga'i bdag nyid do/ /rdo rje tho ba ni ser
124a6 sna 'byed par byed pa'o//ral gri ni ral gri la sogs pa'i dngos grub ster ba'i phyir ro/ /mchog tu dga' bas sangs rgyas thams cad skul bar byed pa ni Da ma ru'o/ /khrag gis bkang ba'i thod pa ni dam tshig skyong bar byed pa'o/ /tshangs pa'i mgo bo ni snying rjes 'gro ba'i don mdzad pa'i
124a7 phyir ro//phub ni bdud las rgyal ba'i phyir ro/ /rkang pa ni sgom pa po la sangs rgyas kyi go 'phang ster ba'i phyir ro/ /zhags pa ni yang dag pa'i ye shes bcing bar byed pa'o/ /gzhu ni 'jig rten gsum las rgyal ba'i phyir ro/ /rgyu ma ni stong pa nyid du go bar byed pa'i phyir ro/ /dril bu ni shes
124b1 rab kyi pha rol tu phyin pa'i rang bzhin no//lag pa ni las thams cad byed pa'i phyir ro/ /dur khrod kyi ras ni chos thams cad bdag med pa la ma rig pa'i sgrib g.yogs 'joms par byed pa'o/ /gsal shing gis phug pa zhes bya ba ni dngos po thams cad stong pa nyid du phug pa yin no zhes rtogs par bya ba'i
124b2 phyir ro//me thab ces bya ba ni chos thams cad 'od gsal ba nyid mtshon par byed pa'o/ /tsa sha ka ni snying rje bdud rtsis bkang ba'o/ /sdigs mdzub ni bdud rnams la tho 'tsham par byed pa'i phyir ro/ /'phan rtse gsum pa ni lus dang ngag dang yid rnams kyi ngo bo gcig tu rtogs par byed pa'o/ /rlung gi ras ni chos thams
124b3 cad sgyu mar mtshon par byed pa'o//glang po che'i pags pa zhes bya ba ni gti mug glang po che'o/ /zhabs g.yas pa rnams su mi la sogs pa brgyad ni dngos grub chen po brgyad rnam par dag pa'o/ /zhabs g.yon pa rnams su bya rgod la sogs pa brgyad ni dbang phyug chen po brgyad rnam par dag pa'o/ /zhal
124b4 dgu ni yan lag dgu'i chos ston pas sems can yongs su smin par byed pas na'o//khams gsum pa rnams la bdag nyid yin pa'i phyir ma he'i zhal lo/ /bden pa gnyis rnam par dag pas rwa gnyis so/ /phyag rgya lnga zhes bya ba ni de bzhin gshegs pa'i lnga'i rang bzhin no/ /sangs rgyas kyi chos kyis
124b5 sems can rnams 'tshed par byed pas steng gi zhal dmar po khrag 'dzag pa'o//'jam dpal gyi sprul pa mtshon pa'i zhal dgu pa ser po'o/ /gzhon nu'i rgyan gyis brgyan pa ni gzhon nu'i ngo bo'i phyir ro/ /zur phud lnga'i thod can ni rnam pa lnga rnam par dag pas so/ /dus gsum du gzigs par byed pa'i phyir
124b6 spyan gsum mo//lha'i rnal 'byor la sogs pas de ltar bdag nyid rnam par bltas la/ ji srid yid ni mi skyo bar/ /de srid rnal 'byor pas sngags bzla/ /sngags kyi yi ge gang dag bzlas pa de dag rang gi snying gar nyi ma'i dkyil 'khor gyi steng du g.yas phyogs su bskor bas zlum po byas pa 'od zer dang bcas pa rnams
124b7 blta zhing //dbugs byung ba sgo'i bu ga nas byung ba spro ba'i sbyor bas 'gro ba'i don byas nas/ yang bsdus la dbugs rngub pa'i sna'i bug nas bcug la gnas pa'o zhes yang dang yang du ji srid mi skyo ba'i mthar thug par cho ga 'di nyid kyis bzlas par bya'o/ /de nas skyo na cho ga ji lta ba bzhin du gtor ma byin la ye shes
125a1 sems dpa' gshegs su gsol la lha'i rnal 'byor gyis gnas par bya'o//'di ni rnal 'byor gyi rgyud las rdo rje 'jigs byed bsgom pa'i rtog pa ste bzhi ba bshad pa'o// //lha'i bsgom pa de nyid gsal por bya ba'i don du de nas zhes bya ba la sogs pa ras ris kyi rtog pa gsungs pa/ de
