CLOSE WINDOW

D1968
བོད་ཡིག

/de nas tshogs la rol lo/ /de'i bar du gleng mo dang / 'thab rtsod dang / dri bar mi bya'o/ /'gro na phyag gsum btsal la zhus la 'gro'o/ /de nas lhag gtor gtang ngo / /lag pa'i mchod pa dA na shI las bsgyur ba rdzogs so/ /[ ]@##/ /rgya gar skad du/ kr-iSh+Na ya mA ri maN+Dal stu te nA ma/bod skad du/ gshin rje gshed nag po'i dkyil 'khor gyi bstod pa zhes bya ba/ bcom ldan 'das gshin rje'i gshed nag po la phyag 'tshal lo/ /tsArtsi kA sogs byams sogs pas/ /'khor lo'i gtso bo skul bar byed/ /rdo rje glu yi ngo nyid du/ /phun tshogs nyams 'bral mthong nas ni//khu ba'i gzugs ni yongs gyur nas/ /maM sngon nyi ma las byung ba/ /mi bzad khro bcas mdog sngon po/ /rus pa'i rgyan gyis rnam par brgyan/ /rwa rno 'bar zhing spu re skya/ /rmig pas brko zhing 'jigs sbyin pas/ /ma he yi ni rgyab gnas pa/ /rdo rje sngon po 'od dang bcas//sa bon bcas pa dang nyid kyis/ /ma lus dus ni 'jigs byas nas/ /bdag nyid la ni yang dag bsdus/ /'jigs chen po yang 'jigs par byed/ /ma he rdo rje'i rnal 'byor te/ /rnam shes phung po rnam dag las/ /dkyil 'khor gtso bo gshin rje gshed/ / 'jig rten gsum gyi bdud kyi 'khor/ /'od zer drag po spros pas skrod/ /drag po mun 'dra'i gzugs drag po/ /'gro ba kun gyi nyon mongs pa'i/ /dri ma bsdus pas nag po nyid/ /rtag pa'i 'khor ba mya ngan 'das/ /gshin rje des 'dul gshin rje gshed/ /zhi bas mi 'dul des 'dul bas//des na khro bo chen po'o/ /lce 'dril ba la 'od 'byin pa/ /mche ba shin tu gtsigs pa ste/ /smin ma sma ra mgo skyes ser/ /g.yon brkyang ba yi gnas pa yis/ /'jig rten dran pa med par byed/ /rnam par thar pa'i sgo gsum nyid/ /rnam par dag pas zhal gsum ste/ / rtsa ba'i zhal ni nag po che/ /g.yas pa zla ba'i 'od dang ldan/ /g.yon pa khrag dang rab tu 'dra/ /rdo rje'i rgyan gyis rnam par brgyan/ /thung zhing gsus pa 'phyang la sbom/ /mgo bo'i phreng bas rnam par brgyan/ /pha rol phyin drug yongs su ni/ /rdzogs par bsgoms pas phyag drug ste/ /sems can dag ni thams cad kyi//ji snyed sdig pa yi ni las/ /de gcod gri gug g.yas pas bsnams/ /bde ba skyong ba nyid kyi ni/ /g.yon gyi phyag na thod pa bsnams/ /tshogs gnyis rdzogs pa nyid kyi ni/ /nyid mtshungs shes rab kyis 'khyud cing / /bde bar 'khyud cing gzhan don 'dod/ / lhan cig skyes pa'i ngo bo nyid/ /g.yas pa'i phyag gi lhag ma la/ /rdo rjes ser sna la sogs 'joms/ /nyon mongs dgra rnams rnam 'joms pas/ /ral gri 'bar ba bsnams pa ste/ /g.yon pa'i phyag gi lhag ma la/ /gtub cing sbyong ba'i 'khor lo dang / /skyon gyis ma gos chu skyes bsnams//zhe sdang nyon mongs 'joms mdzad pas/ /sbrul gyi dbang pos rgyan du byas/ /klu rgyal sngon po dga' bo yis/ /skra bcings shin tu 'jigs par byed/ /tak+Sha ka klu dmar po yis/ /rna cha gdub skor byas pas 'jigs/ /rigs ldan khra bos dpung rgyan te/ /dung skyong zhes pa'i klu de ni//ser po lag pa'i gdu bur byas/ /pad+ma dkar pos do shal byas/ /karko Ta ni ljang gu ste/ /se ral kha ru byas pas