CLOSE WINDOW

D1963
བོད་ཡིག

/[ ]@##/ /rgya gar skad du/ k+Shi ra sA d+ha na/ bod skad du/ 'o ma sgrub pa'i thabs/ dpal rdo rje sems dpa' la phyag 'tshal lo/ /rgyal mtshan ngos ldan de nas blta/ /de la 'o ma rab tu sgrub/ /'o ma goms pa'i sems nyid kyis/ /phyag rgya chen po rab tu bsgrub//rdo rje phag mo la sogs pa rigs su byung ba'i bud med phyi dang nang gi yon tan gyis brgyan pa/ rnal 'byor pa ye shes cung zad dbang bas bzung ste/ /legs par bkrus shing dri zhim pos byugs la rgyan ma lus pas brgyan te/ de nas bdag med pa sngon du song bas/ sa bon gyi yi ge sa dang rdo rje las byung ba'i rdo rje phag mor bsams te//bdag nyid kyang rdo rje sems dpar bya'o/ /de nas rang gi phyag rgya'i lus la dkyil 'khor lnga bsgoms te/ /de'i gsang ba'i b+ha ga hrIHlas pad+ma 'dab ma brgyad pa'o/ /lte ba bruM las mu tig lta bu'o/ /bdag nyid kyi gsang ba yang hUM las rtse lnga pa'o//nor bu'i yi ge oM las so/ /yi ge phaT ser po bu gar ro/ /de nas oM sarba ta thA ga ta a nu rA ga Na badzra swa b+hA wa At+ma kou0f85haM/ zhes pas snyoms par 'jug ste/ sen mos gdab pa byas la/ myos byed kyi lag pas yang dang yang du brud cing lce rtse'i thur mas yang yang / de n as sa gsum gyi dbang phyug ma rgyas pa nas sngar bshad pa'i sngags kyis snyoms par zhugs te/dal bus dal bus bskyod pa na 'o ma 'bab par 'gyur ro/ /babs pa na yi ge phaT kyis bsdams te/ snang ba med pa la 'jug par bya'o/ /de ltar yang dang yang 'o ma 'bab pa goms pas ni//skad cig la bab pa na snang ba med pa la skad cig la 'jug pa/ de'i tshe phyag rgya chen po'i dngos grub thob par 'gyur te/ ji ltar dpal mkha' 'gro ma rdo rje dra ba'i rtog pa las gsungs pa/ chu rgyus dra ba dang bcas shing / /yan lag kun ldan bu ga can/ /lus de med par snang gyur pa/ / de yi skad cig de la ni/ /dgyes pa'i rdo rje'i sku 'dzin 'gyur/ /zhes so/ /'di dgyes pa'i rdo rje ni mtshan pa ste/ /phyag rgya chen po grub pa'i tshul thams cad 'di ltar man ngag las shes so/ /don 'di nyid dpal gsang ba 'dus pa la sogs pas kyang gsungs te/ rdo rje nyi ma nub pa na/ / sgrub pa kun du brtsam par bya/ /skya rengs 'char ba'i dus dag tu/ /'grub 'gyur 'di la the tshom med/ /ces pa dang / sor mo dang ni lce'i thur mas/ /yang nas yang du cung zad bskul/ /rtsa ni rnam par rgyas 'gyur te/ /mchog gcig pu ni 'byung bar 'gyur/ /sngags pas bar chad med par ni//sra ba cung zad cung zad bskul/ /nor bur gnas pa yid las byung / /yi ge phaT kyis bsdam par bya/ /byang chub sems ni ma shor na/ /bde ba dam pa skye ba ste/ /de yi rang bzhin spros pa yis/ /mi lus chad pa med par snang / /khyab cing zhi la bde ba yis//go 'phang dam pa nges par thob/ /byang chub sems ni shi ba ni/ /brgyal bas 'dir ni thob ma yin/ /zhes so/ /'di lta bu'i bya ba ni rnal 'byor pa lam rnam pa gnyis las/ pho nya'i lam la dga' ba/ de nyid kyi gsung dang thugs la dbang thob pa/ las dang po pa'i sa las 'das pa/ye shes la dbang thob pa dang / ye shes la yang dag par dbang thob pa ma yin pa/ ye shes la cung zad dbang bas spyad par bya'o/ /de las gzhan pa ni ma yin te/ las dang po pa ni des nyams la/ gsum pa dang bzhi pa ni de mi 'bad pa'i phyir ro/ /dpal kr-iSh+Na ya mA ri'i rgyud las/