125a2 nas zhes bya ba la sogs pa ni go sla'o//rnam par rtog pa med pa zhes bya ba ni de kho na nyid shes pa'o/ /ri mo mkhan bzang po zhes bya ba ni dam tshig bsten pa'o/ /gsang ba zhes bya ba ni ting nge 'dzin ma 'khrul ba'o/ /byang ba zhes bya ba ni ri mo'i las la'o/ /dpa' bo'i rim pa zhes bya ba ni chang dang sha la nye bar
125a3 rol cing dga' ba'i sems so//dung chen po phreng ba zhes bya ba ni dung chen po'i phreng ba ste de rnam par sbyang bar byas nas so/ /de la 'di ni rnam par sbyang ba'i man ngag ste ri lu so sor hUM las dpal rdo rje 'jig byed kyi rnam par bltas nas sam/ yang na khrag 'dzag pa'i mi mgo'i phreng ba'i rang bzhin du rnam par
125a4 bsgom la gsang sngags bzlas par bya'o zhes bya ba dang 'brel to//'di ni rdo rje 'jigs byed rnal 'byor gyi rgyud las rtog pa lnga pa'i bshad pa'o// //sbyin sreg la rab chags pa yi/ /sems can rnams la cho ga mdzad/ /las rnams thams cad rab bsgrub par/ /dpal ldan rdo rje sems
125a5 dpas bstan//sbyin sreg gi las kyi cho ga zhes bya ba ni go sla'o/ /gang gis bsad par 'dod na zhes bya ba ni gang gi tshe bsad par 'dod par te/ rnal 'byor pas de'i tshe dur khrod du song nas brtan por/ /rdo rje 'jigs byed kyi rnal 'byor gyis/ ro bsregs pa'i me la 'chad par 'gyur ba'i rim pas me
125a6 lha la sogs pa'i zhal du rdzas kyi sbyin sreg bya'o//yang na khyim du gnas la dben par byas la bcu bzhi la zur gsum dmar po/ sor nyi shu'i tshad/ sor lnga gnyis brkos la rdo rje'i phreng bas brgyan pa'i me thab dmar po byas nas 'dir dur khrod kyi me'am/ gdol pa'i me'i dbus su paM las
125a7 byung ba'i sna tshogs pad+ma'i dbus su/me gsum pa'i dbus raM las byung ba'i me lha kha dog dkar po zhal gsum pa phyag drug pa/ phyag g.yas na phreng ba dang / gzhan gyis mi 'jigs pa dang / g.yon pa dbyu gu gsum pa bsnams pa/ gzhan gyis ril ba spyi blugs bsnams pa/ gzhan
125b1 gyis gri gug dang thod pa bsnams pa'o//g.yon pa brkyang ba'i gom pas gnas pa/ /khro bo rgyan gyis brgyan pa/ de'i snying gar rang gi sa bon gnas/ de nas ye shes kyi me lha spyan drangs la/ mchod yon dang zhabs bsil la sogs pa phul nas/ dam tshig pa bcug la mchod pa la sogs
125b2 pa byas te/de'i zhal du yi ge raM bkod la cung zad dbul bar bya ste/ oM ag+na ye swA hA/ zhes bya ba ni sngags 'dis so/ /de'i snying gar rdo rje 'jigs byed bstan pa'i gzugs bstan pa'i rim pa bsams la/ mig la sogs pa byin gyis brlab pa sngon du 'gro bas ye shes sems dpa' spyan
125b3 drangs pa la sogs pa byas nas/mchod pa la sogs pa byas la de'i zhal du yi ge raM bkod la/ bdag nyid rdo rje 'jigs byed kha dog dang ldan pa'i rnal 'byor dang ldan pas sbyin rdzas sreg nas gsungs pa ltar 'gyur ro/ /bsad dang bskrad pa dang / dbye ba la sogs pa drag shul spyod pa'i las
125b4 rnams ni bcu bzhi la ma rungs pa'i sems kyis zhes bya ba ni khyad par ro//bsad pa'i me thab ji lta bar dbye ba'i yang ngo / /de nas bskrad par 'dod na zhes bya ba ni gang gi tshe bskrad par 'dod pa de'i tshe/ khru do'i tshad la khru gang tsam brkos la/ rdo rje'i phreng bas brgyan pa sngon po ste/ der gsungs pa yi
125b5 rim pa yis//thams cad las la sbyin sreg bya'o/ /de nas zhi bar 'dod na yang zhes bya ba ni/ yar ngo'i tshes gcig la khru gang ba'i tshad la khru phyed brus pa zlum po dkar po 'khor lo'i phreng bas brgyan pa'i me thab byas nas nad sogs zhi bar bya bar 'dod pas zhes bya ba ni zhi ba dge ba'i sems