mdzes/ /bdud rtsi mdog dang 'dra ba'i klu/ /nor rgyas bus ni ska rags byas/ /pad+ma zla ba ltar dkar mdog /pad+ma chen po rkang gdub yin/ /kun kyang phuT sgra drag po sgrogs//lce gnyis mche ba'i phreng ba can/ /chos sku'i rang bzhin nyid phyir du/ /longs spyod rdzogs dang sprul pa yis/ /gzugs su mdzad pa'i rang bzhin te/ /chos dbyings ye shes rang bzhin gyis/ /zhe sdang 'joms mdzad phyag 'tshal bstod/ /shar du k+She dang 'khor lo las//gzugs kyi phung po rnam dag pas/ /rtag pa phyag drug dkar po ste/ /rtsa ba'i zhal ni dkar po la/ /g.yas pa gnag cing g.yon pa dmar/ /g.yas pa 'khor lo ral gri phyag /g.yon pa rin chen chu skyes 'dzin/ /zla ba'i dkyil 'khor mnyam par gnon//me long lta bu'i ye shes kyis/ /gti mug 'joms mdzad phyag 'tshal bstod/ /lho ru ma dang rin chen las/ /tshor ba'i phung po rnam dag pas/ /byung ba phra ma gshin rje gshed/ /btso ma gser gyi mdog 'dra ma/ /rtsa ba'i zhal ni ser po ste/ /g.yas pa gnag cing g.yon pa dkar//g.yas na rin chen ral gri bsnams/ /g.yon na 'khor lo chu skyes nyid/ /mnyam pa nyid kyi ye shes kyis/ /phra ma 'joms mdzad phyag 'tshal bstod/ /me dang pad+ma las byung ba/ /nub tu 'dod chags rdo rje can/ /'du shes phung po rnam dag nyid/ /pad+ma rA ga 'dra ba'i 'od//rtsa ba'i zhal ni dmar la gdangs/ /g.yas pa gnag cing g.yon pa dkar/ /g.yas na pad+ma ral gri bsnams/ /phyag g.yon rin chen 'khor lo ste/ /so sor rtog pa'i ye shes kyis/ /'dod chags 'joms mdzad phyag 'tshal bstod/ /da dang ral gri las byung ba/ /'du byed phung po rnam dag pas//byang du phrag dog gshin rje gshed/ /margad ut+pal lta bu'i 'od/ /rtsa ba'i zhal ni ljang gu ste/ /g.yas pa gnag cing g.yon pa dkar/ /g.yas na ral gri 'khor lo bsnams/ /mdzes pa'i nor bu pad+ma las/ /bya ba nan tan ye shes kyis/ /phrag dog 'joms mdzad phyag 'tshal bstod//khro bo'i gzugs can thams cad kyang / /zhe sdang gshin rje'i mtshan nyid mtshungs/ /de dag pa yi phyag gnyis la/ /gri gug dang ni thod pa bsnams/ /rang gi shes rab lus dag dang / /bde ba'i dngos po gnyis med rol/ /nyi ma'i dkyil 'khor mnyam par gnon//rdo rje rtsibs kyi rtsar bzhugs shing / /mya ngan 'das pa'i mtha' 'joms shing / /sems can don mdzad phyag 'tshal bstod/ /shar sgor ya dang tho ba las/ /byung ba sngon po'i gzugs can te/ /'jig tshogs lta ba rnam dag nyid/ /g.yas dkar g.yon dmar dbus sngon zhal//g.yas na tho ba ral gri 'dzin/ /nor bu mchog dang pad+ma g.yon/ /tho ba zhe sdang gshin rje gshed/ /brtson 'grus stobs kyi rang bzhin gyis/ /phung po'i bdud 'joms phyag 'tshal bstod/ /tsa dang dbyug pa las byung lhor/ /dbyug pa gshin rje gshed mdog dkar/ /mthar 'dzin lta ba rnam dag nyid//g.yas sngo g.yon dmar dbus dkar zhal/ /g.yas na dbyug pa ral gri bsnams/ /chu skyes 'khor lo g.yon gyi phyag/ /dbang po'i stobs kyi rang bzhin gyis/ /nyon mongs bdud 'joms phyag 'tshal bstod/ /ni dang pad+ma las byung nub/ /pad+ma gshin rje gshed nyid ni//log par lta ba rnam dag nyid/ /g.yas gnag