125b6 kyis rdo rje 'jigs byed kha dog dkar po'i rnal 'byor gyis sngar bzhin du thams cad me thab byas la/gsungs pa'i rdzas kyis sbyin sreg byas na zhi bar 'gyur ro/ /de nas rgyas par 'dod na zhes bya ba ni de'i tshe zur bzhi pa'i ser po khru gnyis pa'i tshad la khru gang tsam brus pa rin po che'i phreng
125b7 bas bskor ba'i sbyin sreg gi thab tu sngar bzhin du thams cad byas la rdo rje 'jigs byed ser po'i rnal 'byor gyis kha byang du bltas te rgyas pa'i sems kyis zla ba nya la gsungs pa'i rdzas rnams kyis sbyin sreg byas na rgyas par 'gyur ro//yang na 'gugs par 'dod na zhes bya ba ni gang gi tshe
126a1 'gugs par 'dod pa de'i tshe/brgyad la sngar bzhin du thab khung byas la sngar bzhin du thams cad byas nas der rdo rje 'jigs byed kha dog dmar po'i rnal 'byor gyis chags pa'i sems kyis kha nub tu bltas la gsungs pa'i rdzas rnams kyis sbyin sreg byas na 'gugs par 'gyur ro/ /
126a2 'gugs pa ji lta ba de bzhin dbang la yang ngo / /'di ni rnal 'byor gyi rgyud rdo rje 'jigs byed las rtog pa drug pa'i bshad pa'o// //rtag tu sngags pas bsam gtan bstan/ /gsang sngags bzlas pas dub gyur pa/ /de la phan phyir kun mkhyen gyis/ /rtog pa bdun pa gsungs pa yin/ /de la
126a3 zhes bya ba la sogs pa go sla'o//bye brag ni 'di kho na ste/ gal te sngags pas gsod par byed na/ rang nyid rdo rje 'jigs byed rnal 'byor ba dmigs nas/ rang gi snying gar nyi ma la gnas pa'i sa bon las nges par 'byung ba'i khro bo'i tshogs du mas bskor ba'i sprul pa'i gzugs kyis song nas/ bsgrub bya'i
126a4 snying gar song ste/bsgrub bya'i snying gar bzhugs nas/ de byin gyis rlob par byed pa'o/ /lha legs par mchod de gsol ba gdab par bya'o/ /'di ni rnam pa 'di lta bu'i las bgyid pa/ des pa kho nar dmyal bar 'chi ba lags kyis/ de bas 'di yongs su bor la khyed cag gshegs shig /
126a5 des na de dag bsrung ba dang bcas pa rang gi gnas su bkug nas mchod yon la sogs pa phul la/ rang gi zhal gyi lam nas bcug la snying ga'i sa bon gyis sbyar ba dang legs par mnyes par byas la gzhag par bya'o/ /bsrung ba'i lha bzung nas nam mkha' la dong ngo / /de nas bsgrub bya'i lus
126a6 stong par bltas la las de dag bya'o//dpag tshad brgyar gnas pa'i skyes bu yang bzung ste zhes pa ni/ na tshod dang mdog dang mtshan ma dang / gzugs dang ming rnams shes par byas la/ bsam gtan brtsam mo zhes bya bar 'brel to/ /lag na lcags kyu dang zhags pa 'dzin pa zhes bya ba ni
126a7 lcags kyu zhags pa 'dzin pa'o//gshin rje gzugs can zhes bya ba ni pad+ma gshin rje gshed kyi gzugs zhal gcig pa phyag gnyis pa'o/ /ma he'i gdong gi sbyor ba zhes pa ni ma he'i zhal gyi rnal 'byor dang ldan pas so/ /pad+ma 'dab ma brgyad pa zhes bya ba ni dkar po'o/ /de'i ze 'bru hrIHyi
126b1 sa bon bdud rtsi 'dzag pa'o//de'i 'dab ma brgyad la i dkar po brgyad do/ /spyi bor a las bya ba ni yi ge a yongs su gyur ba las zla ba'i dkyil 'khor la gnas pa'i yi ge a las bya bar 'brel to/ /'di ni rnal 'byor gyi rgyud las dpal rdo rje 'jigs byed las rtog pa bdun pa'i bshad
126b2 pa'o// //rdo rje 'jigs byed rgyud la ni/ /mdor bshad gsal po byas pa las/ /bsod nams thob pa gang yin pas/ /de yis 'gro ba rgyal bar shog /dpal rdo rje 'jigs byed kyi rgyud kyi mdor bshad pa/ slob dpon so na shrIs mdzad pa rdzogs so// //mkhas pa chen po ta thA ga
ta'i zhal nas brgyud pa'o/