g.yon dkar dbus zhal dmar/ /g.yas na pad+ma ral gri bsnams/ /phyag g.yon rin chen 'khor lo ste/ /dran pa'i stobs kyi rang bzhin gyis/ /'chi bdag bdud 'joms phyag 'tshal bstod/ /ra dang ral gri las byung ba//byang du ral gri gshin rje gshed/ /lta ba mchog 'dzin rnam dag nyid/ /g.yas gnag g.yon dkar dbus ljang zhal/ /g.yas na ral gri 'khor lo bsnams/ /mdzes pa'i nor bu pad+ma g.yon/ /ting 'dzin stobs kyi rang bzhin gyis/ /lha yi bdud 'joms phyag 'tshal bstod//kun kyang sbrul gyis rnam par brgyan/ /rnam 'jigs dgod pas 'jigs byed pa/ /skra ni 'bar ba gyen du 'greng / /bskal ba'i me ltar 'bar zhing 'phro/ /nyi ma'i dkyil 'khor la gnas pa/ /mche ba gtsigs shing 'jigs pa'i zhal/ /gri gug thod pa 'dzin par mdzad/ / 'khor ba brtags pa'i mtha' 'joms shing / /mi gnas sgrol mdzad phyag 'tshal bstod/ /sna tshogs rdo rje'i mtshams bzhi ru/ /lha mo zla ba'i gdan la bzhugs/ /shar lhor dza dang 'khor lo las/ /lha mo rdo rje tsA rtsi kA/ /sa khams rnam dag thabs kyi bdag /sgeg mo dkar mo cher khro ma//gti mug gshin rje gshed dang mtshungs/ /byams pa chen po'i ngo bo yis/ /nyon mongs sgrib 'joms phyag 'tshal bstod/ /de bzhin lho ru sa dang ni/ /rdo rje las byung rdo rje phag /chu khams rnam dag stobs kyi bdag /khro zhing phag gi gdong pa can/ /zhe sdang gshin rje gshed dang mtshungs//snying rje chen po'i ngo bo yis/ /las kyi sgrib 'joms phyag 'tshal bstod/ /nub dang byang gi mtshams su ni/ /do skyes gtso mo rab tu dmar/ /me khams rnam dag smon lam bdag /rab tu zhi ba'i dbyangs can ma/ /'dod chags gshin rje gshed dang mtshungs//dga' ba chen po'i ngo bo yis/ /shes bya'i sgrib 'joms phyag 'tshal bstod/ /byang dang shar gyi mtshams su ni/ /ru skyes gau rI ljang gu ma/ /rlung khams rnam dag ye shes bdag /'jigs byed phrag dog gshin rje gshed/ /gzugs dang mtshan ma mchog tu 'dzin//btang snyoms chen po'i ngo bo yis/ /skye ba'i sgrib 'joms phyag 'tshal bstod/ /mtha' gnyis rab tu sgrol mdzad de/ /rang rig gtso la phan 'dogs shing / /thabs dang shes rab dbyer med bdag /lha mo'i tshogs la phyag 'tshal bstod/ /mtshams bzhir Na yo ni ra las//phyi rol gzugs rdzogs rnam dag las/ /dkyil 'khor du ni thod pa gnas/ /chos dbyings kun du 'gro ba'i phyir/ /bdud rtsi rnam pa lnga yis bkang / /de ltar mi mthun tshogs bcom nas/ /rab tu rgyal ba'i rtags mtshan nyid/ /thod pa bzhi yi ngo bo ste/ /bde ba chen po phyag 'tshal bstod//bsod nams ye shes chen po las byung sku gsung ye shes lngar ldan 'jigs gzugs la/ /bdag nyid dad pa'i mthu yis sku yi yon tan tsam mthong dad pa'i dbyangs kyis bstod pa yis/ /khams gsum 'khor ba'i rgya mtshor dong rnams rnam rtog rlung gis phyogs bcur g.yengs pas sdug bsngal rnams//skye rgas na 'chi spangs nas 'khor ba'i rgya mtsho las rgal bla med byang chub thob par shog /slob dpon dpal 'dzin gyi dgongs pa nye bar bsdus pa las/ /gshin rje gshed nag po'i dkyil 'khor gyi bstod pa/ A tsAr+ya kI rti'i zhal snga nas mdzad pa rdzogs so/